असुर्या नाम ते लोका अन्धेन तमसावृताः | तांस्ते प्रेत्याभिगच्छन्ति ये के चात्महनो जनाः || Iस्Uप्_३ ||

असुर्याः परमात्मभावमद्वयमपेक्ष्य देवादयो ऽप्यसुरास्तेषाञ्च स्वभूता लोका असुर्या नाम / नामशब्दो ऽनर्थको निपातः / ते लोकाः कर्मफलानि / लोक्यन्ते दृश्यन्ते भुज्यन्त इति जन्मानि / अन्धेनादर्शनात्मकेनाज्ञानेन तमसावृता आच्छादिताः तांस्थावरान्तान्प्रेत्य त्यक्त्वेमं देहमभिगच्छन्ति यथाकर्म यथाश्रुतम् /

आत्मानं घ्नन्तीत्यात्महनाः / के ते जनाः ये ऽविद्वांसः / कथं त आत्मानं नित्यं हिंसन्ति / अविद्यादोषेण विद्यमानस्यात्मनः तिरस्करणात् विद्यमानस्य आत्मनो यत्कार्यं फलमजरामरत्वादिसंवेदनलक्षणं तद्धतस्येव तिरोभूतं भवतीति प्राकृताविद्वांसो जनाः जनाः आत्महन उच्यन्ते / तेन ह्यात्महननदोषेण संसरन्ति ते //Iस्Uप्Bह्_३//

यस्यात्मनो हननादविद्वांसः संसरन्ति तद्विपर्ययेण विद्वांसो जना मुच्यन्ते ते नात्महनः तत् कीघ्शमात्मतच्वमित्युच्यते--