अथातः पशुपतेः पाशुपतं योगविधिं व्याख्यास्यामः //

अथातः पशुपतेः पाशुपतं योग-विधिं व्याख्यास्यामः //

भस्मना त्रिषवणं स्नायीत //

भस्मना त्रिषवणं स्नायीत //

भस्मनि शयीत //

भस्मनि शयीत //

अनुस्नानं //

अनुस्नानं //

निर्माल्यं //

निर्माल्यं //

लिङ्गधारी //

लिङ्ग-धारी //

आयतनवासी //

आयतन-वासी //

हसितगीतनृत्तदुंदुंकारनमस्कारजप्योपहारेणोपतिष्ठेत् //

हसित-गीत-नृत्त-दुंदुं-कार-नमस्कार-जप्य-उपहारेण उपतिष्ठेत् //

महादेवस्य दक्षिणामूर्तेः //

महा-देवस्य दक्षिणा-मूर्तेः //

एकवासाः //

एक-वासाः //

अवासा वा //

अवासा वा //

मूत्रपुरीषं नावेक्षेत् //

मूत्र-पुरीषं न अवेक्षेत् //

स्त्रीशूद्रं नाभिभाषेत् //

स्त्री-शूद्रं न अभिभाषेत् //

यद्य् अवेक्षेद् यद्य् अभिभाषेत् //

यद्य् अवेक्षेद् यद्य् अभिभाषेत् //

उपस्पृश्य //

उपस्पृश्य //

प्राणायामं कृत्वा //

प्राण-आयामं कृत्वा //

रौद्रीं गायत्रीं बहुरूपीं वा जपेत् //

रौद्रीं गायत्रीं बहु-रूपीं वा जपेत् //

अकलुषमतेः //

अकलुष-मतेः //

चरतः //

चरतः //

ततो ऽस्य योगः प्रवर्तते //

ततो ऽस्य योगः प्रवर्तते //

दूरदर्शनश्रवणमननविज्ञानानि चास्य प्रवर्तन्ते //

दूर-दर्शन-श्रवण-मनन-विज्ञानानि च अस्य प्रवर्तन्ते //

सर्वज्ञाता //

सर्व-ज्ञाता //

मनोजवित्वम् //

मनो-जवित्वम् //

कामरूपित्वम् //

काम-रूपित्वम् //

विकरणः //

विकरणः //

धर्मित्वं च //

धर्मित्वं च //

सर्वे चास्य वश्या भवन्ति //

सर्वे च अस्य वश्या भवन्ति //

सर्वेषां चावश्यो भवति //

सर्वेषां च अवश्यो भवति //

सर्वांश् चाविशति //

सर्वांश् चा अविशति //

सर्वेषां चानावेश्यो भवति //

सर्वेषां च अनावेश्यो भवति //

सर्वे चास्य वध्या भवन्ति //

सर्वे च अस्य वध्या भवन्ति //

सर्वेषां चावध्यो भवति //

सर्वेषां च अवध्यो भवति //

अभीतः //

अभीतः //

अक्षयः //

अक्षयः //

अजरः //

अजरः //

अमरः //

अमरः //

सर्वत्र चाप्रतिहतगतिर् भवति //

सर्वत्र च अप्रतिहत-गतिर् भवति //

इत्य् एतैर् गुणयुक्तो [गुणैर् युक्तो] भगवतो महादेवस्य महागणपतिर् भवति //

इत्य् एतैर् गुण-युक्तो [गुणैर् युक्तो] भगवतो महा-देवस्य महा-गण-पतिर् भवति //

अत्रेदं ब्रह्म जपेत् //

अत्र इदं ब्रह्म जपेत् //

सद्योजातं प्रपद्यामि //

सद्यो-जातं प्रपद्यामि //

सद्योजाताय वै नमः //

सद्यो-जाताय वै नमः //

भवे भवे नातिभवे //

भवे भवे न अतिभवे //

भजस्व माम् //

भजस्व माम् //

भवोद्भवः //

भवोद्भवः //

वामः //

वामः //

देवस्य //

देवस्य //

ज्येष्ठस्य //

ज्येष्ठस्य //

रुद्रस्य //

रुद्रस्य //

कलितासनम् //

कलित-आसनम् //

सार्वकामिक इत्य् आचक्षते //

सार्व-कामिक इत्य् आचक्षते //

अमङ्गलं चात्र मङ्गलं भवति //

अमङ्गलं च अत्र मङ्गलं भवति //

अपसव्यं च प्रदक्षिणम् //

अपसव्यं च प्रदक्षिणम् //

तस्माद् उभयथा यष्टव्यः //

तस्माद् उभयथा यष्टव्यः //

देववत् पितृवच् च //

देववत् पितृवच् च //

उभयं तु रुद्रे देवाः पितरश् च //

उभयं तु रुद्रे देवाः पितरश् च //

हर्षाप्रमादी //

हर्ष-अप्रमादी //

चर्यायां चर्यायाम् //

चर्यायां चर्यायाम् //

माहात्म्यम् अवाप्नोति //

माहात्म्यम् अवाप्नोति //

अतिदत्तम् अतीष्टम् //

अतिदत्तम् अतीष्टम् //

अतितप्तं तपस् तथा //

अतितप्तं तपस् तथा //

अत्यागतिं गमयते //

अत्यागतिं गमयते //

तस्मात् //

तस्मात् //

भूयस् तपश् चरेत् //

भूयस् तपश् चरेत् //

नान्यभक्तिस् तु शंकरे //

न अन्य-भक्तिस् तु शंकरे //

अत्रेदं ब्रह्म जपेत् //

अत्र इदं ब्रह्म जपेत् //

वामदेवाय नमो ज्येष्ठाय नमो रुद्राय नमः //

वाम-देवाय नमो ज्येष्ठाय नमो रुद्राय नमः //

कालाय नमः //

कालाय नमः //

कलविकरणाय नमः //

कल-विकरणाय नमः //

बलप्रथमनाय नमः //

बल-प्रथमनाय नमः //

सर्वभूतदमनाय नमः //

सर्व-भूत-दमनाय नमः //

मनोऽमनाय नमः //

मनो-ऽमनाय नमः //

अव्यक्तलिङ्गी //

अव्यक्त-लिङ्गी //

व्यक्ताचारः //

व्यक्त-आचारः //

अवमतः //

अवमतः //

सर्वभूतेषु //

सर्व-भूतेषु //

परिभूयमानश् चरेत् //

परिभूयमानश् चरेत् //

अपहतपाप्मा //

अपहत-पाप्मा //

परेषां परिवादात् //

परेषां परिवादात् //

पापं च तेभ्यो ददाति //

पापं च तेभ्यो ददाति //

सुकृतं च तेषाम् आदत्ते //

सुकृतं च तेषाम् आदत्ते //

तस्मात् //

तस्मात् //

प्रेतवच् चरेत् //

प्रेतवच् चरेत् //

क्राथेत वा //

क्राथेत वा //

स्पन्देत वा //

स्पन्देत वा //

मण्टेत वा //

मण्टेत वा //

शृङ्गारेत वा //

शृङ्गारेत वा //

अपि तत् कुर्यात् //

अपि तत् कुर्यात् //

अपि तद् भाषेत् //

अपि तद् भाषेत् //

येन परिभवं गच्छेत् //

येन परिभवं गच्छेत् //

परिभूयमानो हि विद्वान् कृत्स्नतपा भवति //

परिभूयमानो हि विद्वान् कृत्स्न-तपा भवति //

अत्रेदं ब्रह्म जपेत् //

अत्र इदं ब्रह्म जपेत् //

अघोरेभ्यः //

अघोरेभ्यः //

अथ घोरेभ्यः //

अथ घोरेभ्यः //

घोरघोरतरेभ्यश् च //

घोर-घोरतरेभ्यश् च //

सर्वेभ्यः //

सर्वेभ्यः //

शर्वसर्वेभ्यः //

शर्व-सर्वेभ्यः //

नमस् ते अस्तु रुद्ररूपेभ्यः //

नमस् ते अस्तु रुद्र-रूपेभ्यः //

गूढविद्या तप आनन्त्याय प्रकाशते //

गूढ-विद्या तप आनन्त्याय प्रकाशते //

गूढव्रतः //

गूढ-व्रतः //

गूढपवित्रवाणिः //

गूढ-पवित्र-वाणिः //

सर्वाणि द्वाराणि पिधाय //

सर्वाणि द्वाराणि पिधाय //

बुद्ध्या //

बुद्ध्या //

उन्मतवद् एको विचरेत लोके //

उन्मतवद् एको विचरेत लोके //

कृतान्नम् उत्सृष्टम् उपाददीत //

कृत-अन्नम् उत्सृष्टम् उपाददीत //

उन्मत्तो मूढ इत्य् एवं मन्यन्ते इतरे जनाः //

उन्मत्तो मूढ इत्य् एवं मन्यन्ते इतरे जनाः //

असन्मानो हि यन्त्राणां सर्वेषाम् उत्तमः स्मृतः //

असन्-मानो हि यन्त्राणां सर्वेषाम् उत्तमः स्मृतः //

इन्द्रो वा अग्रे असुरेषु पाशुपतम् अचरत् //

इन्द्रो वा अग्रे असुरेषु पाशुपतम् अचरत् //

स तेषाम् इष्टापूर्तम् आदत्त //

स तेषाम् इष्ट-आपूर्तम् आदत्त //

मायया सुकृतया समविन्दत //

मायया सुकृतया समविन्दत //

निन्दा ह्य् एषानिन्दा तस्मात् //

निन्दा ह्य् एष आनिन्दा तस्मात् //

निन्द्यमानश् चरेत् //

निन्द्यमानश् चरेत् //

अनिन्दितकर्मा //

अनिन्दित-कर्मा //

सर्वविशिष्टो ऽयं पन्थाः //

सर्व-विशिष्टो ऽयं पन्थाः //

सत्पथः //

सत्-पथः //

कुपथास् त्व् अन्ये //

कुपथास् त्व् अन्ये //

अनेन विधिना रुद्रसमीपं गत्वा //

अनेन विधिना रुद्र-समीपं गत्वा //

न कश्चिद् ब्राह्मणः पुनर् आवर्तते //

न कश्चिद् ब्राह्मणः पुनर् आवर्तते //

अत्रेदं ब्रह्म जपेत् //

अत्र इदं ब्रह्म जपेत् //

तत्पुरुषाय विद्महे //

तत्-पुरुषाय विद्महे //

महादेवाय धीमहि //

महा-देवाय धीमहि //

तन् नो रुद्रः प्रचोदयात् //

तन् नो रुद्रः प्रचोदयात् //

असङ्गः //

असङ्गः //

योगी //

योगी //

नित्यात्मा //

नित्य-आत्मा //

अजः //

अजः //

मैत्रः //

मैत्रः //

अभिजायते //

अभिजायते //

इन्द्रियाणाम् अभिजयात् //

इन्द्रियाणाम् अभिजयात् //

रुद्रः प्रोवाच तावत् //

रुद्रः प्रोवाच तावत् //

शून्यागारगुहावासी //

शून्य-आगार-गुहा-वासी //

देवनित्यः //

देव-नित्यः //

जितेन्द्रियः //

जित-इन्द्रियः //

षण्मासान् नित्ययुक्तस्य //

षण्-मासान् नित्य-युक्तस्य //

भूयिष्ठं संप्रवर्तते //

भूयिष्ठं संप्रवर्तते //

भैक्ष्यम् //

भैक्ष्यम् //

पात्रागतम् //

पात्र-आगतम् //

मांसम् अदुष्यं लवणेन वा //

मांसम् अदुष्यं लवणेन वा //

आपो वापि यथाकालम् अश्नीयाद् अनुपूर्वशः //

आपो व आपि यथा-कालम् अश्नीयाद् अनुपूर्वशः //

गोधर्मा मृगधर्मा वा //

गो-धर्मा मृग-धर्मा वा //

अद्भिर् एव शुचिर् भवेत् //

अद्भिर् एव शुचिर् भवेत् //

सिद्धयोगी न लिप्यते कर्मणा पातकेन वा //

सिद्ध-योगी न लिप्यते कर्मणा पातकेन वा //

ऋचम् इष्टाम् अधीयीत गायत्रीम् आत्मयन्त्रितः //

ऋचम् इष्टाम् अधीयीत गायत्रीम् आत्म-यन्त्रितः //

रौद्रीं वा बहुरूपीं वा //

रौद्रीं वा बहु-रूपीं वा //

अतो योग प्रवर्तते //

अतो योग प्रवर्तते //

ॐकारम् अभिध्यायीत //

ॐ-कारम् अभिध्यायीत //

हृदि कुर्वीत धारणाम् //

हृदि कुर्वीत धारणाम् //

ऋषिर् विप्रो महान् एषः //

ऋषिर् विप्रो महान् एषः //

वाग्विशुद्धः //

वाग्-विशुद्धः //

महेश्वरः //

महेश्वरः //

श्मशानवासी //

श्मशान-वासी //

धर्मात्मा //

धर्म-आत्मा //

यथालब्धोपजीवकः //

यथा-लब्ध-उपजीवकः //

लभते रुद्रसायुज्यम् //

लभते रुद्र-सायुज्यम् //

सदा रुद्रम् अनुस्मरेत् //

सदा रुद्रम् अनुस्मरेत् //

छित्त्वा दोषाणां हेतुजालस्य मूलम् //

छित्त्वा दोषाणां हेतु-जालस्य मूलम् //

बुद्ध्या //

बुद्ध्या //

संचित्तम् //

संचित्तम् //

स्थापयित्वा च रुद्रे //

स्थापयित्वा च रुद्रे //

एकः क्षेमी सन् वीतशोकः //

एकः क्षेमी सन् वीत-शोकः //

अप्रमादी गच्छेद् दुःखानाम् अन्तम् ईशप्रसादात् //

अप्रमादी गच्छेद् दुःखानाम् अन्तम् ईश-प्रसादात् //

अत्रेदं ब्रह्म जपेत् //

अत्र इदं ब्रह्म जपेत् //

ईशानः सर्वविद्यानाम् //

ईशानः सर्व-विद्यानाम् //

ईश्वरः सर्वभूतानाम् //

ईश्वरः सर्व-भूतानाम् //

ब्रह्मणो ऽधिपतिर् ब्रह्मा //

ब्रह्मणो ऽधिपतिर् ब्रह्मा //

शिवो मे अस्तु //

शिवो मे अस्तु //

सदा //

सदा //

शिवः //

शिवः //