अथातो धर्मजिज्ञासा / Jऐम्_१,१.१ /

चोदनालक्षणो ऽर्थो धर्मः / Jऐम्_१,१.२ /

तस्य निमित्तपरीष्टिः / Jऐम्_१,१.३ /

सत्संप्रयोगे पुरुषस्येन्द्रियाणां बुद्धिजन्म तत्प्रत्यक्षम् अनिमित्तं विद्यमानोपलम्भनत्वात् / Jऐम्_१,१.४ /

औत्पत्तिकस् तु शब्दस्यार्थेन संबन्धस् तस्य ज्ञानम् उपदेशो ऽव्यतिरेकश् चार्थे ऽनुपलब्धे तत्प्रमाणं बादरायणस्यानपेक्षत्वात् / Jऐम्_१,१.५ /

कर्मैके तत्र दर्शनात् / Jऐम्_१,१.६ /

अस्थानात् / Jऐम्_१,१.७ /

करोति शब्दात् / Jऐम्_१,१.८ /

सत्त्वान्तरे च यौगपद्यात् / Jऐम्_१,१.९ /

प्रकृति विकृत्योश् च / Jऐम्_१,१.१० /

वृद्धिश् च कर्तृभूम्नास्य / Jऐम्_१,१.११ /

समं तु तत्र दर्शनम् / Jऐम्_१,१.१२ /

सतः परमदर्शनं विषयानागमात् / Jऐम्_१,१.१३ /

प्रयोगस्य परम् / Jऐम्_१,१.१४ /

आदित्त्यवद्यौगपद्यम् / Jऐम्_१,१.१५ /

वर्णान्तरम् अविकारः / Jऐम्_१,१.१६ /

नादवृद्धिपरा / Jऐम्_१,१.१७ /

नित्यस् तु स्याद् दर्शनस्य परार्थत्वात् / Jऐम्_१,१.१८ /

सर्वत्र यौगपद्यात् / Jऐम्_१,१.१९ /

संख्याभावात् / Jऐम्_१,१.२० /

अनपेक्षत्वात् / Jऐम्_१,१.२१ /

प्रख्याभावाच् च योगस्य / Jऐम्_१,१.२२ /

लिङ्गदर्शनाच् च / Jऐम्_१,१.२३ /

उत्त्पत्तौ वावचनाः स्युर् अर्थस्यातन् निमित्तत्वात् / Jऐम्_१,१.२४ /

तद्भूतानां क्रियार्थेन सामाम्नायो ऽर्थस्य तन्निमित्तत्त्वात् / Jऐम्_१,१.२५ /

लोके सन्नियमात् प्रयोगसन्निकर्षः स्यात् / Jऐम्_१,१.२६ /

वेदांश् चैके सन्निकर्षं पुरुषाख्याः / Jऐम्_१,१.२७ /

अनित्यदर्शनाच् च / Jऐम्_१,१.२८ /

उक्तं तु शब्दपूर्वत्वम् / Jऐम्_१,१.२९ /

आख्या प्रवचनात् / Jऐम्_१,१.३० /

परन्तु श्रुतिसामान्यमात्रम् / Jऐम्_१,१.३१ /

कृते वा विनियोगः स्यात् कर्मणः संबन्धात् / Jऐम्_१,१.३२ /

आम्नायस्य क्रियार्थत्वाद् आनर्थक्यम् अतदर्थानां तस्माद् अनित्यम् उच्यते / Jऐम्_१,२.१ /

शास्त्रदृष्टाविरोधाच् च / Jऐम्_१,२.२ /

तथाफलाभावात् / Jऐम्_१,२.३ /

अन्यानर्थक्यात् / Jऐम्_१,२.४ /

अभागिप्रतिषेधाच् च / Jऐम्_१,२.५ /

अनित्यसंयोगात् / Jऐम्_१,२.६ /

विधिना त्व् एकवाक्यत्वात् स्तुत्यर्थेन विधीनां स्युः / Jऐम्_१,२.७ /

तुल्यं च साम्प्रदायिकम् / Jऐम्_१,२.८ /

आप्ता चानुपपत्तिः प्रयोगे हि विरोधः स्याच् छब्दार्थस् त्व् अप्रयोगभूतस् तस्माद् उपपद्येत / Jऐम्_१,२.९ /

गुणवादस् तु / Jऐम्_१,२.१० /

रूपात् प्रायात् / Jऐम्_१,२.११ /

दूरभूयस्त्वात् / Jऐम्_१,२.१२ /

अपराधात् कर्तुश् च पुत्रदर्शनम् / Jऐम्_१,२.१३ /

आकालिकेप्सा / Jऐम्_१,२.१४ /

विद्याप्रशंसा / Jऐम्_१,२.१५ /

सर्वत्वम् आधिकारिकम् / Jऐम्_१,२.१६ /

फलस्य कर्मनिष्पत्तेस् तेषां लोकवत्परिमाणतः फलविशेषः स्यात् / Jऐम्_१,२.१७ /

अन्त्ययोर् यथोक्तम् / Jऐम्_१,२.१८ /

विधिर् वा स्याद् अपूर्वत्वाद् वादमात्रम ह्य् अनर्थकम् / Jऐम्_१,२.१९ /

लोकवद् इति चेत् / Jऐम्_१,२.२० /

न पूर्वत्वात् / Jऐम्_१,२.२१ /

उक्तं तु वाक्यशेषत्वम् / Jऐम्_१,२.२२ /

विधिश् चानर्थकः क्वचित् तस्मात् स्तुतिः प्रतीयेत तत्सामान्याद् इतरेषु तथात्वम् / Jऐम्_१,२.२३ /

प्रकरणे सम्भवन्नपकर्षो न कल्प्येत विध्यानर्थक्यं हि तं प्रति / Jऐम्_१,२.२४ /

विधौ च वाक्यभेदः स्यात् / Jऐम्_१,२.२५ /

हेतुर् वा स्याद् अर्थवत्वोपपत्तिभ्याम् / Jऐम्_१,२.२६ /

स्थितिस् तु शब्दपूर्वत्वादचोदनाच तस्य / Jऐम्_१,२.२७ /

व्यर्थे स्तुतिर् अन्याय्येति चेत् / Jऐम्_१,२.२८ /

अर्थस् तु विधिशेषत्वाद् यथा लोके / Jऐम्_१,२.२९ /

यदि च हेतुर् अवतिष्ठेत निर्देशात् सामान्याद् इति चेद् अवस्था विधीनां स्यात् / Jऐम्_१,२.३० /

तदर्थशास्त्रात् / Jऐम्_१,२.३१ /

वाक्यनियमात् / Jऐम्_१,२.३२ /

बुद्धिशास्त्रात् / Jऐम्_१,२.३३ /

अविद्यमानवचनात् / Jऐम्_१,२.३४ /

अचेतने ऽर्थबन्धनात् / Jऐम्_१,२.३५ /

अर्थविप्रतिषेधात् / Jऐम्_१,२.३६ /

स्वाध्यायवद्वचनात् / Jऐम्_१,२.३७ /

अविज्ञेयात् / Jऐम्_१,२.३८ /

अनित्यसंयोगान् मन्त्रार्थानर्थक्यम् / Jऐम्_१,२.३९ /

अविशिष्टस् तु वाक्यार्थः / Jऐम्_१,२.४० /

गुणार्थेन पुनः श्रुतिः / Jऐम्_१,२.४१ /

परिसंख्या / Jऐम्_१,२.४२ /

अर्थवादो वा / Jऐम्_१,२.४३ /

अविरुद्धं परम् / Jऐम्_१,२.४४ /

संप्रैषे कर्मगर्हानुपालम्भः संस्कारत्त्वात् / Jऐम्_१,२.४५ /

अभिधाने ऽर्थवादः / Jऐम्_१,२.४६ /

गुणाद् अप्रतिषेधः स्यात् / Jऐम्_१,२.४७ /

विद्यावचनम् असंयोगात् / Jऐम्_१,२.४८ /

सतः परमविज्ञानम् / Jऐम्_१,२.४९ /

उक्तश् चानित्यसंयोगः / Jऐम्_१,२.५० /

लिङ्गोपदेशश् च तदर्थवत् / Jऐम्_१,२.५१ /

ऊहः / Jऐम्_१,२.५२ /

विधिशब्दाश् च / Jऐम्_१,२.५३ /

धर्मस्य शब्दमूलत्वाद् अशब्दम् अनपेक्षं स्यात् / Jऐम्_१,३.१ /

अपि वा कर्तृसामान्यात् प्रमाणम् अनुमानं स्यात् / Jऐम्_१,३.२ /

विरोधे त्व् अनपेक्ष्यं स्याद् असति ह्य् अनुमानम् / Jऐम्_१,३.३ /

हेतुदर्शनाच् च / Jऐम्_१,३.४ /

शिष्टाकोपे ऽविरुद्धम् इति चेत् / Jऐम्_१,३.५ /

न शास्त्रपरिमाणत्वात् / Jऐम्_१,३.६ /

अपि वा कारणग्रहणे प्रयुक्तानि प्रतीयेरन् / Jऐम्_१,३.७ /

तेष्व् अदर्शनाद् विरोधस्य समा विप्रतिपत्तिः स्यात् / Jऐम्_१,३.८ /

शास्त्रस्था वा तन्निमित्तत्वात् / Jऐम्_१,३.९ /

चोदितं तु प्रतीयेताविरोधात् प्रमाणेन / Jऐम्_१,३.१० /

प्रयोगशास्त्रम् इति चेत् / Jऐम्_१,३.११ /

नासन्नियमात् / Jऐम्_१,३.१२ /

अवाक्यशेषाच् च / Jऐम्_१,३.१३ /

सर्वत्र च प्रयोगात् सन्निधानशास्त्राच् च / Jऐम्_१,३.१४ /

अनुमानव्यवस्थानात् तत्संयुक्तं प्रमाणं स्यात् / Jऐम्_१,३.१५ /

अपि वा सर्व धर्मः स्यात् तन्न्यायत्वाद् विधानस्य / Jऐम्_१,३.१६ /

दर्शनाद् विनियोगः स्यात् / Jऐम्_१,३.१७ /

लिङ्गाभावाच् च नित्यस्य / Jऐम्_१,३.१८ /

आख्या हि देशसंयोगात् / Jऐम्_१,३.१९ /

न स्याद् देशान्तरेष्व् इति चेत् / Jऐम्_१,३.२० /

स्याद्योगाख्या हि माथुरवत् / Jऐम्_१,३.२१ /

कर्मधर्मो वा प्रवणवत् / Jऐम्_१,३.२२ /

तुल्यं तु कर्तृधर्मेण / Jऐम्_१,३.२३ /

प्रयोगोत्पत्यशास्त्रत्वाच् छब्देषु न व्यवस्था स्यात् / Jऐम्_१,३.२४ /

शब्दे प्रयत्ननिष्पत्तेर् अपराधस्य भागित्वम् / Jऐम्_१,३.२५ /

अन्यायश् चानेकशब्दत्त्वम् / Jऐम्_१,३.२६ /

तत्र तत्त्वम् अभियोगविशेषात् स्यात् / Jऐम्_१,३.२७ /

तदशक्तिश् चानुरूपत्वात् / Jऐम्_१,३.२८ /

एक देशत्वाच् च विभाक्तिव्यत्यये स्यात् / Jऐम्_१,३.२९ /

प्रयोगचोदनाभावाद् अर्थैकत्वम् अविभागात् / Jऐम्_१,३.३० /

अद्रव्यशब्दत्वात् / Jऐम्_१,३.३१ /

अन्यदर्शनाच् च / Jऐम्_१,३.३२ /

आकृतिस् तु क्रियार्थत्वात् / Jऐम्_१,३.३३ /

न क्रिया स्याद् इति चेदर्थान्तरे विधानं न द्रव्यम् इति चेत् / Jऐम्_१,३.३४ /

तदर्थत्वात् प्रयोगस्याविभागः / Jऐम्_१,३.३५ /

उक्तं समाम्नायैदम् अर्थ्यं तस्मात् सर्वं तदर्थं स्यात् / Jऐम्_१,४.१ /

अपि वा नामधेयं स्याद् यदुत्पत्तावपूर्वम् अविधायकत्वात् / Jऐम्_१,४.२ /

यस्मिन् गुणोपदेशः प्रधानतो ऽभिसम्बन्धः / Jऐम्_१,४.३ /

तत्प्रख्यञ् चान्यशास्त्रम् / Jऐम्_१,४.४ /

तद्व्यपदेशं च / Jऐम्_१,४.५ /

नामधेये गुणश्रुतेः स्याद् विधानम् इति चेत् / Jऐम्_१,४.६ /

तुल्यत्वात् क्रिययोर् न / Jऐम्_१,४.७ /

ऐकशब्द्ये परार्थवत् / Jऐम्_१,४.८ /

तद्गुणास् तु विधायेर् अन्नविभागाद् विधानार्थे न चेद् अन्येन शिष्टाः / Jऐम्_१,४.९ /

बर्हिराज्ययोर् असंस्कारे शब्दलाभाद् अतच्छब्दः / Jऐम्_१,४.१० /

प्रोक्षणीष्व् अर्थसंयोगात् / Jऐम्_१,४.११ /

तथानिर्मन्थ्ये / Jऐम्_१,४.१२ /

वैश्वदेवे विकल्प इति चेत् / Jऐम्_१,४.१३ /

न वा प्रकरणात् प्रत्यक्षविधानाच् च न हि प्रकरणं द्रव्यस्य / Jऐम्_१,४.१४ /

मिथश् चानर्थसम्बन्धः / Jऐम्_१,४.१५ /

परार्थत्वाद् गुणानाम् / Jऐम्_१,४.१६ /

पूर्ववन्तो ऽविधानार्थास् तत्सामर्थ्यं समाम्नाये / Jऐम्_१,४.१७ /

गुणस्य तु विधानार्थे तद्गुणाः प्रयोगे स्युर् अनर्थका न हि तं प्रत्यर्थवत्तास्ति / Jऐम्_१,४.१८ /

तच्छेषो नोपपद्यते / Jऐम्_१,४.१९ /

अविभागाद् विधानार्थे स्तुत्यर्थेनोपपद्येरन् / Jऐम्_१,४.२० /

कारणं स्याद् इति चेत् / Jऐम्_१,४.२१ /

आनर्थक्याद् अकारणं कर्तुर् हि कारणानि गुणार्थो हि विधीयते / Jऐम्_१,४.२२ /

तत्सिद्धिः / Jऐम्_१,४.२३ /

जातिः / Jऐम्_१,४.२४ /

सारूप्यात् / Jऐम्_१,४.२५ /

प्रशंसा / Jऐम्_१,४.२६ /

भूमा / Jऐम्_१,४.२७ /

लिङ्गसमवायात् / Jऐम्_१,४.२८ /

सन्दिग्धेषु वाक्यशेषात् / Jऐम्_१,४.२९ /

अर्थाद् वा कल्पनैकदेशत्वात् / Jऐम्_१,४.३० /

भावार्थाः कर्मशब्दास् तेभ्यः क्रिया प्रतीयेतैष ह्य् अर्थो विधीयते / Jऐम्_२,१.१ /

सर्वेषां भावो ऽर्थ इति चेत् / Jऐम्_२,१.२ /

येषाम् उत्पत्तौ स्वे प्रयोगे रूपोपलब्धिस् तानि नामानि तस्मात् तेभ्यः पराकाङ्क्षा भूतत्वात् स्वे प्रयोगै / Jऐम्_२,१.३ /

येषां तूत्पत्ताव् अर्थे स्वे प्रयोगो न विद्यते तान्य् आख्यातानि तस्मात् तेभ्यः प्रतीयेताश्रितत्वात् प्रयोगस्य / Jऐम्_२,१.४ /

चोदना पुनर् आरम्भः / Jऐम्_२,१.५ /

तानि द्वैधं गुणप्रधानभूतानि / Jऐम्_२,१.६ /

यैर् द्रव्यं न चिकीर्ष्यते तानि प्रधानभूतानि द्रव्यस्य गुणभूतत्वात् / Jऐम्_२,१.७ /

यैस् तु द्रव्यं चिकीर्ष्यते गुणस् तत्र प्रतीयेत तस्य द्रव्यप्रधानत्वात् / Jऐम्_२,१.८ /

धर्ममात्रे तु कर्म स्याद् अनिर्वृत्तेः प्रयाजवत् / Jऐम्_२,१.९ /

तुल्यश्रुतित्वाद् वेतरैः सधर्मः स्यात् / Jऐम्_२,१.१० /

द्रव्योपदेश इति चेत् / Jऐम्_२,१.११ /

न तदर्थत्वाल् लोकवत् तस्य च शेषभूतत्वात् / Jऐम्_२,१.१२ /

स्तुतशस्त्रयोस् तु संस्कारो याज्यावद् देवताभिधानत्वात् / Jऐम्_२,१.१३ /

अर्थेन त्व् अपकृष्येत देवतानाम् अचोदनार्थस्य गुणभूतत्वात् / Jऐम्_२,१.१४ /

वशावद् वा गुणार्थं स्यात् / Jऐम्_२,१.१५ /

न श्रुतिसमवायित्वात् / Jऐम्_२,१.१६ /

व्यपदेशभेदाच् च / Jऐम्_२,१.१७ /

गुणश् चानर्थकः स्यात् / Jऐम्_२,१.१८ /

तथा याज्यापुरोरुचोः / Jऐम्_२,१.१९ /

वशायाम् अर्थसमवायात् / Jऐम्_२,१.२० /

यच् चेति वार्थवत्त्वात् स्यात् / Jऐम्_२,१.२१ /

न त्वाम्नातेषु / Jऐम्_२,१.२२ /

दृश्यते / Jऐम्_२,१.२३ /

अपि वा श्रुतिसंयोगात् प्रकरणे स्तौतिशंसती क्रियोत्पात्तिं विदध्याताम् / Jऐम्_२,१.२४ /

शब्दपृथक्त्वाच् च / Jऐम्_२,१.२५ /

अनर्थकं च तद्वचनम् / Jऐम्_२,१.२६ /

अन्यश् चार्थः प्रतीयते / Jऐम्_२,१.२७ /

अभिधानं च कर्मवत् / Jऐम्_२,१.२८ /

फलनिर्वृत्तिश् च / Jऐम्_२,१.२९ /

विधिमन्त्रयोर् ऐकार्थ्यम् ऐकशब्द्यात् / Jऐम्_२,१.३० /

अपि वा प्रयोगसामर्थ्यान् मन्त्रो ऽभिधानवाची स्यात् / Jऐम्_२,१.३१ /

तच्चोदकेषु मन्त्राख्या / Jऐम्_२,१.३२ /

शेषे ब्राह्मणशब्दः / Jऐम्_२,१.३३ /

अनाम्नातेष्व् अमन्त्रत्वमाम्नातेषु हि विभागः / Jऐम्_२,१.३४ /

तेषाम् ऋग्यत्रार्थवशेन पादव्यवस्था / Jऐम्_२,१.३५ /

गीतिषु स माख्या / Jऐम्_२,१.३६ /

शेषे यजुः शब्दाः / Jऐम्_२,१.३७ /

निगदो वा चतुर्थं स्याद् धर्मविशेषात् / Jऐम्_२,१.३८ /

व्यपदेशाच् च / Jऐम्_२,१.३९ /

यजूंषि वा तद्रूपत्वात् / Jऐम्_२,१.४० /

वचनाद् धर्मविशेषः / Jऐम्_२,१.४१ /

अर्थाच् च / Jऐम्_२,१.४२ /

गुणार्थो व्यपदेशः / Jऐम्_२,१.४३ /

सर्वेषाम् इति चेत् / Jऐम्_२,१.४४ /

न, ऋग्व्यपदेशात् / Jऐम्_२,१.४५ /

अर्थैकत्वाद् एकं वाक्यं साकाङ्क्षं चेद् विभागे स्यात् / Jऐम्_२,१.४६ /

समेषु वाक्यभेदः स्यात् / Jऐम्_२,१.४७ /

अनुषङ्गो वाक्यसमाप्तिः सर्वेषु तुल्ययोगित्वात् / Jऐम्_२,१.४८ /

व्यवायान् नानुषज्येत / Jऐम्_२,१.४९ /

शब्दान्तरे कर्मभेदः कृतानुबन्धत्वात् / Jऐम्_२,२.१ /

एकस्यैवं पुनः श्रुतिर् अविशेषाद् अनर्थकं हि स्यात् / Jऐम्_२,२.२ /

प्रकरणं तु पौर्णमास्यां रूपावचनात् / Jऐम्_२,२.३ /

विशेषदर्शनाच् च सर्वेषां समेषु ह्य् अप्रवृत्तिः स्यात् / Jऐम्_२,२.४ /

गुणस् तु श्रुतिसंयोगात् / Jऐम्_२,२.५ /

चोदना वा गुणानां युगपच्छास्त्राच् चोदिते हि तदर्थत्वात् तस्यतस्योपदिश्येत / Jऐम्_२,२.६ /

व्यपदेशश् च तद्वत् / Jऐम्_२,२.७ /

लिङ्गदर्शनाच् च / Jऐम्_२,२.८ /

पौर्णमासीवद् उपांशुयाजः स्यात् / Jऐम्_२,२.९ /

चोदना वाप्रकृतत्वात् / Jऐम्_२,२.१० /

गुणोपबन्धात् / Jऐम्_२,२.११ /

प्राये वचनाच् च / Jऐम्_२,२.१२ /

आघाराग्निहोत्रम् अरूपत्वात् / Jऐम्_२,२.१३ /

संज्ञोपबन्धात् / Jऐम्_२,२.१४ /

अप्रकृतत्वाच् च / Jऐम्_२,२.१५ /

चोदना वा शब्दार्थस्य प्रयोगभूतत्वात् तत्सन्निधेर् गुणार्थेन पुनः श्रुतिः / Jऐम्_२,२.१६ /

द्रव्यसंयोगाच् चोदना पशुसोमयोः प्रकरणे ह्य् अनर्थको द्रव्यसंयोगो न हि तस्य गुणार्थेन / Jऐम्_२,२.१७ /

अचोदकाश् च संस्काराः / Jऐम्_२,२.१८ /

तद्भेदात् कर्मणो ऽभ्यासो द्रव्यपृथक्त्वाद् अनर्थकं हि स्याद् भेदो द्रव्यगुणीभावात् / Jऐम्_२,२.१९ /

संस्कारस् तु न भिद्येत परार्थत्वाद् द्रव्यस्य गुणभूतत्वात् / Jऐम्_२,२.२० /

पृथक्त्त्वनिवेशात् संख्यया कर्मभेदः स्यात् / Jऐम्_२,२.२१ /

संज्ञा चोत्पत्तिसंयोगात् / Jऐम्_२,२.२२ /

गुणाश् चापूर्वसंयोगे वाक्योः समत्त्वात् / Jऐम्_२,२.२३ /

अगुणे तु कर्मशब्दे गुणस् तत्र प्रतीयेत / Jऐम्_२,२.२४ /

फलश्रुतेस् तु कर्म स्यात् फलस्य कर्मयोगित्वात् / Jऐम्_२,२.२५ /

अतुल्यत्वात् तु वाक्ययोर् गुणे तस्य प्रतीयेत / Jऐम्_२,२.२६ /

समेषु कर्मयुक्तं स्यात् / Jऐम्_२,२.२७ /

सौभरे पुरुषश्रुतेर् निधनं कामसंयोगः / Jऐम्_२,२.२८ /

सर्वस्य वोक्तकामत्वात् तस्मिन् कामश्रुतिः स्यान् निधनार्था पुनः श्रुतिः / Jऐम्_२,२.२९ /

गुणस् तु क्रतुसंयोगात् कर्मान्तरं प्रयोजयेत् संयोगस्याशेषभूत्वात् / Jऐम्_२,३.१ /

एकस्य तु लिङ्गभेदात् प्रयोजनार्थम् उच्येतैकत्वं गुणवाक्यत्वात् / Jऐम्_२,३.२ /

अवेष्टौ यज्ञसंयोगात्क्रतुप्रधानमुच्यते / Jऐम्_२,३.३ /

आधाने सर्वशेषत्वात् / Jऐम्_२,३.४ /

अयनेषु चोदनान्तरं संज्ञोपबन्धात् / Jऐम्_२,३.५ /

अगुणाच् च कर्मचोदना / Jऐम्_२,३.६ /

समाप्तं च फले वाक्यम् / Jऐम्_२,३.७ /

विकारो वा प्रकरणात् / Jऐम्_२,३.८ /

लिङ्गदर्शनाच् च / Jऐम्_२,३.९ /

गुणात् संज्ञोपबन्धः / Jऐम्_२,३.१० /

समाप्तिर् अविशिष्टा / Jऐम्_२,३.११ /

संस्कारश् चाप्रकरणे ऽकर्मशब्दत्वात् / Jऐम्_२,३.१२ /

यावद् उक्तं वा कर्मणः श्रुतिमूलत्वात् / Jऐम्_२,३.१३ /

यजतिस् तु द्रव्यफलभोक्तृसंयोगाद् एतेषां कर्मसम्बन्धात् / Jऐम्_२,३.१४ /

लिङ्गदर्शनाच् च / Jऐम्_२,३.१५ /

विषये प्रायदर्शनात् / Jऐम्_२,३.१६ /

अर्थवादोपपत्तेश् च / Jऐम्_२,३.१७ /

संयुक्तस् त्व् अर्थशब्देन तदर्थः श्रुतिसंयोगात् / Jऐम्_२,३.१८ /

पात्नीवते तु पूर्वत्वाद् अवच्छेदः / Jऐम्_२,३.१९ /

अद्रव्यत्वात् कवेले कर्मशेषः स्यात् / Jऐम्_२,३.२० /

अग्निस् तु लिङ्गदर्शनात् क्रतुशब्दः प्रतीयेत / Jऐम्_२,३.२१ /

द्रव्यं वा स्याच् चोदनायास् तदर्थत्वात् / Jऐम्_२,३.२२ /

तत्संयोगात् क्रतुस् तदाख्यः स्यात् तेन धर्मविधानानि / Jऐम्_२,३.२३ /

प्रकरणान्तरे प्रयोजनान्यत्वम् / Jऐम्_२,३.२४ /

फलं चाकर्मसंनिधौ / Jऐम्_२,३.२५ /

संनिधौ त्व् अविभागात् फलार्थेन पुनः श्रुतिः / Jऐम्_२,३.२६ /

आग्नेयसूक्तहेतुत्वाद् अभ्यासेन प्रतीयेत / Jऐम्_२,३.२७ /

अविभागात् तु कर्मणां द्विरुक्तेर् न विधीयते / Jऐम्_२,३.२८ /

अन्यार्था वा पुनः श्रुतिः / Jऐम्_२,३.२९ /

यावज्जीविको ऽभ्यासः कर्मधर्मः प्रकरणात् / Jऐम्_२,४.१ /

कर्तुर् वा श्रुतिसंयोगात् / Jऐम्_२,४.२ /

लिङ्गदर्शनाच् च कर्मधर्मे हि प्रक्रमेण नियम्येत तत्रानर्थकम् अन्यत् स्यात् / Jऐम्_२,४.३ /

व्यपवर्गं च दर्शयति कालश् चेत् कर्मभेदः स्यात् / Jऐम्_२,४.४ /

अनित्यत्वात् तु नैवं स्यात् / Jऐम्_२,४.५ /

विरोधश् चापि पूर्ववत् / Jऐम्_२,४.६ /

कर्तुस् तु धर्मनियमात् कालशास्त्रं निमित्तं स्यात् / Jऐम्_२,४.७ /

नामरूपधर्मविशेषपुनरुक्तिनिन्दाशाक्तिसमाप्तिवचनप्रायश्चित्तान्यार्थदर्शनाच् छाखान्तरेषु कर्मभेदः स्यात् / Jऐम्_२,४.८ /

एकं वा संयोगरूपचोदनाख्याविशेषात् / Jऐम्_२,४.९ /

न नाम्ना स्याद् अचोदनाभिधानत्वात् / Jऐम्_२,४.१० /

सर्वेषां चैककर्म्यं स्यात् / Jऐम्_२,४.११ /

कृतकं चाभिधानम् / Jऐम्_२,४.१२ /

एकत्वे ऽपि परम् / Jऐम्_२,४.१३ /

विद्यायां धर्मशास्त्रम् / Jऐम्_२,४.१४ /

अग्नेयवत्पुनर्वचनम् / Jऐम्_२,४.१५ /

अद्विर्वचनं वा श्रुतिसंयोगाविशेषात् / Jऐम्_२,४.१६ /

अर्थासन्निधेश् च / Jऐम्_२,४.१७ /

न चैकं प्रतिशिष्यते / Jऐम्_२,४.१८ /

समाप्तिवच् च संप्रेक्षा / Jऐम्_२,४.१९ /

एकत्वे ऽपि पराणि निन्दाशक्तिसमाप्तिवचनानि / Jऐम्_२,४.२० /

प्रायश्चित्तं निमित्तेन / Jऐम्_२,४.२१ /

प्रक्रमाद् वा नियोगेन / Jऐम्_२,४.२२ /

समाप्तिः पूर्ववत्त्वाद्यथाज्ञाते प्रतीयेत / Jऐम्_२,४.२३ /

लिङ्गमविशिष्टं सर्वशेषत्वान् न हि तत्र कर्मचोदना तस्मात् द्वादशाहस्याहारव्यपदेशः स्यात् / Jऐम्_२,४.२४ /

द्रव्ये चाचोदितत्वाद् विधीनाम् अव्यवस्था स्यान् निर्देशाद् व्यतिष्ठेत तस्मान् नित्यानुवादः स्यात् / Jऐम्_२,४.२५ /

विहितप्रतिषेधात् पक्षे ऽतिरेकः स्यात् / Jऐम्_२,४.२६ /

सारस्वते विप्रतिषेधाद्यदेति स्यात् / Jऐम्_२,४.२७ /

उपहव्ये ऽप्रतिप्रसवः / Jऐम्_२,४.२८ /

गुणार्था वा पुनः श्रुतिः / Jऐम्_२,४.२९ /

प्रत्ययं चापि दर्शयति / Jऐम्_२,४.३० /

अपि वा क्रमसंयोगाद् विधिपृथक्त्वम् एकस्यां व्यवतिष्ठेत / Jऐम्_२,४.३१ /

विरोधिना त्व् असंयोगाद् ऐककर्म्ये तत्संयोगाद् विधीनां सर्वकर्मप्रत्ययः स्यात् / Jऐम्_२,४.३२ /

अथातः शेषलक्षणम् / Jऐम्_३,१.१ /

शेषः परार्थत्वात् / Jऐम्_३,१.२ /

द्रव्यगुणसंस्कारेषु बादरिः / Jऐम्_३,१.३ /

कर्माण्यपि जैमिनिः फलार्थत्वात् / Jऐम्_३,१.४ /

फलं च पुरुषार्थत्वात् / Jऐम्_३,१.५ /

पुरुषश् च कर्मार्थत्वात् / Jऐम्_३,१.६ /

तेषाम् अर्थेन सबन्धः / Jऐम्_३,१.७ /

विहितस् तु सर्वधर्मः स्यात् संयोगतो ऽविशेषात् प्रकरणाविशेषाच् च / Jऐम्_३,१.८ /

अर्थलोपाद् अकर्मे स्यात् / Jऐम्_३,१.९ /

फलं तु सह चेष्टया शब्दार्थो ऽभावाद् विप्रयोगे स्यात् / Jऐम्_३,१.१० /

द्रव्यं चोत्पत्तिसंयोगात् तद् अर्थम् एव चोद्येत / Jऐम्_३,१.११ /

अर्थैकत्वे द्रव्यगुणयोर् ऐककर्म्यान् नियमः स्यात् / Jऐम्_३,१.१२ /

एकत्वयुक्तम् एकस्य श्रुतिसंयोगात् / Jऐम्_३,१.१३ /

सर्वेषां वा लक्षणत्वाद् अविशिष्टं हि लक्षणम् / Jऐम्_३,१.१४ /

चोदितेतुपरार्थत्वाद् यथाश्रुति प्रतीयेता / Jऐम्_३,१.१५ /

संस्काराद् वागुणानाम् अव्यवस्था स्यात् / Jऐम्_३,१.१६ /

व्यवस्थावार्थस्य श्रुतिसंयोगात् तस्य शब्द प्रमाणत्वात् / Jऐम्_३,१.१७ /

आनर्थक्यात्तदङ्गेषु / Jऐम्_३,१.१८ /

कर्तृगुणे तु कर्मासमवायाद् वाक्यभेदः स्यात् / Jऐम्_३,१.१९ /

साकाङ्क्षं त्व् एकवाक्यं स्याद् असमाप्तं हि पूर्वेण / Jऐम्_३,१.२० /

सन्दिग्धे तुब्यवायाद् वाक्यभेदः स्यात् / Jऐम्_३,१.२१ /

गुणानां च परार्थत्त्वाद् असम्बन्धः समत्वात् स्यात् / Jऐम्_३,१.२२ /

मिथश् चानर्थसम्वन्धात् / Jऐम्_३,१.२३ /

आनन्तर्यम् अचोदना / Jऐम्_३,१.२४ /

बाक्यानां च समाप्तत्वात् / Jऐम्_३,१.२५ /

शेषस् तु गुणसंयुक्तः साधारणः प्रतीयेत मिथस् तेषाम् असम्बन्धात् / Jऐम्_३,१.२६ /

व्यवस्था वार्थसंयोगाल् लिङ्गस्यार्थेन सम्बन्धाल्लक्षणार्था गुणश्रुतिः / Jऐम्_३,१.२७ /

अर्थाभिधानसामर्थ्यान् मन्त्रेषु शेषभावः स्यात् तस्माद् उत्पत्तिसम्बन्धो ऽर्थेन नित्यसंयोगात् / Jऐम्_३,२.१ /

संस्कारकत्वाद् अचोदितेन स्यात् / Jऐम्_३,२.२ /

वचनात् त्व् अयथार्थम् ऐन्द्री स्यात् / Jऐम्_३,२.३ /

गुणाद् वाप्य् अभिधानं स्यात् सम्बन्धस्याशास्त्रहेतुत्वात् / Jऐम्_३,२.४ /

तथाहवानम् अपीति चेत् / Jऐम्_३,२.५ /

नकालविधिश् चोदितत्वात् / Jऐम्_३,२.६ /

गुणाभावात् / Jऐम्_३,२.७ /

लिङ्गाच् च / Jऐम्_३,२.८ /

विधिकोपश् चोपदेशे स्यात् / Jऐम्_३,२.९ /

तथोत्थानविसर्जने / Jऐम्_३,२.१० /

सूक्तवाके च कालविधिः परार्थत्वात् / Jऐम्_३,२.११ /

उपदेशो वा याज्याशब्दो हि नाकस्मात् / Jऐम्_३,२.१२ /

सदेवतार्थस् तत्संयोगात् / Jऐम्_३,२.१३ /

प्रतिपत्तिर् इति चेत् स्विष्टकृद्वदुभयसंस्कारः स्यात् / Jऐम्_३,२.१४ /

कृत्स्नोपदेशाद् उभयत्र सर्ववचनम् / Jऐम्_३,२.१५ /

यथार्थं वा शेषभूतसंस्कारात् / Jऐम्_३,२.१६ /

वचनाद् इति चेत् / Jऐम्_३,२.१७ /

प्रकरणाविभागाद् उभे प्रति कृत्स्नशब्दः / Jऐम्_३,२.१८ /

लिङ्गक्रमसमाख्यानात् काम्ययुक्तं समामनानम् / Jऐम्_३,२.१९ /

अधिकारे च मन्त्रविधिर् अतदाख्येषु शिष्टत्वात् / Jऐम्_३,२.२० /

तदाख्यो वा प्रकरणोपपत्तिभ्याम् / Jऐम्_३,२.२१ /

अनर्थकश् चोपदेशः स्याद् असम्बन्धात् फलवता न ह्य् उपस्थानं फलवत् / Jऐम्_३,२.२२ /

सर्वेषां चोपदिष्टत्वात् / Jऐम्_३,२.२३ /

लिङ्गसमाख्यानाभ्यां भक्षार्थतानुवाकस्य / Jऐम्_३,२.२४ /

तस्य रूपोपदेशाभ्याम् अपकर्षो ऽर्थस्य चोदितत्वात् / Jऐम्_३,२.२५ /

गुणाभिधानान् मन्द्रादिर् एकमन्त्रः स्यात् तयोर् एकार्थसंयोगात् / Jऐम्_३,२.२६ /

लिङ्गविशेषनिर्देशात् समानविधानेष्व् अनैन्द्राणाम् अमन्त्रत्वम् / Jऐम्_३,२.२७ /

यथादेवतं वा तत्प्रकृतित्वं हि दर्शयति / Jऐम्_३,२.२८ /

पुनरभ्युन्नीतेषु सर्वेषाम् उपलक्षणं द्विशेषत्वात् / Jऐम्_३,२.२९ /

अनयाद् वा पूर्वस्यानुपलक्षणम् / Jऐम्_३,२.३० /

ग्रहणाद् वापनयः स्यात् / Jऐम्_३,२.३१ /

पात्नीवते तु पूर्ववत् / Jऐम्_३,२.३२ /

ग्रहणाद् वापनीतं स्यात् / Jऐम्_३,२.३३ /

त्वष्टारं तूपलक्षयेत् पानात् / Jऐम्_३,२.३४ /

अतुल्यत्वात् तु नैवं स्यात् / Jऐम्_३,२.३५ /

त्रिंशच् च परार्थत्वात् / Jऐम्_३,२.३६ /

वषट्कारश् च कर्तृवत् / Jऐम्_३,२.३७ /

छन्दः प्रतिषेधस् तु सर्वगामित्वात् / Jऐम्_३,२.३८ /

ऐन्द्राग्ने तु लिङ्गभाबात् स्यात् / Jऐम्_३,२.३९ /

एकस्मिन् वा देवतान्तराद् विभागवत् / Jऐम्_३,२.४० /

छन्दश् च देवतावत् / Jऐम्_३,२.४१ /

सर्वेषु वाभावाद् एकच्छन्दसः / Jऐम्_३,२.४२ /

सर्वेषां वैकमन्त्र्यम् ऐतिशायनस्य भक्तिपानत्वात् सवनाधिकारो हि / Jऐम्_३,२.४३ /

श्रुतेर् जाताधिकारः स्यात् / Jऐम्_३,३.१ /

वेदो वा प्रायदर्शनात् / Jऐम्_३,३.२ /

लिङ्गाच् च / Jऐम्_३,३.३ /

धर्मोपदेशाच् च न हि द्रव्येण सम्बन्धः / Jऐम्_३,३.४ /

त्रयीविद्याख्या च तद्विद् धि / Jऐम्_३,३.५ /

व्यक्तिक्रमे यथाश्रुतीति चेत् / Jऐम्_३,३.६ /

न सर्वस्मिन् निवेशात् / Jऐम्_३,३.७ /

वेदसंयोगान् न प्रकरणेन बाध्यते / Jऐम्_३,३.८ /

गुणमुख्यव्यतिक्रमे तदर्थत्वान् मुख्येन वेदसंयोगः / Jऐम्_३,३.९ /

भूयस्त्वेनोभयश्रुति / Jऐम्_३,३.१० /

असंयुक्तं प्रकरणाद् इति कर्तव्यतार्थित्वात् / Jऐम्_३,३.११ /

क्रमश् च देशसामान्यात् / Jऐम्_३,३.१२ /

आख्या चैवम तदर्थत्वात् / Jऐम्_३,३.१३ /

श्रुति-लिङ्ग-वाक्य-प्रकरण-स्थान-समाख्यानां समवाये पारदौर्बल्यम् अर्थविप्रकर्षात् / Jऐम्_३,३.१४ /

अहीनो वा प्रकरणाद् गौणः / Jऐम्_३,३.१५ /

असंयोगात् तु मुख्यस्य तस्माद् अपकृष्येत / Jऐम्_३,३.१६ /

द्वित्वबहुत्वयुक्तं वा चोदनात् तस्य / Jऐम्_३,३.१७ /

पक्षेणार्थकृतस्येति चेत् / Jऐम्_३,३.१८ /

नकृतेर् एकसंयोगात् / Jऐम्_३,३.१९ /

जाघनी चैकदेशत्वात् / Jऐम्_३,३.२० /

चोदना वापूर्वत्वात् / Jऐम्_३,३.२१ /

एकदेश इति चेत् / Jऐम्_३,३.२२ /

न प्रकृतेर् अशास्त्रनिष्पत्तेः / Jऐम्_३,३.२३ /

सन्तर्दनं प्रकृतौ क्रयणवदनर्थलोपात् स्यात् / Jऐम्_३,३.२४ /

उत्कर्षो वा ग्रहणाद् विशेषस्य / Jऐम्_३,३.२५ /

कर्तृतो वा विशेषस्य तन्निमित्तत्वात् / Jऐम्_३,३.२६ /

क्रतुतो वार्थवादान् उपपत्तेः स्यात् / Jऐम्_३,३.२७ /

संस्थाश् च कर्तृवद् धारणार्थाविशेषात् / Jऐम्_३,३.२८ /

उक्थ्यादिषु वार्थस्य विद्यमानत्वात् / Jऐम्_३,३.२९ /

अविशेषात् स्तुतिर् व्यर्थेति चेत् / Jऐम्_३,३.३० /

स्याद् अनित्यत्वात् / Jऐम्_३,३.३१ /

सङ्ख्यायुक्तं क्रतोः प्रकरणात् स्यात् / Jऐम्_३,३.३२ /

नैमित्तिकं वा कर्तृसंयोगाल् लिङ्गस्य तन्निमित्तत्वात् / Jऐम्_३,३.३३ /

पौष्णं पैषणं विकृतौ प्रतीयेताचोदनात् प्रकृतौ / Jऐम्_३,३.३४ /

तत्सर्वार्थम् अविशेषात् / Jऐम्_३,३.३५ /

चरौवार्थोक्तं पुरोडाशे ऽर्थविप्रतिषेधात् पशौ न स्यात् / Jऐम्_३,३.३६ /

चराव् अपीति चेत् / Jऐम्_३,३.३७ /

न पक्तिनामत्वात् / Jऐम्_३,३.३८ /

एकस्मिन्न् एकसंयोगात् / Jऐम्_३,३.३९ /

धर्माविप्रतिषेधाच् च / Jऐम्_३,३.४० /

अपि वा सद्वितीये स्याद् देवतानिमित्तत्वात / Jऐम्_३,३.४१ /

लिङ्गदर्शनाच् च / Jऐम्_३,३.४२ /

वचनात् सर्वपेषणं तं प्रति शास्त्रवत्वाद् अर्थाभावाद् विचराव् अपेषणं भवति / Jऐम्_३,३.४३ /

एकस्मिन् वार्थधर्मत्वाद् ऐन्द्राग्नव् अदुभयोर् न स्याद् अचोदितत्वात् / Jऐम्_३,३.४४ /

हेतुमात्रम् अदन्तत्वम् / Jऐम्_३,३.४५ /

वचनं परम् / Jऐम्_३,३.४६ /

निवीताम् इति मनुष्यधर्मः शब्दस्य तत्प्रधानत्वात् / Jऐम्_३,४.१ /

अपदेशो वार्थस्य विद्यमानतत्त्वात् / Jऐम्_३,४.२ /

विधिस्तवर्पूर्वत्वात् स्यात् / Jऐम्_३,४.३ /

स प्रायात् कर्मधर्मः स्यात् / Jऐम्_३,४.४ /

वाक्यशेषत्वात् / Jऐम्_३,४.५ /

तत्प्रकरणे यत् तत् संयुक्तम् अविप्रतिषेधात् / Jऐम्_३,४.६ /

तत्प्रधाने वा तुल्यवत् प्रसंख्यानाद् इतरस्य तदर्थत्वात् / Jऐम्_३,४.७ /

अर्थवादो वा प्रकरणात् / Jऐम्_३,४.८ /

विधिना चैकवाक्यत्वात् / Jऐम्_३,४.९ /

दिग्विभागश् च तद्वत् सम्बन्धस्यार्थहेतुत्वात् / Jऐम्_३,४.१० /

परुषि दितपूर्णघृतविदग्धं च तद्वत् / Jऐम्_३,४.११ /

अकर्म क्रतुसंयुक्तं संयोगान् नित्यानुवादः स्यात् / Jऐम्_३,४.१२ /

विधिर् वा संयोगान्तरात् / Jऐम्_३,४.१३ /

अहीनवत् पुरुषस् तदर्थत्वात् / Jऐम्_३,४.१४ /

प्रकरणविशेषाद् वा तद्युक्तस्य संस्कारो द्रव्यवत् / Jऐम्_३,४.१५ /

व्यपदेशाद् अपकृष्येत / Jऐम्_३,४.१६ /

शंयौ च सर्वपरिदानात् / Jऐम्_३,४.१७ /

प्रागपरोधान् मलवद् वाससः / Jऐम्_३,४.१८ /

अन्नप्रतिषेधाच् च / Jऐम्_३,४.१९ /

अप्रकरणे तु तद्वर्मस् ततो विशेषात् / Jऐम्_३,४.२० /

अद्रव्यत्वात् तु शेषः स्यात् / Jऐम्_३,४.२१ /

वेदसंयोगात् / Jऐम्_३,४.२२ /

द्रव्यसंयोगाच् च / Jऐम्_३,४.२३ /

स्याद् वास्य संयोगवत् फलेन सम्बन्धस् तस्मात् कर्मैतिशायनः / Jऐम्_३,४.२४ /

शेषाः प्रकरणे ऽविशेषात् सर्वकर्मणाम् / Jऐम्_३,४.२५ /

होमास् तु व्यवतिष्ठेर् अन्नाहवनीयसंयोगात् / Jऐम्_३,४.२६ /

शेषश् च समाख्यानात् / Jऐम्_३,४.२७ /

दोषात् त्व् इष्टिर् लौकिके स्याच् छास्त्राद् धि वैदिक न दोषः स्यात् / Jऐम्_३,४.२८ /

अर्थवादो वानुपपातत् तस्माद् यज्ञे प्रतीयेत / Jऐम्_३,४.२९ /

अचोदित च कर्मभेदात् / Jऐम्_३,४.३० /

लिङ्गाद् आर्त्विजे स्यात् / Jऐम्_३,४.३१ /

पानव्यापच् च तद्वत् / Jऐम्_३,४.३२ /

दोषात् तु वैदिके स्याद् अर्थाद् धि लौकिके न दोषः स्यात् / Jऐम्_३,४.३३ /

तत्सर्वत्राविशेषात् / Jऐम्_३,४.३४ /

स्वामिनो वा तदर्थत्वात् / Jऐम्_३,४.३५ /

लिङ्गदर्शनाच् च / Jऐम्_३,४.३६ /

सर्वप्रदानं हविषस् तदर्थत्वात् / Jऐम्_३,४.३७ /

निरवदानात् तु शेषः स्यात् / Jऐम्_३,४.३८ /

उपायो वा तदर्थत्वात् / Jऐम्_३,४.३९ /

कृतत्वात् तु कर्मणः सकृत् स्याद् द्रव्यस्य गुणभूतत्वात् / Jऐम्_३,४.४० /

शेषदर्शनाच् च / Jऐम्_३,४.४१ /

अप्रयोजकत्वाद् एकस्मात् क्रियेरञ् छेषस्य गुणभूतत्वात् / Jऐम्_३,४.४२ /

संस्कृतत्वाच् च / Jऐम्_३,४.४३ /

सर्वेभ्यो वा कारणाविशेषात् संस्कारस्य तदर्थत्वात् / Jऐम्_३,४.४४ /

लिङ्गदर्शनाच् च / Jऐम्_३,४.४५ /

एकस्माच् चेद् यथाकाम्यम् अविशेषात् / Jऐम्_३,४.४६ /

मुख्याद् वा पूर्वकालत्वात् / Jऐम्_३,४.४७ /

भक्षाश्रवणाद् दानशब्दः परिक्रये / Jऐम्_३,४.४८ /

तत्संस्तवाच् च / Jऐम्_३,४.४९ /

भक्षार्थो वा द्रव्ये समत्वात् / Jऐम्_३,४.५० /

व्यादेशाद् दानसंस्तुतिः / Jऐम्_३,४.५१ /

आज्याच् च सर्वसंयोगात् / Jऐम्_३,५.१ /

कारणाच् च / Jऐम्_३,५.२ /

एकस्मिन्त् समवत्तशब्दात् / Jऐम्_३,५.३ /

आज्ये च दर्शनात्स्विष्टकृदर्थवदस्य / Jऐम्_३,५.४ /

अशेषत्वात् तु नैवं स्यात् सर्वादानाद् अशेषता / Jऐम्_३,५.५ /

साधारण्यान् न ध्रुवायां स्यात् / Jऐम्_३,५.६ /

अवत्तत्वाच् च जुह्वां तस्य च होमसंयोगात् / Jऐम्_३,५.७ /

चमसवद् इति चेत् / Jऐम्_३,५.८ /

न चोदनाविरोधाद् धविः प्रकल्पनात्वाच् च / Jऐम्_३,५.९ /

उत्पन्नाधिकारात् सति सर्ववचनम् / Jऐम्_३,५.१० /

जातिविशेषात् परम् / Jऐम्_३,५.११ /

अन्त्यम् अरेकार्थे / Jऐम्_३,५.१२ /

साकम्प्रस्थाय्ये स्विष्टकृद् इडं च तद्वत् / Jऐम्_३,५.१३ /

सौत्रामण्यां च ग्रहेषु / Jऐम्_३,५.१४ /

तद्वच् च शेषवचनम् / Jऐम्_३,५.१५ /

द्रव्यैकत्वे कर्मभेदात् प्रतिकर्म क्रियेरन् / Jऐम्_३,५.१६ /

अविभागाच् च शेषस्य सर्वान् प्रत्यविशिष्ठत्वात् / Jऐम्_३,५.१७ /

ऐन्द्रवायवे तु वचनात् प्रतिकर्म भक्षः स्यात् / Jऐम्_३,५.१८ /

सोमे ऽवचनाद् भक्षो न विद्यते / Jऐम्_३,५.१९ /

स्याद् वान्यार्थदर्शनात् / Jऐम्_३,५.२० /

वचनानि त्व् अपूर्वत्वात् तस्माद् यथोपदेशं स्युः / Jऐम्_३,५.२१ /

चमसेषु समाख्यानात् संयोगस्य तन्निमित्तत्त्वात् / Jऐम्_३,५.२२ /

उद्गातृचमसमेकः श्रुतिसंयोगात् / Jऐम्_३,५.२३ /

सर्वे वा सर्वसंयोगात् / Jऐम्_३,५.२४ /

स्तोत्रकारिणां वा तत्संयोगाद् बहुश्रुतेः / Jऐम्_३,५.२५ /

सर्वे तु वेदसंयोगात् कारणाद् एकदेशे स्यात् / Jऐम्_३,५.२६ /

ग्रावस्तुतो भक्षो न विद्यते ऽनाम्नानात् / Jऐम्_३,५.२७ /

हारियोजने वा सर्वसंयोगात् / Jऐम्_३,५.२८ /

चमसिनां वा सन्निधानात् / Jऐम्_३,५.२९ /

सर्वेषां तु विधित्वात् तदर्था चमसिश्रुतिः / Jऐम्_३,५.३० /

वषट्काराच् च भक्षयेत् / Jऐम्_३,५.३१ /

होमाभिषबाभ्यां च / Jऐम्_३,५.३२ /

प्रत्यक्षोपदेशाच् चमसानाम् अव्यक्तः शेषे / Jऐम्_३,५.३३ /

स्याद् वा कारणभावाद् अनिर्देशश् चमसानां कर्तुस् तद्वचनत्वात् / Jऐम्_३,५.३४ /

चमसे चान्यदर्शनात् / Jऐम्_३,५.३५ /

एकपात्रे क्रमाद् अध्वर्युः पूर्वो भक्षयेत् / Jऐम्_३,५.३६ /

होता वा मन्त्रवर्णात् / Jऐम्_३,५.३७ /

वचनाच् च / Jऐम्_३,५.३८ /

कारणानुपूर्व्याच् च / Jऐम्_३,५.३९ /

वचनाद् अनुज्ञातभक्षणम् / Jऐम्_३,५.४० /

तदुपहूत उपह्वयस्वेत्य् अनेनानुज्ञापयेलिङ्गात् / Jऐम्_३,५.४१ /

तत्रार्थात् प्रतिवचनम् / Jऐम्_३,५.४२ /

तदेकत्राणां समवायात् / Jऐम्_३,५.४३ /

याज्यापनयेनापनीतो भक्षः प्रवरवत् / Jऐम्_३,५.४४ /

यष्टुर् वा कारणागमात् / Jऐम्_३,५.४५ /

प्रवृत्तत्वात् प्रवरस्यानपायः / Jऐम्_३,५.४६ /

फलचमसो नैमित्तिको भक्षविकारः श्रुतिसंयोगात् / Jऐम्_३,५.४७ /

इज्याबिकारो वा संस्कारस्य तदर्थत्वात् / Jऐम्_३,५.४८ /

होमात् / Jऐम्_३,५.४९ /

चमसैश् च तुल्यकालत्वात् / Jऐम्_३,५.५० /

लिङ्गदर्शनाच् च / Jऐम्_३,५.५१ /

अनुप्रसर्पिषु सामान्यात् / Jऐम्_३,५.५२ /

ब्रह्मणा वा तुल्यशब्दत्वात् / Jऐम्_३,५.५३ /

तत् सर्वार्थम् अप्रकरणात् / Jऐम्_३,६.१ /

प्रकृतौ वाद्विरुक्तत्वात् / Jऐम्_३,६.२ /

तद्वर्जं तु वचनप्राप्ते / Jऐम्_३,६.३ /

दर्शनाद् इति चेत् / Jऐम्_३,६.४ /

न चोदनैकार्थ्यात् / Jऐम्_३,६.५ /

उत्पत्तिर् इति चेत् / Jऐम्_३,६.६ /

न तुल्यत्वात् / Jऐम्_३,६.७ /

चोदनार्थकार्त्स्न्यात् तु मुख्यविप्रतिषेधात् प्रकृत्यर्थः / Jऐम्_३,६.८ /

प्रकरणविशेषात् तु विकृतौ विरोधि स्यात् / Jऐम्_३,६.९ /

नैमित्तिकं तु प्रकृतौ तद्विकारः संयोगविशेषात् / Jऐम्_३,६.१० /

इष्टयर्थमग्न्याधेयं प्रकरणात् / Jऐम्_३,६.११ /

न वा तासां तदर्थत्वात् / Jऐम्_३,६.१२ /

लिङ्गदर्शनाच् च / Jऐम्_३,६.१३ /

तत्प्रकृत्यर्थं यथान्ये ऽनारभ्यवादाः / Jऐम्_३,६.१४ /

सर्वार्थ वाग्न्यधानस्य स्वकालत्वात् / Jऐम्_३,६.१५ /

तासाम् अग्निः प्रकृतितः प्रयाजवत् स्यात् / Jऐम्_३,६.१६ /

न वा तासां तदर्थत्वात् / Jऐम्_३,६.१७ /

तुल्यः सर्वेषां पशुविधिः प्रकरणाविशेषात् / Jऐम्_३,६.१८ /

स्थानाच् च पूर्वस्य / Jऐम्_३,६.१९ /

श्वस् त्व् एकेषां तत्र प्राक्श्रुतिर् गुणार्था / Jऐम्_३,६.२० /

तेनोत्कृष्टस्य कालविधिर् इति चेत् / Jऐम्_३,६.२१ /

नैकदेशत्वात् / Jऐम्_३,६.२२ /

अर्थेनेति चेत् / Jऐम्_३,६.२३ /

न श्रुतिविप्रतिषेधात् / Jऐम्_३,६.२४ /

स्थानात् तु पूर्वस्य संस्कारस्य तदर्थत्वात् / Jऐम्_३,६.२५ /

लिङ्गदर्शनाच् च / Jऐम्_३,६.२६ /

अचोदना गुणार्थेन / Jऐम्_३,६.२७ /

दोहयोः कालभेदाद् असंयुक्तं शृतं स्यात् / Jऐम्_३,६.२८ /

प्रकरणविभागाद् वा तत्संयुक्तस्य कालशास्त्रम् / Jऐम्_३,६.२९ /

तद्वत् सवनान्तरे ग्रहाम्नानम् / Jऐम्_३,६.३० /

रशना च लिङ्गदर्शनात् / Jऐम्_३,६.३१ /

आराच् छिष्टम् असंयुक्तम् इतरैः सन्निधानात् / Jऐम्_३,६.३२ /

संयुक्तं वा तदर्थत्वाच् छेषस्य तन्निमित्तत्वात् / Jऐम्_३,६.३३ /

निर्देशाद् व्यवतिष्ठेत / Jऐम्_३,६.३४ /

अग्न्यङ्गम् अप्रकरणे तद्वत् / Jऐम्_३,६.३५ /

नैमित्तिकम् अतुल्यत्वाद् असमानविथानां स्यात् / Jऐम्_३,६.३६ /

प्रतिनिधिश् च Jऐम्_३,६.३७ /

तद्वत्प्रयोजनैकत्वात् / Jऐम्_३,६.३८ /

अशास्त्रलक्षणत्वाच् च / Jऐम्_३,६.३९ /

नियमार्था गुणश्रुतिः / Jऐम्_३,६.४० /

संस्थास् तु समानविधानाः प्रकरणाविशेषात् / Jऐम्_३,६.४१ /

व्यपदेशश् च तुल्यवत् / Jऐम्_३,६.४२ /

विकासस् तु कामसंयोगे नित्यस्य समत्वात् / Jऐम्_३,६.४३ /

अपि वा द्विरुक्तत्वात् प्रकृतेर् भविष्यन्तीति / Jऐम्_३,६.४४ /

बचनात् तु समुच्चयः / Jऐम्_३,६.४५ /

प्रतिषेधाच् च पूर्वलिङ्गनाम् / Jऐम्_३,६.४६ /

गुणविशेषाद् एकस्य व्यपदेशः / Jऐम्_३,६.४७ /

प्रकरणविशेषाद् असंयुक्तं प्रधानस्य / Jऐम्_३,७.१ /

सर्वेषां वा शेषत्वस्यातत्प्रयुक्तत्वात् / Jऐम्_३,७.२ /

आरादपीति चेत् / Jऐम्_३,७.३ /

न तद्वाक्यं हि तदर्थत्वात् / Jऐम्_३,७.४ /

लिङ्गदर्शनाच् च / Jऐम्_३,७.५ /

फलसंयोगात् तु स्वामियुक्तं प्रधानस्य / Jऐम्_३,७.६ /

चिकीर्षयो च संयोगात् / Jऐम्_३,७.७ /

तथाभिधानेन / Jऐम्_३,७.८ /

तद्युक्ते तु फलश्रुतिस् तस्मात् सर्वचिकीर्षा स्यात् / Jऐम्_३,७.९ /

गुणाभिधानात् सर्वार्थम् अभिधानम् / Jऐम्_३,७.१० /

दीक्षादक्षिणं तु वचनात् प्रधानस्य / Jऐम्_३,७.११ /

निवृत्तिदर्शनाच् च / Jऐम्_३,७.१२ /

तथा यूपस्य वेदि / Jऐम्_३,७.१३ /

देशमात्रं वा शिष्टेनैकवाक्यत्वात् / Jऐम्_३,७.१४ /

सामधेनीस् तद् अन्वाहुर् इति हविर् द्धानयोर् वचनात् सामधेनीनाम् / Jऐम्_३,७.१५ /

देशमात्रं वा प्रत्यक्षं ह्य् अर्थकर्म सोमस्य / Jऐम्_३,७.१६ /

समाख्यानं च तद्वत् / Jऐम्_३,७.१७ /

शास्त्रफलं प्रयोक्तरि तल्लक्षणत्वात् तस्मात् स्वयं प्रयोगे स्यात् / Jऐम्_३,७.१८ /

उत्सर्गे तु प्रधानत्वाच् छेषकारी प्रधानस्य तस्माद् अन्यः स्वयं वा स्यात् / Jऐम्_३,७.१९ /

अन्यो वा स्यात् परिक्रयाम्नानाद् विप्रतिषेधात् प्रत्यग् आत्मनि / Jऐम्_३,७.२० /

तत्रार्थात् कर्तृपरिमाणं स्याद् अनियमो ऽविशेषात् / Jऐम्_३,७.२१ /

अपि वा श्रुति भेदात् प्रतिनामधेयं स्युः / Jऐम्_३,७.२२ /

एकस्य कर्मभेदाद् इति चेत् / Jऐम्_३,७.२३ /

नोत्पत्तौ हि / Jऐम्_३,७.२४ /

चमसाध्वर्यवश् च तैर् व्यपदेशात् / Jऐम्_३,७.२५ /

उत्पत्तौ तु बहुश्रुतेः / Jऐम्_३,७.२६ /

दशत्वं लिङ्गदर्शनात् / Jऐम्_३,७.२७ /

शमिता च शब्दभेदात् / Jऐम्_३,७.२८ /

प्रकरणाद् वोत्पत्त्यसंयोगात् / Jऐम्_३,७.२९ /

उपगाश् च लिङ्गदर्शनात् / Jऐम्_३,७.३० /

विक्रयी त्वन्यः कर्मणो ऽचोदित्वात् / Jऐम्_३,७.३१ /

कर्मकार्यात् सर्वेषाम् ऋत्विक्त्वम् अविशेषात् / Jऐम्_३,७.३२ /

न वा परिसंख्यानात् / Jऐम्_३,७.३३ /

पक्षेणेति चेत् / Jऐम्_३,७.३४ /

न सर्वेषाम् अधिकारः / Jऐम्_३,७.३५ /

नियमस् तु दक्षिणाभिः श्रुतिसंयोगात् / Jऐम्_३,७.३६ /

उक्त्वा च यजमानत्वं तेषां दीक्षाबिधानात् / Jऐम्_३,७.३७ /

स्वामिसप्तदशाः कर्मसामान्यात् / Jऐम्_३,७.३८ /

ते सर्वार्थाः प्रयुक्तत्वाद् अग्नयश् च स्वकालत्वात् / Jऐम्_३,७.३९ /

तत्सयोगात् कर्मणो व्यवस्था स्यात् संयोगास्यार्थवत्वात् / Jऐम्_३,७.४० /

तस्योपदेशसमाख्यानेन निर्देशः / Jऐम्_३,७.४१ /

तद्वच् च लिङ्गदर्शम् / Jऐम्_३,७.४२ /

प्रैषानुवचनं मैत्रावरुणस्योपदेशात् / Jऐम्_३,७.४३ /

पुरो ऽनुवाक्याधिकारो वा प्रैषसन्निधानात् / Jऐम्_३,७.४४ /

प्रातर् अनुवाके च होतृदर्शनात् / Jऐम्_३,७.४५ /

चमसांश्चमसाध्वर्यवः सामाख्यानात् / Jऐम्_३,७.४६ /

अध्वर्युर्वा तन्न्यायत्वात् / Jऐम्_३,७.४७ /

चमसे चान्यदर्शनात् / Jऐम्_३,७.४८ /

अशक्तौ ते प्रतीयेरन् / Jऐम्_३,७.४९ /

वेदोपदेशात् पूर्ववद्वेदान्यत्वे यथोपदेशं स्युः / Jऐम्_३,७.५० /

तद्गुणाद् वा स्वधर्मः स्याद् अधिकारसामथ्यात् सहाङ्गैर् अव्यक्तः शेषे / Jऐम्_३,७.५१ /

स्वामिकर्मपरिक्रयः कर्मणस् तदर्थत्वात् / Jऐम्_३,८.१ /

वचनाद् इतरेषां स्यात् / Jऐम्_३,८.२ /

संस्कारास् तु पुरुषसामर्थ्ये यथावेदं कर्मवद्व्यवतिष्ठेरन् / Jऐम्_३,८.३ /

याजमानास् तु तत्प्रधानत्वात् कर्मवत् / Jऐम्_३,८.४ /

व्यपदेशाच् च / Jऐम्_३,८.५ /

गुणत्त्वे तस्य निर्देशः / Jऐम्_३,८.६ /

चोदना प्रति भावाच् च / Jऐम्_३,८.७ /

अतुल्यत्वाद् असमानविधानाः स्युः / Jऐम्_३,८.८ /

तपश् च फलसिद्धित्वाल् लोकवत् / Jऐम्_३,८.९ /

वाक्यशेषश् च तद्वत् / Jऐम्_३,८.१० /

वचनाद् इतरेषां स्यात् / Jऐम्_३,८.११ /

गुणत्वाच् च वेदेन न व्यवस्था स्यात् / Jऐम्_३,८.१२ /

तथा कामो ऽर्थसंयोगात् / Jऐम्_३,८.१३ /

व्यपदेशाद् इतरेषां स्यात् / Jऐम्_३,८.१४ /

मन्त्राश् चाकर्मकरणास् तद्वत् / Jऐम्_३,८.१५ /

विप्रयोगे च दर्शनात् / Jऐम्_३,८.१६ /

द्व्याम्नातेषूभौ द्व्याम्नानस्यार्थवत्त्वात् / Jऐम्_३,८.१७ /

ज्ञाते च वाचनं न ह्य् अविद्वान् विहितो ऽस्ति / Jऐम्_३,८.१८ /

याजमाने समाख्यानात् कर्माणि याजमानं स्युः / Jऐम्_३,८.१९ /

अध्वर्युर् वा तदर्थो हि न्यायपूर्वे समाख्यानम् / Jऐम्_३,८.२० /

विप्रतिषेधे करणः समावायविशेषाद् इतरम् अन्यस् तेषां यतो विशेषः स्यात् / Jऐम्_३,८.२१ /

प्रैषेणु च पराधिकारात् / Jऐम्_३,८.२२ /

अध्वर्युस् तु दर्शनात् / Jऐम्_३,८.२३ /

गौणो वा कर्मसामान्यात् / Jऐम्_३,८.२४ /

ऋत्विक् फलं करणेष्व् अर्थत्त्वात् / Jऐम्_३,८.२५ /

स्वामिनो वा तदर्थत्वात् / Jऐम्_३,८.२६ /

लिङ्गदर्शनाच् च / Jऐम्_३,८.२७ /

कर्मार्थ फलं तेषां स्वामिनं प्रत्यर्थवत्त्वात् / Jऐम्_३,८.२८ /

व्यपदेशाच् च / Jऐम्_३,८.२९ /

द्रव्यसंस्कारः प्रकारणाविशेषात् सर्वकर्मणाम् / Jऐम्_३,८.३० /

निर्देशात् तु विकृताव् अपूर्वस्यानधिकारः / Jऐम्_३,८.३१ /

विरोधे च श्रुतिविशेषाद् अव्यक्तः शेषे / Jऐम्_३,८.३२ /

अपनयस् त्व् एकदेशस्य विद्यमानसंयोगात् / Jऐम्_३,८.३३ /

विकृतौ सर्वार्थः शेषः प्रकृतिवत् / Jऐम्_३,८.३४ /

मुख्यार्थो वाङ्गस्याचोदितत्वात् / Jऐम्_३,८.३५ /

सन्निधानाविशेषाद् असम्भवेद् अतदङ्गानाम् / Jऐम्_३,८.३६ /

आधाने ऽपि तथेति चेत् / Jऐम्_३,८.३७ /

नाप्रकरणत्वाद् अङ्गस्यातन्निमित्तत्वात् / Jऐम्_३,८.३८ /

तत्काले वा लिङ्गदर्शनात् / Jऐम्_३,८.३९ /

सर्वेषां वाविशेषात् / Jऐम्_३,८.४० /

न्यायोक्ते लिङ्गदर्शनम् / Jऐम्_३,८.४१ /

मांसं तु सवनीयानां चोदनाविशेषात् / Jऐम्_३,८.४२ /

भक्तिर् असन्निधावन्याय्येति चेत् / Jऐम्_३,८.४३ /

स्यात् प्रकृतिलिङ्गाद् वैराजवत् / Jऐम्_३,८.४४ /

अथातः क्रत्वर्थपुरुषार्थयोर् जिज्ञासा / Jऐम्_४,१.१ /

यस्मिन् प्रीतिः पुरुषस्य तस्य लिप्सार्थलक्षणाविभक्तत्वात् / Jऐम्_४,१.२ /

तदुत्सर्गे कर्माणि पुरुषार्थाय शास्त्रस्यानतिशङ्क्यत्वान् न च द्रव्यं चिकीर्ष्यते तेनार्थेनाभिसम्बन्धात् क्रियायां पुरुषश्रुतिः / Jऐम्_४,१.३ /

अविशेषात् तु शास्त्रस्य यथाश्रुति फलानि स्युः / Jऐम्_४,१.४ /

अपि वा कारणाग्रहणे तदर्थम् अर्थस्यानभिसम्बन्धात् / Jऐम्_४,१.५ /

तथा च लोकभूतेषु / Jऐम्_४,१.६ /

द्रव्याणि त्व् अविशेषेणानर्थक्यात् प्रदीयेरन् / Jऐम्_४,१.७ /

स्वेन त्वर्थे न सम्बन्धो द्रव्याणां पृथगर्थत्वात् तस्माद् यथाश्रुति स्युः / Jऐम्_४,१.८ /

चोद्यन्ते चार्थकर्मसु / Jऐम्_४,१.९ /

लिङ्गदर्शनाच् च / Jऐम्_४,१.१० /

तत्रैकत्वमयज्ञाङ्गम् अर्थस्य गुणभूतत्वात् / Jऐम्_४,१.११ /

एकश्रुतित्वाच् च / Jऐम्_४,१.१२ /

प्रतीयते इति चेत् / Jऐम्_४,१.१३ /

नाशब्दं तत्प्रमाणत्वात् पूर्ववत् / Jऐम्_४,१.१४ /

शब्दवत् तूपलभ्यते तदागमे हि तद्दृश्यते तस्य ज्ञानं हि यथान्येषाम् / Jऐम्_४,१.१५ /

तद्वच् च लिङ्गदर्शनम् / Jऐम्_४,१.१६ /

तथा च लिङ्गम् / Jऐम्_४,१.१७ /

आश्रयिष्व् अविशेषेण भावो ऽर्थः प्रतीयेत / Jऐम्_४,१.१८ /

चोदनायां त्व् अनारम्भो ऽविभक्तत्वान् न ह्य् अन्येन विधीयते / Jऐम्_४,१.१९ /

स्याद् वा द्रव्यचिकीर्षायां भावो ऽर्थे च गुणभूतताश्रयाद् धि गुणीभावः / Jऐम्_४,१.२० /

अर्थे समवैषम्यतो द्रव्यकर्मणाम् / Jऐम्_४,१.२१ /

एकनिष्पत्तेः सर्वे समं स्यात् / Jऐम्_४,१.२२ /

संसर्गरसनिश्पत्तेरामिक्षा वा प्रधानं स्यात् / Jऐम्_४,१.२३ /

मुख्यशब्दाभिसंस्तवाच् च / Jऐम्_४,१.२४ /

पदकर्माप्रयोजकं नयनस्य परार्थत्वात् / Jऐम्_४,१.२५ /

अर्थाभिधानकर्म च भविष्यता संयोगस्य तन्निमित्तत्वात् तदर्थो हि विधीयते / Jऐम्_४,१.२६ /

पशाव् अनालम्भाल् लोहितशकृतोर् अकर्मत्वम् / Jऐम्_४,१.२७ /

एकदेशद्रव्यश् चोत्पत्तौ वद्यमानसंयोगात् / Jऐम्_४,१.२८ /

निर्देशात् तस्यान्यद् अर्थाद् इति चेत् / Jऐम्_४,१.२९ /

न शेषसन्निधानात् / Jऐम्_४,१.३० /

कर्मकार्यात् / Jऐम्_४,१.३१ /

लिङ्गदर्शनाच् च / Jऐम्_४,१.३२ /

अभिघारणे विप्रकर्षाद् अनूयाजवत् पात्रभेदः स्यात् / Jऐम्_४,१.३३ /

न वा पात्रत्वाद् अपात्रत्वं त्व् एकदेशत्वात् / Jऐम्_४,१.३४ /

हेतुत्वाच् च सहप्रयोगस्य / Jऐम्_४,१.३५ /

अभावदर्शनाच् च / Jऐम्_४,१.३६ /

सति सव्यवचनम् / Jऐम्_४,१.३७ /

न तस्येति चेत् / Jऐम्_४,१.३८ /

स्यात् तस्य मुख्यत्वात् / Jऐम्_४,१.३९ /

समानयनं तु मुख्यं स्याल् लिङ्गदर्शनात् / Jऐम्_४,१.४० /

वचने हि हेत्वसामर्थ्यम् / Jऐम्_४,१.४१ /

तत्रोत्पत्तिर् अविभक्ता स्यात् / Jऐम्_४,१.४२ /

तत्र जौहवम् अनूयाजप्रतिषेधार्थम् / Jऐम्_४,१.४३ /

औपभृतं तथेति चेत् / Jऐम्_४,१.४४ /

स्याज् जुहूप्रतिषेधान् नित्यानुवादः / Jऐम्_४,१.४५ /

तदष्टसङ्ख्यं श्रवणात् / Jऐम्_४,१.४६ /

अनुग्रहाच् च जौहवस्य / Jऐम्_४,१.४७ /

द्वयोस् तु हेतुसामर्थयं श्रवणं च समानयने / Jऐम्_४,१.४८ /

स्वरुस् त्व् अनेकनिष्पत्तिः स्वकर्मशब्दत्वात् / Jऐम्_४,२.१ /

जात्यन्तराच् च शङ्कते / Jऐम्_४,२.२ /

तदेकदेशो वा स्वरुत्वस्य तन्निमित्तत्वात् / Jऐम्_४,२.३ /

शकलश्रुतेश् च / Jऐम्_४,२.४ /

प्रतियूपं च दर्शनात् / Jऐम्_४,२.५ /

आदाने करोतिशब्दः / Jऐम्_४,२.६ /

शाखायां तत्प्रधानत्वात् / Jऐम्_४,२.७ /

शाखायां तत्प्रधानत्वाद् उपवेषेण विभागः स्याद् वैषम्यं तत् / Jऐम्_४,२.८ /

श्रुत्यपायाच् च / Jऐम्_४,२.९ /

हरणे तु जुहोतिर् योगसामान्याद् द्रव्याणां चार्थशेषत्वात् / Jऐम्_४,२.१० /

प्रतिपत्तिर् वा शब्दस्य तत्प्रधानत्वात् / Jऐम्_४,२.११ /

अर्थे ऽपि चेत् / Jऐम्_४,२.१२ /

न तस्यानधिकाराद् अर्थस्य च कृतत्वात् / Jऐम्_४,२.१३ /

उत्पत्त्यसंयोगात् प्रणीतानाम् आज्यवद् विभागः स्यात् / Jऐम्_४,२.१४ /

संयवनार्थानां वा प्रतिपत्तिर् इतरासां तत्प्रधानत्वात् / Jऐम्_४,२.१५ /

प्रासनवन् मैत्रावरुणस्य दण्डप्रदानं कृतार्थत्वात् / Jऐम्_४,२.१६ /

अर्थकर्म वा कर्तृसंयोगात् स्रग्वत् / Jऐम्_४,२.१७ /

कर्मयुक्ते च दर्शनात् / Jऐम्_४,२.१८ /

उत्पत्तौ येन संयुक्तं तदर्थं तच्छ्रुतिहेतुत्वात् तस्यार्थान्तरगमने शेषत्वात् प्रतिपत्तिः स्यात् / Jऐम्_४,२.१९ /

सौमिके च कृतार्थत्वात् / Jऐम्_४,२.२० /

अर्थकर्म वाभिधानसंयोगात् / Jऐम्_४,२.२१ /

प्रतिपत्तिर् वा तन्न्यायत्वाद् देशार्थावभृथश्रुतिः / Jऐम्_४,२.२२ /

कर्तृदेशकालानाम् अचोदनं प्रयोगे नित्यसमवायात् / Jऐम्_४,२.२३ /

नियमार्था वा श्रुतिः / Jऐम्_४,२.२४ /

तथा द्रव्येषु गुणश्रुतिर् उत्पत्तिसंयोगात् / Jऐम्_४,२.२५ /

संस्कारे च तत्प्रधानत्वात् / Jऐम्_४,२.२६ /

यजति चोदनाद्रव्यदेवताक्रियं समुदाये कृतार्थत्वात् / Jऐम्_४,२.२७ /

तदुक्ते श्रवणाज् जुहोतिर् आसेचनाधिकः स्यात् / Jऐम्_४,२.२८ /

विधेः कर्मापवर्गित्वाद् अर्थान्तरे विधिप्रदेशः स्यात् / Jऐम्_४,२.२९ /

अपि वोत्पत्तिसंयोगाद् अर्थसम्बन्धो ऽविशिष्टानां प्रयोगैकत्वहेतुः स्यात् / Jऐम्_४,२.३० /

द्रव्यसंस्कारकर्मसु परार्थत्वात् फलश्रुतिर् अर्थवादः स्यात् / Jऐम्_४,३.१ /

उत्पत्तेश् चातत्प्रधानत्वात् / Jऐम्_४,३.२ /

फलं तु तत्प्रधानायाम् / Jऐम्_४,३.३ /

नैमित्तिके विकारत्वात् क्रतुप्रधानम् अन्यत् स्यात् / Jऐम्_४,३.४ /

एकस्य तूभयत्वे संयोगपृथक्त्वम् / Jऐम्_४,३.५ /

शेष इति चेत् / Jऐम्_४,३.६ /

नार्थपृथक्त्वात् / Jऐम्_४,३.७ /

द्रव्याणान्तु क्रियार्थानां संस्कारः क्रतुधर्मस्यात् / Jऐम्_४,३.८ /

पृथक्त्वाद्व्यवतिष्ठेत / Jऐम्_४,३.९ /

चोदनायां फलाश्रुतेः कर्ममात्रं विधीयेत न ह्य् अशब्दं प्रतीयते / Jऐम्_४,३.१० /

अपि वाम्नानसामथर्थ्याच् चोदनार्थेन गम्येतार्थानां ह्य् अर्थत्वेन वचनानि प्रतीयन्ते ऽर्थतोप्य् असमर्थानाम् आनन्तर्ये ऽप्य् असम्बन्धस् तस्माच् छ्रुत्येकदेशः सः / Jऐम्_४,३.११ /

वाक्यार्थश् च गुणार्थवत् / Jऐम्_४,३.१२ /

तत्सर्वार्थम् अनादेशात् / Jऐम्_४,३.१३ /

एकं वा चोदनैकत्वात् / Jऐम्_४,३.१४ /

स स्वर्गः स्यात् सर्वान् प्रत्यविशिष्टत्वात् / Jऐम्_४,३.१५ /

प्रत्ययाच् च / Jऐम्_४,३.१६ /

क्रतौ फलार्थवादमङ्गवत् कार्ष्णाजिनिः / Jऐम्_४,३.१७ /

फलमात्रेयो निर्देशाद् अश्रुतौ ह्य् अनुमानं स्यात् / Jऐम्_४,३.१८ /

अङ्गेषु स्तुतिः परार्थत्वात् / Jऐम्_४,३.१९ /

काम्ये कर्मणि नित्यः स्वर्गे यथा यज्ञाङ्गे क्रत्वर्थः / Jऐम्_४,३.२० /

वीते च कारणे नियमात् / Jऐम्_४,३.२१ /

कामो वा तत्संयोगेन चोद्यते / Jऐम्_४,३.२२ /

अङ्गेषु स्तुतिः परार्थत्वात् / Jऐम्_४,३.२३ /

वीते च नियमस् तदर्थम् / Jऐम्_४,३.२४ /

सर्वकाम्यम् अङ्गकामैः प्रकरणात् / Jऐम्_४,३.२५ /

फलोपदेशो वा प्रधानशब्दसंयोगात् / Jऐम्_४,३.२६ /

तत्र सर्वे ऽविशेषात् / Jऐम्_४,३.२७ /

योगसिद्धिर् वार्थस्योत्पत्यसंयोगित्वात् / Jऐम्_४,३.२८ /

समवाये चोदनासंयोगस्यार्थवत्वात् / Jऐम्_४,३.२९ /

कालश्रुतौ काल इति चेत् / Jऐम्_४,३.३० /

नासमवायात्प्रयोजनेन / Jऐम्_४,३.३१ /

उभयार्थाम् इति चेत् / Jऐम्_४,३.३२ /

न शब्दैकत्वात् / Jऐम्_४,३.३३ /

प्रकरणाद् इति चेत् / Jऐम्_४,३.३४ /

नोत्पत्तिसंयोगात् / Jऐम्_४,३.३५ /

अनुत्पत्तौ तु कालः स्यात् प्रयोजनेन सम्बन्धात् / Jऐम्_४,३.३६ /

उतपत्तिकालविशये कालः स्याद् वाक्यस्य तत्प्रधानत्वात् / Jऐम्_४,३.३७ /

फलसंयोगस् त्व् अचोदिते न स्याद् अशेषभूतत्वात् / Jऐम्_४,३.३८ /

अङ्गानां तूपघातसंयोगो निमित्तार्थः / Jऐम्_४,३.३९ /

प्रधानेनाभिसंयोगाद् अङ्गानां मुख्यकालत्वम् / Jऐम्_४,३.४० /

अपवृत्ते तु चोदना तत्सामान्यात् स्वकाले स्यात् / Jऐम्_४,३.४१ /

प्रकरणाविभागे च विप्रतिषिद्धं ह्य् उभयम् / Jऐम्_४,४.१ /

अपि वाङ्गमनिज्याः स्युस् ततो विशिष्टत्वात् / Jऐम्_४,४.२ /

मध्यस्थं यस्य तन्मध्ये / Jऐम्_४,४.३ /

सर्वासां वा समत्वाच् चोदनातः स्यान् न हि तस्य प्रकरणं देशार्थम् उच्यते मध्ये / Jऐम्_४,४.४ /

प्रकरणाविभागे च विप्रतिषिद्धं ह्य् उभयम् / Jऐम्_४,४.५ /

अपि वा कालमात्रं स्याद् अदर्शनाद् विशेशस्य / Jऐम्_४,४.६ /

फलवद् वोक्तहेतुत्वाद् इतरस्य प्रधानं स्यात् / Jऐम्_४,४.७ /

दधिग्रहो नैमित्तिकः श्रुतिसंयोगात् / Jऐम्_४,४.८ /

नित्यश् च ज्येष्ठशब्दात् / Jऐम्_४,४.९ /

सार्वरूप्याच् च / Jऐम्_४,४.१० /

नित्यो वा स्याद् अर्थवादस्तयोः कर्मण्य् असम्बन्धाद् भङ्गित्वाच् चान्तरायस्य / Jऐम्_४,४.११ /

वैश्वानरश् च नित्यः स्यान् नित्यैः समानसङ्ख्यत्वात् / Jऐम्_४,४.१२ /

पक्षे वोत्पन्नसंयोगात् / Jऐम्_४,४.१३ /

षट्चितिः पूर्ववत्त्वात् / Jऐम्_४,४.१४ /

ताभिश् च तुल्यसंख्यानात् / Jऐम्_४,४.१५ /

अर्थवादोपपत्तेश् च / Jऐम्_४,४.१६ /

एकचितिर् वा स्याद् अपवृक्ते हि चोद्यते निमित्तेन / Jऐम्_४,४.१७ /

विप्रतिषेधात् ताभिः समानसङ्ख्यत्वम् / Jऐम्_४,४.१८ /

पितृयज्ञः स्वकालत्वाद् अनङ्गं स्यात् / Jऐम्_४,४.१९ /

तुल्यवच् च प्रसङ्ख्यानात् / Jऐम्_४,४.२० /

प्रतिषिद्धे च दर्शनात् / Jऐम्_४,४.२१ /

पश्वङ्ग रशमा स्यात् तदागमे विधानात् / Jऐम्_४,४.२२ /

यूपाङ्गं वा तत्संस्कारात् / Jऐम्_४,४.२३ /

अर्थवादश् च तदर्थवत् / Jऐम्_४,४.२४ /

स्वरुश्चाप्य् एकदेशत्वात् / Jऐम्_४,४.२५ /

निष्क्रयश् च तदङ्गवत् / Jऐम्_४,४.२६ /

पश्वङ्गं वार्थकर्मत्वात् / Jऐम्_४,४.२७ /

भक्त्या निष्क्रयवादः स्यात् / Jऐम्_४,४.२८ /

दर्शपूर्णमासयोर् इज्याः प्रधानान्य् अविशेषात् / Jऐम्_४,४.२९ /

अपि वाङ्गानि कानि चिद्येश्वङ्गत्वेन संस्तुतिः सामान्यो ह्य् अभिसंस्तवः / Jऐम्_४,४.३० /

तथा चान्यार्थदर्शनम् / Jऐम्_४,४.३१ /

अवशिष्टं तु कारणं प्रधानेषु गुणस्य विद्यमानत्वात् / Jऐम्_४,४.३२ /

नानुक्ते ऽन्यार्थदर्शनं परार्थत्वात् / Jऐम्_४,४.३३ /

पृथवत्वे त्व् अभिधानयोर् निवेशः श्रुतितो व्यपदेशाच् च तत्पुनर्मुख्यलक्षणं यत्फलवत्वं तत्सन्निधाव् असंयुक्तं तदङ्गंस्याद्भागित्वात् कारणस्याश्रुतश् चान्यसम्बन्धः / Jऐम्_४,४.३४ /

गुणाश् च नामसंयुक्ता विधीयन्ते नाङ्गेषूषपद्यन्ते / Jऐम्_४,४.३५ /

तुल्या च कारणश्रुतिर् अन्यैर् अङ्गाङ्गिसम्बन्धः / Jऐम्_४,४.३६ /

उत्पत्ताव् अभिसम्बन्धस् तस्माद् अङ्गोपदेशः स्यात् / Jऐम्_४,४.३७ /

तथा चान्यार्थदर्शनम् / Jऐम्_४,४.३८ /

ज्योतिष्टोमे तुल्यान्य् अविशिष्टं हि कारणम् / Jऐम्_४,४.३९ /

गुणानां तूत्पत्तिवाक्येन सम्बन्धात् कारणश्रुतिस् तस्मात् सोमः प्रधानं स्यात् / Jऐम्_४,४.४० /

तथा चान्यार्थदर्शनम् / Jऐम्_४,४.४१ /

श्रुतिलक्षणम् आनुपूर्व्यं तत्प्रमाणत्वात् / Jऐम्_५,१.१ /

अर्थाच् च / Jऐम्_५,१.२ /

अनियमो ऽन्यत्र / Jऐम्_५,१.३ /

क्रमेण वा नियम्येत क्रत्वेकत्वे तद्गुणत्वात् / Jऐम्_५,१.४ /

अशाब्द इति चेत् स्याद् वाक्यशब्दत्वात् / Jऐम्_५,१.५ /

अर्थकृते वानुमानं स्यात् क्रत्वेकत्वे परार्थत्वात् स्वेन त्व् अर्थेन सम्बन्धस् तस्मात् स्वशब्दम् उच्येत / Jऐम्_५,१.६ /

तथा चान्यार्थदर्शनम् / Jऐम्_५,१.७ /

प्रवृत्या तुल्यकालानां गुणानां तदुपक्रमात् / Jऐम्_५,१.८ /

सर्वम् इति चेत् / Jऐम्_५,१.९ /

नाकृतत्वात् / Jऐम्_५,१.१० /

क्रत्वन्तरवद् इति चेत् / Jऐम्_५,१.११ /

नासमवायात् / Jऐम्_५,१.१२ /

स्थानाच् चोत्पत्तिसंयोगात् / Jऐम्_५,१.१३ /

मुख्यक्रमेण वाङ्गानां तदर्थत्वात् / Jऐम्_५,१.१४ /

प्रकृतौ तु स्वशब्दत्वाद्याक्रमं प्रतीयेत / Jऐम्_५,१.१५ /

मन्त्रतस् तु विरोधे स्यात् प्रयोगरूपसामर्थ्यात् तस्माद् उत्पत्तिदेशः सः / Jऐम्_५,१.१६ /

तद्वचनाद् विकृतौ यथा प्रधानं स्यात् / Jऐम्_५,१.१७ /

विप्रतिपत्तौ वा प्रकृत्यन्वयाद् यथाप्रकृति / Jऐम्_५,१.१८ /

विकृतिः प्रकृतिधर्मत्वात् तत्काला स्याद् यथा शिष्टम् / Jऐम्_५,१.१९ /

अपि वा क्रमकालसंयुक्ता सद्यः क्रियेत तत्र विधेर् अनुमानात् प्रकृतिधर्मलोपः स्यात् / Jऐम्_५,१.२० /

कालोत्कर्ष इति चेत् / Jऐम्_५,१.२१ /

न तत्सम्बन्धात् / Jऐम्_५,१.२२ /

अङ्गानां मुख्यकालत्वाद् यथोक्तम् उत्कर्षे स्यात् / Jऐम्_५,१.२३ /

तदादि वाभिसम्बन्धात् तदन्तम् अपकर्षे स्यात् / Jऐम्_५,१.२४ /

प्रवृत्या कृतकालानाम् / Jऐम्_५,१.२५ /

शब्दविप्रतिषेधाच् च / Jऐम्_५,१.२६ /

असंयोगात् तु वैकृतं तद् एव प्रतिकृष्येत. Jऐम्_५,१.२७ /

प्रासङ्गिकं च नोत्कर्षेद् असंयोगात् / Jऐम्_५,१.२८ /

तथापूर्वम् / Jऐम्_५,१.२९ /

सान्तपनीया तूत्कर्षेद् अग्निहोत्रं सवनवद् वैगुण्यात् / Jऐम्_५,१.३० /

अञ्यवायाच् च Jऐम्_५,१.३१ /

असम्बन्धात् तु नोत्कर्षेत् / Jऐम्_५,१.३२ /

प्रापणाच् च निमित्तस्य / Jऐम्_५,१.३३ /

सम्बन्धात् सवनोत्कर्मः / Jऐम्_५,१.३४ /

षोडशी चोक्थ्यसंयोगात् / Jऐम्_५,१.३५ /

सन्निपाते प्राधानानाम् एकैकस्य गुणानां सर्वकर्म स्यात् / Jऐम्_५,२.१ /

सर्वेषां वैकजातीयं कृतानुपूर्व्यत्वात् / Jऐम्_५,२.२ /

कारणाद् अभ्यावृत्तिः / Jऐम्_५,२.३ /

मुष्टिकपालावदानाञ्जनाभ्यञ्जनवपनपावनेषु चैकेन / Jऐम्_५,२.४ /

सर्वाणि त्व् एककार्यत्वादेषां तद्गुणत्वात् / Jऐम्_५,२.५ /

संयुक्ते तु प्रक्रमात् तदङ्गं स्याद् इतरस्य तदर्थत्वात् / Jऐम्_५,२.६ /

वचनात् तु परिव्याणान्तम् अञ्जनादिः स्यात् / Jऐम्_५,२.७ /

कारणाद्वा(न) वसर्गः स्याद् यथा पात्रवृद्धिः / Jऐम्_५,२.८ /

न वा शब्दकृतत्वान् न्यायमात्रमितरदर्थात् पात्रविवृद्धिः / Jऐम्_५,२.९ /

पशुगणे तस्यतस्यापवर्जयेत् पश्वैकत्वात् / Jऐम्_५,२.१० /

दैवतैर् वैककर्म्यात् / Jऐम्_५,२.११ /

मन्त्रस्य चार्थवत्त्वात् / Jऐम्_५,२.१२ /

नानाबीजेष्वेकमुलूखलं विभवात् / Jऐम्_५,२.१३ /

विवृद्धिर् वा नियामादानुपूर्व्यस्य तदर्थत्वात् / Jऐम्_५,२.१४ /

एकं वा तण्डुलभावाद् धन्तेस् तदर्थत्वात् / Jऐम्_५,२.१५ /

विकारे त्व् अनूयाजानां पात्रभेदो ऽर्थभेदात् स्यात् / Jऐम्_५,२.१६ /

प्रकृतेः पूर्वोक्तत्वाद् अपूर्वम् अन्ते स्यान् न ह्य् अचोदितस्य शेषाम्नानम् / Jऐम्_५,२.१७ /

मुख्यानन्तर्यमात्रेयस् तेन तुल्यश्रुतित्वाद् अशब्दत्वात् प्राकृतानां व्यवायः स्यात् / Jऐम्_५,२.१८ /

अन्ते तु बादरायणस् तेषां प्रधानशब्दत्वात् / Jऐम्_५,२.१९ /

तथा चान्यार्थदर्शनम् / Jऐम्_५,२.२० /

कृतदेशात् तु पूर्वेषां स देशः स्यात् तेन प्रत्यक्षसंयोगान् नयायमात्रमितरत् / Jऐम्_५,२.२१ /

प्रकृताच् च पुरस्ताद् यत् / Jऐम्_५,२.२२ /

सन्निपातश् चेद् यथोक्तमन्ते स्यात् / Jऐम्_५,२.२३ /

विवृद्धिः कर्मभेदात् पृषदाज्यवत् तस्यतस्योपदिश्येत / Jऐम्_५,३.१ /

अपि वा सर्वसङ्ख्यत्वाद् विकारः प्रतीयेत / Jऐम्_५,३.२ /

स्वस्थानात् तु विवृध्येरन् कृतानुपूर्व्यत्वात् / Jऐम्_५,३.३ /

समिध्यमानवतीं समिद्धवतीं चान्तरेण धाय्याः स्युर् द्यावापृथिञ्योरन्तरालं समर्हणात् / Jऐम्_५,३.४ /

तच्छब्दो वा / Jऐम्_५,३.५ /

उष्णिक्ककुभोरन्ते दर्शनात् / Jऐम्_५,३.६ /

स्तोमविवृद्धौ वहिष्पवमाने पुरस्तात् पर्यासाद् आगन्तवः स्युस् तथा हि दृष्टं द्वादशाहे / Jऐम्_५,३.७ /

पर्यास इति चान्ताख्या / Jऐम्_५,३.८ /

अन्ते वा तदुक्तम् / Jऐम्_५,३.९ /

वचनात् तु द्वादशाहे / Jऐम्_५,३.१० /

अतद्विकारश् च / Jऐम्_५,३.११ /

तद्विकारे ऽप्य् अपूर्वत्वात् / Jऐम्_५,३.१२ /

अन्ते तूत्तरयोर् दध्यात् / Jऐम्_५,३.१३ /

अपि वा गायत्रीबृहत्यनुष्टुप्सु वचनात् / Jऐम्_५,३.१४ /

ग्रहेष्टकम् औपानुवाक्यं सवनचितिशेषः स्यात् / Jऐम्_५,३.१५ /

क्रत्वग्निशेषा वा चोदितत्वाद् अचोदनानुपूर्वस्य / Jऐम्_५,३.१६ /

अन्ते स्युर् अव्यवायात् / Jऐम्_५,३.१७ /

लिङ्गदर्शनाच् च / Jऐम्_५,३.१८ /

मध्यमायां तु वचनाद् ब्राह्मणवत्यः / Jऐम्_५,३.१९ /

प्राग्लोकम्पृणायास् तस्याः सम्पूरणार्थत्वात् / Jऐम्_५,३.२० /

संस्कृते कर्म संस्काराणां तदर्थत्वात् / Jऐम्_५,३.२१ /

अनन्तरं व्रतं तद्भूतत्वात् / Jऐम्_५,३.२२ /

पूर्वं च लिङ्गदर्शनात् / Jऐम्_५,३.२३ /

अर्थवादो वार्थस्य विद्यमानत्वात् / Jऐम्_५,३.२४ /

न्यायविप्रतिषेधाच् च / Jऐम्_५,३.२५ /

सञ्चिते त्व् अग्निचिद् युक्तं प्रापणान् निमित्तस्य / Jऐम्_५,३.२६ /

क्रत्वन्ते वा प्रयोगवचनाभावात् / Jऐम्_५,३.२७ /

अग्नेः कर्मत्वनिर्देशात् / Jऐम्_५,३.२८ /

परेणावेदनाद् दीक्षितः स्यात् सर्वैर् दीक्षाभिसम्बन्धात् / Jऐम्_५,३.२९ /

इष्ट्यन्ते वा तदर्था ह्य् अविशेषार्थसन्वन्धात् / Jऐम्_५,३.३० /

समाख्यानं च तद्वत् / Jऐम्_५,३.३१ /

अङ्गवत् क्रतूनाम् आनुपूर्व्यम् / Jऐम्_५,३.३२ /

न वासम्बन्धात् / Jऐम्_५,३.३३ /

काम्यत्वाच् च / Jऐम्_५,३.३४ /

आनर्थक्यान् नेति चेत् / Jऐम्_५,३.३५ /

स्याद् विद्यार्थत्वाद् यथा परेषु सर्वस्वारात् / Jऐम्_५,३.३६ /

य एतेनेत्य् अग्निष्टोमः प्रकरणात् / Jऐम्_५,३.३७ /

लिङ्गाच् च / Jऐम्_५,३.३८ /

अथान्येनेति संस्थानां सन्निधानात् / Jऐम्_५,३.३९ /

तत्प्रकृतेर् वापत्तिविहारौ न तुल्येषूपपद्यते / Jऐम्_५,३.४० /

प्रशसा च विहरणाभावात् / Jऐम्_५,३.४१ /

विधिप्रत्ययाद् वा न ह्य् अकस्मात् प्रशंसा स्यात् / Jऐम्_५,३.४२ /

एकस्तोमे वा क्रतुसंयोगात् / Jऐम्_५,३.४३ /

सर्वेषां वा चोदनाविशेषात् प्रशंसा स्तोमानाम् / Jऐम्_५,३.४४ /

क्रमकोयो ऽर्थशब्दाभ्यां श्रुतिविशेषाद् अर्थपरत्वाच् च / Jऐम्_५,४.१ /

अवदानाभिघारणासादनेष्व् आनुपूर्व्यं प्रवृत्या स्यात् / Jऐम्_५,४.२ /

यथारप्रदानं वा तदर्थत्वात् / Jऐम्_५,४.३ /

लिङ्गदर्शनाच् च / Jऐम्_५,४.४ /

वचनाद् इष्टिपूर्वत्वम् / Jऐम्_५,४.५ /

सोमश् चैकेषाम् अग्नयाधेयस्यर्तुनक्षत्रातिक्रमवचनात् तदन्तेनानर्थकं हि स्यात् / Jऐम्_५,४.६ /

तदर्थवचनाच् च नाविशेषात् तदर्थत्वं / Jऐम्_५,४.७ /

अयक्ष्यमाणस्य च पवमानहविषां कालनिर्देशाद् आनन्तर्याद् विशङ्का स्यात् / Jऐम्_५,४.८ /

इष्टिर् अयक्ष्यमाणस्य तदर्थ्ये न सोमपूर्वत्वम् / Jऐम्_५,४.९ /

उत्कर्षाद् ब्राह्मणस्य सोमः स्यात् / Jऐम्_५,४.१० /

पौर्णमासी वा श्रुतिसंयोगात् / Jऐम्_५,४.११ /

सर्वस्य वैककर्म्यात् / Jऐम्_५,४.१२ /

स्याद् वा विधिस् तदर्थेन / Jऐम्_५,४.१३ /

प्रकरणात् तु कालः स्यात् / Jऐम्_५,४.१४ /

स्वकाले स्याद् अविप्रतिषेधात् / Jऐम्_५,४.१५ /

अपनयो वाधानस्य सर्वकालत्वात् / Jऐम्_५,४.१६ /

पौर्णमास्य् ऊर्ध्वं सोमाद् ब्राह्मणस्य वचनात् / Jऐम्_५,४.१७ /

एकं वा शब्दसामर्थ्यात् प्राक् कृत्स्नविधानम् / Jऐम्_५,४.१८ /

पुरोडाशस् त्व् अनिर्देशे तद्युक्ते देवताभावात् / Jऐम्_५,४.१९ /

आज्यमपीति चेत् / Jऐम्_५,४.२० /

न मिश्रदेवतत्वाद् ऐन्द्राग्नवत् / Jऐम्_५,४.२१ /

विकृतेः प्रकृतिकालत्वात् सद्यस्कालोत्तरा विकृतिस् तयोः प्रत्यक्षशिष्टत्वात् / Jऐम्_५,४.२२ /

द्वैयहकाल्ये तु यथान्यायम् / Jऐम्_५,४.२३ /

वचनाद् वैककाल्यं स्यात् / Jऐम्_५,४.२४ /

सन्नाय्याग्नीषोमीयविकारा ऊर्ध्वं सोमात्प्रकृतिवत् / Jऐम्_५,४.२५ /

तथा सोमविकारा दर्शपूर्णमासाभ्याम् / Jऐम्_५,४.२६ /

द्रव्याणां कर्मसंयोगे गुणत्वेनाभिसम्बन्धः / Jऐम्_६,१.१ /

असाधकं तु तादर्थ्यात् / Jऐम्_६,१.२ /

प्रत्यर्थं चाभिसंयोगात्कर्मतो ह्य् अभिसम्बन्धस् तस्मात् कर्मोपदेशः स्यात् / Jऐम्_६,१.३ /

फलार्थत्वात् कर्मणः शास्त्रं सर्वाधिकारं स्यात् / Jऐम्_६,१.४ /

कर्तुर् वा श्रुतिसंयोगाद् विधिः कार्त्स्न्येन गम्यते / Jऐम्_६,१.५ /

लिङ्गविशेषनिर्देशात् पुंयुक्तम् ऐतिशायनः / Jऐम्_६,१.६ /

तदुक्तित्वाच् च दोषश्रुतिर् अविज्ञाते / Jऐम्_६,१.७ /

जातिं तु बादरायणो ऽविशेषात् तस्मात् स्त्र्य् अपि प्रतीयेत जात्यर्थस्याविशिष्टत्वात् / Jऐम्_६,१.८ /

चोदितत्वाद् यथाश्रुति / Jऐम्_६,१.९ /

द्रव्यवत्त्वात् तु पुंसां स्याद् द्रव्यसंयुक्तं क्रयविक्रयाभ्याम् अद्रव्यत्वं स्त्रीणां द्रव्यैः समानयोगित्वात् / Jऐम्_६,१.१० /

तथा चान्यार्थदर्शनम् / Jऐम्_६,१.११ /

तादर्थ्यात् कर्म तादर्थ्यम् / Jऐम्_६,१.१२ /

फलोत्साहाविशेषात् तु / Jऐम्_६,१.१३ /

अर्थेन च समवेतत्वात् / Jऐम्_६,१.१४ /

क्रयस्य थर्ममात्रत्वम् / Jऐम्_६,१.१५ /

स्ववत्ताम् अपि दर्शयति / Jऐम्_६,१.१६ /

स्ववतोस् तु वचनाद् ऐककर्म्यं स्यात् / Jऐम्_६,१.१७ /

लिङ्गदर्शनाच् च / Jऐम्_६,१.१८ /

क्रीतत्वात् तु भक्त्या स्वामित्वम् उच्यते / Jऐम्_६,१.१९ /

फलार्थित्वात् तु स्वामित्वेनाभिसम्बन्धः / Jऐम्_६,१.२० /

फलवत्तां च दर्शयति / Jऐम्_६,१.२१ /

द्व्याधानं च द्वियज्ञवत् / Jऐम्_६,१.२२ /

गुणस्य तु विधानत्वात् पत्न्या द्वितीयशब्दः स्यात् / Jऐम्_६,१.२३ /

तस्या यावदुक्तम् आशीर् ब्रह्मचर्यम् अतुल्यत्वात् / Jऐम्_६,१.२४ /

चातुर्वर्ण्यम् अविशेषात् / Jऐम्_६,१.२५ /

निर्देशाद् वा त्रयाणां स्याद् अग्न्याधेये ऽसम्बन्धः क्रतुषु ब्राह्मणश्रुतेर् इत्य् आत्रेयः / Jऐम्_६,१.२६ /

निमित्तार्थे न बादरिस् तस्मात् सर्वाधिकारं स्यात् / Jऐम्_६,१.२७ /

अपि वान्यार्थदर्शनाद् यथाश्रुति प्रतीयेत / Jऐम्_६,१.२८ /

निर्देशात् तु पक्षे स्यात् / Jऐम्_६,१.२९ /

वैगुण्यान् नेति चेत् / Jऐम्_६,१.३० /

न काम्यत्वात् / Jऐम्_६,१.३१ /

संस्कारे च तत्प्रधानत्वात् / Jऐम्_६,१.३२ /

अपि वा वेदनिर्देशाद् अपशूद्राणां प्रतीयेत / Jऐम्_६,१.३३ /

गुणार्थित्वान् नेति चेत् / Jऐम्_६,१.३४ /

संस्कारस्य तदर्थत्वाद् विद्यायां पुरुषश्रुतिः / Jऐम्_६,१.३५ /

विद्यानिर्देशान् नेति चेत् / Jऐम्_६,१.३६ /

अबैद्यत्वाद् अभावः कर्मणि स्यात् / Jऐम्_६,१.३७ /

तथा चान्यार्थदर्शनम् / Jऐम्_६,१.३८ /

त्रयाणां द्रव्यसम्पन्नः कर्मणी द्रव्यसिद्धत्वात् / Jऐम्_६,१.३९ /

अनित्यत्वात् तु नैवं स्याद् अर्थाद् धि द्रव्यसंयोगः / Jऐम्_६,१.४० /

अङ्गहीनश् च तद्धर्मा / Jऐम्_६,१.४१ /

उत्पत्तौ नित्यसंयोगात् / Jऐम्_६,१.४२ /

अत्र्यार्षेयस्य हानं स्यात् / Jऐम्_६,१.४३ /

वचनाद् रथकारस्याधाने ऽस्य सर्वशेषत्वात् / Jऐम्_६,१.४४ /

न्याय्यो वा कर्मसंयोगाच् छूद्रस्य प्रतिषिद्धतत्वात् / Jऐम्_६,१.४५ /

अकर्मत्वात् तु नैवं स्यात् / Jऐम्_६,१.४६ /

आनर्थक्यं च संयोगात् / Jऐम्_६,१.४७ /

गुणार्थेनेति चेत् / Jऐम्_६,१.४८ /

उक्तम् अनिमित्तत्वम् / Jऐम्_६,१.४९ /

सौधन्वनास् तु हीनत्वान् मन्त्रवर्णात् प्रतीयेरन् / Jऐम्_६,१.५० /

रथपतिर् निषादः स्याच् छब्दसामर्थ्यात् / Jऐम्_६,१.५१ /

लिङ्गदर्शनाच् च / Jऐम्_६,१.५२ /

पुरुषार्थैकसिद्धित्वात् तस्य तस्याधिकारः स्यात् / Jऐम्_६,२.१ /

अपि चोत्पत्तिसंयोगो यथा स्यात् सत्वदर्यशनं तथाभावो विभागे स्यात् / Jऐम्_६,२.२ /

प्रयोगे पुरुषश्रुतेर् यथाकामी प्रयोगे स्यात् / Jऐम्_६,२.३ /

प्रत्यर्थं श्रुतिभाव इति चेत् / Jऐम्_६,२.४ /

तादर्थ्ये न गुणार्थतानुक्ते ऽर्थान्तरत्वात् कर्तुः प्रधानभूतत्वात् / Jऐम्_६,२.५ /

अपि वा कामसंयोगे सम्बन्धात् प्रयोगायोपदिश्येत प्रत्यर्थं हि विधिश्रुतिर् विषाणावत् / Jऐम्_६,२.६ /

अन्यस्य स्याद् इति चेत् / Jऐम्_६,२.७ /

अन्यार्थेनाभिसम्बन्धः / Jऐम्_६,२.८ /

फलकामो निमित्तम् इति चेत् / Jऐम्_६,२.९ /

न नित्यत्वात् / Jऐम्_६,२.१० /

कर्म तथेति चेत् / Jऐम्_६,२.११ /

न समवायात् / Jऐम्_६,२.१२ /

प्रकमात् तु नियम्येतारम्भस्य क्रियानिमित्तत्वात् / Jऐम्_६,२.१३ /

फलार्थित्वाद् वानियमो यथानुपक्रान्ते / Jऐम्_६,२.१४ /

नियमो वा तन्निमित्तत्वात् कर्तुस् तत्कारणं स्यात् / Jऐम्_६,२.१५ /

लोके कर्माणि वेदवत् ततो ऽधिपुरुषज्ञानम् / Jऐम्_६,२.१६ /

अपराधे ऽपि च तैः शास्त्रम् / Jऐम्_६,२.१७ /

अशास्त्रात् तूपसम्प्राप्तिः शास्त्रं स्यान् न प्रकल्पकं तस्माद् अर्थेन गम्येताप्राप्ते शास्त्रम् अर्थवत् / Jऐम्_६,२.१८ /

प्रतिषेधेष्व् अकर्मत्वात् क्रिया स्यात् प्रतिषिद्धानां विभक्तत्वाद् अकर्मणाम् / Jऐम्_६,२.१९ /

शास्त्राणां त्व् अर्थवत्वेन पुरुषार्थो विधीयते तयोर् असमवायित्वात् तादर्थ्ये विध्यतिक्रमः / Jऐम्_६,२.२० /

तस्मिंस् तु शिष्यमाणानि जननेन प्रवर्तेरन् / Jऐम्_६,२.२१ /

अपि वा वेदतुल्यत्वाद् उपायेन प्रवर्तेरन् / Jऐम्_६,२.२२ /

अभ्यासो ऽकर्मशेषत्वात् पुरुषार्थो विधीयते / Jऐम्_६,२.२३ /

तस्मिन्न् असम्भवन्न् अर्थात् / Jऐम्_६,२.२४ /

न कालेभ्य उपदिश्यन्ते / Jऐम्_६,२.२५ /

दर्शनात् काललिङ्गानां कालविधानम् / Jऐम्_६,२.२६ /

तेषाम् औत्पत्तिकत्वाद् आगमेन प्रवर्तेत / Jऐम्_६,२.२७ /

तथा हि लिङ्गदर्शनम् / Jऐम्_६,२.२८ /

तथान्तःक्रतुप्रयुक्तानि / Jऐम्_६,२.२९ /

आचाराद् गृह्यमाणेषु तथा स्यात् पुरुषार्थत्वात् / Jऐम्_६,२.३० /

ब्राह्मणस्य तु सोमविद्याप्रजम् ऋणवाक्येन संयोगात् / Jऐम्_६,२.३१ /

सर्वशक्तौ प्रवृत्तिः स्यात् तथाभूतोपदेशात् / Jऐम्_६,३.१ /

अपि वाप्य् एकदेशे स्यात् प्रधाने ह्य् अर्थनिर्वृत्तिर् गुणमात्रम् इतरत् तदर्थत्वात् / Jऐम्_६,३.२ /

तदकर्मणि च दोषस् तस्मात् ततो विशेषः स्यात् प्रधानेनाभिसम्बन्धात् / Jऐम्_६,३.३ /

कर्माभेदं तु जैमिनिः प्रयोगवचनैकत्वात् सर्वेषाम् उपदेशः स्याद् इति / Jऐम्_६,३.४ /

अर्थस्य व्यपवर्गित्वाद् एकस्यापि प्रयोगे स्याद् यथा क्रत्वन्तरेषु / Jऐम्_६,३.५ /

विध्यपराधे च दर्शनात् समाप्तेः / Jऐम्_६,३.६ /

प्रायश्चित्तविधानाच् च / Jऐम्_६,३.७ /

काम्येषु चैवम् अर्थित्वात् / Jऐम्_६,३.८ /

असंयोगात् तु नैवं स्याद् विधेः शब्दप्रमाणत्वात् / Jऐम्_६,३.९ /

अकर्मणि चाप्रत्यवायात् / Jऐम्_६,३.१० /

क्रियाणाम् आश्रितत्वाद् द्रव्यान्तरे विभागः स्यात् / Jऐम्_६,३.११ /

अपि वाव्यतिरेकाद् रूपशब्दाविभागाच् च गोत्ववद् ऐककर्म्यं स्यान् नामधेयं च सत्त्ववत् / Jऐम्_६,३.१२ /

श्रुतिप्रमाणत्वाच् छिष्टाभावे ऽनागमो ऽन्यस्याशिष्टत्वात् / Jऐम्_६,३.१३ /

क्वचिद् विधानाच् च / Jऐम्_६,३.१४ /

आगमो वा चोदनार्थाविशेषात् / Jऐम्_६,३.१५ /

नियमार्थः क्वाचिद् विधिः / Jऐम्_६,३.१६ /

तन् नित्यं तच्चिकीर्षा हि / Jऐम्_६,३.१७ /

न देवताग्निशब्दक्रियमन्यार्थसंयोगात् / Jऐम्_६,३.१८ /

देवतायां च तदर्थत्वात् / Jऐम्_६,३.१९ /

प्रतिषिद्धं चाविशेषेण हि तच्छ्रुतिः / Jऐम्_६,३.२० /

तथा स्वामिनः फलसमवायात् फलस्य कर्मयोगित्वात् / Jऐम्_६,३.२१ /

बहूनां तु प्रवृत्ते ऽन्यमागमयेद् अवैगुण्यात् / Jऐम्_६,३.२२ /

स स्वामी स्यात् संयोगात् / Jऐम्_६,३.२३ /

कर्मकरो वा भृतत्वात् / Jऐम्_६,३.२४ /

तस्मिंश् च फलदर्शनात् / Jऐम्_६,३.२५ /

स तद्धर्मा स्यात् कर्मसंयोगात् / Jऐम्_६,३.२६ /

सामान्यं तच्चिकीर्षा हि / Jऐम्_६,३.२७ /

निर्देशात् तु विकल्पे यत् प्रवृत्तम् / Jऐम्_६,३.२८ /

अशब्दम् इति चेत् / Jऐम्_६,३.२९ /

नानङ्गत्वात् / Jऐम्_६,३.३० /

वचनाच् चान्याय्यम् अभावे तत्सामान्येन प्रतिनिधिर् अभावाद् इतरस्य / Jऐम्_६,३.३१ /

न प्रतिनिधौ समत्वात् / Jऐम्_६,३.३२ /

स्याच् छ्रुतिलक्षणे नियतत्वात् / Jऐम्_६,३.३३ /

न तदीप्सा हि / Jऐम्_६,३.३४ /

मुख्याधिगमे मुख्यम् आगमो हि तदभावात् / Jऐम्_६,३.३५ /

प्रबृत्ते ऽपीति चेत् / Jऐम्_६,३.३६ /

नानर्थकत्वात् / Jऐम्_६,३.३७ /

द्रव्यसंस्कारविरोधे द्रव्यं तदर्थत्वात् / Jऐम्_६,३.३८ /

अर्थद्रव्यविरोधे ऽर्थो द्रव्याभावे तदुत्पत्तेर् द्रव्याणाम् अर्थशेषत्वात् / Jऐम्_६,३.३९ /

विधिर् अप्य् एकदेशे स्यात् / Jऐम्_६,३.४० /

अपि वार्थस्य शक्यत्वाद् एकदेशेन निर्वर्तेतार्थानाम् अविभक्तत्वाद् गुणमात्रम् इतरत् तदर्थत्वात् / Jऐम्_६,३.४१ /

शेषाद् द्व्यवदाननाशे स्यात् तदर्थत्वात् / Jऐम्_६,४.१ /

निर्देशाद् वान्यद् आगमयेत् / Jऐम्_६,४.२ /

अपि वा शेषभाजां स्याद् विशिष्टकारणत्वात् / Jऐम्_६,४.३ /

निर्देशाच् छेषभक्षो ऽन्यैः प्रधानवत् / Jऐम्_६,४.४ /

सर्वैर् वा समवायात् स्यात् / Jऐम्_६,४.५ /

निर्देशस्य गुणार्थत्वम् / Jऐम्_६,४.६ /

प्रधाने श्रुतिलक्षणम् / Jऐम्_६,४.७ /

अर्थवद् इति चेत् / Jऐम्_६,४.८ /

न चोदनाविरोधात् / Jऐम्_६,४.९ /

अर्थसमवायत् प्रायश्चित्तम् एकदेशे ऽपि / Jऐम्_६,४.१० /

न त्व् अशेषे वैगुण्यात् तदर्थं हि / Jऐम्_६,४.११ /

स्याद् वा प्राप्तनिमित्तत्वाद् अतद्धर्मो नित्यसंयोगान् न हितस्य गुणार्थेनानित्यत्वात् / Jऐम्_६,४.१२ /

गुणानां च परार्थत्वाद् वचनाद् व्यपाश्रय स्यात् / Jऐम्_६,४.१३ /

भेदार्थम् इति / Jऐम्_६,४.१४ /

न शेषभूतत्वात् / Jऐम्_६,४.१५ /

अनर्थकश् च सर्वनाशे स्यात् / Jऐम्_६,४.१६ /

क्षामे तु सर्वदाहे स्याद् एकदेशस्यावर्जनीयत्वात् / Jऐम्_६,४.१७ /

दर्शनाद् एकदेशे स्यात् / Jऐम्_६,४.१८ /

अन्येन वैतच् छास्त्राद् धि कारणप्राप्तिः / Jऐम्_६,४.१९ /

तद्धविःशब्दान् नेति चेत् / Jऐम्_६,४.२० /

स्याद् अन्यायत्वादिज्यागामी हविः शब्दस् तल्लिङ्गसंयोगात् / Jऐम्_६,४.२१ /

यथाश्रुतीति चेत् / Jऐम्_६,४.२२ /

न तल्लक्षणत्वाद् उपपातो हि कारणम् / Jऐम्_६,४.२३ /

होमाभिषवभक्षणं च तद्वत् / Jऐम्_६,४.२४ /

उभाभ्यां वा न हि तयोर् धर्मशास्त्रम् / Jऐम्_६,४.२५ /

पुनर् आधेयम् ओदनवत् / Jऐम्_६,४.२६ /

द्रव्योत्पत्तेर् वोभयोः स्यात् / Jऐम्_६,४.२७ /

पञ्चशरावस् तु द्रव्यश्रुतेः प्रतिनिधिः स्यात् / Jऐम्_६,४.२८ /

चोदना वा द्रव्यदेवताविधिर् अवाच्ये हि / Jऐम्_६,४.२९ /

स प्रत्यामनेत् स्थानात् / Jऐम्_६,४.३० /

अङ्गविधिर् वा निमित्तसंयोगात् / Jऐम्_६,४.३१ /

विश्वजित्वप्रवृत्ते भावः कर्मणि स्यात् / Jऐम्_६,४.३२ /

निष्क्रयवादाच् च / Jऐम्_६,४.३३ /

वत्ससंयोगे व्रतचोदना स्यात् / Jऐम्_६,४.३४ /

कालो वोत्पन्नसंयोगाद् यथोक्तस्य / Jऐम्_६,४.३५ /

अर्थापरिमाणाच् च / Jऐम्_६,४.३६ /

वत्सस् तु श्रुतिसंयोगात् तदङ्गं स्यात् / Jऐम्_६,४.३७ /

कालस् तु स्याद् अचोदनात् / Jऐम्_६,४.३८ /

अनर्थकश् च कर्मसंयोगे / Jऐम्_६,४.३९ /

अवचनाच् च स्वशब्दस्य / Jऐम्_६,४.४० /

कालश् चेत् सन्नयत्पक्षे तल्लिङ्गसंयोगात् / Jऐम्_६,४.४१ /

कालार्थत्वाद् वोभयोः प्रतीयेत / Jऐम्_६,४.४२ /

प्रस्तरे शाखाश्रयणवत् / Jऐम्_६,४.४३ /

कालविधिर् वोभयोर् विद्यामानत्वात् / Jऐम्_६,४.४४ /

अतत्संस्कारार्थत्वाच् च / Jऐम्_६,४.४५ /

तस्माच् च विप्रयोगे स्यात् / Jऐम्_६,४.४६ /

उपवेषश् च पक्षे स्यात् / Jऐम्_६,४.४७ /

अभ्युदये कालापराधाद् इज्याचोदना स्याद् यथा पञ्चशरावे / Jऐम्_६,५.१ /

अपनयो वा विद्यानत्वात् / Jऐम्_६,५.२ /

तद्रूपत्वाच् च शब्दानाम् / Jऐम्_६,५.३ /

आतञ्चनाभ्यासस्य दर्शनात् / Jऐम्_६,५.४ /

अपूर्वत्वाद् विधानं स्यात् / Jऐम्_६,५.५ /

पयोदोषात् पञ्चशरावे ऽदुष्टं हीतरत् / Jऐम्_६,५.६ /

सान्नाय्यो ऽपि तथेति चेत् / Jऐम्_६,५.७ /

न तस्यादुष्टत्वाद् अविशिष्टं हि कारणम् / Jऐम्_६,५.८ /

लक्षणार्थाश्रुतिः / Jऐम्_६,५.९ /

उपांशुयाजे ऽवचनाद् यथाप्रकृति / Jऐम्_६,५.१० /

अपनयो वा प्रवृत्या यथेतरेषाम् / Jऐम्_६,५.११ /

निरुप्ते स्यात् तत्संयोगात् / Jऐम्_६,५.१२ /

प्रवृत्ते वा प्रापणान् निमित्तस्य / Jऐम्_६,५.१३ /

लक्षणमात्रम् इतरत् / Jऐम्_६,५.१४ /

तथा चान्यार्थदर्शनम् / Jऐम्_६,५.१५ /

अनिरुप्ते ऽभ्युदिते प्राकृतीभ्यो निर्वपेद् इत्य् आश्मरथ्यस् तण्डुलभूतेष्व् अपनयात् / Jऐम्_६,५.१६ /

व्यूर्ध्वभाग्भ्यस् त्व् आलेखनस् तत्कारित्वाद् देवतापनयस्य / Jऐम्_६,५.१७ /

विनिरुप्ते न मुष्टीनाम् अपनयस् तद्गुणत्वात् / Jऐम्_६,५.१८ /

अप्राकृतेन हि संयोगस् तत्स्थानीयत्वात् / Jऐम्_६,५.१९ /

अभावाच् चेतरस्य स्यात् / Jऐम्_६,५.२० /

सान्नाय्यसंयोगान् नासन्नायतः स्यात् / Jऐम्_६,५.२१ /

औषधसंयोगाद् वोभयोः / Jऐम्_६,५.२२ /

वैगुण्यान् नेति चेत् / Jऐम्_६,५.२३ /

नातत्संस्कारत्वात् / Jऐम्_६,५.२४ /

साम्युत्थाने विश्वजित्क्रीते विभागसंयोगात् / Jऐम्_६,५.२५ /

प्रवृते वा प्रापणान् निमित्तस्य / Jऐम्_६,५.२६ /

आदेशार्थेतरा श्रुतिः / Jऐम्_६,५.२७ /

दीक्षापरिमाणे यथाकाम्यविशेषात् / Jऐम्_६,५.२८ /

द्वादशाहस् तु लिङ्गात् स्यात् / Jऐम्_६,५.२९ /

पौर्णमास्याम् अनियमो ऽविशेषात् / Jऐम्_६,५.३० /

आनन्तर्यात् तु चैत्री स्यात् / Jऐम्_६,५.३१ /

माघी वैकाष्टकाश्रुतेः / Jऐम्_६,५.३२ /

अन्या अपीति चेत् / Jऐम्_६,५.३३ /

न भक्तित्वाद् एषा हि लोके / Jऐम्_६,५.३४ /

दीक्षापराधे चानुग्रहात् / Jऐम्_६,५.३५ /

उत्थाने चानुप्ररोहात् / Jऐम्_६,५.३६ /

अस्यां च सर्वलिङ्गानि / Jऐम्_६,५.३७ /

दीक्षाकालस्य शिष्टत्वाद् अतिक्रमे नियतानाम् अनुत्कर्षः प्राप्तकालत्वात् / Jऐम्_६,५.३८ /

उत्कर्षो वा दीक्षितत्वाद् अविशिष्टं हि कारणम् / Jऐम्_६,५.३९ /

तत्र प्रतिहोमो न विद्यते यथा पूर्वेषाम् / Jऐम्_६,५.४० /

कालप्राधान्याच् च / Jऐम्_६,५.४१ /

प्रतिषेधाच् चोर्ध्वम् अवभृथादेष्टे / Jऐम्_६,५.४२ /

प्रतिहोमश् चेत् सायम् अग्निहोत्रप्रभृतीनि हूयेरन् / Jऐम्_६,५.४३ /

प्रातस् तु षोडशिनि / Jऐम्_६,५.४४ /

प्रायश्चित्तम् अधिकारे सर्वत्र दोषमामान्यात् / Jऐम्_६,५.४५ /

प्रकरणे वा शब्दहेतुत्वात् / Jऐम्_६,५.४६ /

अतिद्विकारश् च / Jऐम्_६,५.४७ /

व्यापन्नस्याप्सु गतौ यद् अभोज्यम् आर्याणां तत् प्रतीयेत / Jऐम्_६,५.४८ /

विभागश्रुतेः प्रायश्चित्तं यौगपद्ये न विद्यते / Jऐम्_६,५.४९ /

स्याद् वा प्राप्तनिमित्तत्वात् कालमात्रम् एकम् / Jऐम्_६,५.५० /

तत्र विप्रतिषेधाद् विकल्पः स्यात् / Jऐम्_६,५.५१ /

प्रयोगान्तरे वोभयानुग्रहः स्यात् / Jऐम्_६,५.५२ /

न चैकसंयोगात् / Jऐम्_६,५.५३ /

पौर्वापर्ये पूर्वदौर्बल्यं प्रकृतिवत् / Jऐम्_६,५.५४ /

यद्य् उद्गाता जघन्यः स्यात् पुनर् यज्ञे सर्ववेदसं दद्याद् यथेतरस्मिन् / Jऐम्_६,५.५५ /

अहर्गणे यस्मिन्न् अपच्छेदस् तद् आवर्तेत कर्म पृथक्त्वात् / Jऐम्_६,५.५६ /

सन्निपाते वैगुण्यात् प्रकृतिवत् तुल्यकल्पा यजेरन् / Jऐम्_६,६.१ /

वचनाद् वाशिरोवत्स्यात् / Jऐम्_६,६.२ /

न वानारभ्यवादत्वात् / Jऐम्_६,६.३ /

स्याद् वा यज्ञार्थत्वाद् औदुम्बरीवत् / Jऐम्_६,६.४ /

न तत्प्रधानत्वात् / Jऐम्_६,६.५ /

औदुम्बर्याः परार्थत्वात् कपालवत् / Jऐम्_६,६.६ /

अन्येनापीति चेत् / Jऐम्_६,६.७ /

नैकत्वात्तस्य चानधिकाराच् छब्दस्य चाविभक्तत्वात् / Jऐम्_६,६.८ /

सन्निपातात् तु निमित्तविघातः स्याद् बृहद्रथन्तरवद् विभक्तशिष्टत्वाद् वसिष्ठनिर्वर्त्ये / Jऐम्_६,६.९ /

अपि वा कृत्स्नसंयोगाद् अविघातः प्रतीयेत स्वामित्वेनाभिसंबन्धात् / Jऐम्_६,६.१० /

साम्नोः कर्मवृद्ध्यैकदेशेन संयोगे गुणत्वेनाभिसंबन्धस् तस्मात् तत्र विघातः स्यात् / Jऐम्_६,६.११ /

वचनात् तु द्विसंयोगस् तस्माद् एकस्य पाणिवत् / Jऐम्_६,६.१२ /

अर्थाभावात् तु नैवं स्यात् / Jऐम्_६,६.१३ /

अर्थानां च विभक्तत्वान् न तच्छ्रुतेन संबन्धः / Jऐम्_६,६.१४ /

प्राणेः प्रत्यङ्गभावाद् असंबन्धः प्रतीयेत / Jऐम्_६,६.१५ /

सत्राणि सर्ववर्णामाम् अविशेषात् / Jऐम्_६,६.१६ /

लिङ्गदर्शनाच् च / Jऐम्_६,६.१७ /

ब्राह्मणानां वेतरयोर् आर्त्विज्यभावात् / Jऐम्_६,६.१८ /

वचनाद् इति चेत् / Jऐम्_६,६.१९ /

न स्वामित्वं हि विधीयते / Jऐम्_६,६.२० /

गार्हपते वा स्याताम् अविप्रतिषेधात् / Jऐम्_६,६.२१ /

न वा कल्पविरोधात् / Jऐम्_६,६.२२ /

स्वामित्वाद् इतरेषाम् अहीने लिङ्गदर्शनम् / Jऐम्_६,६.२३ /

वासिष्ठानां वा ब्रह्मत्वनियमात् / Jऐम्_६,६.२४ /

सर्वेषां वा प्रतिप्रसवात् / Jऐम्_६,६.२५ /

विश्वामित्रस्य हौत्रनियमाद् भृगुशुनकवसिष्ठानाम् अनधिकारः / Jऐम्_६,६.२६ /

विहारस्य प्रभुत्वाद् अनग्नीनाम् अपि स्यात् / Jऐम्_६,६.२७ /

सारस्वते च दर्शनात् / Jऐम्_६,६.२८ /

प्रायश्चित्तविधानाच् च / Jऐम्_६,६.२९ /

साग्नीनां वेष्टिपूर्वत्वात् / Jऐम्_६,६.३० /

स्वार्थेन च प्रयुक्तत्वात् / Jऐम्_६,६.३१ /

सन्निवापं च दर्शयति / Jऐम्_६,६.३२ /

जुह्वादीनाम् अप्रयुक्तत्वात् संदेहे यथाकामी प्रतीयेत / Jऐम्_६,६.३३ /

अपि वान्यानि पात्राणि साधारणानि कुर्वीरन् विप्रतिषेधाच् छास्त्रकृत्वात् / Jऐम्_६,६.३४ /

प्रायश्चित्तम् आपदि स्यात् / Jऐम्_६,६.३५ /

पुरुषकल्पेन विकृतौ कर्तृनियमः स्याद् यज्ञस्य तद्गुणत्वाद् अभावाद् इतरान् प्रत्येकस्मिन्न् अधिकारः स्यात् / Jऐम्_६,६.३६ /

लिङ्गाच् चेज्याविशेषवत् / Jऐम्_६,६.३७ /

न वा संयोगपृथक्त्वाद् गुणस्येज्याप्रधानत्वाद् असंयुक्ता हि चोदना / Jऐम्_६,६.३८ /

इज्यायां तद्गुणत्वाद् विशेषेण नियमयेत / Jऐम्_६,६.३९ /

स्वदाने सर्वम् अविशेषात् / Jऐम्_६,७.१ /

यस्य वा प्रभुः स्याद् इतरस्याशक्यत्वात् / Jऐम्_६,७.२ /

न भूमिः स्यात् सर्वान् प्रत्यविशिष्टत्वात् / Jऐम्_६,७.३ /

अकार्यत्वाच् च ततः पुनर् विशेषः स्यात् / Jऐम्_६,७.४ /

नित्यत्वाच् चानित्यैर् नास्ति संबन्धः / Jऐम्_६,७.५ /

शूद्रश् च धर्मशास्त्रत्वात् / Jऐम्_६,७.६ /

दक्षिणाकाले यत् स्वं तत् प्रतीयेत तद्दानसंयोगात् / Jऐम्_६,७.७ /

अशेषत्वात् तदन्तः स्यात् कर्मणो द्रव्यसिद्धित्वात् / Jऐम्_६,७.८ /

अपि वा शेषकर्म स्यात् क्रतोः प्रत्यक्षशिष्टत्वात् / Jऐम्_६,७.९ /

तथा चान्यार्थदर्शनम् / Jऐम्_६,७.१० /

अशेषं तु समञ्जसादानेन शेषकर्म स्यात् / Jऐम्_६,७.११ /

नादानस्यानित्यत्वात् / Jऐम्_६,७.१२ /

दीक्षासु विनिर्देशाद् अक्रत्वर्थेन संयोगस् तस्माद् अविरोधः स्यात् / Jऐम्_६,७.१३ /

अहर्गणे च तद्धर्मः स्यात् सर्वेषाम् अविशेषात् / Jऐम्_६,७.१४ /

द्वादशशतं वा प्रकृतिवत् / Jऐम्_६,७.१५ /

अतद्गुणत्वात् नैवं स्यात् / Jऐम्_६,७.१६ /

लिङ्गदर्शनाच् च / Jऐम्_६,७.१७ /

विकारः सन्न् उभयतो ऽविशेषात् / Jऐम्_६,७.१८ /

अधिकं वा प्रतिप्रसवात् / Jऐम्_६,७.१९ /

अनुग्रहाच् च पादवत् / Jऐम्_६,७.२० /

अपरिमिते शिष्टस्य सङ्ख्याप्रतिषेधस् तच्छ्रुतित्वात् / Jऐम्_६,७.२१ /

कल्पान्तरं वा तुल्यवत् प्रसङ्ख्यानात् / Jऐम्_६,७.२२ /

अनियमो ऽविशेषात् / Jऐम्_६,७.२३ /

अधिकं वा स्याद् बहूर्थत्वाद् इतरेषां सन्निधानात् / Jऐम्_६,७.२४ /

अर्थवादश् च तदर्थवत् / Jऐम्_६,७.२५ /

परकृतिपुराकल्पं च मनुष्यधर्मः स्याद् अर्थाय ह्य् अनुकीर्तनम् / Jऐम्_६,७.२६ /

तद्युक्ते च प्रतिषेधात् / Jऐम्_६,७.२७ /

निर्देशाद् वा तद्धर्मः स्यात् पञ्चावत्तवत् / Jऐम्_६,७.२८ /

विधौ तु वेदसंयोगाद् उपदेशः स्यात् / Jऐम्_६,७.२९ /

अर्थवादो वा विधिशेषत्वात् तस्मान् नित्यानुवादः स्यात् / Jऐम्_६,७.३० /

सहस्रसंवत्सरं तदायुषाम् असंभवान् मनुष्येषु / Jऐम्_६,७.३१ /

अपि वा तदधिकारान् मनुष्यधर्मः स्यात् / Jऐम्_६,७.३२ /

नासामर्थ्यात् / Jऐम्_६,७.३३ /

सम्बन्धादर्शनात् / Jऐम्_६,७.३४ /

स कुलकल्पः स्याद् इति कार्ष्णाजिनिर् एकस्मिन्न् असंभवात् / Jऐम्_६,७.३५ /

अपि वा कृत्स्नसंयोगाद् एकस्यैव प्रयोगः स्यात् / Jऐम्_६,७.३६ /

विप्रतिषेधात् तु गुण्यन्यतरः स्याद् इति लावुकायनः / Jऐम्_६,७.३७ /

संवत्सरो विचालित्वात् / Jऐम्_६,७.३८ /

सा प्रकृतिः स्याद् अधिकारात् / Jऐम्_६,७.३९ /

अहानि वाभिसंख्यत्वात् / Jऐम्_६,७.४० /

इष्टिपूर्वत्वाद् अक्रतुशेषो होमः संस्कृतेष्व् अग्निषु स्याद् पूर्वो ऽप्य् आधानस्य सर्वशेषत्वात् / Jऐम्_६,८.१ /

इष्टित्वे न तु संस्तवश् चतुर्होतॄन् असंस्कृतेषु दर्शयति / Jऐम्_६,८.२ /

उपदेशस् त्व् अपूर्वत्वात् / Jऐम्_६,८.३ /

स सर्वेषाम् अविशेषात् / Jऐम्_६,८.४ /

अपि वा क्रत्वभावाद् अनाहिताग्नेर् अशेषभूतनिर्देशः / Jऐम्_६,८.५ /

जपो वानग्निसंयोगात् / Jऐम्_६,८.६ /

इष्टित्वेन संस्तुते होमः स्याद् अनारभ्याग्निसंयोगाद् इतरेषाम् अवाच्यत्वात् / Jऐम्_६,८.७ /

उभयोः पितृयज्ञवत् / Jऐम्_६,८.८ /

निर्देशो वानाहिताग्नेर् अनारभ्याग्निसंयोगात् / Jऐम्_६,८.९ /

पितृयज्ञे संयुक्तस्य पुनर् वचनम् / Jऐम्_६,८.१० /

उपनयन्न् आदधीत होमसंयोगात् / Jऐम्_६,८.११ /

स्थपतीष्टवल् लौकिके वा विद्याकर्मानुपूर्वत्वात् / Jऐम्_६,८.१२ /

आधानं च भार्यासंयुक्तम् / Jऐम्_६,८.१३ /

अकर्म चोर्ध्वम् आधानात् तत्समवायो हि कर्मभिः / Jऐम्_६,८.१४ /

श्राद्धवद् इति चेत् / Jऐम्_६,८.१५ /

न श्रुतिविप्रतिषेधात् / Jऐम्_६,८.१६ /

सर्वार्थत्वाच् च पुत्रार्थो न प्रयोजयेत् / Jऐम्_६,८.१७ /

सोमपानात् तु प्रापणं द्वितीयस्य तस्माद् उपयच्छेत् / Jऐम्_६,८.१८ /

पितृयज्ञे तु दर्शनात् प्राग् आधानात् प्रतीयेत / Jऐम्_६,८.१९ /

स्थपतीष्टिः प्रयाजवद् अग्नयाधेयं प्रयोजयेत् तादर्थ्याच् चापवृज्येत / Jऐम्_६,८.२० /

अपि वा लौकिके ऽग्नौ स्याद् आधानस्यासर्वशेषत्वात् / Jऐम्_६,८.२१ /

अवकीर्णिपशुश् च तद्वद् आधानस्याप्राप्तकलत्वात् / Jऐम्_६,८.२२ /

उदगयनपूर्वपक्षाहः पुण्याहेषु दैवानि स्मृतिरूपान्य् आर्थदर्शनात् / Jऐम्_६,८.२३ /

अहनि च कर्मसाकल्यम् / Jऐम्_६,८.२४ /

इतरेषु तु पित्र्याणि / Jऐम्_६,८.२५ /

याच्ञाक्रयणम् अविद्यमाने लोकवत् / Jऐम्_६,८.२६ /

नियतं वार्थवत्वात् स्यात् / Jऐम्_६,८.२७ /

तथा भक्षप्रैषाच् छादनसंज्ञप्तहोमद्वेषम् / Jऐम्_६,८.२८ /

अनर्थकं त्व् अनित्यं स्यात् / Jऐम्_६,८.२९ /

पशुचोदनायाम् अनियमो ऽविशेषात् / Jऐम्_६,८.३० /

छागो वा मन्त्रवर्णात् / Jऐम्_६,८.३१ /

न चोदनाविरोधात् / Jऐम्_६,८.३२ /

आर्षेयवद् इति चेत् / Jऐम्_६,८.३३ /

न तत्र ह्य् अचोदित्वात् / Jऐम्_६,८.३४ /

नियमो वैकार्थ्यं ह्य् अर्थभेदाद् भेदः पृथवत्वेनाभिधानात् / Jऐम्_६,८.३५ /

अनियमो वार्थान्तरत्वाद् अन्यत्वं व्यतिरेकशब्दभेदाभ्याम् / Jऐम्_६,८.३६ /

रूपाल् लिङ्गाच् च / Jऐम्_६,८.३७ /

छागे न कर्माख्या रूपलिङ्गाभ्याम् / Jऐम्_६,८.३८ /

रूपान्यत्वान् न जातिशब्दः स्यात् / Jऐम्_६,८.३९ /

विकारो नौत्पत्तिकत्वात् / Jऐम्_६,८.४० /

स नैमित्तिकः पशोर् गुणस्याचोदितत्वात् / Jऐम्_६,८.४१ /

जातेर् वा तत्प्रायवचनार्थवत्वाभ्याम् / Jऐम्_६,८.४२ /

श्रुतिप्रमाणत्वाच् छेषाणां मुख्यभेदे यथाधिकारं भावः स्यात् / Jऐम्_७,१.१ /

उत्पत्त्यर्थाविभागाद् वा सत्त्ववद् ऐकधर्म्यं स्यात् / Jऐम्_७,१.२ /

चोदनाशेषभावाद् वा तद्भेदाद् व्यवतिष्ठेरन्न् उत्पत्तेर् गुणभूतत्वात् / Jऐम्_७,१.३ /

सत्वे लक्षणसंयोगात् सार्वत्रिकं प्रतीयेत / Jऐम्_७,१.४ /

अविभागात् तु नैवं स्यात् / Jऐम्_७,१.५ /

द्व्यर्थत्वं च विप्रतिषिद्धम् / Jऐम्_७,१.६ /

उत्पत्तौ विध्यभावाद् वा चोदनायां प्रवृत्तिः स्यात् ततश् च कर्मभेदः स्यात् / Jऐम्_७,१.७ /

यदि वाप्य् अभिधानवत् सामान्यात् सर्वधर्मः स्यात् / Jऐम्_७,१.८ /

अर्थस्य त्व् अविभक्तत्वात् तथा स्याद् अभिधानेषु पूर्ववत्त्वात् प्रयोगस्य कर्मणः शब्दभाव्यत्वाद् विभागाच् छेषाणाम् अप्रवृत्तिः स्यात् / Jऐम्_७,१.९ /

स्मृतिर् इति चेत् / Jऐम्_७,१.१० /

न पूर्ववत्वात् / Jऐम्_७,१.११ /

अर्थस्य शब्दभाव्यत्वात् प्रकरणनिबन्धनाच् छब्दाद् एवान्यत्र भावः स्यात् / Jऐम्_७,१.१२ /

सामाने पूर्ववत्वाद् उत्पन्नाधिकारः स्यात् / Jऐम्_७,१.१३ /

श्येनस्येति चेति / Jऐम्_७,१.१४ /

नासन्निधानात् / Jऐम्_७,१.१५ /

अपि वा यद्य् अपूर्वत्वाद् इतरदधिकार्थे ज्यौतिष्टोमिकाद् विधेस् तद्वाचकं समानं स्यात् / Jऐम्_७,१.१६ /

पञ्चसञ्चरेष्व् अर्थवादातिदेशः सन्निधानात् / Jऐम्_७,१.१७ /

सर्वस्य वैकशब्द्यात् / Jऐम्_७,१.१८ /

लिङ्गदर्शनाच् च / Jऐम्_७,१.१९ /

विहिताम्नानान् नेति चेत् / Jऐम्_७,१.२० /

नेतरार्थत्वात् / Jऐम्_७,१.२१ /

एककपालैन्द्राग्नौ च तद्वत् / Jऐम्_७,१.२२ /

एककपालानां वैश्वदेविकः प्रकृतिर् आग्रयणे सर्वहोमापरिवृत्तिदर्शनाद् अवभृथे च सकृद् द्व्यवदानस्य वचनात् / Jऐम्_७,१.२३ /

साम्नो ऽभिधानशब्देन प्रवृत्तिः स्याद् यथाशिष्टम् / Jऐम्_७,२.१ /

शब्दैस् त्व् अर्थविधित्वाद् अर्थान्तरे ऽप्रवृत्तिः स्यात् पृथग्भावात् क्रियाया ह्य् अभिसम्बन्धः / Jऐम्_७,२.२ /

स्वार्थे वा स्यात् प्रयोजनं क्रियायास् तदङ्गभावेनोपदिश्येरन् / Jऐम्_७,२.३ /

शब्दमात्रम् इति चेत् / Jऐम्_७,२.४ /

नौत्पत्तिकत्वात् / Jऐम्_७,२.५ /

शास्त्रं चैवम् अनर्थकं स्यात् / Jऐम्_७,२.६ /

स्वरस्येति चेत् / Jऐम्_७,२.७ /

नार्थाभावाच् छ्रुतेर् असंबन्धः / Jऐम्_७,२.८ /

स्वरस् तूत्पत्तिषु स्यान् मात्रावर्णाविभक्तत्वात् / Jऐम्_७,२.९ /

लिङ्गदर्शनाच् च / Jऐम्_७,२.१० /

अश्रुतेस् तु विकारस्योत्तरासु यथाश्रुति / Jऐम्_७,२.११ /

शब्दानां चासामञ्जस्यम् / Jऐम्_७,२.१२ /

अपि तु कर्मशब्दः स्याद् भावो ऽर्थः प्रसिद्धग्रहणत्वाद् विकारो ह्य् अविशिष्टो ऽन्यैः / Jऐम्_७,२.१३ /

अद्रव्यं चापि दृश्यते / Jऐम्_७,२.१४ /

तस्य च क्रिया ग्रहणार्था नानार्थेषु विरूपित्वाद् अर्थो ह्य् आसामलौकिको विधानात् / Jऐम्_७,२.१५ /

तस्मिन् संज्ञाविशेषाः स्युर् विकारपृथक्त्वात् / Jऐम्_७,२.१६ /

योनिशस्याश् च तुल्यवद् इतराभिर् विधीयन्ते / Jऐम्_७,२.१७ /

अयोनौ चापि दृश्यते ऽतथायोनि / Jऐम्_७,२.१८ /

ऐकार्थ्ये नास्ति वैरूप्यम् इति चेत् / Jऐम्_७,२.१९ /

स्याद् अर्थान्तरेष्व् अनिष्पत्तेर् यथा पाके / Jऐम्_७,२.२० /

शब्दानां च सामञ्जस्यं / Jऐम्_७,२.२१ /

उक्तं क्रियाभिधानं तच्छ्रुताव् अन्यत्र विधिप्रदेशः स्यात् / Jऐम्_७,३.१ /