༄༅། ། རིགས་གསུམ་གྱི་བཀྲ་ཤིས། དཀོན་མཆོག་གསུམ་ལ་ཕྱག་འཚལ་ལོ། ། ཡོན་ཏན་རྒྱས་པའི་རྟགས་སུ་སྐུ་མདོག་གསེར་འདྲ་བ། ། ཤེས་རབ་རྟགས་སུ་རལ་གྲི་པོ་ཏི་ཕྱག་ན་བསྣམས། ། འཕགས་པ་འཇམ་ དཔལ་གཞོན་ནུའི་བཀྲ་ཤིས་གང་ཡིན་པ། ། བཀྲ་ཤིས་དམ་པ་དེས་ཀྱང་དེང་འདིར་བདེ་ལེགས་ཤོག ། ཐུགས་རྗེའི་རྟགས་སུ་སྐུ་མདོག་ཟླ་བའི་འོད་ཆགས་པ། ། སྐྱོན་གྱིས་མ་གོས་ཕྱག་མཚན་ཕྱག་ན་པདྨ་བསྣམས། ། འཕགས་པ་སྤྱན་རས་གཟིགས་ཀྱི་བཀྲ་ ཤིས་གང་ཡིན་པ། ། བཀྲ་ཤིས་དམ་པ་དེས་ཀྱང་དེང་འདིར་བདེ་ལེགས་ཤོག ། ཆོས་ཉིད་མི་འགྱུར་རྟགས་སུ་སྐུ་མདོག་མཐིང་ནག་སྔོ། ། ཐབས་དང་ཤེས་རབ་གཉིས་མེད་ཕྱག་ན་རྡོ་རྗེ་བསྣམས། ། འཕགས་པ་ཕྱག་ན་རྡོ་རྗེའི་བཀྲ་ཤིས་གང་ཡིན་པ། ། བཀྲ་ཤིས་ དམ་པ་དེས་ཀྱང་དེང་འདིར་བདེ་ལེགས་ཤོག ། རིགས་གསུམ་གྱི་བཀྲ་ཤིས་རྫོགས་{སྷོ,སོ}། །