Samādhisaṃbhāraparivarta — Reader

The Cycle of the Attainment of Concentration

Samādhisaṃbhāraparivarta

Dईपंकरश्रीज्ञान [= Aतीश]: Sअमाधिसंभारपरिवर्त

Sअमाधिसंभारपरिवर्तः

लोकनाथाय नमः

बोधिचित्तं दृढं कुर्यात् पूर्व कारुण्यशक्तिजम् / भवभोगसुखे ऽसक्तः परिग्रहपराङ्मुखः

श्रद्धादिधनसम्पन्नो गुरुं बुद्धसमं भजेत् / तद्दिष्टसमयाचारं परिपालितुमुद्यतः

कुम्भगुह्याभेषेकं तु प्रसादाल्लभते गुरोः / कायवाक् चित्तसंशुद्धः सिद्धिपात्रं स साधकः

समाध्यङ्गसमुद्भूतसंभारपारिपूरितः / शीघ्रं सिद्ध्याप्तिरेवं च गुह्यमन्त्रनयस्थितिः

समाध्यङ्गच्युतौ तस्य विपक्षस्थितितस्तथा / जन्मकोटिसहस्रैश्च समाधिर्न प्रसिध्यति

तत्समाधिप्रसिध्यर्थ गुह्यवृत्तस्थयोगवित् / तद् भिन्नं चिन्तनं त्यक्त्वा दृढवीर्येण चोद्यमेत्

समाधेर्यानि चाङ्गानि विपक्षस्तद्विनिश्चये / समाध्यङ्गं विपक्षश्च संक्षेपेण समुच्यते

शीलसम्पत्तियुक्तत्वं भोगेषु निरपेक्षता / क्षान्तिर्दृढप्रतिज्ञा च जनसंसर्गवर्जनम्

कायवाक् चित्तकार्येषु सम्प्रजन्यसमन्वयः / बुद्धकायस्तुतिस्मृत्या कायानुस्मृतिसंयुतिः

यस्मिन् काले तु यत्कार्य दार्ढ्र्य तस्य ह्यनुस्मृतौ / पञ्चावरणहानिश्च युक्तकृद् भक्तमानता

समस्तलोकधर्मेषु चित्तोपेक्षा सदा तथा / संलेखो ऽङ्गानि चेमानि विपक्षस्तद्विपर्ययः

समाधिसम्भारकृतैर्हि पुण्यैः समाधिं वज्रोपममेतु लोकः / १२, अ ब /

समाधिसम्भारपरिवर्तो महापण्डिताचार्यदीपङ्करश्रीज्ञानपादविरचितः समाप्तः //

तेनैव भारतीयोपाध्यायेन महासंशोधकलोकचक्षुषा भिक्षु-शाक्यमतिना च अनूद्य निर्णीतः //

Samādhisaṃbhāraparivarta

Dईपंकरश्रीज्ञान [= Aतीश]: Sअमाधिसंभारपरिवर्त

Sअमाधिसंभारपरिवर्तः

लोकनाथाय नमः

समाधिसम्भारकृतैर्हि पुण्यैः समाधिं वज्रोपममेतु लोकः / १२, अ ब /