EN
The Blessed One then said this to the bodhisattva Prāmodyarāja: “Prāmodyarāja, in this way you must devote yourself to generosity and make offerings to the Dharma. Prāmodyarāja, long ago, many incalculable eons in the past, there was a thus-gone one, a worthy one, a complete and perfect buddha known as Golden Beauty, King of the Splendid Light of Ascertainment. His lifespan was unfathomable, the features of his buddhafield were infinite, and his retinue was beyond count.
BO
ལེགས་པར་གསུངས་པའི་ཚིག་གཅིག་ཙམ་གྱི་ཆེད་དུ་སྡུག་བསྔལ་དང་དུ་ལེན་པ་གང་ཡིན་པ་དེ་ནི་ཐོས་པ་འཛིན་པའི་བཟོད་པའི་ཕ་རོལ་ཏུ་ཕྱིན་པ་སྟེ། བྱང་ཆུབ་སེམས་ དཔའ་བྲམ་ཟེར་གྱུར་པ་ན་སྐྱེས་པའི་རབས་ཁོང་དུ་ཆུད་པར་བྱ་བའི་དོན་དུ་གདོལ་པ་ལས་མཉན་པའི་ཕྱིར། ལོ་བཅུ་གཉིས་སུ་བཀུར་སྟི་བྱེད་པ་གང་ཡིན་པ་དེ་ནི་ཐོས་པ་འཛིན་པའི་བཟོད་པའི་ཕ་རོལ་ཏུ་ཕྱིན་པའོ། ། ངེས་པར་འབྱུང་བ་ལ་དམིགས་པའི་བརྩོན་འགྲུས་གང་ཡིན་པ་ དེ་ནི་ཐོས་པ་འཛིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། ། སེམས་མི་རྟག་པ་ལ་དམིགས་པ་གང་ཡིན་པ་དེ་ནི་ཐོས་པ་འཛིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། ། སློབ་དཔོན་གྱི་དཔེ་མཁྱུད་མེད་པས་མཛའ་བ་དང་མི་མཛའ་བ་རྣམས་ཡང་དག་པའི་དགེ་བ་ལ་སྦྱོར་དུ་ འཇུག་པ་གང་ཡིན་པ་དེ་ནི་ཐོས་པ་འཛིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཐོས་པ་འཛིན་པའི་ཕ་རོལ་ཏུ་ཕྱིན་པ་དྲུག་གོ། ། དེ་ལ་འཁོར་བར་ཡུན་རིང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་སྐྱེ་བའི་ཆོས་ལ་བཟོད་པར་ཡོངས་སུ་བསྔོས་པའི་སྦྱིན་པ་ གང་ཡིན་པ་དེ་ནི་འཁོར་བར་ཡུན་རིང་བར་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ།