विद्यां चाविद्यां च यस् तद् वेदोभयं सह | अविद्यया मृत्युं तीर्त्वा विद्ययामृतम् अश्नुते || Iस्Uप्_११ ||

यत एवमतो विद्यां चाविद्यां च देवताज्ञानं कर्म चेत्यर्थः / यस्तदेतदुभयं सहैकेन पुरुषेण अनुष्ठेयं वेद तस्यैवं समुच्चयकारिण एव एकपुरुषार्थसम्बन्धः क्रमेण स्यादित्युच्यते /

अविद्यया कर्मणा अग्निहोत्रादिना मृत्युं स्वाभाविकं कर्म ज्ञानं च मृत्युशब्दवाच्यमुभयं तीर्त्वा अतिक्रम्य विद्यया देवताज्ञानेनामृतं देवतात्मभावमश्नुते प्राप्नोति / तद्ध्यमृतमुच्यते यद्देवतात्मगमनम् //Iस्Uप्Bह्_११//

अधुना व्याकृताव्याकृतोपासनयोः समुच्चिचीषया प्रत्येकं निन्दोच्यते /