हिरण्मयेन पात्रेण सत्यस्यापिहितं मुखम् / तत् त्वं पूषन्न् अपावृणु सत्यधर्माय दृष्टये || Iस्Uप्_१५ ||

हिरण्मयमिव हिरण्मयं ज्योतिर्मयमित्येतत् / तेन पात्रेणेव अपिधानभूतेन सत्यस्यैवादित्यमण्डलस्थस्य ब्राह्मणो ऽपिहितम् आच्छादितं मुखं द्वारम् / तत्त्वं हे पूषन्नपावृण्वपसारय सत्यस्य उपासनात्सत्यं धर्मो यस्य मम सो ऽहं सत्यधर्मा तस्मै मह्यमथवा यथाभूतस्य धर्मस्यानुष्ठात्रे दृष्टये तव सत्यात्मन उपलब्धये //Iस्Uप्Bह्_१५//