༄༅༅། ། རྒྱ་གར་སྐད་དུ། བི་ན་ཡ་ཨུད་ཏ་ར་གྲན་ཐ། བོད་སྐད་དུ། འདུལ་བ་གཞུང་དམ་པ། བཀྲ་ཤིས་ཐམས་ཅད་མཁྱེན་པ་ལ་ཕྱག་འཚལ་ལོ། བམ་པོ་དང་པོ། མདོར་ན། བྱོལ་སོང་གསུམ་དང་ལམ་གསུམ་དང་། ། གཤེགས་དང་བཅད་དང་རྣམ་པ་ གཉིས། ། འཛིན་པ་དང་ཡང་བལྟབ་པ་དང་། ། སོ་དང་མ་རེག་ཕག་མོ་བཞིན། ། དེ་ནས་སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་གིས་མིའི་བུད་མེད་སྨན་ཏམ། སྔགས་ཀྱིས་བྱོལ་སོང་གི་སྐྱེ་གནས་སུ་སྐྱེས་པར་བསྒྱུར་ཏེ་མི་ཚངས་པར་ སྤྱོད་པ་བགྱིད་ན་ཅིར་འགྱུར། མཐར་འགྱུར་རོ། ། བཙུན་པ་དགེ་སློང་གིས་སྔགས་སམ། སྨན་གྱིས་བདག་ཉིད་བྱོལ་སོང་གི་སྐྱེ་གནས་སུ་སྐྱེས་པར་བསྒྱུར་ཏེ་མིའི་བུད་མེད་དང་ལྷན་ཅིག་ཏུ་མི་ཚངས་པར་སྤྱོད་པར་བགྱིད་ན་ཅིར་འགྱུར། དེ་སྟེ་དགེ་སློང་དུ་འདུ་ཤེས་ཡོད་ན་འཁྲིག་པར་སྦྱོར་ བ་བྱ་བ་ཡིན་པས་མཐར་འགྱུར་རོ། ། དེ་སྟེ་དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་སྔགས་སམ།

སྨན་གྱིས་བདག་དང་མིའི་བུད་མེད་གཉིས་བྱོལ་སོང་གི་སྐྱེ་གནས་སུ་སྐྱེས་པར་བསྒྱུར་ཏེ་གཅིག་ལ་གཅིག་མི་ཚངས་པར་སྤྱོད་པ་བགྱིད་ན་ཅིར་ འགྱུར། དེ་སྟེ་དགེ་སློང་དུ་འདུ་ཤེས་ཡོད་ན་འཁྲིག་པར་སྦྱོར་བར་བྱ་བ་ཡིན་པས་མཐར་འགྱུར་རོ། ། དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་བཅུག་མ་ཐག་ ཏུ་མཐར་འགྱུར་རོ་ཞེས་གསུངས་ན། ཇི་ཙམ་གྱིས་ན་ཁར་བཅུག་པ་ཞེས་བགྱི། ཨུ་པཱ་ལི་སོ་ལས་དཀྲེ་འདས་ནའོ། ། ཇི་ཙམ་གྱིས་ན་བཤང་བའི་ལམ་དུ་བཅུག་པ་ཞེས་བགྱི། རྐུབ་ཁར་དཀྲེ་འདས་ནའོ། ། ཇི་ཙམ་གྱིས་ན་གཅི་བའི་ལམ་དུ་བཅུག་པ་ཞེས་བགྱི། ཁ་ཤུན་ལས་ དཀྲེ་འདས་ནའོ། ། བཙུན་པ་བུད་མེད་ཕྱེད་དུ་གཤེགས་པར་གྱུར་པ་ལ་སྒོ་གསུམ་གྱི་བུ་གུ་ཡང་ཉམས་པར་གྱུར་པ་དེ་དགེ་སློང་གིས་ཕྱེད་ཚལ་གྱིས་ཕྱེད་ཚལ་སྦྱར་ཏེ་མི་ཚངས་པར་སྤྱོད་པ་བགྱིད་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

བཙུན་པ་དགེ་སློང་གིས་བུད་མེད་རྐེད་དུ་བཅད་པར་ གྱུར་པ་ཞིག་སྒོ་གསུམ་གྱི་བུ་གུ་ལས་སྒོའི་བུ་གུ་གང་ཡང་རུང་སྟེ་མ་ཉམས་པར་གྱུར་པ་དེར་མི་ཚངས་པར་སྤྱོད་པ་བགྱིད་ན་ཅིར་འགྱུར། མཐར་འགྱུར་རོ། ། བཙུན་པ་མགོ་བཅད་པའི་བུད་མེད་ལ་མི་ཚངས་པར་སྤྱོད་ན་ཅིར་འགྱུར། དེ་སྟེ་བཤང་བའི་ལམ་མམ། གཅི་བའི་ ལམ་དུ་བྱེད་ན་མཐར་འགྱུར་རོ། ། འོན་ཏེ་ཁའི་ལམ་མམ། སྦུ་བུའམ། སྒྲོག་རུས་ཀྱི་བུ་གུར་བྱེད་ན་ཉེས་པ་སྦོམ་པོར་འགྱུར་རོ། ། བཅོམ་ལྡན་འདས་ཀྱིས་མི་མ་ཡིན་པའི་བུད་མེད་དང་ལྷན་ཅིག་ཏུ་མི་ཚངས་པར་སྤྱོད་པ་འཁྲིག་པའི་ཆོས་བྱེད་ན་མཐར་འགྱུར་རོ་ཞེས་གསུངས་པ་མི་མ་ལགས་ པ་ཇི་ལྟ་བུ། ཡན་ལག་ཐམས་ཅད་དང་མཉམ་པར་གྱུར་པའོ། ། དེ་བཞིན་དུ་བྱོལ་སོང་དུ་གྱུར་པ་རྣམས་ལ་ཡང་ཤེས་པར་བྱའོ། ། བཙུན་པ་བལྟབ་སྟེ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་སོའི་ཕྱི་རོལ་མཆུའི་ནང་དུ་མི་ཚངས་པར་སྤྱོད་པ་བགྱིད་ན་ཅིར་ འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་བཤང་བའི་ལམ་མམ། གཅི་བའི་འམ། ཁའི་ལམ་རྣམས་སུ་མ་རེག་པར་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

བཙུན་པ་དགེ་སློང་གིས་ཕག་མོའི་རོ་བསྲེགས་པ་སྤུ་མེད་པ་ལ་མི་ཚངས་པར་སྤྱོད་པ་ བགྱིད་ན་ཅིར་འགྱུར། ཉེས་པ་སྦོམ་པོར་འགྱུར་ཏེ། ། བྱོལ་སོང་གི་སྐྱེ་གནས་ཐམས་ཅད་ལ་ཡང་འདི་བཞིན་དུ་བརྗོད་པར་བྱའོ། ། ། ། མདོར་ན། གཞན་གྱི་ཡན་ལག་སྐྱེས་པ་དང་། ། སྤྱིལ་བུ་གཉིས་ཀྱང་དེ་བཞིན་ཏེ། ། ཉམས་པ་གཉིས་དང་དཀྲིས་པ་དང་། ། བཞི་པ་གཉིས་ དང་བདུན་པའོ། ། བཙུན་པ་དགེ་སློང་གིས་གཞན་གྱི་མོ་མཚན་དུ་གཞན་གྱི་ཕོ་མཚན་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་ཞིག་དགེ་སློང་གཅིག་པུ་མི་ཚངས་པར་སྤྱོད་པའི་སླད་དུ་སྤྱིལ་བུར་ཞུགས་ན་མཐར་འགྱུར་བ་མཆིས་སམ། ཨུ་པཱ་ལི་ཇི་ ལྟར་མཚན་{རིངས་སམ,རིང་ངམ}། རྒྱབ་མཉེན་ལྟ་བུའོ། ། བཙུན་པ་དགེ་སློང་སྦྲང་སྐྱབས་ཀྱི་སྐྱིལ་བུར་ཞུགས་པ་ལས་བུད་མེད་དེ་ཕྱི་ན་འདུག་པ་ལ་དེ་ན་འདུག་བཞིན་དཀྲིས་ནས་ལོག་པར་སྤྱད་ན་ཅིར་འགྱུར། མཐར་འགྱུར་རོ། ། བཙུན་པ་བཅོམ་ལྡན་འདས་ཀྱིས་གསོན་པོར་ཉམས་པའོ་ཞེས་ གསུངས་ན། ཇི་ཙམ་གྱིས་ན་གསོན་པོར་ཉམས་པ་ཞེས་བགྱི། ཇི་ལྟར་རྨ་བྱུང་ངམ། རུལ་པའམ། ཞིགས་པའམ།

སྲོག་ཆགས་ཀྱིས་ཟོས་པར་གྱུར་པ་དེ་ཙམ་གྱིས་ན་དེ་དག་གསོན་པོར་ཉམས་པ་ཞེས་བྱའོ། ། ཇི་ཙམ་གྱིས་ན་གསོན་པོར་མ་ཉམས་པ་ཞེས་བགྱི། ཇི་ལྟར་དེའི་མུ་གཉི་ག་མཉམ་པར་གྱུར་པ་ནི་མ་ཉམས་པ་སྟེ། ཤི་བ་ལ་ཡང་དེ་བཞིན་དུ་བརྗོད་པར་བྱའོ། ། དེ་བཞིན་དུ་མི་མ་ཡིན་པ་དང་། བྱོལ་སོང་གི་སྐྱེ་གནས་སུ་སྐྱེས་པར་གྱུར་པ་དང་། སྐྱེས་པ་དང་། མ་ནིང་དང་། མ་ནིང་ཕོ་རྣམས་ལ་ཡང་དེ་བཞིན་དུ་བརྗོད་པར་བྱའོ། ། དཀྲིས་ཏེ་བཅུག་ན་མཐར་མི་འགྱུར་རོ། ། ཞེས་བཙུན་པ་བཅོམ་ལྡན་འདས་ཀྱིས་གསུངས་ན། དགེ་སློང་དག་གིས་ཕྱིང་བུའམ་གྲོ་ག་སྟུག་པོ་ཞིག་གིས་དཀྲིས་ཏེ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དེ་སྟེ་སེང་རས་སམ། དར་ལའམ། གོས་སྲབ་མོ་རྣམས་ ཀྱིས་དཀྲིས་ཏེ་བཅུག་ན་ཅིར་འགྱུར། མཐར་འགྱུར་རོ། ། བཙུན་པ་དགེ་སློང་གིས་ལམ་ལ་ལམ་དུ་འདུ་ཤེས་ཏེ་བཅུག་ན་ཅིར་འགྱུར། མཐར་འགྱུར་རོ། ། ལམ་ལ་ལམ་མ་ལགས་པར་འདུ་ཤེས་ཏེ་བཅུག་ན་ཅིར་འགྱུར། མཐར་འགྱུར་རོ། ། ལམ་མ་ལགས་པ་ལ་ལམ་མ་ ལགས་པར་འདུ་ཤེས་ཏེ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ལམ་མ་ལགས་པ་ལ་ལམ་དུ་འདུ་ཤེས་ཏེ་བཅུག་ན་ཅིར་འགྱུར།

ཉེས་པ་སྦོམ་པོར་འགྱུར་རོ། ། དགེ་སློང་གིས་དཀྲིས་པ་ལ་དཀྲིས་པར་འདུ་ཤེས་ཏེ་བཅུག་ན་ཅིར་འགྱུར། ཉེས་པ་སྦོམ་པོར་ འགྱུར་རོ། ། དཀྲིས་པ་ལ་མ་དཀྲིས་པར་འདུ་ཤེས་ཏེ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མ་དཀྲིས་པ་ལ་དཀྲིས་པར་འདུ་ཤེས་ཏེ་བཅུག་ན་ཅིར་འགྱུར། སྦོམ་པོར་འགྱུར་རོ། ། མ་དཀྲིས་པ་ལ་མ་དཀྲིས་པར་འདུ་ཤེས་ཏེ་བཅུག་ན་ཅིར་འགྱུར། མཐར་ འགྱུར་རོ། ། བཙུན་པ་བསྙེན་པར་མ་རྫོགས་པ་ན་མི་ཚངས་པར་སྤྱད་པར་བཤམས་ནས་བསྙེན་པར་མ་རྫོགས་པར་བཅུག་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ནས་བསྙེན་པར་རྫོགས་ཀར་བཅུག་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་ པར་བཤམས་ནས་བསྙེན་པར་རྫོགས་ཏེ་བཅུག་ན་ཅིར་འགྱུར། མཐར་འགྱུར་རོ། ། བསྙེན་པར་རྫོགས་ཀར་བཤམས་ནས་བསྙེན་པར་རྫོགས་ཀར་བཅུག་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པར་བཤམས་ནས་བསྙེན་པར་རྫོགས་ཏེ་བཅུག་ ན་ཅིར་འགྱུར། མཐར་འགྱུར་རོ། ། བསྙེན་པར་རྫོགས་ནས་བཤམས་ལ་བསྙེན་པར་རྫོགས་ནས་བཅུག་ན་ཅིར་འགྱུར། མཐར་འགྱུར་རོ། ། བསྙེན་པར་རྫོགས་ནས་བཤམས་ཏེ་བསྙེན་པར་མ་རྫོགས་པར་བཅུག་ན་ཅིར་འགྱུར།

ཉེས་པ་སྦོམ་པོར་འགྱུར་རོ། ། ཇི་ལྟར་ དགེ་སློང་གིས་མི་ཚངས་པར་སྤྱད་པའི་རྒྱུ་རྐྱེན་གྱིས་མཐར་གྱུར་པ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལ་ནི་ཉེས་བྱས་སོ། ། ། ། མདོར་ན། བརྒྱད་བཅུའི་སྡེ་དང་མཚན་མ་ དང་། ། མི་མཉམ་རིན་ཐང་འོན་ཏེ་མཚན། ། བསྙེན་པར་རྫོགས་པ་བདུན་པ་བྱས། ། ཤོ་གམ་བཅུ་གཅིག་དེ་བཞིན་ནོ། ། བཙུན་པ་དགེ་སློང་གིས་བརྒྱད་བཅུའི་སྡེ་གཉིས་ཀར་བདག་ཉིད་གཏོགས་པར་བགྲང་དུ་བཅུག་ན་ཅིར་འགྱུར། ཉེས་བྱས་སོ། ། དེ་ལ་ཆོས་དང་ལྡན་ པའི་སྐལ་བ་གང་ལགས། དང་པོའོ། ། དེ་སྟེ་བླངས་ནས་བཅབས་ན་ཤེས་བཞིན་དུ་{བརྫུན་,རྫུན་}དུ་སྨྲས་པས་ལྟུང་བའོ། ། ནམ་གྲུབ་པར་གྱུར་པ་ན་རིན་ཐང་བརྩི་བར་བྱའོ། ། བཙུན་པ་མི་རྣམས་ཀྱི་མཚན་མ་བཙུགས་ཏེ་བཞག་པ་དེ་ལས་དགེ་སློང་གིས་རིན་ཆེ་བའི་མཚན་མ་རིན་ཆུང་ བའི་གནས་སུ་བསྐྱོད་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དེ་སྟེ་རིན་ཆུང་བའི་མཚན་མ་རིན་ཆེན་པོའི་གནས་སུ་བསྐྱོད་ན་ཅིར་འགྱུར། མཐར་འགྱུར་རོ། །

བཙུན་པ་དགེ་སློང་གིས་རིན་ཐང་མ་མཆིས་པའི་དངོས་པོ་ཞིག་བརྐུས་ན་ཅིར་འགྱུར། མཐར་འགྱུར་རོ། ། རིན་ཐང་མེད་པའི་དངོས་པོ་གང་ཞེ་ན། རིན་ཆེ་བར་གྱུར་པས་དེ་ལ་རིན་ཐང་གཅད་དུ་མི་ཆོད་པའོ། ། དེ་སྟེ་རིན་ཐང་མ་མཆིས་པའི་དངོས་པོ་ཞིག་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། རིན་ཐང་མེད་པའི་དངོས་པོ་གང་ཞེ་ན། གང་ཆུང་བར་གྱུར་པས་རིན་གཅད་ དུ་མི་ནུས་པའོ། ། བཙུན་པ་དགེ་སློང་གིས་གཞལ་དུ་མི་རུང་བའི་དངོས་པོ་ཞིག་བརྐུས་ན་ཅིར་འགྱུར། མཐར་འགྱུར་རོ། ། དེ་སྟེ་གཞལ་དུ་རུང་བའི་དངོས་པོ་ཞིག་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་བརྐུ་བའི་ཕྱིར་བཤམས་པ་ ལས་མཚན་འཕོས་ཏེ་དགེ་སློང་མར་གྱུར་ནས་བརྐུས་ན་ཅིར་འགྱུར། མཐར་འགྱུར་རོ། ། བཙུན་པ་དགེ་སློང་མས་བརྐུ་བར་བཤམས་པ་ལས་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། མཐར་འགྱུར་རོ། ། བཙུན་པ་བསྙེན་པར་མ་རྫོགས་པར་བརྐུ་བར་བཤམས་ནས་ བསྙེན་པར་མ་རྫོགས་པར་བརྐུས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བརྐུ་བར་བཤམས་ནས་བསྙེན་པར་རྫོགས་ཀར་བརྐུས་ན་ཅིར་འགྱུར། ཉེས་བྱས་སོ། །

བསྙེན་པར་མ་རྫོགས་པར་བརྐུ་བར་བཤམས་ཏེ། བསྙེན་པར་རྫོགས་ནས་བརྐུས་ན་ཅིར་ འགྱུར། མཐར་འགྱུར་རོ། ། བསྙེན་པར་རྫོགས་ཀར་བརྐུ་བར་བཤམས་ནས་བསྙེན་པར་རྫོགས་ཀར་བརྐུས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བརྐུ་བའི་སླད་དུ་བཤམས་ནས་བསྙེན་པར་རྫོགས་ཏེ་བརྐུས་ན་ཅིར་འགྱུར། མཐར་འགྱུར་རོ། ། བཙུན་ པ་དགེ་སློང་གིས་བསྙེན་པར་རྫོགས་ཏེ་བརྐུ་བར་བཤམས་ལ་བསྙེན་པར་རྫོགས་ནས་བརྐུས་ན་ཅིར་འགྱུར། མཐར་འགྱུར་རོ། ། བསྙེན་པར་རྫོགས་ནས་བརྐུ་བར་བཤམས་ཏེ་བསྙེན་པར་མ་རྫོགས་པར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་ དགེ་སློང་གིས་ནམ་མཁའ་ལ་ཤོ་གམ་བཟླས་ན་ཅིར་འགྱུར། དངོས་པོ་ཇི་ལྟ་བ་བཞིན་ནོ། འོན་ཏེ་རྫུ་འཕྲུལ་གྱིས་བཟླས་ན་ཉེས་པ་མེད་དོ། ། བཙུན་པ་དགེ་སློང་གིས་ལམ་མ་ལགས་པ་ནས་ཤོ་གམ་བཟླས་ན་ཅིར་འགྱུར། དེ་སྟེ་དེའི་ས་ལས་འདས་ན་ཉེས་པ་སྦོམ་པོར་ འགྱུར་རོ། ། བཙུན་པ་དགེ་སློང་གིས་ཚོང་པ་རྣམས་འགྲོའོ་ཞེས་སྨྲས་ན་ཅིར་འགྱུར། ཉེས་བྱས་སོ། །

བཙུན་པ་འདི་ལྟར་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་མ་ཕྱིན་པར་ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ ལས་སྒྲོལ་ཏེ་སྩོལ་ཅིག་ཅེས་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཉེས་བྱས་སོ། ། བཙུན་པ་འདི་ལྟར་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་མ་ཕྱིན་པར་ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ ལས་སྒྲོལ་ཏེ་སྩོལ་ཅིག ། དེའི་ཤོ་གམ་ཅི་མཆིས་པའི་ཕྱེད་ནི་ཁྱེད་སྣོམས་ཤིག་ཅེས་དེ་སྐད་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་མ་ཕྱིན་པར་ཚོང་པ་ རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ལས་སྒྲོལ་ཏེ་སྩོལ་ཅིག ། དེ་ལ་ཤོ་གམ་ཅི་མཆིས་པ་ཁྱོད་ཉིད་སྣོམས་ཤིག་ཅེས་དེ་སྐད་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་ཚོང་པ་རྣམས་ཀྱིས་ཤོ་གམ་དུ་གཏོགས་ པའི་རྫས་ཤོ་གམ་གྱི་སར་མ་ཕྱིན་པར་དགེ་སློང་གིས་ལམ་གཞན་དུ་བསྟན་ན་ཅིར་འགྱུར། ཉེས་བྱས་སོ། །

བཙུན་པ་འདི་ལྟར་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་མ་ཕྱིན་པར་ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ ལས་སྒྲོལ་ཏེ་སྩོལ་ཅིག་ཅེས་དེ་སྐད་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཉེས་བྱས་སོ། ། བཙུན་པ་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་ཕྱིན་ནས་ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ལས་སྒྲོལ་ཏེ་ སྩོལ་ཅིག་དང་། འདིར་ཤོ་གམ་ཅི་སྙེད་པའི་ཕྱེད་ཁྱོད་སྣོམས་ཤིག་ཅེས་དེ་སྐད་སྨྲས་པ་ལས་དགེ་སློང་གིས་དེ་བཟླས་ན་ཅིར་འགྱུར། ཤོ་གམ་གྱི་རིན་ཐང་བརྩི་བར་བྱའོ། ། བཙུན་པ་ཚོང་པ་རྣམས་ཀྱིས་ཤོ་གམ་དུ་གཏོགས་པའི་རྫས་རྣམས་ཤོ་གམ་གྱི་སར་ཕྱིན་ནས་ ཚོང་པ་རྣམས་ཀྱིས་དགེ་སློང་ལ་འཕགས་པ་ཤོ་གམ་གྱི་གནས་ལས་སྒྲོལ་ཏེ་སྩོལ་ཅིག་དང་། འདིར་ཤོ་གམ་ཇི་སྙེད་པ་དེ་ཐམས་ཅད་ཁྱེད་སྣོམས་ཤིག་ཅེས་དེ་སྐད་སྨྲས་པ་ལས་དེ་དགེ་སློང་གིས་བཟླས་ན་ཅིར་འགྱུར། ཤོ་གམ་གྱི་རིན་ཐང་བརྩི་བར་བྱའོ། ། ། ། མདོར་ན། ཆོས་གོས་གདང་ཤིང་བཞི་པ་དང་། ། བརྐུ་བ་པ་ན་གསུམ་པ་དང་། ། སྦྱོར་བ་གསུམ་དང་ཐེ་ཚོམ་དང་། །

གླིང་དང་གཞན་ཕྱིར་མི་མ་ཡིན། ། བཙུན་པ་དགེ་སློང་གིས་དང་པོར་རྐུ་སེམས་ཀྱིས་ཆོས་གོས་ཀྱི་གདང་ཤིང་གི་ཐོག་མ་བཅད་དེ་ཕྱི་མ་ལ་བདག་གིར་འདུ་ཤེས་ ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་དང་པོར་ཆོས་གོས་ཀྱི་གདང་ཤིང་གཅོད་པའི་ཚེ་བདག་གིར་འདུ་ཤེས་ལ་ཕྱིས་རྐུ་བར་འདུ་ཤེས་ན་ཅིར་འགྱུར། རིན་ཐང་བརྩི་བར་བྱའོ། ། བཙུན་པ་དགེ་སློང་གིས་ཆོས་གོས་ཀྱི་གདང་ ཤིང་བརྐུ་སེམས་ཀྱིས་བརྐུས་པ་ལས་ཆོས་གོས་ཀྱི་གདང་ཤིང་དེ་ལ་ཆོས་གོས་བཀལ་ཅིང་མཆིས་པ་དང་ཆོས་གོས་དང་བཅས་ཏེ་བརྐུས་ན་ཅིར་འགྱུར། ཆོས་གོས་ཀྱི་གདང་ཤིང་གི་རིན་ཐང་བརྩི་བར་བྱའོ། ། བཙུན་པ་ཆོས་གོས་ཀྱི་གདང་ཤིང་ལ་ཆོས་གོས་ བཀལ་ཏེ་བཞག་པ་དེ་དགེ་སློང་བཞིའམ་དེ་བས་མང་བས་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། འོན་ཏེ་སོ་སོར་བགོས་པ་ལས་རེ་རེ་ལ་ཡང་མ་ཤ་ལྔ་ཐོབ་ན་མཐར་འགྱུར་རོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་ པ་རྐུ་བ་ལ་རྣམ་པ་དུ། ཨུ་པཱ་ལི་དྲུག་སྟེ། སྒྱུས་རྐུ་བ་དང་། མཐུས་རྐུ་བ་དང་། བསྐྱིས་པ་ལས་བརྣོགས་ཏེ་རྐུ་བ་དང་། བཏམས་པ་ལས་བརྣོགས་ཏེ་རྐུ་བ་དང་།

སྐྱོང་ཞིང་རྐུ་བ་དང་། ཆོས་རྐུ་བའོ། ། བཙུན་པ་བཅོམ་ལྡན་འདས་ཀྱིས་བརྐུ་བ་རྣམ་པ་དྲུག་གསུངས་ ན། བརྐུ་བ་གང་གིས་མཐར་འགྱུར། ཆོས་རྐུ་བ་མ་གཏོགས་པའི་ལྷག་མ་རྣམས་ཀྱིས་མཐར་འགྱུར་རོ། ། བཙུན་པ་བཅོམ་ལྡན་འདས་ཀྱིས་མ་ཤ་ལྔ་བརྐུས་ན་མཐར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་མ་ཤ་གསུམ་བརྐུས་པས་མཐར་འགྱུར་བ་ མཆིས་སམ། ཨུ་པཱ་ལི་ཡོད་དེ། མ་ཤ་གསུམ་གྱིས་བཞི་ཆ་གཅིག་ཏུ་གྱུར་པའོ། ། བཙུན་པ་དགེ་སློང་གིས་མ་ཤ་ལྔ་བརྐུས་ཀྱང་མཐར་མི་འགྱུར་བ་མཆིས་སམ། ཡོད་དེ། མ་ཤ་ལྔ་ལས་ལྷག་པས་བཞི་ཆ་གཅིག་ཏུ་གྱུར་པའོ། ། བཙུན་པ་བཅོམ་ལྡན་འདས་ཀྱིས་ མ་ཤ་ལྔ་བརྐུས་ཀྱང་མཐར་མི་འགྱུར་རོ་ཞེས་གསུངས་ན། ན་ན་ཀ་ཇི་ལྟ་བུའི་མ་ཤ་ལྔ་བརྐུས་ན་མཐར་འགྱུར། ན་ན་ཀ་མ་ཤ་ཉི་ཤུ་པའོ། ། མ་ཤ་ཀ་ཇི་ལྟ་བུ། ཀ་ཀ་ནི་བཞི་པའོ། ། ཀཱཪྵཱ་པ་ཎ་ཇི་ལྟ་བུ། རྒྱན་ཐམས་ཅད་ཀྱིས་བྱས་པའོ། ། བཙུན་ པ་བཅོམ་ལྡན་འདས་ཀྱིས་མ་ཤ་ལྔ་བརྐུས་ཀྱང་མཐར་མི་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཀཱཪྵཱ་པ་ཎ་སྟོང་བརྐུས་ཀྱང་མཐར་མི་འགྱུར་བ་མཆིས་སམ། ཡོད་དེ། བོར་བར་འདུ་ཤེས་ནས་བླངས་པའོ། །

བཙུན་པ་བཅོམ་ལྡན་འདས་ཀྱིས་མ་ཤ་ལྔ་ བརྐུས་པས་མཐར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་མ་ཤ་ལྔ་བརྐུས་ཀྱང་མཐར་མི་འགྱུར་བ་མཆིས་སམ། ཡོད་དེ། འདི་ལྟར་རེ་རེའམ། གཉིས་གཉིས་སམ། གསུམ་གསུམ་མམ། བཞི་བཞི་བརྐུས་ཀྱི་ནམ་ཡང་ལྔར་མ་ཚང་ནའོ། ། བཙུན་པ་དགེ་སློང་གིས་ཡོ་བྱད་ཆེན་པོ་བདག་གིར་འདུ་ཤེས་པས་བླངས་ལ་བརྐུ་སེམས་ཀྱིས་སྦས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དེ་སྟེ་བརྐུ་སེམས་ཀྱིས་བླངས་ལ་བདག་གིར་འདུ་ཤེས་པས་སྦས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་ཅི་འདི་དེའི་འམ་ཞེས་ཐེ་ཚོམ་དང་ཡིད་གཉིས་ཀྱིས་དེ་བརྐུས་སམ་དེ་འདི་ཡིན་ནམ་དེ་འདིའི་མ་ཡིན་ཞེས་དེ་ཡང་བརྐུས་ན་ཅིར་འགྱུར། དངོས་པོ་ཇི་ལྟ་བ་བཞིན་ནོ། ། བཙུན་པ་དགེ་སློང་གིས་ནུབ་ཀྱི་བ་གླང་སྤྱོད་ཀྱི་གླིང་དུ་མ་སྩལ་བར་བརྐུས་ན་ཅིར་འགྱུར། དེ་སྟེ་དེ་དག་གི་གྲངས་ལྟར་མ་ཤ་ཀ་ལྔ་བརྐུས་ན་མཐར་འགྱུར་རོ། ། བཙུན་པ་ཤར་གྱི་ལུས་འཕགས་གླིང་དུ་མ་སྩལ་བར་བརྐུས་ན་ཅིར་འགྱུར། དེ་སྟེ་དེ་དག་གི་གྲངས་ལྟར་མ་ཤ་ཀ་ལྔ་བརྐུས་ན་མཐར་འགྱུར་རོ། །

བཙུན་པ་བྱང་གི་སྒྲ་མི་སྙན་གྱི་གླིང་དུ་མ་སྩལ་བར་བརྐུས་ན་ཅིར་འགྱུར། ཨུ་པཱ་ལི་དེ་ན་མ་བྱིན་པར་ལེན་པ་མེད་དེ། དེ་སྟེ་རྐུ་སེམས་བསྐྱེད་ན་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་གཞན་གྱི་སླད་དུ་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དེ་སྟེ་དེའི་ཡིན་ནོ་སྙམ་དུ་སེམས་ན་ཉེས་པ་མེད་དོ། ། བཙུན་པ་དགེ་སློང་ གིས་མི་མ་ལགས་པ་ལ་མི་མ་ལགས་པར་འདུ་ཤེས་ནས་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་པ་སྦོམ་པོར་འགྱུར་རོ། ། མི་ལ་མི་མ་ཡིན་པར་འདུ་ཤེས་ན་ཉེས་པ་སྦོམ་པོར་འགྱུར་རོ། ། མི་ལ་མིར་ འདུ་ཤེས་ན་མཐར་འགྱུར་རོ། ། ། ། མདོར་ན། མཆོད་རྟེན་རིང་བསྲེལ་གླེགས་བམ་དང་། ། དགེ་འདུན་བསྔོས་དང་གཅིག་དང་གཅིག ། འདུ་ཤེས་གཉིས་དང་དེ་ལྟར་གནས། ། མ་རྙེད་ཁྱིམ་ནི་ཐ་མའོ། ། བཙུན་པ་དགེ་སློང་གིས་མཆོད་རྟེན་དང་མཆོད་རྟེན་གྱི་ཉེན་ འཁོར་གྱི་རྒྱན་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དགེ་སློང་གིས་རིང་བསྲེལ་བརྐུས་ན་ཅིར་འགྱུར། མཐར་འགྱུར་རོ། །

བཙུན་པ་དགེ་སློང་གིས་གླེགས་བམ་བརྐུས་ན་ཅིར་འགྱུར། གླེགས་བམ་གྱི་རིན་ཐང་བརྩི་བར་བྱའོ། ། བཙུན་པ་དགེ་སློང་ གིས་ཕྱོགས་བཞིའི་དགེ་འདུན་གྱི་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་གང་ཟག་མང་པོ་རྣམས་ཀྱི་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་ཏེ། དེ་ལས་སོ་སོའི་སྐལ་བ་ལ་མ་ཤ་ཀ་ལྔ་བྱུང་བ་བརྐུས་ ན་མཐར་འགྱུར་རོ། ། བཙུན་པ་དགེ་སློང་གིས་བསྔོས་པ་ལས་མ་སྩལ་བར་བརྐུས་ན་ཅིར་འགྱུར། མཐར་འགྱུར་རོ། ། བཙུན་པ་དགེ་སློང་མང་པོས་གཅིག་ནས་གཅིག་ཏུ་བརྒྱུད་དེ་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། འོན་ཏེ་སོ་སོར་བསྒོ་ནས་ ཇི་སྙེད་ཀྱིས་བདག་གིར་བྱས་པ་དེ་སྙེད་ལ་རིན་ཐང་བརྩི་བར་བྱའོ། ། བཙུན་པ་དགེ་སློང་གིས་གཞན་གྱི་ལགས་པར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་ཡོངས་སུ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་ བར་བརྐུས་ན་ཅིར་འགྱུར། མཐར་འགྱུར་རོ། ། ཡོངས་སུ་མ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར།

ཉེས་པ་སྦོམ་པོར་འགྱུར་རོ། ། ཡོངས་སུ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ཏེ་མ་སྩལ་བར་བླངས་ན་ཅིར་འགྱུར། ཉེས་པ་སྦོམ་ པོར་འགྱུར་རོ། ། ཡོངས་སུ་མ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ན་ཉེས་པ་མེད་དོ། ། བཙུན་པ་བཅོམ་ལྡན་འདས་ཀྱིས་ཡོ་བྱད་ཆེན་པོ་མ་བྱིན་པར་བརྐུས་ན་མཐར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཡོ་བྱད་ཆེན་པོ་མ་སྩལ་བར་བརྐུས་ ན་མཐར་མི་འགྱུར་བ་མཆིས་སམ། ཡོད་དེ། གནས་གང་དུ་བཞག་པར་གྱུར་པའི་གནས་དེ་ཉིད་ནས་བརྐུས་པའོ། ། བཙུན་པ་དགེ་སློང་གིས་རྙེད་པ་མི་དབང་བར་དེ་བདག་ཉིད་དབང་ངོ་ཞེས་དེ་སྐད་མཆི་ན་ཅིར་འགྱུར། དེ་ཤེས་བཞིན་དུ་{བརྫུན་,རྫུན་}སྨྲས་པས་ལྟུང་བའོ། ། དེ་སྟེ་སེམས་ ཉེ་བར་བཞག་པ་ཡིན་ན་ནི་ཉེས་པ་སྦོམ་པོར་འགྱུར་རོ། ། མངོན་དུ་གྲུབ་ན་རིན་ཐང་བརྩི་བར་བྱའོ། ། བཙུན་པ་དགེ་སློང་གཅིག་པུ་ཁྱིམ་དུ་ཞུགས་པ་ལས་མ་སྩལ་བར་བླངས་པའི་སླད་དུ་མཐར་འགྱུར་བ་མཆིས་སམ། ཨུ་པཱ་ལི་ཡོད་དེ་ཇི་ལྟར་དགེ་སློང་གིས་མ་བྱིན་པར་བླངས་པའི་རྐྱེན་ གྱིས་བརྐུ་བའི་ཕྱིར་བཤམས་ནས་ནང་དུ་ཞུགས་སམ་ནང་དུ་ཞུགས་ཏེ་བཤམས་ན་མཐར་འགྱུར་རོ། ། དེ་བཞིན་དུ་བསླབ་པ་བྱིན་པ་དང་།

དགེ་སློང་མ་ལ་ཡང་མཐར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སོ། ། ། ། མདོར་ན། བྱོལ་སོང་གསུམ་དང་ལས་སྲིད་དང་། ། སྲིད་པ་མ་དང་བཞི་པ་དང་། ། མངལ་གཉིས་དང་ནི་གསོ་བ་དང་། ། འདུ་ཤེས་དང་ནི་བཞི་པའོ། ། བཙུན་པ་དགེ་སློང་གིས་སྔགས་སམ་སྨན་གྱིས་མི་བྱོལ་སོང་གི་སྐྱེ་གནས་སུ་བསྒྱུར་ཏེ་འཚོ་བ་དང་ཕྲལ་ན་ཅིར་འགྱུར། མཐར་འགྱུར་ རོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་ཉིད་བྱོལ་སོང་གི་སྐྱེ་གནས་སུ་བསྒྱུར་ཏེ་མིའི་འཚོ་བ་དང་ཕྲལ་ན་ཅིར་འགྱུར། དེ་སྟེ་དགེ་སློང་དུ་འདུ་ཤེས་ཡོད་ན་མི་ཆགས་པར་བྱ་བ་ལ་དེས་བྱེད་པས་ན་མཐར་འགྱུར་རོ། ། དགེ་སློང་དུ་འདུ་ཤེས་མེད་ན་ཉེས་པ་སྦོམ་ པོར་འགྱུར་རོ། ། བཙུན་པ་དགེ་སློང་གིས་ཕ་དང་མ་འཚོ་བ་དང་ཕྲལ་ན་མཐར་ཡང་མི་འགྱུར་ལ་མཚམས་མེད་པའི་ཁ་ན་མ་ཐོ་བར་ཡང་མི་འགྱུར་བ་མཆིས་སམ། ཡོད་དེ། གང་གི་ཕ་མ་བྱོལ་སོང་གི་སྐྱེ་གནས་སུ་གྱུར་པའོ། ། བཙུན་པ་དགེ་སློང་གིས་ཕ་བཀུམ་ཡང་མཐར་ཡང་ མི་འགྱུར་ལ་མཚམས་མེད་པའི་ཁ་ན་མ་ཐོ་བར་ཡང་མི་འགྱུར་བ་མཆིས་སམ།

ཨུ་པཱ་ལི་ལས་ཀྱི་སྲིད་པ་ནི་མངོན་པར་སྐྱེད་པའི་ཕྱིར་ཕ་ཞེས་བྱ་བས་ན་དེ་སྟེ་ཟག་པ་དང་བཅས་པའི་ལས་ཀྱི་སྲིད་པ་བསད་པར་གྱུར་པའོ། ། དགེ་སློང་གིས་མ་བཀུམ་ན་མཐར་ཡང་མི་འགྱུར་ལ་མཚམས་ མེད་པའི་ཁ་ན་མ་ཐོ་བར་ཡང་མི་འགྱུར་བ་མཆིས་སམ། ཨུ་པཱ་ལི་སྲེད་པ་ནི་སྐྱེད་པའི་ཕྱིར་མ་ཞེས་བྱ་བས་ན་སྲེད་པ་བསད་པར་གྱུར་པའོ། ། བཙུན་པ་དགེ་སློང་གིས་མ་བཀུམ་པར་འཚལ་བ་ལས་བུད་མེད་གཞན་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་ པ་དགེ་སློང་གིས་བུད་མེད་གཞན་དགུམ་པར་འཚལ་བ་ལས་མ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་མ་བཀུམ་པར་བཤམས་པ་ལས་བུད་མེད་གཞན་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་ གིས་བུད་མེད་གཞན་དགུམ་པར་བཤམས་པ་ལས་མའི་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་མིའི་བུད་མེད་ཀྱི་མངལ་དུ་བྱོལ་སོང་གི་སྐྱེ་གནས་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་ བྱོལ་སོང་མོའི་མངལ་དུ་མི་བཀུམ་ན་ཅིར་འགྱུར།

དེ་སྟེ་མངལ་ན་མིར་འདུ་ཤེས་ན་ནི་མཐར་འགྱུར་རོ། ། དེ་ལྟ་མ་ཡིན་ན་ལྟུང་བའོ། ། བཙུན་པ་མ་ནི་སྐྱེད་པ་ལགས་ལ། གཞན་ནི་གསོ་བ་ལགས་ན། དེ་གཉིས་གང་འཚོ་བ་དང་ཕྲལ་ན་མཐར་ཡང་འགྱུར་ལ་མཚམས་ མེད་པའི་ཁ་ན་མ་ཐོ་བར་ཡང་འགྱུར། གང་གིས་བསྐྱེད་པའོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་བཀུམ་ན་ཅིར་འགྱུར། མཐར་འགྱུར་རོ། ། མི་ལ་མི་མ་ལགས་པར་འདུ་ཤེས་ཏེ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ལགས་པ་ ལ་མིར་འདུ་ཤེས་ཏེ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ། ། མདོར་ན། ཐེ་ཚོམ་རྣམ་པ་གཉིས་པ་དང་། ། བདག་དང་དགྲ་བཅོམ་གཉིས་དེ་བཞིན། ། རྐུན་པོ་གཉིས་དང་གཞན་འདུ་ཤེས། ། བདུན་པ་དང་ཡང་ཐ་མའོ། ། བཙུན་པ་དགེ་སློང་གིས་དེ་འདི་ཡིན་ནམ་དེ་འདི་མ་ཡིན་ཞེས་ཡིད་གཉིས་དང་ཐེ་ཚོམ་འཚལ་བཞིན་དུ་དེ་ཡང་འཚོ་བ་དང་ཕྲལ་ན་ཅིར་འགྱུར། མཐར་འགྱུར་རོ། ། བཙུན་པ་དགེ་སློང་ གིས་བདག་ཉིད་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

བཙུན་པ་དགེ་སློང་གིས་ཕ་དང་མ་དགུམ་པར་བཤམས་ནས་བདག་ཉིད་བཀུམ་ན་ཅིར་འགྱུར། དེ་སྟེ་ཕ་མ་སྔར་དུ་དུས་བྱས་ན་མཐར་ཡང་འགྱུར་ལ་མཚམས་མེད་པའི་ཁ་ན་མ་ཐོ་བར་ཡང་འགྱུར་རོ། ། འོན་ཏེ་བདག་ཉིད་སྔར་དུས་བྱས་ན་ཉེས་པ་སྦོམ་པོར་འགྱུར་ཏེ། མཚམས་མེད་པའི་ཁ་ན་མ་ཐོ་བར་ཡང་མི་འགྱུར་རོ། ། བཙུན་པ་དགེ་སློང་གིས་དགྲ་བཅོམ་པ་དགུམ་པར་འཚལ་བ་ལས་སོ་སོའི་སྐྱེ་བོ་ཞིག་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་ པ་དགེ་སློང་གིས་སོ་སོའི་སྐྱེ་བོ་ཞིག་དགུམ་པར་འཚལ་བ་ལས་དགྲ་བཅོམ་པ་ཞིག་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་དགྲ་བཅོམ་པ་དགུམ་པར་བཤམས་ནས་སོ་སོའི་སྐྱེ་བོ་ཞིག་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་སོ་སོའི་སྐྱེ་བོ་ཞིག་དགུམ་པར་བཤམས་པ་ལས་དགྲ་བཅོམ་པ་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་རྐུན་པོ་ཞིག་དགུམ་པར་བཀྲི་བ་ལས་བྲོས་ཏེ་དེ་ལ་གྲོང་གི་སྙེགས་མའམ་རྒྱལ་པོའི་སྙེགས་མ་ཡང་རུང་ཕྱི་ བཞིན་དུ་བསྙེགས་པ་དང་།

དགེ་སློང་ཞིག་ཤུལ་གྱི་མདུན་ནས་མཆི་བ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་སློང་དེས་རྐུན་པོ་དེ་ལ་གསོད་སེམས་ཉེ་བར་གནས་པར་གྱུར་ནས་དེས་དེ་དག་ལ་བསྟན་ན་ཅིར་འགྱུར། མཐར་འགྱུར་རོ། ། བཙུན་པ་རྐུན་པོ་ཞིག་དགུམ་པར་བཀྲི་བ་ལས་བྲོས་ཏེ་དེ་ལས་གྲོང་གི་སྙེགས་མ་འམ་རྒྱལ་པོའི་སྙེགས་མ་ཡང་རུང་ཕྱི་བཞིན་དུ་བསྙེགས་པ་དང་། དགེ་སློང་ཞིག་ཀྱང་ཤུལ་གྱི་མདུན་ནས་མཆིས་པ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་ སློང་དེས་རྐུན་པོ་དེ་ལ་ཡང་གསོད་སེམས་ཉེ་བར་གནས་པར་གྱུར་ཏེ། དེས་དེ་དག་མ་བསྟན་ནས་དེ་དག་གིས་འཚོ་བ་དང་ཕྲལ་ན་ཅིར་འགྱུར། ཉེས་བྱས་སོ། ། བཙུན་པ་གཉིས་ལྷན་ཅིག་མཆིས་པ་ལ་གཞན་དགུམ་མོ་སྙམ་པ་ལས་གཞན་བཀུམ་ན་ཅིར་འགྱུར། ཉེས་པ་སྦོམ་ པོར་འགྱུར་རོ། ། བསྙེན་པར་མ་རྫོགས་པར་དགུམ་པར་བཤམས་ཏེ་བསྙེན་པར་མ་རྫོགས་པར་བཀུམ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་དགུམ་པར་བཤམས་པ་ལས་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་བྱས་སོ། །

བསྙེན་པར་ མ་རྫོགས་པར་དགུམ་པར་བཤམས་པ་ལས་བསྙེན་པར་རྫོགས་ཏེ་བཀུམ་ན་ཅིར་འགྱུར། མཐར་འགྱུར་རོ། ། བསྙེན་པར་རྫོགས་ཀར་དགུམ་པར་བཤམས་ཏེ་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་དགུམ་པར་བཤམས་ ཏེ་བསྙེན་པར་རྫོགས་ནས་བཀུམ་ན་ཅིར་འགྱུར། མཐར་འགྱུར་རོ། ། བསྙེན་པར་རྫོགས་ནས་དགུམ་པར་བཤམས་པ་ལས་བསྙེན་པར་རྫོགས་ནས་བཀུམ་ན་ཅིར་འགྱུར། མཐར་འགྱུར་རོ། ། བསྙེན་པར་རྫོགས་ནས་དགུམ་པར་བཤམས་པ་ལས་བསྙེན་པར་མ་ རྫོགས་པར་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གཅིག་པུ་འཚོ་བ་དང་དབྲལ་བའི་སླད་དུ་ཁྱིམ་དུ་ཞུགས་ན་མཐར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེས་བསད་པར་བཤམས་ནས་ནང་དུ་ཞུགས་པའོ། ། ཇི་ལྟར་དགེ་སློང་གིས་འཚོ་བ་དང་ཕྲལ་བའི་རྐྱེན་གྱིས་མཐར་གྱུར་པ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སོ། ། ། ། མདོར་ན། དག་དང་སྟོན་པ་རྣམ་ པར་གཟིགས། ། མི་སློབ་སློབ་དཔོན་ཉོན་མོངས་དང་། ། ཉམས་དང་གྲོལ་དང་འཇིགས་པ་དང་། །

སྐྱེ་དང་རྙེད་དང་འདི་འདྲའོ། ། བཙུན་པ་དགེ་སློང་གིས་འདི་སྐད་དུ་བདག་ནི་དག་པའོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་ སྐད་དུ་བདག་ནི་སྟོན་པའོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་བདག་ནི་རྣམ་པར་གཟིགས་དང་། སྤྱི་ཐོར་དང་། བསོད་སྐྱབས་དང་། ལོག་པར་དད་སེལ་དང་། གསེར་ཐུབ་དང་། འོད་སྲུང་ རྣམས་ཀྱི་ཉན་ཐོས་པའོ་ཞེས་མཆི་ན་ཅིར་འགྱུར། དེ་སྟེ་སྔོན་གྱི་གནས་སུ་ལུང་སྟོན་ན་ནི་མཐར་འགྱུར་རོ། ། འོན་ཏེ་དེས་འདི་སྐད་དུ་གང་གི་ཚེ་ཤཱཀྱ་ཐུབ་པ་ལ་སྐྱབས་སུ་སོང་བ་ནས་བཟུང་སྟེ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་སྐྱབས་སུ་སོང་ངོ་ཞེས་སྨྲས་ན་ཉེས་ པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་བདག་ནི་མི་སློབ་པའོ་ཞེས་མཆི་ན་ཅིར་འགྱུར། དེ་སྟེ་ཉོན་མོངས་པ་སྤངས་པར་ལུང་སྟོན་ན་མཐར་འགྱུར་རོ། ། འོན་ཏེ་དེ་འདི་སྐད་དུ་བདག་བཟོ་གང་ཡང་མི་སློབ་བོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། ། བཙུན་པ་ དགེ་སློང་གིས་འདི་སྐད་དུ་བདག་ནི་སློབ་པའོ་ཞེས་མཆི་ན་ཅིར་འགྱུར།

དེ་སྟེ་སློབ་པའི་སྤྱོད་པར་ལུང་སྟོན་ན་མཐར་འགྱུར་རོ། ། འོན་ཏེ་དེ་འདི་སྐད་དུ་ཚངས་པར་སྤྱོད་པ་ལ་སློབ་བོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་བདག་ལ་ཉོན་ མོངས་པ་མེད་དོ་ཞེས་མཆི་ན་ཅིར་འགྱུར། དེ་སྟེ་ཉོན་མོངས་པ་སྤངས་པར་ལུང་སྟོན་ན་མཐར་འགྱུར་རོ། འོན་ཏེ་འདི་སྐད་དུ་བདག་ལ་ལྷུང་བཟེད་དམ་ཆོས་གོས་སམ་དགེ་སློང་གི་འཚོ་བའི་ཡོ་བྱད་གང་ཡང་རུང་བ་རྣམས་མེད་དོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། ། བཙུན་ པ་དགེ་སློང་གིས་འདི་སྐད་དུ་བདག་ནི་ཉམས་པའོ་ཞེས་མཆི་ན་ཅིར་འགྱུར། དེ་སྟེ་འདི་སྐད་དུ་དགེ་སྦྱོང་གི་འབྲས་བུ་ལས་ཉམས་པའོ་ཞེས་སྨྲས་ན་མཐར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་བདག་ནི་གྲོལ་བའོ་ཞེས་མཆི་ན་ཅིར་འགྱུར། དེ་སྟེ་འདི་སྐད་ དུ་བདག་ནི་སྦྱོར་བ་དང་། བཅིངས་པ་དང་། བག་ལ་ཉལ་བ་དང་། ཉེ་བའི་ཉོན་མོངས་པ་དང་། ཀུན་ནས་དཀྲིས་ཏེ་འདས་པ་ལས་གྲོལ་ལོ་ཞེས་སྨྲས་ན་མཐར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་བདག་ལ་འཇིགས་པ་མེད་དོ་ཞེས་མཆི་ན་ཅིར་འགྱུར། དེ་སྟེ་འཇིགས་པ་སྤངས་པར་ལུང་སྟོན་ན་མཐར་འགྱུར་རོ། །

དེ་སྟེ་འཇིགས་པས་ཅུང་ཟད་ཀྱང་མི་འཇིགས་སོ་ཞེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་འདི་ནི་བདག་གི་སྐྱེ་བ་ཐ་མའོ་ཞེས་མཆི་ན་ཅིར་འགྱུར། དེ་སྟེ་སྐྱེ་བ་ ཟད་པར་ལུང་སྟོན་ན་མཐར་འགྱུར་རོ། ། འོན་ཏེ་དེ་འདི་སྐད་དུ་སྐྱེ་བ་ཟད་འགགས་བྲལ་རྣམ་པར་བྲལ་བ་སྟེ་དེ་ལྟར་འདི་ནི་སྐྱེ་བའི་ཐ་མའོ་ཞེས་སྨྲས་ན་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་བདག་གིས་རབ་ཏུ་ཐོབ་བོ་ཞེས་མཆི་ན་ཅིར་འགྱུར། དེ་སྟེ་དགེ་སློང་གི་འབྲས་བུ་ཐོབ་བོ་ཞེས་སྨྲས་ན་མཐར་འགྱུར་རོ། ། འོན་ཏེ་འཇིག་རྟེན་གྱི་དངོས་པོར་ལུང་བསྟན་ན་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་ཨེ་མའོ་བདག་ཅི་འདྲ་བ་དེ་འདྲ་བར་ཁྱོད་གྱུར་པ་ངོ་མཚར་ཆེའོ་ཞེས་མཆི་ན་ཅིར་འགྱུར། ཉེས་ པ་སྦོམ་པོར་འགྱུར་རོ། ། ། ། མདོར་ན། མ་སྨིན་བཟོད་དང་རང་འདྲི་དང་། ། སྤངས་དང་འབྲས་བུ་གཉིས་པ་དང་། ། འདུ་ཤེས་བཞི་དང་ཐོབ་བྱ་དང་། ། འཇིག་རྟེན་གྱི་ནི་ཐ་མའོ། ། བཙུན་པ་དགེ་སློང་ཞིག་ལ་ཚེ་དང་ལྡན་པ་ཁྱོད་ཟག་པ་ཟད་པའི་འབྲས་ བུ་ཡོད་དམ་ཞེས་དྲིས་པ་དང་།

དེས་ཀྱང་ཞིབ་ཏུ་ཤིང་ཐོག་མ་སྨིན་པ་ཞིག་བཅངས་པར་གྱུར་ནས་དེ་འདི་སྐད་དུ་མ་སྨིན་ཏོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་རྒྱུན་དུ་ཞུགས་པའི་འབྲས་བུ་དང་། ལན་ཅིག་ ཕྱིར་འོང་བ་དང་། ཕྱིར་མི་འོང་བ་དང་། མཆོག་གི་འབྲས་བུ་བདག་གིས་ཐོབ་བོ་ཞེས་མཆི་ན་ཅིར་འགྱུར། མཐར་འགྱུར་རོ། ། བཙུན་པ་དགེ་སློང་གིས་བདག་ཉིད་ཀྱིས་བྲིས་ལ་འདི་སྐད་དུ་བདག་དགྲ་བཅོམ་པའོ་ཞེས་འདི་སུས་བྲིས་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་ལ་ཁྱིམ་བདག་ཅིག་གིས་ཁྱོད་ཀྱིས་འབྲས་བུ་ཐོབ་བོ་ཞེས་དྲིས་པ་དང་། དེས་ཀྱང་མེ་ཏོག་དང་འབྲས་བུ་སྨིན་པ་རྣམས་བཅངས་ནས་དེ་འདི་སྐད་དུ་མ་སྨིན་ནོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་བདག་ནི་ཉམས་སོ་ཞེས་མཆི་ན་ཅིར་འགྱུར། དེ་སྟེ་ཐོབ་པ་ལས་ཉམས་པར་ལུང་སྟོན་ན་མཐར་འགྱུར་ཏེ། བཙུན་པ་དགེ་སློང་གིས་བདག་ནི་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་ པ་རྣམས་མ་ཡིན་ནོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ།

། བཙུན་པ་དགེ་སློང་གིས་འགྲོ་བ་ཞེས་བྱ་བའི་རི་ལ་རྒྱུན་དུ་ཞུགས་པའི་འབྲས་བུ་ཐོབ་བོ། རི་དགུ་པོ་ཞེས་བྱ་བའི་ངོས་ལ་ལན་ཅིག་ཕྱིར་འོང་བའི་འབྲས་བུ། བྱ་རྒོད་སྤུངས་པ་ཞེས་བྱ་བ་ལ་ཕྱིར་མི་འོང་བའི་འབྲས་བུ། འོད་ མའི་ཚལ་དུ་མཆོག་གི་འབྲས་བུ་ཐོབ་བོ་ཞེས་མཆི་ན་ཅིར་འགྱུར། མཐར་འགྱུར་རོ། ། བཙུན་པ་དགེ་སློང་གིས་མི་ལ་མི་མ་ལགས་པར་འདུ་ཤེས་ཏེ་མི་ལས་བླ་མར་གྱུར་པའི་ཆོས་ཤིག་ལུང་སྟོན་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་པ་ སྦོམ་པོར་འགྱུར་རོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་པ་སྦོམ་པོར་འགྱུར་རོ། ། མི་ལ་མིར་འདུ་ཤེས་ན་མཐར་འགྱུར་རོ། ། བཙུན་པ་དགེ་སློང་གིས་འདི་སྐད་དུ་ཉན་ཐོས་ཀྱིས་ཐོབ་པར་བྱ་བ་གང་ཡིན་པ་དེ་བདག་གིས་ཐོབ་བོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་ འགྱུར་རོ། ། བཙུན་པ་དགེ་སློང་གིས་འདི་སྐད་དུ་དེང་བདག་གིས་འཇིག་རྟེན་པའི་བསམ་གཏན་ལ་སྙོམས་པར་མ་ཞུགས་ཏེ། སྲོད་ལ་ནི་མ་ཡིན། དེ་ཕན་ཅད་མ་ཡིན་ནོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

བཙུན་པ་དགེ་སློང་གིས་འདི་སྐད་དུ་ལུང་བསྟན་གྱིས་ཚུར་ ཤོག་ཅེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་གང་དང་སེམས་འཁྲུགས་པ། ། ན་བ་འོན་པ་གླེན་པའོ། ། བཙུན་པ་དགེ་སློང་གིས་ཕོ་ཉ་ལས་མི་ལས་བླ་མར་ གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ལ་བསྒོ་བ་དང་། གཅིག་དང་གཅིག་ཏུ་བརྒྱུད་ན་ཐམས་ཅད་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་སྨྱོན་པ་ཞིག་ལ་མི་ལས་བླ་མར་གྱུར་པའི་ ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། གླེན་པ་ཐམས་ཅད་ལ་ཉེས་པ་སྦོམ་པོར་འགྱུར་རོ། ། ། ། མདོར་ན། གཉིད་ལོག་ར་རོ་མྱོས་པ་དང་། ། སྙོམས་ཞུགས་འགྲོ་བ་དེ་བཞིན་ ཏེ། ། སྐད་དང་ལུས་དང་དབེན་པ་སྔགས། ། གཞན་གྱིས་གཞན་ལ་ཐ་མའོ། ། བཙུན་པ་དགེ་སློང་གིས་གཉིད་ཀྱིས་ལོག་པ་ཞིག་གི་དྲུང་དུ་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

དེ་བཞིན་དུ་ར་རོ་བ་དང་། མྱོས་པ་དང་། འགྲོ་བ་གཞན་དུ་ གྱུར་པ་རྣམས་ཀྱི་དྲུང་དུ་སྨྲས་པ་ཐམས་ཅད་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འཕགས་པས་འཕགས་པའི་སྐད་དུ་དགེ་སློང་ཞིག་ལ་མི་ལས་བླ་མར་གྱུར་པའི་ཆོས་སྨྲས་ན་དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། འཕགས་པ་ཞིག་གིས་མཐའ་འཁོབ་པའི་སྐད་དུ་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མཐའ་འཁོབ་པ་ཞིག་གིས་མཐའ་འཁོབ་པའི་སྐད་དུ་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་ སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མཐའ་འཁོབ་པ་ཞིག་གིས་འཕགས་པའི་སྐད་དུ་མི་ལས་བླ་མར་གྱུར་པའི་ཆོས་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་ སློང་གིས་ལུས་ཀྱི་དམིགས་པས་མི་ལས་བླ་མར་གྱུར་པའི་ཆོས་སྟོན་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར།

ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་ གིས་སྔགས་སམ་སྨན་གྱིས་བདག་ཉིད་མི་སྣང་བར་བགྱིས་ཏེ་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་གཞན་ལས་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་ སློང་གིས་གཞན་ཞིག་གི་སླད་དུ་མི་ལས་བླ་མར་གྱུར་པའི་ཆོས་སྨྲས་ན་ཅིར་འགྱུར། ཉེས་བྱས་སོ། ། ཇི་ལྟར་དགེ་སློང་གིས་སྨྲས་པའི་རྐྱེན་གྱིས་མཐར་གྱུར་པ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་རྣམས་ཀྱི་ཡང་མཐར་འགྱུར། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ཨུ་པཱ་ལིས་ཞུས་པའི་ནང་ནས་ཕས་ཕམ་པ་དང་ལྡན་པ་རྫོགས་སོ། ། ། ། མདོར་ན། མ་ལོག་སྦུ་བུ་དེ་བཞིན་གཡོས། ། མི་རྩོལ་མེད་པ་རྣམས་དང་མཚན། ། གཞན་དང་བདུན་ནི་དེ་བཞིན་ཏེ། ། སྡེར་བཅས་བསྡུས་ པར་གྱུར་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་གཉིད་ཀྱིས་མ་ལོག་པར་བརྩལ་ནས་ལོག་སྟེ་ཁུ་བ་ཕྱུང་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

བཙུན་པ་གཉིད་ཀྱིས་ལོག་པའི་ཚེ་བརྩལ་ན་མ་ལོག་པའི་ཚེ་ཁུ་བ་བྱུང་ན་ཅིར་ འགྱུར། དེ་སྟེ་བརྩལ་ན་ཉེས་པ་སྦོམ་པོར་འགྱུར་རོ། ། མ་བརྩལ་ན་ཉེས་པ་མེད་དོ། ། བཙུན་པས་ནི་སྦུ་བུར་འོངས་པའི་ཁུ་བ་ཕྱུང་ན་ཉེས་པ་སྦོམ་པོའོ་ཞེས་གསུངས་ན། ཇི་ཙམ་གྱིས་ན་སྦུ་བུར་མཆིས་པ་ལགས། གནས་ནས་འཕགས་མ་ཐག་ཏུ་སྦུ་བུར་བཀག་པའོ། ། བཙུན་ པ་བཅོམ་ལྡན་འདས་ཀྱིས་གཡོས་པ་ལས་བཀག་པའོ་ཞེས་གསུངས་ན། ཇི་ཙམ་གྱིས་གཡོས་པ་ལས་བཀག་པ་ལགས། གནས་ནས་གཡོས་མ་ཐག་ཏུ་བཀག་པའོ། ། བཙུན་པ་མ་བརྩལ་བར་ཁུ་བ་བྱུང་ན་ཅིར་འགྱུར། དེ་སྟེ་དགའ་བར་མ་ཚོར་ན་ཉེས་པ་མེད་དོ། ། བཙུན་པ་ དགེ་སློང་གིས་ཁུ་བ་འབྱིན་པ་ལས་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། དགེ་འདུན་གྱི་ལྷག་མ་ལས་བྱུང་བའི་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་མ་ཞིག་ཁུ་བ་འབྱིན་པ་ལས་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བ་ལས་བྱུང་བའི་ཉེས་བྱས་སོ། ། བཙུན་པ་དགེ་སློང་གིས་གཞན་གྱི་ཕོ་མཚན་ལས་ཁུ་བ་ཕྱུང་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་བསྙེན་པར་མ་རྫོགས་པར་བརྩལ་ནས་བསྙེན་པར་མ་རྫོགས་པར་ཕྱུང་ན་ཅིར་འགྱུར། ཉེས་བྱས་སོ།

། བསྙེན་པར་མ་རྫོགས་པར་བརྩལ་ནས་བསྙེན་པར་རྫོགས་ཀར་ ཕྱུང་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བརྩལ་ནས་བསྙེན་པར་རྫོགས་ནས་ཕྱུང་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་ཀར་བརྩལ་ནས་བསྙེན་པར་རྫོགས་ཀར་ཕྱུང་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་ བརྩལ་ནས་བསྙེན་པར་རྫོགས་པ་དང་ཕྱུང་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་ཏེ་བརྩལ་ནས་བསྙེན་པར་རྫོགས་ནས་ཕྱུང་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་ནས་བརྩམས་ཏེ་བསྙེན་པར་མ་རྫོགས་པར་ཕྱུང་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ཇི་ལྟར་དགེ་སློང་ཁུ་བ་འབྱུང་བའི་རྐྱེན་གྱིས་དགེ་འདུན་གྱི་ལྷག་མར་གྱུར་པ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་གྱི་ལྷག་མའོ། ། དགེ་སློང་མ་ལ་ནི་ཇི་ལྟར་དངོས་པོ་བཞིན་ནོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ རྣམས་ལ་ནི་ཉེས་བྱས་སོ། ། ། ། མདོར་ན། ལུས་དང་ཐེ་ཚོམ་སོ་དང་ནི། ། རྨ་སྤུ་སེན་མོ་དེ་བཞིན་ཏེ། ། བཞི་པ་གཉིས་དང་བདུན་པ་རྣམས། ། སྡེ་དག་ཏུ་ཡང་བསྡུས་པའོ། །

བཙུན་པ་བུད་མེད་ཀྱི་དབང་པོ་ཉམས་པ་དེ་དང་ལྷན་ཅིག་ཏུ་དགེ་སློང་གིས་ལུས་ཀྱིས་ཀུན་ཏུ་ རེག་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་ལུས་ཀྱི་དབང་པོ་ཉམས་པར་གྱུར་པ་ཞིག་གིས་བུད་མེད་དང་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་གཉིས་ཀའི་ལུས་ཀྱི་དབང་པོ་ ཉམས་པར་གྱུར་པ་དེ་གཉིས་གཅིག་ལ་གཅིག་ཀུན་ཏུ་རེག་པར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འདི་བུད་མེད་ལ་བུད་མེད་མ་ལགས་ཞེས་ཐེ་ཚོམ་དང་ཡིད་གཉིས་དང་དོགས་པ་སྐྱེས་བཞིན་དུ་དེ་དང་དེ་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིས་ན་ ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་སོས་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་སོ་ལ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་རྨས་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་སྤུས་རེག་ན་ཅིར་ འགྱུར། ཉེས་པ་སྦོམ་པོར་འགྱུར་རོ། ། བཙུན་པ་སྤུ་ལ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་སེན་མོ་ལ་རེག་ན་ཅིར་འགྱུར།

ཉེས་པ་སྦོམ་པོར་འགྱུར་རོ། ། བཙུན་པ་སེན་མོས་རེག་ན་ཅིར་འགྱུར། ཉེས་པ་སྦོམ་པོར་འགྱུར་ རོ། ། བཙུན་པ་དགེ་སློང་གིས་མིའི་བུད་མེད་ལ་མིར་འདུ་ཤེས་ཏེ་རེག་ན་ཅིར་འགྱུར། དགེ་འདུན་གྱི་ལྷག་མའོ། ། མི་ལ་མི་མ་ཡིན་པར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ལགས་པ་ལ་མིར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་ འགྱུར་རོ། ། མི་མ་ལགས་པ་ལ་མི་མ་ལགས་པར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་གཡོགས་པ་ལ་གཡོགས་པར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། གཡོགས་པ་ལ་མ་གཡོགས་པར་འདུ་ ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མ་གཡོགས་པ་ལ་གཡོགས་པར་འདུ་ཤེས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མ་གཡོགས་པ་ལ་མ་གཡོགས་པར་འདུ་ཤེས་ཏེ་རེག་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་ པ་བསྙེན་པར་མ་རྫོགས་པར་ལུས་ཀྱིས་ཀུན་ཏུ་རེག་པར་བཤམས་ནས་བསྙེན་པར་མ་རྫོགས་པར་རེག་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་རེག་ན་ཅིར་འགྱུར།

ཉེས་བྱས་སོ། ། བསྙེན་པར་མ་རྫོགས་པར་ བཤམས་ལ་བསྙེན་པར་རྫོགས་པ་དང་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་རེག་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ནས་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བསྙེན་པར་རྫོགས་ནས་བཤམས་ལ་བསྙེན་པར་རྫོགས་པ་ན་རེག་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་ནས་བཤམས་ལ་བསྙེན་པར་མ་རྫོགས་པར་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ། ། མདོར་ ན། གཞན་དུ་འདུ་ཤེས་རོ་རུས་པ། ། མཚན་དང་སྐྱེས་པ་མཉེན་པ་དང་། ། མ་ནིང་ཕ་དང་མ་ནིང་མ། ། སྙོམས་ཞུགས་ཉལ་དང་འགྲོ་བའོ། ། བཙུན་པ་དགེ་སློང་གིས་བུད་མེད་གཞན་ཞིག་ལ་ཆགས་པ་ལས་གཞན་དང་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིད་ན་ཅིར་ འགྱུར། ཉེས་པ་སྦོམ་པོར་འགྱུར་རོ། ། བཙུན་པ་བུད་མེད་ཀྱི་རོ་དང་ལྷན་ཅིག་ཏུ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་བུད་མེད་ཀྱི་ཀེང་རུས་ཤ་མེད་པ་ལ་རེག་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་ ལུས་ཀྱིས་ཀུན་ཏུ་རེག་པར་བགྱིད་པ་ལས་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་མ་སྐྱེས་པ་དང་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིད་པ་ལས་མཚན་འཕོས་ཏེ། དགེ་སློང་ཕར་གྱུར་ན་ཅིར་འགྱུར། ཉེས་པ་སྦོམ་ པོར་འགྱུར་རོ། ། བཙུན་པ་དགེ་སློང་གིས་སྐྱེས་པ་དང་ལྷན་ཅིག་ཏུ་ལུས་ཀྱིས་ཀུན་ཏུ་རེག་པར་བགྱིད་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འཇམ་མམ་སྙམ་དུ་བསམས་ཏེ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མཉེན་ནམ་དྲོའམ་སྙམ་དུ་བསམས་པའང་ དེ་བཞིན་ནོ། ། བཙུན་པ་དགེ་སློང་གིས་མ་ནིང་ཕ་དང་ལྷན་ཅིག་ཏུ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མ་ནིང་མ་དང་ལྷན་ཅིག་ཏུ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་སྙོམས་པར་ཞུགས་པ་མོ་དང་ལྷན་ཅིག་ཏུ་རེག་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་དགེ་ སློང་གིས་བུད་མེད་ཉལ་བ་དང་ལྷན་ཅིག་ཏུ་རེག་ན་ཅིར་འགྱུར། དགེ་འདུན་གྱི་ལྷག་མའོ། །

བཙུན་པ་དགེ་སློང་གིས་འགྲོ་བ་གཞན་དུ་གནས་པ་མོ་དང་ལྷན་ཅིག་ཏུ་རེག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ཇི་ལྟར་དགེ་སློང་གིས་ལུས་ཀྱིས་ཀུན་ཏུ་རེག་པར་བྱས་པ་ལས་དགེ་ འདུན་གྱི་ལྷག་མར་གྱུར་པ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་གྱི་ལྷག་མར་འགྱུར་རོ། ། དགེ་སློང་མ་རྣམས་ལ་ནི་ཕས་ཕམ་པར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ། ། མདོར་ན། སྐད་དང་ལུས་དང་ དབེན་སྔགས་དང་། ། གཞན་ལས་གཞན་ཕྱིར་སྤྲུལ་པ་དང་། ། ཕྲིན་པ་སྤྲིང་ཡིག་ལག་བརྡ་དང་། ། གཞན་ཞིག་ཟེར་དང་བདུན་པ་སྟེ། ། བགོ་བ་མ་ནིང་སྐྱེས་པ་དང་། ། མ་ནིང་བཟང་པོ་སྡིག་ཅན་ནོ། ། བཙུན་པ་དགེ་སློང་འཕགས་པ་ཞིག་གིས་འཕགས་ པའི་སྐད་དུ་བུད་མེད་ལ་གནས་ངན་ལེན་གྱི་ཚིག་སྨྲས་པ་ལས་བུད་མེད་དེས་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། འཕགས་པས་མཐའ་འཁོབ་པའི་སྐད་སྨྲས་པ་དང་། བུད་མེད་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ པ་སྦོམ་པོར་འགྱུར་རོ། ། མཐའ་འཁོབ་པས་མཐའ་འཁོབ་པའི་སྐད་དུ་སྨྲས་པ་དང་བུད་མེད་དེས་མཐའ་འཁོབ་པའི་སྐད་མ་འཚལ་ན་ཅིར་འགྱུར།

ཉེས་པ་སྦོམ་པོར་འགྱུར་རོ། ། མཐའ་འཁོབ་པས་འཕགས་པའི་སྐད་དུ་བུད་མེད་ལ་གནས་ངན་ལེན་གྱི་སྐད་སྨྲས་པ་དང་བུད་མེད་ དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་ལུས་ཀྱིས་དམིགས་པས་གནས་ངན་ལེན་པའི་ཚིག་བུད་མེད་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་དབེན་པ་ལ་དབེན་པར་འདུ་ ཤེས་ཏེ་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་ཉིད་མི་སྣང་བར་བགྱིས་ཏེ་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་ པ་དགེ་སློང་གིས་བུད་མེད་ལ་གཞན་ཞིག་སྨྲར་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་བུད་མེད་ལ་གཞན་གྱི་སླད་དུ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་སྤྲུལ་པའི་བུད་མེད་ལ་ གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

བཙུན་པ་དགེ་སློང་གིས་བུད་མེད་ལ་ཕྲིན་པ་སྨྲར་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ ཏུ་བརྒྱུད་པ་ཐམས་ཅད་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་བསྙེན་པར་མ་རྫོགས་པས་གནས་ངན་ལེན་གྱི་ཚིག་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ནས་བསྙེན་པར་རྫོགས་ཀར་ སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ནས་བསྙེན་པར་རྫོགས་ཏེ་སྨྲས་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་ཀར་བཤམས་ནས་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་ རྫོགས་ཀར་བཤམས་ནས་བསྙེན་པར་རྫོགས་ཏེ་སྨྲས་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་ནས་བཤམས་ཏེ་བསྙེན་པར་རྫོགས་པར་སྨྲས་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་ཏེ་བཤམས་ནས་བསྙེན་པར་མ་རྫོགས་པ་ན་ སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

བཙུན་པ་དགེ་སློང་གིས་བུད་མེད་ལ་འདི་སྐད་དུ་ཆེ་ཞེ་མཉམ་པར་བགོས་ཤིག་ཅེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་མ་ནིང་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་ རོ། ། སྐྱེས་པ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མ་ནིང་མོ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་བུད་མེད་ལ་འདི་སྐད་དུ་བཟང་ངོ་ཞེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་ བུད་མེད་ལ་འདི་སྐད་དུ་སྡིག་ཅན་ནོ་ཞེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ། ། མདོར་ན། སྨྱོན་མ་དང་ཡང་སེམས་འཁྲུགས་མ། ། ན་བ་འོན་མ་གླེན་མ་དང་། གཉིད་ལོག་ར་རོ་མྱོས་མ་དང་། ། དགེ་སློང་མ་དང་སྙོམས་ཞུགས་མའོ། ། སངས་ རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་གིས་བུད་མེད་སྨྱོན་མ་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་ཏེ། སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་མ་དང་། གླེན་མ་དང་། གཉིད་ལོག་པ་དང་། ར་རོ་བ་དང་། མྱོས་མ་རྣམས་ལ་ཡང་དེ་བཞིན་ནོ། །

བཙུན་པ་དགེ་སློང་གིས་བུད་མེད་ལ་གནས་ངན་ལེན་གྱི་ཚིག་སྨྲས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དགེ་སློང་མས་སྐྱེས་པ་ལ་ གནས་ངན་ལེན་གྱི་ཚིག་སྨྲས་པ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་བུད་མེད་ལ་གནས་ངན་ལེན་གྱི་ཚིག་སྨྲས་ན་དགེ་འདུན་གྱི་ལྷག་མའོ་ཞེས་གསུངས་ན། དགེ་སློང་གིས་ བུད་མེད་ལ་གནས་ངན་ལེན་གྱི་ཚིག་ཏུ་སྨྲས་པ་ལ་དགེ་འདུན་གྱི་ལྷག་མར་མི་འགྱུར་བ་མཆིས་སམ། ཡོད་དེ། དེ་སྟེ་གཞན་གྱི་ཕྱིར་ནའོ། ། བཙུན་པ་དགེ་སློང་གིས་སྐྱེས་པ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དགེ་སློབ་མ་དང་། དགེ་ཚུལ་མ་ རྣམས་ལ་སྨྲས་ན་ཅིར་འགྱུར། དགེ་འདུན་གྱི་ལྷག་མའོ། ། དགེ་སློང་གིས་དགེ་ཚུལ་ཕ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དགེ་སློང་མས་སྐྱེས་པ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དགེ་སློབ་མས་སྐྱེས་པ་དང་། དགེ་སློང་དང་། དགེ་ ཚུལ་ཕ་ལ་སྨྲས་ན་ཉེས་བྱས་སུ་འགྱུར་རོ། ། དགེ་ཚུལ་མས་སྐྱེས་པ་དང་། དགེ་སློང་དང་།

དགེ་ཚུལ་ཕ་ལ་སྨྲས་ན་ཉེས་བྱས་སུ་འགྱུར་རོ། ། དགེ་ཚུལ་ཕས་བུད་མེད་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་སློང་དང་། དགེ་ཚུལ་ཕ་ རྣམས་ལ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྙོམས་པར་ཞུགས་པའི་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ། ། མདོར་ན། བཞི་པ་གཉིས་དང་འདུ་ཤེས་གཞན། ། གནས་ངན་ལེན་ དུ་དེ་དག་བརྗོད། ། ཀུན་སྤྱོད་པ་ཡང་དེ་བཞིན་ཏེ། ། རྒྱས་པར་བསྒྲགས་པར་བྱའོ། ། བཙུན་པ་དགེ་སློང་གིས་མི་མ་ལགས་པའི་བུད་མེད་ལ་མི་མ་ལགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་ལ་མིར་འདུ་ཤེས་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་དགེ་སློང་གིས་མིའི་བུད་མེད་ལ་བུད་མེད་དུ་འདུ་ཤེས་ཏེ་སྨྲས་ན་ཅིར་འགྱུར། དགེ་ འདུན་གྱི་ལྷག་མའོ། ། བུད་མེད་ལ་སྐྱེས་པར་འདུ་ཤེས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

སྐྱེས་པ་ལ་བུད་མེད་དུ་འདུ་ཤེས་ནའང་ཉེས་པ་སྦོམ་པོར་འགྱུར་རོ། ། སྐྱེས་པ་ལ་སྐྱེས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་ སློང་གིས་གཞན་དུ་འདུ་ཤེས་པ་ལས་བུད་མེད་གཅིག་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དགེ་འདུན་གྱི་ལྷག་མ་གསུམ་པ་དང་བཞི་པ་རྫོགས་ཏེ་ཇི་ལྟར་གནས་ངན་ལེན་པ་དེ་བཞིན་དུ་ཀུན་ཏུ་སྤྱོད་པ་ལའང་བྱའོ། ། ། ། འདུལ་ བ་གཞུང་དམ་པ། བམ་པོ་གཉིས་པ། མདོར་ན། ཆོས་གཉིས་བཞི་པ་རྣམ་པ་དྲུག ། དབང་པོ་ཉོ་བར་བྱ་བ་གཉིས། ། བདུན་པ་དང་ཡང་ཆད་པ་དང་། ། བཞི་པ་གཉིས་དང་གཅིག་ནས་གཅིག ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་ཆོས་གང་འདས་པ་ཡང་མ་ལགས། མ་འོངས་པ་ཡང་མ་ལགས། ད་ལྟར་བྱུང་བ་ཡང་མ་ལགས་ལ། ལས་ཀུན་རྫོགས་པའི་མཐར་ཐུག་པའི་ཆོས་དེ་གང་ལགས། ཨུ་པཱ་ལི་མྱ་ངན་ལས་འདས་པའོ། ། བཙུན་པ་ཆོས་གང་སོང་ཞིང་འོངས་ལ་ལས་ཀུན་ རྫོགས་པའི་མཐར་ཐུག་པ་དེ་གང་ལགས། ཨུ་པཱ་ལི་སྨྱན་བྱེད་པའོ། ། དེ་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། །

བཙུན་པ་དགེ་སློང་གིས་སྨྱོན་པ་ཞིག་ལས་ཕྲིན་བླངས་ཏེ་སྨྱོན་པ་ལ་བསྐྱལ་ལ་སྨྱོན་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་ རོ། ། སྨྱོན་པ་ཞིག་ལས་ཕྲིན་བླངས་ཏེ། སྨྱོན་པ་ལ་བསྐྱལ་ལ་སླར་ལན་རང་བཞིན་དུ་གནས་པ་ཞིག་ལ་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། སྨྱོན་པ་ལས་ཕྲིན་བླངས་ཏེ་རང་བཞིན་དུ་གནས་པ་ལ་བསྐྱལ་ལ་སྨྱོན་པ་ལ་སླར་ལན་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། སྨྱོན་པ་ལས་ཕྲིན་བླངས་ཏེ་རང་བཞིན་དུ་གནས་པ་ལ་བསྐྱལ་ལ་རང་བཞིན་དུ་གནས་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་རང་བཞིན་དུ་གནས་པ་ལས་ཕྲིན་བླངས་ཏེ་ རང་བཞིན་དུ་གནས་པ་ལ་བསྐྱལ་ལ་རང་བཞིན་དུ་གནས་པ་ལ་སླར་ལན་སྩལ་ན་ཅིར་འགྱུར། དགེ་འདུན་གྱི་ལྷག་མར་འགྱུར་རོ། ། རང་བཞིན་དུ་གནས་པ་ལས་ཕྲིན་བླངས་ཏེ་རང་བཞིན་དུ་གནས་པ་ལ་བསྐྱལ་ལ་སྨྱོན་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། རང་བཞིན་དུ་གནས་པ་ལས་ཕྲིན་བླངས་ཏེ་སྨྱོན་པ་ལ་བསྐྱལ་ལ་རང་བཞིན་དུ་གནས་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

རང་བཞིན་དུ་གནས་པ་ལས་ཕྲིན་བླངས་ཏེ་སྨྱོན་པ་ལ་བསྐྱལ་ལ་སྨྱོན་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་ འགྱུར་རོ། ། ཇི་ལྟར་སྨྱོན་པ་ལ་བཞི་བརྒྱུད་གཉིས་པ་དེ་བཞིན་དུ་སེམས་འཁྲུགས་པ་ལའང་བཞི་བརྒྱུད་གཉིས་ཏེ་ནད་ཀྱིས་གཟིར་བ་དང་། དབང་བ་དང་མི་དབང་བ་རྣམས་ལ་ཡང་བཞི་བརྒྱུད་གཉིས་པར་བྱའོ། ། བཙུན་པ་དགེ་སློང་གིས་དབང་བ་ལས་ཕྲིན་བླངས་ཏེ་དབང་བ་ལ་ བསྐྱལ་ལ་དབང་བ་ལ་ལན་སླར་སྩལ་ན་ཅིར་འགྱུར། དགེ་འདུན་གྱི་ལྷག་མའོ། ། དབང་བ་ལས་ཕྲིན་བླངས་ཏེ་དབང་བ་ལ་བསྐྱལ་ལ་མི་དབང་བ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དབང་བ་ལས་ཕྲིན་བླངས་ཏེ་མི་དབང་བ་ལ་བསྐྱལ་ལ་དབང་བ་ལ་ལན་ སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དབང་བ་ལས་ཕྲིན་བླངས་ཏེ་མི་དབང་བ་ལ་བསྐྱལ་ལ་མི་དབང་བ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་མི་དབང་བ་ལས་ཕྲིན་བླངས་ཏེ་མི་དབང་བ་ལ་བསྐྱལ་ལ་མི་དབང་བ་ལ་ལན་སླར་སྩལ་ན་ ཅིར་འགྱུར། ཉེས་པ་སྦོམ་པོར་འགྱུར་རོ། ། མི་དབང་བ་ལས་ཕྲིན་བླངས་ཏེ་མི་དབང་བ་ལ་བསྐྱལ་ལ་དབང་བ་ལ་ལན་སླར་སྩལ་ན་ཅིར་འགྱུར།

ཉེས་པ་སྦོམ་པོར་འགྱུར་རོ། ། མི་དབང་བ་ལས་ཕྲིན་བླངས་ཏེ་དབང་བ་ལ་བསྐྱལ་ལ་དབང་བ་ལ་ལན་སླར་བསྐྱལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་དབང་བ་ལས་ཕྲིན་བླངས་ཏེ་དབང་བ་ལ་བསྐྱལ་ལ་མི་དབང་བ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་ཁྱིམ་བདག་ཅིག་ལ་འདི་སྐད་དུ་བུད་མེད་ཉོས་ལ་ཤོག་ཅེས་སྨྲས་ན་ཅིར་འགྱུར། ཉེས་ བྱས་སོ། ། བཙུན་པ་དགེ་སློང་གིས་ཁྱིམ་བདག་ཅིག་ལ་འདི་སྐད་དུ་བུད་མེད་འདི་ཞེས་བྱ་བ་ཉོས་ཤིག་ཅེས་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བསྙེན་པར་མ་རྫོགས་པར་ཕྲིན་བླངས་ཏེ་བསྙེན་པར་མ་རྫོགས་པར་བསྐྱལ་ལ་བསྙེན་པར་རྫོགས་པར་སླར་ལན་ བསྐྱལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་ཕྲིན་བླངས་ཏེ་བསྙེན་པར་མ་རྫོགས་པར་བསྐྱལ་ལ་བསྙེན་པར་རྫོགས་ཀར་སླར་ལན་བསྐྱལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་ཕྲིན་བླངས་ཏེ་བསྙེན་པར་རྫོགས་ཀར་བསྐྱལ་ལ་བསྙེན་ པར་རྫོགས་ཏེ་ལན་སླར་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། །

བསྙེན་པར་རྫོགས་ཀར་ཕྲིན་བླངས་ཏེ་བསྙེན་པར་རྫོགས་ཀར་བསྐྱལ་ལ་བསྙེན་པར་རྫོགས་ཀར་སླར་ལན་བསྐྱལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་ཕྲིན་བླངས་ཏེ་བསྙེན་པར་ རྫོགས་ཀར་བསྐྱལ་ལ་བསྙེན་པར་རྫོགས་ཏེ་སླར་ལན་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་མ་རྫོགས་པས་ཕྲིན་བླངས་ཏེ་བསྙེན་པར་རྫོགས་ཀར་བསྐྱལ་ལ་བསྙེན་པར་རྫོགས་ཏེ་སླར་ལན་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་ རྫོགས་པས་ཕྲིན་བླངས་ཏེ་བསྙེན་པར་རྫོགས་པས་བསྐྱལ་ལ་བསྙེན་པར་མ་རྫོགས་པ་ན་སླར་ལན་བསྐྱལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་གང་ཟག་དེ་ཉིད་ཆད་པ་བཅད་པ་ལགས་ལ་དེ་ཉིད་ཀྱིས་ཆད་པ་ཡང་བགྱིས་ཤིང་དེ་ཉིད་ཡིད་མགུ་བར་སྤྱོད་པ་ཡང་ ལགས་ལ། དེ་ཉིད་ཀྱིས་མགུ་བར་བགྱི་བ་སྤྱད་ལགས་པར་འགྱུར་བ་མཆིས་སམ། ཡོད་དེ། དེའི་ནི་འདི་ལྟར་མགུ་བར་སྤྱད་པ་སྤྱད་ཟིན་པའི་གང་ཟག་དེ་ལ་དགེ་འདུན་གྱི་ལྷག་མའི་ཉེས་པ་ཞིག་བྱུང་ནས་མ་བཅབས་པར་དགེ་འདུན་གྱི་དྲུང་དུ་སོང་ནས་ཡིད་མགུ་བར་བྱ་བ་གསོལ་ པ་དང་།

དེས་དགེ་འདུན་གྱི་ཡིད་མགུ་བར་བྱ་བ་བྱིན་ཏེ་དེས་ཡང་མགུ་བར་བྱ་བ་སྤྱད་ཟིན་པ་དང་། དགེ་འདུན་གྱི་ལྷག་མའི་ཉེས་པ་གཉིས་བྱུང་སྟེ་ཉེས་པ་གཅིག་ནི་ཞག་གཅིག་བཅབས། ཉེས་པ་གཅིག་ནི་ཞག་གཉིས་བཅབས་ནས་དེས་དགེ་འདུན་ལ་ཆད་ པ་གསོལ་བ་དང་། དེས་དགེ་འདུན་གྱིས་ཀྱང་ཆད་པ་བྱིན་ཏེ་དེས་ཞག་གཅིག་ཆད་པ་བྱས་པས་ཉེས་པ་གཅིག་གི་ཆད་པ་ནི་བྲལ། གཉིས་པའི་ཆད་པ་ནི་བྱེད། གསུམ་པ་ནི་ཡིད་མགུ་བར་སྤྱོད་པ། བཞི་པ་ནི་ཡིད་མགུ་བར་སྤྱད་ཟིན་པའོ། ། བཙུན་པ་མིའི་བུད་མེད་དང་ མིའི་སྐྱེས་པ་དེ་གཉིས་ཀྱི་སྨྱན་བགྱིས་ན་ཅིར་འགྱུར། དགེ་འདུན་གྱི་ལྷག་མའོ། ། མིའི་བུད་མེད་དང་མི་མ་ལགས་པའི་སྐྱེས་པ་དེ་གཉིས་ཀྱིས་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ལགས་པའི་བུད་མེད་དང་། མིའི་སྐྱེས་པ་དེ་གཉིས་ ཀྱི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ལགས་པའི་བུད་མེད་དང་། མི་མ་ལགས་པའི་སྐྱེས་པ་དེ་གཉིས་ཀྱི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་མི་ལ་མིར་འདུ་ཤེས་ཏེ་སྨྱན་བགྱིས་ན་ཅིར་འགྱུར། དགེ་འདུན་གྱི་ལྷག་ མའོ། །

མི་ལ་མི་མ་ལགས་པར་འདུ་ཤེས་ཏེ་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ལགས་པ་ལ་མིར་འདུ་ཤེས་ཏེ་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་གཅིག་ནས་གཅིག་ཏུ་བརྒྱུད་དེ་སྨྱན་བགྱིས་ ན་ཅིར་འགྱུར། དགེ་འདུན་གྱི་ལྷག་མའོ། ། ། ། མདོར་ན། གཞོན་ནུ་མ་དང་བུད་མེད་མངལ། ། ཟ་མ་མ་ནིང་མ་ནིང་མོ། ། དགེ་འདུན་ཐམས་ཅད་བརྟུལ་ཞུགས་ནས། ། མཚན་གཉིས་དང་ནི་འདྲ་བའོ། ། བཙུན་པ་གཞོན་ནུ་མའི་སྨྱན་བགྱིས་ན་ཅིར་འགྱུར། ཉེས་པ་ སྦོམ་པོར་འགྱུར་རོ། ། བཙུན་པ་ཁྱིམ་བདག་གི་བུ་མ་མཆིས་པར་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་མངལ་ན་གནས་པའི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་ཟ་མའི་སྨྱན་བགྱིས་ན་ཅིར་འགྱུར། ཉེས་པ་སྦོམ་ པོར་འགྱུར་རོ། ། མ་ནིང་དང་མ་ནིང་མོའི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་འདུན་ཐམས་ཅད་ཚོགས་པ་དང་། ཁྱིམ་བདག་ཅིག་མཆིས་ནས་འདི་སྐད་དུ་འཕགས་པ་རྣམས་བདག་གི་ཚིག་གིས་ཁྱིམ་བདག་འདི་ཞེས་བགྱི་བ་ལ་སྲིང་ མོའམ། ཚ་མོའམ།

ཡང་ཚ་མོ་བྱིན་ཅིག་ཅེས་གསུང་སྤྱོད་དམ་ཞེས་སྨྲས་པ་དང་། གལ་ཏེ་དགེ་འདུན་ཐམས་ཅད་ཀྱིས་ཕྲིན་བླངས་ཏེ་ལན་སླར་བསྐྱལ་ན་དགེ་འདུན་ཐམས་ཅད་ལ་ཅིར་འགྱུར། དགེ་འདུན་གྱི་ལྷག་མའོ། ། དེ་སྟེ་དགེ་འདུན་ཐམས་ཅད་བགྲོས་ནས་དགེ་ སློང་གཅིག་གིས་བསྐྱལ་ཏེ་ལན་སླར་བསྐྱལ་ན་དགེ་འདུན་ཐམས་ཅད་ལ་ཅིར་འགྱུར། དགེ་འདུན་གྱི་ལྷག་མའོ། ། འོན་ཏེ་དགེ་སློང་ཅིག་གིས་རང་གི་བློས་བསྐྱལ་ཏེ་ལན་བྱིན་ན་ཡང་དགེ་འདུན་གྱི་ལྷག་མར་འགྱུར་རོ། ། དགེ་སློང་མ་དང་བརྟུལ་ཞུགས་ལ་གནས་པ་ཚངས་ པར་སྤྱོད་པ་གཞན་གྱི་སྨྱན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། བཙུན་པ་དགེ་སློང་གིས་ཕྲིན་བླངས་པ་དང་། དེ་བླངས་མ་ཐག་ཏུ་མཚན་འཕོས་ཏེ་དགེ་སློང་མར་གྱུར་ནས་བསྐྱལ་ཏེ་ལན་སླར་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་ དགེ་སློང་མས་ཕྲིན་བླངས་ནས་བསྐྱལ་ཏེ་ལན་སླར་བསྐྱལ་བ་དང་། དེའི་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་དགེ་སློང་གིས་ཕྲིན་བླངས་ནས་བསྐྱལ་བ་དང་། དེའི་མཚན་འཕོས་བཞིན་དུ་ལན་སླར་བསྐྱལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །

བཙུན་པ་དགེ་སློང་གིས་ཕྲིན་བླངས་པ་དང་། སྐྱེས་པ་དེའི་མཚན་འཕོས་ནས་མཚན་འཕོས་བཞིན་དུ་བསྐྱལ་ཏེ་ལན་སླར་བསྐྱལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་ཕྲིན་བླངས་པ་དང་། བུད་མེད་ལ་ནི་སྐྱེས་ པའི་མཚན་སྐྱེས་པ་ལ་བུད་མེད་ཀྱི་མཚན་འཕོས་པ་ལ་འཕོས་བཞིན་དུ་བསྐྱལ་ནས་ལན་སླར་བསྐྱལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་སྐྱེས་པས་བུད་མེད་དང་ལྷན་ཅིག་དུས་བརྡ་ བགྱིས་པར་གྱུར་པ་ལས་སྐྱེས་པས་དགེ་སློང་ཞིག་ལ་འདི་སྐད་དུ་འཕགས་པ་བུད་མེད་གཅིག་གཟིགས་སམ་ཞེས་སྨྲས་པ་དང་། དགེ་སློང་གིས་འཚལ་བཞིན་དུ་འདི་སྐད་རྩིག་པ་འདིའི་དྲུང་ན་འདུག་གོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དེ་སྟེ་དེས་འདི་སྐད་དུ་འཕགས་པ་བཞུད་ལ་བུད་མེད་དེ་ཚུར་ཤོག་ཅེས་གསུངས་ཤིག་ཅེས་སྨྲས་པ་དང་། དགེ་སློང་དེ་སོང་སྟེ་དེ་ལ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ཇི་ལྟར་དགེ་སློང་གིས་སྨྱན་བྱས་པས་དགེ་འདུན་གྱི་ལྷག་མར་འགྱུར་བ་དེ་བཞིན་དུ་ བསླབ་པ་བྱིན་པ་དང་།

དགེ་སློང་མ་ལ་ཡང་དགེ་འདུན་གྱི་ལྷག་མར་འགྱུར་རོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ནི་ཉེས་བྱས་སུ་འགྱུར་རོ། ། ། ། མདོར་ན། མ་གནང་བ་དང་ཚད་བྱ་དང་། ། བདག་དང་གཞན་དང་ མ་གཡོགས་པ། ། ཕྱིར་བབས་བདུན་བརྒྱུད་དེ་བཞིན་ཏེ། ། མཚན་ནི་ཐ་མར་གྱུར་པའོ། ། བཙུན་པ་དགེ་སློང་གིས་དངོས་པོ་མ་གནང་བར་ཁང་པ་བརྩིགས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དངོས་པོ་གསོལ་ནས་ཁང་པ་མ་བརྩིགས་ན་ཅིར་འགྱུར། ཉེས་བྱས་སོ། ། ཁང་པ་བརྩིགས་པར་གནང་ནས་ཚད་ལས་འདས་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བདག་གིས་བརྩམས་ནས་མ་ལགས་པར་བོར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་གཞན་གྱིས་མ་ལགས་པ་ལགས་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། སྟེང་མ་གཡོགས་པ་ཞིག་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བརྩམས་ནས་སླར་བབས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དེ་བཞིན་དུ་བདག་ཉིད་ཀྱི་འཚོ་བ་དང་བྲལ་བ་དང་། དགེ་ཚུལ་ཕར་ཁས་ལེན་ པ་ཐམས་ཅད་ཉེས་པ་སྦོམ་པོར་འགྱུར་རོ། །

དེ་བཞིན་དུ་མ་ནིང་ལ་སོགས་པ་རྒྱས་པར་ནི་ཇི་ལྟར་བསླབ་པ་ཕུལ་བ་བཞིན་ནོ། ། བསྙེན་པར་མ་རྫོགས་པར་བརྩམས་ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བརྩམས་ ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བརྩམས་ནས་བསྙེན་པར་རྫོགས་ཏེ་ལགས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བསྙེན་པར་རྫོགས་ཀར་བརྩམས་ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བརྩམས་ནས་བསྙེན་པར་རྫོགས་པ་ན་ལགས་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་པ་ན་བརྩམས་ནས་བསྙེན་པར་མ་རྫོགས་པ་ན་ལགས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་ སློང་གིས་ཁང་པ་བརྩིག་པར་བརྩམས་པ་དང་། དེའི་མཚན་འཕོས་ཏེ་དགེ་སློང་མར་གྱུར་ནས་ལགས་པར་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་མས་ཁང་པ་བརྩིག་པར་བརྩམས་པ་དང་། མཚན་འཕོས་ནས་དགེ་སློང་ཕར་གྱུར་ཏེ་ལགས་ པར་བགྱིས་ན་ཅིར་འགྱུར། ཉེས་བྱས་སོ། ། བསླབ་པ་སྩལ་བས་བགྱིས་ན་ཅིར་འགྱུར། དགེ་འདུན་གྱི་ལྷག་མའོ། །

དགེ་སློང་མས་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་ལ་ནི་ཉེས་བྱས་ སོ། ། གཙུག་ལག་ཁང་ཆེན་པོ་ཡང་དེ་བཞིན་དུ་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཕྱི་རོལ་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་འཁོན་ཏེ་འཁོན་མ་བཏང་བས་དགེ་སློང་གཙང་མ་ཉེས་པ་མེད་པ་ལ་བྱ་བ་མེད་པར་ཕས་ཕམ་པའི་ཆོས་ ཀྱིས་སྐུར་ན་དགེ་འདུན་གྱི་ལྷག་མའོ་ཞེས་གསུངས་ན། དགེ་སློང་གིས་བྱ་བ་མ་མཆིས་པར་ཕས་ཕམ་པའི་ཆོས་ཀྱིས་སྐུར་ཀྱང་དགེ་འདུན་གྱི་ལྷག་མར་མི་འགྱུར་བ་མཆིས་སམ། ཡོད་དེ། དགེ་སློང་གིས་ཕྲིན་གྱིས་སྐུར་ན་ཉེས་པ་སྦོམ་པོར་འགྱུར་རོ། ། དེ་བཞིན་དུ་སྤྲིང་ཡིག་ དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་སྐུར་ན་ཐམས་ཅད་ཉེས་པ་སྦོམ་པོར་འགྱུར་རོ། །

བཙུན་པ་དགེ་སློང་གིས་དགེ་སློང་སྨྱོན་པ་ལ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དེ་བཞིན་དུ་སེམས་ འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལའང་སྐུར་ན་ཐམས་ཅད་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་འདི་ལས་ཕྱི་རོལ་གྱི་མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། ཀུན་ཏུ་སྤྱོད་པ་པ་དང་། ཀུན་ཏུ་རྒྱུ་བ་རྣམས་ལ་སྐུར་ན་ཅིར་འགྱུར། ཉེས་བྱས་སོ། ། ། ། མདོར་ན། སྐད་དང་ལུས་དང་དབེན་པ་དང་། ། སྔགས་དང་གཞན་གྱིས་ གཞན་ལ་བདུན། ། ཁྱིམ་པ་ལ་ནི་སོགས་པ་དང་། ། མཚན་ཀྱང་རྣམ་པ་བཞི་བརྒྱུད་འགྱུར། ། བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་སྐུར་པ་དང་། དགེ་སློང་དེས་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། འཕགས་པས་མཐའ་འཁོབ་པའི་སྐད་དུ་སྐུར་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མཐའ་འཁོབ་པས་མཐའ་འཁོབ་པའི་སྐད་དུ་སྐུར་པ་དང་།

དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་ འགྱུར། ཉེས་པ་སྦོམ་པོར་འགྱུར་རོ། ། མཐའ་འཁོབ་པས་འཕགས་པའི་སྐད་དུ་སྐུར་པ་དང་། དགེ་སློང་དེས་འཕགས་པའི་སྐད་མ་འཚལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་དགེ་སློང་ལ་ལུས་མི་དམིགས་པས་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་དབེན་པ་ལ་དབེན་པར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་ཉིད་མི་སྣང་བར་བསྒྱུར་ཏེ་དགེ་སློང་ལ་སྐུར་ན་ཅིར་འགྱུར། ཉེས་པ་སྦོམ་ པོར་འགྱུར་རོ། ། བཙུན་པ་དགེ་སློང་གིས་དགེ་སློང་ལ་གཞན་ཞིག་སྐུར་པ་འདེབས་སུ་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་དགེ་སློང་ལ་གཞན་གྱི་སླད་དུ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་བསྙེན་པར་ མ་རྫོགས་པར་སྐུར་པ་གདབ་པར་བཤམས་ནས་བསྙེན་པར་མ་རྫོགས་པར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ནས་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། །

བསྙེན་པར་མ་རྫོགས་པར་བཤམས་ནས་བསྙེན་པར་ རྫོགས་ཏེ་གྲུབ་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་ཀར་བཤམས་ནས་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ནས་བསྙེན་པར་རྫོགས་ཏེ་གྲུབ་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་པ་ན་བཤམས་ཏེ་བསྙེན་པར་རྫོགས་པ་ན་གྲུབ་ན་ཅིར་འགྱུར། དགེ་འདུན་གྱི་ལྷག་མའོ། ། བསྙེན་པར་རྫོགས་པ་ནས་བཤམས་ཏེ་བསྙེན་པར་མ་རྫོགས་པ་ན་བགྱིས་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་ཁྱིམ་པ་ལ་ སྐུར་ན་ཅིར་འགྱུར། ཉེས་བྱས་སོ། ། དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་ གནས་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ལ་སྐུར་ན་ཐམས་ཅད་དུ་ཉེས་པ་སྦོམ་པོར་འགྱུར་རོ། ། བཙུན་པ་དགེ་སློང་གིས་དགེ་སློང་ལ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། ། དེ་བཞིན་དུ་དགེ་འདུན་ཕྱེ་བ་དང་། མི་གནས་པ་དང་།

རྗེས་སུ་ ཕྱོགས་པ་དང་། བསླབ་པ་བྱིན་པའི་དགེ་སློང་རྣམས་ལ་སྐུར་ན་ཐམས་ཅད་དགེ་འདུན་གྱི་ལྷག་མར་གྱུར་ཏོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་དགེ་སློང་གིས་དགེ་ སློང་ལ་སྐུར་པ་དང་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་དགེ་སློང་མས་དགེ་སློང་མ་ལ་སྐུར་པ་དང་། མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་དགེ་ སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། ། དགེ་སློང་གིས་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བསྙེན་པར་མ་ རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྐུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་སྐུར་ན་ཅིར་ འགྱུར།

དགེ་འདུན་གྱི་ལྷག་མའོ། ། མི་ལ་མི་མ་ལགས་པར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ལགས་པ་ལ་མིར་འདུ་ཤེས་ཏེ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། མི་མ་ལགས་པ་ལ་མི་མ་ལགས་པར་འདུ་ཤེས་ ཏེ་སྐུར་ན་ཅིར་འགྱུར། ། ཉེས་པ་སྦོམ་པོར་འགྱུར་རོ། ། ། ། མདོར་ན། མཐའ་དང་འོན་ཏེ་མཚམས་མེད་པ། ། གསད་པར་མི་བྱ་གཅིག་ལ་གཅིག ། བྲིས་དང་ཆས་སྐུར་དེ་བཞིན་ཏེ། ། རྒྱས་པར་བྱེད་དང་དེ་བཞིན་ནོ། ། བཙུན་པ་དགེ་སློང་ཞིག་བདག་ཉིད་འདི་སྐད་ དུ་བདག་གིས་མི་ཚངས་པར་སྤྱོད་པ་འཁྲིག་པའི་ཆོས་བགྱིས་སོ་ཞེས་མཆི་བའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་རྐུ་བ་དང་། གསོད་པ་དང་། {བརྫུན་,རྫུན་}རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མར་འགྱུར་རོ། ། བཙུན་པ་དགེ་སློང་ཞིག་བདག་ཉིད་འདི་ སྐད་བདག་གིས་ཡོ་བྱད་ཆེན་པོ་ཞིག་བརྐུས་སོ་ཞེས་མཆི་བའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་གསོད་པ་དང་། {བརྫུན་,རྫུན་}དང་། མི་ཚངས་པར་སྤྱོད་པ་རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །

བཙུན་པ་དགེ་སློང་ཞིག་བདག་ཉིད་འདི་སྐད་དུ་ བདག་གིས་མི་ཞིག་འཚོ་བ་དང་ཕྲལ་ལོ་ཞེས་མཆི་བའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་{བརྫུན་,རྫུན་}དང་། མི་ཚངས་པར་སྤྱོད་པ་དང་། རྐུ་བ་རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་དགེ་སློང་ཞིག་བདག་ཉིད་འདི་སྐད་དུ་བདག་གིས་མི་ལས་ བླ་མར་གྱུར་པའི་ཆོས་སྨྲས་སོ་ཞེས་མཆིས་པའི་དགེ་སློང་དེ་ལ་དགེ་སློང་གིས་རྩ་བ་མ་མཆིས་པར་མི་ཚངས་པར་སྤྱོད་པ་དང་། རྐུ་བ་དང་། གསོད་པ་རྣམས་ཀྱིས་སྐུར་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ལ་རྩ་བ་ མེད་པར་ཕས་ཕམ་པའི་ཆོས་ཀྱིས་སྐུར་ན་དགེ་འདུན་གྱི་ལྷག་མར་འགྱུར་རོ་ཞེས་གསུངས་ན་བཙུན་པ་དགེ་སློང་གིས་དགེ་སློང་ལ་རྩ་བ་མ་མཆིས་པར་མཚམས་མེད་པས་སྐུར་ན་ཅིར་འགྱུར། དེ་སྟེ་ཕ་དང་མ་དང་། དགྲ་བཅོམ་པ་བསད་པ་རྣམས་ཀྱིས་སྐུར་ན་དགེ་འདུན་ གྱི་ལྷག་མར་འགྱུར་རོ། ། གང་ལ་རྩ་བ་མེད་པར་དགེ་འདུན་གྱི་དབྱེན་དང་། ངན་སེམས་ཀྱིས་ཁྲག་ཕྱུང་བས་སྐུར་ན་ཉེས་བྱས་སུ་འགྱུར་རོ། ། དེ་ཅིའི་ཕྱིར་ཞེ་ན། ཨུ་པཱ་ལི་ཕ་དང་། མ་དང་།

དགྲ་བཅོམ་པ་བསད་པས་སྐུར་པ་གང་ཡིན་པ་དེ་ནི་ཕས་ཕམ་པས་སྐུར་ པའོ། ། དགེ་འདུན་གྱི་དབྱེན་དང་། ངན་སེམས་ཀྱིས་ཁྲག་ཕྱུང་བས་སྐུར་པ་གང་ཡིན་པ་དེ་ནི་ཉེས་པ་སྦོམ་པོས་སྐུར་པ་སྟེ། ཉེས་པ་སྦོམ་པོས་ནི་དགེ་སློང་མ་ཡིན་པར་མི་འགྱུར་གྱི་དེ་ནི་བཤགས་པར་འོས་སོ། ། དགེ་སློང་གིས་དགེ་སློང་ལ་རྩ་བ་མེད་པར་ཕས་ཕམ་པའི་ཆོས་ཀྱིས་ སྐུར་ན་དགེ་འདུན་གྱི་ལྷག་མར་འགྱུར་རོ། ། རྩ་བ་མེད་པར་དགེ་འདུན་གྱི་ལྷག་མས་སྐུར་ན་ལྟུང་བར་འགྱུར་རོ། ། རྩ་བ་མེད་པར་ལྟུང་བ་དང་། སོ་སོར་མཐོལ་བ་རྣམས་དང་། ཉེས་བྱས་རྣམས་ཀྱིས་སྐུར་ན་ཉེས་བྱས་སུ་འགྱུར་རོ། ། དེ་བཞིན་དུ་རྩ་བ་མེད་པར་ཉེས་པ་སྦོམ་པོས་སྐུར་ན་ཡང་ཉེས་བྱས་ སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་ལ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ལ་སྐུར་ན་དགེ་འདུན་གྱི་ལྷག་མར་འགྱུར་རོ་ཞེས་གསུངས་ན་དགེ་སློང་གིས་དགེ་སློབ་མ་དང་། དགེ་ཚུལ་ཕ་ དང་། དགེ་ཚུལ་མ་རྣམས་ལ་སྐུར་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། དགེ་སློང་མས་དགེ་སློང་མ་ལ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། །

དགེ་སློང་མས་དགེ་སློང་ལ་སྐུར་ན་ཅིར་འགྱུར། དགེ་འདུན་གྱི་ལྷག་མའོ། ། དགེ་ཚུལ་ ཕས་དགེ་སློབ་མ་དང་། དགེ་ཚུལ་མ་ལ་སྐུར་ན་ཉེས་བྱས་སུ་འགྱུར་རོ། ། དགེ་སློབ་མས་དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་སྐུར་ན་ཉེས་བྱས་སུ་འགྱུར་རོ། ། དགེ་ཚུལ་གྱིས་དགེ་སློང་དང་། དགེ་སློང་མ་དང་། དགེ་སློབ་མ་ དང་། དགེ་ཚུལ་མ་རྣམས་ལ་སྐུར་ན་ཉེས་བྱས་སུ་འགྱུར་རོ། ། དགེ་ཚུལ་མས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་རྣམས་ལ་སྐུར་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་བདག་ཉིད་ཀྱིས་བྲིས་ལ་འདི་སྐད་དུ་ཡི་གེ་འདི་ནི་འདི་སྐད་ཟེར་ཏེ། ཁྱོད་ནི་མི་ཚངས་པར་སྤྱད་པའི་ཕས་ཕམ་པ་བྱུང་ངོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། ཇི་ལྟར་རྩ་བ་མེད་པ་དེ་བཞིན་དུ་ཆས་སྐུར་ནའང་དེ་བཞིན་དུ་རྒྱས་པར་བརྗོད་པར་བྱའོ། ། ། ། མདོར་ན། བསྡུམ་པའི་གསོལ་བ་བཏང་སྙོམས་དང་། ། གླེང་བ་ དྲན་པར་བྱ་བ་དང་། ། བཞི་པ་འདུག་དང་རྟག་པར་དང་། ། དད་དང་གཅིག་པུ་ནམ་མཁའ་དང་། ། ཁྱེར་བ་རྒྱས་པ་དེ་བཞིན་བྱ། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་བསྡུམ་པར་མ་བསྒོ་བར་གསོལ་བ་དང་བཞིའི་ལས་ ཀྱིས་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་བ་འཆགས་སམ་མི་འཆགས། ཨུ་པཱ་ལི་མི་འཆགས་ཏེ། དགེ་འདུན་ལ་ཡང་འདས་པ་དང་བཅས་པར་འགྱུར་རོ། ། བཙུན་པ་བསྡུམ་པར་བསྒོ་བས་གསོལ་བ་དང་བཞིའི་ལས་ཀྱིས་བསྒོ་བ་ན་བསྒོ་བ་ཞེས་ བགྱི་འམ། མ་བསྒོ་བ་ཞེས་བགྱི། བསྒོ་བ་འཆགས་སམ་མི་འཆགས། ཨུ་པཱ་ལི་འཆགས་ཏེ་དགེ་འདུན་ལ་ཡང་འདས་པ་དང་བཅས་པར་མི་འགྱུར་རོ། ། བཙུན་པ་བསྐྲད་པའི་ལས་མ་བགྱིས་པར་བསྡུམ་པར་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་ བ་འཆགས་སམ། མི་འཆགས། ཨུ་པཱ་ལི་མི་འཆགས་ཏེ། དགེ་འདུན་ལ་ཡང་འདས་པ་དང་བཅས་པར་འགྱུར་རོ། ། བཙུན་པ་བསྐྲད་པའི་ལས་བགྱིས་ལ་བསྡུམ་པར་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་བ་འཆགས་སམ་མི་འཆགས་ ཨུ་པཱ་ལི་འཆགས་ཏེ། དགེ་འདུན་ལ་འང་འདས་པ་དང་བཅས་པར་མི་འགྱུར་རོ། ། བཙུན་པ་བསྐྲད་པའི་ལས་མ་བགྱིས་པར་གསོལ་བ་དང་བཞིའི་ལས་ཀྱིས་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་བ་འཆགས་སམ་མི་འཆགས།

ཨུ་པཱ་ལི་མི་ འཆགས་ཏེ། དགེ་འདུན་ལ་ཡང་འདས་པ་དང་བཅས་པར་འགྱུར་རོ། ། བཙུན་པ་བསྐྲད་པའི་ལས་བགྱིས་ནས་གསོལ་བ་དང་བཞིའི་ལས་ཀྱིས་བསྒོ་ན་བསྒོ་བ་ཞེས་བགྱིའམ། མ་བསྒོ་བ་ཞེས་བགྱི། བསྒོ་བ་འཆགས་སམ། མི་འཆགས། ཨུ་པཱ་ལི་འཆགས་ཏེ་ དགེ་འདུན་ལ་ཡང་འདས་པ་དང་བཅས་པར་མི་འགྱུར་རོ། ། བཙུན་པ་མ་གླེངས་ཤིང་དྲན་པར་མ་བགྱིས་ལ་བདག་ཉིད་ཚིག་བཀའ་བློ་མི་བདེ་བ་ལ་གནས་ན་བསྒོ་བར་བགྱིའམ། ཨུ་པཱ་ལི་མ་ཡིན་ནོ། ། བསྒོ་བ་འཆགས་སམ། ཨུ་པཱ་ལི་མི་འཆགས་སོ། ། བཙུན་པ་ གླེངས་ཤིང་དྲན་པར་བགྱིས་ལ་བདག་ཉིད་ཚིག་བཀའ་བློ་མི་བདེ་བ་ལ་གནས་ན་ཅིར་འགྱུར། ཉེས་བྱས་སོ། ། བསྒོ་བར་བགྱིའམ། ཨུ་པཱ་ལི་བསྒོ་བ་ཞེས་བྱའོ། ། བསྒོ་བ་འཆགས་སམ། ཨུ་པཱ་ལི་འཆགས་སོ། ། བཙུན་པ་གླེངས་ཤིང་དྲན་པར་བགྱིས་ལ་བདག་ ཉིད་ཚིག་བཀའ་བློ་མི་བདེ་བ་ལ་གནས་ན་ཅིར་འགྱུར། ཉེས་བྱས་སོ། ། བསྒོ་བར་བགྱིའམ། ཨུ་པཱ་ལི་བསྒོ་བ་ཞེས་བྱའོ། ། བསྒོ་བ་འཆགས་སམ། ཨུ་པཱ་ལི་འཆགས་སོ། ། བཙུན་པ་མཚམས་ཀྱི་ནང་ན་མཆིས་པས་མཚམས་ཀྱི་སླད་རོལ་ན་མཆིས་པ་རྣམས་ ལ་བསྒོ་ན་བསྒོ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །

མཚམས་ཀྱི་སླད་རོལ་ན་མཆིས་པས་མཚམས་ཀྱི་ནང་ན་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ལས་བགྱིད་པ་མཚམས་ཀྱི་ནང་ན་མཆིས་པས་མཚམས་ཀྱི་ སླད་རོལ་ན་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱི་འམ། ཨུ་པཱ་ལི་མ་ཡིན་ནོ། ། བཙུན་པ་ལས་བགྱིད་པ་མཚམས་ཀྱི་སླད་རོལ་ན་མཆིས་པས་མཚམས་ཀྱི་ནང་ན་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ལས་བགྱིས་པས་མཚམས་མནན། མཚམས་བཟུང་། མཚམས་སུ་འགྲེང་ངམ། འདུག་སྟེ་བསྒོ་ན་བསྒོ་བ་ཞེས་བགྱིའམ། བསྒོ་བ་འཆགས་སམ། ཨུ་པཱ་ལི་བསྒོ་བ་ཞེས་བྱ་སྟེ། བསྒོ་བ་འཆགས་སོ། ། བཙུན་པ་དགེ་སློང་ལས་བགྱིད་པ་ མ་བསྒོས་པས་མཚམས་ཀྱི་ནང་ནས་གང་ཟག་བཞི་ཞིག་སྤངས་ན་སྤངས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། ། བཙུན་པ་དགེ་སློང་ལས་བགྱིད་པར་བསྐོས་པས་མཚམས་ཀྱི་ནང་ནས་གང་ཟག་བཞི་ཞིག་སྤངས་ན་སྤངས་པ་ཞེས་བགྱིའམ། འོན་ཏེ་རེ་རེ་ནས་སམ། གཉིས་གཉིས་ནས་སམ། གསུམ་གསུམ་ནས་སྤངས་ན་སྤངས་པ་ཞེས་བྱའོ། །

བཙུན་པ་མཚམས་གཅིག་པའི་ཕྱོགས་བཞི་ན་མཚུངས་པར་གནས་པའི་དགེ་སློང་དག་གིས་དགེ་སློང་བཞི་ལ་བསྒོ་ན་བསྒོ་བ་ཞེས་ཀྱང་བགྱི་ལ་ནོངས་པ་ཅུང་ཟད་དུ་ཡང་མི་འགྱུར་ཞིང་ དེས་དགེ་འདུན་མི་མཐུན་པར་ཡང་མི་འགྱུར་བ་ཡང་མཆིས་སམ། ཨུ་པཱ་ལི་ཡོད་དེ། གཅིག་ལ་གཅིག་དད་པ་བྱིན་ལ་དེ་སྟེ་རེ་རེ་འམ། གཉིས་གཉིས་སམ། གསུམ་གསུམ་ལ་བསྒོ་སྟེ། བཞིར་མ་ཚང་ནའོ། ། དེ་ཅིའི་ཕྱིར་ཞེ་ན། མང་པོས་མང་པོ་ལ་ ལས་བྱར་མི་རུང་ངོ་། ། བཙུན་པ་ལས་བགྱིད་པ་ཕྱོགས་གཅིག་ཏུ་མཆིས་པ་གནས་བཞིའི་ལས་ཐམས་ཅད་བགྱི་བར་རུང་ངམ། ཨུ་པཱ་ལི་རུང་སྟེ། ཇི་ལྟར་དེ་ཡང་དགེ་སློང་ལས་བྱེད་པ་དེས་གནས་བཞི་ཆར་གྱི་མཚམས་ཀྱི་མདོར་ཁྲིའམ། ཁྲིའུའམ། སྨྱུག་མའམ། རེ་ལྡེ་ལ་མནན་ཏེ་འདུག་པར་གྱུར་ལ་གནས་དེ་དག་ཏུ་འདི་ལྟ་སྟེ། བཞི་སྡེས་བྱ་བའི་ལས་སམ། ལྔ་སྡེས་བྱ་བའི་ལས་སམ། བཅུ་སྡེས་བྱ་བའི་ལས་སམ། ཉི་ཤུ་སྡེས་བྱ་བའི་ལས་ཀྱང་རུང་སྟེ། ལས་འདི་ལྟ་བུ་དག་ཉེ་བར་བྱུང་བར་གྱུར་པ་སྟེ། དེ་ཅིའི་ཕྱིར་ཞེ་ན། དེ་ ནི་དེ་དག་གི་ལས་བྱེད་པའོ། ། དེ་ནི་དེ་དག་གི་གྲངས་སུ་སྐོང་བའོ། ། ས་ལ་མཆིས་པས་ནམ་མཁའ་ལ་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱི་འམ།

ཨུ་པཱ་ལི་མ་ཡིན་ནོ། ། བཙུན་པ་ལས་བགྱིད་པ་ནམ་མཁའ་ལ་མཆིས་ལ་ས་ལ་མཆིས་པ་རྣམས་ལ་བསྒོ་ན་བསྒོ་བ་ ཞེས་བགྱི་འམ། ཨུ་པཱ་ལི་མ་ཡིན་ནོ། ། དགེ་འདུན་གྱི་ལྷག་མ་བཞི་པོ་ལུས་པ་ལ་ཡང་དེ་བཞིན་དུ་བརྗོད་པར་བྱའོ། ། དགེ་སློང་ལ་ཇི་ལྟ་བ་བཞིན་དུ་བསླབ་པ་བྱིན་པ་དང་། དགེ་སློང་མ་རྣམས་ལ་ཡང་དགེ་འདུན་གྱི་ལྷག་མར་འགྱུར་རོ། ། དགེ་སློབ་མ་དང་། དགེ་ཚུལ་ཕ་ དང་། དགེ་ཚུལ་མ་རྣམས་ལ་ཉེས་བྱས་སོ། ། ཨུ་པཱ་ལིས་ཞུས་པའི་ནང་ནས་དགེ་འདུན་གྱི་ལྷག་མ་རྫོགས་སོ། ། ། ། མདོར་ན། ཐ་མ་ལམ་དང་རྒྱལ་རིགས་དང་། ། ཕུང་པོ་ལྷག་མ་དེ་བཞིན་ཏེ། ། ཁ་དང་ཤ་ཀ་ར་དང་ཧྭགས། ། བུ་རམ་མར་དང་མི་ མངོན་པའོ། ། བཙུན་པ་དགེ་བསྙེན་མ་དད་པ་ཞིག་དགེ་སློང་དེའི་དྲུང་དུ་མཆིས་ནས་འདི་སྐད་དུ་བཙུན་པ་བདག་གིས་དགེ་སློང་ཞིག་ལ་ཐ་མ་དང་པོ་བགྱིད་པ་མཐོང་ངོ་ཞེས་མཆི་ན་དགེ་བསྙེན་མ་དད་པའི་ཚིག་བཞིན་བགྱི་འམ་མི་བགྱི་མི་བྱའོ། ། དེ་དེའི་ངོ་བོ་ཚོལ་དུ་སྩལ་ ཏམ། མི་སྩལ། མི་གཞུག་སྟེ་དེ་ན་ཟླ་ལྟ་ཡོད་དམ་ཞེས་དེ་ལ་དྲི་བར་བྱའོ། ། དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་པ་ལ་དེ་སྟེ་མཐུན་ན་དགེ་བསྙེན་མ་དད་པའི་ཚིག་བཞིན་དུ་གྱིས་ཤིག །

དེ་དེའི་ངོ་བོ་ཚོལ་དུ་ཡང་ཆུག་ཤིག ། འོན་ཏེ་དེས་འདི་སྐད་སྨྲ་སྟེ། ཐ་མ་དང་ པོའི་ཉེས་པ་ནི་མ་བྱུང་གི་བདག་གིས་གཉིས་པའམ། གསུམ་པའམ། བཞི་པའང་རུང་། ཉེས་པ་བྱུང་བ་ནི་མཐོང་ངོ་ཞེས་སྨྲས་ན་དགེ་སློང་དམ་འཆར་ཆུག་ཤིག ། ཇི་ལྟར་དང་པོ་པ་དེ་བཞིན་དུ་གཉིས་པ་དང་། གསུམ་པ་དང་། བཞི་པའི་ཐ་མ་རྣམས་ལ་ཡང་དེ་ལྟར་བྱའོ། ། བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། བཙུན་པ་དགེ་སློང་ཞིག་གིས་ཁའི་སྒོར་མ་རུང་བར་བགྱིས་པ་བདག་གིས་མཐོང་ངོ་ཞེས་མཆི་ན་དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། ། དེ་དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། ། དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ལ་དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ཤིག ། དེ་སྟེ་མཐུན་ན་དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཡང་ཆུག་ཤིག ། འོན་ཏེ་དེས་འདི་སྐད་དུ་འདིས་ཁའི་སྒོར་ནི་མ་རུང་ བར་མ་གྱུར་མོད་ཀྱི་བཤང་བའི་སྒོར་མ་རུང་ངོ་ཞེས་ཟེར་ན་དགེ་སློང་དེ་དམ་འཆར་ཆུག་ཤིག ། ཁའི་སྒོ་ཇི་ལྟ་བ་དེ་བཞིན་དུ་གཅི་བའི་སྒོ་དང་། བཤང་བའི་སྒོར་ཡང་དེ་བཞིན་དུ་བྱའོ། །

བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། བཙུན་པ་དགེ་སློང་ཞིག་རྒྱལ་རིགས་མ་ཞིག་དང་ལྷན་ཅིག་ཏུ་མ་རུང་བར་གྱུར་པ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། ། དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། ། དེ་ལ་དེ་ན་ཇི་ཟླ་ལྟ་ཡོད་དམ་ཞེས་དྲིས་ཤིག ། དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ལ་དེ་སྟེ་མཐུན་ན་དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་གཞུག་གོ། ། འོན་ཏེ་དེས་འདི་སྐད་དུ་འདི་རྒྱལ་རིགས་མ་དང་ལྷན་ཅིག་ཏུ་མ་རུང་བར་ནི་མ་གྱུར་གྱི་འདི་ནི་བྲམ་ཟེ་མོ་དང་། མ་རུང་བར་གྱུར་ཏོ་ཞེས་ ཟེར་ན་དགེ་སློང་དམ་འཆར་ཆུག་ཤིག ། རྒྱལ་རིགས་མ་ལ་ཇི་ལྟ་བ་དེ་བཞིན་དུ་བྲམ་ཟེ་མོ་དང་། རྗེའུ་རིགས་མོ་དང་། དཀར་མོ་དང་། སྔོན་མོ་དང་། སེར་སྐྱ་མོ་དང་། རིང་མོ་དང་། ཐུང་ངུ་མ་དང་། ཤིན་ཏུ་ལེགས་པ་མོ་དང་། རིད་དེ་མ་དང་། ཚོན་མོ་དང་། ལུས་མཉམ་པ་དང་། འགྲོ་བ་དང་། འདུག་པ་དང་། འགྲེང་བ་དང་། འཕྲེས་པ་རྣམས་ལ་ཡང་རྒྱས་པར་བྱའོ། །

བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། བཙུན་པ་དགེ་སློང་ཞིག་གིས་ལྟུང་བའི་ཕུང་པོ་དང་། ཉེས་ པ་བྱུང་བ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་བགྱིའམ། མི་བྱའོ། ། དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། ། དེ་ལ་དེ་ན་ཇི་ཟླ་ལྟ་ཡོད་དམ་ཞེས་དྲིས་ཤིག ། དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ལ་དེ་སྟེ་མཐུན་པར་ཟེར་ན་ དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཡང་ཆུག་ཤིག ། འོན་ཏེ་དེས་འདི་སྐད་དུ་འདིས་ལྟུང་བའི་ཕུང་པོ་དང་པོ་ནི་མ་བྱུང་གི་གཉིས་པ་དང་། གསུམ་པ་དང་། བཞི་པ་དང་། ལྔ་པའི་ཕུང་པོ་རྣམས་ནི་བྱུང་ངོ་ཞེས་ཟེར་ན་དེ་བཞིན་དུ་ལྔ་པའི་བར་དུ་སྨྲོས་ཤིག བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། བཙུན་པ་དགེ་སློང་ཞིག་གིས་དགེ་འདུན་གྱི་ལྷག་མ་དང་པོ་བྱུང་བ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། ། དེ་དེའི་ངོ་བོ་ཚོལ་དུ་སྩལ་ ཏམ། མི་གཞུག་གོ། ། དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག །

དེ་སྟེ་ཡོད་དོ་ཞེས་ཟེར་ན་གཉི་ག་ལ་དྲིས་ལ་དེ་སྟེ་མཐུན་པར་སྨྲས་ན་ནི་དགེ་བསྙེན་མ་དད་པའི་ཚིག་བཞིན་དུ་བྱོས་ཤིག ། དེ་དེའི་ངོ་བོ་ཚོལ་དུ་ཆུག་ཤིག ། འོན་ཏེ་དེས་འདི་སྐད་དུ་དགེ་འདུན་གྱི་ལྷག་མ་དང་ པོ་ནི་མ་བྱུང་གི ། གཉིས་པ་དང་། གསུམ་པ་དང་། བཞི་པ་ནས་དགེ་འདུན་གྱི་ལྷག་མ་བཅུ་གསུམ་གྱི་བར་དུ་བྱུང་ངོ་ཞེས་ཟེར་ན་དགེ་སློང་དམ་འཆར་ཆུག་ཤིག ། དང་པོ་ལ་ཇི་ལྟ་བ་བཞིན་གཉིས་པ་དང་། གསུམ་པ་ནས་དགེ་འདུན་གྱི་ལྷག་མ་བཅུ་གསུམ་གྱི་བར་དུ་ཡང་ དེ་བཞིན་ནོ། ། དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་དུ་བཙུན་པ་དགེ་སློང་ཞིག་གིས་ཁར་ཁུ་བ་ཕྱུང་བ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱི་འམ། མི་བྱའོ། ། དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། ། དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག ། དེ་སྟེ་ཡོད་དོ་ཞེས་ཟེར་ན་དེ་གཉི་ག་ལ་ཡང་དྲིས་ལ་དེ་སྟེ་མཐུན་པར་སྨྲ་ན་དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེའི་ངོ་བོ་ཚོལ་དུ་ཡང་གཞུག་གོ། །

འོན་ཏེ་དེས་འདི་སྐད་དུ་ཁར་ནི་མ་རུང་བར་ནི་མ་གྱུར་གྱི་སོའི་ཕྱི་ རོལ་མཆུར་ཁུ་བ་ཕྱུང་ངོ་ཞེས་ཟེར་ན། དགེ་སློང་དམ་འཆར་ཆུག་ཤིག ། བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་དུ་དགེ་སློང་ཞིག་གཅི་བའི་ལམ་དུ་ཁུ་བ་ཕྱུང་བར་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ ཚིག་བཞིན་དུ་བགྱིའམ། མི་བྱའོ། ། དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། ། དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག ། དེ་སྟེ་ཡོད་དོ་ཞེས་ཟེར་ན། དེ་གཉི་ག་ལ་ཡང་དྲིས་ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཡང་གཞུག་གོ། ། འདི་ཡིས་གཅི་བའི་ལམ་དུ་ནི་མ་རུང་བར་མ་བྱས་ཀྱི་བརླའི་ནང་དུ་ཁུ་བ་བླུགས་སོ་ཞེས་ཟེར་ན། དགེ་སློང་དམ་འཆར་ཆུག་ཤིག ། བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ། དགེ་སློང་ཞིག་ གིས་བཤང་བའི་ལམ་དུ་ཁུ་བ་ཕྱུང་བར་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱི་འམ། མི་བྱའོ། ། དེ་དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། །

དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག ། དེ་སྟེ་ཡོད་དོ་ཞེས་ཟེར་ན་དེ་གཉི་ག་ལ་ཡང་དྲིས་ ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཡང་གཞུག་གོ། ། འོན་ཏེ་དེ་འདི་སྐད་དུ་བཤང་བའི་ལམ་དུ་ནི་མ་རུང་བར་མ་གྱུར་གྱི་འདིས་སྣའི་ནང་དུ་ཁུ་བ་ཕྱུང་ངོ་ཞེས་ཟེར་ན། དགེ་སློང་དམ་འཆར་ཆུག་ཤིག ། བཙུན་པ་དགེ་ སློང་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་དུ་བཙུན་པ་བདག་གིས་དགེ་སློང་ཞིག་དུས་མ་ཡིན་པར་སྐྱོ་མ་འཐུང་བ་མཐོང་ངོ་ཞེས་མཆི་ན། དེ་དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། ། དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག ། དེ་སྟེ་ཡོད་དོ་ཞེས་ ཟེར་ན་གཉི་ག་ལ་ཡང་དྲིས་ལ་དེ་སྟེ་མཐུན་པར་སྨྲས་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཆུག་ཤིག ། འོན་ཏེ་དེས་འདི་སྐད་དུ་འདིས་དུས་མ་ཡིན་པར་སྐྱོ་མ་ནི་མ་འཐུངས་ཀྱི་ཤ་ཁ་རའི་ཆུ་ཞིག་ནི་འདིས་འཐུངས་སོ་ཞེས་ཟེར་ན། དགེ་སློང་དམ་ འཆར་ཆུག་ཤིག ། བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ།

བཙུན་པ་དགེ་སློང་གིས་བུ་རམ་ཆང་ཞིག་འཐུངས་པ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། ། དེའི་ངོ་བོ་ ཚོལ་དུ་སྩལ་ཏམ། མི་གཞུག་གོ། ། དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག ། དེ་སྟེ་ཡོད་དོ་ཞེས་ཟེར་ན་དེ་གཉི་ག་ལ་དྲིས་ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེའི་ངོ་བོ་ཚོལ་དུ་ཆུག་ཤིག ། འོན་ཏེ་དེས་འདི་སྐད་དུ་འདིས་བུ་ རམ་ཆང་ནི་མ་འཐུངས་ཀྱི་འདིས་ཧྭགས་ཀྱི་ཆུ་ཞིག་འཐུངས་སོ་ཞེས་ཟེར་ན། དགེ་སློང་དམ་འཆར་ཆུག་ཤིག ། བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ་བཙུན་པ་དུས་མ་ལགས་པར་ཤ་ཟ་བ་བདག་གིས་མཐོང་ངོ་ཞེས་མཆི་ན། དགེ་ བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། ། དེ་དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། ། དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག ། དེ་སྟེ་ཡོད་དོ་ཞེས་ཟེར་ན་གཉི་ག་ལ་འང་དྲིས་ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེའི་ངོ་བོ་ཚོལ་དུ་ཆུག་ཤིག ། འོན་ཏེ་དེས་འདི་སྐད་དུ་འདིས་དུས་མ་ཡིན་པར་ཤ་ནི་མ་ཟོས་ཀྱི།

འདིས་བུ་རམ་ཞིག་ཟོས་སོ་ཞེས་ཟེར་ན། དགེ་སློང་དམ་འཆར་ཆུག་ཤིག ། བཙུན་པ་དགེ་བསྙེན་མ་དད་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་དུ་བཙུན་པ་དགེ་ སློང་ཞིག་གིས་དུས་མ་ལགས་པར་ཁ་ཟས་ཟ་བ་བདག་གིས་མཐོང་ངོ་ཞེས་མཆི་ན། དགེ་བསྙེན་མ་དད་པའི་ཚིག་བཞིན་དུ་བགྱིའམ། མི་བྱའོ། ། དེ་དེའི་ངོ་བོ་ཚོལ་དུ་སྩལ་ཏམ། མི་གཞུག་གོ། ། དེ་ལ་ཅི་དེ་ན་ཟླ་ལྟ་ཡོད་དམ་ཞེས་དྲིས་ཤིག ། དེ་སྟེ་ཡོད་དོ་ཞེས་ཟེར་ན་དེ་གཉི་ ག་ལའང་དྲིས་ལ་དེ་སྟེ་མཐུན་པར་སྨྲ་ན། དགེ་བསྙེན་མ་དད་པའི་ཚིག་བཞིན་དུ་བྱ་སྟེ། དེ་དེའི་ངོ་བོ་ཚོལ་དུ་ཆུག་ཤིག ། འོན་ཏེ་དེས་འདི་སྐད་དུ་འདིས་དུས་མ་ཡིན་པར་ཁ་ཟས་ནི་མ་ཟོས་ཀྱི་འདིས་མར་ཞིག་ཟོས་སོ་ཞེས་ཟེར་ན་དགེ་སློང་དམ་འཆར་ཆུག་ཤིག ། དགེ་བསྙེན་ མ་དད་པའི་བདེན་པ་མཐོང་བས་མི་མངོན་པའི་དངོས་པོ་གང་སྨྲས་ཀྱང་རུང་སྟེ། དགེ་སློང་དམ་འཆར་ཆུག་ཤིག ། མི་མངོན་པ་རྫོགས་{སྷོ,སོ}། ། ། ། འདུལ་བ་གཞུང་དམ་པ། བམ་པོ་གསུམ་པ། མདོར་ན། དེ་ཉིད་སྟོར་དང་ཚིག་པ་དང་། ། སེམས་འཁྲུགས་ བྱིན་གྱིས་མ་བརླབས་པ། ། མི་རུང་བ་དང་དུས་ལས་འདས། ། མཚན་དང་བཞི་བརྒྱུད་གསུམ་པའོ། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགུང་བཅུ་ལས་འདས་པའི་གོས་ཀྱང་དེ་ཉིད་ལགས་ལ་དེ་ཉིད་དགུང་ གཅིག་གིས་བྲལ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟ་ཡང་དགེ་སློང་དེས་གོས་ཀྱི་རྒྱུན་མ་ཆད་པར་ཞག་བཅུ་པོའི་ཐ་མ་ལ་གོས་ཤིག་རྙེད་དེ་དེས་གོས་དེ་བྱིན་གྱིས་བརླབས་ནས། མཚམས་ཀྱི་ཕྱི་རོལ་དུ་གོས་དེ་མེད་པར་སྐྱ་རེངས་ཤར་ན་གོས་དེ་ནི་ཞག་ བཅུ་འདས་ཤིང་ནུབ་གཅིག་བྲལ་བའོ། ། བཙུན་པ་དགེ་སློང་གིས་སྤང་བའི་གོས་སྟོར་བར་གྱུར་ན་ནོངས་པ་བཤགས་པར་བགྱིའམ། ཨུ་པཱ་ལི་བཤགས་པར་བྱའོ། ། ནོངས་པ་བཤགས་ནས་རྙེད་པ་སྤང་ངམ། ཨུ་པཱ་ལི་མ་ཡིན་ནོ། ། བཙུན་པ་དགེ་སློང་གིས་སྤང་ བའི་གོས་མེས་ཚིག་གམ། ཟོས་པར་གྱུར་ན་དུམ་བུ་དེ་ཡང་སྤང་བར་བགྱིའམ། ཨུ་པཱ་ལི་མ་ཡིན་ཏེ། ཉེས་པ་འབའ་ཞིག་བཤགས་པར་བྱའོ། ། འོན་ཏེ་ཁྲུ་གང་གྲུ་བཞི་ཡན་ཆད་ལུས་པར་གྱུར་ན་སྤང་བར་བྱའོ། ། བཙུན་པ་དགེ་སློང་གིས་གོས་རྙེད་མ་ཐག་ཏུ་སེམས་ འཁྲུགས་པར་གྱུར་ན་གང་ནས་བཟུང་སྟེ། དེའི་དགུང་བཅུར་བགྲང་བར་བགྱི། ནམ་རང་གི་སེམས་ཕྱིར་རྙེད་པ་ནས་གཟུང་ངོ་། །

བཙུན་པ་དགེ་སློང་གིས་གོས་བརྒྱད་དམ་དགུ་ཞིག་བྱིན་གྱིས་མ་བརླབས་མ་བསྔོས་པར་ནམ་འཚོའི་བར་དུ་བཅངས་ན་ནོངས་པར་མི་འགྱུར་ བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གིས་ཉི་མ་རེ་རེ་ཞིང་གོས་ལས་སླར་ཕྱུང་སྟེ་གཞན་ལ་བྱིན་གྱིས་རློབ་པའོ། ། བཙུན་པ་བཅོམ་ལྡན་འདས་ཀྱིས་དགུང་བཅུ་འདས་ན་གོས་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གོས་ དགུང་བཅུ་ལས་ལྷག་པར་བཅངས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་ཀྱི་རྒྱུ་རུང་བར་གྱུར་ལ་སྤུན་མི་རུང་བར་གྱུར་པ་དང་། རྒྱུ་མ་རུང་བར་གྱུར་ལ་སྤུན་རུང་བར་གྱུར་པ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་ བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ཞག་བཅུ་ལས་ལྷག་པར་བཅངས་ན་ཉེས་བྱས་སུ་འགྱུར་རོ། ། བཙུན་པ་བཅོམ་ལྡན་འདས་ཀྱིས་དགེ་སློང་ཞིག་གིས་ཞག་བཅུའི་བར་དུ་ གོས་ལྷག་པ་བཅང་བར་བྱའོ་ཞེས་གསུངས་ན། བཙུན་པ་དགེ་སློང་གིས་ནམ་འཚོའི་བར་དུ་གོས་ལྷག་པར་བཅངས་ན་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དོ། །

ཞག་བཅུ་ཚུན་ཆད་དུ་དུས་འདས་པར་གྱུར་ནའོ། ། བཙུན་པ་བཅངས་ན་ནོངས་པར་མི་འགྱུར་ བའི་གོས་ཀྱང་དེ་ཉིད་ལགས་ལ། བཅངས་ན་ནོངས་པར་འགྱུར་བའི་གོས་ཀྱང་དེ་ཉིད་ལགས་པ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེས་རིན་ཆེ་བའི་གོས་ཤིག་བཅངས་པ་ལས་མཚན་འཕོས་ནས་དགེ་སློང་མར་གྱུར་ཏེ་བཅངས་ན་ཉེས་པར་འགྱུར་རོ། ། བཙུན་ པ་དགེ་སློང་གིས་གོས་རྙེད་ནས་དགུང་བཅུ་འདས་པ་དང་མཚན་འཕོས་ཏེ་དགེ་སློང་མར་གྱུར་ནས་དགུང་བཅུ་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་མས་གོས་རྙེད་ནས་དགུང་བཅུ་འདས་པ་དང་མཚན་འཕོས་ནས་དགེ་སློང་ཕར་གྱུར་ཏེ། དགུང་བཅུ་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་གིས་དགུང་བཅུ་ལ་དགུང་བཅུར་འདུ་ཤེས་ཏེ་སྐྱ་རེངས་ཤར་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགུང་བཅུ་མ་ལགས་པར་འདུ་ཤེས་ན་ཅིར་འགྱུར། ཉེས་པ་མེད་ དོ། ། དགུང་བཅུ་མ་ལགས་པ་ལ་དགུང་བཅུར་འདུ་ཤེས་ན་ཅིར་འགྱུར། ཉེས་བྱས་སོ། ། ཞག་བཅུ་མ་ལོན་པ་ལ་ཞག་བཅུ་མ་ལོན་པར་འདུ་ཤེས་ན་ལྟུང་བ་མེད་དོ། ། བཙུན་པ་གཏན་པ་གདིང་བའི་གནས་སུ་དགེ་སློང་གིས་གོས་ཤིག་རྙེད་ན།

གོས་དེ་སྤང་བར་འགྱུར་ བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེའི་གོས་སྤང་བར་གྱུར་ནས་དགེ་སློང་དེས་གོས་དེ་མ་སྤངས། བྲལ་བར་མ་བྱས། ཉེས་པ་མ་མཐོལ་བའི་བར་དུ་དགེ་འདུན་གྱིས་གཏན་པ་གདིང་བ་དང་། དགེ་སློང་དེས་གོས་རྙེད་ན་སྤང་བར་འགྱུར་རོ། ། བཙུན་པ་ བསླབ་པ་སྩལ་བ་རྣམས་ཀྱིས་དགུང་བཅུ་པས་ལྷག་པར་གོས་ལྷག་པ་བཅངས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་མས་དགུང་བཅུ་ལས་འདས་པར་གོས་ལྷག་པ་བཅངས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། དགེ་སློབ་ མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་གོས་ཞག་བཅུ་ལས་འདས་པར་གོས་ལྷག་པ་བཅངས་ན་ཉེས་བྱས་སུ་འགྱུར་རོ། ། ། ། མདོར་ན། དགེ་འདུན་གྱི་དང་ས་དང་མཚམས། ། མནན་དང་བསྐོར་བར་མ་བྱས་དང་། ། མཚམས་མ་བཅད་དང་མ་གཡོགས་དང་། ། བཞི་རྒྱུད་མཚན་ཡང་དེ་བཞིན་ནོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་འདུན་གྱི་ཆོས་གོས་བྱིན་གྱིས་བརླབས་པར་གནང་ངམ། ཨུ་པཱ་ལི་མི་གནང་ངོ་། ། བཙུན་པ་དེ་འདྲ་བའི་རྐྱེན་བྱུང་ན་གནང་ངམ། ཨུ་པཱ་ལི་གནང་ངོ་། །

བཙུན་པ་དགེ་སློང་གིས་དགེ་འདུན་གྱི་ཆོས་གོས་བྱིན་གྱིས་བརླབས་ཏེ། ཆོས་གོས་མ་མཆིས་པར་མཚམས་ཀྱི་སླད་རོལ་དུ་བྲལ་བར་བགྱིས་ན་ཆོས་གོས་དང་བྲལ་བ་ཞེས་བགྱིའམ། བྲལ་བ་ཞེས་བྱའོ། ། ཆོས་གོས་དེ་སྤང་བར་བགྱིའམ། ཨུ་པཱ་ལི་མ་ཡིན་ནོ། ། ནོངས་ པ་མཐོལ་བར་བགྱི་འམ། མཐོལ་བར་བྱའོ། ། བཙུན་པ་དགེ་སློང་གིས་ཆོས་གོས་ས་ལ་བཞག་སྟེ་ནམ་མཁའ་ལ་སྐྱ་རེངས་ཤར་རམ། ཆོས་གོས་ནམ་མཁའ་ལ་བཞག་སྟེ་ས་ལ་སྐྱ་རེངས་ཤར་ན་ཆོས་གོས་དང་བྲལ་བའམ་མ་བྲལ་བ་ཞེས་བགྱི། བྲལ་བ་ཞེས་བྱའོ། ། བཙུན་པ་དགེ་སློང་གིས་ཆོས་གོས་མཚམས་ཀྱི་ནང་དུ་བཞག་སྟེ་མཚམས་ཀྱི་སླད་རོལ་དུ་སྐྱ་རེངས་ཤར་རམ། མཚམས་ཀྱི་སླད་རོལ་དུ་ཆོས་གོས་བཞག་ལ་མཚམས་ཀྱི་ནང་དུ་སྐྱ་རེངས་ཤར་ན་ཆོས་གོས་དང་བྲལ་བ་ཞེས་བགྱིའམ། བྲལ་བ་ཞེས་བྱའོ། ། བཙུན་པ་ དགེ་སློང་གིས་མཚམས་མནན་ནས་མཚམས་སུ་བཟུང་མཚམས་སུ་འགྲེང་ངམ་འདུག་ལ་མཚམས་ཀྱི་བར་དུ་ཆོས་གོས་བཞག་སྟེ་སྐྱ་རེངས་ཤར་ན་ཆོས་གོས་དང་བྲལ་བ་ཞེས་བགྱིའམ། བྲལ་བ་ཞེས་བྱའོ། ། བཙུན་པ་དགེ་སློང་མཚམས་ཀྱི་ནང་དུ་མཆིས་ལ་ཆོས་གོས་ཀྱང་ མཚམས་ཀྱི་ནང་དུ་བཞག་པ་ལས་ཆོས་གོས་དེ་དང་འབྲལ་བར་འགྱུར་བ་མཆིས་སམ།

ཨུ་པཱ་ལི་ཡོད་དོ། ཆོས་གོས་ཀྱི་སྡོམ་པ་མ་བསྒོས་པའོ། ། བཙུན་པ་མཚམས་མ་བཅད་པའི་གནས་སུ་ཇི་ཙམ་གྱིས་ན་དགེ་སློང་ཆོས་གོས་དང་བྲལ་བ་ཞེས་བགྱི། ཨུ་པཱ་ལི་ཇི་ཙམ་ གཙུག་ལག་ཁང་གི་ཉེན་ཀོར་ཏམ། ཁང་པའམ། སྒོ་འཁྱམས་སམ། བསྐོར་བའི་ཁང་པའམ། དགེ་སློང་གིས་ཀུན་ཏུ་སྤྱད་པའི་ཀུན་དགའ་ར་བའམ། ཕྱི་ར་འམ། ཤིང་ཐགས་སམ། འོབས་རྣམས་ཤེས་པར་བྱའོ། ། བཙུན་པ་དགེ་སློང་གིས་གནས་ གཅིག་ལ་ཐོག་ཀྱང་གཅིག་པར་གནས་ལ་དེ་ཉིད་དུ་ཆོས་གོས་ཀྱང་བཞག་ན་དེ་ཆོས་གོས་ཀྱང་འབྲལ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གནས་དེར་མུ་སྟེགས་ཅན་སྣ་ཚོགས་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་ཏུ་སྤྱོད་པས་རྒྱུ་ བ་རྣམས་གནས་པ་དང་། སྤུན་སོ་སོར་བགོས་པ་རྣམས་སུའོ། ། བཙུན་པ་དགེ་སློང་གིས་མཚམས་ཀྱི་སླད་རོལ་ལ་མཚམས་ཀྱི་སླད་རོལ་དུ་འདུ་ཤེས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། མཚམས་ཀྱི་ནང་ལ་མཚམས་ཀྱི་སླད་རོལ་དུ་འདུ་ཤེས་ན་ཅིར་ འགྱུར། ཉེས་བྱས་སོ། ། མཚམས་ཀྱི་སླད་རོལ་ལ་མཚམས་ཀྱི་ནང་དུ་འདུ་ཤེས་ན་ཅིར་འགྱུར། ཉེས་པ་མེད་དོ། ། མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་ན་ཅིར་འགྱུར།

ཉེས་པ་མེད་དོ། ། བཙུན་པ་དགེ་སློང་གིས་མཚམས་ཀྱི་ནང་དུ་ཆོས་གོས་ བཞག་སྟེ་མཚམས་ཀྱི་སླད་རོལ་དུ་སྐྱ་རེངས་ཤར་བ་དང་། མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་མས་མཚམས་ཀྱི་ནང་དུ་ཆོས་གོས་བཞག་ལ་མཚམས་ཀྱི་སླད་རོལ་དུ་སྐྱ་རེངས་ཤར་བ་དང་མཚན་འཕོས་ཏེ་དགེ་ སློང་དུ་གྱུར་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་གིས་སུའི་མདུན་དུ་ཆོས་གོས་བྱིན་གྱིས་བརླབ་པར་བགྱི། ཨུ་པཱ་ལི་དགེ་སློང་གིས་དགེ་སློང་དང་། དགེ་ཚུལ་ཕའི་མདུན་དུ་ཆོས་གོས་བྱིན་གྱིས་བརླབ་པར་བྱའོ། ། དགེ་ཚུལ་ཕས་ནི་དགེ་སློང་ དང་། དགེ་ཚུལ་ཕའི་མདུན་དུ་ཆོས་གོས་བྱིན་གྱིས་བརླབ་པར་བྱའོ། ། དགེ་སློང་མས་ནི་དགེ་སློབ་མ་དང་། དགེ་ཚུལ་མའི་མདུན་དུ་ཆོས་གོས་བྱིན་གྱིས་བརླབ་པར་བྱའོ། ། དགེ་སློབ་མས་ནི་དགེ་སློང་མ་དང་། དགེ་སློབ་མ་དང་། དགེ་ཚུལ་མ་རྣམས་ཀྱི་ མདུན་དུ་ཆོས་གོས་བྱིན་གྱིས་བརླབ་པར་བྱའོ། ། དགེ་ཚུལ་མས་ནི་དགེ་སློང་མ་དང་། དགེ་སློབ་མ་དང་། དགེ་ཚུལ་མ་རྣམས་ཀྱི་མདུན་དུ་ཆོས་གོས་བྱིན་གྱིས་བརླབ་པར་བྱ་སྟེ།

སླར་དབྱུང་བ་དང་བསྔོ་བ་ཡང་དེ་བཞིན་དུ་བྱའོ། ། བཙུན་པ་བསླབ་པ་སྩལ་བས་ཆོས་གོས་མ་ མཆིས་པར་མཚམས་ཀྱི་སླད་རོལ་དུ་སྐྱ་རེངས་ཤར་ན་ཅིར་འགྱུར། སྤང་བའི་ལྟུང་བར་འགྱུར་རོ། ། དེ་བཞིན་དུ་དགེ་སློང་མ་ལ་ཡང་སྤང་བའི་ལྟུང་བ་རྒྱས་པར་བརྗོད་དོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སོ། ། ། ། མདོར་ན། སེམས་ འཁྲུགས་པ་དང་དུས་ལས་འདས། ། རུང་བ་དག་ཀྱང་དེ་བཞིན་ཏེ། ། མི་རུང་བ་དང་གདིང་བ་ཡང་། ། དེ་བཞིན་རྫོགས་པ་བཞི་དང་མཚན། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་རིང་ན་ཡང་ཟླ་བ་ གཅིག་ཏུ་གོས་ཞོག་ཤིག་ཅེས་གསུངས་ན། བཙུན་པ་དགེ་སློང་གིས་གོས་རྙེད་མ་ཐག་ཏུ་སེམས་འཁྲུགས་པར་གྱུར་ན། གང་ནས་བཟུང་སྟེ་དེའི་ཟླ་བ་བགྲང་བར་བགྱི། ནམ་རང་གི་སེམས་ཕྱིར་རྙེད་པ་ཚུན་ཆད་དོ། ། བཙུན་པ་བཅོམ་ལྡན་འདས་ཀྱིས་ནི་དགེ་སློང་གིས་ རིང་ན་ཟླ་བ་གཅིག་ཏུ་གོས་ཆོངས་ཤིག་ཅེས་གསུངས་ན། བཙུན་པ་དགེ་སློང་གིས་ནམ་འཚོའི་བར་དུ་གོས་བཞག་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཟླ་བ་གཅིག་ཚུན་ཆད་དུས་བྱས་ནའོ། །

བཙུན་པ་བཅོམ་ལྡན་འདས་ཀྱིས་དགེ་སློང་གིས་ རིང་ན་ཡང་ཟླ་བ་གཅིག་ཏུ་གོས་ཞོག་ཤིག་ཅེས་གསུངས་ན། གོས་ཇི་ལྟ་བུ་ལགས། རུང་བ་བདུན་པོ་ལས་གང་ཡང་རུང་སྟེ། བཅོམ་ལྡན་འདས་ཀྱིས་ཀྱང་མ་བཀག་སྟེ་གནང་བའོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་རིང་ན་ཡང་ཟླ་བ་གཅིག་ཏུ་གོས་ ཞོག་ཤིག་ཅེས་གསུངས་ན། དགེ་སློང་གིས་ཟླ་བ་གཅིག་ལས་ལྷག་པར་བཞག་པའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེ་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་ བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ནི་ཟླ་བ་གཅིག་ལས་ལྷག་པར་བཞག་ཀྱང་ཉེས་བྱས་སུ་འགྱུར་རོ། ། བཙུན་པ་བཅོམ་ལྡན་འདས་ཀྱིས་རིང་ན་ཡང་དགེ་སློང་གིས་ གོས་ཟླ་བ་གཅིག་ཞོག་ཤིག་ཅེས་གསུངས་ན། བཙུན་པ་དགེ་སློང་གིས་ཟླ་བ་དྲུག་ཏུ་གོས་བཞག་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གོས་རྙེད་ནས་ཞག་སུམ་བཅུ་ལོན་པ་དང་དགེ་འདུན་གྱི་གཏན་པ་གདིང་བར་གྱུར་པའོ། །

བཙུན་པ་བཅོམ་ ལྡན་འདས་ཀྱིས་ཆོས་གོས་གསུམ་དུ་མ་ལངས་པ་ཟླ་བ་གཅིག་ཏུ་ཞོག་ཤིག་ཅེས་གསུངས་ན། བཙུན་པ་དགེ་སློང་གང་ཆོས་གོས་གསུམ་ལངས་པར་ཡང་གྱུར་ལ་དེས་ཆོས་གོས་གསུམ་དུ་མ་ལངས་པ་ཞིག་རྙེད་ན། དེ་ཡང་རིང་ན་ཟླ་བ་གཅིག་ཏུ་བཞག་པར་བགྱིའམ། ཨུ་ པཱ་ལི་མ་ཡིན་ནོ། ། དེ་ཅིའི་ཕྱིར་ཞེ་ན། ཆོས་གོས་གསུམ་ཚང་ན་གང་གོས་གཞན་རྙེད་པ་དག་ལངས་ཀྱང་རུང་། མ་ལངས་ཀྱང་རུང་སྟེ། དེ་ཐམས་ཅད་ཀྱང་རིང་ན་ཡང་ཞག་བཅུར་ཞོག་ཤིག ། ཆོས་གོས་གསུམ་མ་ལངས་པ་ཞིག་ལ་གལ་ཏེ་ཆོས་གོས་སུ་ལངས་པ་ རྙེད་ན་དེའང་རིང་ན་ཞག་བཅུར་ཞོག་ཤིག ། འོན་ཏེ་མ་ལངས་པ་ཞིག་རྙེད་ན་རིང་བའང་ཟླ་བ་གཅིག་ཏུ་གཞག་པར་བྱའོ། ། དེ་ལས་འདས་པར་བཞག་ན་སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་གིས་ཟླ་བ་གཅིག་ལ་ཟླ་བ་གཅིག་ཏུ་འདུ་ཤེས་ཏེ་སྐྱ་རེངས་ཤར་ན་ ཅིར་འགྱུར། སྤང་བའི་ལྟུང་བར་འགྱུར་རོ། ། ཟླ་བ་གཅིག་ལ་ཟླ་བ་གཅིག་མ་ལགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། ། ཟླ་བ་གཅིག་མ་ཡིན་པ་ལ་ཟླ་བ་གཅིག་ཏུ་འདུ་ཤེས་ན་ཉེས་བྱས་སུ་འགྱུར་རོ། ། ཟླ་བ་གཅིག་མ་ལོན་པ་ལ་ཟླ་བ་གཅིག་ མ་ལོན་པར་འདུ་ཤེས་ན་ཉེས་པ་མེད་དོ། །

བཙུན་པ་དགེ་སློང་གིས་གོས་རྙེད་ནས་ཟླ་བ་གཅིག་ཏུ་བཞག་པ་ན་མཚན་འཕོས་ཏེ་དགེ་སློང་མར་གྱུར་ནས་ཟླ་བ་གཅིག་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་མས་ཆོས་གོས་རྙེད་ན་ ཟླ་བ་གཅིག་ཏུ་བཞག་པ་ན་མཚན་འཕོས་ཏེ་དགེ་སློང་དུ་གྱུར་ནས་ཟླ་བ་གཅིག་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་བསླབ་པ་སྩལ་བས་རིང་ན་ཟླ་བ་གཅིག་ཏུ་གོས་བཞག་པ་ལས་འདས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགེ་ སློང་མས་རིང་ན་ཟླ་བ་གཅིག་ཏུ་གོས་བཞག་པ་ལས་འདས་ན་ཅིར་འགྱུར། ཉེས་བྱས་སུ་འགྱུར་རོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་རིང་ན་ཟླ་བ་གཅིག་འདས་པར་གོས་བཅངས་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། ཁྱིམ་པ་དག་ལ་སོགས་པ་སྟེ། ། བསླབ་པ་བྱིན་པ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་ པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་གཉེན་མ་ལགས་པའི་དགེ་སློང་མ་ལ་གོས་རྙིང་པ་འཁྲུར་སྩལ་ན། སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་ཕྲིན་ གྱིས་གོས་འཁྲུར་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་སྨྱོན་མ་ལ་འཁྲུར་སྩལ་ ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་མ་དང་། ལྐུགས་མ་དང་། འོན་མ་རྣམས་ལ་འཁྲུར་བཅུག་ན་ཐམས་ཅད་ཀྱང་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་མ་ནིང་མ་ལ་འཁྲུར་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་ དང་། མི་གནས་པ་དང་། སྔར་འཁྲུགས་པ་དང་།

སྔར་ཉེས་པ་བྱུང་བ་རྣམས་ལ་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་མ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འཁྲུར་སྩལ་ན་ཅིར་འགྱུར། སྤང་བའི་ལྟུང་བར་འགྱུར་རོ། ། ། ། མདོར་ན། ཐུན་མོང་བཀྲུས་དང་དགེ་འདུན་དང་། ། མཚན་གཉིས་དང་ནི་མི་རུང་དང་། ། སྤངས་དང་གཞན་དང་གྱོན་པ་དང་། ། བདུན་པ་བཞི་པ་དེ་བཞིན་ཏེ། ། དགེ་སློང་མ་དང་ཐ་མའོ། ། བཙུན་པ་དགེ་སློང་གིས་གོས་ཐུན་མོང་ བ་འཁྲུར་སྩལ་ན་ཅིར་འགྱུར། ཉེས་བྱས་སོ། ། བཀྲུས་པ་འཁྲུར་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་གོས་འཁྲུར་སྩལ་ན་ཅིར་འགྱུར། ཉེས་བྱས་སོ། ། དེ་སྟེ་གང་ཟག་གིས་སྤྱད་པར་འགྱུར་བ་ཞིག་ཡོངས་སུ་སྤྱད་དེ་དྲི་མ་ཅན་ཡང་ ཉེས་བྱས་སུ་འགྱུར་རོ། ། འོན་ཏེ་མལ་སྟན་གྱི་དངོས་པོ་འཁྲུར་བཅུག་ན་ཉེས་པ་མེད་དོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་རྙིང་པ་འཁྲུར་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་མ་ལ་ གཉེན་མ་ལགས་པའི་དགེ་སློང་གིས་གོས་འཁྲུར་སྩལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་གོས་འཁྲུར་སྩལ་བ་ན་དགེ་སློང་མ་མཚན་འཕོས་ཏེ་དགེ་སློང་དུ་གྱུར་ནས་བཀྲུས་ན་ ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་ལ་ཡང་བྱའོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་རྙིང་པ་འཁྲུར་སྩལ་ན་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེ་ཡང་རྒྱུ་རུང་བར་གྱུར་ལ་ སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བར་གྱུར་པ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། རའི་བལ་དང་། བ་ལང་གི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་ བུའི་གོས་རྣམས་འཁྲུར་བཅུག་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་གོས་སྤངས་པ་ཞིག་འཁྲུར་སྩལ་ན་ཅིར་འགྱུར། ཉེས་བྱས་སོ། ། དེ་སྟེ་སྤངས་པ་མ་ཡིན་པ་ཞིག་འཁྲུར་བཅུག་ན་སྤང་བའི་ལྟུང་བར་འགྱུར་རོ། །

འོན་ཏེ་སྤངས་པ་ཞིག་འཁྲུར་བཅུག་ན་ཉེས་ བྱས་སུ་འགྱུར་རོ། ། བཙུན་པ་དགེ་སློང་གིས་གཞན་གྱི་གོས་འཁྲུར་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གོས་རུང་བ་དང་གྲོང་དུ་ཞུགས་པ་ལས་གོས་དེ་ལུས་ལས་མ་བྲལ་བཞིན་དུ་སྤང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ ཡང་དགེ་སློང་དེས་ཁྱིམ་གྱི་ནང་ཞུགས་པ་དང་། གོས་ལ་བཤང་བ་དང་། གཅི་བའམ། གཞན་ཡང་མི་གཙང་བས་རེག་པར་གྱུར་པ་དང་། དེས་གཉེན་མ་ཡིན་པའི་དགེ་སློང་མ་ལ་འཁྲུར་བཅུག་ན་སྤང་བའི་ལྟུང་བར་འགྱུར་རོ། ། བསྙེན་པར་མ་རྫོགས་པར་འཁྲུར་བཅུག་ ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཁྲུར་སྩལ་ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཁྲུར་སྩལ་ནས་བསྙེན་པར་རྫོགས་ནས་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཁྲུར་སྩལ་ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པར་འཁྲུར་སྩལ་ནས་བསྙེན་པར་རྫོགས་པ་དང་ལགས་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་པས་འཁྲུར་ སྩལ་ནས་བསྙེན་པར་རྫོགས་ནས་ལགས་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པས་འཁྲུར་སྩལ་ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ ཤེས་ཏེ་གོས་རྙིང་པ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་ མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གཉེན་མ་ལགས་པར་འདུ་ཤེས་ཏེ་གོས་རྙིང་པ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། ། གཉེན་མ་ཡིན་པ་ལ་གཉེན་ ཡིན་པར་འདུ་ཤེས་ན་ཉེས་པ་མེད་དོ། ། གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་རྙིང་པ་འཁྲུར་སྩལ་ན་ཅིར་འགྱུར། སྤང་ བར་འགྱུར་རོ། །

དགེ་སློབ་མ་དང་། དགེ་ཚུལ་མ་དང་། ཁྱིམ་པ་མོ་དང་། མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་འཁྲུར་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་འགྲོ་བ་གཞན་དུ་གནས་པ་ལ་ འཁྲུར་བཅུག་ནའང་ཉེས་བྱས་སུ་འགྱུར་རོ། ། དགེ་སློང་མས་དགེ་སློང་དང་། དགེ་ཚུལ་དང་། མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་དང་། འགྲོ་བ་གཞན་དང་གཞན་དུ་གནས་པ་ལ་འཁྲུར་སྩལ་ན་ཅིར་འགྱུར། ཉེས་བྱས་སུ་འགྱུར་རོ། ། ཁྱིམ་པ་དང་ཁྱིམ་པ་མོ་ལ་འཁྲུར་སྩལ་ན་ཅིར་འགྱུར། ཉེས་བྱས་སུ་འགྱུར་རོ། ། དགེ་སློབ་མ་དང་། དགེ་ཚུལ་མ་ལ་ཉེས་བྱས་སོ། ། བཙོ་བ་དང་། བརྡུང་བ་རྣམས་ལ་ཡང་དེ་བཞིན་དུ་རྒྱས་པར་བྱའོ། ། ། ། མདོར་ན། སྨྱོན་པར་ གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། མ་ནིང་མ་ལ་སོགས་པ་དང་། ། བསླབ་པ་བྱིན་པ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་གཉེན་ མ་ལགས་པའི་དགེ་སློང་མ་ལས་གོས་བསླངས་ན་སྤང་བའི་ལྟུང་བར་འགྱུར་རོ་ཞེས་གསུངས་ན།

བཙུན་པ་དགེ་སློང་གིས་དགེ་སློང་མ་སྨྱོན་མ་ལས་གོས་ཤིག་བསླངས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་ དང་། ལྐུགས་པ་དང་། གླེན་པ་དང་། འོན་པ་དང་། མ་ནིང་མོ་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་ སོང་བ་དང་། རྐུན་གནས་དང་། སྔར་ཉེས་པ་བྱུང་བ་དང་། སྔར་འཁྲུགས་པ་མོ་རྣམས་ལས་གོས་བསླངས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་དགེ་འདུན་གྱི་དབྱེན་བགྱིད་པ་དང་། སོ་སོར་གནས་པ་དང་། ཉེ་ བར་ཕྱོགས་པ་དང་། བསླབ་པ་སྩལ་བ་རྣམས་ལས་གོས་ཤིག་བསླངས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་མར་གྱུར་དང་སེམས་འཁྲུགས་དང་། ། ན་བ་འོན་མ་གླེན་མ་དང་། ། གཉིད་ལོག་ར་རོ་མྱོས་མ་དང་། ། སྙོམས་ཞུགས་འགྲོ་བ་མ་ནིང་མའོ། །

བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་ཕྲིན་གྱིས་གོས་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཅིག་ནས་གཅིག་ཏུ་བརྒྱུད་པ་རྣམས་ནི་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་སྨྱོན་མ་ལ་གོས་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་སྨྱོན་མ་ལ་སོགས་ པ་ལས་གོས་བསླངས་ཏེ་གོས་ཐོབ་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་དགེ་འདུན་གྱི་དབྱེན་བགྱིས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལས་གོས་བསླངས་ཏེ་གོས་ ཐོབ་ན་ཅིར་འགྱུར། སྤང་བའི་ལྟུང་བར་འགྱུར་རོ། ། ། ། མདོར་ན། མི་རུང་བ་དང་བཞི་པ་གཉིས། ། བདུན་པ་དང་ཡང་མཚན་དེ་བཞིན། ། དགེ་སློང་དགེ་སློང་མ་དེ་བཞིན། ། སྡེར་འགྱུར་བ་ནི་བསྡུས་པའོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་ གོས་བསླངས་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེ་རྒྱུ་རུང་བར་གྱུར་ལ་སྤུན་མི་རུང་བ་དང་།

སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་བ་ལང་གི་བལ་དང་། རྔ་མོའི་བལ་དང་། རའི་བལ་ དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པའི་གོས་དེ་འདྲ་བ་ཞིག་བསླངས་ན་ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་གཉེན་མ་ལགས་པར་འདུ་ཤེས་ཏེ་གོས་བསླངས་ན་ཅིར་འགྱུར། སྤང་བའི་ལྟུང་བར་འགྱུར་ རོ། ། གཉེན་མ་ཡིན་པ་ལ་གཉེན་མ་ཡིན་པར་འདུ་ཤེས་ན་ཉེས་པ་མེད་དོ། ། གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་གིས་བསྙེན་པར་རྫོགས་པའི་དགེ་སློང་མ་ལ་བསྙེན་པར་མ་རྫོགས་ པར་འདུ་ཤེས་ཏེ། བསླངས་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བསྙེན་པར་རྫོགས་མ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། ། བསྙེན་པར་མ་རྫོགས་མ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སོ། ། བསྙེན་པར་མ་རྫོགས་པ་ལ་ བསྙེན་པར་མ་རྫོགས་མར་འདུ་ཤེས་ན་ཉེས་བྱས་སོ། །

བཙུན་པ་བསྙེན་པར་མ་རྫོགས་པས་གཉེན་མ་ལགས་པའི་དགེ་སློང་མ་ལ་གོས་བསླངས་ནས་བསྙེན་པར་མ་རྫོགས་པར་བསླངས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པས་བསླངས་ནས་བསྙེན་ པར་རྫོགས་ཀར་བསླངས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བསླངས་ནས་བསྙེན་པར་རྫོགས་ཏེ་བསླངས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཀར་བསླངས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཏེ་བསླངས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཏེ་བསླངས་ནས་བསྙེན་པར་རྫོགས་ཏེ་བསླངས་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་ཏེ་བསླངས་ནས་བསྙེན་པར་ མ་རྫོགས་པར་བསླངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་གོས་ལེན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་གཉེན་མ་ལགས་པའི་དགེ་སློང་ཕ་ལས་གོས་ ལེན་པ་ན་མཚན་འཕོས་ཏེ་དགེ་སློང་ཕར་གྱུར་ནས་བསླངས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་མས་གཉེན་མ་ལགས་པའི་དགེ་སློང་ཕ་ལས་གོས་ལེན་པ་ན་དགེ་སློང་མ་དེ་ཡང་མཚན་འཕོས་ཏེ་དགེ་སློང་ཕ་ལས་བསླངས་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་མས་གཉེན་མ་ལགས་པའི་དགེ་སློང་ལས་གོས་ལེན་པ་ན་དགེ་སློང་དེ་ཡང་མཚན་འཕོས་ཏེ་དགེ་སློང་མ་ལས་བསླངས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་ལས་བསླངས་ན་ཅིར་འགྱུར། ཉེས་བྱས་སོ། ། དགེ་སློང་མས་དགེ་ སློང་དང་། དགེ་ཚུལ་ཕ་ལས་བསླངས་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློབ་མ་དང་། དགེ་ཚུལ་མ་ལས་བསླངས་ནའང་ཉེས་བྱས་སུ་འགྱུར་རོ། ། དགེ་ཚུལ་ཕས་དགེ་སློང་མ་དང་། དགེ་ཚུལ་མ་དང་། དགེ་སློབ་མ་ལས་བསླངས་ན་ཡང་ཉེས་ བྱས་སུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། གཉིད་ལོག་པ་དང་ར་རོ་བ། ། མྱོས་པ་འགྲོ་བ་ཕྱི་རོལ་པའོ། ། བཙུན་པ་ བཅོམ་ལྡན་འདས་ཀྱིས་ཡང་དགེ་སློང་གང་གིས་གཉེན་མ་ལགས་པའི་ཁྱིམ་བདག་གམ་ཁྱིམ་བདག་གིས་མཆིས་འབྲང་ལས་གོས་བསླངས་ན་སྤང་བར་འགྱུར་རོ་ཞེས་གསུངས་ན།

དགེ་སློང་གིས་ཁྱིམ་བདག་གམ་ཁྱིམ་བདག་གི་མཆིས་འབྲང་ལ་གོས་བསླངས་ཀྱང་སྤང་བའི་ལྟུང་ བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་ཕྲིན་གྱིས་བསླངས་ན་ཉེས་བྱས་སུ་འགྱུར་ཏེ། ཐོབ་ན་ཡང་ཉེས་བྱས་སུ་ཟད་དོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་ བྱས་སུ་འགྱུར་རོ། ། བཙུན་པ་དགེ་སློང་གིས་ཁྱིམ་བདག་སྨྱོན་པ་ལས་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། གླེན་པ་དང་། ལྐུགས་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་གནས་པ་རྣམས་ལ་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། ། འདི་ལས་ཕྱི་རོལ་གྱི་མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལས་བསླངས་ཏེ་གོས་ཐོབ་ ན་ཅིར་འགྱུར། ཉེས་བྱས་སོ། ། ། ། མདོར་ན། མི་རུང་བཞི་པ་གཉིས་པ་དང་། ། བདུན་པ་མཚན་ཀྱང་དེ་བཞིན་ཏེ། ། ཉུང་རུམ་དེ་བཞིན་མ་ནིང་མོ། ། མ་ནིང་དགེ་སློང་དེ་བཞིན་ནོ། །

བཙུན་པ་དགེ་སློང་གིས་གཉེན་མ་ལགས་པའི་ཁྱིམ་བདག་གི་མཆིས་འབྲང་ ལ་གོས་བསླངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། རའི་བལ་དང་། བ་ ལང་གི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་འདྲ་བའི་གོས་ཤིག་བསླངས་ཏེ་གོས་རྙེད་ན་ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པ་ལ་གཉེན་མ་ལགས་པར་འདུ་ཤེས་ནས་གོས་བསླངས་ཏེ་གོས་ཐོབ་ ན་ཅིར་འགྱུར། སྤང་བའི་ལྟུང་བར་འགྱུར་རོ། ། གཉེན་མ་ཡིན་པ་ལ་གཉེན་དུ་འདུ་ཤེས་ན་ཉེས་པ་མེད་དོ། ། གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་གིས་ མི་ལ་མིར་འདུ་ཤེས་ཏེ་གོས་བསླངས་པ་ལས་གོས་ཐོབ་ན་ཅིར་འགྱུར། སྤང་བར་འགྱུར་རོ། ། མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཡང་ཉེས་བྱས་སུ་འགྱུར་རོ། །

མི་མ་ཡིན་པ་ལ་མི་མ་ཡིན་པར་འདུ་ ཤེས་ན་ཡང་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པར་བསླངས་ཏེ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་ པར་བསླངས་ནས་བསྙེན་པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ཏེ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ཏེ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་ བྱས་སོ། ། བསྙེན་པར་རྫོགས་ཏེ་བསླངས་ནས་བསྙེན་པར་རྫོགས་ཏེ་ཐོབ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་ནས་བསླངས་ཏེ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་ པའི་ཁྱིམ་བདག་གམ། ཁྱིམ་བདག་གི་མཆིས་འབྲང་ལས་གོས་བསླངས་པ་ན་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་གཉེན་མ་ལགས་པའི་ཁྱིམ་བདག་གམ།

ཁྱིམ་བདག་གི་མཆིས་ འབྲང་ལས་གོས་བསླངས་པ་ན་མཚན་འཕོས་ནས་དགེ་སློང་ཕར་གྱུར་ཏེ་ཐོབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་ཁྱིམ་བདག་ལ་གོས་བསླངས་པ་ལས་ཁྱིམ་བདག་དེ་ཡང་མཚན་འཕོས་ཏེ་བུད་མེད་ལས་བསླངས་ན་ཅིར་འགྱུར། སྤང་བར་འགྱུར་ རོ། ། བཙུན་པ་དགེ་སློང་གིས་ཁྱིམ་བདག་གི་མཆིས་འབྲང་ལ་བསླངས་པ་ན་ཁྱིམ་བདག་གི་མཆིས་འབྲང་དེ་ཡང་མཚན་འཕོས་ཏེ་སྐྱེས་པ་ལས་བསླངས་ན་ཅིར་འགྱུར། སྤང་བར་འགྱུར་རོ། ། དེ་བཞིན་དུ་དགེ་སློང་མ་ལ་ཡང་བརྗོད་པར་བྱའོ། ། བཙུན་པ་དགེ་སློང་གིས་ ཉུང་རུམ་ལས་གོས་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་མ་ནིང་དང་། མ་ནིང་མོ་ཐམས་ཅད་ལ་ཉེས་བྱས་སུ་འགྱུར་རོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་གཉེན་མ་ལགས་པའི་ཁྱིམ་བདག་གམ། ཁྱིམ་བདག་གི་ མཆིས་འབྲང་ལས་གོས་བསླངས་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་མ་ལ་བསླངས་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་སློང་དང་། དགེ་ཚུལ་མ་རྣམས་ལ་ བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་མས་ཁྱིམ་བདག་གམ། ཁྱིམ་བདག་གི་མཆིས་འབྲང་ལ་བསླངས་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། ། དགེ་སློང་མས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་ དང་། དགེ་ཚུལ་ཕ་རྣམས་ལ་བསླངས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློབ་མ་དང་། དགེ་ཚུལ་ཕ་རྣམས་ལའང་ཉེས་བྱས་ཏེ་རྒྱས་པར་བརྗོད་པར་བྱའོ། ། བསླངས་པ་ལ་ཇི་ལྟ་བ་བཞིན་དུ་སྟོད་གཡོགས་དང་། མཐང་གོས་ལ་ཐ་དད་ཅི་ ཡོད་ཅེ་ན། སྟོད་གཡོགས་དང་མཐང་གོས་ལ་གཉིས་ཏེ། དགེ་སློང་གི་སྟོད་གཡོགས་དང་། མཐང་གོས་དང་། ཁྱིམ་པའི་སྟོད་གཡོགས་དང་། མཐང་གོས་སོ། ། དགེ་སློང་གིས་ཁྱིམ་པའི་སྟོད་གཡོགས་དང་། ། མཐང་གོས་ཐོབ་ནས་ཁྱིམ་པའི་མཐང་གོས་ དང་། སྟོད་གཡོགས་བསླངས་པ་ལས་དེ་སྟེ་མཆོག་པར་གྱུར་ན་མ་སློངས་ཤིག ། འོན་ཏེ་ལྷག་ནའང་མ་སྦྱིན་ཞིག ། དགེ་སློང་གིས་ཁྱིམ་བདག་གི་སྟོད་གཡོགས་དང་། མཐང་གོས་མ་ཆོག་གམ། ལྷག་ནས་བསླངས་ན་དེ་ནི་ཉེས་བྱས་སུ་འགྱུར་རོ། ། ཐོབ་ན་སྤང་བའི་ ལྟུང་བའོ། ། དགེ་སློང་གིས་དགེ་སློང་གི་སྟོད་གཡོགས་དང་།

མཐང་གོས་ཐོབ་ནས་སྟོད་གཡོགས་དང་མཐང་གོས་བསླངས་པ་ལས་དེ་སྟེ་མ་ཆོག་པར་གྱུར་ན་བསླང་བར་བྱའོ། ། འོན་ཏེ་ལྷག་པར་གྱུར་ན་ཕྱིར་སྦྱིན་པར་བྱའོ། ། དགེ་སློང་གིས་མཐང་གོས་དང་། སྟོད་ གཡོགས་ལྷག་པ་ཕྱིར་མ་བྱིན་ནམ་ལྷག་པར་བསླངས་ན་དེས་བསླངས་པ་ནི་ཉེས་བྱས་སོ། ། ཐོབ་ན་སྤང་བའི་ལྟུང་བའོ། ། དེ་ལ་ཁྱིམ་བདག་གི་མཐང་གོས་དང་། སྟོད་གཡོགས་མཆོག་པའམ། ལྷག་པར་བསླངས་སམ། དགེ་སློང་གིས་མཐང་གོས་དང་། སྟོད་གཡོགས་ ལྷག་པ་ཕྱིར་མ་བྱིན་ནམ། ལྷག་པར་བསླངས་ན་སྤང་བར་འགྱུར་རོ། ། ལྷག་མ་རྣམས་ནི་ཇི་ལྟར་བསླབ་པའི་གནས་ཀྱི་གཞུང་སྔ་མའི་རིམ་པ་དེ་བཞིན་དུ་བསླབ་པའི་གནས་འདི་ལ་ཡང་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ ནས་གཅིག ། སྨྱོན་པ་སེམས་འཁྲུགས་ནད་པ་དང་། ། གཉིད་ལོག་ར་རོ་མྱོས་པ་དང་། ། སྙོམས་ཞུགས་འགྲོ་བ་ཕྱི་རོལ་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ལ་གཉེན་མ་ལགས་ པའི་ཁྱིམ་བདག་གམ། ཁྱིམ་བདག་གི་མཆིས་འབྲང་གིས་གོས་ཀྱི་རིན་ཞིག་བཞག་པར་གྱུར་པ་དང་།

དེ་ལ་སྔར་མ་སྩལ་བར་དགེ་སློང་དེས་གོས་སྒྲུབ་པའི་ཕྱིར་རྟོག་པ་ཅུང་ཟད་ཅིག་སྐྱེས་ནས་མངོན་པར་གྲུབ་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་ དགེ་སློང་གིས་རྣམ་པར་རྟོག་པ་བསྐྱེད་ནས་ཕྲིན་གྱིས་གོས་ཐོབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ ལ་རྣམ་པར་རྟོག་པ་ལ་བསྐྱེད་ནས་གོས་ཐོབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འདི་ ལས་ཕྱི་རོལ་མུ་སྟེགས་ཅན་གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་རྟོག་པ་སྐྱེས་ཏེ་གོས་ཐོབ་ན་ཅིར་འགྱུར། ཉེས་བྱས་སོ། ། ། ། མདོར་ན། མི་རུང་བ་དང་བཞི་པ་གཉིས། ། བདུན་པ་དང་ནི་མཚན་དེ་བཞིན། ། ཉུང་རུམ་མ་ནིང་ དེ་བཞིན་ཏེ། ། མ་ནིང་དགེ་སློང་དེ་བཞིན་ནོ། །

བཙུན་པ་ཁྱིམ་བདག་གམ་ཁྱིམ་བདག་གི་མཆིས་འབྲང་ལ་རྟོག་པ་སྐྱེས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དོ། ། ཇི་ལྟར་ཡང་གོས་དེའི་རྒྱུ་རུང་བར་གྱུར་ལ་སྤུན་མི་རུང་བར་གྱུར་པ་དང་། རྒྱུ་མི་རུང་བར་གྱུར་ལ་སྤུན་ རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། རའི་བལ་དང་། བ་ལང་གི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ཀྱི་ཕྱིར་རྟོག་པ་སྐྱེས་ཏེ་གོས་ཐོབ་ན་ཉེས་བྱས་སོ། ། བཙུན་པ་དགེ་སློང་གིས་གཉེན་ མ་ལགས་པ་ལ་གཉེན་མ་ལགས་པར་འདུ་ཤེས་ཏེ་རྟོག་པ་སྐྱེས་ནས་གོས་ཐོབ་ན་ཅིར་འགྱུར། སྤང་བར་འགྱུར་རོ། ། གཉེན་མ་ཡིན་པ་ལ་གཉེན་དུ་འདུ་ཤེས་ན་ཉེས་པ་མེད་དོ། ། གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སོ། ། གཉེན་ལ་གཉེན་དུ་འདུ་ཤེས་ན་ཉེས་ པ་མེད་དོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་རྟོག་པ་སྐྱེས་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། ། མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །

མི་མ་ལགས་ པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པར་རྟོག་པ་སྐྱེས་ཏེ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་རྟོག་པ་བསྐྱེད་ནས་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་ སོ། ། བསྙེན་པར་མ་རྫོགས་པ་ན་རྟོག་པ་བསྐྱེད་ནས་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་རྣམ་པར་རྟོག་པ་བསྐྱེད་ནས་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ནས་རྣམ་པར་རྟོག་པ་བསྐྱེད་ ནས་བསྙེན་པར་རྫོགས་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་ནས་རྣམ་པར་རྟོག་པ་བསྐྱེད་ནས་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་ཁྱིམ་བདག་གམ། ཁྱིམ་བདག་གི་མཆིས་ འབྲང་ལ་རྣམ་པར་རྟོག་པ་བསྐྱེད་པ་ན་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་ཁྱིམ་བདག་གམ།

ཁྱིམ་བདག་གི་མཆིས་འབྲང་ལ་རྣམ་པར་རྟོག་པ་བསྐྱེད་པ་ན་མཚན་འཕོས་ཏེ་དགེ་སློང་དུ་གྱུར་ནས་ཐོབ་ན་ཅིར་ འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་གཉེན་མ་ལགས་པའི་ཁྱིམ་བདག་ལ་རྣམ་པར་རྟོག་པ་བསྐྱེད་པ་ན་ཁྱིམ་བདག་དེ་ཡང་མཚན་འཕོས་ཏེ་བུད་མེད་དུ་གྱུར་པ་ལས་བླངས་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་གཉེན་མ་ལགས་པའི་ཁྱིམ་བདག་ གི་མཆིས་འབྲང་ལ་རྣམ་པར་རྟོག་པ་བསྐྱེད་པ་ན་ཁྱིམ་བདག་གི་མཆིས་འབྲང་དེ་ཡང་མཚན་འཕོས་ཏེ་སྐྱེས་པར་གྱུར་པ་ལས་བླངས་ན་ཅིར་འགྱུར། སྤང་བར་འགྱུར་རོ། ། དགེ་སློང་མ་ལ་ཡང་དེ་བཞིན་དུ་སྦྱར་བར་བྱའོ། ། བཙུན་པ་དགེ་སློང་གིས་ཉུང་རུམ་ལ་རྣམ་པར་རྟོག་པ་བསྐྱེད་ནས་ གོས་ཐོབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་མ་ནིང་དང་། མ་ནིང་མ་ལ་ཡང་ཉེས་བྱས་སོ། ། བཙུན་པ་དགེ་སློང་གིས་གོས་མ་གཏོགས་པར་ཡོ་བྱད་གཞན་གྱི་ཕྱིར་རྣམ་པར་རྟོག་པ་བསྐྱེད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་སླད་དུ་རྣམ་པར་རྟོག་པ་བསྐྱེད་ན་ཅིར་འགྱུར། ཉེས་བྱས་སོ། །

ཇི་ལྟར་དགེ་སློང་གིས་རྣམ་པར་རྟོག་པ་བསྐྱེད་ན་སྤང་བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་སྤང་བའི་ལྟུང་བར་འགྱུར་ རོ། ། དགེ་ཚུལ་ཕ་དང་། དགེ་སློབ་མ་དང་། དགེ་ཚུལ་མ་རྣམས་ལ་ཉེས་བྱས་སུ་རྒྱས་པར་བྱའོ། ། ཇི་ལྟར་བསླབ་པའི་གནས་ཀྱི་གཞུང་འདི་བཞིན་དུ་བསླབ་པའི་གནས་གཉིས་པ་ཡང་རྒྱས་པར་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་ གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཕྱི་རོལ་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ལན་བཞི་ལན་ལྔ་ལན་དྲུག་ཏུ་ བསླངས་པའི་འོག་ཏུ་མ་སྨྲ་བར་གནས་སུ་འདུག་ཤིག ། དེ་སྟེ་དགེ་སློང་དེས་གོས་མངོན་དུ་གྲུབ་ན་ནི་ལེགས་སོ། ། དེ་སྟེ་མངོན་དུ་མ་གྲུབ་ན་དེ་ལས་ལྷག་པར་སྩལ་ཏེ་གོས་དེ་མངོན་དུ་འགྲུབ་པའི་ཕྱིར་དེ་ལས་ལྷག་པར་སྩལ་ནས་གོས་མངོན་དུ་གྲུབ་ན་སྤང་བའི་ལྟུང་བར་འགྱུར་རོ་ཞེས་གསུངས་ན།

བཙུན་པ་དགེ་སློང་གིས་ལན་བཞི་ལན་ལྔ་ལན་དྲུག་ཕན་ཆད་ལས་འདས་པར་གོས་བསྒྲུབ་པའི་སླད་དུ་སྩལ་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་ཕྲིན་གྱིས་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་འགྲུབ་པའི་ཕྱིར་ བླངས་ཏེ་གོས་མངོན་དུ་གྲུབ་ན་ཉེས་བྱས་སུ་འགྱུར་རོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ལ་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་ བསྒྲུབ་པའི་ཕྱིར་བསླངས་ཏེ་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་རྣམས་ཐམས་ཅད་ལ་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་གཉིད་ལོག་པ་ལན་ བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་བསྒྲུབ་པའི་ཕྱིར་བསླངས་ནས་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་དང་།

འདི་ལས་ཕྱིའི་མུ་སྟེགས་ཅན་ གཞན་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་བསྒྲུབ་པའི་ཕྱིར་བསླངས་ཏེ་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། ། ། མདོར་ན། མི་རུང་བ་དང་བཞི་པ་དང་། ། བདུན་པ་མཚན་ཀྱང་དེ་ བཞིན་ཏེ། ། ཉུང་རུམ་དང་ནི་མ་ནིང་མ། ། མ་ནིང་ཐ་མར་གྱུར་པའོ། ། བཙུན་པ་དགེ་སློང་གིས་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་བསླངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་དེ་རྒྱུ་རུང་བར་ གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བར་གྱུར་པ་དང་། གཉིས་ཀ་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ཀྱི་ཕྱིར་ལན་ བཞི་ལན་ལྔ་ལན་དྲུག་ལས་ལྷག་པར་བསླངས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ལྷག་པར་བསླངས་ན་ཅིར་འགྱུར། སྤང་བར་འགྱུར་རོ། །

མི་ལ་མི་མ་ཡིན་པར་འདུ་ཤེས་ན་ཉེས་བྱས་སོ། ། མི་མ་ཡིན་པ་ལ་མིར་འདུ་ཤེས་ན་ཉེས་ བྱས་སོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་བསྙེན་པར་མ་རྫོགས་པར་བསླངས་ཏེ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ཀར་ཐོབ་ན་ཅིར་ འགྱུར། ཉེས་བྱས་སོ། ། བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཏེ་ཐོབ་ན་ ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བསླངས་ནས་བསྙེན་པར་རྫོགས་པ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བསླངས་ནས་བསྙེན་པར་མ་རྫོགས་པ་ན་ཐོབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལན་བཞི་ལན་ལྔ་ལན་དྲུག་ཏུ་ བསླངས་པ་ལས་དེའི་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་ལྷག་པར་བསླངས་པ་དང་།

དེའི་མཚན་འཕོས་ཏེ་དགེ་སློང་དུ་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་ཁྱིམ་ བདག་ལ་ལྷག་པར་བསླངས་པ་དང་། ཁྱིམ་བདག་དེ་ཡང་མཚན་འཕོས་ཏེ་བུད་མེད་དུ་གྱུར་པ་ལས་བསླངས་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་ཁྱིམ་བདག་གི་མཆིས་འབྲང་ལ་ལྷག་པར་བསླངས་པ་དང་། ཁྱིམ་བདག་གི་མཆིས་འབྲང་དེ་ཡང་ མཚན་འཕོས་ཏེ་སྐྱེས་པ་ལས་བསླངས་ན་ཅིར་འགྱུར། སྤང་བར་འགྱུར་རོ། ། དགེ་སློང་མ་ལ་ཡང་དེ་བཞིན་དུ་སྦྱར་བར་བྱའོ། ། བཙུན་པ་དགེ་སློང་གིས་གོས་བསྒྲུབ་པའི་སླད་དུ་ཉུང་རུམ་ལ་ལན་བཞི་ལན་ལྔ་ལན་དྲུག་ཏུ་བསླངས་པ་ལས་ལྷག་པར་གོས་བསྒྲུབ་པའི་ཕྱིར་བསླངས་ཏེ་ གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་མ་ནིང་དང་། མ་ནིང་མ་ཐམས་ཅད་ལ་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱི་སླད་དུ་ལྷག་པར་བསླངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་གིས་དེ་ལས་གཞན་པའི་ཡོ་བྱད་རྣམས་ཀྱི་སླད་དུ་ལྷག་པར་བསླངས་ན་ཅིར་འགྱུར། ཉེས་བྱས་སོ། །

བཙུན་པ་བསླབ་པ་སྩལ་བས་ལན་དྲུག་ཏུ་བསླངས་པ་ལས་ལྷག་པར་བསླངས་ན་ཅིར་འགྱུར། སྤང་བར་འགྱུར་རོ། ། དགེ་སློང་མས་བསླངས་ན་ཅིར་འགྱུར། སྤང་བར་འགྱུར་རོ། ། དགེ་སློབ་ མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་དང་འོན་པ་གླེན་པའོ། ། བཙུན་པ་དགེ་སློང་གིས་ཕྲིན་གྱིས་སྲིན་བལ་གྱི་ གདིང་བ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། ལྐུགས་པ་དང་། དམུས་ལོང་དང་། གླེན་པ་རྣམས་ཏེ་ ཐམས་ཅད་ཀྱང་ཉེས་བྱས་སོ། ། ཇི་ལྟར་དགེ་སློང་གིས་སྲིན་བལ་ལས་གདིང་བ་བྱེད་དུ་བཅུག་ན་སྤང་བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བར་འགྱུར་རོ། ། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་ བྱས་སོ། །

ཇི་ལྟར་བསླབ་པའི་གནས་ཀྱི་ལེའུ་འདིར་ཇི་ལྟ་བ་བཞིན་དུ་བལ་རང་བཞིན་གྱིས་གནག་པ་ལ་ཡང་རྒྱས་པར་རོ། ། དེ་ལ་ཐ་དད་དུ་བྱ་བ་གང་ཞེ་ན། བཞི་སྟེ། རང་བཞིན་གྱིས་གནག་པ་ལ་རང་བཞིན་གྱིས་གནག་པར་འདུ་ཤེས་པ་དག་ནི་བཞིར་བྱའོ། ། དེ་བཞིན་དུ་བསླབ་པའི་གནས་གཉིས་པོར་ཡང་ཐམས་ཅད་སྨྲ་བར་བྱའོ། ། དེ་ལ་ཐ་དད་དུ་བྱ་བ་གང་ཞེ་ན། དགེ་སློང་གིས་བལ་དཀར་པོ་དང་ངན་པ་ཉུང་བར་འདུ་ཤེས་ཏེ་བསྲེས་པ་ནི་བཞིར་བྱའོ། ། ། ། མདོར་ན། གཞན་གྱིས་གཞན་གྱི་མ་ཟིན་དང་། ། བླངས་དང་མུ་སྟེགས་འགྲོ་བ་གཞན། ། མི་རུང་མཚན་དང་བཞི་པ་དང་། ། བདེ་བར་གཤེགས་ཀྱི་བདུན་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་ལོ་དྲུག་ཚུན་ཆད་དུ་གདིང་བ་བགྱིད་དུ་སྩལ་ ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གཞན་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། གཞན་གྱི་སླད་དུ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་གྱིས་མ་ལགས་པ་ལགས་པར་བགྱིས་ན་ཅིར་འགྱུར། ཉེས་བྱས་སོ། ། ཁྱིམ་པ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །

དེ་བཞིན་དུ་དགེ་ཚུལ་ཕ་དང་། བསླབ་པ་བྱིན་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་རྣམས་ལ་བྱེད་དུ་བཅུག་ན་ཐམས་ཅད་ ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་འདི་ལས་སླད་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འགྲོ་བ་གཞན་དུ་གནས་པ་རྣམས་བགྱིད་དུ་སྩལ་ན་ ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལོ་དྲུག་ཚུན་ཆད་དུ་གདིང་བ་བགྱིས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གདིང་བ་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་ བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་འདྲེས་པར་བྱས་པ་དང་། ཐགས་སུ་མ་བཏགས་པ་རྣམས་ནི་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ལོ་དྲུག་ཚུན་ཆད་དུ་གདིང་བ་བགྱིད་པ་ལས་མཚན་འཕོས་ནས་དགེ་སློང་མར་གྱུར་ཏེ་ལགས་ན་ཅིར་ འགྱུར།

ཉེས་བྱས་སོ། ། བཙུན་པ་དགེ་སློང་མས་ལོ་དྲུག་ཚུན་ཆད་དུ་གདིང་བ་བགྱིད་པ་ལས་མཚན་འཕོས་ཏེ་དགེ་སློང་དུ་གྱུར་ནས་ལགས་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་ལོ་དྲུག་ལས་འདས་པ་ལ་འདས་པར་འདུ་ཤེས་ཏེ་གདིང་བ་བགྱིད་དུ་སྩལ་ན་ཅིར་འགྱུར། ཉེས་པ་མེད་དོ། ། འདས་པ་ལ་མ་འདས་པར་འདུ་ཤེས་ཏེ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། མ་འདས་པ་ལ་འདས་པར་འདུ་ཤེས་ན་ཉེས་པ་མེད་དོ། ། མ་འདས་པ་ལ་མ་འདས་པར་འདུ་ཤེས་ཏེ་བྱེད་དུ་བཅུག་ན་སྤང་བར་འགྱུར་རོ། ། བཙུན་པ་དགེ་སློང་གིས་ལོ་དྲུག་ཚུན་ཆད་དུ་བདེ་བར་ གཤེགས་པའི་ཆོས་གོས་ཀྱི་ཚད་དུ་གདིང་བ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པས་ལོ་དྲུག་ཚུན་ཆད་དུ་བརྩམས་ཏེ་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། ། བདུན་བརྒྱུད་དུ་ཡང་རྒྱས་པར་བྱའོ། ། ། ། མདོར་ན། ཕྲིན་པ་སྤྲིང་ ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ནད་པ་འོན་པ་གླེན་པའོ། ། བཙུན་པ་དགེ་སློང་གིས་ལོ་དྲུག་ཚུན་ཆད་དུ་ཕྲིན་པ་ལས་གདིང་བ་བགྱིད་དུ་སྩལ་ན་ཅིར་འགྱུར།

ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཐམས་ཅད་ལ་ཡང་ཉེས་བྱས་སུ་འགྱུར་རོ། ། ཇི་ལྟར་དགེ་སློང་གིས་ལོ་དྲུག་ཚུན་ཆད་དུ་གདིང་བ་བྱེད་དུ་བཅུག་ན་སྤང་ བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བར་འགྱུར་རོ། ། དགེ་སློང་མ་ལ་ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཡང་ཉེས་བྱས་སུ་འགྱུར་རོ། ། ། ། མདོར་ན། གཞན་གྱིས་གཞན་གྱི་མ་ཟིན་དང་། ། ཁྱིམ་པ་མུ་སྟེགས་འགྲོ་ བ་དང་། ། མི་རུང་བ་དང་དེ་བཞིན་མཚན། ། བཞི་པ་བདུན་པ་དེ་ལྟར་རོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་གདིང་བ་སར་པ་ཁ་དོག་ངན་པར་བགྱི་བའི་སླད་དུ་གཡོགས་མ་རྙིང་པ་ལས་བདེ་བར་ གཤེགས་པའི་མཐོ་གང་གིས་མ་གླན་པར་གཡོགས་མ་བགྱིས་ན་སྤང་བའི་ལྟུང་བར་འགྱུར་རོ་ཞེས་གསུངས་ན།

བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་ལས་སོར་གཅིག་གམ་སོར་ཕྱེད་ཕྲི་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་ སློང་གིས་གཞན་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། གཞན་གྱི་སླད་དུ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། གཞན་གྱིས་མ་ལགས་པ་ལགས་པར་བགྱིད་ན་ཅིར་འགྱུར། ཉེས་བྱས་སོ། ། ཁྱིམ་པ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། བསླབ་པ་བྱིན་པ་དང་། སྔར་ འཁྲུགས་པ་དང་། སྔོན་ཉེས་པ་བྱུང་བ་དང་། རྐུན་གནས་རྣམས་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་འདི་ལས་སླད་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་བགྱིད་དུ་སྩལ་ན་ཅིར་འགྱུར། ཉེས་ བྱས་སོ། ། འགྲོ་བ་གཞན་དུ་གནས་པ་ཞིག་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་ལས་སོར་གཅིག་གམ། སོར་ཕྱེད་ཕྲི་ནས་གཡོགས་མ་བགྱིས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་ གཡོགས་མ་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་།

སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་འདི་འདྲ་བ་ཞིག་ལས་གཡོགས་མ་ཞིག་བྱས་ ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་ལ་སོར་གཅིག་གམ། སོར་ཕྱེད་ཕྲི་སྟེ་གཡོགས་མ་བགྱིད་པ་ལས་མཚན་འཕོས་ཏེ་དགེ་སློང་མར་གྱུར་ནས་ལགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་བདེ་བར་གཤེགས་པའི་མཐོ་གང་ ལས་སོར་གཅིག་གམ། སོར་ཕྱེད་ཕྲི་སྟེ་གཡོགས་མ་བགྱིད་པ་ལས་མཚན་འཕོས་ཏེ་དགེ་སློང་དུ་གྱུར་པས་ལགས་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་བས་ཆུང་བ་ལ་ཆུང་བར་འདུ་ཤེས་ཏེ་གླན་ནས་གཡོགས་མ་བགྱིད་དུ་སྩལ་ན་ ཅིར་འགྱུར། སྤང་བའི་ལྟུང་བར་འགྱུར་རོ། ། ཆུང་བ་ལ་ཆེ་བར་འདུ་ཤེས་ཏེ་བགྱིད་དུ་སྩལ་ན་ཅིར་འགྱུར། ཉེས་པ་མེད་དོ། ། ཆེ་བ་ལ་ཆུང་བར་འདུ་ཤེས་ཏེ་གླན་ནས་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། ཆེ་བ་ལ་ཆེ་བར་འདུ་ཤེས་ཏེ་གླན་ནས་བྱེད་དུ་བཅུག་ན་ཅིར་འགྱུར།

ཉེས་པ་མེད་དོ། ། བཙུན་པ་བསྙེན་པར་མ་རྫོགས་པས་བདེ་བར་གཤེགས་པའི་མཐོ་གང་ལས་སོར་གཅིག་གམ། སོར་ཕྱེད་ཕྲི་སྟེ་གཡོགས་མ་གཞན་བརྩམས་ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བརྩམས་ཏེ་བསྙེན་པར་རྫོགས་ཀར་ ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བརྩམས་ཏེ་བསྙེན་པར་རྫོགས་ནས་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བརྩམས་ཏེ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བརྩམས་ཏེ་བསྙེན་ པར་རྫོགས་ནས་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཏེ་བརྩམས་ནས་བསྙེན་པར་རྫོགས་ནས་ལགས་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པ་ན་བརྩམས་ཏེ་བསྙེན་པར་མ་རྫོགས་ནས་ལགས་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པའོ། ། བཙུན་པ་དགེ་སློང་གིས་བདེ་བར་གཤེགས་པའི་མཐོ་གང་ལས་སོར་གཅིག་གམ། སོར་ཕྱེད་ཕྲི་ནས་ཕྲིན་གྱིས་གཡོགས་མ་བགྱིད་དུ་ སྩལ་ན་ཅིར་འགྱུར།

ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ལ་བྱེད་དུ་བཅུག་ན་ཐམས་ཅད་ ཉེས་བྱས་སུ་འགྱུར་རོ། ། ཇི་ལྟར་དགེ་སློང་གིས་གཡོགས་མ་བྱེད་དུ་བཅུག་པ་ལས་སྤང་བར་འགྱུར་བ་དེ་བཞིན་དུ་བསླབ་པ་བྱིན་པས་བྱེད་དུ་བཅུག་ན་ཡང་སྤང་བར་འགྱུར་རོ། ། དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སོ། ། ། ། མདོར་ན། ནམ་མཁའ་རྫུ་འཕྲུལ་སྤྲུལ་པ་དང་། ། སྔགས་དང་གཞན་གསུམ་དེ་བཞིན་ཏེ། ། མི་རུང་བ་དང་མཚན་གཉིས་པ། ། བཞི་པ་བདུན་བརྒྱུད་དེ་བཞིན་ནོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ གིས་དཔག་ཚད་གསུམ་ལས་འདས་པར་ལུག་གི་བལ་འཚལ་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དཔག་ཚད་གསུམ་ལས་འདས་པར་ནམ་མཁའ་ལས་ལུག་གི་བལ་འཚལ་ན་ཅིར་འགྱུར། ཉེས་བྱས་སོ། ། རྫུ་འཕྲུལ་གྱིས་འཚལ་ན་ཅིར་འགྱུར། ཉེས་ བྱས་སོ། །

རུང་བར་བྱེད་པ་སྤྲུལ་པས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བགྱིས་ཏེ་འཚལ་ན་ཅིར་འགྱུར། ཉེས་བྱས་སོ། ། གཞན་གྱི་དོན་དུ་འཚལ་ན་ཅིར་འགྱུར། ཉེས་བྱས་སོ། ། གཞན་ལ་བསྐུར་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་དཔག་ཚད་གསུམ་ལས་འདས་པར་ལུག་གི་བལ་འཚལ་ཀྱང་སྤང་བར་མི་འགྱུར་བར་མཆིས་སམ། ཨུ་པཱ་ལི་ཡོད་དེ། དགེ་སློང་ལམ་དུ་ཞུགས་པ་ཞིག་གིས་ལུག་གི་བལ་ཞིག་རྙེད་ནས་དེ་དེས་དཔག་ཚད་གསུམ་གྱི་བར་དུ་རང་ གིས་ཁྱེར་བ་དང་། དེས་ལུག་གི་བལ་གཞན་ཞིག་རྙེད་ནས་དེས་སྔ་མ་བོར་ཏེ་ཕྱི་མ་ཁྱེར་ནས་སོང་སྟེ། དེ་ལྟར་ན་ཉེས་པ་མེད་དོ། ། བཙུན་པ་དགེ་སློང་གིས་ལུག་གི་བལ་མ་གཏོགས་པར་དེ་ལས་གཞན་པ་མི་རུང་བའི་བལ་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་ རྣམས་དང་། འདྲེས་པ་མི་རུང་བ་ཞིག་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་པར་འཚལ་བ་དང་མཚན་འཕོས་ཏེ་དགེ་སློང་མར་གྱུར་ནས་མཚམས་ལས་འདས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་མས་ ལུག་གི་བལ་དཔག་ཚད་གསུམ་ལས་འདས་པར་འཚལ་བ་དང་མཚན་འཕོས་ཏེ་དགེ་སློང་ཕར་གྱུར་ནས་མཚམས་ལས་འདས་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་པར་རྒྱང་གྲགས་ལ་རྒྱང་གྲགས་སུ་འདུ་ཤེས་ཏེ་འཚལ་ན་ ཅིར་འགྱུར། སྤང་བར་འགྱུར་རོ། ། རྒྱང་གྲགས་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། ། རྒྱང་གྲགས་མ་ལགས་པ་ལ་རྒྱང་གྲགས་སུ་འདུ་ཤེས་ན་ཅིར་འགྱུར། ཉེས་བྱས་སོ། ། རྒྱང་གྲགས་མ་ལགས་པ་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར། ཉེས་ བྱས་སོ། ། བཙུན་པ་བསྙེན་པར་མ་རྫོགས་པ་ཞིག་གིས་ལུག་གི་བལ་ཞིག་འཚལ་ཏེ་མཆིས་ནས་བསྙེན་པར་མ་རྫོགས་པར་མཚམས་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཚལ་ནས་བསྙེན་པར་རྫོགས་ཀར་མཚམས་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཚལ་ནས་བསྙེན་པར་རྫོགས་ཏེ་མཚམས་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་འཚལ་ཏེ་བསྙེན་པར་རྫོགས་ཀར་མཚམས་ལས་འདས་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་ཀར་འཚལ་ཏེ་བསྙེན་པར་རྫོགས་ནས་ མཚམས་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཏེ་འཚལ་ནས་བསྙེན་པར་རྫོགས་ནས་མཚམས་ལས་འདས་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་ཏེ་འཚལ་ན་བསྙེན་པར་མ་རྫོགས་པར་མཚམས་ལས་འདས་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པའོ། ། བཙུན་པ་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་པར་ཕྲིན་པ་ལ་བསྐུར་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་ དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། དམུས་ལོང་རྣམས་ལ་བསྐུར་ན་ཐམས་ཅད་ཉེས་བྱས་སུ་འགྱུར་ རོ། ། ཇི་ལྟར་དགེ་སློང་གིས་ལུག་གི་བལ་དཔག་ཚད་གསུམ་ལས་འདས་ན་སྤང་བའི་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བར་འགྱུར་རོ། ། དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་།

དགེ་ཚུལ་མ་རྣམས་ལ་ཉེས་བྱས་སུ་འགྱུར་རོ། ། ། ། འདུལ་བ་གཞུང་དམ་པ། བམ་པོ་བཞི་པ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་དང་ནི་འགྲོ་བ་རྣམས། ། ཁྱིམ་བདག་དག་ལ་སོགས་པ་སྟེ། ། བསླབ་པ་བྱིན་པ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་གཉེན་མ་ལགས་པའི་དགེ་སློང་མ་ལ་ལུག་གི་བལ་འཁྲུར་སྩལ་ན་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ལུག་གི་བལ་འཁྲུར་ སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་སྨྱོན་མ་ལ་ལུག་གི་བལ་འཁྲུར་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་རྣམས་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཁྱིམ་པ་མོ་འཁྲུར་སྩལ་ན་ཅིར་འགྱུར།

ཉེས་བྱས་སོ། ། དེ་བཞིན་དུ་མ་ནིང་མ་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་བ་རྣམས་དང་། རྐུན་གནས་དང་། སྔར་འཁྲུགས་པ་རྣམས་ལ་འཁྲུར་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་ དགེ་འདུན་གྱི་དབྱེན་བགྱིད་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། ། བསླབ་པ་སྩལ་བ་ཞིག་གིས་གཉེན་མ་ལགས་པའི་དགེ་སློང་མ་ལ་དེ་བཞིན་དུ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། ། ། ། མདོར་ན། ཐུན་མོང་དག་དང་བཀྲུས་པ་དང་། ། དེ་བཞིན་དགེ་འདུན་མཚན་གཉིས་དང་། ། མི་རུང་བ་དང་སྤང་བ་དང་། ། མི་ཤེས་པ་ཡང་དེ་བཞིན་ཏེ། ། བདུན་པ་དང་ནི་བཞི་པ་དང་། ། དགེ་སློང་མ་ནི་ཐ་མའོ། ། བཙུན་པ་དགེ་སློང་གིས་ལུག་གི་བལ་ཐུན་མོང་བ་ཞིག་འཁྲུར་སྩལ་ན་ཅིར་འགྱུར། ཉེས་ བྱས་སོ། ། བཀྲུས་པ་ཞིག་འཁྲུར་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་ལུག་གི་བལ་ཞིག་འཁྲུར་སྩལ་ན་ཅིར་འགྱུར། ཉེས་བྱས་སོ།

། དེ་སྟེ་གང་ཟག་གིས་ཡོངས་སུ་སྤྱད་པ་ཞིག་ཡིན་ཏེ་ཡོངས་སུ་སྤྱད་ན་དྲི་མ་ཅན་དུ་གྱུར་ན་ནི་ཉེས་བྱས་སོ། ། འོན་ཏེ་མལ་སྟན་ གྱི་དངོས་པོ་ཞིག་འཁྲུར་བཅུག་ན་ནི་ཉེས་པ་མེད་དོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་ལ་ལུག་གི་བལ་ཞིག་འཁྲུར་སྩལ་བ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་གཉེན་མ་ལགས་པའི་དགེ་སློང་མ་ལ་ལུག་གི་བལ་ཞིག་ འཁྲུར་སྩལ་བ་དང་། མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་གཉེན་མ་ལགས་པའི་དགེ་སློང་མ་ལ་ལུག་གི་བལ་འཁྲུར་སྩལ་ན་ཡང་སྤང་བའི་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གཉེན་མ་ལགས་ པའི་དགེ་སློང་མ་ལ་ལུག་གི་བལ་འཁྲུར་སྩལ་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བ་དང་འདྲེས་པ་འཁྲུར་བཅུག་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་ཏེ། དེ་དག་དང་འདྲེས་པ་ཞིག་འཁྲུར་བཅུག་ ན་ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་སྤང་བའི་ལུག་གི་བལ་འཁྲུར་སྩལ་ན་ཅིར་འགྱུར། དེ་སྟེ་མ་སྤངས་པར་གྱུར་ན་ནི་སྤང་བའི་ལྟུང་བར་འགྱུར་རོ། ། འོན་ཏེ་སྤངས་པར་གྱུར་པ་ཞིག་ན་ནི་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་གཞན་གྱི་ལུག་གི་བལ་ཞིག་འཁྲུར་སྩལ་ན་ ཅིར་འགྱུར། ། ཉེས་བྱས་སོ། ། བཙུན་པ་བསྙེན་པར་མ་རྫོགས་པར་ལུག་གི་བལ་ཞིག་འཁྲུར་སྩལ་ལ་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཁྲུར་སྩལ་ན་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་ པར་འཁྲུར་སྩལ་ལ་བསྙེན་པར་རྫོགས་ཏེ་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་འཁྲུར་སྩལ་ལ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་འཁྲུར་སྩལ་ལ་བསྙེན་པར་རྫོགས་ནས་ལགས་ན་ཅིར་འགྱུར། ཉེས་བྱས་སོ། ། བསྙེན་ པར་རྫོགས་ནས་འཁྲུར་སྩལ་ལ་བསྙེན་པར་རྫོགས་ནས་ལགས་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པ་ན་འཁྲུར་སྩལ་ལ་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་གཉེན་མ་ལགས་པ་ལ་གཉེན་མ་ལགས་ པར་འདུ་ཤེས་ཏེ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། ། གཉེན་མ་ཡིན་པ་ལ་གཉེན་དུ་འདུ་ཤེས་ན་ཉེས་པ་མེད་དོ། ། གཉེན་ལ་གཉེན་མ་ཡིན་པར་འདུ་ཤེས་ན་ཉེས་བྱས་སོ། ། གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་གིས་བསྙེན་པར་ རྫོགས་མ་ལ་བསྙེན་པར་རྫོགས་མར་འདུ་ཤེས་ཏེ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་མ་ལ་བསྙེན་པར་མ་རྫོགས་མར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་མ་ལ་བསྙེན་པར་རྫོགས་མར་འདུ་ཤེས་ན་ཉེས་བྱས་སུ་འགྱུར་རོ། ། དགེ་ སློང་གིས་གཉེན་མ་ལགས་པའི་དགེ་སློང་མ་ལ་ལུག་གི་བལ་འཁྲུར་སྩལ་ན་ཅིར་འགྱུར། སྤང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། ཁྱིམ་པ་མོ་དང་། མུ་སྟེགས་ཅན་དགེ་སྦྱོང་གཞན་སྤྱོད་པ་པ་དང་། ཀུན་དུ་རྒྱུ་བ་དང་། དེ་བཞིན་དུ་འགྲོ་བ་གཞན་དུ་གནས་པ་རྣམས་ལ་འཁྲུར་ བཅུག་ན་ཐམས་ཅད་ཉེས་བྱས་སུ་འགྱུར་རོ། ། དགེ་སློང་མས་དགེ་སློང་དང་། དགེ་ཚུལ་ཕ་དང་། འདི་ལས་ཕྱིའི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་།

སྤྱོད་པ་པ་དང་། ཀུན་དུ་རྒྱུ་བ་དང་། དེ་བཞིན་དུ་འགྲོ་བ་གཞན་དུ་གནས་པ་རྣམས་ལ་འཁྲུར་སྩལ་ན་ཅིར་འགྱུར། ཉེས་བྱས་སོ། ། ཁྱིམ་བདག་དང་ཁྱིམ་བདག་མོ་ལ་ཡང་ཉེས་བྱས་སོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་ཏེ། ། བཙོ་བ་དང་། རྨེལ་བའང་དེ་བཞིན་དུ་ཤེས་པར་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བདག་གི་ལག་གིས་གསེར་རམ་དངུལ་བླངས་སམ། ལེན་དུ་སྩལ་ན་སྤང་བའི་ལྟུང་བར་འགྱུར་རོ། ། ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལ་གསེར་དང་དངུལ་ལེན་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ལེན་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ གསེར་རམ་དངུལ་སྨྱོན་པ་ཞིག་ལེན་དུ་སྩལ་ན་ཅིར་འགྱུར་ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་།

ནད་ཀྱིས་གཟིར་བ་དང་། དིག་པ་དང་། ལྐུགས་པ་དང་། འོན་པ་རྣམས་ལེན་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ལས་གསེར་རམ་ དངུལ་བླངས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་གནས་པ་རྣམས་ལ་གསེར་རམ་དངུལ་བླངས་སམ། ལེན་དུ་བཅུག་ན་ཐམས་ཅད་ཉེས་བྱས་ སུ་འགྱུར་རོ། ། ། ། མདོར་ན། མི་ཉེ་མཚན་དང་མ་ཤ་དང་། ། བཞི་པ་དང་ནི་བདུན་པ་དང་། ། བརྒྱད་དང་ཁྱིམ་པ་ལ་སོགས་པ། ། ཁྱིམ་པ་གཞན་དང་དགེ་སློང་མ། ། བཙུན་པ་དགེ་སློང་གིས་གསེར་དང་དངུལ་བླངས་སམ། ལེན་དུ་སྩལ་ན་ཡང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ་གནས་མི་ཉེ་བ་ནས་བླངས་པ་དང་ཡོ་བྱད་གཞན་དུ་འདུ་ཤེས་པའོ། ། བཙུན་པ་དགེ་སློང་གིས་གསེར་དང་དངུལ་ལེན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་གསེར་དང་དངུལ་ལེན་པ་ན་མཚན་འཕོས་ཏེ་དགེ་སློང་ ཕར་གྱུར་ན་ཅིར་འགྱུར། སྤང་བར་འགྱུར་རོ། །

བཙུན་པ་དགེ་སློང་གིས་གསེར་གྱི་མ་ཤའམ་དངུལ་གྱི་མ་ཤ་བླངས་ན་ཅིར་འགྱུར། སྤང་བར་འགྱུར་རོ། ། དེ་སྟེ་ལྕགས་ཀྱི་མ་ཤའམ། ཟངས་ཀྱི་མ་ཤ་བླངས་སམ། ལེན་དུ་བཅུག་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ གསེར་ལ་གསེར་དུ་འདུ་ཤེས་ཏེ་བླངས་ན་ཅིར་འགྱུར། སྤང་བར་འགྱུར་རོ། ། གསེར་ལ་གསེར་མ་ཡིན་པར་འདུ་ཤེས་ན་ཉེས་པ་མེད་དོ། ། གསེར་མ་ལགས་པ་ལ་གསེར་དུ་འདུ་ཤེས་ན་ཅིར་འགྱུར། ཉེས་བྱས་སོ། ། གསེར་མ་ཡིན་པ་ལ་གསེར་མ་ཡིན་པར་འདུ་ཤེས་ན་ཉེས་པ་མེད་དོ། ། བཙུན་པ་བསྙེན་པར་མ་རྫོགས་པར་གསེར་དང་དངུལ་ཞིག་བླངས་ནས་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བླངས་ནས་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བླངས་ལ་བསྙེན་ པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཏེ་བླངས་ལ་བསྙེན་པར་རྫོགས་ ནས་ཐོབ་ན་ཅིར་འགྱུར། སྤང་བར་འགྱུར་རོ། །

བསྙེན་པར་རྫོགས་པ་ན་བླངས་ལ་བསྙེན་པར་མ་རྫོགས་པ་ན་ཐོབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གསེར་དང་དངུལ་མངོན་སུམ་དུ་ཁྱིམ་པ་ལེན་དུ་སྩལ་ན་ཅིར་འགྱུར། ། སྤང་བའི་ལྟུང་བར་འགྱུར་རོ། ། དེ་བཞིན་དུ་ཟ་ མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་ གནས་པ་དང་། ཉེ་བར་ཕྱོགས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། བསླབ་པ་བྱིན་པ་རྣམས་ཀྱིས་མངོན་སུམ་དུ་བླངས་སམ་ལེན་དུ་བཅུག་ན་ཐམས་ཅད་སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་བདག་གི་ལག་གིས་གསེར་དང་དངུལ་བླངས་སམ་ལེན་དུ་ སྩལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་དགེ་སློང་གིས་གསེར་དང་དངུལ་བླངས་ཀྱང་བདག་གིར་བྱ་བའི་སེམས་མ་སྐྱེད་པ་སྟེ། དེའི་ཕྱིར་མི་རུང་བས་རུང་བའི་དངོས་པོ་གཞན་བླང་ངོ་། ། སྙམ་ནས་བླངས་པའོ། །

བཙུན་པ་དགེ་སློང་ གིས་གཞན་གྱི་སླད་དུ་གསེར་དང་དངུལ་བླངས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་གསེར་དང་དངུལ་བླངས་སམ་ལེན་དུ་སྩལ་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་མས་གསེར་དང་དངུལ་བདག་གི་ལག་གིས་བླངས་སམ་ལེན་དུ་ སྩལ་ན་ཅིར་འགྱུར། སྤང་བའི་ལྟུང་བར་འགྱུར་རོ། ། བཙུན་པ་དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་དག་གིས་གསེར་དང་དངུལ་བདག་གི་ལག་གིས་བླངས་སམ་ལེན་དུ་སྩལ་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་ བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཅོམ་ལྡན་འདས་ཀྱིས་ཡང་དགེ་སློང་གང་ནོར་རྣམ་པ་སྣ་ཚོགས་ཀྱིས་སྤོགས་བགྱིད་ན་སྤང་བའི་ལྟུང་བར་འགྱུར་རོ་ཞེས་གསུངས་ ན། བཙུན་པ་དགེ་སློང་གིས་ཕྲིན་པ་ལས་ནོར་རྣམ་པ་སྣ་ཚོགས་ཀྱིས་སྤོགས་བགྱིད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་གྱི་ཕྱིར་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པའོ། །

བཙུན་པ་དགེ་སློང་གིས་སྨྱོན་པ་དང་ལྷན་ཅིག་ཏུ་ནོར་ རྣམ་པ་སྣ་ཚོགས་ཀྱིས་སྤོགས་བགྱིད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་དང་། དེ་བཞིན་དུ་འགྲོ་བ་གཞན་དུ་གནས་པ་དང་ལྷན་ཅིག་ཏུ་ནོར་རྣམ་པ་སྣ་ཚོགས་ཀྱིས་སྤོགས་བྱས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། མཚན་དང་བཞི་པ་བདུན་དེ་ལྟར། ། དེ་བཞིན་དུ་ཡང་སློབ་པ་དང་། ། འདྲ་བ་དང་ནི་གཉེན་པ་དང་། ། དགེ་སློང་མ་ནི་ཐ་མ་ཡིན། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ་བཙུན་པ་དགེ་སློང་གིས་ནོར་རྣམ་པ་སྣ་ ཚོགས་ཀྱིས་སྤོགས་བགྱིད་པ་ན་མཚན་འཕོས་ཏེ་དགེ་སློང་མར་གྱུར་པ་དང་རྙེད་པ་མངོན་པར་གྲུབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་ནོར་རྣམ་པ་སྣ་ཚོགས་ཀྱིས་སྤོགས་བགྱིད་པ་ལས་མཚན་འཕོས་ཏེ་དགེ་སློང་དུ་གྱུར་ནས་རྙེད་པ་གྲུབ་ན་ཅིར་འགྱུར། སྤང་བར་ འགྱུར་རོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ནོར་རྣམ་པ་སྣ་ཚོགས་ཀྱིས་སྤོགས་བགྱིད་ན་ཅིར་འགྱུར། སྤང་བར་འགྱུར་རོ། །

མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་ པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པར་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ནས་བསྙེན་པར་མ་རྫོགས་པར་རྙེད་པ་མངོན་པར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ ལ་བསྙེན་པར་རྫོགས་ཀར་མངོན་པར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཏེ་མངོན་པར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་མངོན་པར་གྲུབ་ན་ཅིར་འགྱུར། ཉེས་ བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་མངོན་པར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ནས་མངོན་པར་གྲུབ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པར་བཤམས་ལ་བསྙེན་ པར་མ་རྫོགས་པར་མངོན་པར་གྲུབ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ན་ཅིར་འགྱུར། སྤང་བར་འགྱུར་རོ། །

བཙུན་པ་གཉེན་དང་ལྷན་ཅིག་ཏུ་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ན་ཅིར་འགྱུར། ཉེས་བྱས་ སོ། ། བཙུན་པ་དགེ་སློང་གིས་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདྲ་བས་འདྲ་བ་རྗེས་ནས་ཉེས་པ་མེད་དོ། ། བཙུན་པ་དགེ་སློང་མས་ནོར་རྣམ་པ་སྣ་ཚོགས་ཀྱིས་སྤོགས་བགྱིས་ན་ཅིར་འགྱུར། སྤང་བར་འགྱུར་ རོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སོ། ། བསླབ་པའི་གནས་འདིར་ཇི་ལྟ་བ་དེ་ལྟར་ཉོ་བ་དང་། བཙོང་བ་ཡང་རྒྱས་པར་བྱའོ། ། ། ། མདོར་ན། དེ་ཉིད་དང་ནི་སྟོར་བ་དང་། ། ཡུལ་གཞན་མུ་སྟེགས་ཅན་རྣམས་དང་། ། མ་བསྲེགས་ པ་དང་དཀར་པོ་དང་། ། སྨྱོན་པ་མཚན་དང་ཕྲིན་པ་དང་། ། ཡོད་དང་འཚོ་བ་དགེ་སློང་མ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་ལྷུང་བཟེད་དེ་ཉིད་བཅངས་ན་ནོངས་པར་གྱུར་པ་དང་། དེ་ཉིད་བཅངས་པས་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་གིས་ལྷུང་བཟེད་ཆེན་པོ་ཞིག་བཅངས་པ་ན་མཚན་འཕོས་ཏེ་དགེ་སློང་མར་གྱུར་ནས་བཅངས་ན་ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་སྤང་བའི་ལྷུང་བཟེད་སྟོར་བར་གྱུར་ན་ལྟུང་བ་བཤགས་པར་བགྱིའམ། ཨུ་པཱ་ལི་བཤགས་པར་བྱའོ། ། ནོངས་པ་བཤགས་ནས་སླར་རྙེད་ན་སྤང་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དགུང་བཅུ་ལས་འདས་པར་ལྷུང་བཟེད་ལྷག་པ་མ་འཆང་ཤིག་ཅེས་གསུངས་ན། བཙུན་པ་དགེ་སློང་གིས་དགུང་བཅུ་ལས་འདས་པར་ལྷུང་བཟེད་ལྷག་པ་ བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གིས་ཡུལ་གཞན་དུ་དགེ་སློང་ལ་ལྷུང་བཟེད་ཅིག་བསྐུར་བར་བྱས་ནས། དེས་ལྷུང་བཟེད་དེ་ཤིན་ཏུ་ཡུན་རིང་པོར་བཅངས་ཀྱང་ཉེས་པ་མེད་དོ། ། བཙུན་པ་དགེ་སློང་གིས་མུ་སྟེགས་ཅན་གྱི་ལྷུང་བཟེད་ བཅངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལྷུང་བཟེད་མ་སྲེགས་པའམ། ལྷུང་བཟེད་ཆུང་ངུའམ། ལྷུང་བཟེད་ཆེན་པོ་བཅངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལྷུང་བཟེད་དཀར་པོ་བཅངས་ན་ཅིར་འགྱུར། ཉེས་བྱས་སོ། ། དགེ་སློང་ གིས་ལྷུང་བཟེད་རྙེད་མ་ཐག་ཏུ་སྨྱོས་པར་གྱུར་ན་གང་ནས་བཟུང་སྟེ་དགུང་བཅུར་བགྲང་བར་བགྱི།

གང་གི་ཚེ་རང་གི་སེམས་སླར་རྙེད་པ་དེ་ནས་བཟུང་ངོ་། ། བཙུན་པ་དགེ་སློང་གིས་དགུང་བཅུ་ལས་འདས་པར་ལྷུང་བཟེད་ལྷག་པར་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ ཡོད་དེ། ཇི་ལྟར་ཡང་དགེ་སློང་གིས་ལྷུང་བཟེད་རྙེད་ནས་ཞག་བཅུ་ལོན་པ་དང་། མཚན་འཕོས་ཏེ་དགེ་སློང་མར་གྱུར་ན་ཉེས་པ་མེད་དོ། ། བཙུན་པ་དགེ་སློང་མས་དགུང་བཅུ་ལས་འདས་པར་ལྷུང་བཟེད་ལྷག་པར་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་ དགེ་སློང་མ་དེ་ལྷུང་བཟེད་རྙེད་མ་ཐག་ཏུ་མཚན་འཕོས་ཏེ་དགེ་སློང་དུ་གྱུར་ན་ཉེས་པ་མེད་དོ། ། བཙུན་པ་དགེ་སློང་གིས་ཤིན་ཏུ་རིང་བར་ལྷུང་བཟེད་ལྷག་པ་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་གིས་དགེ་སློང་ལ་ལྷུང་བཟེད་ཀྱི་ཕྱིར་ཕྲིན་པ་བཏང་ བ་དེས་ལྷུང་བཟེད་བླངས་ཏེ་ཤིན་ཏུ་རིང་བར་བཅངས་ཀྱང་ཉེས་པ་མེད་དོ། ། བཙུན་པ་དགེ་སློང་གིས་ལྷུང་བཟེད་གཅིག་མཆིས་ལ་མཆིས་བཞིན་དུ་ལྷུང་བཟེད་གཅིག་པོ་དེ་སྤང་བར་འགྱུར་བ་མཆིས་སམ་ཨུ་པཱ་ལི་ཡོད་དེ། བྱིན་གྱིས་མ་བརླབས་པར་བཅངས་པའོ། །

བཙུན་པ་དགེ་ སློང་གིས་ནམ་འཚོའི་བར་དུ་ལྷུང་བཟེད་ལྷག་པ་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེ་ཞག་བཅུ་མ་ལོན་པར་དུས་བྱས་པའོ། ། བཙུན་པ་བསླབ་པ་སྩལ་བས་དགུང་བཅུ་ལས་འདས་པར་ལྷུང་བཟེད་ལྷག་པ་བཅངས་ན་ཅིར་འགྱུར། སྤང་བར་ འགྱུར་རོ། ། དགེ་སློང་མས་ཞག་བཅུ་ལས་འདས་པར་ལྷུང་བཟེད་ལྷག་པ་བཅངས་ན་སྤང་བའི་ལྟུང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་ དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ནད་པ་འོན་པ་འགྲོ་བའོ། ། དེ་ནས་སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལྷན་པ་ལྔ་ལས་ཉུང་བའི་ལྷུང་བཟེད་སྤྱད་དུ་ཡོད་བཞིན་དུ་ལྷུང་ བཟེད་གཞན་བཙལ་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལས་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཅིར་འགྱུར། ཉེས་བྱས་སོ། ། ཕྲིན་པ་ལས་ཇི་ལྟ་བ་དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་།

གཅིག་ནས་གཅིག་ཏུ་ བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ལས་ལྷུང་བཟེད་གཉིས་པ་བཙལ་ན་ཅིར་འགྱུར། ལྷུང་བཟེད་རྙེད་ན་ཉེས་བྱས་སུ་འགྱུར་རོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། དིག་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལས་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། མུ་སྟེགས་ཅན་དང་ཟ་མ་མཚན། ། རྣམ་པ་བདུན་ཡང་དེ་བཞིན་ཏེ། ། ཐུན་མོང་བ་དང་བཞི་པ་དང་། ། ཡོ་བྱད་རྣམས་དང་དགེ་སློང་མ། ། བཙུན་ པ་དགེ་སློང་གིས་འདི་ལས་གཞན་ཕྱིའི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་ལྷུང་བཟེད་གཉིས་པ་བསླངས་ནས་ལྷུང་བཟེད་ཐོབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མུ་སྟེགས་ཅན་གྱི་སྣོད་གཅིག་བཙལ་ཏེ་རྙེད་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་ཟ་མ་ལ་ལྷུང་བཟེད་གཉིས་པ་བཙལ་ཏེ་ལྷུང་བཟེད་ཐོབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་མ་ནིང་ཕ་དང་། མ་ནིང་མ་དང་།

མཚན་གཉིས་པ་རྣམས་ལས་བཙལ་ཏེ་ལྷུང་བཟེད་ཐོབ་ན་ཉེས་བྱས་སུ་འགྱུར་རོ། ། བཙུན་པ་ དགེ་སློང་གིས་ལྷུང་བཟེད་སྤྱད་པ་མཆིས་བཞིན་དུ་ལྷུང་བཟེད་གཞན་བླངས་པ་དང་དེའི་མཚན་འཕོས་ཏེ་དགེ་སློང་མ་འགྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་ལྷུང་བཟེད་མཆིས་བཞིན་དུ་གཉིས་པ་བཙལ་བ་ལས་མཚན་འཕོས་ཏེ་དགེ་སློང་དུ་གྱུར་ནས་ རྙེད་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་ལྷུང་བཟེད་མཆིས་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་འབྲང་ལས་ལྷུང་བཟེད་གཉིས་པ་ཚོལ་བ་ན་དེ་གཉིས་མཚན་འཕོས་ཏེ་མཚན་འཕོས་ནས་རྙེད་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་ སློང་མས་ཁྱིམ་བདག་གམ་ཁྱིམ་བདག་གི་མཆིས་འབྲང་ལས་ལྷུང་བཟེད་གཉིས་པ་སློང་བ་ན་དེ་གཉིས་མཚན་འཕོས་ཏེ་མཚན་འཕོས་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བསྙེན་པར་མ་རྫོགས་པར་བསླངས་ལ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་ བྱས་སོ། ། བསྙེན་པར་རྫོགས་ཀར་བསླངས་ནས་བསྙེན་པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ནས་བསླངས་ཏེ་བསྙེན་པར་རྫོགས་པ་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་ནས་བསླངས་ཏེ་བསྙེན་པར་མ་རྫོགས་པ་ན་ཐོབ་ན་ཅིར་ འགྱུར། ། ཉེས་བྱས་སོ། ། དགེ་སློང་གཉིས་ཀྱིས་ལྷུང་བཟེད་གཅིག་བསླངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ལྷུང་བཟེད་བསླངས་ནས་ལྷུང་བཟེད་ཐོབ་ན་ཅིར་འགྱུར། སྤང་བར་འགྱུར་རོ། ། མི་ལ་མི་མ་ལགས་པར་འདུ་ ཤེས་ཏེ་བསླངས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ཏེ་བསླངས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བསླངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རང་གིས་ཡོ་སྤྱད་དམ་རིན་གྱིས་ལྷུང་བཟེད་ གཉིས་པ་བཙལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་བཙལ་བས་ལྷུང་བཟེད་མཆིས་བཞིན་དུ་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཅིར་འགྱུར། སྤང་བར་འགྱུར་རོ། །

བཙུན་པ་དགེ་སློང་མས་ལྷུང་བཟེད་མཆིས་བཞིན་དུ་ལྷུང་བཟེད་གཉིས་པ་བཙལ་ཏེ་ལྷུང་ བཟེད་རྙེད་ན་ཅིར་འགྱུར། སྤང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་ལྷུང་བཟེད་མཆིས་བཞིན་དུ་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཅིར་འགྱུར་ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་ བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་ཐ་ག་པ་ལ་གོས་འཐག་ཏུ་བཅུག་ན་ སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལས་འཐག་ཏུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། གཞན་གྱི་ཕྱིར་འཐག་ཏུ་བཅུག་ན་ཐམས་ཅད་ཉེས་བྱས་སུ་ འགྱུར་རོ། ། བཙུན་པ་དགེ་སློང་གིས་ཐ་ག་པ་སྨྱོན་པ་ཞིག་ལ་གོས་འཐག་ཏུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་།

ལྐུགས་པ་དང་། འོན་པ་དང་། མི་མ་ཡིན་པའི་འགྲོ་བའི་གནས་པ་ཐ་ག་པ་ རྣམས་ལ་གོས་འཐག་ཏུ་བཅུག་ན་ཐམས་ཅད་ཉེས་བྱས་སོ། ། ། ། མདོར་ན། མ་ནིང་དག་དང་ཟ་མ་དང་། ། ཐུན་མོང་མཚན་ཀྱང་དེ་བཞིན་ཏེ། ། དེ་ལྟར་མི་རུང་བདུན་པ་དང་། ། བཞི་པ་སློབ་དང་དགེ་སློང་མ། ། བཙུན་པ་དགེ་སློང་གིས་ཐ་ག་པ་མ་ནིང་ཞིག་ལ་གོས་འཐག་ཏུ་ སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་མོ་དང་། མཚན་གཉིས་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཐུན་མོང་གི་གོས་ཤིག་འཐག་ཏུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཐ་ག་པ་གཉེན་མ་ལགས་ པ་ལ་གོས་ཤིག་འཐག་ཏུ་སྩལ་བ་དང་དེའི་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་ངམ། དགེ་སློང་མས་ཐ་ག་པ་གཉེན་མ་ལགས་པ་ལ་གོས་ཤིག་འཐག་ཏུ་སྩལ་བ་དང་། མཚན་འཕོས་ཏེ་མཚན་འཕོས་ནས་བླངས་ན་ཅིར་ འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་ཐ་ག་པ་གཉེན་མ་ལགས་པ་ལ་གོས་འཐག་ཏུ་སྩལ་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་ཀྱི་རྒྱུ་རུང་བར་གྱུར་ལ་སྤུན་མི་རུང་བ་དང་།

སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ག་ཡང་མི་རུང་ བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་རྣམས་འཐག་ཏུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་བསྙེན་པར་མ་རྫོགས་པར་འཐག་ཏུ་སྩལ་ལ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཐག་ཏུ་སྩལ་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཐག་ཏུ་སྩལ་ལ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་འཐག་ཏུ་སྩལ་ལ་བསྙེན་པར་ རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་འཐག་ཏུ་སྩལ་ལ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པས་འཐག་ཏུ་སྩལ་ལ་བསྙེན་པར་རྫོགས་པས་ཐོབ་ན་ཅིར་འགྱུར། སྤང་བར་འགྱུར་རོ། ། བསྙེན་པར་ རྫོགས་པས་འཐག་ཏུ་སྩལ་ལ་བསྙེན་པར་མ་རྫོགས་པས་ཐོབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མི་མ་ལགས་པ་ལ་མི་མ་ལགས་པར་འདུ་ཤེས་ཏེ་འཐག་ཏུ་སྩལ་ན་ཅིར་འགྱུར། ཉེས་བྱས་སོ། །

མི་ལ་མི་མ་ཡིན་པར་འདུ་ཤེས་ན་ཉེས་ བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། ། མི་ལ་མིར་འདུ་ཤེས་ཏེ་འཐག་ཏུ་སྩལ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་གཉེན་མ་ལགས་པ་ལ་གཉེན་མ་ལགས་པར་འདུ་ཤེས་ཏེ་འཐག་ཏུ་སྩལ་ན་ཅིར་འགྱུར། སྤང་ བར་འགྱུར་རོ། ། གཉེན་མ་ཡིན་པ་ལ་གཉེན་དུ་འདུ་ཤེས་ན་ཉེས་པ་མེད་དོ། ། གཉེན་ལ་གཉེན་མ་ཡིན་པར་འདུ་ཤེས་ཏེ་འཐག་ཏུ་བཅུག་ན་ཉེས་བྱས་སུ་འགྱུར་རོ། ། གཉེན་ལ་གཉེན་དུ་འདུ་ཤེས་ཏེ་འཐག་ཏུ་བཅུག་ན་ཉེས་པ་མེད་དོ། ། བཙུན་པ་བསླབ་པ་སྩལ་བས་ཐ་ག་པ་གཉེན་ མ་ལགས་པ་ལ་གོས་ཤིག་འཐག་ཏུ་སྩལ་ཏེ་གོས་ཐོབ་ན་ཅིར་འགྱུར། སྤང་བར་འགྱུར་རོ། ། དགེ་སློང་ལ་ཇི་ལྟ་བ་དེ་བཞིན་དུ་དགེ་སློང་མ་ལ་ཡང་སྔ་མ་བཞིན་ཏེ། ཇི་ལྟར་བསླབ་པའི་གནས་སྔ་མ་བཞིན་པ་ནས། བསྙེན་པར་རྫོགས་ཀར་རྙེད་ན་ཅིར་འགྱུར། ཉེས་བྱས་སོ། ། ཞེས་བྱ་བའི་བར་དུའོ། ། བསྙེན་པར་མ་རྫོགས་པར་རྣམ་པར་རྟོག་པ་བསྐྱེད་ནས་བསྙེན་པར་མ་རྫོགས་པར་རྙེད་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པས་རྣམ་པར་རྟོག་པ་བསྐྱེད་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ།

། བསྙེན་པར་མ་ རྫོགས་པས་རྣམ་པར་རྟོག་པ་བསྐྱེད་ལ། བསྙེན་པར་རྫོགས་ཏེ་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་རྣམ་པར་རྟོག་པ་བསྐྱེད་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་རྣམ་པར་རྟོག་པ་བསྐྱེད་ལ་ བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པས་རྣམ་པར་རྟོག་པ་བསྐྱེད་ལ་བསྙེན་པར་རྫོགས་པས་ཐོབ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པས་རྣམ་པར་རྟོག་པ་བསྐྱེད་ལ་བསྙེན་པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་རྣམ་པར་རྟོག་པ་བསྐྱེད་ནས་གོས་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། ། མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་ མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་གཉེན་མ་ལགས་པའི་ཐ་ག་པ་ལ་གཉེན་མ་ལགས་པར་འདུ་ཤེས་ཏེ་རྣམ་པར་རྟོག་པ་བསྐྱེད་ནས་གོས་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། །

གཉེན་མ་ལགས་པ་ལ་གཉེན་ལགས་པར་འདུ་ཤེས་ ན་ཅིར་འགྱུར། ཉེས་པ་མེད་དོ། ། གཉེན་ལ་གཉེན་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། གཉེན་ལ་གཉེན་དུ་འདུ་ཤེས་ན་ཉེས་པ་མེད་དོ། ། བསླབ་པ་སྩལ་བས་རྣམ་པར་རྟོག་པ་བསྐྱེད་ནས་གོས་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་ སློང་མས་རྣམ་པར་རྟོག་པ་བསྐྱེད་དེ་གོས་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། ། དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་རྣམ་པར་རྟོག་པ་བསྐྱེད་དེ་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་དགེ་སློང་ལ་གོས་ཤིག་སྩལ་ནས་ཕྲོགས་ སམ་འཕྲོག་ཏུ་སྩལ་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ཕྲོགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་།

གཞན་གྱི་ཕྱིར་ཕྲོགས་ན་ཐམས་ ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་སྨྱོན་པ་ལ་གོས་ཤིག་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ལ་གོས་བྱིན་པ་ལས་སླར་ ཕྲོགས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་འདི་ལས་སླད་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལ་གོས་སྩལ་བ་ལས་སླར་ཕྲོགས་ན་ཅིར་འགྱུར། ཐམས་ཅད་ཉེས་བྱས་སོ། ། བཙུན་པ་འགྲོ་བ་གཞན་དུ་གནས་པ་ཞིག་ལ་གོས་སྩལ་བ་ལས་ཕྲོགས་ན་ཅིར་འགྱུར། ཉེས་བྱས་སོ། ། ། ། མདོར་ན། ཁྱིམ་པ་དག་ལ་སོགས་པ་དང་། ། ཐུན་མོང་མཚན་ཡང་དེ་བཞིན་ཏེ། ། མ་ཆོག་མི་རུང་དེ་བཞིན་ཏེ། ། བཞི་པ་བདུན་པ་དེ་ལྟར་རོ། ། བཙུན་པ་དགེ་སློང་ གིས་ཁྱིམ་པ་ལ་གོས་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་ བ་དང་། རྐུན་གནས་དང་།

སྔར་འཁྲུགས་པ་དང་། སྔོན་ཉེས་པ་བྱུང་བ་རྣམས་ལ་གོས་ཤིག་བྱིན་པ་ལས་སླར་ཕྲོགས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཟ་མ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པའི་དགེ་སློང་རྣམས་ ལ་གོས་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། ། དགེ་འདུན་གྱི་དབྱེན་བགྱིས་པ་དང་། དེ་ལ་ཉེ་བར་ཕྱོགས་པ་དང་། བསླབ་པ་བྱིན་པ་རྣམས་ལ་གོས་ཤིག་བྱིན་པ་ལས་ཁྱིམ་པ་འཕྲོག་ཏུ་བཅུག་ན་ཐམས་ཅད་ཀྱང་སྤང་བའི་ལྟུང་བར་འགྱུར་རོ། ། བཙུན་པ་དགེ་ སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་གོས་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ཞིག་ལ་གོས་སྩལ་ནས་ཁྱིམ་པ་ཞིག་འཕྲོག་ཏུ་སྩལ་ན་ཅིར་འགྱུར། སྤང་བའི་ལྟུང་བར་ འགྱུར་རོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་ བ་དང་། རྐུན་གནས་པ་དང་། སོ་སོར་གནས་པ་དང་།

མི་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། ཉེ་བར་ཕྱོགས་པ་དང་། བསླབ་པ་བྱིན་པ་དང་། དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་འཕྲོག་ཏུ་ བཅུག་ན་ཐམས་ཅད་སྤང་བའི་ལྟུང་བར་འགྱུར་རོ། ། བཙུན་པ་དགེ་སློང་གཉིས་ཀྱི་གོས་ཐུན་མོང་བ་ཞིག་སྩལ་ལ་དེ་ནས་ཕྱིས་གཅིག་གིས་ཕྲོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་གོས་ཤིག་སྩལ་ཏེ་སླར་ཕྲོགས་པ་ན་དེའི་མཚན་འཕོས་ཏེ་དགེ་སློང་མར་གྱུར་ ནས་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་མ་ལ་གོས་ཤིག་སྩལ་ཏེ་སླར་ཕྲོགས་ན་མཚན་འཕོས་ཏེ་དགེ་སློང་དུ་གྱུར་ནས་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་གོས་ཁྲུ་གང་ལས་ཆུང་བ་ཞིག་སྩལ་བ་ལས་ ཕྲོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་གོས་སྩལ་ནས་སླར་ཕྲོགས་ཀྱང་སྤང་བའི་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་།

གཉིས་ ཀ་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། དེ་དག་དང་འདྲ་བར་ཐགས་སུ་མ་བཏགས་པའི་གོས་ཤིག་སྩལ་ཏེ་ཕྲོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་ རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་གོས་སྩལ་བ་ལས་སླར་ཕྲོགས་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་ པར་འདུ་ཤེས་ཏེ་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་གོས་སྩལ་བ་ལས་ཕྲོགས་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པར་དབྲོག་པར་བཤམས་ནས་བསྙེན་པར་མ་ རྫོགས་པར་ཕྲོགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་དབྲོག་པར་བཤམས་ནས་བསྙེན་པར་རྫོགས་ཀར་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་དབྲོག་པར་བཤམས་ནས་བསྙེན་པར་རྫོགས་ཏེ་མངོན་དུ་གྲུབ་ ན་ཅིར་འགྱུར།

ཉེས་བྱས་སོ། ། བསྙེན་པར་རྫོགས་ཀར་དབྲོག་པར་བཤམས་ནས་བསྙེན་པར་རྫོགས་ཀར་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་དབྲོག་པར་བཤམས་ནས་བསྙེན་པར་རྫོགས་ཏེ་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། བསྙེན་ པར་རྫོགས་ནས་དབྲོག་པར་བཤམས་ནས་བསྙེན་པར་རྫོགས་ཏེ་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པ་ན་དབྲོག་པར་བཤམས་ནས་བསྙེན་པར་མ་རྫོགས་པར་མངོན་པར་གྲུབ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་སློང་ ལ་གོས་སྩལ་ནས་སླར་ཕྲོགས་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་དགེ་སློང་མ་ལ་གོས་ཤིག་སྩལ་བ་ལས་ཕྲོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་ལ་གོས་ཤིག་སྩལ་བ་ལས་ཕྲོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་མ་ལ་གོས་ཤིག་སྩལ་བ་ལས་སླར་ཕྲོགས་ན་ཅིར་འགྱུར། སྤང་བར་འགྱུར་རོ། ། དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་གོས་ཤིག་སྩལ་བ་ལས་སླར་ཕྲོགས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་།

དགེ་ཚུལ་ཕ་རྣམས་ལ་ཉེས་བྱས་སུ་རྒྱས་པར་སྦྱར་རོ། ། ། ། མདོར་ན། སེམས་འཁྲུགས་པ་དང་དུས་འདས་པ། ། མཚན་དང་ཐུན་མོང་དེ་བཞིན་ཏེ། ། མི་རུང་བཞི་པ་དེ་ལྟ་བུར། ། བདུན་པ་དུས་དང་དགེ་སློང་མའོ། ། སངས་རྒྱས་ བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ་བཙུན་པ་བཅོམ་ལྡན་འདས་ཀྱིས་དགེ་སློང་གིས་བརྟད་པའི་གོས་ནམ་གོས་འབུལ་བའི་དུས་ཀྱི་བར་དུ་ཞོག་ཤིག ། དེ་ལས་འདས་པར་བཞག་ན་སྤང་བར་འགྱུར་རོ་ཞེས་གསུངས་ན། བཙུན་པ་འདས་པར་བཞག་ཀྱང་སྤང་བར་མི་ འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེ་གོས་རྙེད་མ་ཐག་ཏུ་སེམས་འཁྲུགས་པར་གྱུར་པའོ། ། བཙུན་པ་དགེ་སློང་གིས་ནམ་འཚོའི་བར་དུ་བརྟད་པའི་གོས་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ནམ་གོས་འབུལ་བའི་དུས་ཚུན་ ཆད་དུས་བྱས་པའོ། ། བཙུན་པ་དགེ་སློང་གིས་བརྟད་པའི་གོས་ནམ་གོས་འབུལ་བའི་དུས་ལས་འདས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་བརྟད་པའི་གོས་ཤིག་ནམ་གོས་འབུལ་བའི་དུས་ལས་འདས་པ་ན་ མཚན་འཕོས་ཏེ། དགེ་སློང་དུ་གྱུར་ན་ཅིར་འགྱུར། སྤང་བར་འགྱུར་རོ། །

བཙུན་པ་དགེ་སློང་གིས་བརྟད་པའི་གོས་ཐུན་མོང་བ་ཞིག་ནམ་གོས་འབུལ་བའི་དུས་འདས་པར་བཞག་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བརྟད་པའི་གོས་ཤིག་ནམ་གོས་འབུལ་བའི་ དུས་ལས་འདས་པར་བཞག་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ཀ་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་ བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པའོ། ། དེ་ལྟ་བུའི་གོས་ཐགས་སུ་མ་བཏགས་པ་ཞིག་གོས་འབུལ་བའི་དུས་ལས་འདས་པར་བཞག་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་གོས་འབུལ་བའི་དུས་ལས་འདས་པ་ལ་འདས་པར་འདུ་ཤེས་ཏེ་གོས་བཞག་ན་ ཅིར་འགྱུར། སྤང་བར་འགྱུར་རོ། ། འདས་པ་ལ་མ་འདས་པར་འདུ་ཤེས་ཏེ་བཞག་ན་ཅིར་འགྱུར། ཉེས་པ་མེད་དོ། ། མ་འདས་པ་ལ་འདས་པར་འདུ་ཤེས་ཏེ་བཞག་ན་ཉེས་བྱས་སུ་འགྱུར་རོ། ། མ་འདས་པ་ལ་མ་འདས་པར་འདུ་ཤེས་ཏེ་བཞག་ན་ཉེས་པ་མེད་དོ། ། བཙུན་པ་ བསྙེན་པར་མ་རྫོགས་པར་བཞག་སྟེ་བསྙེན་པར་མ་རྫོགས་པར་དུས་ལས་ཡོལ་ན་ཅིར་འགྱུར། ཉེས་བྱས་སོ།

། བསྙེན་པར་མ་རྫོགས་པར་བཞག་སྟེ་བསྙེན་པར་རྫོགས་ཀར་དུས་ལས་ཡོལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཞག་སྟེ་བསྙེན་ པར་རྫོགས་ནས་དུས་ལས་ཡོལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཞག་སྟེ་བསྙེན་པར་རྫོགས་ཀར་དུས་ལས་ཡོལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཞག་སྟེ་བསྙེན་པར་རྫོགས་ནས་དུས་ལས་ཡོལ་ན་ཅིར་ འགྱུར། ཉེས་བྱས་སོ། ། བསྙེན་པར་རྫོགས་ནས་བཞག་སྟེ་བསྙེན་པར་རྫོགས་ནས་དུས་ལས་ཡོལ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པས་བཞག་ནས་བསྙེན་པར་མ་རྫོགས་པར་དུས་ལས་ཡོལ་ན་ཅིར་འགྱུར། ཉེས་བྱས་སོ། ། བཙུན་པ་ཚུལ་ནས་ མ་བྱུང་བར་རྒྱལ་པོས་ཤོལ་བོར་ན་དགེ་སློང་གིས་བརྟད་པའི་གོས་ཇི་ལྟར་བསྒྲུབ་པར་བགྱི། ཇི་ལྟར་ཚུལ་དུ་ཞུགས་པ་བཞིན་ནོ། ། བརྟད་པའི་གོས་ཞག་བཅུ་ལས་འདས་པ་ཞེས་བགྱིའམ། ཞག་བཅུ་ལས་མ་འདས་པ་ཞེས་བགྱི། ཞག་བཅུ་ལས་འདས་པ་ཞེས་བྱའོ། ། བཙུན་ པ་བརྟད་པའི་གོས་དུས་མ་ལགས་པའི་གོས་སུ་བགྱིར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་བཅོམ་ལྡན་འདས་ཀྱིས་བརྟད་པའི་གོས་ནམ་གོས་འབུལ་བའི་དུས་ཀྱི་བར་དུ་ཆོངས་ཤིག་ཅེས་གསུངས་ན།

བཙུན་པ་གོས་འབུལ་བའི་དུས་ནམ་ལགས། ཨུ་པཱ་ལི་ཚུལ་ནས་བྱུང་བ་ སྟེ། ཚུལ་ནས་མ་བྱུང་གི་བར་དུ་ནི་ཐམས་ཅད་དུས་མ་ཡིན་ནོ། ། བཙུན་པ་བསླབ་པ་སྩལ་བས་གོས་འབུལ་བའི་དུས་ལས་འདས་པར་གོས་བཞག་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་བརྟད་པའི་གོས་འབུལ་བའི་དུས་ལས་འདས་པར་བཞག་ན་ཅིར་འགྱུར། སྤང་བར་འགྱུར་རོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ནི་ཉེས་བྱས་ཏེ་རྒྱས་པར་བརྗོད་པར་བྱའོ། ། ། ། མདོར་ན། མི་རུང་བ་དང་བཞི་པ་དང་། ། བར་ཆད་བདུན་པ་དེ་བཞིན་ཏེ། ། སྡོམ་པ་དང་ནི་དགེ་འདུན་གྱི། ། ནམ་མཁའ་མཚན་དང་ དགེ་སློང་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་རིང་ན་ཡང་ཞག་དྲུག་ཏུ་དགེ་སློང་དེས་གོས་དང་བྲལ་བར་འདུག་ཤིག་དེ་ལས་རིང་དུ་བྲལ་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ ཞག་དྲུག་ལས་འདས་པར་གོས་དེ་དང་བྲལ་ཡང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་།

གཉིས་ཀ་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་ དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པའོ། ། དེ་དང་འདྲ་བར་ཐགས་སུ་མ་བཏགས་པའི་གོས་ཞག་དྲུག་ལས་འདས་པར་བྲལ་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་ཞིག་ཞག་དྲུག་ལས་འདས་པ་ལ་འདས་པར་འདུ་ཤེས་ཏེ་གོས་དེ་དང་བྲལ་ན་ཅིར་འགྱུར། སྤང་ བར་འགྱུར་རོ། ། འདས་པ་ལ་མ་འདས་པར་འདུ་ཤེས་ཏེ་བྲལ་ན་ཉེས་པ་མེད་དོ། ། མ་འདས་པ་ལ་འདས་པར་འདུ་ཤེས་ཏེ་བྲལ་ན་ཉེས་བྱས་སུ་འགྱུར་རོ། ། མ་འདས་པ་ལ་མ་འདས་པར་འདུ་ཤེས་ཏེ་བྲལ་ན་ཉེས་པ་མེད་དོ། ། བཙུན་པ་དགེ་སློང་གིས་ཞག་དྲུག་ལས་འདས་པར་གོས་དེ་ དང་བྲལ་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་དེ་འོང་བ་ན་དེ་ལ་བར་ཆད་བརྒྱད་ལས་གང་ཡང་རུང་བ་བར་ཆད་ཅིག་བྱུང་བར་གྱུར་པའོ། ། བཙུན་པ་བསྙེན་པར་མ་རྫོགས་པར་བཞག་ལ་བསྙེན་པར་མ་རྫོགས་པར་བྲལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཞག་ལ་བསྙེན་པར་རྫོགས་ཀར་བྲལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཞག་ལ་བསྙེན་པར་རྫོགས་ཏེ་བྲལ་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་ཀར་བཞག་ལ་བསྙེན་པར་རྫོགས་ཀར་བྲལ་ན་ ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཞག་ལ་བསྙེན་པར་རྫོགས་ཏེ་བྲལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པས་བཞག་ལ་བསྙེན་པར་རྫོགས་ནས་བྲལ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་ཏེ་བཞག་ལ་བསྙེན་པར་ མ་རྫོགས་པར་བྲལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཞག་དྲུག་ལས་འདས་པར་གོས་དེ་དང་བྲལ་ཡང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དགེ་སློང་དེས་གོས་དང་མི་འབྲལ་བའི་སྡོམ་པ་ཐོབ་པར་གྱུར་པའོ། ། བཙུན་པ་དགེ་ སློང་གིས་དགེ་འདུན་གྱི་གོས་ཤིག་བྱིན་གྱིས་བརླབས་ཏེ་བཞག་ནས་ཞག་དྲུག་ལས་འདས་པར་བྲལ་ན་བྲལ་བ་ཞེས་བགྱིའམ། མ་བྲལ་བ་ཞེས་བགྱི། ཨུ་པཱ་ལི་བྲལ་བ་ཞེས་བྱའོ། ། སྤང་བར་བགྱིའམ། ཨུ་པཱ་ལི་མ་ཡིན་ཏེ། ལྟུང་བ་གཅིག་པུ་བཤགས་པར་ བྱའོ། ། བཙུན་པ་དགེ་སློང་གིས་ཁྱིམ་གྱི་ནང་དུ་གོས་བཞག་པར་གྱུར་ལ་དེ་ནམ་མཁའ་ལ་མཆིས་ནས་ཞག་དྲུག་ལས་འདས་པར་བགྱིས་ནས་ཅིར་འགྱུར། སྤང་བར་འགྱུར་རོ། །

བཙུན་པ་དགེ་སློང་གིས་ཁྱིམ་གྱི་ནང་དུ་གོས་བཞག་པར་གྱུར་ལ་གོས་དེ་ཞག་དྲུག་ལས་འདས་པར་ བྲལ་བ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་ཁྱིམ་གྱི་ནང་དུ་གོས་བཞག་པར་གྱུར་ལ་གོས་དེ་དང་ཞག་དྲུག་ལས་འདས་པས་བྲལ་བ་ན་དེའི་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། སྤང་བར་འགྱུར་རོ། ། བཙུན་པ་ བསླབ་པ་སྩལ་བས་ཞག་དྲུག་ལས་འདས་པས་བྲལ་ན་ཅིར་འགྱུར། སྤང་བར་འགྱུར་རོ། ། དགེ་སློང་མས་བྲལ་ན་ནི་ཉེས་བྱས་སོ། ། དགེ་སློབ་མ་དང་། དགེ་ཚུལ་མ་ལའང་ཉེས་བྱས་སོ། ། བཙུན་པ་དགེ་ཚུལ་ཕས་ཞག་དྲུག་ལས་འདས་པར་བྲལ་ན་ཅིར་འགྱུར། ། ཉེས་བྱས་ སོ། ། ། ། འདུལ་བ་གཞུང་དམ་པ། བམ་པོ་ལྔ་པ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། གཉིད་ལོག་ར་རོ་མྱོས་པ་ དང་། ། སྙོམས་ཞུགས་མུ་སྟེགས་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་དགེ་སློང་གིས་དབྱར་གྱི་རས་ཆེན་ཤིན་ཏུ་མྱུར་དུ་ཚོལ་ལམ་ཤིན་ཏུ་རིང་དུ་བཅངས་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དབྱར་གྱི་རས་ཆེན་ཕྲིན་པ་ལས་མྱུར་དུ་བཙལ་ཏེ་རས་རྙེད་ན་ཅིར་འགྱུར། ཉེས་བྱས་སོ། ། ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། ཕྲིན་པས་ཇི་ལྟ་བ་དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་ གཅིག་ཏུ་བརྒྱུད་པ་རྣམས་སོ། ། བཙུན་པ་དགེ་སློང་གིས་སྨྱོན་པ་ལས་དབྱར་གྱི་རས་ཆེན་མྱུར་དུ་བཙལ་ཏེ་རས་རྙེད་ན་ཅིར་འགྱུར། ཉེས་བྱས་སོ། ། ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། སྨྱོན་པ་ལས་ཇི་ལྟ་བ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་ དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། དེ་བཞིན་དུ་འདི་ལས་ཕྱི་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ལས་བཙལ་བ་དང་། དེ་བཞིན་ དུ་འགྲོ་བ་གཞན་དུ་གནས་པ་ལས་ཤིན་ཏུ་མྱུར་བར་བཙལ་ཏེ་རྙེད་ན་ཉེས་བྱས་སོ། །

ཤིན་ཏུ་རིང་བར་བཅངས་ན་ཡང་ཉེས་བྱས་སུ་འགྱུར་རོ། ། ། ། མདོར་ན། མི་རུང་བ་དང་དེ་བཞིན་མཚན། ། ཐུན་མོང་བདུན་པ་དེ་བཞིན་ཏེ། ། མཆོག་པ་དང་སེང་རས་དང་། ། བཞི་པ་དང་ཡང་དགེ་ སློང་མའོ། ། བཙུན་པ་དགེ་སློང་གིས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ལ་ཤིན་ཏུ་རིང་བར་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ཀ་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དེ་ལྟ་བུ་ལས་ཐགས་སུ་མ་བཏགས་པའི་དབྱར་གྱི་རས་ཆེན་ཞིག་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དབྱར་ གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་པ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མ་ཞིག་གིས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་པ་ན་མཚན་འཕོས་ཏེ་དགེ་སློང་དུ་གྱུར་ ན་ཅིར་འགྱུར། སྤང་བར་འགྱུར་རོ། །

བཙུན་པ་དགེ་སློང་གིས་དབྱར་གྱི་རས་ཆེན་ཐུན་མོང་བ་ཞིག་ཤིན་ཏུ་མྱུར་བར་བཙལ་ཏམ། ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པར་དབྱར་གྱི་རས་ཆེན་བསླངས་ནས་བསྙེན་པར་མ་རྫོགས་ པར་ཐོབ་སྟེ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ཀར་ཐོབ་ནས་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བསླངས་ཏེ་བསྙེན་པར་རྫོགས་ནས་ཐོབ་ ནས་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་ཐོབ་སྟེ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་ཐོབ་སྟེ་ཤིན་ཏུ་རིང་བར་བཅངས་ན་ ཅིར་འགྱུར། ཉེས་བྱས་སོ། ། བསྙེན་པར་རྫོགས་ནས་བསླངས་ལ་བསྙེན་པར་རྫོགས་ནས་ཐོབ་སྟེ་ཤིན་ཏུ་རིང་བར་བཅངས་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པ་ན་བསླངས་ལ་བསྙེན་པར་མ་རྫོགས་པར་ཐོབ་སྟེ་ཤིན་ཏུ་རིང་བར་བཅངས་ན་ཅིར་འགྱུར། ཉེས་ བྱས་སོ། །

བཙུན་པ་དབྱར་གྱི་རས་ཆེན་དུ་མ་འཚལ་བ་ཞིག་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། བཙུན་པ་སེང་རས་ཀྱི་དབྱར་གྱི་རས་ཆེན་ཞིག་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་དེ་ལས་དབྱར་གྱི་རས་ཆེན་ཞིག་ཤིན་ཏུ་མྱུར་བར་བཙལ་ནས་རས་ཆེན་རྙེད་ན་ཅིར་འགྱུར། སྤང་བར་འགྱུར་རོ། ། རིང་དུ་བཅངས་ན་ཡང་དེ་བཞིན་ནོ། ། མི་ལ་མི་མ་ཡིན་པར་འདུ་ཤེས་ཏེ་དེ་ལས་ཐོབ་ན་ཉེས་བྱས་སུ་འགྱུར་རོ། ། མི་མ་ཡིན་ པ་ལ་མིར་འདུ་ཤེས་ཏེ་དེ་ལས་ཐོབ་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ཏེ་དེ་ལས་ཐོབ་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་དབྱར་གྱི་རས་ཆེན་ཚུལ་ནས་འབྱུང་བ་ལས་ཟླ་བ་ཕྱེད་འདས་པ་ལ་འདས་པར་འདུ་ཤེས་ཏེ་བཅངས་ན་ཅིར་འགྱུར། སྤང་བར་འགྱུར་རོ། ། འདས་པ་ལ་མ་འདས་པར་འདུ་ཤེས་ན་ཉེས་པ་མེད་དོ། ། མ་འདས་པ་ལ་འདས་པར་འདུ་ཤེས་ན་ཉེས་བྱས་སུ་འགྱུར་རོ། ། མ་འདས་པ་ལ་མ་འདས་པར་འདུ་ཤེས་ན་ཉེས་པ་མེད་དོ། །

བཙུན་པ་དབྱར་ཚུལ་དུ་ཞུགས་པ་དང་རྒྱལ་པོས་ཤོལ་བོར་ན་དགེ་སློང་ དེ་དག་གིས་ཇི་ལྟར་དབྱར་ཚུལ་དུ་ཞུགས་ནས་འབྱུང་བར་བགྱི། ཇི་ལྟར་ཚུལ་དུ་ཞུགས་པ་བཞིན་ནོ། ། དབྱར་གྱི་རས་ཆེན་ཇི་ལྟར་བཅང་བར་བགྱི། ཇི་ལྟར་ཚུལ་ནས་བྱུང་བ་བཞིན་ནོ། ། བཙུན་པ་བསླབ་པ་སྩལ་བས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཅིར་ འགྱུར། སྤང་བར་འགྱུར་རོ། ། བཙུན་པ་དགེ་ཚུལ་ཕས་དབྱར་གྱི་རས་ཆེན་ཤིན་ཏུ་མྱུར་བར་བཙལ་ཏམ་ཤིན་ཏུ་རིང་བར་བཅངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དབྱར་གྱི་རས་ཆེན་བཙལ་ན་ཅིར་འགྱུར། ཉེས་བྱས་སོ། ། ཞག་བཅུ་ལས་འདས་པར་ བཅངས་ན་སྤང་བར་འགྱུར་རོ། ། དགེ་སློང་མ་དང་། དགེ་ཚུལ་མས་དབྱར་གྱི་རས་ཆེན་བཙལ་ཏམ་ཞག་བཅུ་ལས་འདས་པར་བཅངས་ན་ཉེས་བྱས་སུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་ སེམས་འཁྲུགས་དང་། ། ན་བ་འོན་པ་གླེན་པའོ། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ་བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་རྙེད་པ་དགེ་འདུན་ལ་བསྔོས་པར་འཚལ་བཞིན་དུ་བདག་ཉིད་ལ་བསྔོས་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྙེད་པ་དགེ་འདུན་ལ་བསྔོས་པར་འཚལ་བཞིན་དུ་ཕྲིན་པ་ལས་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། ཕྲིན་པས་ཇི་ལྟ་བ་དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་གཅིག་ནས་གཅིག་ཏུ་ བརྒྱུད་པ་རྣམས་སོ། ། བཙུན་པ་དགེ་སློང་སྨྱོན་པ་ཞིག་གིས་རྙེད་པ་དགེ་འདུན་ལ་བསྔོས་པར་འཚལ་བཞིན་དུ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། སྨྱོན་པས་ཇི་ལྟ་བ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་ཀྱང་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། མ་ཆོག་པ་དང་མི་རུང་རིགས། ། བདུན་པ་དག་དང་བཞི་པ་མཚན། ། ཁྱིམ་པ་དག་ལ་སོགས་པ་དང་། ། འགྲོ་བ་སློབ་དང་དགེ་སློང་མའོ། །

བཙུན་པ་ དགེ་སློང་གིས་དགེ་འདུན་ལ་བསྔོས་པའི་གོས་ཁྲུ་གང་བས་ཆུང་བ་ཞིག་བདག་ཉིད་ལ་བསྔོས་ཏེ་གོས་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། འོན་ཏེ་ཁྲུ་གང་གྲུ་བཞི་པར་གྱུར་པའམ། དེ་བས་ཆེ་བ་ནི་སྤང་བར་འགྱུར་རོ། ། བཙུན་པ་དགེ་སློང་གིས་དགེ་འདུན་ལ་ རྙེད་པ་བསྔོས་པར་འཚལ་བཞིན་དུ་བདག་ཉིད་ལ་བསྔོས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉིས་ཀ་མི་རུང་བར་གྱུར་པ་སྟེ། གཉིས་ཀ་མི་རུང་བ་ནི་རྔ་མོའི་ བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དེ་ལྟ་བུའི་གོས་ཤིག་བདག་ཉིད་ལ་བསྔོས་ཏེ་མངོན་དུ་གྲུབ་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཕ་དང་མ་ལ་གོས་བླངས་ན་སྤང་བར་ འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་ཕ་དང་མ་གཉིས་ཀྱིས་དགེ་འདུན་ལ་བསྔོས་པར་ཤེས་བཞིན་དུ་བདག་ཉིད་ལ་བསྔོས་ན་སྤང་བར་འགྱུར་རོ། ། བཙུན་པ་བསྙེན་པར་མ་རྫོགས་པར་བསླངས་ལ་བསྙེན་པར་མ་རྫོགས་པར་ཐོབ་ན་ཅིར་འགྱུར།

ཉེས་བྱས་སོ། ། བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་ཐོབ་ན་ཅིར་ འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་པ་བསྙེན་པར་རྫོགས་ནས་ཐོབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བསླངས་ལ་བསྙེན་པར་རྫོགས་པ་ན་ཐོབ་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པ་ན་བསླངས་ལ་བསྙེན་ པར་མ་རྫོགས་པར་ཐོབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་ལ་རྙེད་པ་བསྔོས་པར་འཚལ་བཞིན་དུ་བསྔོས་པར་འདུ་ཤེས་ཏེ་བདག་ཉིད་ལ་བསྔོས་ན་ཅིར་འགྱུར། སྤང་བར་འགྱུར་རོ། ། བསྔོས་པ་ལ་མ་བསྔོས་པར་འདུ་ཤེས་ན་ཉེས་པ་མེད་དོ། ། མ་བསྔོས་པ་ལ་བསྔོས་པར་འདུ་ཤེས་ན་ཉེས་བྱས་སོ། ། མ་བསྔོས་པ་ལ་མ་བསྔོས་པར་འདུ་ཤེས་ཏེ་ཐོབ་ན་ཉེས་པ་མེད་དོ། ། བཙུན་པ་དགེ་སློང་གིས་རྙེད་པ་དགེ་འདུན་ལ་བསྔོས་པར་འཚལ་བཞིན་དུ་བདག་ཉིད་ལ་བསྔོས་པ་དང་མཚན་འཕོས་ཏེ་དགེ་སློང་མར་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ།

། བཙུན་པ་དགེ་སློང་མས་རྙེད་པ་དགེ་འདུན་ལས་བསྔོས་པར་འཚལ་བཞིན་དུ་བདག་ཉིད་ལ་བསྔོས་པ་དང་མཚན་འཕོས་ཏེ་དགེ་སློང་དུ་གྱུར་ནས་ཐོབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་རྙེད་པ་ཁྱིམ་པ་ལ་བསྔོས་པ་བདག་ཉིད་ལ་བསྔོས་ ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དགེ་འདུན་ཕྱེ་བ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་དང་། ཉེ་བར་ཕྱོགས་པ་དང་། སྔོན་ཉེས་པ་བྱུང་བ་དང་། སྔོན་འཁྲུགས་པ་དང་། བསླབ་པ་སྩལ་བ་རྣམས་ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་ མངོན་དུ་གྲུབ་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་འགྲོ་བ་གཞན་དུ་གནས་པ་རྣམས་ལ་རྙེད་པ་བསྔོས་པ་བདག་ཉིད་ལས་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སུ་འགྱུར་རོ། །

བཙུན་པ་བསླབ་པ་སྩལ་བས་རྙེད་པ་དགེ་འདུན་ལ་བསྔོས་ པར་འཚལ་བཞིན་དུ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་ཞིག་གིས་དགེ་སློང་གཉིས་སམ་མང་པོ་རྣམས་ལ་རྙེད་པ་བསྔོས་པ་ལས་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་ སོ། ། དགེ་སློང་གིས་དགེ་འདུན་ནམ། དགེ་སློང་མའི་དགེ་འདུན་ནམ། དགེ་འདུན་གཉིས་ཀ་ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་གིས་དགེ་སློང་མ་ལ་རྙེད་པ་བསྔོས་པ་དང་། དགེ་སློབ་ མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློབ་མས་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ ལ་རྙེད་པ་བསྔོས་པ་བདག་ཉིད་ལ་བསྔོས་ཏེ་རྙེད་པ་མངོན་དུ་གྲུབ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཡང་ཉེས་བྱས་སུ་རྒྱས་པར་བརྗོད་པར་བྱའོ། ། ། །

མདོར་ན། མི་རུང་བ་དང་བཞི་པ་དག ། སྟོར་བ་ཚོལ་ བ་མཚན་དེ་བཞིན། ། དེ་ཉིད་དང་ནི་བདུན་པ་འབྱུང་། ། བྱིན་གྱིས་མ་བརླབས་བྱིན་གྱིས་བརླབས། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་སྨན་ཞག་བདུན་ལས་འདས་ན་སྤང་བའོ་ཞེས་གསུངས་ན། བཙུན་ པ་སྨན་ཞག་བདུན་ལས་འདས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྨན་མི་རུང་བར་གྱུར་པ་སྟེ། མི་རུང་བ་ནི་མི་རུང་བ་དང་འདྲེས་པ་དང་། གང་དགེ་སློང་རྣམས་ཀྱིས་སྤྱད་དུ་མི་རུང་བའོ། ། བཙུན་པ་དགེ་སློང་གིས་སྨན་རྙེད་ནས་ཞག་བདུན་ལོན་ལ་ཞག་ བདུན་ལོན་པར་ཡང་འདུ་ཤེས་ཏེ་སྐྱ་རེངས་ཤར་ན་ཅིར་འགྱུར། སྤང་བར་འགྱུར་རོ། ། ཞག་བདུན་ལོན་པ་ལ་ཞག་བདུན་མ་ལོན་པར་འདུ་ཤེས་ན་ཉེས་པ་མེད་དོ། ། ཞག་བདུན་མ་ལོན་པ་ལ་ཞག་བདུན་དུ་འདུ་ཤེས་ན་ཉེས་བྱས་སོ། ། ཞག་བདུན་མ་ལོན་པ་ལ་ཞག་བདུན་ མ་ལོན་པར་འདུ་ཤེས་ཏེ་སྐྱ་རེངས་ཤར་ན་ཉེས་པ་མེད་དོ། ། བཙུན་པ་དགེ་སློང་གིས་སྨན་སྤང་བ་ཞིག་སྟོར་ན་ལྟུང་བ་བཤགས་པར་བགྱིའམ། མི་བཤགས་པར་བགྱི། ཨུ་པཱ་ལི་བཤགས་པར་བྱའོ། ། ལྟུང་བ་བཤགས་ནས་སླར་རྙེད་ན་སྤང་བར་བགྱིའམ།

ཨུ་པཱ་ལི་ མི་བྱའོ། ། བཙུན་པ་དགེ་སློང་གིས་ནམ་འཚོའི་བར་དུ་སྨན་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཞག་བདུན་མ་ལོན་པར་དུས་བྱས་པའོ། ། བཙུན་པ་དགེ་སློང་གིས་སྨན་རྙེད་ནས་ཞག་བདུན་ལོན་པ་དང་། ཞག་བདུན་ལས་འདས་པ་ན་མཚན་ འཕོས་ཏེ་དགེ་སློང་མར་གྱུར་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་ཞག་བདུན་ལོན་པ་དང་སྨན་རྙེད་ནས་ཞག་བདུན་ལས་འདས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། སྤང་བར་འགྱུར་རོ། ། བཙུན་པ་སྨན་དེ་ཉིད་སྤང་བར་འགྱུར་ལ་དེ་ཉིད་སྤངས་ པར་འགྱུར་བ་ཡང་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གི་སྨན་དེ་ཞག་བདུན་ལས་འདས་ལ་དུས་ཀྱང་ཡོལ་བའོ། ། བཙུན་པ་བསྙེན་པར་མ་རྫོགས་པར་རྙེད་ལ་བསྙེན་པར་མ་རྫོགས་པར་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་ པར་རྙེད་ལ་བསྙེན་པར་རྫོགས་ཀར་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་རྙེད་ལ་བསྙེན་པར་རྫོགས་ནས་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ཀར་ཞག་བདུན་ ལས་འདས་ན་ཅིར་འགྱུར།

ཉེས་བྱས་སོ། ། བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ནས་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་རྙེད་ལ་བསྙེན་པར་རྫོགས་པ་ན་ཞག་བདུན་འདས་ན་ཅིར་འགྱུར། སྤང་བར་འགྱུར་རོ། ། བསྙེན་པར་རྫོགས་པ་ན་རྙེད་ལ་བསྙེན་པར་མ་རྫོགས་པར་ཞག་བདུན་འདས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྨན་རྙེད་པ་དང་ཞག་བདུན་ལོན་ནས་སེམས་འཁྲུགས་པར་གྱུར་ན་གང་ནས་བཟུང་སྟེ་ཞག་བདུན་དུ་བགྲང་བར་བགྱི། གང་གི་ཚེ་སེམས་སླར་རྙེད་པ་ནས་བཟུང་ངོ་། ། བཙུན་པ་སྔ་དྲོ་དང་། སླད་དྲོ་དང་། ཞག་བདུན་དང་། ནམ་འཚོའི་བར་གྱི་སྨན་གང་ཡིན་པ་དེ་དག་བྱིན་ལེན་མ་བགྱིས་བྱིན་གྱིས་མ་བརླབས་པར་བདག་གིའོ་ཞེས་བདག་གིར་བྱས་ཏེ་ཀུན་ཏུ་སྤྱད་པར་སྤྱོད་དུ་གནང་ངམ། ཨུ་པཱ་ལི་མི་ གནང་ངོ་། ། ཇི་ལྟར་ཡང་དེ་དགེ་སློང་གིས་སྨན་དེ་སྔ་དྲོའི་དུས་སུ་བྱིན་ལེན་བྱས་ན་ནི་སྔ་དྲོའི་དུས་སུ་ཡོངས་སུ་སྤྱད་པར་བྱའོ། ། ཕྱི་དྲོའི་དུས་སུ་བྱིན་ལེན་བྱས་ན་ནི་ཕྱི་དྲོའི་དུས་སུ་ཡོངས་སུ་སྤྱད་པར་བྱའོ། ། དེ་སྟེ་དུས་ལས་ཡོལ་ན་ཅིར་འགྱུར། སྤང་བར་འགྱུར་རོ། །

བཙུན་ པ་དགེ་སློང་གིས་སྨན་སྤངས་པ་ཞིག་བཙལ་ལམ་བྱིན་གྱིས་རློབ་ན་ཅིར་འགྱུར། ཉེས་བྱས་སོ། ། བཙུན་པ་སྔ་དྲོའི་དང་། ཕྱི་དྲོ་དང་། ཞག་བདུན་གྱི་དང་། ནམ་འཚོའི་བར་གྱི་སྨན་གང་ཡིན་པ་འདི་དག་བྱིན་ལེན་བགྱིས་ལ་བྱིན་གྱིས་བརླབས་ན་ འཚལ་དུ་གནང་ངམ། ཨུ་པཱ་ལི་གནང་སྟེ། སྔ་དྲོའི་ནི་སྔ་དྲོ་སྤྱད་པར་བྱ་སྟེ། དུས་ལས་ཡོལ་ན་སྤྱད་པར་མི་བྱའོ། ། ཕྱི་དྲོའི་ཡང་ཕྱི་དྲོ་སྤྱད་པར་བྱ་སྟེ། ཕྱི་དྲོ་ལས་ཡོལ་ན་སྤྱད་པར་མི་བྱའོ། ། ཞག་བདུན་པའི་ཡང་ཞག་བདུན་དུ་སྤྱད་པར་བྱ་སྟེ། ཞག་བདུན་ ལས་ཡོལ་ན་སྤྱད་པར་མི་བྱའོ། ། ནམ་འཚོའི་བར་གྱི་ཡང་ནམ་འཚོའི་བར་དུ་སྤྱད་པར་བྱའོ། ། དེ་སྟེ་སྤྱད་ན་ཅིར་འགྱུར། སྤངས་པ་སྤྱད་པའི་ཕྱིར་ལྟུང་བའོ། ། བཙུན་པ་དེ་སྟེ་བྱིན་གྱིས་བརླབས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་ སྨན་ཞག་བདུན་ལས་འདས་ན་ཅིར་འགྱུར། སྤང་བར་འགྱུར་རོ། ། བཙུན་པ་དགེ་སློང་མས་སྨན་ཞག་བདུན་ལས་འདས་ན་ཅིར་འགྱུར། སྤང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སུ་རྒྱས་པར་བརྗོད་པར་ བྱའོ། ། སྤང་བའི་ལྟུང་བ་རྫོགས་སོ། ། ། ། མདོར་ན།

ཕྲིན་པ་སྤྲིང་ཡིག་ལག་བརྡ་དང་། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ནད་པ་འོན་པ་གླེན་པ་དང་། ། གཉིད་ལོག་ར་རོ་མྱོས་པ་དང་། ། སྙོམས་ཞུགས་ འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་འཚལ་བཞིན་དུ་{བརྫུན་,རྫུན་}སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལས་{བརྫུན་,རྫུན་}སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་རྣམས་སོ། ། བཙུན་པ་དགེ་སློང་གིས་སྨྱོན་པ་ཞིག་ལ་{བརྫུན་,རྫུན་}སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་ དང་། ལྐུགས་པ་དང་། འོན་པ་དང་། གཉིད་ཀྱིས་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་{བརྫུན་,རྫུན་}སྨྲས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། དབེན་དང་སྐད་དང་བཞི་ པ་དང་། ། མུ་སྟེགས་ཅན་དང་མི་སྨྲ་དང་། ། མཚན་དང་བདུན་པ་དེ་བཞིན་ཏེ། །

ལུས་དང་སློབ་དང་དགེ་སློང་མ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་{བརྫུན་,རྫུན་}དུ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་འཕགས་པས་ འཕགས་པའི་སྐད་དུ་མཐའ་འཁོབ་པ་ལ་{བརྫུན་,རྫུན་}སྨྲས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་འཕགས་པ་ཞིག་ལ་{བརྫུན་,རྫུན་}སྨྲས་པ་དང་། འཕགས་པ་དེས་ཀྱང་མཐའ་ འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་འཕགས་པ་ལ་{བརྫུན་,རྫུན་}སྨྲས་པ་དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་ པའི་སྐད་དུ་མཐའ་འཁོབ་པ་ལ་{བརྫུན་,རྫུན་}སྨྲས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་{བརྫུན་,རྫུན་}དུ་སྨྲས་ན་ཅིར་འགྱུར། ལྟུང་བའོ། ། མི་ལ་མི་མ་ཡིན་པར་འདུ་ ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །

མི་མ་ལགས་པ་ལ་མི་མ་ལགས་པར་འདུ་ཤེས་ཏེ་{བརྫུན་,རྫུན་}སྨྲ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་ཁྱོད་སུ་ཞེས་དྲིས་པ་དང་། དེས་ འདི་སྐད་དུ་མུ་སྟེགས་ཅན་ནོ། ། ཞེས་སྨྲས་ན་བསླབ་པ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ་ཤེས་བཞིན་དུ་{བརྫུན་,རྫུན་}སྨྲས་པས་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློང་ལ་ཅི་ཁྱོད་མུ་སྟེགས་ཅན་ཡིན་ནམ་ཞེས་དྲིས་ན། མི་སྨྲ་བས་ཁས་བླངས་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་{བརྫུན་,རྫུན་}སྨྲ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བར་འགྱུར་རོ། ། བཙུན་པ་དགེ་སློང་མས་{བརྫུན་,རྫུན་}དུ་སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་བསྙེན་པར་མ་རྫོགས་པར་{བརྫུན་,རྫུན་}སྨྲ་བར་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ ནས་བསྙེན་པར་རྫོགས་ཏེ་སྨྲས་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཏེ་བཤམས་ལ་བསྙེན་པར་རྫོགས་ཏེ་སྨྲས་ན་ཅིར་འགྱུར། ལྟུང་བའོ། ། བསྙེན་པར་རྫོགས་ཏེ་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་ཅི་ཁྱོད་ཀྱིས་འདི་ཞེས་བྱ་བ་མཐོང་ ངམ་ཞེས་དྲིས་པ་དང་། དེས་མ་མཐོང་བར་ལུས་ཀྱི་དམིགས་པས་མཐོང་ངོ་ཞེས་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་{བརྫུན་,རྫུན་}སྨྲས་ན་ཅིར་འགྱུར། ལྟུང་བར་འགྱུར་རོ། ། བཙུན་པ་དགེ་སློང་མས་{བརྫུན་,རྫུན་}སྨྲས་ན་ཅིར་འགྱུར། ལྟུང་བའོ། ། དགེ་སློབ་ མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། གཉིད་ལོག་པ་དང་ར་རོ་དང་། ། མྱོས་པ་སྙོམས་ཞུགས་ ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་མིའི་སྐྱོན་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། ། ཕྲིན་ གྱིས་ཇི་ལྟ་བ་དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་ དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་རྣམས་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཐམས་ཅད་ཉེས་བྱས་སོ། ། བཙུན་པ་དགེ་སློང་གིས་འགྲོ་བ་གཞན་དུ་གནས་པ་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། ། ། ། མདོར་ན། སྐད་དང་ལུས་དང་དེ་བཞིན་དབེན། ། མཚན་དང་བཞི་པ་བདུན་པ་དང་། ། ཁྱིམ་པ་དག་ལ་སོགས་པ་རྣམས། ། བསླབ་པ་བྱིན་ དང་དགེ་སློང་མའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་མཐའ་འཁོབ་པ་ལ་མིའི་སྐྱོན་གྱི་ཚིག་སྨྲས་པ་དང་།

མཐའ་འཁོབ་པ་དེས་འཕགས་པའི་སྐད་མ་འཚལ་ན་ཅིར་འགྱུར། ། ཉེས་བྱས་སོ། ། འཕགས་པས་མཐའ་འཁོབ་པའི་སྐད་ དུ་འཕགས་པ་ལ་མིའི་སྐྱོན་གྱི་ཚིག་སྨྲས་པ་དང་། འཕགས་པ་དེས་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་འཕགས་པ་ལ་མིའི་སྐྱོན་གྱི་ཚིག་སྨྲས་པ་དང་། འཕགས་པ་དེས་ཀྱང་མཐའ་ འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་མཐའ་འཁོབ་པ་ལ་མིའི་སྐྱོན་གྱི་ཚིག་སྨྲས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་ལུས་ ཀྱིས་དམིགས་པས་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དབེན་པ་ལ་མི་དབེན་པར་འདུ་ཤེས་ཏེ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་མིའི་སྐྱོན་གྱི་ཚིག་སྨྲ་བ་ན་མཚན་འཕོས་ཏེ་དགེ་ སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་སློང་མ་ལ་མིའི་སྐྱོན་གྱི་ཚིག་སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་ པར་རྫོགས་པར་འདུ་ཤེས་ཏེ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ ན་ཅིར་འགྱུར། ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ། ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། ། མི་ལ་མི་མ་ཡིན་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་བསྙེན་པར་མ་རྫོགས་པར་མིའི་ སྐྱོན་གྱི་ཚིག་སྨྲ་བར་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་ རྫོགས་ཏེ་སྨྲས་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ཏེ་སྨྲས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པར་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་ལ་མིའི་སྐྱོན་གྱི་ཚིག་ སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མ་ནིང་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། ཟ་མ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་ རྣམས་ལ་མིའི་སྐྱོན་གྱི་ཚིག་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་།

བསླབ་པ་སྩལ་བའི་དགེ་སློང་རྣམས་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། ། བཙུན་ པ་བསླབ་པ་སྩལ་བས་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་ རོ། ། བཙུན་པ་དགེ་སློང་མས་དགེ་སློང་མ་ལ་མིའི་སྐྱོན་གྱི་ཚིག་སྨྲས་ན་ཅིར་འགྱུར། ལྟུང་བའོ། ། དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ལ་མིའི་སྐྱོན་གྱི་ཚིག་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལའང་ཉེས་བྱས་སུ་རྒྱས་པར་བརྗོད་པར་བྱའོ། ། ཇི་ལྟར་མིའི་སྐྱོན་སྨྲ་བ་དེ་བཞིན་དུ་ཕྲ་མ་སྨྲ་བ་ལ་ཡང་གཞུང་རྒྱས་པར་བྱའོ། ། ། ། མདོར་ན། སྐད་དང་ལུས་དང་དབེན་པ་དང་། ། མཚན་དང་བཞི་ དང་བདུན་པ་དང་། ། ཁྱིམ་པ་དག་ལ་སོགས་པ་རྣམས། ། བསླབ་པ་བྱིན་པ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་འདུས་པས་ཆོས་བཞིན་དུ་རྩོད་པ་ཞི་ བར་བགྱིས་པར་འཚལ་བཞིན་དུ་ཡང་ཕྱིས་ལས་ཀྱིས་བསྐྱོས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཆོས་བཞིན་གྱིས་རྩོད་པ་ཞི་བར་བགྱིས་པ་ལ་ལས་ཀྱིས་བསྐྱོས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ ཡང་དེ་ནི་སྔོན་ཉེས་པ་བྱུང་བ་དང་། སྔར་འཁྲུགས་པ་དང་། མི་གནས་པ་རྣམས་ཀྱིས་ཆོས་བཞིན་དུ་རྩོད་པ་ཞི་བར་བྱས་པ་ལ་ཕྱིས་ལས་ཀྱིས་བསྐྱོས་ན་ཉེས་བྱས་སུ་འགྱུར་རོ། ། བཙུན་པ་ཆོས་བཞིན་དུ་རྩོད་པ་ཞི་བར་བགྱིས་པ་ལ་དགེ་སློང་འཕགས་པས་འཕགས་པའི་སྐད་ དུ་ཕྱིས་ཡང་ལས་ཀྱིས་བསྐྱོས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། ཆོས་བཞིན་དུ་ཞི་བར་གྱུར་པའི་འཕགས་པས་མཐའ་འཁོབ་པའི་སྐད་དུ་འཕགས་པ་ལ་ཕྱིས་ལས་ཀྱིས་བསྐྱོས་པ་དང་། འཕགས་པ་དེས་ཀྱང་ མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། ཆོས་བཞིན་དུ་རྩོད་པ་ཞི་བར་གྱུར་པའི་འཕགས་པ་ལ་མཐའ་འཁོབ་པས་མཐའ་འཁོབ་པའི་སྐད་དུ་ཕྱིས་ལས་ཀྱིས་བསྐྱོས་པ་དང་།

འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། ཆོས་བཞིན་དུ་རྩོད་པ་ཞི་བར་གྱུར་པའི་མཐའ་འཁོབ་པ་ལ་མཐའ་འཁོབ་པས་འཕགས་པའི་སྐད་དུ་ཕྱིས་ལས་ཀྱིས་བསྐྱོས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཆོས་བཞིན་ དུ་རྩོད་པ་ཞི་བར་གྱུར་ལ་ཕྱིས་ལས་ཀྱིས་དམིགས་པས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་རྩོད་པ་ཆོས་བཞིན་དུ་ཞི་བར་བགྱིས་པར་འཚལ་བཞིན་དུ་དབེན་པ་ལ་མི་དབེན་པར་འདུ་ཤེས་ཏེ་བསྐྱོས་ན་ཅིར་འགྱུར། ཉེས་བྱས་ སོ། ། བཙུན་པ་དགེ་སློང་གིས་ཆོས་བཞིན་དུ་རྩོད་པ་ཞི་བར་གྱུར་པ་ལ་ཕྱིས་ལས་དེ་བསྐྱོ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བར་འགྱུར་རོ། ། བཙུན་པ་དགེ་སློང་མས་ཆོས་བཞིན་དུ་རྩོད་པ་ཞི་བར་འགྱུར་བ་ལ་ཕྱིས་ལས་དེ་བསྐྱོ་བར་བགྱིད་པ་ ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བར་འགྱུར་རོ། །

བཙུན་པ་དགེ་སློང་གིས་ཆོས་བཞིན་དུ་རྩོད་པ་ཞི་བར་གྱུར་པ་ལ་ཆོས་བཞིན་དུ་རྩོད་པར་འདུ་ཤེས་ཏེ་ཕྱིས་ལས་ཀྱིས་བསྐྱོས་ན་ཅིར་འགྱུར། ལྟུང་བར་འགྱུར་རོ། ། ཆོས་བཞིན་དུ་རྩོད་པ་ ལ་ཆོས་བཞིན་མ་ལགས་པར་འདུ་ཤེས་ཏེ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། ཆོས་བཞིན་དུ་རྩོད་པ་མ་ལགས་པ་ལ་ཆོས་བཞིན་དུ་རྩོད་པར་འདུ་ཤེས་ཏེ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། ཆོས་བཞིན་དུ་རྩོད་པ་མ་ལགས་པ་ལ་ ཆོས་བཞིན་དུ་རྩོད་པ་མ་ལགས་པར་འདུ་ཤེས་ཏེ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ཆོས་བཞིན་དུ་རྩོད་པ་ཞི་བ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ལྟུང་ བར་འགྱུར་རོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཆོས་བཞིན་དུ་རྩོད་པ་ཞི་བ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་རྩོད་པ་ཆོས་བཞིན་དུ་ཞི་བ་ལ་ཕྱིས་ ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། །

བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཆོས་བཞིན་དུ་རྩོད་པ་ཞི་བ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པས་ཆོས་བཞིན་དུ་རྩོད་པ་ ཞི་བ་ལ་ཕྱིས་ལས་ཀྱིས་བསྐྱོས་པར་བཤམས་ནས་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ནས་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་ བཤམས་ལ་བསྙེན་པར་རྫོགས་ཏེ་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་ལགས་ན་ཅིར་འགྱུར། ཉེས་ བྱས་སོ། ། བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་ལགས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ལགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་ པའི་རྩོད་པ་ཆོས་བཞིན་དུ་གྱུར་པ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཟ་མ་དང་། མ་ནིང་དང་། མཚན་གཉིས་པ་དང་།

དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་ གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ཀྱི་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་ཀྱིས་བསྐྱོས་ན་ ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བྱས་པ་དང་། ཉེ་བར་སོང་བ་དང་། བསླབ་པ་བྱིན་པ་རྣམས་ཀྱི་རྩོད་པ་ཆོས་བཞིན་དུ་རྩོད་པ་ཞི་བར་གྱུར་པ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ལྟུང་བའོ། ། ། ། མདོར་ན། ཕྲིན་པ་སྤྲིང་ ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སེམས་འཁྲུགས་པ་དང་ན་བ་དང་། ། འོན་པ་དག་དང་འགྲོ་བའོ། ། བཙུན་པ་དགེ་སློང་གིས་དགེ་སློང་གི་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ཕྲིན་གྱིས་བསྐྱོས་ན་ཅིར་འགྱུར། ཉེས་བྱས་སོ། ། དེ་ བཞིན་དུ་སྤྲིང་ཡིག་དང་ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་སྨྱོན་པའི་རྩོད་པ་ཆོས་བཞིན་དུ་ཞི་བར་གྱུར་པ་ལས་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ཀྱི་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་ཀྱིས་བསྐྱོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་ པ་དགེ་སློང་གིས་དགེ་སློང་མའི་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྐྱོས་ན་ཐམས་ཅད་ཉེས་བྱས་སུ་འགྱུར་རོ། ། དགེ་སློང་མས་དགེ་སློང་ མའི་ལས་ཀྱིས་བསྐྱོས་ན་ལྟུང་བར་འགྱུར་རོ། ། དགེ་སློང་མས་དགེ་ཚུལ་ཕ་དང་། དགེ་སློབ་མ་དང་། དགེ་ཚུལ་མ་རྣམས་ཀྱིས་བསྐྱོས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་རྩོད་པ་ཆོས་བཞིན་དུ་ཞི་བར་གྱུར་པ་ལ་ཕྱིས་ལས་ ཀྱིས་བསྐྱོས་ན་ཅིར་འགྱུར། ལྟུང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སུ་རྒྱས་པར་བརྗོད་པར་བྱའོ། ། ། ། མདོར་ན།

ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་ དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། གཉིད་ལོག་ར་རོ་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་རིག་པའི་ སྐྱེས་པ་མེད་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རིག་པའི་སྐྱེས་པ་མ་མཆིས་པར་ཕྲིན་པ་ལས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་རྣམས་སོ། ། བཙུན་པ་དགེ་སློང་གིས་སྨྱོན་མ་ལ་རིག་པའི་སྐྱེས་པ་མ་མཆིས་པར་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། ། དེ་བཞིན་དུ་ སེམས་འཁྲུགས་པ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། གཉིད་ཀྱིས་ལོག་པ་དང་། ར་རོ་བ་དང་། མྱོས་མ་དང་། སྙོམས་པར་ཞུགས་མ་དང་།

འགྲོ་བ་གཞན་དུ་གནས་པ་རྣམས་ལ་བཤད་ན་ཐམས་ཅད་ཀྱང་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་རིག་པའི་སྐྱེས་པ་སྨྱོན་པ་ཞིག་དང་ཚིག་ལྔའམ་དྲུག་ལས་ལྷག་པར་བུད་མེད་ལ་ཆོས་བཤད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། མྱོས་པ་དང་། སྙོམས་པར་ཞུགས་པ་དང་། དམུས་ལོང་དང་། མཐའ་འཁོབ་པ་དང་། འགྲོ་བ་གཞན་དུ་གནས་པའི་རིག་པའི་སྐྱེས་པ་ཞིག་དང་ཆོས་བཤད་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། དེ་ལྟར་ཟ་མ་མ་ནིང་མ། ། མཚན་དང་བཞི་པ་དེ་བཞིན་དུ། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། བུད་མེད་དེས་ཀྱང་འཕགས་ པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། བུད་མེད་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར།

ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། བུད་མེད་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་ རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། བུད་མེད་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་གཡོག་མཐའ་འཁོབ་པ་དང་ལྷན་ཅིག་ ཏུ་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་གཡོག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་འཕགས་པས་འཕགས་པའི་སྐད་དུ་གཡོག་མཐའ་འཁོབ་པ་དང་ལྷན་ཅིག་ཏུ་ཆོས་བཤད་ན་ཉེས་བྱས་སུ་འགྱུར་རོ། ། མཐའ་ འཁོབ་པས་མཐའ་འཁོབ་པའི་སྐད་དུ་གཡོག་འཕགས་པ་དང་ལྷན་ཅིག་ཏུ་ཆོས་བཤད་ན་ཉེས་བྱས་སུ་འགྱུར་རོ། ། མཐའ་འཁོབ་པས་འཕགས་པའི་སྐད་དུ་གཡོག་མཐའ་འཁོབ་པ་དང་ལྷན་ཅིག་ཏུ་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་པ་དང་། གཡོག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ལུས་ཀྱི་དམིགས་པས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་དབེན་ པར་འདུ་ཤེས་ཏེ་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཡོག་མ་ནིང་དང་ལྷན་ཅིག་ཏུ་བུད་མེད་ལ་ཆོས་བཤད་ན་ཅིར་འགྱུར། ཉེས་བྱས་སོ། ། དེ་བཞིན་དུ་གཡོག་ཟ་མ་དང་མཚན་གཉིས་པ་དང་ ལྷན་ཅིག་ཏུ་བུད་མེད་ལ་ཆོས་བཤད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རིག་པའི་སྐྱེས་པ་མ་མཆིས་པར་མ་ནིང་མོ་ལ་ཆོས་བཤད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་འཆད་ པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་སྐྱེས་པ་ལ་ཆོས་འཆད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བུད་མེད་ལ་བུད་མེད་དུ་འདུ་ཤེས་ཏེ་ཚིག་ལྔའམ་དྲུག་ལས་ ལྷག་པར་ཆོས་བཤད་ན་ཅིར་འགྱུར། ལྟུང་བའོ། ། བུད་མེད་ལ་བུད་མེད་མ་ཡིན་པར་འདུ་ཤེས་ན་ཉེས་པ་མེད་དོ། །

བུད་མེད་མ་ཡིན་པ་ལ་བུད་མེད་དུ་འདུ་ཤེས་ན་ཉེས་བྱས་སོ། ། བུད་མེད་མ་ཡིན་པ་ལ་བུད་མེད་མ་ཡིན་པར་འདུ་ཤེས་ཏེ་ཚིག་ལྔའམ་དྲུག་ལས་ལྷག་པར་ ཆོས་བཤད་ན་ཉེས་པ་མེད་དོ། ། བཙུན་པ་དགེ་སློང་གིས་མིའི་བུད་མེད་ལ་མིའི་བུད་མེད་དུ་འདུ་ཤེས་ཏེ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ལྟུང་བའོ། ། མི་ལ་མི་མ་ཡིན་པར་འདུ་ཤེས་ན་ཉེས་བྱས་སོ། ། མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་ འགྱུར་རོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སོ། ། བཙུན་པ་དགེ་སློང་གིས་གཡོག་མི་ལ་མིར་འདུ་ཤེས་ཏེ་བུད་མེད་ལ་ཆོས་བཤད་ན་ཅིར་འགྱུར། ཉེས་པ་མེད་དོ། ། མི་ལ་མི་མ་ལགས་པར་འདུ་ཤེས་ཏེ་ཆོས་བཤད་ན་ཅིར་འགྱུར། ཉེས་ བྱས་སོ། ། མི་མ་ལགས་པ་ལ་མིར་འདུ་ཤེས་ཏེ་བཤད་ན་ཅིར་འགྱུར། ཉེས་པ་མེད་དོ། ། མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བཤད་ན་ཅིར་འགྱུར། ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་བུད་མེད་ལ་ཚིག་ལྔའམ་དྲུག་ལས་ལྷག་པར་ཆོས་ བཤད་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་སྐྱེས་པ་ལ་ཚིག་ལྔའམ་དྲུག་ལས་ལྷག་པར་ཆོས་བཤད་ན་ཅིར་འགྱུར། ལྟུང་བའོ། ། དགེ་སློབ་མ་དང་།

དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་རྒྱས་པར་བརྗོད་པར་བྱའོ། ། ། ། མདོར་ན། སྨྱོན་ པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བ་དང་། ། ཁྱིམ་པ་དེ་བཞིན་ཚིག་རྣམས་དང་། ། མཚན་ཀྱང་དེ་ལྟར་དགེ་སློང་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བསྙེན་པར་མ་ རྫོགས་པའི་གང་ཟག་དང་ཚིག་མཉམ་དུ་ཆོས་བཀླགས་ན་ལྟུང་བར་འགྱུར་རོ་ཞེས་གསུངས་པ་ན། བཙུན་པ་དགེ་སློང་གིས་སྨྱོན་པ་དང་ཚིག་མཉམ་དུ་ཆོས་བཀླགས་ན་ཅིར་འགྱུར་ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་ དང་། འོན་པ་དང་། དེ་བཞིན་དུ་འགྲོ་བ་གཞན་དུ་གནས་པ་དག་དང་ཚིག་མཉམ་དུ་ཆོས་བཀླགས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཁྱིམ་པ་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ། ། ཟ་མ་དང་མ་ནིང་དང་ཚིག་མཉམ་ དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློང་མ་སུན་ཕྱུང་བ་དང་ཕ་དང་མ་བསད་པ་དང་། དགྲ་བཅོམ་པ་བསད་པ་དང་།

དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་མུ་སྟེགས་ཅན་དུ་སོང་བ་དང་། རྐུན་གནས་པ་དང་སོ་སོར་གནས་པ་དང་། སྔོན་ཉེས་པ་བྱུང་བ་དང་། སྔར་འཁྲུགས་པ་རྣམས་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་བསླབ་ པ་སྩལ་བ་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ཉེས་བྱས་སོ། ། འཕགས་པས་འཕགས་པའི་སྐད་དུ་དགེ་སློང་དང་ཚིག་མཉམ་དུ་ཆོས་བཀླགས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་ པས་མཐའ་འཁོབ་པའི་སྐད་དུ་དགེ་སློང་དང་ཚིག་མཉམ་དུ་ཆོས་བཀླགས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་དང་ཚིག་མཉམ་དུ་ཆོས་བཀླགས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་དགེ་སློང་དང་ཚིག་མཉམ་དུ་ཆོས་བཀླགས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་བསྙེན་པར་མ་རྫོགས་པའི་གང་ཟག་དང་ཚིག་མཉམ་དུ་ཆོས་ཀློག་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་བསྙེན་པར་མ་རྫོགས་པའི་གང་ཟག་དང་ཚིག་མཉམ་དུ་ཆོས་ཀློག་པ་ན་མཚན་འཕོས་ཏེ་ དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་ངམ་དགེ་སློང་མས་བསྙེན་པར་མ་རྫོགས་པའི་གང་ཟག་དང་ཚིག་མཉམ་དུ་ཆོས་ཀློག་པ་དང་བསྙེན་པར་མ་རྫོགས་པ་དེ་ཡང་མཚན་འཕོས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་བསྙེན་པར་ མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཚིག་མཉམ་དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བཀླགས་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་བཀླགས་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་འདུ་ཤེས་ཏེ་བཀླགས་ན་ཅིར་འགྱུར། ཉེས་བྱས་སོ། །

མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་མ་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་ཚིག་མཉམ་དུ་ཆོས་བཀླགས་ན་ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་མས་བསྙེན་པར་མ་རྫོགས་པའི་གང་ཟག་དང་ཚིག་མཉམ་ དུ་བཀླགས་ན་ཅིར་འགྱུར། ལྟུང་བའོ། ། དགེ་སློང་མ་དང་དགེ་སློང་ཚིག་མཉམ་དུ་ཆོས་ཀློག་ན་ཉེས་བྱས་སུ་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཀློག་ན་ལྟུང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། བཙུན་པ་བསླབ་པ་སྩལ་བས་བསྙེན་པར་མ་རྫོགས་པའི་གང་ཟག་དང་ཚིག་མཉམ་དུ་ཆོས་བཀླགས་ན་ཅིར་འགྱུར། ལྟུང་བར་འགྱུར་རོ། ། ། ། འདུལ་བ་གཞུང་དམ་པ། བམ་པོ་དྲུག་པ། མདོར་ན། ཕྲིན་ པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། འོན་པ་གླེན་པ་གཉིད་ལོག་རྣམས། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། །

སངས་རྒྱས་བཅོམ་ལྡན་འདས་ལ་ཚེ་ དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་སྡོམ་པ་སྩལ་བ་མ་གཏོགས་པར་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ནོངས་པ་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ བསྙེན་པར་མ་རྫོགས་པའི་གང་ཟག་ལ་ཕྲིན་པ་ལས་གནས་ངན་ལེན་གྱི་ནོངས་པ་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་ རོ། ། བཙུན་པ་དགེ་སློང་གིས་སྨྱོན་པ་ལ་གནས་ངན་ལེན་གྱི་ནོངས་པ་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། དིག་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་གནས་ངན་ལེན་གྱི་ནོངས་པ་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། ཚིག་དང་ལུས་དང་དབེན་དེ་ལྟར། ། བཞི་པ་མཚན་ཀྱང་དེ་བཞིན་ཏེ། ། བསྐོས་དང་བདུན་པ་བདག་ཉིད་དང་། ། ཁྱིམ་པ་དག་དང་དགེ་སློང་མའོ། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་འཕགས་པས་འཕགས་པའི་སྐད་དུ་མཐའ་འཁོབ་པ་ལ་གནས་ངན་ལེན་གྱི་ནོངས་པ་སྨྲས་ པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་འཕགས་པ་ལ་སྨྲས་པ་དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་ སོ། ། མཐའ་འཁོབ་པས་མཐའ་འཁོབ་པའི་སྐད་དུ་འཕགས་པ་ལ་སྨྲས་པ་དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་མཐའ་འཁོབ་པ་ལ་སྨྲས་པ་དང་། མཐའ་ འཁོབ་པ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་གནས་ངན་ལེན་གྱི་ནོངས་པ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དབེན་པ་ལ་མི་དབེན་པར་འདུ་ཤེས་ཏེ་གནས་ངན་ལེན་གྱི་ཉེས་ པ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་གནས་ངན་ལེན་གྱི་ནོངས་པ་སྨྲས་ན་ཅིར་འགྱུར། ལྟུང་བའོ། །

བསྙེན་པར་མ་རྫོགས་པ་ལ་བསྙེན་པར་ རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྨྲས་ན་ཉེས་པ་མེད་དོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་ སོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་སྨྲས་ན་ཅིར་འགྱུར། ལྟུང་བར་འགྱུར་རོ། ། མི་ལ་མི་མ་ལགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་མ་རྫོགས་པ་ལ་གནས་ངན་ལེན་གྱི་ཉེས་པ་སྨྲ་བ་ན་འཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བར་འགྱུར་རོ། ། བཙུན་ པ་དགེ་སློང་མས་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ཉེས་པ་ཞིག་སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བར་འགྱུར་རོ། །

བཙུན་པ་གང་བཅོམ་ལྡན་འདས་ཀྱིས་ཡང་དགེ་སློང་གིས་དགེ་འདུན་གྱིས་སྩལ་བ་མ་ གཏོགས་པར་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ཉེས་པ་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་འདུན་གྱིས་མ་བསྐོས་པའི་དགེ་སློང་གིས་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ཉེས་པ་སྨྲས་ཀྱང་ནོངས་པར་མི་ འགྱུར་བ་མཆིས་སམ། ཨུ་པཱ་ལི་ཡོད་དེ། གང་ཟག་འདི་བཞིའོ། ། འདི་ལྟ་སྟེ། གང་ཟག་གང་ཉེས་པའི་མཐར་བྱ་བ་དང་། རིགས་ཀྱི་མཐར་བྱ་བའི་སྦྱིན་པའང་ཡོད། གང་ཟག་གང་ཉེས་པའི་མཐར་བྱ་བ་དང་རིགས་ཀྱི་མཐར་བྱ་བ་མེད་པའི་སྦྱིན་པ་ཡང་ ཡོད། གང་ཟག་གང་རིགས་ཀྱི་མཐར་བྱ་བ་དང་ཉེས་པའི་མཐར་བྱ་བ་མེད་པའི་སྦྱིན་པའང་ཡོད། གང་ཟག་གང་ཉེས་པའི་མཐར་བྱ་བ་ཡང་མེད་རིགས་ཀྱི་མཐར་བྱ་བ་ཡང་མེད་པའི་སྦྱིན་པ་ཡང་ཡོད་དོ། ། ཉེས་པའི་མཐར་བྱ་བ་དང་། རིགས་ཀྱི་མཐར་བྱ་བའི་ སྦྱིན་པ་གང་ཞེ་ན། ཉེས་པ་ཆུང་ངུ་གང་གིས་རིགས་མང་དུ་སུན་ཕྱུང་བའོ། ། ཉེས་པའི་མཐར་བྱ་བ་དང་རིགས་ཀྱི་མཐར་བྱ་བ་མེད་པའི་སྦྱིན་པ་གང་ཞེ་ན། གང་གིས་ཉེས་པ་ཆུང་ངུས་རིགས་མང་དུ་སུན་པའོ། །

རིགས་ཀྱི་མཐར་བྱ་བ་དང་ཉེས་པའི་མཐར་བྱ་བ་མེད་ པའི་སྦྱིན་པ་གང་ཞེ་ན། གང་གིས་ཉེས་པ་ཆེན་པོས་རིགས་ཉུང་ངུས་སུན་པའོ། ། ཉེས་པའི་མཐར་བྱ་བ་ཡང་མེད་རིགས་ཀྱི་མཐར་བྱ་བ་མེད་པའི་སྦྱིན་པ་གང་ཞེ་ན། གང་གིས་ཉེས་པ་ཆེན་པོས་རིགས་མང་དུ་སུན་པའོ། ། གང་ཟག་གང་ལ་ཉེས་པའི་མཐར་བྱ་བ་དང་། རིགས་ཀྱི་མཐར་བྱ་བ་སྦྱིན་པ་ནི་དེ་ལ་ཉེས་པ་ཇི་ཙམ་པ་དང་རིགས་ཇི་སྙེད་དུ་སོ་སོར་རིག་པ་དེ་དག་ལ་བསྒོ་བར་བྱའོ། ། དེ་ལས་ལྷག་པར་བསྒོ་ན་ལྟུང་བར་འགྱུར་རོ། ། གང་ཟག་གང་ལ་ཉེས་པའི་མཐར་བྱའི་རིགས་ཀྱི་མཐར་བྱ་བ་མེད་པ་སྦྱིན་པ་ནི་དེའི་ཉེས་པ་ཇི་ཙམ་པ་དང་། རིགས་ཇི་སྙེད་ཀྱིས་སོ་སོར་རིག་པ་ཐམས་ཅད་ལ་བསྒོ་བར་བྱའོ། ། དེ་ལས་ལྷག་པར་བསྒོ་ན་ལྟུང་བར་འགྱུར་རོ། ། གང་ཟག་གང་ལ་རིགས་ཀྱི་མཐར་བྱ་བའི་ཉེས་པའི་མཐར་བྱ་བ་མེད་པ་སྦྱིན་པ་ནི་དེ་ལ་ཉེས་པ་ཐམས་ཅད་བསྒོ་བར་བྱ་བའི་རིགས་ཀྱིས་སོ་སོ་ ནས་རིག་པ་དེ་དག་ཐམས་ཅད་ལ་ནི་བསྒོ་བར་མི་བྱའོ། ། དེ་ལས་ལྷག་པར་བསྒོ་ན་ལྟུང་བར་འགྱུར་རོ། །

གང་ཟག་གང་ལ་ལྟུང་བའི་མཐར་ཡང་བྱ་བ་མེད་ལ་རིགས་ཀྱི་མཐར་ཡང་བྱ་བ་མེད་པ་སྦྱིན་པ་ནི་དེའི་ཉེས་པ་ཐམས་ཅད་དང་རིགས་ཇི་སྙེད་ཀྱིས་སོ་སོར་ རིག་པ་དེ་དག་ཐམས་ཅད་ལ་བསྒོ་བར་བྱ་སྟེ། བསྒོ་ཡང་ལྟུང་བ་མེད་དོ། ། བཙུན་པ་བསྙེན་པར་མ་རྫོགས་པས་བསྙེན་པར་མ་རྫོགས་པའི་གང་ཟག་ལ་གནས་ངན་ལེན་གྱི་ནོངས་པ་སྨྲ་བར་བཤམས་ནས་བསྙེན་པར་མ་རྫོགས་པར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བཤམས་ལ་ བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བདག་ཉིད་ཀྱི་གནས་ངན་ལེན་གྱི་ནོངས་པ་བསྙེན་པར་མ་ རྫོགས་པ་ལ་སྨྲས་ན་ཅིར་འགྱུར། ཉེས་བྱས་སོ། །

དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་ཟ་མ་ལ་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་མ་ནིང་དང་། མ་ནིང་མོ་རྣམས་དང་། མཚན་གཉིས་པ་ལ་སྨྲས་ན་ཐམས་ ཅད་ཉེས་བྱས་སོ། ། དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་དགེ་སློང་མ་སུན་ཕྱུང་བ་ལ་སྨྲས་ན་ཅིར་འགྱུར། ལྟུང་བའོ། ། དེ་བཞིན་དུ་ཕ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་ སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ལ་སྨྲས་ན་ཐམས་ཅད་ལྟུང་བར་འགྱུར་ རོ། ། དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་དགེ་འདུན་གྱི་དབྱེན་བྱས་པ་དང་། ཉེ་བར་ཕྱོགས་པ་དང་། བསླབ་པ་བྱིན་པ་རྣམས་ཀྱི་དགེ་སློང་དང་། དགེ་སློང་མ་རྣམས་ལ་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། དགེ་སློབ་ མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་སྨྲས་ན་ཐམས་ཅད་ལྟུང་བར་འགྱུར་རོ། ། དགེ་སློང་མས་དགེ་སློང་མའི་གནས་ངན་ལེན་གྱི་ནོངས་པ་བསྙེན་པར་མ་རྫོགས་པ་ལ་སྨྲས་ན་ཅིར་འགྱུར།

ལྟུང་བའོ། ། དགེ་སློང་གིས་དགེ་སློང་མ་ ལ་སྨྲས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་སྨྲས་ན་ཐམས་ཅད་ལྟུང་བར་འགྱུར་རོ། ། བཙུན་པ་བསླབ་པ་སྩལ་བས་གནས་ངན་ལེན་གྱི་ནོངས་པ་བསྙེན་པར་མ་རྫོགས་པ་ལ་སྨྲས་ན་ ཅིར་འགྱུར། ལྟུང་བའོ། ། དེ་བཞིན་དུ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཡང་ཐམས་ཅད་ཉེས་བྱས་སུ་རྒྱས་པར་བརྗོད་པར་བྱའོ། ། སངས་རྒྱས་སྟོན་པའོ་ཞེས་བྱ་བ་མ་གཏོགས་པ་མི་ལས་བླ་མར་གྱུར་པའི་ཆོས་ཡང་དག་ པར་སྨྲས་ན་ཕས་ཕམ་པ་བཤད་པ་ལས་རིམ་པར་དབྱེའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། གཉིད་ལོག་ར་རོ་མྱོས་ པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་སྔར་ཡིད་མཐུན་པར་བགྱིས་པ་ལས་ཕྱིས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་ པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་མཆི་ན་ལྟུང་བར་འགྱུར་རོ་ཞེས་གསུངས་ན།

བཙུན་པ་དགེ་སློང་གིས་ཕྲིན་པ་ལས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་སྐད་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་ བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། དིག་པ་དང་། འོན་པ་དང་། གཉིད་ལོག་པ་དང་། མྱོས་པ་དང་། སྙོམས་པར་ཞུགས་ པ་དང་། འགྲོ་བ་གཞན་དུ་གནས་པ་རྣམས་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། མཚན་དང་ བཞི་པ་བདུན་པ་དང་། ། ཁྱིམ་པ་མི་རུང་ཆུང་ངུ་དང་། ། རྙེད་པ་ཐ་མ་དགེ་སློང་མའོ། །

བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་ སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་པ་ དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་པ་ དང་། འཕགས་པ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་པ་ དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ལུས་ཀྱི་དམིགས་པས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་གོ་བར་བགྱིས་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ཞིག་ འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲ་བ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་འདི་སྐད་དུ་སྨྲ་བ་ན་དེའི་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ནས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ལྟུང་བའོ། ། བསྙེན་པར་ རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། །

བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་ བསྙེན་པར་མ་རྫོགས་པར་འདུ་ཤེས་ཏེ་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པས་ཡིད་མཐུན་པར་གྱུར་ལ་བསྙེན་པར་མ་རྫོགས་པས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་ བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པས་ཡིད་མཐུན་པར་གྱུར་ལ། བསྙེན་པར་རྫོགས་ཀར་འདི་སྐད་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་ཡིད་མཐུན་པར་གྱུར་ལ་བསྙེན་པར་རྫོགས་ ནས་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་ཡིད་མཐུན་པར་གྱུར་ལ་བསྙེན་པར་རྫོགས་ཀར་དེ་བཞིན་དུ་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པར་ཡིད་མཐུན་པར་གྱུར་ལ་བསྙེན་པར་རྫོགས་ནས་དེ་བཞིན་ དུ་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པས་ཡིད་མཐུན་པར་གྱུར་ལ་བསྙེན་པར་རྫོགས་ནས་དེ་སྐད་སྨྲས་ན་ཅིར་འགྱུར། ལྟུང་བའོ། །

བསྙེན་པར་རྫོགས་པས་ཡིད་མཐུན་པར་གྱུར་ལ་བསྙེན་པར་མ་རྫོགས་པས་འདི་ སྐད་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། མཚན་ གཉིས་པ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དགེ་སློང་མ་སུན་ཕྱུང་བ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་ སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་འདི་སྐད་དུ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་ གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ཀྱང་ལྟུང་བར་མི་འགྱུར་བ་མཆིས་སམ།

ཨུ་པཱ་ལི་ཡོད་དེ། ཇི་ལྟར་ཡང་གོས་དེའི་ རྒྱུ་རུང་ལ་སྤུན་མི་རུང་བ་དང་། སྤུན་རུང་ལ་རྒྱུ་མི་རུང་བར་གྱུར་པ་དང་། གཉི་ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་དང་། གོས་ཀྱི་རྒྱུ་དེ་ལྟ་བུ་དག་གི་ ཕྱིར་འདི་སྐད་སྨྲས་ན་ཉེས་བྱས་སུ་འགྱུར་རོ། ། བཙུན་པ་དགེ་འདུན་གྱི་གོས་ཁྲུ་གང་དུ་མ་འཚལ་བ་ཞིག་རྙེད་པར་གྱུར་ཏེ། དེ་ཡང་དགེ་སློང་གིས་མཐུན་པར་བགྱིས་པའི་འོག་ཏུ་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ ཞེས་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གོས་ཀྱི་རྙེད་པ་མ་གཏོགས་པར་དེ་ལས་གཞན་པའི་རྙེད་པ་རྣམས་ཀྱི་ཕྱིར་འདི་སྐད་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་འདུན་གྱིས་དགེ་སློང་དེའི་མངོན་དུ་མ་བབ་པར་གོས་སྩལ་བར་གྱུར་ པ་ལས་དེའི་འོག་ཏུ་མཆིས་ནས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཅིར་འགྱུར། ཉེས་བྱས་སོ། །

བཙུན་པ་བསླབ་པ་སྩལ་བས་འདི་སྐད་དུ་སྨྲས་ན་ཅིར་འགྱུར། ལྟུང་བའོ། ། དགེ་སློང་མས་འདི་སྐད་དུ་ སྨྲས་ན་ཡང་ལྟུང་བར་འགྱུར་རོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་འདི་སྐད་དུ་ཚེ་དང་ལྡན་པ་དགེ་འདུན་གྱི་རྙེད་པ་འདི་ལྟར་མཛའ་བའི་གང་ཟག་ལ་བསྔོས་སོ་ཞེས་སྨྲས་ན་ཉེས་བྱས་སུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་ བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། གཉིད་ལོག་ར་རོ་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་ པ་བཅོམ་ལྡན་འདས་ཀྱིས་བསླབ་པ་སྩལ་བ་ལ་འཕྱ་ན་ལྟུང་བའོ་ཞེས་གསུངས་ན། བཙུན་པ་དགེ་སློང་གིས་ཕྲིན་པས་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་།

གླེན་པ་དང་། འོན་པ་དང་། ལྐུགས་པ་དང་། གཉིད་ལོག་པ་དང་། ར་རོ་བ་དང་། མྱོས་ པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱི་དྲུང་དུ་བསླབ་པ་ལ་དཔྱས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། དེ་བཞིན་མཚན་དང་བཞི་པ་དང་། ། ཁྱིམ་པ་ལ་སོགས་སྤྲུལ་པ་དང་། ། བསླབ་པ་དང་ ཡང་དགེ་སློང་མའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་གི་དྲུང་དུ་བསླབ་པ་ལ་དཔྱས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དགེ་ སློང་གི་དྲུང་དུ་བསླབ་པ་ལ་དཔྱས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་གི་དྲུང་དུ་བསླབ་པ་ལ་དཔྱས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་ འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་དགེ་སློང་གི་དྲུང་དུ་བསླབ་པ་ལ་དཔྱས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ལུས་ཀྱི་དམིགས་པས་བསླབ་པ་ ལ་དཔྱས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསླབ་པ་ལ་འཕྱ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་བསླབ་པ་ལ་འཕྱ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་དེའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ལྟུང་བའོ། ། བསྙེན་པར་རྫོགས་ པ་ལ་བསྙེན་པར་མ་རྫོགས་པར་འདུ་ཤེས་ཏེ་དེའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་དེའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་ པར་མ་རྫོགས་པར་འདུ་ཤེས་ཏེ་དེའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། ། ཟ་མ་དང་། མ་ནིང་དང་།

དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་པ་ བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ཀྱི་དྲུང་དུ་བསླབ་པ་ ལ་དཔྱས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱི་དྲུང་དུ་བསླབ་པ་ལ་དཔྱས་ན་ཅིར་འགྱུར་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ སྤྲུལ་པའི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། ། དགེ་སློང་མས་དགེ་སློང་མའི་ དྲུང་དུ་བསླབ་པ་ལ་དཔྱས་ན་ཅིར་འགྱུར། ལྟུང་བའོ། ། དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་དྲུང་དུ་བསླབ་པ་ལ་དཔྱས་ན་ཅིར་འགྱུར། ཉེས་བྱས་སོ། །

བཙུན་པ་བསླབ་པ་སྩལ་བས་བསླབ་པ་ལ་དཔྱས་ན་ཅིར་ འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སུ་འགྱུར་རོ། ། ། ། མདོར་ན། རྫུ་འཕྲུལ་ལུས་དང་རྡོ་དྲེག་དང་། ། རྩ་བ་མེ་ཏོག་ཉ་ལྕིབས་དང་། ། གནས་ཚང་ཤ་མོ་རྙིང་པ་དང་། ། མེ་ཏོག་འབྲས་བུ་ཤུན་པ་དང་། ། མཚན་དང་བཞི་པ་བདུན་པ་དང་། ། ཐ་མར་གྱུར་པ་འབྲས་བུའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ས་བོན་གྱི་གྲོང་དང་། སྲོག་ཆགས་ཀྱི་གྲོང་བཤིག་གམ་འཇིག་ཏུ་སྩལ་ན་ལྟུང་བའོ་ཞེས་གསུངས་ན་ བཙུན་པ་དགེ་སློང་གིས་རྫུ་འཕྲུལ་གྱིས་ཤིང་བཀུམ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་ཤིང་བཀུམ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རྡོའི་དྲེག་པ་བཀོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ རྩ་བ་མ་ཟུག་པའི་ས་བོན་གྱི་དངོས་པོ་ཕྱུང་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཡའ་ཅན་དང་། རླམ་ཅན་བཀྲུས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་འདམ་རྫབ་ནས་ཉ་ལྕིབས་ཕྱུང་སྟེ་ཐང་ལ་བོར་ན་ཅིར་འགྱུར། ཉེས་བྱས་ སོ། ། བཙུན་པ་དགེ་སློང་གིས་སྲོག་ཆགས་ཀྱི་གནས་བཤིག་ན་ཅིར་འགྱུར། ཉེས་བྱས་སོ། ། བསྲེགས་སམ་མ་རུང་བར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བྱའི་ཚང་དྲལ་ཏམ་ཕྱུང་ངམ་བཤིག་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ འཛིམ་མམ་ཤ་མོ་བཏོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཤིང་རྒན་གྱི་ཤུན་པ་བཤུས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མེ་ཏོག་དང་། འབྲས་བུ་དང་། ལོ་མ་རྙིང་པ་བཏོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་གིས་ཤིང་འགུམ་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཤིང་འགུམ་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ས་བོན་ལ་ས་བོན་དུ་འདུ་ཤེས་ཏེ་ཆུད་གསན་ན་ཅིར་ འགྱུར། ལྟུང་བའོ། ། ས་བོན་ལ་ས་བོན་མ་ལགས་པར་འདུ་ཤེས་ཏེ་ཆུད་གསན་ན་ཅིར་འགྱུར། ཉེས་བྱས་སོ། ། ས་བོན་མ་ཡིན་པ་ལ་ས་བོན་དུ་འདུ་ཤེས་ན་ཉེས་བྱས་སུ་འགྱུར་རོ། །

ས་བོན་མ་ཡིན་པ་ལ་ས་བོན་མ་ཡིན་པར་འདུ་ཤེས་ཏེ་བཤིག་ན་ཉེས་པ་མེད་དོ། ། བཙུན་པ་ བསྙེན་པར་མ་རྫོགས་པས་རན་དགུམ་པར་བཤམས་ལ་བསྙེན་པར་མ་རྫོགས་པར་བཀུམ་ན་ཅིར་འགྱུར། ཉེས་པ་མེད་དོ། ། བསྙེན་པར་མ་རྫོགས་པས་བཤམས་ལ་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་པ་མེད་དོ། ། བསྙེན་པར་མ་རྫོགས་པར་བཤམས་ལ་ བསྙེན་པར་རྫོགས་ཏེ་བཀུམ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་པ་མེད་དོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་བཀུམ་ན་ཅིར་འགྱུར། ཉེས་བྱས་སོ། ། བསྙེན་པར་ རྫོགས་ཏེ་བཤམས་ལ་བསྙེན་པར་རྫོགས་ཏེ་བཀུམ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་བཀུམ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རུང་བར་མ་བགྱིས་པའི་འབྲས་བུ་འཚལ་ཀྱང་ནོངས་པར་མི་འགྱུར་བ་ མཆིས་སམ། ཨུ་པཱ་ལི་ཡོད་དེ། མངོན་པར་མ་སྨིན་པའི་ས་བོན་ནི་ས་བོན་གྱི་དངོས་པོ་མ་ཡིན་ནོ་སྙམ་དུ་བསམས་ནས་ཟོས་པའོ། །

བཙུན་པ་དགེ་སློང་གིས་ས་བོན་གྱི་རིགས་ལྔ་ལ་མེས་རུང་བར་བགྱིས་ཏེ་འཚལ་ཀྱང་ལྟུང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ས་བོན་ གྱི་རིགས་ལྔ་ལ་རུང་བར་བྱས་ཀྱང་སའི་ནང་དུ་གཞག་གམ། སྣོད་ཀྱི་ནང་དུ་གཞག་གམ། གདང་ཤིང་ལ་བཀལ་ཀྱང་རུང་སྟེ་མྱུ་གུ་སྐྱེས་པར་གྱུར་པའོ། ། དེ་ཆུད་གསན་ན་ཅིར་འགྱུར། ལྟུང་བྱེད་དུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་ གཅིག་ནས་གཅིག ། སྨྱོན་པ་སེམས་འཁྲུགས་ནད་པ་དང་། ། འོན་པ་དང་ནི་འགྲོ་བ་དང་། ། ཁྱིམ་པ་དག་ལ་སོགས་པ་རྣམས། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་སློང་གིས་ཕྲིན་གྱིས་ཤིང་བཀུམ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ཞིག་ཤིང་འགུམས་སུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ཤིང་གཅོད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་མངོན་སུམ་དུ་ཁྱིམ་པ་ཤིང་འགུམས་སུ་སྩལ་ན་ཅིར་འགྱུར། ལྟུང་བའོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་བྱིན་པ་རྣམས་མངོན་སུམ་དུ་ཤིང་གཅོད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་རན་སྔོན་པོ་བཀུམ་མམ་འགུམས་སུ་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་རན་སྔོན་པོ་འགུམ་མམ་འགུམས་སུ་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་རན་སྔོན་པོ་བཀུམ་མམ་འགུམས་སུ་སྩལ་ན་ཅིར་འགྱུར། ཉེས་བྱས་སོ། ། དགེ་ཚུལ་ཕ་དང་དགེ་ཚུལ་མ་རྣམས་ལ་ཉེས་པ་མེད་དོ། ། ། ། མདོར་ན། སྐད་དང་ལུས་དང་དབེན་པ་དང་། ། མཚན་དང་བཞི་པ་བདུན་པ་དང་། ། ཁྱིམ་པ་དག་ལ་སོགས་པ་རྣམས། ། བསྐོས་པ་དག་དང་མ་བསྐོས་པའོ། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ནོངས་པ་ངོར་བརྗོད་ ཅིང་དཔྱས་འདོགས་ན་ལྟུང་བར་འགྱུར་རོ་ཞེས་གསུངས་ན། དགེ་སློང་གིས་ནོངས་པ་ངོར་བརྗོད་ཅིང་དཔྱས་བཏགས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་མི་མ་ཡིན་པ་ལས་རབ་ཏུ་བྱུང་ཞིང་བསྙེན་པར་རྫོགས་པ་ལ་ནོངས་པ་ངོར་བརྗོད་ན་ ཉེས་བྱས་སུ་འགྱུར་རོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དགེ་སློང་ ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་། དགེ་སློང་དེས་ཀྱང་མཐའ་ འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་དགེ་སློང་ཞིག་ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་།

དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ ཀྱི་དམིགས་པས་ནོངས་པ་ངོར་བརྗོད་ཅིང་དཔྱས་བཏགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་ནོངས་པ་ངོར་བརྗོད་ཅིང་དཔྱས་བཏགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ཞིག་ནོངས་པ་ངོར་བརྗོད་ ཅིང་དཔྱས་འདོགས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མ་ནོངས་པ་ངོར་བརྗོད་ཅིང་དཔྱས་འདོགས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་ པ་ལ་བསྙེན་པར་རྫོགས་པར་འདུ་ཤེས་ཏེ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་ སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །

བཙུན་པ་བསྙེན་པར་མ་རྫོགས་པ་ཞིག་དགེ་འདུན་གྱིས་ནོངས་པ་ངོར་བརྗོད་ཅིང་དཔྱས་འདོགས་པར་བགྲངས་པར་གྱུར་ལ་བསྙེན་པར་མ་རྫོགས་པར་ནོངས་པ་ངོར་ བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བགྲངས་ལ་བསྙེན་པར་རྫོགས་ཀར་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བགྲངས་ལ་བསྙེན་པར་རྫོགས་ཏེ་ནོངས་ པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བགྲངས་ལ་བསྙེན་པར་རྫོགས་ཀར་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བགྲངས་ལ་བསྙེན་པར་རྫོགས་ཏེ་ནོངས་པ་ ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཏེ་བགྲངས་ལ་བསྙེན་པར་རྫོགས་ནས་ནོངས་པ་ངོར་བརྗོད་ཅིང་དཔྱས་འདོགས་ན་ལྟུང་བའོ། ། བསྙེན་པར་རྫོགས་ནས་བགྲངས་ལ་བསྙེན་པར་མ་རྫོགས་པ་ན་ནོངས་པ་ངོར་བརྗོད་ཅིང་དཔྱས་ འདོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ཟ་མ་དང་མ་ནིང་དང་དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་ པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་ཉེས་པ་ངོར་ བརྗོད་ཅིང་དཔྱས་འདོགས་ན་ཅིར་འགྱུར་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་ཉེ་བར་ཕྱོགས་པ་དང་བསླབ་པ་སྩལ་བའི་དགེ་སློང་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར་ཐམས་ཅད་ལྟུང་བར་ འགྱུར་རོ། ། བཙུན་པ་དགེ་སློང་གིས་བསྐོས་སམ་མ་བསྐོས་ཀྱང་རུང་སྟེ། དགེ་འདུན་གྱི་ཞལ་ཏ་བྱེད་པ་མ་གཏོགས་པར་དེ་ལས་གཞན་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་ བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། །

བཙུན་པ་དགེ་སློང་གིས་ཕྲིན་པ་ལས་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་ དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་ཉེས་པ་ངོར་བརྗོད་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་ སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་དང་། དགེ་ཚུལ་ཕ་དང་། དགེ་ཚུལ་མ་དང་། དགེ་སློབ་མ་ལ་ནོངས་པ་ངོར་བརྗོད་ ཅིང་དཔྱས་འདོགས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ལྟུང་བའོ། །

དགེ་སློབ་མ་དང་དགེ་ཚུལ་མ་དང་དགེ་ཚུལ་ཕ་རྣམས་ལ་ནོངས་པ་ངོར་བརྗོད་ཅིང་དཔྱས་འདོགས་ན་ཅིར་འགྱུར། ཉེས་བྱས་ སོ། ། ། ། མདོར་ན། ཉེས་པ་དག་ཀྱང་དེ་བཞིན་ཏེ། ། ལུས་དང་ཚིག་དང་མི་སྨྲ་མཚན། ། ཁྱིམ་པ་དག་ལ་སོགས་པ་རྣམས། ། བཞི་པ་ཐ་མར་གྱུར་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་བསྒོ་བཞིན་ དུ་མི་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ནོངས་པ་མ་གཏོགས་པར་དེ་ལས་གཞན་པ་དག་བསྒོ་བ་བཞིན་དུ་མི་བགྱིད་ན་ཅིར་འགྱུར་ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་བསྒོ་བ་བཞིན་མ་བགྱིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་བསྒོ་བ་བཞིན་མ་བགྱིས་པ་དང་། དགེ་ སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་གིས་བསྒོ་བ་བཞིན་མ་བགྱིས་པ་དང་།

དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་ འཕགས་པའི་སྐད་དུ་དགེ་སློང་གིས་བསྒོ་བ་བཞིན་མ་བགྱིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་མི་སྨྲ་བས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གིས་དགེ་སློང་གི་བསྒོ་བ་བཞིན་མ་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་མའི་བསྒོ་བ་བཞིན་མ་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་ དགེ་སློང་གིས་ཁྱིམ་པས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྲག་ཕྱུང་བ་དང་། མུ་སྟེགས་ ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་དང་། སྔར་འཁྲུགས་པ་དང་།

སྔོན་ཉེས་པ་བྱུང་བ་རྣམས་ཀྱི་བསྒོ་བ་བཞིན་མ་བགྱིས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་ བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱི་བསྒོ་བ་བཞིན་མ་བགྱིས་ན་ཅིར་འགྱུར་ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྒོ་བ་བཞིན་མ་བགྱིས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་ བ་འོན་པ་གླེན་པའོ། ། བཙུན་པ་དགེ་སློང་གིས་ཕྲིན་གྱིས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་།

གཞན་ཟེར་བ་དང་གཅིག་ནས་གཅིག་ཏུ་བརྒྱུད་དེ་བསྒོ་བ་བཞིན་མ་བགྱིས་ན་ཐམས་ཅད་ཉེས་བྱས་སུ་འགྱུར་ རོ། ། བཙུན་པ་དགེ་སློང་གིས་དགེ་སློང་སྨྱོན་པས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ཀྱིས་བསྒོ་བ་ བཞིན་མ་བགྱིས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་བསྒོ་བ་བཞིན་མ་བགྱིས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྒོ་བ་བཞིན་མ་བགྱིས་ན་ཅིར་འགྱུར། ཉེས་བྱས་སོ། ། ། ། མདོར་ན། མི་རུང་བ་དང་གང་ཟག་དང་། ། མ་ཆོག་ལྷག་དང་བདུན་པ་དང་། ། མཚན་དང་བཞི་པ་དེ་བཞིན་དུ། ། ལུས་དང་སྐད་དང་ དབེན་དེ་བཞིན། ། ཁྱིམ་པ་དག་ལ་སོགས་པ་རྣམས། ། བར་དུ་གཅོད་པ་ཐ་མ་ཡིན། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་མལ་སྟན་བླ་གབ་མེད་པར་བཏིང་ངམ། འདིང་ངམ། འདིང་དུ་སྩལ་བར་འཚལ་བཞིན་དུ་མ་བརྟུལ་ཏེ་རྟུལ་དུ་མ་སྩལ་ཏམ། དགེ་སློང་ལ་ཡང་མ་གཏད་པར་གཞན་དུ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་མ་གཏད་པར་གཞན་དུ་མཆིས་ཀྱང་ལྟུང་བར་ མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་མལ་སྟན་དེ་རྒྱུ་རུང་ལ་སྤུན་མི་རུང་བ་དང་། སྤུན་རུང་ལ་རྒྱུ་མི་རུང་བ་དང་། གཉི་ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་འདྲེས་པ་དང་། ཐགས་ སུ་མ་བཏགས་པ་དེ་ལྟ་བུའི་མལ་སྟན་ཞིག་བཏིང་ངམ་འདིངས་སུ་བཙུག་པ་ལས་མ་གཏད་པར་སོང་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་གང་ཟག་གི་མལ་སྟན་བཏིང་ངམ་གདིང་དུ་བཅུག་པ་ལས་མ་གཏད་པར་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་ཁྲི་དང་ཁྲིའུ་བཀྲམ་པ་ལས་མ་གཏད་པར་གཞན་དུ་མཆིས་ཀྱང་ལྟུང་བར་མི་འགྱུར་བ་མཆིས་སམ།

ཨུ་པཱ་ལི་ཡོད་དེ་རྐང་པའི་ཚད་བདེ་བར་གཤེགས་པའི་སོར་བརྒྱད་ལས་ལྷག་གམ་མ་ཆོག་ན་ཉེས་བྱས་སུ་ འགྱུར་རོ། ། བཙུན་པ་བསྙེན་པར་མ་རྫོགས་པས་མལ་སྟན་བཏིང་བ་ལ་བསྙེན་པར་མ་རྫོགས་པར་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཏིང་ལ་བསྙེན་པར་རྫོགས་ཀར་ཉེ་འཁོར་ལས་འདས་ན་ཅིར་འགྱུར། ཉེས་ བྱས་སོ། ། བསྙེན་པར་མ་རྫོགས་པར་བཏིང་ལ་བསྙེན་པར་རྫོགས་པ་ན་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཏིང་ལ་བསྙེན་པར་རྫོགས་ཀར་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ ཀར་བཏིང་ལ་བསྙེན་པར་རྫོགས་ཏེ་ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བཏིང་ལ་བསྙེན་པར་རྫོགས་ཏེ་ཉེ་འཁོར་ལས་འདས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཏིང་ལ་བསྙེན་པར་མ་རྫོགས་པར་ ཉེ་འཁོར་ལས་འདས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་ནས་མ་བརྟུལ་ཅིང་དགེ་སློང་མཆིས་པ་ལའང་མ་གཏད་པར། གཞན་དུ་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་མས་དགེ་འདུན་གྱི་མལ་སྟན་བཏིང་བ་མ་བརྟུལ་ཅིང་དགེ་སློང་མ་མཆིས་པ་ལ་ཡང་མ་གཏད་པར། གཞན་དུ་མཆིས་པ་དང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་ལས་ མ་བརྟུལ་ཅིང་དགེ་སློང་མཆིས་པ་ལ་ཡང་མ་གཏད་པར། མཚམས་ཀྱི་སླད་རོལ་ལ་མཚམས་ཀྱི་སླད་རོལ་དུ་འདུ་ཤེས་ཏེ་གཞན་དུ་མཆིས་ན་ཅིར་འགྱུར། ལྟུང་བའོ། ། མཚམས་ཀྱི་ཕྱི་རོལ་ལ་མཚམས་ཀྱི་ནང་དུ་འདུ་ཤེས་ན་ཉེས་པ་མེད་དོ། ། མཚམས་ཀྱི་ནང་ལ་མཚམས་ཀྱི་ཕྱི་རོལ་དུ་འདུ་ཤེས་ན་ཉེས་བྱས་སོ། ། མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་འཕགས་པས་འཕགས་པའི་སྐད་ཀྱིས། དགེ་སློང་ལ་དགེ་འདུན་གྱི་མལ་སྟན་གཏད་དེ། གཞན་དུ་མཆིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དགེ་སློང་ལ་དགེ་འདུན་གྱི་མལ་སྟན་གཏད་དེ། གཞན་དུ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་ མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་ལ་གཏད་དེ།

གཞན་དུ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་དགེ་སློང་ལ་ གཏད་དེ། གཞན་དུ་མཆིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་ལུས་ཀྱི་དམིགས་པས་དགེ་སློང་མཆིས་པ་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་དབེན་པ་ལ་མི་དབེན་པར་འདུ་ཤེས་ནས་གཏད་དེ། གཞན་དུ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་དགེ་སློང་མཆིས་པ་ལ་ནི་མ་གཏད་ཀྱིས་ཁྱིམ་པ་ལ་གཏད་དེ། གཞན་དུ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་ དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་གཏད་དེ། གཞན་དུ་མཆིས་ན་ཅིར་འགྱུར།

ཉེས་བྱས་སོ། ། བཙུན་པ་དགེ་སློང་གིས་དགེ་ འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་ལ་བརྟུལ་ཅིང་དགེ་སློང་མཆིས་བཞིན་དུ་མ་གཏད་པར་ཉེ་འཁོར་འདས་ཀྱང་ནོངས་པར་མི་ འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་དེས་ཀྱང་མལ་སྟན་དེ་ཡལ་བར་མ་བོར་བར་སོང་བ་དང་གཙུག་ལག་ཁང་དེར་བར་ཆད་བརྒྱད་ལས་གང་ཡང་རུང་བའི་བར་ཆད་གཅིག་བྱུང་བར་གྱུར་པའོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་ པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། བཙུན་པ་དགེ་སློང་གིས་དགེ་འདུན་གྱི་མལ་སྟན་བཏིང་བ་མ་བརྟུལ་བར་དགེ་སློང་སྨྱོན་པ་ཞིག་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་ གཟིར་བ་དང་། ། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་གནས་པ་རྣམས་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་དགེ་སློང་མ་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་གཏད་དེ་གཞན་དུ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་ པ་སྩལ་བས་དགེ་འདུན་གྱི་མལ་སྟན་བཏིང་བ་དགེ་སློང་མཆིས་བཞིན་དུ་མ་གཏད་པར་གཞན་དུ་མཆིས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། མལ་སྟན་ལ་ཇི་ལྟ་བ་དེ་བཞིན་དུ་གདིང་བ་ལ་ཡང་རྒྱས་པར་བརྗོད་པར་བྱའོ། ། ཚད་ བདེ་བར་གཤེགས་པའི་སོར་བརྒྱད་ལས་ཆུང་ངམ་ལྷག་པ་ནི་མི་རུང་བས་ན་མ་གཏོགས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་དགེ་སློང་གང་གིས་འཚལ་བཞིན་དུ་དགེ་འདུན་གྱི་གཙུག་ལག་ཁང་ནས་དགེ་སློང་ཞིག་བསྐྲད་དམ་སྐྲོད་དུ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་འཚལ་བཞིན་དུ་དགེ་འདུན་གྱི་གཙུག་ལག་ཁང་ནས་དགེ་སློང་ཞིག་ཕྲིན་གྱིས་བསྐྲད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་ པ་དགེ་སློང་གིས་དགེ་སློང་སྨྱོན་པ་ཞིག་བསྐྲད་དམ་སྐྲོད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་ པ་དང་། འགྲོ་བ་གཞན་དུ་གནས་པ་རྣམས་བསྐྲད་དམ་སྐྲོད་དུ་སྩལ་ན་ཉེས་བྱས་སོ། ། ། ། འདུལ་བ་གཞུང་དམ་པ། བམ་པོ་བདུན་པ། མདོར་ན། མཚན་དང་བཞི་པ་བདུན་པ་དང་། ། དེ་བཞིན་ཁྱིམ་པ་ལ་སོགས་རྣམས། ། དགེ་འདུན་ཐ་མར་གྱུར་པའོ། །

བཙུན་པ་ དགེ་སློང་གིས་དགེ་འདུན་གྱི་གཙུག་ལག་ཁང་ནས་དགེ་སློང་ཞིག་བསྐྲད་དམ་སྐྲོད་དུ་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་འདུན་གྱི་གཙུག་ལག་ཁང་ནས་དགེ་སློང་མ་བསྐྲད་དམ་སྐྲོད་དུ་སྩལ་བ་ན་མཚན་འཕོས་ཏེ་དགེ་ སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྐྲད་དམ་སྐྲོད་དུ་སྩལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་ རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་བསྙེན་པར་མ་རྫོགས་པ་ན་དགེ་སློང་ཞིག་བསྐྲད་པར་བཤམས་ནས་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་བསྐྲད་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཏེ་བསྐྲད་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་ཀར་བཤམས་ལ་བསྙེན་པར་ རྫོགས་ཀར་བསྐྲད་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་བསྐྲད་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ནས་བཤམས་ལ་བསྙེན་པར་རྫོགས་པ་ན་བསྐྲད་ན་ཅིར་འགྱུར། ལྟུང་བའོ། ། བསྙེན་པར་རྫོགས་ནས་བཤམས་ལ་ བསྙེན་པར་མ་རྫོགས་པ་ན་བསྐྲད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་ཞིག་བསྐྲད་དམ་སྐྲོད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་པ་བསད་པ་དང་། དེ་ བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་བསྐྲད་དམ་སྐྲོད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་ དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་བསྐྲད་དམ་སྐྲོད་དུ་སྩལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །

བཙུན་པ་དགེ་སློང་ཞིག་མངོན་སུམ་དུ་ཁྱིམ་པ་ཞིག་སྐྲོད་དུ་སྩལ་ན་ཅིར་འགྱུར། ལྟུང་བའོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་ པ་བྱུང་བ་དང་། ཉེ་བར་ཕྱོགས་པ་དང་། བསླབ་པ་སྩལ་བ་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕས་སྐྲོད་དུ་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མ་ཞིག་གིས་དགེ་སློང་མ་བསྐྲད་དམ་སྐྲོད་དུ་སྩལ་ན་ཅིར་འགྱུར། ལྟུང་བའོ། ། བཙུན་པ་ དགེ་སློང་མས་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་བསྐྲད་དམ་སྐྲོད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་སློང་མ་ཞིག་བསྐྲད་དམ་སྐྲོད་དུ་སྩལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ རྣམས་ལ་ཉེས་བྱས་སོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། །

འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ་བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ གིས་སྔ་ན་མཆིས་པའི་དགེ་སློང་ལ་སླད་ཀྱིས་མཆིས་ཏེ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ལྟུང་བའོ་ཞེས་གསུངས་ན། བཙུན་པ་དགེ་སློང་གིས་དགེ་སློང་སྨྱོན་པ་ཞིག་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། དེ་བཞིན་དུ་ སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། ། ། མདོར་ན། གང་ཟག་གི་དང་དགེ་འདུན་གྱི། ། དེ་བཞིན་མཚན་དང་བཞི་པ་དང་། ། ཁྱིམ་པ་དག་ལ་སོགས་པ་རྣམས། ། མི་རུང་བ་ནི་ཐ་མར་གྱུར། བཙུན་པ་དགེ་སློང་གིས་གང་ཟག་གི་གཙུག་ལག་ཁང་ན་སྔ་ན་མཆིས་པའི་དགེ་སློང་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་ སམ་ཉལ་བར་བགྱིད་ན་ཅིར་འགྱུར།

ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པར་དེ་ལས་གཞན་པའི་གནས་ན་སྔ་ན་མཆིས་པའི་དགེ་སློང་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བསྙེན་ པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། ། བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་ བགྱིད་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ཁྱིམ་པ་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་།

སྔར་ཉེས་པ་བྱུང་བ་རྣམས་ལ་ཤིན་ཏུ་གནོད་པ་བགྱིད་ཅིང་མཆིས་སམ་ཉལ་བར་བྱེད་ན་ ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་ཤིན་ཏུ་གནོད་པ་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་ འདུན་གྱི་གཙུག་ལག་ཁང་ན་སྔ་ན་མཆིས་པའི་དགེ་སློང་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བའི་མལ་སྟན་ཡིན་ཏེ། གང་དགེ་སློང་རྣམས་ཀྱིས་སྤྱད་དུ་མི་རུང་བའོ། ། བཙུན་པ་དགེ་སློང་གིས་ དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཤིན་ཏུ་གནོད་ པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །

བཙུན་པ་བསླབ་པ་སྩལ་བས་སྔ་ན་མཆིས་པའི་དགེ་སློང་རྣམས་ལ་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ ནི་ཉེས་བྱས་སོ། ། ། ། མདོར་ན། གང་ཟག་གི་དང་དགེ་འདུན་གྱི། ། དེ་བཞིན་མཚན་དང་བཞི་པ་དང་། ། མི་རུང་བ་དང་དེ་བཞིན་བདུན། ། ནམ་མཁའི་གཡོགས་པ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་ སློང་གི་དགེ་འདུན་གྱི་གཙུག་ལག་ཁང་གི་སྟེང་དུ་ཁང་བུ་བརྩེགས་པའི་ནང་དུ་ཁྲི་འམ་ཁྲིའུ་ཡང་རུང་རྐང་པ་གཟེར་བུ་མ་མཆིས་པར་འཚལ་བཞིན་དུ་མཆིས་སམ་ཉལ་བར་བགྱིད་ན་ལྟུང་བའོ་ཞེས་གསུང་ན། བཙུན་པ་དགེ་སློང་གིས་གང་ཟག་གི་གཙུག་ལག་ཁང་གི་སྟེང་དུ་ཁང་བུ་བརྩེགས་པའི་ ནང་དུ་ཁྲིའམ་ཁྲིའུ་ཡང་རུང་རྐང་པ་གཟེར་བུ་མ་མཆིས་པ་ལ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པར་དེ་ལས་གཞན་པའི་གནས་ཀྱི་སྟེང་དུ་ཁང་བུ་བརྩེགས་པའི་ནང་དུ་གཟེར་བུ་མ་མཆིས་པའི་ཁྲིའམ་ ཁྲིའུའི་སྟེང་དུ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྟེང་གི་ཡང་ཐོག་གི་ཁང་བུར་ཤིན་ཏུ་གནོད་པར་བགྱིད་ཅིང་མཆིས་སམ་ཉལ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་སྟེང་ གི་ཡང་ཐོག་གི་ཁང་བུ་ལ་ཡང་ཐོག་ཏུ་འདུ་ཤེས་ཏེ་གཟེར་བུ་མ་མཆིས་པའི་ཁྲིའམ་ཁྲིའུའི་སྟེང་དུ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། ། ཡང་ཐོག་ལ་ཡང་ཐོག་མ་ཡིན་པར་འདུ་ཤེས་ན་ཉེས་པ་མེད་དོ། ། ཡང་ཐོག་མ་ཡིན་པ་ལ་ཡང་ཐོག་ཡིན་པར་འདུ་ ཤེས་ན་ཉེས་བྱས་སུ་འགྱུར་རོ། ། ཡང་ཐོག་མ་ཡིན་པ་ལ་ཡང་ཐོག་མ་ཡིན་པར་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་གིས་སྟེང་གི་ཡང་ཐོག་གི་ཁང་བུར་ཁྲིའམ་ཁྲིའུ་རྐང་པ་གཟེར་བུ་མ་མཆིས་པའི་སྟེང་དུ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ཀྱང་ལྟུང་བར་མི་འགྱུར་བ་མཆིས་ སམ། ཨུ་པཱ་ལི་ཡོད་དེ།

མལ་སྟན་མི་རུང་བར་གྱུར་པ་གང་ལ་དགེ་སློང་རྣམས་ཀྱིས་སྤྱད་པར་མི་རུང་བའོ། ། བཙུན་པ་བསྙེན་པར་མ་རྫོགས་པར་བཤམས་ལ་བསྙེན་པར་མ་རྫོགས་པར་མཆིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བཤམས་ལ་བསྙེན་པར་རྫོགས་ཀར་ མཆིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་པ་ན་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ཤིན་ཏུ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ནས་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ཁྲིའམ་ཁྲིའུ་རྐང་པ་གཟེར་བུ་མ་མཆིས་པ་ལ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ཀྱང་ ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་གཙུག་ལག་ཁང་གི་སྟེང་སྤང་ལེབ་ཀྱིས་གཡོགས་པ་དང་། ས་གང་དུ་གྱུར་པ་ཡང་རུང་སྟེ་སྟེང་དུ་འདུག་གམ་ཉལ་བར་བྱེད་ན་ཉེས་པ་མེད་དོ། ། བཙུན་པ་བསླབ་པ་སྩལ་བས་སྟེང་གི་ཡང་ཐོག་གི་ཁང་བུའི་ཁྲིའམ་ཁྲིའུ་རྐང་པ་ གཟེར་བུ་མ་མཆིས་པ་ལ་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། ། དགེ་སློང་མས་ལྗིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལྗིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར། ཉེས་བྱས་སོ། ། སྲོག་ཆགས་དང་བཅས་པའི་ཆུས་རྩྭ་དང་ས་དང་བ་ལང་གི་ལྕི་བ་ལ་བཏབ་ན་ལྟུང་བའོ་ཞེས་གསུངས་པ་ཡང་བསྟན་པ་བཞིན་རྒྱས་པར་བརྗོད་པར་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་ གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་དང་ནི་འགྲོ་བ་རྣམས། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་གཙུག་ལག་ཁང་ཆེན་པོ་ཞིག་རྩིག་ན་འཇིམ་པ་དང་ཕ་གུར་སྤེལ་ཏེ་རིམ་པ་གཉིས་སམ་གསུམ་ གྱི་བར་དུ་རྩིགས་ཤིག་དེ་ལས་ལྷག་པར་བརྩིགས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་ བརྒྱུད་པ་ཐམས་ཅད་ཉེས་བྱས་སོ། ། བཙུན་པ་དགེ་སློང་སྨྱོན་པས་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་ གནས་པ་རྣམས་རྩིག་ཏུ་སྩལ་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། ཆེན་པོ་གང་ཟག་རྡོ་བ་དང་། ། གཞན་གྱིས་བརྩམས་པའང་དེ་བཞིན་ཏེ། ། མཚན་དང་བཞི་པ་དེ་བཞིན་དུ། བསླབ་པ་བྱིན་དང་དགེ་སློང་མའོ། །

བཙུན་པ་དགེ་སློང་གིས་གཙུག་ལག་ཁང་ཆེན་པོ་ མ་གཏོགས་པར་དེ་ལས་གཞན་པ་དགེ་འདུན་གྱི་དངོས་པོ་ཞིག་རྩིག་སྟེ་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གང་ཟག་གི་གཙུག་ལག་ཁང་ཞིག་རྩིག་པ་ལྷག་པར་བརྩིགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་ འདུན་གྱི་གཙུག་ལག་ཁང་རྩིག་པའི་ཚེ་ན་རིམ་པ་གཉིས་སམ་གསུམ་ལས་ལྷག་པར་བརྩིགས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་གཙུག་ལག་ཁང་དེ་རྡོ་བ་འབའ་ཞིག་གིས་བརྩིགས་སམ་སྦྱིན་བདག་གིས་འདི་སྐད་དུ་སྦྱིན་པ་ཟིན་ན་ལྟའོ་ཞེས་སྨྲས་ན་ཉེས་པ་ མེད་དོ། ། བཙུན་པ་དགེ་སློང་གིས་གཞན་གྱིས་རིམ་པ་གཉིས་སམ་གསུམ་བརྩིགས་སམ་གཞན་གྱིས་བརྩིགས་པ་ལས་ལགས་པར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འཇིམ་པ་དང་ཕ་གུ་སྤེལ་ཏེ་རིམ་པ་གཉིས་སམ་གསུམ་ལས་ལྷག་པར་བརྩིགས་ཏེ་གཞན་གྱིས་ ལགས་པར་མ་བགྱིས་ན་ཅིར་འགྱུར། ཉེས་བྱས་སོ། ། སེམས་འཁྲུགས་པར་གྱུར་པའམ་དུས་བྱས་པ་ཡང་དེ་བཞིན་ནོ། །

བཙུན་པ་དགེ་སློང་གིས་འཇིམ་པ་དང་ཕ་གུར་སྤེལ་ཏེ་རིམ་པ་གཉིས་སམ་གསུམ་ལས་ལྷག་པར་རྩིག་པ་ན་མཚན་འཕོས་ཏེ་དགེ་སློང་མར་གྱུར་ནས་ལགས་པར་བགྱིས་ན་ཅིར་ འགྱུར། ལྟུང་བའོ། ། བཙུན་པ་དགེ་སློང་མས་འཇིམ་པ་དང་ཕ་གུར་སྤེལ་ཏེ་རིམ་པ་གཉིས་སམ་གསུམ་ལས་ལྷག་པར་རྩིག་པ་ན་མཚན་འཕོས་ཏེ་དགེ་སློང་ཕར་གྱུར་ནས་ལགས་པར་བགྱིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་འཇིམ་པ་དང་ཕ་གུར་སྤེལ་ཏེ་རིམ་པ་གཉིས་སམ་གསུམ་ལས་ ལྷག་པ་ལ། ལྷག་པར་འདུ་ཤེས་ཏེ་བརྩིགས་ན་ཅིར་འགྱུར། ལྟུང་བའོ། ། ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། ། མ་ལྷག་པ་ལ་ལྷག་པར་འདུ་ཤེས་ན། ཉེས་བྱས་སོ། ། མ་ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། ། བཙུན་པ་བསླབ་པ་སྩལ་ བས་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་རིམ་པ་གཉིས་སམ་གསུམ་ལས་ལྷག་པར་བརྩིགས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ། ། མདོར་ན། ཕྲིན་ པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། །

འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ ལྡན་འདས་ཀྱིས་ཡང་དགེ་སློང་གང་དགེ་འདུན་གྱིས་མ་བསྐོས་པར་དགེ་སློང་མ་ལ་སྟོན་ན་ལྟུང་བའོ་ཞེས་གསུངས་ན། བཙུན་པ་དགེ་སློང་དགེ་འདུན་གྱིས་མ་བསྐོས་པར་ཕྲིན་གྱིས་དགེ་སློང་མ་ལ་སྟོན་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་ གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གི་དགེ་འདུན་གྱིས་མ་བསྐོས་པར་དགེ་སློང་མ་སྨྱོན་མ་ཞིག་ལ་བསྟན་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་ དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་བསྟན་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། ཚིག་དང་ལུས་དང་དབེན་པ་དང་། ། མཚན་དང་བཞི་པ་ལྔ་པ་དང་། ། བཏང་བ་དང་ནི་ཉེ་བར་སོང་། ། སློབ་ པ་གཞན་དང་ལན་གཉིས་བསྐོས། །

བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་ མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་ དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས། དགེ་སློང་མ་ལ་བསྟན་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ ཤེས་ཏེ་བསྟན་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་ལ་སྟོན་པ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་ལ་སྟོན་པ་ན་དགེ་སློང་མ་དེའི་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་ བྱས་སོ། །

བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ ཉེས་བྱས་སུ་འགྱུར་རོ། ། བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྟན་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དགེ་སློང་མ་མ་ནིང་དང་། རྐུན་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་བསྟན་ན་ཅིར་ འགྱུར། ཐམས་ཅད་ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིད་མ་དང་། ཉེ་བར་ཕྱོགས་མ་དང་། བསླབ་པ་སྩལ་བ་རྣམས་ལ་བསྟན་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་རྣམས་ལ་བསྟན་ན་ཐམས་ཅད་ཉེས་བྱས་སུ་འགྱུར་ རོ། ། བཙུན་པ་དགེ་སློང་མ་ལ་སྟོན་པར་བགྱིད་པ་དེས་བར་དུ་བཏང་བར་གྱུར་ན་ལན་གཉིས་སུ་བསྐོ་འཚལ་ལམ། ཨུ་པཱ་ལི་མི་དགོས་ཏེ། སྔར་སྡོམ་པ་བྱིན་པ་ཉིད་ཀྱིས་སྟོན་ཅིག །

བཙུན་པ་རྗེས་སུ་མ་ཕྱོགས་པའི་དགེ་སློང་གིས་རྗེས་སུ་ཕྱོགས་པའི་དགེ་སློང་མ་ལ་བསྟན་ན་ཅིར་འགྱུར། ཉེས་བྱས་སོ། ། བཙུན་པ་རྗེས་སུ་ཕྱོགས་པའི་དགེ་སློང་གིས་རྗེས་སུ་མ་ཕྱོགས་པའི་དགེ་སློང་མ་ལ་བསྟན་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བ་ཞིག་སྔར་དགེ་སློང་མ་ལ་སྟོན་པར་བསྐོས་པ་ལས་དེ་ནི་ནོངས་པ་ཚངས་ན་ལན་གཉིས་བསྐོ་འཚལ་ལམ། ཨུ་ པཱ་ལི་མི་དགོས་ཏེ། སྔར་སྡོམ་པ་བྱིན་པ་ཉིད་ཀྱིས་སྟོན་ཅིག ། བཙུན་པ་དགེ་སློང་མ་ལ་སྟོན་པའི་དགེ་སློང་གནས་གཞན་དུ་བསྐོས་པ་ལས་གནས་གཞན་དུ་མཆིས་ནས་སྟོན་ན་སྔར་སྡོམ་པ་དེ་ཉིད་ཀྱིས་དགེ་སློང་མ་ལ་བསྟན་པར་བགྱིའམ། བསྟན་པར་མི་བགྱི། ཨུ་པཱ་ལི་བསྟན་པར་བྱའོ། ། བཙུན་པ་དགེ་སློང་མ་ལ་སྟོན་པ་ན་སེམས་འཁྲུགས་པར་གྱུར་ནས་རང་གི་སེམས་སླར་རྙེད་ན་ལན་གཉིས་སུ་བསྐོ་འཚལ་ལམ། ཨུ་པཱ་ལི་མི་དགོས་སོ། ། ཆོས་ལྔ་དང་ལྡན་པ་དགེ་སློང་མ་ལ་སྟོན་པར་བསྐོས་ན་བསྐོས་པ་ཞེས་བགྱིའམ། མ་བསྐོས་པ་ཞེས་བགྱི། ཨུ་པཱ་ལི་བསྐོས་པ་ཞེས་བྱ་ སྟེ་དགེ་འདུན་ཡང་འདས་པ་དང་བཅས་པར་མི་འགྱུར་རོ། །

བཙུན་པ་དགེ་སློང་དགེ་འདུན་གྱིས་དགེ་སློང་མ་ལ་སྟོན་པར་བསྐོས་ཀྱང་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། ཆོས་ལྔ་དང་མི་ལྡན་པར་གྱུར་པའོ། ། བཙུན་པ་དགེ་སློང་དགེ་སློང་མ་ལ་སྟོན་པར་དགེ་འདུན་ གྱིས་མ་བསྐོས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དགྲ་བཅོམ་པས་བསྟན་པའོ། ། བཙུན་པ་བསླབ་པ་སྩལ་བ་ཞིག་དགེ་སློང་མ་ལ་སྟོན་པར་དགེ་འདུན་གྱིས་མ་བསྐོས་ན་ཅིར་འགྱུར། ལྟུང་བའོ། ། བཙུན་པ་དགེ་ཚུལ་ཕ་ཞིག་དགེ་སློང་མ་ལ་སྟོན་ན་ཅིར་འགྱུར་ཉེས་བྱས་ སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་ པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་འདུན་གྱི་གདུགས་བས་ཀྱི་བར་དུ་དགེ་སློང་མ་ལ་སྟོན་པར་བསྐོས་པ་དང་། དེ་ལས་འདས་པར་སྟོན་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་གདུགས་བས་པ་ལས་འདས་པར་ བསྟན་ན་ཅིར་འགྱུར།

ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་སྨྱོན་མ་ཞིག་ལ་གདུགས་བས་པའི་དུས་ལས་འདས་པར་བསྟན་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། དམུས་ལོང་མ་དང་། གཉིད་ལོག་མ་དང་། ར་རོ་བ་དང་། མྱོས་མ་དང་། སྙོམས་པར་ཞུགས་མ་དང་། འགྲོ་བ་གཞན་དུ་གནས་པ་རྣམས་ལ་བསྟན་ན་ཐམས་ ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། མཚན་དང་བཞི་པ་དེ་བཞིན་ཏེ། ། མ་ནིང་མ་དང་བར་ཆད་དང་། ། དབྱར་ནི་ཐ་མར་གྱུར་པའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་གདུགས་བས་པའི་དུས་ལས་འདས་པར་དགེ་སློང་མ་ལ་བསྟན་ པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པ་ཞིག་གིས་མཐའ་འཁོབ་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

མཐའ་འཁོབ་པས་ མཐའ་འཁོབ་པའི་སྐད་དུ་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་གདུགས་བས་པའི་དུས་ལས་འདས་པར་དགེ་སློང་མ་ལ་བསྟན་པ་དང་། དགེ་སློང་མ་དེས་ཀྱང་འཕགས་ པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱིས་དམིགས་པས་གདུགས་བས་པའི་དུས་ལས་འདས་པར་དགེ་སློང་མ་ལ་བསྟན་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་གདུགས་བས་པའི་དུས་ལས་ འདས་པར་དགེ་སློང་མ་ལ་བསྟན་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གདུགས་བས་པའི་དུས་ལས་འདས་པར་དགེ་སློང་མ་ལ་སྟོན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གདུགས་བས་པའི་དུས་ལས་འདས་ པར་དགེ་སློང་མ་ལ་བསྟན་པ་ལས་དགེ་སློང་མ་དེ་ཡང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་གདུགས་བས་པའི་དུས་ལས་འདས་པར་དགེ་སློང་མ་ལ་ བསྟན་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་གདུགས་ བས་པའི་དུས་ལས་འདས་པར་དགེ་སློང་མ་ལ་བསྟན་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་གདུགས་བས་པ་ལ་གདུགས་བས་པར་འདུ་ཤེས་ཏེ་དགེ་སློང་མ་ལ་བསྟན་ན་ཅིར་འགྱུར། ལྟུང་བའོ། ། ཉི་མ་ནུབ་པ་ལ་ཉི་མ་ནུབ་པར་འདུ་ཤེས་ཏེ་བསྟན་ན་ཉེས་པ་མེད་དོ། ། ཉི་མ་མ་ནུབ་པ་ལ་ ནུབ་པར་འདུ་ཤེས་ཏེ་བསྟན་ན་ཉེས་བྱས་སོ། ། ཉི་མ་མ་ནུབ་པ་ལ་མ་ནུབ་པར་འདུ་ཤེས་ཏེ་བསྟན་ན་ཉེས་པ་མེད་དོ། ། བཙུན་པ་དགེ་སློང་གིས་དགེ་སློང་མ་མ་ནིང་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་བསྟན་ན་ ཅིར་འགྱུར། ཐམས་ཅད་ཉེས་བྱས་སོ། །

བཙུན་པ་དགེ་སློང་གིས་དགེ་སློང་མ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་གདུགས་བས་པའི་དུས་ལས་འདས་པར་བསྟན་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་གདུགས་བས་པའི་དུས་ ལས་འདས་པར་དགེ་སློང་མ་ལ་བསྟན་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་སློང་མ་དག་འོང་བ་ལས་བར་དུ་བར་ཆད་བརྒྱད་ལས་གང་ཡང་རུང་བ་ཞིག་བྱུང་བར་གྱུར་ན་ཉེས་པ་མེད་དོ། ། བཙུན་པ་དགེ་སློང་གིས་གདུགས་བས་པའི་དུས་ལས་འདས་པར་དགེ་སློང་མ་ ལ་བསྟན་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་སློང་མའི་གནས་སུ་སོང་སྟེ་སྟོན་ན་ཉེས་པ་མེད་དོ། ། ། ། མདོར་ན། སྐད་དང་ལུས་དང་དབེན་པ་དང་། ། མཚན་དང་བཞི་པ་དེ་བཞིན་དུ། ། བདུན་པ་མ་ནིང་དེ་བཞིན་ཏེ། ། བསླབ་པ་སྩལ་དང་དགེ་སློང་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་ལ་འདི་སྐད་དུ་ཟས་ཅུང་ཟད་ཙམ་གྱི་ཕྱིར་ཚེ་དང་ལྡན་པ་དགེ་སློང་མ་ལ་སྟོན་ཏོ་ཞེས་མཆི་ན་ལྟུང་བར་འགྱུར་རོ། ། ཞེས་གསུངས་ན།

བཙུན་པ་དགེ་སློང་འཕགས་ པས་འཕགས་པའི་སྐད་དུ་དགེ་སློང་ལ་འདི་སྐད་དུ་ཟས་ཅུང་ཟད་ཙམ་གྱི་ཕྱིར་ཚེ་དང་ལྡན་པ་ཁྱོད་དགེ་སློང་མ་ལ་སྟོན་ཏོ་ཞེས་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དགེ་སློང་ལ་དེ་ སྐད་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་ལ་དེ་སྐད་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་ འཁོབ་པས་འཕགས་པའི་སྐད་དུ་དགེ་སློང་ལ་འདི་ལྟར་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་ལུས་ཀྱི་དམིགས་པས་འདི་ ལྟར་ཚེ་དང་ལྡན་པ་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་གོ་བར་བགྱིས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ནས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར། ཉེས་ བྱས་སོ། ། བཙུན་པ་དགེ་སློང་གིས་དགེ་སློང་ལ་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་ཆོས་སྟོན་ཏོ་ཞེས་སྨྲ་བ་ན་དེའི་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་ལ་འདི་སྐད་དུ་འཕགས་པ་ཁྱོད་ཀྱིས་ཟས་ཅུང་ ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲ་བ་ན་དགེ་སློང་མ་དེ་ཡང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ནས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་ སྨྲས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །

བསྙེན་པར་མ་རྫོགས་པ་ལ་བསྙེན་པར་མ་རྫོགས་ པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་བསྙེན་པར་མ་རྫོགས་པས་མཐོང་ནས་བསྙེན་པར་མ་རྫོགས་པས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་མཐོང་ལ་བསྙེན་པར་ རྫོགས་ཀར་དེ་སྐད་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་མཐོང་ལ་བསྙེན་པར་རྫོགས་ཏེ་དེ་སྐད་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་མཐོང་ལ་བསྙེན་པར་རྫོགས་ཀར་དེ་སྐད་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་མཐོང་ ལ་བསྙེན་པར་རྫོགས་ནས་དེ་སྐད་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་མཐོང་ལ་བསྙེན་པར་རྫོགས་པ་ན་དེ་སྐད་སྨྲས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་མཐོང་ལ་བསྙེན་པར་མ་རྫོགས་པ་ན་དེ་སྐད་སྨྲས་ན་ཅིར་འགྱུར། ཉེས་བྱས་སོ། ། དགེ་སློང་གིས་ཟ་ མ་དང་། དགེ་སློང་མ་སུན་ཕྱུང་བ་ནས།

སྔར་འཁྲུགས་པའི་བར་དུ་དེ་དག་ལ་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་ སྩལ་བ་རྣམས་ལ་དེ་སྐད་སྨྲས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བསླབ་པ་སྩལ་བས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་སློབ་མ་དང་། དགེ་ཚུལ་མ་དང་། དགེ་ ཚུལ་ཕ་རྣམས་ལ་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར་ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། བཙུན་པ་དགེ་སློང་གིས་དགེ་སློང་ལ་ཕྲིན་གྱིས་འདི་སྐད་དུ་ཚེ་དང་ལྡན་པ་ཁྱོད་ཟས་ཅུང་ཟད་ཙམ་ཞིག་གི་ཕྱིར་དགེ་སློང་མ་ལ་སྟོན་ཏོ་ཞེས་སྨྲས་ན་ཅིར་འགྱུར།

ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་ བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་ ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། མི་རུང་བ་དང་བདུན་པ་དང་། ། དེ་བཞིན་མཚན་དང་བཞི་པ་དང་། ། གཞན་གྱིས་བརྩམས་དང་མ་ཟིན་དང་། ། ཆེ་བ་མ་ཆོག་ལྷག་དེ་བཞིན། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་དགེ་སློང་མའི་གོས་བགྱིས་ན་ལྟུང་བར་འགྱུར་རོ། ། ཞེས་གསུངས་ན། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མའི་གོས་བགྱིས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་འདི་ལྟར་ རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བར་གྱུར་པ་དང་གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། {རི་དགས་,རི་དྭགས་}ཀྱི་བལ་དང་། རའི་བལ་དང་འདྲེས་པ་དང་།

ཐགས་སུ་མ་བཏགས་པ་དང་། གོས་དེ་འདྲ་བ་ཞིག་ བགྱིད་དུ་སྩལ་ན་ཉེས་བྱས་སོ། ། བཙུན་པ་བསྙེན་པར་མ་རྫོགས་པས་གཉེན་མ་ལགས་པའི་དགེ་སློང་མའི་གོས་བགྱི་བར་བརྩམས་ནས་བསྙེན་པར་མ་རྫོགས་པར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བརྩམས་ལ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་ བྱས་སོ། ། བསྙེན་པར་མ་རྫོགས་པ་ན་བརྩམས་ལ་བསྙེན་པར་རྫོགས་པ་ན་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ཀར་ལགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ཏེ་ལགས་ན་ཅིར་ འགྱུར། ཉེས་བྱས་སོ། ། བསྙེན་པར་རྫོགས་པ་ན་བརྩམས་ལ་བསྙེན་པར་རྫོགས་པ་ན་ལགས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བརྩམས་ལ་བསྙེན་པར་མ་རྫོགས་པ་ན་ལགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་ མ་ལགས་པའི་དགེ་སློང་མའི་གོས་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་གཉེན་མ་ལགས་པའི་དགེ་སློང་གི་གོས་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ གཉེན་མ་ལགས་པའི་དགེ་སློང་མའི་གོས་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གཉེན་མ་ལགས་པར་འདུ་ཤེས་ཏེ་གོས་བགྱིད་ན་ཅིར་འགྱུར། ལྟུང་བའོ། ། གཉེན་མ་ལགས་ པ་ལ་གཉེན་ལགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་གཉེན་ལ་གཉེན་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། གཉེན་ལ་གཉེན་དུ་འདུ་ཤེས་ཏེ་གོས་བགྱིད་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་གཉེན་ མ་ལགས་པའི་དགེ་སློང་མ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་གོས་བགྱིད་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མའི་གོས་གཞན་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་གཉེན་མ་ ལགས་པའི་དགེ་སློང་མའི་གོས་གཞན་གྱིས་བརྩམས་པ་ལགས་པར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མའི་གོས་བགྱིད་པ་ལས་མ་ལགས་པར་བོར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་ པའི་དགེ་སློང་མའི་གོས་ཚད་ལས་ཆུང་བ་ཞིག་བགྱིས་ནས་བྱིན་གྱིས་བརླབ་ཏུ་མི་རུང་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མའི་གོས་ཚད་ལས་ལྷག་པར་བགྱིས་ན་བྱིན་གྱིས་བརླབ་ཏུ་མི་རུང་ན་ཅིར་འགྱུར། ཉེས་བྱས་སོ། ། ། ། འདུལ་ བ་གཞུང་དམ་པ། བམ་པོ་བརྒྱད་པ། མདོར་ན། སྨྱོན་མ་སེམས་འཁྲུགས་ན་བ་དང་། ། འོན་མ་དང་ནི་གླེན་མ་དང་། ། མ་ནིང་འགྲོ་བ་དེ་བཞིན་ཏེ། ། བསླབ་པ་སྩལ་དང་དགེ་སློང་མའོ། ། བཙུན་པ་དགེ་སློང་གིས་དགེ་སློང་མ་སྨྱོན་མའི་གོས་བགྱིད་ན་ཅིར་འགྱུར། ཉེས་བྱས་སོ། ། དེ་བཞིན་ དུ་དགེ་སློང་མ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། དམུས་ལོང་མ་དང་། མ་ནིང་མ་དང་། རྐུན་གནས་མ་དང་། མི་གནས་མ་དང་། སོ་སོར་གནས་མ་དང་། སྔར་འཁྲུགས་པ་དང་།

སྔར་ཉེས་པ་བྱུང་བ་དང་། འགྲོ་བ་གཞན་དུ་གནས་པ་རྣམས་ཀྱི་གོས་བྱས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་མས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱི་གོས་བགྱིས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་ གིས་དགེ་སློབ་མ་དང་། དགེ་ཚུལ་མའི་གོས་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་གཉེན་མ་ལགས་པའི་དགེ་སློང་དང་དགེ་ཚུལ་ཕ་རྣམས་ཀྱི་གོས་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་གཉེན་མ་ལགས་པའི་དགེ་སློང་མའི་ གོས་བགྱིས་ན་ཅིར་འགྱུར་ལྟུང་བའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་ རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་དགེ་སློང་མ་ལ་གོས་སྩལ་ན་ལྟུང་བར་འགྱུར་རོ་ཞེས་གསུངས་ན།

བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་ཕྲིན་གྱིས་གོས་སྩལ་ན་ ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་རྣམས་དང་། དེ་བཞིན་དུ་དགེ་སློང་མ་སྨྱོན་མ་ལ་གོས་བྱིན་པ་དང་། སེམས་འཁྲུགས་མ་དང་། ནད་ཀྱིས་གཟིར་མ་དང་། ལྐུགས་མ་ དང་། འོན་མ་དང་། གཉིད་ལོག་མ་དང་། ར་རོ་མ་དང་། མྱོས་མ་དང་། སྙོམས་པར་ཞུགས་མ་དང་། དེ་བཞིན་དུ་འགྲོ་བ་གཞན་དུ་གནས་མ་རྣམས་ལ་གོས་བྱིན་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། མི་རུང་བ་དང་བཞི་པ་དང་། ། དེ་བཞིན་མཚན་དང་མ་ཆོག་ལྷག ། དེ་ལྟར་ བདུན་པ་རིན་ཆེ་བ། ། ཐུན་མོང་བ་དང་མ་ནིང་ངོ་། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་སྩལ་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་དེའི་རྒྱུ་རུང་བར་གྱུར་ལ་སྤུན་མི་རུང་བ་དང་། སྤུན་རུང་བར་གྱུར་ལ་རྒྱུ་མི་རུང་བ་དང་། གཉི་ ག་མི་རུང་བ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་འདྲེས་པ་དང་། ཐགས་སུ་མ་བཏགས་པའོ། །

གོས་དེ་འདྲ་བ་ཞིག་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་བསྙེན་པར་རྫོགས་པ་ལ་བསྙེན་ པར་རྫོགས་པར་འདུ་ཤེས་ཏེ་གོས་སྩལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་ པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གཉེན་མ་ལགས་པར་འདུ་ཤེས་ཏེ་སྩལ་ན་ཅིར་འགྱུར། ལྟུང་བའོ། ། གཉེན་མ་ལགས་པ་ལ་གཉེན་དུ་འདུ་ཤེས་ན་ཅིར་འགྱུར། ཉེས་པ་མེད་དོ། ། གཉེན་ལགས་པ་ལ་གཉེན་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། གཉེན་ལ་གཉེན་དུ་འདུ་ཤེས་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་ བྱས་སོ། ། བཙུན་པ་དགེ་སློང་མས་གཉེན་མ་ལགས་པའི་དགེ་སློང་ལ་གོས་སྩལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་སྩལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཁྲུ་གང་ ལས་ཆུང་བར་གྱུར་པའི་གོས་དང་། བདེ་བར་གཤེགས་པའི་ཆོས་གོས་ཀྱི་ཚད་དུ་གྱུར་པའོ། ། བཙུན་པ་བསྙེན་པར་མ་རྫོགས་པ་ན་བསྔོས་ལ་བསྙེན་པར་མ་རྫོགས་པ་ན་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་བསྔོས་ལ་བསྙེན་པར་རྫོགས་ཀར་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསྔོས་ལ་བསྙེན་པར་རྫོགས་ཏེ་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསྡོས་ལ་བསྙེན་པར་རྫོགས་ཀར་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསྔོས་ལ་བསྙེན་པར་རྫོགས་ཏེ་སྩལ་ན་ཅིར་འགྱུར། ཉེས་ བྱས་སོ། ། བསྙེན་པར་རྫོགས་པ་ན་བསྔོས་ལ་བསྙེན་པར་རྫོགས་པ་ན་སྩལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བསྔོས་ལ་བསྙེན་པར་མ་རྫོགས་པར་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་རིན་པོ་ཆེ་ཞིག་སྩལ་ན་ ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་སྩལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། རིན་དུ་བཙོངས་ལ་རིན་གྱིས་ཉོས་པའོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལ་གོས་ཐུན་མོང་བ་སྩལ་ ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་ཞིག་ལ་གོས་སྩལ་ན་ཅིར་འགྱུར། གལ་ཏེ་དགེ་སྦྱོང་གི་གོས་བྱིན་ན་ཉེས་བྱས་སུ་འགྱུར་རོ། ། འོན་ཏེ་ཁྱིམ་པའི་གོས་བྱིན་ན་ཉེས་པ་མེད་དོ། ། བཙུན་པ་དགེ་སློང་གིས་དགེ་སློབ་མ་དང་། དགེ་ཚུལ་མ་ལ་གོས་སྩལ་ན་ཅིར་ འགྱུར། ཉེས་བྱས་སོ། ། དེ་བཞིན་དུ་མ་ནིང་དང་། རྐུན་གནས་མ་དང་། མི་གནས་མ་དང་། སོ་སོར་གནས་མ་དང་། སྔོན་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་གོས་བྱིན་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་དབྱེན་མ་དང་། ཉེ་བར་ ཕྱོགས་མ་དང་། བསླབ་པ་སྩལ་བ་མོ་རྣམས་ལ་གོས་སྩལ་ན་ཅིར་འགྱུར། ཐམས་ཅད་ལྟུང་བའོ། ། བཙུན་པ་དགེ་སློང་མས་ཁྱིམ་པ་ལ་གོས་སྩལ་ན་ཅིར་འགྱུར། གལ་ཏེ་དགེ་སྦྱོང་གི་གོས་བྱིན་ན་ལྟུང་བར་འགྱུར་རོ། ། འོན་ཏེ་ཁྱིམ་པའི་གོས་བྱིན་ན་ཉེས་པ་མེད་དོ། །

བཙུན་པ་དགེ་སློང་མས་དགེ་སློང་དང་། དགེ་ཚུལ་ཕ་ལ་གོས་སྩལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་གཉེན་མ་ལགས་པའི་དགེ་སློང་མ་ལ་གོས་སྩལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་ལ་ཉེས་བྱས་སོ། ། ། ། མདོར་ན། སྔགས་ དང་བཞི་པ་རྫུ་འཕྲུལ་དང་། ། མཚན་དང་དུས་དང་བདུན་པ་དང་། ། ལམ་མ་ཡིན་དང་ཁྱིམ་ལ་སོགས། ། སྐད་དང་ལུས་དང་དབེན་དེ་བཞིན། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མའི་འདྲོན་པ་ མང་པོ་དང་ལྷན་ཅིག་ཏུ་འཐམས་ཏེ་ཤུལ་དུ་ཞུགས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་འཐམས་ནས་སྔགས་སམ། སྨན་གྱིས་བདག་མི་སྣང་བར་བགྱིས་ཏེ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་མ་ལ་བསྙེན་པར་རྫོགས་པར་ འདུ་ཤེས་ཏེ་འཐམས་ནས་མཆིས་ན་ཅིར་འགྱུར། ལྟུང་བའོ། ། བསྙེན་པར་རྫོགས་མ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་མ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །

བསྙེན་པར་མ་རྫོགས་མ་ལ་བསྙེན་པར་མ་ རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་དང་འཐམས་ནས་ལྷན་ཅིག་ཏུ་རྫུ་འཕྲུལ་གྱིས་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མའི་འདྲོན་པ་མང་པོ་དང་འཐམས་ནས་ལྷན་ཅིག་ཏུ་འགྲོགས་ཏེ་མཆིས་པ་ན་མཚན་འཕོས་ ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མ་དགེ་སློང་ཕའི་འདྲོན་པ་མང་པོ་དང་འཐམས་ནས་ལྷན་ཅིག་ཏུ་ཤུལ་དུ་ཞུགས་ཏེ་མཆིས་པ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་དང་འཐམས་ནས་ཤུལ་ དུ་ཞུགས་ཏེ་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་ལམ་དུ་བར་ཆད་བརྒྱད་པོ་ལས་གང་ཡང་རུང་སྟེ། བར་ཆད་གཅིག་བྱུང་བར་གྱུར་པའོ། ། བཙུན་པ་བསྙེན་པར་མ་རྫོགས་པར་འཐམས་ལ་བསྙེན་པར་མ་རྫོགས་པར་མཆིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཐམས་ལ་བསྙེན་པར་རྫོགས་ཏེ་མཆིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་འཐམས་ལ་བསྙེན་པར་རྫོགས་ཀར་མཆིས་ན་ཅིར་འགྱུར། ཉེས་བྱས་སོ།

། བསྙེན་པར་རྫོགས་ཀར་འཐམས་ལ་བསྙེན་པར་རྫོགས་ཀར་མཆིས་ན་ཅིར་ འགྱུར། ཉེས་བྱས་སོ། ། བསྙེན་པར་རྫོགས་ཀར་འཐམས་ལ་བསྙེན་པར་རྫོགས་ཏེ་མཆིས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་འཐམས་ལ་བསྙེན་པར་རྫོགས་པ་ན་མཆིས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་འཐམས་ལ་བསྙེན་པར་མ་རྫོགས་པ་ན་མཆིས་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་འཐམས་ནས་ཤུལ་མ་ལགས་པར་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་མོ་ནས། སྔར་འཁྲུགས་པའི་བར་དུ་ལྷན་ཅིག་འཐམས་ཏེ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་ གྱི་དབྱེན་བགྱིས་མ་དང་། བསླབ་པ་སྩལ་བ་དང་འཐམས་ནས་ལྷན་ཅིག་མཆིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་མ་དང་ལྷན་ཅིག་འཐམས་པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་འཐམས་པ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་འཐམས་པ་དང་།

དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ བྱས་སོ། ། མཐའ་འཁོབ་པས་འཕགས་པའི་སྐད་དུ་འཐམས་པ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་དང་ལྷན་ཅིག་ཏུ་ལུས་ཀྱི་དམིགས་པས་འཐམས་ཏེ་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འཐམས་ན་ཅིར་འགྱུར་ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། བཙུན་པ་དགེ་སློང་གིས་དགེ་སློང་མ་དང་ལྷན་ཅིག་ཏུ་ཕྲིན་གྱིས་འཐམས་ནས་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་ བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་སྨྱོན་མ་དང་འཐམས་ནས་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་མ་དང་།

ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། དམུས་ལོང་མ་དང་། གཉིད་ ལོག་མ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། དེ་བཞིན་དུ་འགྲོ་བ་གཞན་དུ་གནས་མ་རྣམས་དང་འཐམས་ནས་ལྷན་ཅིག་ལམ་དུ་ཞུགས་ཏེ་དོང་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་དགེ་སློང་མ་དང་འཐམས་ནས་ལྷན་ཅིག་ཤུལ་དུ་ཞུགས་ ན་ཅིར་འགྱུར། ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློབ་མ་དང་། དགེ་ཚུལ་མ་དང་འཐམས་ནས་ལྷན་ཅིག་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་དང་། དགེ་ཚུལ་ཕ་དང་། ཁྱིམ་པ་རྣམས་དང་འཐམས་ནས་ལྷན་ཅིག་ཏུ་མཆིས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་དང་འཐམས་ནས་མཆིས་ན་ཅིར་འགྱུར། ཉེས་བྱས་སོ། ། ཇི་ལྟར་ལམ་དུ་ཞུགས་པ་དེ་བཞིན་དུ་གྲུ་རྒལ་བ་ལ་ཡང་ཤེས་པར་བྱ་སྟེ། རྫུ་འཕྲུལ་དང་། ལམ་ལས་གཞན་དུ་འགྲོ་བ་མ་གཏོགས་པར་ལྷག་མ་རྣམས་ནི་དེ་བཞིན་དུ་རྒྱས་པར་བརྗོད་པར་ བྱའོ། ། ། ། མདོར་ན། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། གཉིད་ལོག་ར་རོ་མྱོས་པ་དང་། །

སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ བུད་མེད་དང་ལྷན་ཅིག་གཉིས་སུ་དབེན་པ་སྐྱབས་མཆིས་པ་ན་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་ཞིག་སྨྱོན་མ་དང་ལྷན་ཅིག་ཏུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་མ་དང་། ནད་ཀྱིས་གཟིར་མ་ དང་། གླེན་མ་དང་། ལྐུགས་མ་དང་། འོན་མ་དང་། དམུས་ལོང་མ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། དེ་བཞིན་དུ་འགྲོ་བ་གཞན་དུ་གནས་པ་རྣམས་དང་ལྷན་ཅིག་ཏུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ཉེས་བྱས་ སོ། ། ། ། མདོར་ན། གཞོན་ནུ་མ་དང་ནམ་མཁའ་དང་། ། སྔགས་དང་མཚན་དང་བཞི་པ་དང་། ། མ་ནིང་དབེན་པ་དེ་བཞིན་ཏེ། ། བསླབ་པ་སྩལ་བ་དགེ་སློང་མའོ། ། བཙུན་པ་དགེ་སློང་ཞིག་གཞོན་ནུ་མ་དང་ལྷན་ཅིག་ཏུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ཉེས་བྱས་སོ། ། བཙུན་པ་བུད་ མེད་དོགས་ལ་མཆིས་ལ་དགེ་སློང་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་སྔགས་དང་སྨན་གྱིས་བདག་ཉིད་མི་སྣང་བར་གྱུར་ཏེ་མཆིས་པར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་དབེན་པ་སྐྱབས་ མཆིས་པར་མཆིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མ་སྐྱེས་པ་དང་ལྷན་ཅིག་གཉིས་པུ་དབེན་པ་སྐྱབས་མཆིས་པ་ན་མཆིས་པ་དང་། མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་མིའི་བུད་མེད་ ལ་མིར་འདུ་ཤེས་ཏེ་གཉིས་པུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ལྟུང་བའོ། ། མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་མ་ནིང་མ་དང་ལྷན་ཅིག་གཉིས་པུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ཉེས་བྱས་སོ། ། མཚན་གཉིས་པ་ཡང་དེ་བཞིན་ནོ། ། བཙུན་པ་དགེ་སློང་གིས་མ་ནིང་དང་ལྷན་ཅིག་ཏུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ཉེས་བྱས་སོ། །

བཙུན་པ་ དགེ་སློང་གིས་དགེ་སློང་མ་སུན་ཕྱུང་བ་དང་ལྷན་ཅིག་དབེན་པ་སྐྱབས་མཆིས་པར་མཆིས་ན་ཅིར་འགྱུར། ལྟུང་བའོ། ། དེ་བཞིན་དུ་ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་མོ་རྣམས་དང་ལྷན་ཅིག་ཏུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློང་མ་དང་ལྷན་ཅིག་ཏུ་གཉིས་པུ་དབེན་པ་སྐྱབས་མཆིས་པར་མཆིས་ན་ཅིར་འགྱུར། ལྟུང་བའོ། ། དེ་བཞིན་དུ་དགེ་སློབ་མ་དང་། དགེ་ཚུལ་མ་དང་། རྐུན་གནས་དང་། སོ་སོར་གནས་མ་དང་། མི་གནས་མ་དང་། དགེ་འདུན་གྱི་དབྱེན་མ་དང་། སྔར་ཉེས་པ་བྱུང་བ་དང་། བསླབ་པ་སྩལ་བ་མོ་དང་གཉིས་པུ་ལྷན་ཅིག་དབེན་པ་སྐྱབས་ཡོད་པ་ན་འདུག་ན་ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་མ་སྐྱེས་པ་ དང་གཉིས་པུ་ལྷན་ཅིག་ཏུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ལྟུང་བའོ། ། དགེ་སློང་དང་ལྷན་ཅིག་ཏུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ལྟུང་བའོ། །

དགེ་ཚུལ་ཕ་དང་ལྷན་ཅིག་ཏུ་གཉིས་པུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ལྟུང་བའོ། ། བཙུན་པ་བསླབ་པ་སྩལ་བ་བུད་མེད་དང་ལྷན་ཅིག་གཉིས་པུ་དབེན་པ་སྐྱབས་མཆིས་པ་ན་མཆིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་བུད་མེད་དང་གཉིས་པུ་ལྷན་ཅིག་མི་དབེན་པ་ལ་དབེན་པར་འདུ་ཤེས་ཏེ་སྐྱབས་མཆིས་པར་མཆིས་ན་ཅིར་འགྱུར། ཉེས་བྱས་སོ། ། དགེ་ སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ཇི་ལྟར་བུད་མེད་དང་ལྷན་ཅིག་འདུག་པར་བྱེད་པ་དེ་བཞིན་དུ་དགེ་སློང་མ་དང་ལྷན་ཅིག་འདུག་པ་ལ་ཡང་རྒྱས་པར་བརྗོད་པར་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་ གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་ མ་རྣམས་ཀྱིས་སྦྱོར་དུ་སྩལ་བའི་ཟས་ཟོས་ན་ལྟུང་བར་འགྱུར་རོ་ཞེས་གསུངས་ན།

བཙུན་པ་དགེ་སློང་གིས་དགེ་སློང་མས་ཕྲིན་གྱིས་སྦྱོར་དུ་སྩལ་བའི་ཟས་འཚལ་བཞིན་དུ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་མ་སྨྱོན་མས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་ དང་། འོན་མ་དང་། འགྲོ་བ་གཞན་དུ་གནས་པ་རྣམས་ཀྱིས་སྦྱོར་དུ་བཅུག་པའི་ཟས་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཁྱིམ་བདག་གམ་ཁྱིམ་བདག་གི་ཆུང་མ་སྨྱོན་མས་སྦྱོར་དུ་སྩལ་བའི་ཟས་དགེ་སློང་དེས་འཚལ་བཞིན་དུ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་མོ་རྣམས་ཀྱིས་སྦྱོར་དུ་བཅུག་པ་དགེ་སློང་དེས་ ཤེས་བཞིན་དུ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན།

གཞན་གྱི་ཕྱིར་དང་དེ་བཞིན་ལུས། ། མཚན་དང་བཞི་པ་བདུན་པ་དང་། ། ཚུལ་ཁྲིམས་གཞན་དང་དགེ་སློང་དང་། ། ཁྱིམ་པ་སློབ་པ་ཐ་མའོ། ། བཙུན་པ་དགེ་སློང་མས་གཞན་གྱི་སླད་དུ་སྦྱོར་དུ་སྩལ་བ་དེས་ཀྱང་ དེ་ལྟར་འདུ་ཤེས་ཏེ་གཞན་ལ་སྩལ་བ་དང་། དགེ་སློང་དེས་ཀྱང་འཚལ་བཞིན་དུ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་ལུས་ཀྱི་དམིགས་པས་ཟས་སྦྱོར་དུ་སྩལ་བ་དང་། དགེ་སློང་དེས་འཚལ་བཞིན་དུ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་གིས་དགེ་སློང་མས་སྦྱོར་དུ་སྩལ་བའི་ཟས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་གིས་སྦྱོར་དུ་སྩལ་བའི་ཟས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གིས་དགེ་སློང་མས་སྦྱོར་དུ་སྩལ་བའི་ཟས་ལ་སྦྱོར་དུ་སྩལ་བར་འདུ་ཤེས་ན་ཅིར་འགྱུར། ལྟུང་བའོ། ། སྦྱོར་དུ་བཅུག་པ་ལ་སྦྱོར་དུ་མ་བཅུག་པར་འདུ་ཤེས་ཏེ་ཟོས་ན་ཉེས་པ་མེད་དོ། ། སྦྱོར་དུ་མ་བཅུག་པ་ལ་སྦྱོར་དུ་བཅུག་པར་འདུ་ཤེས་ཏེ་ཟོས་ན་ཉེས་བྱས་སོ། །

སྦྱོར་དུ་མ་ བཅུག་པ་ལ་སྦྱོར་དུ་མ་བཅུག་པར་འདུ་ཤེས་ཏེ་ཟོས་ན་ཉེས་པ་མེད་དོ། ། བཙུན་པ་དགེ་སློང་གིས་དགེ་སློང་མ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྦྱོར་དུ་སྩལ་བ་འཚལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་སྦྱོར་དུ་སྩལ་ལ་བསྙེན་པར་མ་རྫོགས་ པར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་སྦྱོར་དུ་སྩལ་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་སྦྱོར་དུ་སྩལ་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་སྦྱོར་ དུ་སྩལ་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པར་སྦྱོར་དུ་སྩལ་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་པ་ན་སྦྱོར་དུ་སྩལ་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། ། བསྙེན་ པར་རྫོགས་པ་ན་སྦྱོར་དུ་སྩལ་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཚུལ་ཁྲིམས་དང་ཐོས་པ་དང་ལྡན་པའི་སླད་དུ་སྦྱོར་དུ་སྩལ་བ་མ་གཏོགས་པར་ཡོན་ཏན་གཞན་གྱི་སླད་དུ་སྩལ་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་གིས་ཟས་མ་གཏོགས་པ་དེ་ལས་གཞན་པའི་རྩ་བ་དང་འབྲས་བུ་ལ་སོགས་པ་སྦྱོར་དུ་སྩལ་བ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ཞིག་སྦྱོར་དུ་སྩལ་བ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་ཚུལ་ཕ་དང་། ཟ་མ་དང་། མ་ནིང་ དང་། དགེ་སློང་མ་སུན་ཕྱུང་བ་ནས་རྒྱས་པར་བསླབ་པ་སྩལ་བ་རྣམས་ཀྱིས་སྦྱོར་དུ་བཅུག་པའི་ཟས་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློབ་མས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་ཚུལ་མ་དང་། མ་ ནིང་མ་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་།

དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཁྱིམ་པ་མོ་རྣམས་ཀྱིས་སྦྱོར་དུ་བཅུག་པ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་མ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་སྦྱོར་དུ་སྩལ་བ་འཚལ་ན་ཅིར་འགྱུར། ཐམས་ཅད་ ལྟུང་བར་འགྱུར་རོ། ། བཙུན་པ་དགེ་སློང་མས་དགེ་སློང་གིས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་ཚུལ་མ་དང་། དགེ་སློབ་མ་དང་། དགེ་ཚུལ་ཕ་དང་། ཁྱིམ་པ་མོ་དང་། མ་ནིང་མོ་དང་། བསླབ་པ་སྩལ་བ་རྣམས་ཀྱིས་སྦྱོར་དུ་སྩལ་བའི་ཟས་ ཟོས་ན་ཐམས་ཅད་ཉེས་བྱས་སུ་འགྱུར་བར་རྒྱས་པར་སྦྱར་རོ། ། བཙུན་པ་བསླབ་པ་སྩལ་བས་དགེ་སློང་མས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་སྦྱོར་དུ་སྩལ་བའི་ཟས་འཚལ་ན་ཅིར་འགྱུར། ཉེས་བྱས་ སོ། ། ། ། མདོར་ན། ཟས་དང་གཙེས་ཀྱང་དེ་བཞིན་ཏེ། །

མཉམ་པ་གཉིས་དང་མི་རུང་བ། ། སྤུན་གྱི་ལྷག་མ་འཚལ་རྣམས་དང་། ། བཞི་པ་བདུན་པ་གཉིས་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དུས་ལ་ བབ་པ་མ་གཏོགས་པར་ཡང་ཡང་འཚལ་ན་ལྟུང་བར་འགྱུར་རོ། ། ཞེས་གསུངས་ན། བཙུན་པ་དགེ་སློང་གིས་ཁ་གཉིས་སུ་མགྲོན་དུ་བོས་པ་བདག་གིར་བགྱིས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ཡང་སྔར་བཟའ་བ་དང་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་ལ་མགྲོན་དུ་བོས་ལ་ཕྱིས་ཟས་ལ་མགྲོན་དུ་བོས་པའོ། ། བཙུན་པ་དགེ་སློང་ལ་གཙེ་བར་སེམས་ཤིང་མགྲོན་དུ་བོས་པར་དགེ་སློང་དེས་འཚལ་ནས་སླད་ཀྱིས་མགྲོན་དུ་བོས་པ་ལ་ཁས་བླངས་ཏེ་འཚལ་ན་ཅིར་འགྱུར། ཉེས་པ་ མེད་དོ། ། བཙུན་པ་དགེ་སློང་གིས་ལན་གཉིས་ལན་གསུམ་དུ་མགྲོན་དུ་བོས་ཏེ་འཚལ་ན་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་གིས་གོས་མེད་པར་མགྲོན་དུ་བོས་ཏེ་ཟོས་པའི་འོག་ཏུ་གོས་དང་བཅས་པ་དང་ཁ་གཉིས་སུ་མགྲོན་དུ་བོས་པར་གྱུར་ པའོ། ། བཙུན་པ་དགེ་སློང་གིས་གོས་དང་བཅས་པ་གཉིས་སུ་འཚལ་ཀྱང་ནོངས་པར་མི་འགྱུར་བ་མཆིས་སམ།

ཨུ་པཱ་ལི་ཡོད་དེ། གོས་མི་རུང་བའོ། ། དེ་ཡང་དགེ་སློང་གིས་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མི་རུང་བའི་ཟས་ལ་མགྲོན་དུ་བོས་པ་ དང་། དེའི་འོག་ཏུ་རུང་བའི་ཟས་བཙལ་ཏེ་འཚལ་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་ནང་པར་ཟས་ལ་མགྲོན་དུ་བོས་ལ་དེའི་འོག་ཏུ་ཡང་བོས་པའི་ཟས་འཚལ་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་གོས་མ་མཆིས་པའི་ཟས་སླད་མ་འཚལ་ན་ མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མ་གོས་མ་མཆིས་པའི་མགྲོན་དུ་བོས་པའི་སླད་མ་འཚལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གོས་མ་མཆིས་པ་ལ་གོས་མ་མཆིས་པར་ འདུ་ཤེས་ཏེ་མགྲོན་དུ་བོས་པ་སླད་མ་འཚལ་ན་ཅིར་འགྱུར། ལྟུང་བའོ། ། གོས་མེད་པ་ལ་གོས་དང་བཅས་པར་འདུ་ཤེས་ཏེ་ཟོས་ན་ཉེས་པ་མེད་དོ། ། གོས་དང་བཅས་པ་ལ་གོས་མེད་པར་འདུ་ཤེས་ཏེ་ཟོས་ན་ཉེས་བྱས་སུ་འགྱུར་རོ། ། གོས་དང་བཅས་པ་ལ་གོས་དང་བཅས་པར་འདུ་ ཤེས་ཏེ་ཟོས་ན་ཉེས་པ་མེད་དོ། །

བཙུན་པ་བསྙེན་པར་མ་རྫོགས་པ་ན་གོས་མ་མཆིས་པར་མགྲོན་དུ་བོས་པ་སླད་མར་ཁས་བླངས་ལ་བསྙེན་པར་མ་རྫོགས་པར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་ཁས་བླངས་ལ་བསྙེན་པར་རྫོགས་ཀར་འཚལ་ན་ཅིར་ འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་ཁས་བླངས་ལ་བསྙེན་པར་རྫོགས་ཏེ་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་ཁས་བླངས་ལ་བསྙེན་པར་རྫོགས་ཏེ་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་ཁས་བླངས་ལ། བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་ཁས་བླངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་ཁས་བླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་གནས་གཅིག་ཏུ་མཆིས་ཏེ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་ཁྱིམ་བདག་གཉིས་ཀྱིས་ལྷན་ཅིག་ཟས་ལ་མགྲོན་དུ་བོས་པའོ། ། བཙུན་པ་བསླབ་པ་སྩལ་བས་ཟས་ཡང་ཡང་འཚལ་ན་ཅིར་འགྱུར་ལྟུང་བའོ། ། ། ། མདོར་ན། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། །

མ་ནིང་འགྲོ་བ་དེ་བཞིན་ཏེ། ། དགེ་སློང་མ་ནི་ཐ་མའོ། ། བཙུན་པ་དགེ་སློང་གིས་སྨྱོན་པ་ཞིག་གིས་གོས་མ་མཆིས་པའི་མགྲོན་དུ་བོས་པ་སླད་མར་ཁས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། མ་ནིང་དང་། མ་ནིང་མ་དང་། འདི་ལས་ཕྱི་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་ཡང་དེ་བཞིན་ནོ། ། དེ་བཞིན་དུ་དགེ་སློང་ དང་། དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་དང་། འགྲོ་བ་གཞན་དུ་གནས་པ་རྣམས་ཀྱིས་ཀྱང་། གོས་མེད་པར་མགྲོན་དུ་བོས་པ་ཕྱི་མ་བཙལ་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་མས་ཟས་ཡང་ཡང་ འཚལ་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་རྣམས་ཀྱིས་འཚལ་ན་ཅིར་འགྱུར་ཉེས་བྱས་སོ། ། ། ། མདོར་ན། སྔགས་དང་བཞི་པ་ནམ་མཁའ་དང་། ། མཚན་དང་ཟས་ཀྱང་དེ་བཞིན་ཏེ། ། བདུན་པ་གཉིས་པ་གཞན་དག་དང་། ། གཞན་དུ་ གྱུར་པ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་དགེ་སློང་བྲོ་མ་འཚལ་བར་མུ་སྟེགས་ཅན་གྱི་གནས་སུ་དགོངས་ན་ཟན་ལན་གཅིག་ཟོ་ཞིག་དེ་ལས་ལྷག་པར་ཟོས་ན་ལྟུང་བར་འགྱུར་རོ་ཞེས་ གསུངས་ན། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བགྱིས་ཏེ་ཟན་ལན་གཉིས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མུ་སྟེགས་ཅན་གྱི་གནས་ལ་མུ་སྟེགས་ཅན་གྱི་གནས་སུ་འདུ་ཤེས་ཏེ་ཟན་ལན་གཉིས་འཚལ་ན་ཅིར་འགྱུར། ལྟུང་བའོ། ། མུ་སྟེགས་ཅན་གྱི་གནས་ལ་མུ་སྟེགས་ཅན་གྱི་གནས་མ་ཡིན་པར་འདུ་ཤེས་ན་ཉེས་པ་མེད་དོ། ། མུ་སྟེགས་ཅན་གྱི་གནས་མ་ཡིན་པ་ལ་མུ་སྟེགས་ཅན་གྱི་གནས་སུ་འདུ་ཤེས་ན་ཉེས་བྱས་སུ་འགྱུར་རོ། ། མུ་སྟེགས་ཅན་གྱི་གནས་མ་ཡིན་པ་ལ་མུ་སྟེགས་ཅན་གྱི་ གནས་མ་ཡིན་པར་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་གིས་ནམ་མཁའ་ལ་གནས་ནས་ཟན་ལན་གཉིས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མུ་སྟེགས་ཅན་གྱི་གནས་སུ་ཟན་ལན་གཉིས་འཚལ་བ་ན་མཚན་འཕོས་ཏེ་དགེ་སློང་མར་ གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་མས་མུ་སྟེགས་ཅན་གྱི་གནས་སུ་ཟན་ལན་གཉིས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ཟན་མ་གཏོགས་པར་དེ་ལས་གཞན་པའི་བཟའ་བ་དང་། བཅའ་བ་ དང་། བཏུང་བ་དང་། བལྡག་པ་རྣམས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་མུ་སྟེགས་ཅན་གྱི་གནས་སུ་དགོངས་ལ་བསྙེན་པར་མ་རྫོགས་པས་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་གནས་ལ་བསྙེན་པར་རྫོགས་ ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་གནས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་གནས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་ གནས་ལ་བསྙེན་པར་རྫོགས་ཏེ་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་གནས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་གནས་ལ་བསྙེན་པར་མ་རྫོགས་པར་འཚལ་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་གཞན་ནས་ཟས་བླངས་ཏེ་མུ་སྟེགས་ཅན་གྱི་གནས་སུ་མཆིས་ནས་འཚལ་ན་ཅིར་འགྱུར་ཉེས་བྱས་སོ། །

བཙུན་པ་དགེ་སློང་གིས་མུ་སྟེགས་ཅན་གྱི་གནས་ནས་ཟས་བླངས་ལ་གཞན་དུ་མཆིས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མུ་སྟེགས་ཅན་ གྱི་གནས་མ་གཏོགས་པར་དེ་ལས་གཞན་པའི་དགེ་སྦྱོང་དང་བྲམ་ཟེའི་གནས་སུ་འཚལ་ན་ཅིར་འགྱུར། ཉེས་བྱས་སོ། ། ། ། མདོར་ན། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བ་དང་། ། ཟ་མ་མ་ནིང་དེ་བཞིན་ཏེ། ། བསླབ་པ་བྱིན་དང་དགེ་སློབ་མའོ། ། བཙུན་པ་དགེ་སློང་གིས་སྨྱོན་པའི་གནས་སུ་ཟས་སླད་མ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། ཟ་མ་དང་། མ་ནིང་རྣམས་དང་། དེ་བཞིན་དུ་འགྲོ་བ་གཞན་ དུ་གནས་པ་རྣམས་ཀྱི་གནས་སུ་ཟས་ཕྱི་མ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་མུ་སྟེགས་ཅན་གྱི་གནས་སུ་དགོངས་ལ་ཟས་སླད་མ་འཚལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་འཚལ་ ན་ཅིར་འགྱུར། ཉེས་བྱས་སོ། ། ། ། འདུལ་བ་གཞུང་དམ་པ། བམ་པོ་དགུ་པ། མདོར་ན། ཕྲིན་པ་སྤྲིང་ཡིག་ལག་བརྡ་དང་། །

གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བའོ། ། སངས་རྒྱས་ བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་མང་པོ་གྲོང་དུ་འདོང་བ་དང་། དེ་དག་ལ་བྲམ་ཟེ་དང་ཁྱིམ་བདག་དག་གིས་སྐྱོ་མ་དང་མར་ཁུར་རྣམས་མང་དུ་བྱིན་པ་ལ་དགེ་སློང་དེ་དག་གིས་འདོད་ན་ལྷུང་བཟེད་གང་བ་ གཉིས་སམ་གསུམ་ལོང་ཤིག ། དེ་ལས་ལྷག་པར་བླངས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་ གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བླངས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ལས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་ གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལས་ལྷུང་བཟེད་གང་བ་གསུམ་ལས་ལྷག་པར་བསླངས་ན་ཐམས་ཅད་དུ་ཉེས་བྱས་སུ་འགྱུར་རོ། ། ། ། མདོར་ན།

གཞན་གྱིས་གཞན་དང་འདི་ལས་ཕྱི། ། ཟས་དང་ མི་རུང་བ་དག་དང་། ། མཚན་དང་བཞི་པ་བདུན་པ་དང་། ། མ་ནིང་དག་ཀྱང་དེ་བཞིན་ནོ། ། བཙུན་པ་དགེ་སློང་གིས་ལྷུང་བཟེད་གང་བ་གསུམ་ལས་ལྷག་པར་གཞན་ལེན་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་ཞིག་གི་ཕྱིར་བླངས་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་འདི་ལས་གཞན་ཕྱི་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་ཏུ་རྒྱུ་བ་རྣམས་ལས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཐམས་ཅད་ཉེས་བྱས་སོ། ། བཙུན་པ་ དགེ་སློང་གིས་ལྷུང་བཟེད་གང་བ་གསུམ་ལས་ལྷག་པར་བླངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཟས་མི་རུང་བ་བླངས་ན་ཉེས་བྱས་སོ། ། བཙུན་པ་དགེ་སློང་གིས་ཟས་མ་གཏོགས་པར་དེ་ལས་གཞན་པའི་བཟའ་བ་དང་། བཅའ་བ་དང་། བཏུང་བ་ དང་། བཞིབ་པ་རྣམས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལྷུང་བཟེད་གང་བ་གསུམ་ལས་ལྷག་པར་ལེན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་ མས་ལྷུང་བཟེད་གང་བ་གསུམ་ལས་ལྷག་པར་ལེན་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ལྟུང་བའོ། ། མི་ལ་མི་མ་ཡིན་པར་ འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དྲུག་ཕུལ་ཕྱེད་དང་ལྔ་ལས་ལྷག་པ་ལ་ལྷག་པར་འདུ་ཤེས་ཏེ་བླངས་ན་ཅིར་ འགྱུར། ལྟུང་བའོ། ། ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། ། མ་ལྷག་པ་ལ་ལྷག་པར་འདུ་ཤེས་ན་ཉེས་བྱས་སུ་འགྱུར་རོ། ། མ་ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། ། བཙུན་པ་བསྙེན་པར་མ་རྫོགས་པར་རྙེད་ལ་བསྙེན་པར་མ་རྫོགས་ པར་བླངས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་རྙེད་ལ་བསྙེན་པར་རྫོགས་ཀར་བླངས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་རྙེད་ལ་བསྙེན་པར་རྫོགས་པ་ན་བླངས་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་ཀར་རྙེད་ལ་བསྙེན་པར་ རྫོགས་ཀར་བླངས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ནས་བླངས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་རྙེད་ལ་བསྙེན་པར་རྫོགས་ནས་བླངས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་རྙེད་ལ་བསྙེན་ པར་མ་རྫོགས་པར་བླངས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལྷུང་བཟེད་གང་བ་གསུམ་ལས་ལྷག་པར་བླངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཁྱིམ་དེ་ཉིད་དུ་འདུག་སྟེ་ཟ་བའོ། ། བཙུན་པ་དགེ་སློང་གིས་ མ་ནིང་ལས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་རྣམས་ལས་བླངས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་ལྷུང་བཟེད་གང་བ་གསུམ་ལས་ལྷག་པར་བླངས་ ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ལྷུང་བཟེད་གང་བ་གསུམ་ལས་ལྷག་པར་བླངས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བླངས་ན་ཅིར་འགྱུར། ཉེས་བྱས་སོ། ། ། ། མདོར་ན། དུས་དང་མཚན་ནི་དེ་བཞིན་ཏེ། །

བཟའ་བ་དང་ནི་བཞིབ་པ་དང་། ། མི་རུང་བདུན་པ་དེ་བཞིན་ཏེ། ། ཀུན་རྫོགས་མ་བྱས་བྱས་པའོ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་འཚལ་མ་འཚལ་ ལགས་ལ་ལྷག་མར་མ་བགྱིས་པར་བཟའ་བ་དང་བཅའ་བའི་རྣམས་འཆོས་སམ་འཚལ་ན་ལྟུང་བར་འགྱུར་རོ། ། ཞེས་གསུངས་ན། བཙུན་པ་དགེ་སློང་གིས་ལྷག་མར་མ་བགྱིས་པའི་བཅའ་བ་དང་བཟའ་བ་ཞིག་འཆོས་སམ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་ དེ། ན་བའི་དུས་སུ་བྱིན་གྱིས་བརླབས་ཏེ་ཟོས་པའོ། ། བཙུན་པ་དགེ་སློང་གིས་འཚལ་མ་འཚལ་ལགས་ནས་སྤངས་པ་ལས་དེས་ལྷག་མར་མ་བགྱིས་པར་བཅའ་བ་དང་། བཟའ་བ་ཞིག་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་མས་འཚལ་མ་འཚལ་ལགས་ནས་སྤངས་པ་ལས་དེས་ལྷག་མར་མ་བགྱིས་པར་བཅའ་བ་དང་། བཟའ་བ་ཞིག་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ལྷག་མར་བགྱིད་པ་ན་མཚན་འཕོས་ན་ལྷག་མར་བགྱིས་པ་ཞེས་ བགྱིའམ། ལྷག་མར་མ་བྱས་པ་ཞེས་བྱའོ། །

བཙུན་པ་དགེ་སློང་གིས་ཟས་མ་གཏོགས་པར་དེ་ལས་གཞན་པ་བཟའ་བ་དང་། བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་བཟའ་བའི་ཟས་ཡིན་གྱི་སྨན་མ་ལགས་པ་དེ་དག་ལྷག་མར་མ་བགྱིས་པར་འཚལ་ན་ཅིར་ འགྱུར། ལྟུང་བའོ། ། བཙུན་པ་དགེ་སློང་གིས་ཟས་མ་གཏོགས་པར་དེ་ལས་གཞན་པའི་བཟའ་བ་དང་། བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་སྤངས་ན་སྤངས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་ཅིའི་ཕྱིར་ཞེ་ན། ཨུ་པཱ་ལི་བཟའ་བ་ དང་། བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་ལ་སྤངས་པ་མེད་དོ། ། བཙུན་པ་དགེ་སློང་གིས་སྤངས་པ་ལ་སྤངས་པར་འདུ་ཤེས་ཏེ་ལྷག་མར་མ་བགྱིས་པའི་བཟའ་བ་དང་། བཏུང་བ་རྣམས་འཚལ་ན་ཅིར་འགྱུར། ལྟུང་བའོ། ། སྤངས་པ་ལ་ མ་སྤངས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། ། མ་སྤངས་པ་ལ་སྤངས་པར་འདུ་ཤེས་ཏེ་ཟོས་ན་ཉེས་བྱས་སུ་འགྱུར་རོ། ། མ་སྤངས་པ་ལ་མ་སྤངས་པར་འདུ་ཤེས་ཏེ་ཟོས་ན་ཉེས་པ་མེད་དོ། ། བཙུན་པ་དགེ་སློང་གིས་ལྷག་མར་མ་བགྱིས་པ་ལ་ལྷག་མར་མ་བགྱིས་པར་ འདུ་ཤེས་ཏེ་བཅའ་བ་དང་། བཟའ་བའི་རྣམས་འཚལ་ན་ཅིར་འགྱུར། ལྟུང་བའོ། །

ལྷག་མར་མ་བྱས་པ་ལ་ལྷག་མར་འདུ་ཤེས་ཏེ་བཅའ་བ་དང་བཟའ་བའི་རྣམས་ཟོས་ན་ཉེས་པ་མེད་དོ། ། ལྷག་མར་བྱས་པ་ལ་ལྷག་མར་མ་བྱས་པར་འདུ་ཤེས་ཏེ་ཟོས་ན་ཉེས་བྱས་སོ། ། ལྷག་མར་ བྱས་པ་ལ་ལྷག་མར་བྱས་པར་འདུ་ཤེས་ཏེ་ཟོས་ན་ཉེས་པ་མེད་དོ། ། བཙུན་པ་དགེ་སློང་གིས་མི་རུང་བའི་ཟས་འཚལ་ལ་སྤངས་ན་སྤངས་པ་ཞེས་བགྱི་འམ་མ་སྤངས་པ་ཞེས་བགྱི། ཨུ་པཱ་ལི་སྤངས་པ་ཞེས་བྱའོ། ། བཙུན་པ་བསྙེན་པར་མ་རྫོགས་པ་ན་སྤངས་ལ་བསྙེན་པར་མ་རྫོགས་པ་ན་ ལྷག་མར་མ་བགྱིས་པ་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་སྤངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་སྤངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བསྙེན་ པར་རྫོགས་ཀར་སྤངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར་ཉེས་བྱས་སོ། ། བསྙེན་པར་རྫོགས་ཀར་སྤངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་སྤངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་སྤངས་ལ་བསྙེན་པར་མ་རྫོགས་པར་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ཀུན་ཏུ་རྫོགས་པར་མ་བྲིམས་པར་སྤངས་ན་སྤངས་པ་ཞེས་བགྱིའམ། མ་སྤངས་པ་ཞེས་བགྱི། ཨུ་པཱ་ལི་མ་སྤངས་པ་ཞེས་བྱའོ། ། དེ་ཅིའི་ཕྱིར་ཞེ་ན། ཨུ་པཱ་ ལི་ཀུན་དུ་རྫོགས་པར་མ་བྲིམས་པ་ལ་སྤངས་པ་མེད་དོ། ། བཙུན་པ་རྣམ་པ་དུས་ན་ལྷག་པར་མ་བགྱིས་པ་ཞེས་བགྱི། ཨུ་པཱ་ལི་ལྔ་སྟེ། གཞན་ལ་མ་བླངས་པ་དང་། བཅའ་བ་དང་། བཟའ་བའི་རྣམས་མངོན་སུམ་དུ་མ་གྱུར་པ་དང་། བྱིན་ལེན་མ་བྱས་པ་ དང་། བསྙེན་པར་མ་རྫོགས་པ་དང་། རང་བཞིན་ལ་གནས་པ་མ་ཡིན་པ་ལས་ལྷག་མར་བྱས་པ་རྣམས་ནི་ལྷག་མར་མ་བྱས་པ་ཞེས་བརྗོད་པར་བྱའོ། ། ཨུ་པཱ་ལི་རྣམ་པ་ལྔས་ན་ལྷག་མར་བྱས་པ་ཞེས་བྱ་སྟེ། གཞན་ལས་བླངས་པ་དང་། བཅའ་བ་དང་བཟའ་བའི་རྣམས་མངོན་ སུམ་དུ་གྱུར་པ་དང་། བྱིན་ལེན་བྱས་པ་དང་། བསྙེན་པར་རྫོགས་པ་དང་། རང་བཞིན་ལ་གནས་པ་ལས་ལྷག་མར་བྱས་པ་ནི་ལྷག་མར་བྱས་པ་ཞེས་བྱའོ། ། བཙུན་པ་སུའི་མདུན་དུ་ལྷག་མར་བགྱི། ཨུ་པཱ་ལི་དགེ་སློང་གིས་ནི་དགེ་སློང་གི་མདུན་དུ་ལྷག་མར་བྱའི། དགེ་སློང་ མའི་མདུན་དུ་ནི་མ་ཡིན་ནོ། ། དགེ་སློང་མས་ནི་དགེ་སློང་མ་ལའོ། ། དགེ་ཚུལ་ཕས་ནི་དགེ་སློང་ཕ་ལའོ། ། དགེ་སློབ་མས་ནི་དགེ་སློང་མ་དང་།

དགེ་སློབ་མ་དང་། དགེ་ཚུལ་མའི་མདུན་དུ་ལྷག་མར་བྱའོ། ། བཙུན་པ་དགེ་སློང་མའི་མདུན་དུ་ལྷག་མར་བགྱིའམ། ཨུ་པཱ་ལི་མ་ ཡིན་ནོ། ། དེ་སྟེ་བཙུན་པ་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། འཚལ་བར་ཡང་བགྱིའམ་ཨུ་པཱ་ལི་མ་ཡིན་ནོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་ པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་མ་ནིང་ངོ་། ། བཙུན་པ་དགེ་སློང་གིས་ཕྲིན་པ་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ལྷག་མར་བྱས་ནའང་ལྷག་མར་མ་བྱས་པ་ཞེས་བྱའོ། ། བཙུན་པ་དགེ་སློང་གིས་སྨྱོན་པ་ཞིག་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ་ལྷག་མར་མ་བགྱིས་པ་ཞེས་བགྱི། ལྷག་མར་མ་བྱས་པ་ཞེས་བྱའོ། ། དེ་བཞིན་དུ་ དགེ་སློང་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་།

འགྲོ་བ་གཞན་དུ་གནས་པ་རྣམས་ཀྱི་དྲུང་དུ་ལྷག་མར་བགྱིས་ན་ལྷག་ མར་བགྱིས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། ། བཙུན་པ་དགེ་སློང་གིས་མ་ནིང་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། ། དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལས་ལྷག་མར་བགྱིས་ན་ལྷག་མར་བགྱིས་ པ་ཞེས་བགྱི་འམ། ཨུ་པཱ་ལི་དེ་ནི་མ་ཡིན་ནོ། ། བཙུན་པ་དགེ་སློང་གིས་དགེ་སློང་ཟ་མ་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། ལྷག་མར་བྱས་པ་ཞེས་མི་བྱ་སྟེ། ལྷག་མར་བྱས་པ་ཉིད་ཤིན་ཏུ་འདས་པ་དང་བཅས་པའོ། ། བཙུན་པ་དགེ་སློང་གིས་དགེ་ འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལས་ལྷག་མར་བགྱིས་ན་ལྷག་མར་བགྱིས་པ་ཞེས་བགྱི་འམ། ལྷག་མར་མ་བགྱིས་པ་ཞེས་བགྱི།

ཨུ་པཱ་ལི་ལྷག་མར་བྱས་པ་ཞེས་ནི་བྱ་ན་ལྷག་མར་བྱེད་པ་ནི་ཤིན་ཏུ་འདས་པ་དང་བཅས་པར་ འགྱུར་རོ། ། བཙུན་པ་བསླབ་པ་སྩལ་བས་ལྷག་མར་མ་བགྱིས་པའི་བཟའ་བ་དང་། བཅའ་བ་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཟས་འཚལ་ཏེ་སྤངས་པའི་འོག་ཏུ་བཟའ་བ་དང་། བཅའ་བ་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློབ་མ་ དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་ལྷག་མར་མ་བགྱིས་པའི་བཟའ་བ་དང་། བཅའ་བ་འཚལ་ན་ཅིར་འགྱུར། ཉེས་བྱས་སོ། ། ། ། མདོར་ན། སྐད་དང་ལུས་དང་དབེན་དེ་བཞིན། ། ཟས་དང་མི་རུང་བ་དག་དང་། ། མཚན་དང་བཞི་པ་དེ་བཞིན་ཏེ། ། དགེ་འདུན་དབྱེན་དང་དགེ་སློང་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་གིས་འཚལ་མ་འཚལ་ལགས་ཏེ་སྤངས་པར་འཚལ་བཞིན་དུ་ལྷག་མར་མ་ བགྱིས་པའི་ཟས་དུས་ཀྱིས་སྟོབས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་ལྷག་མར་མ་བགྱིས་པའི་བཅའ་བ་དང་བཟའ་བ་བསྟབས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་ འགྱུར། ཉེས་བྱས་སོ། །

འཕགས་པས་མཐའ་འཁོབ་པའི་སྐད་དུ་བསྟབས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་བསྟབས་པ་དང་། དགེ་སློང་དེས་ཀྱང་ མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་བསྟབས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་དགེ་ སློང་ལ་ལྷག་མར་མ་བགྱིས་པའི་བཅའ་བ་དང་། བཟའ་བ་བསྟབས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མི་དབེན་པ་ལ་དབེན་པར་འདུ་ཤེས་ཏེ་ལྷག་མར་མ་བགྱིས་པའི་བཅའ་དང་བཟའ་བའི་རྣམས་བསྟབས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གིས་ཟས་མ་གཏོགས་པར་དེ་ལས་གཞན་པའི་བཟའ་བ་དང་། བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་དུས་ཀྱིས་སྟོབས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ཟས་འཚལ་ལགས་པར་འཚལ་བཞིན་དུ་མི་རུང་བ་གཞག་ པའི་བཅའ་བ་དང་བཟའ་བ་རྣམས་དུས་ཀྱིས་བསྟབས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ཟས་འཚལ་ལགས་པར་འཚལ་བཞིན་དུ་ལྷག་མར་མ་བགྱིས་པའི་བཅའ་བ་དང་། བཟའ་བ་རྣམས་དུས་ཀྱིས་སྟོབས་པ་ན་མཚན་འཕོས་ཏེ་དགེ་སློང་ མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་མ་ཞིག་ཟས་འཚལ་ལགས་པར་འཚལ་བཞིན་དུ་ལྷག་མར་མ་བགྱིས་པའི་བཅའ་བ་དང་། བཟའ་བ་རྣམས་དུས་ཀྱིས་སྟོབས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་ བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་དུས་ཀྱིས་བསྟབས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྟབས་ན་ཅིར་འགྱུར། ཉེས་བྱས་སོ། ། བསྙེན་པར་མ་ རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྟབས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བསྟབས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ཞིག་ཟས་འཚལ་ལགས་པར་འཚལ་ བཞིན་དུ་སྤངས་པ་ལས་སྤངས་པར་འདུ་ཤེས་ཏེ་ཤིན་ཏུ་བསྟབས་ན་ཅིར་འགྱུར། ལྟུང་བའོ། ། སྤངས་པ་ལ་མ་སྤངས་པར་འདུ་ཤེས་ཏེ་བསྟབས་ན་ཅིར་འགྱུར། ཉེས་པ་མེད་དོ། །

མ་སྤངས་པ་ལ་སྤངས་པར་འདུ་ཤེས་ན་ཅིར་འགྱུར། ཉེས་བྱས་སོ། ། མ་སྤངས་པ་ལ་མ་སྤངས་ པར་འདུ་ཤེས་ཏེ་བསྟབས་ན་ཉེས་པ་མེད་དོ། ། བཙུན་པ་དགེ་སློང་གིས་ཟ་མ་དང་། མ་ནིང་ཟས་འཚལ་ལགས་ཏེ་སྤངས་པ་ལ་བཅའ་བ་དང་། བཟའ་བ་ཤིན་ཏུ་བསྟབས་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་རྣམས་ལ་དུས་ཀྱིས་བསྟབས་ན་ཐམས་ ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་ཟས་འཚལ་ཏེ་སྤངས་པ་ལ་དུས་ཀྱིས་བསྟབས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་ སློང་མ་དང་། དགེ་སློབ་མ་དང་། དགེ་ཚུལ་ཕ་རྣམས་ཟས་འཚལ་ལགས་ཏེ་སྤངས་པར་འཚལ་བཞིན་དུ་དུས་ཀྱིས་བསྟབས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློབ་མ་དང་། དགེ་ཚུལ་མ་དང་།

དགེ་ཚུལ་ཕ་ལ་ལྷག་ མར་མ་བགྱིས་པས་ཤིན་ཏུ་བསྟབས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལའང་ཉེས་བྱས་ཏེ་གཅིག་ལ་གཅིག་རྒྱས་པར་སྦྱར་བར་བྱའོ། ། བཙུན་པ་བསླབ་པ་སྩལ་བས་དགེ་སློང་ཞིག་ཟས་འཚལ་ལགས་ཏེ་སྤངས་པ་ལ་ལྷག་ མར་མ་བགྱིས་པའི་བཟའ་བ་དང་། བཅའ་བ་དུས་ཀྱིས་བསྟབས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཟས་འཚལ་ཏེ་སྤངས་པར་འཚལ་བཞིན་དུ་བཟའ་བ་དང་། བཅའ་བ་རྣམ་པ་ལྔ་དུས་ཀྱིས་བསྟབས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ ཞུགས་འགྲོ་བ་ཐ་མའོ། ། བཙུན་པ་དགེ་སློང་གིས་དགེ་སློང་ཞིག་ཟས་འཚལ་ཏེ་སྤངས་པར་འཚལ་བཞིན་དུ་ལྷག་མར་མ་བགྱིས་པའི་བཅའ་བ་དང་། བཟའ་བ་རྣམས་ཕྲིན་པ་ལས་དུས་ཀྱིས་བསྟབས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་ དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་དང་།

སྨྱོན་པ་དང་། སེམས་འཁྲུགས་པ་དང་། ནད་ཀྱིས་མནར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་ དང་། འགྲོ་བ་གཞན་དུ་གནས་པའི་དགེ་སློང་ལ་ལྷག་མར་མ་བྱས་པའི་བཅའ་བ་དང་། བཟའ་བ་དུས་ཀྱིས་བསྟབས་ན་ཐམས་ཅད་དུ་ཉེས་བྱས་སུ་འགྱུར་རོ། ། ། ། མདོར་ན། སྔགས་དང་ནམ་མཁའ་མཚམས་རྣམས་དང་། ། མི་རུང་དུས་དང་བཟའ་བ་དང་། ། དེ་ ཉིད་དང་ནི་གཞན་དུ་དང་། ། མང་པོ་མཚན་དང་བཞི་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གང་དུས་ལ་བབ་པ་མ་གཏོགས་པར་མང་པོ་འདུས་ཤིང་ཟ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྔགས་དང་སྨན་གྱིས་བདག་མི་སྣང་བར་བགྱིས་ཏེ་མང་པོ་འདུས་པར་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ནམ་མཁའ་ལ་མཆིས་ཏེ་ཟས་དོག་ས་ལ་མཆིས་པ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ དོག་ས་ལ་མཆིས་ཏེ་ཟས་ནམ་མཁའ་ལ་མཆིས་པ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་མཚམས་ཀྱི་སླད་རོལ་ན་མཆིས་ཏེ་ཟས་མཚམས་ཀྱི་ནང་ན་མཆིས་པ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མཚམས་ཀྱི་ནང་ན་མཆིས་ཏེ་ ཟས་མཚམས་ཀྱི་སླད་རོལ་ན་མཆིས་པ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཟས་མི་རུང་བ་མང་པོ་འདུས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མང་པོ་འདུས་ཏེ་ཟས་འཚལ་ཀྱང་ནོངས་པར་མི་འགྱུར་བ་མཆིས་ སམ། ཨུ་པཱ་ལི་ཡོད་དེ། དུས་དྲུག་ལས་གང་ཡང་རུང་བའི་དུས་ཤིག་བྱུང་བར་གྱུར་པའོ། ། བཙུན་པ་དགེ་སློང་གིས་ཟས་མ་གཏོགས་པར་དེ་ལས་གཞན་པའི་བཟའ་བ་དང་། བཏུང་བ་དང་། བཞིབ་པ་དང་། བལྡག་པའི་རྣམས་མང་པོ་འདུས་ཏེ་འཚལ་ན་ཅིར་འགྱུར། ཉེས་ བྱས་སོ། ། བཙུན་པ་དགེ་སློང་གིས་མཚམས་ཀྱི་སླད་རོལ་ནས་གཞན་ཞིག་གིས་ཟས་བླངས་ཏེ་མཚམས་ཀྱི་ནང་དུ་མཆིས་ནས་མང་པོ་འདུས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མཚམས་ཀྱི་ནང་ནས་ཟས་ཤིག་བླངས་ཏེ་གཞན་དུ་མཆིས་ནས་མང་པོ་འདུས་ ཏེ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་མཚམས་གཅིག་ནས་གཅིག་པའི་དགེ་སློང་མང་པོ་ཞིག་སོ་སོར་འདུས་ཏེ་འཚལ་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་སྟེ་གནས་གསུམ་གསུམ་འདུས་ཏེ་ཟོས་ཀྱི་བཞིར་མ་ཚང་བའོ། ། བཙུན་པ་ དགེ་སློང་གིས་མང་པོ་འདུས་ཏེ་ཟས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མ་མང་དུ་འདུས་ཏེ་ཟས་འཚལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་ཏེ་མང་པོ་འདུས་ཤིང་ཟས་འཚལ་ན་ཅིར་འགྱུར། ལྟུང་བའོ། ། མཚམས་ཀྱི་ནང་ལ་མཚམས་ཀྱི་ཕྱི་རོལ་དུ་འདུ་ཤེས་ཏེ་ཟོས་ན་ཉེས་པ་མེད་དོ། ། མཚམས་ཀྱི་ཕྱི་རོལ་ལ་མཚམས་ཀྱི་ནང་དུ་འདུ་ཤེས་ཏེ་ཟོས་ན་ཉེས་བྱས་སོ། ། མཚམས་ ཀྱི་ཕྱི་རོལ་ལ་མཚམས་ཀྱི་ཕྱི་རོལ་དུ་འདུ་ཤེས་ཏེ་ཟོས་ན་ཉེས་པ་མེད་དོ། ། ། ། མདོར་ན། སྨྱོན་པར་གྱུར་དང་སེམས་འཁྲུགས་དང་། ། ནད་པ་འོན་པ་གླེན་པ་དང་། ། མ་ནིང་འགྲོ་ཡང་དེ་བཞིན་ཏེ། ། མང་པོ་འདུས་སྨད་དགེ་སློང་མའོ། །

བཙུན་པ་དགེ་སློང་གིས་སྨྱོན་པས་ མང་པོའི་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ནས་ཟས་འཚལ་ན་ཅིར་འགྱུར། ཉེས་བྱས་སོ། ། སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། གླེན་པ་ཡང་དེ་བཞིན་ནོ། ། བཙུན་པ་དགེ་སློང་གིས་ཟ་མ་དང་། མ་ནིང་གིས་མང་ པོའི་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ཤིང་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་ སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ཀྱིས་མང་པོའི་གྲངས་སུ་བསྐངས་ཏེ་མཚམས་ཀྱི་ནང་དུ་ལྷན་ཅིག་ཏུ་མང་པོ་འདུས་ཤིང་འཚལ་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་མང་པོར་གྲངས་སུ་བསྐངས་ཏེ་ལྷན་ཅིག་མང་པོ་འདུས་ཤིང་འཚལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །

བཙུན་པ་ དགེ་སློང་གིས་འགྲོ་བ་གཞན་དུ་གནས་པའི་དགེ་སློང་གིས་མང་པོར་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ཤིང་ཟས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ ཕ་རྣམས་ཀྱིས་མང་པོའི་གྲངས་སུ་བསྐངས་ཏེ་ལྷན་ཅིག་མཚམས་ཀྱི་ནང་དུ་མང་པོ་འདུས་ཤིང་ཟས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མང་པོ་འདུས་ཏེ་ཟས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ཡང་འདི་ལྟར་ གནས་དེ་ཉིད་དུ་ཟས་ནར་མར་གྱུར་ཏམ། ཟས་ཕན་ཚུན་དུ་བསྐུར་བར་གྱུར་པའོ། ། བཙུན་པ་དགེ་སློང་གིས་དབེན་པ་ལ་མང་པོར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་མང་པོ་འདུས་ཤིང་ཟས་འཚལ་ན་ཅིར་འགྱུར། ལྟུང་བའོ། ། བཙུན་ པ་དགེ་སློང་མས་མང་པོ་འདུས་ཤིང་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་མང་པོ་འདུས་ཤིང་འཚལ་ན་ཅིར་འགྱུར། ཉེས་བྱས་སོ། ། ། ། མདོར་ན། ལྷ་ཟས་བཞི་པ་དེ་བཞིན་ཏེ། ། གླིང་དང་ལྷ་དང་ མཚན་རྣམས་དང་། །

ཁ་ཟས་མ་ཡིན་ཉེས་པ་དང་། ། ངན་པ་དག་དང་དགེ་སློང་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དུས་མ་ལགས་པར་བཅའ་བ་དང་བཟའ་བའི་རྣམས་འཆོས་ སམ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དུས་མ་ལགས་པར་ཟས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ལྷའི་ཟས་ཟོས་པའོ། ། བཙུན་པ་ལྷའི་ཟས་ཀྱི་རང་བཞིན་ཇི་ལྟ་བུ། ཨུ་པཱ་ལི་མར་གྱི་རང་བཞིན་ལྟ་བུའོ། ། བཙུན་པ་དགེ་སློང་གིས་དུས་མ་ལགས་པ་ལ་དུས་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། ། དུས་མ་ལགས་པ་ལ་དུས་སུ་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། ། དུས་ལ་དུས་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར་ཉེས་བྱས་སོ། དུས་ལ་དུས་སུ་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། ། ཟས་ལ་ཟས་སུ་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། ། ཟས་ལ་ཟས་མ་ལགས་པར་འདུ་ཤེས་ཏེ་ཟོས་ན་ཉེས་པ་མེད་དོ། ། ཟས་མ་ལགས་པ་ལ་ཟས་སུ་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། ། ཟས་མ་ལགས་པ་ལ་ཟས་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ།

། བཙུན་པ་དགེ་སློང་གིས་དུས་མ་ལགས་པར་བཅའ་བ་དང་། བཟའ་བའི་རྣམས་འཆོས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གླིང་གསུམ་ དང་། ལྷའི་གནས་སུ་ཡང་འཛམ་བུའི་གླིང་གི་དུས་སུ་ཟོས་པའོ། ། བཙུན་པ་དགེ་སློང་གིས་དུས་མ་ལགས་པར་བཅའ་བ་དང་བཟའ་བའི་རྣམས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དུས་མ་ལགས་པར་བཅའ་བ་ དང་བཟའ་བ་རྣམས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དུས་མ་ལགས་པར་བཅའ་བ་དང་། བཟའ་བའི་རྣམས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཟས་དང་བཅས་པའི་བཅའ་བ་དང་ བཟའ་བའི་རྣམས་མ་གཏོགས་པར་གང་དེ་ལས་གཞན་པའི་བཟའ་བ་རྣམས་སྨན་དུ་བྱ་བའི་ཕྱིར་གྱི་ཟས་ཀྱི་ཕྱིར་མ་ཡིན་པའོ། ། བཙུན་པ་དགེ་སློང་གིས་སྐད་ཅིག་སྤྱད་པས་ལྟུང་བས་ལྟུང་བ་བཞིར་འགྱུར་བ་མཆིས་སམ། ཨུ་པཱ་ལི་ཡོད་དེ། མ་བྱིན་པ། མི་རུང་བ། བཞག་པར་ གྱུར་པ། དུས་མ་ཡིན་པར་ཟ་བའོ། ། བཙུན་པ་བཅོམ་ལྡན་འདས་ཀྱིས་ནད་པ་ལ་ཟས་ངན་པ་སྩོལ་ཅིག་ཅེས་གསུངས་པ་དེ་ནི་ཇི་ལྟ་བུ་ཐལ་བ་དང་། ས་དང་། ཚན་བུ་དང་།

གཅིན་ནོ། ། བཙུན་པ་འདི་ཐམས་ཅད་ཅི་དུས་མ་ལགས་པར་རུང་ངམ། ཚན་བུ་མ་གཏོགས་པར་ གཞན་ཐམས་ཅད་ནི་དུས་མ་ཡིན་པར་རུང་ངོ་། ། བཙུན་པ་བསླབ་པ་སྩལ་བས་དུས་མ་ལགས་པར་བཅའ་བ་དང་བཟའ་བའི་རྣམས་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དུས་མ་ལགས་པར་བཅའ་བ་དང་། བཟའ་བའི་རྣམས་འཚལ་ན་ཅིར་འགྱུར། ལྟུང་ བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བཅའ་བ་དང་། བཟའ་བའི་རྣམས་འཚལ་ན་ཅིར་འགྱུར། ཉེས་བྱས་སོ། ། ། ། མདོར་ན། སྨྱོན་པར་གྱུར་དང་སེམས་འཁྲུགས་དང་། ། ན་བ་མ་ནིང་འགྲོ་བ་དང་། ། མཚན་དང་བཞི་པ་བཟའ་བ་ དང་། ། ལྷ་ཟས་གླིང་དང་དགེ་སློང་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་བཞག་པའི་བཅའ་བ་དང་བཟའ་བ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་ གིས་སྨྱོན་པས་བགྱིས་པའི་བཅའ་བ་དང་བཟའ་བ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་།

དེ་ བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། དེ་བཞིན་དུ་འགྲོ་བ་གཞན་དུ་གནས་པའི་དགེ་སློང་རྣམས་ཀྱིས་བཞག་ པར་བྱས་པ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་བཞག་པར་བགྱིས་པ་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་བཞག་པའི་བཅའ་བ་ དང་བཟའ་བའི་རྣམས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་བཞག་པའི་བཅའ་བ་དང་། བཟའ་བའི་རྣམས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་བཞག་ པ་ལ་བཞག་པར་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། ། བཞག་པ་ལ་མ་བཞག་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། ། མ་བཞག་པ་ལ་བཞག་པར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། ། མ་བཞག་པ་ལ་མ་བཞག་པར་ འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །

བཙུན་པ་དགེ་སློང་གིས་བཅའ་བ་དང་། བཟའ་བ་མ་གཏོགས་པར་དེ་ལས་གཞན་པའི་སྨན་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་དང་། ཐལ་བ་དང་། ལན་ཚྭ་དང་། རྒྱ་སྐྱེགས་དང་། བསྔལ་བ་ལ་སོགས་པ་བཞག་པར་གྱུར་པ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཟས་ངན་པ་བཞག་པ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བཞག་པའི་ཟས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ལྷའི་ཟས་ཟོས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཤར་གྱི་ལུས་འཕགས་གླིང་དང་། ནུབ་ཀྱི་བ་ལང་སྤྱོད་དང་། བྱང་གི་སྒྲ་མི་སྙན་གྱི་གླིང་རྣམས་ཀྱི་བཞག་པ་འཚལ་ན་ཅིར་འགྱུར། ཨུ་པཱ་ལི་གལ་ཏེ་འཛམ་བུའི་གླིང་གི་དུས་སུ་དུས་ལས་འདས་པ་བཞག་པ་ ཀུན་དུ་སྤྱད་དེ་ཟོས་ན་ལྟུང་བར་འགྱུར་རོ། ། འོན་ཏེ་དེ་དག་གི་དུས་སུ་དུས་ལས་འདས་ཏེ་ཟོས་ན་ཉེས་པ་མེད་དོ། ། བཙུན་པ་དགེ་སློང་གིས་དགེ་སློང་མས་བཞག་པ་འཚལ་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་མས་དགེ་སློང་གིས་བཞག་པ་འཚལ་ན་ཅིར་འགྱུར། ཉེས་ པ་མེད་དོ། ། དགེ་སློང་དང་། དགེ་སློང་མས་བཞག་པ་དགེ་སློབ་མས་ཟོས་ན་ཉེས་པ་མེད་དོ། །

བཙུན་པ་བསླབ་པ་སྩལ་བས་བཞག་པའི་བཅའ་བ་དང་བཟའ་བ་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་བཞག་པ་འཚལ་ན་ཅིར་འགྱུར། ལྟུང་བའོ། ། བཙུན་པ་ དགེ་སློབ་མས་བཞག་པ་འཚལ་ན་ཅིར་འགྱུར། ཉེས་བྱས་སོ། ། དགེ་ཚུལ་ཕ་དང་། དགེ་ཚུལ་མ་རྣམས་ཀྱིས་བཞག་པ་ཟོས་ན་ཉེས་པ་མེད་དོ། ། ། ། འདུལ་བ་གཞུང་དམ་པ། བམ་པོ་བཅུ་པ། མདོར་ན། སྨྱོན་པ་བྱིན་ལེན་བཅའ་བ་དང་། ། མྱོས་པ་གཉིས་ དང་དོན་མེད་དང་། ། མཚན་དང་བཞི་པ་གླིང་རྣམས་དང་། ། སྤྲུལ་པ་མི་སྣང་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མ་སྩལ་བར་ཁར་བཅའ་བ་མིད་ན་ཆབ་དང་སོ་ཤིང་མ་གཏོགས་ ཏེ་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་པ་ལས་བྱིན་ལེན་བགྱིས་ན་བྱིན་ལེན་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་གཏོང་བའི་འདུ་ཤེས་དང་ལྡན་ན་བྱིན་ལེན་བྱས་པ་ཞེས་བྱའོ། ། གལ་ཏེ་གཏོང་བའི་འདུ་ཤེས་དང་མི་ལྡན་ན་བྱིན་ལེན་མ་བྱས་པ་ཞེས་བྱའོ། ། སེམས་འཁྲུགས་པ་དང་། ནད་ཀྱིས་གཟིར་བ་དང་། ར་རོ་བ་དང་། མྱོས་པ་ཡང་དེ་བཞིན་དུ་བརྗོད་པར་བྱའོ། །

བཙུན་པ་དགེ་སློང་གིས་བཅའ་བ་དང་བཟའ་བ་བྱིན་ལེན་མ་བགྱིས་པར་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྨོད་པའི་སྐྱེ་བོ་མང་ པོ་རྣམས་ཀྱིས་བསམ་པ་ཡོངས་སུ་བཏང་ནས་བོར་བ་རུང་བར་བྱས་པ་ཟོས་པའོ། ། བཙུན་པ་དགེ་སློང་གིས་བྱིན་ལེན་བགྱིས་པའི་བཅའ་བ་དང་བཟའ་བའི་རྣམས་འཚལ་ན་ནོངས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། གཞན་དུ་འདུ་ཤེས་ཏེ་བྱིན་ལེན་བྱས་ནས་ཟོས་པའོ། ། བཙུན་པ་དགེ་སློང་གིས་བཅའ་བ་དང་བཟའ་བ་མ་གཏོགས་པར་དེ་ལས་གཞན་པའི་སྨན་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་དང་། ཐལ་བ་དང་། ལན་ཚྭ་དང་། སྦྲང་རྩི་དང་། བསྔལ་བ་ལ་སོགས་པ་བྱིན་ལེན་མ་བགྱིས་པར་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ཟས་ངན་པ་བྱིན་ལེན་མ་བགྱིས་པར་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལྷུང་བཟེད་དུ་མྱོས་པ་ཞིག་གིས་བཅའ་བ་དང་། བཟའ་བ་བླུགས་ན་བྱིན་ལེན་བྱས་པ་ཞེས་བགྱིའམ། ཨུ་པཱ་ལི་མི་རུང་གིས་བྱིན་ལེན་ཕྱིས་ གྱིས་ཤིག ། བཙུན་པ་དགེ་སློང་གཉིས་སམ་མང་ཡང་རུང་སྟེ་སྦྱོར་བ་གཅིག་གིས་བྱིན་ལེན་བགྱིད་དུ་སྩལ་ན་བྱིན་ལེན་བགྱིས་པ་ཞེས་བགྱིའམ།

ཨུ་པཱ་ལི་བྱིན་ལེན་བྱས་པ་ཞེས་བྱའོ། ། བཙུན་པ་དགེ་སློང་གིས་འདོད་པར་མ་བསམས་པར་བྱིན་ལེན་བགྱིས་ན་བྱིན་ལེན་བགྱིས་པ་ཞེས་ བགྱིའམ། ཨུ་པཱ་ལི་མ་ཡིན་ནོ། ། དེ་ཅིའི་ཕྱིར་ཞེ་ན། དགེ་སློང་མི་འདོད་པ་ལ་བྱིན་ལེན་མེད་ཀྱིས་ཕྱིས་ཀྱང་བྱིན་ལེན་བྱོས་ཤིག ། བཙུན་པ་དགེ་སློང་གིས་བཟའ་བ་དང་བཅའ་བ་བྱིན་ལེན་མ་བགྱིས་པར་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་ དགེ་སློང་མས་བཟའ་བ་དང་བཅའ་བ་བྱིན་ལེན་མ་བགྱིས་པར་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་བཟའ་བ་དང་བཅའ་བ་བྱིན་ལེན་མ་བགྱིས་པ་ལ་བྱིན་ལེན་མ་བགྱིས་པར་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། ། བྱིན་ལེན་མ་བགྱིས་པ་ལ་བྱིན་ལེན་བགྱིས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། ། བྱིན་ལེན་བགྱིས་པ་ལ་བྱིན་ལེན་མ་བགྱིས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། ། བྱིན་ལེན་བགྱིས་པ་ལ་བྱིན་ལེན་བགྱིས་པར་འདུ་ཤེས་ཏེ་འཚལ་ན་ཅིར་ འགྱུར། ཉེས་པ་མེད་དོ། ། བཙུན་པ་བྱང་གི་སྒྲ་མི་སྙན་གྱི་གླིང་དུ་བྱིན་ལེན་མ་བགྱིས་པར་འཚལ་བར་བགྱིའམ།

མི་འཚལ་བར་བགྱི། ཨུ་པཱ་ལི་བཟའ་བར་བྱའོ། ། བཙུན་པ་དེ་ལས་གཞན་པའི་གླིང་དུ་བྱིན་ལེན་མ་བགྱིས་པར་འཚལ་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་ པ་དགེ་སློང་སྤྲུལ་པ་སེམས་ཅན་གྱི་གྲངས་སུ་མི་གཏོགས་པར་རུང་བར་བགྱིད་པས་བྱིན་ལེན་བགྱིས་ན་བྱིན་ལེན་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ཏེ། ཕྱིས་བྱིན་ལེན་བྱའོ། ། བཙུན་པ་དགེ་སློང་རུང་བར་བགྱིད་པ་མི་གདའ་བཞིན་དུ་བྱིན་ལེན་བགྱིད་དུ་སྩལ་ན་བྱིན་ལེན་བགྱིས་པ་ཞེས་ བགྱིའམ། བྱིན་ལེན་བྱས་པ་ཞེས་བྱ་མོད་ཀྱི་ཉེས་བྱས་སུ་འགྱུར་རོ། ། བཙུན་པ་བཅོམ་ལྡན་འདས་ཀྱིས་འགྲོ་བ་གཞན་དུ་གནས་པ་རྣམས་ལས་བྱིན་ལེན་བྱོས་ཤིག་ཅེས་གསུངས་ན། བཙུན་པ་ཇི་ལྟ་བུའི་འགྲོ་བ་གཞན་དུ་གནས་པ་རྣམས་ལས་བྱིན་ལེན་བགྱི། ཨུ་པཱ་ལི་གང་ལ་ འབུལ་བར་སྣང་ཞིང་ཡོངས་སུ་གཏོང་བའི་འདུ་ཤེས་དང་ཡང་ལྡན་ན་བྱིན་ལེན་བྱས་ལ་བཟའ་བར་བྱའོ། ། བཙུན་པ་བསླབ་པ་སྩལ་བས་བྱིན་ལེན་མ་བགྱིས་པར་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་བྱིན་ལེན་མ་བགྱིས་པར་འཚལ་ན་ཅིར་འགྱུར། ལྟུང་བའོ། ། བཙུན་ པ་དགེ་སློབ་མས་བྱིན་ལེན་མ་བགྱིས་པར་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་ཚུལ་མ་དང་། དགེ་ཚུལ་ཕས་བྱིན་ལེན་མ་བགྱིས་པར་འཚལ་ན་ཅིར་འགྱུར། ཉེས་པ་མེད་དོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ ནས་གཅིག ། སྨྱོན་པ་སེམས་འཁྲུགས་ནད་པ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བདག་ གི་སླད་དུ་བྲོ་མ་འཚལ་བར་རིགས་གཞན་ལས་བསོད་པའི་ཟས་ཤིག་བླངས་ཏེ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་བསོད་པའི་ཟས་ཕྲིན་གྱིས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ ཟེར་བ་དང་། གཅིག་ནས་གཅིག་ཏུ་བརྒྱུད་ཅིང་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ལས་བསོད་པའི་ཟས་ཤིག་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་།

སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལས་བསོད་པའི་ཟས་ཤིག་བསླངས་ཏེ་ཟོས་ན་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་ དང་དབེན་པ་དང་། ། གཞན་གྱི་ཕྱིར་དང་མི་རུང་དང་། ། མཚན་དང་བཞི་པ་བསྙེན་པར་དང་། ། བསོད་པ་བདུན་ལ་དེ་བཞིན་ཏེ། ། ཁྱིམ་པ་དག་ལ་སོགས་པ་དང་། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་བསོད་པའི་ ཟས་བླངས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་བསོད་པའི་ཟས་བླངས་པ་དང་། ཁྱིམ་བདག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་ འཁོབ་པས་མཐའ་འཁོབ་པའི་སྐད་དུ་བསོད་པའི་ཟས་བསླངས་པ་དང་། ཁྱིམ་བདག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་བསོད་པའི་ཟས་བསླངས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་བསོད་པའི་ཟས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་བསོད་པའི་ཟས་བསླངས་ནས་འཚལ་ན་ཅིར་འགྱུར། ཉེས་ བྱས་སོ། ། བཙུན་པ་དགེ་སློང་གིས་གཞན་གྱི་སླད་དུ་བསོད་པའི་ཟས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཤ་དང་འོ་མ་མི་རུང་བ་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསོད་པའི་ཟས་བསླངས་ཏེ་འཚལ་བ་ན་མཚན་འཕོས་ ཏེ་དགེ་སློང་མར་གྱུར་ན་ཅིར་འགྱུར། སོ་སོར་བཤགས་པར་བྱའོ། ། བཙུན་པ་དགེ་སློང་མས་བསོད་པའི་ཟས་བསླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ནས་བསོད་པའི་ཟས་བསླངས་ཏེ་འཚལ་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ནས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ཏེ་བསླངས་ནས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསོད་པ་ལ་བསོད་པར་འདུ་ཤེས་ཏེ་བསླངས་ནས་འཚལ་ན་ཅིར་འགྱུར། ལྟུང་བའོ། །

བསོད་པ་ལ་མི་བསོད་པར་འདུ་ཤེས་ཏེ་བསླངས་ནས་འཚལ་ན་ཅིར་འགྱུར། ཉེས་བྱས་སོ། ། མི་བསོད་པ་ལ་བསོད་པར་འདུ་ཤེས་ནས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། མི་བསོད་པ་ལ་མི་བསོད་པར་འདུ་ཤེས་ཏེ་བསླངས་ནས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བྲོ་མ་འཚལ་བ་ན་བསླངས་ལ་བྲོ་མ་འཚལ་བ་ལ་འཚལ་ན་ཅིར་འགྱུར། ལྟུང་བའོ། ། བྲོ་མ་འཚལ་བ་ན་བསླངས་ལ་བྲོ་འཚལ་བ་ན་འཚལ་ན་ཅིར་འགྱུར། ཉེས་བྱས་སོ། ། བྲོ་འཚལ་ བ་ན་བསླངས་ལ་བྲོ་མ་འཚལ་བར་འཚལ་ན་ཅིར་འགྱུར། ཉེས་བྱས་སོ། ། བྲོ་འཚལ་བ་ན་བསླངས་ལ་བྲོ་འཚལ་བ་ན་འཚལ་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་གཉེན་ལས་བསོད་པའི་ཟས་བསླངས་ཏེ་འཚལ་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་ གིས་བསོད་པའི་ཟས་མ་གཏོགས་པར་དེ་ལས་གཞན་པ་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་བསོད་པའི་ཟས་བསླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །

བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་འཚལ་ན་ ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བསླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བསླངས་ལ་བསྙེན་པར་མ་རྫོགས་ པ་ན་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་བསོད་པའི་ཟས་ཤིག་སློང་དུ་སྩལ་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་ པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལས་བསླངས་ཏེ་འཚལ་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། །

བཙུན་པ་བསླབ་པ་སྩལ་བས་བསོད་པའི་ཟས་བླངས་ཏེ་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་བསོད་ པའི་ཟས་བསླངས་ཏེ་འཚལ་ན་ཅིར་འགྱུར། བཤགས་པར་བྱའོ། ། བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕས་བསོད་པའི་ཟས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། སྲོག་ཆགས་དང་བཅས་པའི་ཆུ་ལྟུང་བར་བཤད་པའི་ཡང་རྒྱས་པར་བརྗོད་པར་ བྱའོ། ། ། ། མདོར་ན། དབེན་པ་དང་ནི་ནམ་མཁའ་སྔགས། ། མཚན་དང་བཞི་པ་མ་ནིང་དང་། ། མ་ནིང་མོ་དང་གཡོགས་པ་དང་། ། གཞོན་ནུ་མ་དང་དགེ་སྦྱོང་ངོ་། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ ལྡན་འདས་ཀྱིས་ཡང་དགེ་སློང་གང་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནན་གྱིས་མཆིས་པར་བགྱིད་ན་ལྟུང་བར་འགྱུར་རོ། ། ཞེས་གསུངས་ན། བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དབེན་པ་ལ་དབེན་པར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནམ་མཁའ་ལ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་སྔགས་སམ། སྨན་གྱིས་བདག་མི་སྣང་བར་ བསྒྱུར་ཏེ་མཆིས་པར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནན་གྱིས་མཆིས་པར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ ནན་གྱིས་མཆིས་པར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་གྲོང་དུ་མི་ལ་མིར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་ སོ། ། མི་མ་ལགས་པ་ལ་མིར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ཏེ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྨེན་ངན་ལ་སྨེན་ངན་དུ་འདུ་ཤེས་ན་ཅིར་འགྱུར། ལྟུང་ བའོ། ། སྨེན་ངན་ལ་སྨེན་ངན་མ་ལགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། །

སྨེན་ངན་མ་ལགས་པ་ལ་སྨེན་ངན་དུ་འདུ་ཤེས་ན་ཅིར་འགྱུར། ཉེས་བྱས་སོ། ། སྨེན་ངན་མ་ལགས་པ་ལ་སྨེན་ངན་མ་ལགས་པར་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་གིས་འཚལ་བཞིན་དུ་མ་ནིང་ གི་གྲོང་སྨེན་ངན་དང་བཅས་པར་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མ་ནིང་དང་ལྷན་ཅིག་ཏུ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྨེན་ངན་དང་བཅས་པའི་གྲོང་དུ་སྐྱབས་མཆིས་པར་ནན་གྱིས་མཆིས་ པར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་དག་གིས་གཞོན་ནུ་བག་མར་མཆིས་ལགས་པའི་དྲུང་དུ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ཐོས་པ་ཙམ་གྱི་ཉེ་འཁོར་དུ་སྤགས་ཏེ་ནན་གྱིས་ མཆིས་པར་བགྱིད་ན་ཅིར་འགྱུར། ཉེས་བྱས་སོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། བཙུན་པ་དགེ་སློང་གིས་སྨྱོན་པའི་གྲོང་དུ་ནན་གྱིས་མཆིས་པར་བགྱིད་ན་ཅིར་འགྱུར། ཉེས་བྱས་སོ། །

དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་དང་ལྷན་ཅིག་ཏུ་ནན་གྱིས་འདུག་ན་ ཐམས་ཅད་ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནན་གྱིས་མཆིས་པར་བགྱིད་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་ནན་གྱིས་མཆིས་པར་བགྱིད་ན་ཅིར་ འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕས་འཚལ་བཞིན་དུ་སྨེན་ངན་དང་བཅས་པའི་གྲོང་དུ་འདུག་པར་བགྱིད་པའི་ལེའུ་བཞིན་སྨེན་ངན་དང་བཅས་པར་གབ་སྟེ་འདུག་པ་ཡང་བརྗོད་པར་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་ གང་གཅེར་བུ་པའམ།

གཅེར་བུ་མའམ། ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་ཡང་རུང་སྟེ། རང་གི་སུག་པ་ནས་བཅའ་བ་དང་བཟའ་བ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་གཅེར་བུ་པའམ། གཅེར་བུ་མའམ། ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་གང་ཡང་རུང་སྟེ། རང་གི་ལག་གིས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བྱིན་ན་ཐམས་ཅད་ཉེས་བྱས་སུ་འགྱུར་རོ། ། བཙུན་ པ་དགེ་སློང་གིས་གཅེར་བུ་པ་ཡང་རུང་གཅེར་བུ་མ་ཡང་རུང་ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་ཡང་རུང་བའི་སྨྱོན་པ་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱི་གཅེར་བུ་པ་དང་། གཅེར་བུ་མ་དང་། ཀུན་ཏུ་རྒྱུ་བ་ཕོའམ། ཀུན་ཏུ་རྒྱུ་བ་མོ་ཡང་རུང་བ་ལ་བཅའ་བ་དང་བཟའ་བ་བྱིན་ན་ཐམས་ ཅད་ཉེས་བྱས་སུ་འགྱུར་རོ། ། ། །

མདོར་ན། མི་རུང་ཟས་དང་གཅེར་བུ་པ། ། སྣོད་དང་མཚན་དང་བདུན་པ་དང་། ། བཞི་པ་དག་དང་སྔགས་རྣམས་དང་། ། གཞན་གྱིས་གཞན་གྱི་མ་ནིང་ངོ་། ། བཙུན་པ་དགེ་སློང་གིས་གཅེར་བུ་པའམ་ཀུན་ཏུ་རྒྱུ་བ་པོ་ཡང་རུང་སྟེ་བཅའ་བ་དང་བཟའ་བ་ སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བཟའ་བ་མ་གཏོགས་པར་དེ་ལས་གཞན་པའི་བཟའ་བ་དང་བཏུང་བ་དང་། བཞིབ་པ་དང་། བལྡག་པ་ལ་སོགས་པ་ལ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་མ་ གཏོགས་པར་དེ་ལས་གཞན་པ་དགེ་སྦྱོང་དང་བྲམ་ཟེ་རྣམས་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་ཡང་རུང་དེ་ལ་བཅའ་བ་དང་བཟའ་བ་སྩལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྣོད་ས་ལ་བཞག་ནས་བླུགས་ཏེ་བྱིན་པ་དང་། སྡིག་པར་ལྟ་བ་དེ་ལས་འབྲལ་བར་འདོད་པ་དང་གཉེན་ལ་བྱིན་པའོ། ། བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩོལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་མས་གཅེར་བུ་པའམ། ཀུན་ཏུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩོལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་བསྙེན་པར་མ་རྫོགས་པ་ན་གཅེར་བུ་པའམ་ཀུན་ཏུ་རྒྱུ་བ་ལ་བཅའ་བ་དང་བཟའ་བ་རང་གི་སུག་པ་ ནས་བསྔོས་ལ་བསྙེན་པར་མ་རྫོགས་པ་ན་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསྔོས་ལ་བསྙེན་པར་རྫོགས་ཀར་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསྔོས་ལ་བསྙེན་པར་རྫོགས་ཏེ་སྩལ་ན་ཅིར་འགྱུར། ཉེས་བྱས་སོ། ། བསྙེན་ པར་རྫོགས་ཀར་བསྔོས་ལ་བསྙེན་པར་རྫོགས་ཀར་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསྔོས་ལ་བསྙེན་པར་རྫོགས་ཏེ་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པས་བསྔོས་ལ་བསྙེན་པར་རྫོགས་ནས་སྩལ་ན་ཅིར་འགྱུར། ལྟུང་བའོ། ། བསྙེན་པར་ རྫོགས་པ་ན་བསྔོས་ལ་བསྙེན་པར་མ་རྫོགས་པ་ན་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་གཅེར་བུ་པའམ་ཀུན་དུ་རྒྱུ་བ་ལ་བཅའ་བ་དང་བཟའ་བ་སྩལ་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་འདུ་ཤེས་ན་ཅིར་འགྱུར།

ཉེས་བྱས་སོ། ། མི་ མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་གཅེར་བུ་པའམ། ཀུན་ཏུ་རྒྱུ་བ་ལ་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་ལ་བཅའ་བ་དང་བཟའ་བ་གཞན་ལས་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཅེར་བུ་པའམ། ཀུན་ཏུ་རྒྱུ་བ་ལ་བཅའ་བ་དང་བཟའ་བ་གཞན་གྱི་སླད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཅེར་བུ་པའམ་ཀུན་ཏུ་རྒྱུ་བ་མ་ནིང་ལ་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཅེར་བུ་པའམ། ཀུན་དུ་རྒྱུ་བ་མོ་ཡང་རུང་མ་ནིང་མོ་ལ་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་གཅེར་བུ་པའམ་ཀུན་དུ་རྒྱུ་བ་ལ་བཅའ་བ་དང་བཟའ་བ་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་གཅེར་བུ་པའམ་ཀུན་དུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ལྟུང་བའོ། །

བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་གཅེར་བུ་པའམ་ཀུན་དུ་རྒྱུ་བ་ལ་རང་གི་སུག་པ་ནས་བཅའ་བ་དང་བཟའ་བ་སྩལ་ན་ཅིར་འགྱུར། ཉེས་བྱས་སོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། ། འོན་པ་འགྲོ་བ་མཚན་རྣམས་དང་། ། ལྟ་བ་རྒྱལ་པོ་བདུན་པ་དང་། ། བཞི་པ་དག་དང་མ་ནིང་ངོ་། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཡུལ་ཤོམ་པ་ལ་ལྟར་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་པ་གཡུལ་ཤོམ་པ་ལ་ལྟར་མཆི་ན་ཅིར་འགྱུར། ཉེས་བྱས་སོ། ། དེ་བཞིན་ དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་གཡུལ་ཤོམ་པ་ལྟར་མཆི་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འགྲོ་བ་གཞན་དུ་གནས་པའི་གཡུལ་ཤོམ་པ་ལྟར་མཆི་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་གཡུལ་ཤོམ་པ་ལ་ལྟར་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་མ་གཡུལ་ཤོམ་པ་ལ་ལྟར་མཆི་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་གཡུལ་ཤོམ་པ་ལ་ལྟ་བའི་ཚེ་ འཁོར་ཙམ་དུ་བསྐྱེད་དེ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཡུལ་ཤོམ་པ་ལ་ལྟར་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་རྒྱལ་པོའི་ཕོ་ཉས་བཀུག་པའོ། ། བཙུན་པ་བསྙེན་པར་མ་རྫོགས་པ་ན་ལུས་ ཀྱིས་མཆིས་ལ་བསྙེན་པར་མ་རྫོགས་པ་ན་བལྟས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་མཆིས་ལ་བསྙེན་པར་རྫོགས་ཀར་བལྟས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་མཆིས་ལ་བསྙེན་པར་རྫོགས་ནས་བལྟས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་མཆིས་ལ་བསྙེན་པར་རྫོགས་ཀར་བལྟས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་མཆིས་ལ་བསྙེན་པར་རྫོགས་ནས་བལྟས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་མཆིས་ལ་བསྙེན་པར་རྫོགས་པ་ན་བལྟས་ན་ཅིར་འགྱུར། ལྟུང་ བའོ། ། བསྙེན་པར་རྫོགས་པ་ན་མཆིས་ལ་བསྙེན་པར་མ་རྫོགས་པ་ན་བལྟས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་མིའི་གཡུལ་ལ་མིའི་གཡུལ་དུ་འདུ་ཤེས་ཏེ་ལྟར་མཆི་ན་ཅིར་འགྱུར། ལྟུང་བའོ། ། མིའི་གཡུལ་ལ་མི་མ་ལགས་པའི་གཡུལ་དུ་འདུ་ཤེས་ ན་ཅིར་འགྱུར། ཉེས་བྱས་སོ། ། མི་མ་ལགས་པའི་གཡུལ་ལ་མིའི་གཡུལ་དུ་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པའི་གཡུལ་ལ་མི་མ་ལགས་པའི་གཡུལ་དུ་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མ་ནིང་གི་གཡུལ་ཤོམ་ པ་ལ་ལྟར་མཆིས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་གཡུལ་ཤོམ་པ་ལ་ལྟར་མཆིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མ་གཡུལ་ཤོམ་པ་ལ་ལྟར་མཆིས་ན་ཅིར་འགྱུར། ལྟུང་བའོ། ། བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་གཡུལ་ཤོམ་པ་ལ་ལྟར་མཆི་ན་ཅིར་འགྱུར། ཉེས་བྱས་སོ། ། བསླབ་པའི་གནས་ཀྱི་ལེའུ་འདི་བཞིན་དུ་གཡུལ་ཤོམ་པར་ལྟ་ན་ཞག་གཉིས་ལས་མི་འདའ་བ་ཡང་རྒྱས་པར་བརྗོད་པར་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་ དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ ཀྱིས་ཡང་དགེ་སློང་གང་གིས་དགེ་སློང་ལ་བརྡེགས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ཞིག་ཕྲིན་གྱིས་རྡེག་ཏུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་རྡེག་ཏུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་སྨྱོན་པ་ལ་བརྡེགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། དེ་བཞིན་དུ་འགྲོ་བ་གཞན་དུ་གནས་པའི་དགེ་སློང་རྣམས་ལ་བརྡེགས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྔགས་དང་སྨན་དང་གཞན་གྱི་དང་། ། གཞན་གྱིས་བཞི་པ་བདུན་པ་དང་། ། ཁྱིམ་པ་དག་ལ་ སོགས་པ་རྣམས། ། མཚན་དང་དེ་བཞིན་དགེ་སློང་མའོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགེ་སློང་ལ་བརྡེགས་ན་ཅིར་འགྱུར་ཉེས་བྱས་སོ། །

བཙུན་པ་དགེ་སློང་ལ་བརྡེགས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ་རྩེད་ མོས་བསམས་ཏེ་བརྡེགས་སམ་གཟས་པར་སེམས་པའོ། ། བཙུན་པ་དགེ་སློང་གིས་དགེ་སློང་ལ་གཞན་གྱི་ཕྱིར་བརྡེགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་གཞན་རྡེག་ཏུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མི་ལ་ མིར་འདུ་ཤེས་ཏེ་བརྡེགས་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། ། མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་ སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བརྡེགས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་ སོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །

བཙུན་པ་བསྙེན་པར་མ་རྫོགས་པ་ན་བརྡེགས་པར་བཤམས་ལ་བསྙེན་པར་མ་རྫོགས་པ་ན་བརྡེགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ ཀར་བརྡེགས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ནས་བརྡེགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་བརྡེགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་ བཤམས་ལ་བསྙེན་པར་རྫོགས་ནས་བརྡེགས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ནས་བརྡེགས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་བརྡེགས་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་ཁྱིམ་པ་ལ་བརྡེགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་ སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་།

སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་བརྡེགས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་ བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་བརྡེགས་ན་ཅིར་འགྱུར་ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློང་ལ་བརྡེགས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་མ་ ལ་བརྡེགས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་བརྡེགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་དང་། དགེ་སློབ་ མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་བརྡེགས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་སློང་ལ་བརྡེགས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་སློང་མ་ལ་བརྡེགས་ན་ཅིར་འགྱུར། ལྟུང་ བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། །

ཇི་ལྟར་བརྡེགས་པའི་ལེའུ་སྨྲས་པ་དེ་བཞིན་དུ་བརྡེགས་པར་གཟས་པ་ཡང་བརྗོད་པར་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་གི་གནས་ངན་ ལེན་གྱི་ནོངས་པ་བཅབས་ན་ལྟུང་བར་འགྱུར་རོ། ། ཞེས་གསུངས་ན། བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་ཕྲིན་གྱིས་བཅབས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ གནས་ངན་ལེན་གྱི་ཉེས་པ་བཅབས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་སྨྱོན་པ་ལ་བཅབས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་ དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་།

སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་དགེ་སློང་གིས་གནས་ངན་ལེན་གྱི་ཉེས་པ་བཅབས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་སྨྱོན་པའི་ གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་ གཞན་དུ་གནས་པའི་དགེ་སློང་རྣམས་ཀྱིས་གནས་ངན་ལེན་གྱི་ཉེས་པ་བཅབས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། ཉེས་མཚན་བཞི་པ་བདུན་པ་དང་། ། ཁྱིམ་པ་དག་ལ་སོགས་པ་རྣམས། ། བཅབས་དང་དེ་ལྟར་དགེ་སློང་ མའོ། ། བཙུན་པ་དགེ་སློང་གིས་དྲིས་ནས་འཕགས་པས་འཕགས་པའི་སྐད་དུ་དགེ་སློང་གིས་གནས་ངན་ལེན་གྱི་ནོངས་པ་བཅབས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དགེ་སློང་གི་གནས་ ངན་ལེན་གྱི་ནོངས་པ་བཅབས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་གི་གནས་ངན་ལེན་གྱི་ནོངས་པ་བཅབས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་ འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་གནས་ངན་ལེན་གྱི་ནོངས་པ་བཅབས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དྲིས་ནས་ལུས་ཀྱི་དམིགས་པས་དགེ་ སློང་གི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་བཅབས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་ཞིག་དེའི་རྒྱུས་འཚོ་བའི་བར་ཆད་དམ། དགེ་སྦྱོང་གི་བར་ཆད་དམ། ཚངས་པར་སྤྱོད་པའི་བར་ཆད་དུ་འགྱུར་བའོ། ། བཙུན་པ་དགེ་སློང་གིས་དགེ་སློང་གི་ནོངས་པ་བཅབས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གནས་ངན་ལེན་གྱི་ཉེས་པ་མ་གཏོགས་པར་དེ་ལས་གཞན་པའི་ཉེས་པ་ཞིག་བཅབས་ པའོ། ། བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་བཅབས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་མས་དགེ་སློང་མའི་གནས་ངན་ལེན་གྱི་ནོངས་པ་བཅབས་པ་ན་མཚན་འཕོས་ཏེ་དགེ་སློང་དུ་གྱུར་ན་ ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་གི་གནས་ངན་ལེན་ལ་གནས་ངན་ལེན་དུ་འདུ་ཤེས་ཏེ་བཅབས་ན་ཅིར་འགྱུར། ལྟུང་བའོ། ། གནས་ངན་ལེན་ལ་གནས་ངན་ལེན་མ་ལགས་པར་འདུ་ཤེས་ཏེ་བཅབས་ན་ཅིར་འགྱུར། ཉེས་བྱས་སོ། ། གནས་ངན་ལེན་མ་ལགས་པ་ལ་གནས་ངན་ལེན་མ་ལགས་པར་འདུ་ཤེས་ཏེ་བཅབས་ན་ཅིར་འགྱུར། ཉེས་པ་མེད་དོ། ། གནས་ངན་ལེན་མ་ལགས་པ་ལ་གནས་ངན་ལེན་དུ་འདུ་ཤེས་ཏེ་བཅབས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་ པར་རྫོགས་པར་འདུ་ཤེས་ཏེ་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་དགེ་སློང་གི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་ པར་འདུ་ཤེས་ཏེ་བཅབས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་བཅབས་ན་ཅིར་འགྱུར། ཉེས་བྱས་སོ། །

བཙུན་པ་བསྙེན་པར་རྫོགས་པ་ན་དགེ་སློང་གི་གནས་ངན་ལེན་གྱི་ནོངས་པ་མཐོང་ལ་བསྙེན་པར་མ་རྫོགས་པ་ན་བཅབས་ན་ཅིར་ འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་མཐོང་ལ་བསྙེན་པར་རྫོགས་ཀར་བཅབས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་མཐོང་ལ་བསྙེན་པར་རྫོགས་པ་ན་བཅབས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་མཐོང་ལ་བསྙེན་པར་རྫོགས་ ཀར་བཅབས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་མཐོང་ལ་བསྙེན་པར་རྫོགས་ནས་བཅབས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་མཐོང་ལ་བསྙེན་པར་རྫོགས་པ་ན་བཅབས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་མཐོང་ལ་བསྙེན་པར་ མ་རྫོགས་པ་ན་བཅབས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པའི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་ བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། མུ་སྟེགས་ཅན་དང་།

མུ་སྟེགས་ཅན་དུ་སོང་བ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ཀྱི་ གནས་ངན་ལེན་གྱི་ཉེས་པ་བཅབས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ དགེ་སློང་གི་གནས་ངན་ལེན་གྱི་ནོངས་པ་ཁྱིམ་པ་ལ་བཅབས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་ནས་སྔར་འཁྲུགས་པ་རྣམས་ཀྱི་བར་དུ་བཅབས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་དགེ་ འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་བཅབས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློང་གི་གནས་ངན་ལེན་གྱི་ནོངས་པ་ཁྱིམ་པ་ལ་སྨྲས་ན། བཅབས་པ་ཞེས་བགྱིའམ། ཨུ་པཱ་ལི་མ་ཡིན་ ནོ། ། དེ་བཞིན་དུ་ཟ་མ་དང་། མ་ནིང་ནས་བསླབ་པ་སྩལ་བའི་བར་དུ་དེ་དག་ལ་སྨྲས་ན་བཅབས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། །

བཙུན་པ་དགེ་སློང་གིས་དགེ་སློང་མའི་གནས་ངན་ལེན་གྱི་ནོངས་པ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་ གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་གནས་ ངན་ལེན་གྱི་ནོངས་པ་བཅབས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་སློང་མའི་གནས་ངན་ལེན་གྱི་ནོངས་པ་བཅབས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱི་གནས་ངན་ལེན་གྱི་ནོངས་པ་བཅབས་ན་ཅིར་ འགྱུར། ཉེས་བྱས་སོ། ། ། ། འདུལ་བ་གཞུང་དམ་པ། བམ་པོ་བཅུ་གཅིག་པ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་ མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་ལ་འདི་སྐད་དུ་ཟས་དང་འབྲལ་བར་འདོད་ནས་ཚེ་དང་ལྡན་པ་ཁྱོད་ནི་ཁོ་བོ་དང་ལྷན་ཅིག་ཏུ་གཏམ་ཟེར་རམ། འགྲོགས་ཀྱང་རུང་སྟེ་བདེ་བར་མི་འགྱུར་གྱིས་ཁྱོད་སོང་ཤིག་ཅེས་སྨྲས་ནས། དགེ་སློང་དེ་སྐད་ཅིག་ཙམ་ཡང་ཟས་དང་ཕྲལ་བར་འགྱུར་བ་དེ་འདྲ་བའི་རྐྱེན་ཅིག་བགྱིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ཕ་ལ་ཕྲིན་གྱིས་ཟས་དང་ཕྲལ་ན་ཅིར་འགྱུར། ཉེས་བྱས་ སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ཟས་དང་ཕྲལ་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་སྨྱོན་པ་ཞིག་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་ དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་དང་། གླེན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ཟས་དང་ཕྲལ་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། གཞན་གྱིས་གཞན་གྱི་མཚན་དག་དང་། །

ཁྱིམ་པ་དག་ལ་སོགས་པ་རྣམས། ། བཞི་པ་བདུན་པ་བཟའ་བའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་ཟས་དང་ཕྲལ་བ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་ འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་ཟས་དང་ཕྲལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་ཟས་དང་ཕྲལ་བ་དང་། དགེ་སློང་དེས་ཀྱང་མཐའ་ འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་ཟས་དང་ཕྲལ་བ་དང་། དགེ་སློང་དེས་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་ལུས་ཀྱི་དམིགས་པས་ཟས་དང་ཕྲལ་ན་ ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་གཞན་ལ་ཟས་དང་བྲལ་བར་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་གྱི་ སླད་དུ་ཟས་དང་ཕྲལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་དགེ་སློང་ལ་ཟས་དང་ཕྲལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་མ་ཟས་དང་བྲལ་བར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ཟས་དང་ཕྲལ་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་ འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཟས་དང་ཕྲལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་འདུ་ཤེས་ཏེ་ཟས་ དང་ཕྲལ་ན་ཅིར་འགྱུར། ཉེས་བྱས་སོ། །

མི་མ་ལགས་པ་ལ་མི་མ་ལགས་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་ བསྙེན་པར་རྫོགས་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ཟས་ དང་ཕྲལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་མགྲོན་དུ་བོས་ལ་བསྙེན་པར་མ་རྫོགས་པ་ན་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་མགྲོན་དུ་བོས་ལ་བསྙེན་པར་རྫོགས་ཏེ་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་མགྲོན་དུ་བོས་ལ་བསྙེན་པར་རྫོགས་ཀར་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་མགྲོན་དུ་བོས་ལ་བསྙེན་པར་རྫོགས་ ཀར་ཟས་དང་ཕྲལ་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་ཀར་མགྲོན་དུ་བོས་ལ་བསྙེན་པར་རྫོགས་ནས་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་མགྲོན་དུ་བོས་ལ་བསྙེན་པར་རྫོགས་ཏེ་ཟས་དང་ཕྲལ་ན་ཅིར་འགྱུར། ལྟུང་བའོ། ། བསྙེན་ པར་རྫོགས་པ་ན་མགྲོན་དུ་བོས་ལ་བསྙེན་པར་མ་རྫོགས་པ་ན་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ཟས་དང་ཕྲལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྨན་པས་ལུང་བསྒོ་སྟེ་ཟས་དང་ཕྲལ་བའོ། ། བཙུན་ པ་དགེ་སློང་ཟས་དང་ཕྲལ་ཡང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཟས་མ་གཏོགས་པར་དེ་ལས་གཞན་པའི་བཅའ་བ་དང་། བཟའ་བ་དང་། བཏུང་བ་དང་། བལྡག་པ་དང་། བཞིབ་པ་ལ་སོགས་པའི་ཟས་དང་ཕྲལ་ན་ཉེས་བྱས་སུ་འགྱུར་རོ། ། བཙུན་ པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་སློང་ཟས་དང་ཕྲལ་ན་ཅིར་འགྱུར།

ལྟུང་བའོ། ། བཙུན་པ་དགེ་སློང་མས་དགེ་སློང་མ་ཟས་དང་ཕྲལ་ན་ཅིར་འགྱུར། ལྟུང་བའོ། ། བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་དགེ་སློང་དང་། དགེ་སློང་ མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཟས་དང་ཕྲལ་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བྲོ་མ་འཚལ་བར་བདག་གི་སླད་དུ་བདག་གིས་ཞུགས་བུས་སམ། འབུད་དུ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ཞུགས་ བུད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་མེ་འབུད་དུ་བཅུག་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། དེ་ བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་།

ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་མེ་འབུད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། དེ་ལྟར་གཞན་ གྱིས་གཞན་གྱི་མཚན། ། ཁྱིམ་པ་དག་ལ་སོགས་པའི་རྣམས། ། བཞི་པ་བདུན་པ་དེ་བཞིན་ནོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་ཞུགས་འབུད་དུ་སྩལ་བ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་ པས་མཐའ་འཁོབ་པའི་སྐད་དུ་ཞུགས་འབུད་དུ་སྩལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་ཞུགས་འབུད་དུ་སྩལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་ མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་ཞུགས་འབུད་དུ་སྩལ་བ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་ཞུགས་འབུད་ དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་གཞན་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་གཞན་ གྱི་སླད་དུ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཞུགས་འབུད་དུ་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཞུགས་འབུད་དུ་སྩལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ཁྱིམ་པ་མངོན་སུམ་དུ་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་ གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་མེ་འབུད་དུ་བཅུག་ན་ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་ དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཞུགས་འབུད་དུ་སྩལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། །

བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་ འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ཏེ་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་ པ་བསྙེན་པར་མ་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པར་ བཤམས་ལ་བསྙེན་པར་རྫོགས་པ་ན་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་པ་ན་ཞུགས་ འབུད་དུ་སྩལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། །

བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་ པ་བསླབ་པ་སྩལ་བས་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཞུགས་འབུད་དུ་སྩལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་ཞུགས་འབུད་དུ་སྩལ་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་ པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་ཆོས་དང་མཐུན་པར་བགྱི་བ་ལ་དད་པ་ཕུལ་བ་ལས་དེའི་འོག་ཏུ་འཁྱིག་པའི་ཆོས་བགྱིས་ཏེ། དགེ་སློང་ཁྱོད་ལ་དད་པ་མི་སྦྱིན་གྱིས་ཐོང་ཤིག་ཅེས་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་ གིས་དགེ་འདུན་གྱི་ཆོས་དང་མཐུན་པའི་བགྱི་བ་ལ་དད་པ་སྩལ་བ་ལས་དེའི་འོག་ཏུ་ཕྲིན་གྱིས་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། །

དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་འཁྱིག་པའི་ཆོས་བྱས་ན་ཉེས་ བྱས་སོ། ། བཙུན་པ་དགེ་སློང་གིས་དགེ་འདུན་གྱི་ཆོས་དང་ལྡན་པའི་བགྱི་བ་ལ་དད་པ་སྩལ་ནས་དེའི་འོག་ཏུ་སྨྱོན་པ་ལ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། གླེན་པ་དང་། ལྐུགས་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ལ་འཁྱིག་པའི་ཆོས་བྱས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། དེ་ བཞིན་གཞན་གྱིས་གཞན་གྱི་མཚན། ། ཁྱིམ་པ་དག་ལ་སོགས་པ་རྣམས། ། བཞི་པ་བདུན་པ་དེ་བཞིན་ནོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་འཁྱིག་པའི་ཆོས་བགྱིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་ སོ། ། འཕགས་པས་མཐའ་འཁོབ་པའི་སྐད་དུ་འཁྱིག་པའི་ཆོས་བགྱིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

མཐའ་འཁོབ་པས་མཐའ་འཁོབ་པའི་སྐད་དུ་འཁྱིག་པའི་ཆོས་བགྱིས་པ་དང་། དགེ་སློང་དེས་ཀྱང་མཐའ་ འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་འཁྱིག་པའི་ཆོས་བགྱིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་འཁྱིག་པའི་ཆོས་ བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་འཁྱིག་ཏུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་གྱི་སླད་དུ་ འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འཁྱིག་པའི་ཆོས་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་འཁྱིག་པའི་ཆོས་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་ བྱས་སོ། ། བཙུན་པ་དགེ་སློང་གིས་ཁྱིམ་པ་ལ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་།

དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལ་འཁྱིག་པའི་ཆོས་བྱས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་ གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འཁྱིག་པའི་ཆོས་བགྱིས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་ཆོས་དང་མཐུན་པའི་ལས་ལ་ཆོས་དང་མཐུན་པའི་ལས་སུ་འདུ་ཤེས་ཏེ་དད་པ་སྩལ་ནས་འཁྱིག་པའི་ཆོས་ བགྱིས་ན་ཅིར་འགྱུར། ལྟུང་བའོ། ། ཆོས་དང་མཐུན་པའི་ལས་ལ་ཆོས་དང་མཐུན་པའི་ལས་མ་ལགས་པར་འདུ་ཤེས་ཏེ་འཁྱིག་པའི་ཆོས་བགྱིད་ན་ཅིར་འགྱུར། ཉེས་བྱས་སོ། ། ཆོས་དང་མི་མཐུན་པའི་ལས་ལ་ཆོས་དང་མཐུན་པའི་ལས་སུ་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་ འགྱུར། ཉེས་བྱས་སོ། ། ཆོས་དང་མི་མཐུན་པའི་ལས་ལ་ཆོས་དང་མི་མཐུན་པའི་ལས་སུ་འདུ་ཤེས་ནས་འཁྱིག་པའི་ཆོས་བགྱིས་ན་ཅིར་འགྱུར།

ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བསྙེན་པར་མ་རྫོགས་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསྙེན་པར་རྫོགས་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསྙེན་པར་ མ་རྫོགས་པར་འདུ་ཤེས་ཏེ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་དད་པ་སྩལ་ན་བསྙེན་པར་མ་རྫོགས་པ་ན་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་དད་པ་སྩལ་ལ་བསྙེན་པར་རྫོགས་ཀར་འཁྱིག་པའི་ཆོས་བགྱིས་ ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་དད་པ་སྩལ་ལ་བསྙེན་པར་རྫོགས་པ་ན་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་དད་པ་སྩལ་ལ་བསྙེན་པར་རྫོགས་ཀར་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་དད་པ་སྩལ་ལ་བསྙེན་པར་རྫོགས་ནས་འཁྱིག་པའི་ཆོས་བགྱིས་ན་ཅིར་འགྱུར།

ཉེས་བྱས་སོ། ། བསྙེན་པར་རྫོགས་ནས་དད་པ་སྩལ་ལ་བསྙེན་པར་རྫོགས་པས་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་དད་ པ་སྩལ་ལ་བསྙེན་པར་མ་རྫོགས་པ་ན་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་ཆོས་དང་ལྡན་པའི་བགྱི་བ་ལ་དད་པ་སྩལ་ནས། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་འཁྱིག་པའི་ ཆོས་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་འཁྱིག་པའི་ཆོས་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་འདུན་གྱི་ཆོས་དང་མཐུན་པའི་བགྱི་བ་ལ་དད་པ་ སྩལ་ནས་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དགེ་འདུན་གྱི་ཆོས་དང་མཐུན་པའི་བགྱི་བ་ལ་དད་པ་སྩལ་བ་ལས་འཁྱིག་པའི་ཆོས་བགྱིས་ན་ཅིར་འགྱུར། ལྟུང་བའོ། ། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ ཉེས་བྱས་སུ་འགྱུར་རོ། ། ། ། མདོར་ན། སྨྱོན་པར་གྱུར་དང་སེམས་འཁྲུགས་པ། །

ན་བ་འོན་པ་འགྲོ་བ་སྔགས། ། ནམ་མཁའ་གཉིས་དང་བཞི་པ་མཚན། ། དེ་བཞིན་སྤྲུལ་པ་མ་ནིང་དང་། ། གཡོགས་པ་བསྐོར་བ་དགེ་སློང་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་ པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ཁྱིམ་གཅིག་གི་ནང་ན་ཉལ་བར་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་པ་དང་ལྷན་ཅིག་ ཏུ་ནུབ་གཉིས་ཁྱིམ་གྱི་ནང་ན་ཉལ་ལ་ནུབ་གསུམ་པ་ལ་རང་བཞིན་དུ་གནས་པ་དང་ལྷན་ཅིག་ཉལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ནུབ་གཉིས་སུ་རང་བཞིན་དུ་གནས་པ་དང་ཉལ་ལ་ནུབ་གསུམ་པ་ལ་སྨྱོན་པ་དང་ལྷན་ཅིག་ཏུ་ཉལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ སེམས་འཁྲུགས་པ་དང་། ནད་ཀྱིས་གཟིར་བ་དང་། འོན་པ་དང་། ལྐུགས་པ་དང་། འགྲོ་བ་གཞན་དུ་གནས་པ་རྣམས་དང་ལྷན་ཅིག་ཉལ་ན་ཐམས་ཅད་ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་བསྙེན་པར་མ་རྫོགས་པའི་གང་ ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ཁང་པ་གཅིག་གི་ནང་ན་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ནམ་མཁའ་ལ་ཉལ་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ཁང་པ་གཅིག་ཏུ་ཉལ་ལ་ནུབ་གསུམ་པར་བུད་མེད་དང་ལྷན་ཅིག་ཉལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ནུབ་གཉིས་ལས་ འདས་པར་ཉལ་བར་བགྱིད་ན་ཅིར་འགྱུར། ལྟུང་བའོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཉལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ལ་ བསྙེན་པར་རྫོགས་པར་འདུ་ཤེས་ཏེ་ཉལ་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ནུབ་གཉིས་ལས་འདས་པར་ཉལ་ན་ཅིར་འགྱུར། ལྟུང་བའོ། །

མི་ལ་མི་མ་ལགས་པར་འདུ་ཤེས་ཏེ་ཉལ་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་ འདུ་ཤེས་ཏེ་ཉལ་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ཏེ་ཉལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་བསྙེན་པར་མ་རྫོགས་པའི་གང་ཟག་དང་ནུབ་གཉིས་ལས་འདས་པར་ལྷན་ཅིག་ཉལ་བ་ན་མཚན་འཕོས་ཏེ་དགེ་སློང་ མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མ་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ཉལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་སྤྲུལ་པ་དང་ལྷན་ཅིག་ཏུ་ནུབ་ གཉིས་ལས་འདས་པར་ཁྱིམ་གཅིག་ན་ཉལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ཉལ་ལ་ནུབ་གསུམ་པ་ལ་མ་ནིང་དང་ལྷན་ཅིག་ཏུ་ཉལ་ན་ཅིར་འགྱུར། ལྟུང་བ་དང་། ཉེས་བྱས་སུ་འགྱུར་རོ། ། བཙུན་པ་དགེ་ སློང་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཁང་པ་གཅིག་གི་ནང་ན་ཉལ་ཡང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དེ་ནི་དེའི་གནས་ཐམས་ཅད་མ་གཡོགས་པར་གྱུར་པའམ།

ར་བས་བསྐོར་བའམ། ཕྱེད་བསྐོར་བའམ། ཐམས་ཅད་མ་བསྐོར་བར་ གྱུར་པའམ། མ་གཡོགས་པའམ། དེ་ཕྱེད་མ་གཡོགས་པ་དེ་ལྟ་བུའི་གནས་སུ་ཉལ་ན་ཉེས་མེད་དུ་འགྱུར་རོ། ། བཙུན་པ་དགེ་སློང་གིས་རི་གྲོག་པོའམ། ཤིང་གི་ཕུག་གམ། ཤིང་སྟུག་པོར་བསྙེན་པར་མ་རྫོགས་པ་དང་ལྷན་ཅིག་ཏུ་ནུབ་གཉིས་ལས་འདས་པར་ཉལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ནུབ་གཉིས་ལས་འདས་པར་ཉལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མ་བསྙེན་པར་མ་རྫོགས་པའི་གང་ཟག་དང་ལྷན་ཅིག་ཏུ་ཁྱིམ་གཅིག་གི་ནང་དུ་ནུབ་གཉིས་ལས་འདས་པར་ ཉལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། དགེ་སློང་ཨ་རི་ཥྚས་ལན་གསུམ་དུ་ངག་བཅག་པས་དགེ་འདུན་གྱི་ལྷག་མར་བཤད་པ་དང་སྦྱར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་ དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་པ། ། ན་བ་འོན་པ་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཟག་དེ་ལྟར་སྨྲ་བས་ཆོས་ཀྱི་རྗེས་སུ་མ་བགྱིས། སྡིག་པ་ དེ་ལ་ལྟ་བར་གྱུར་པ་མ་སྤངས་པར་འཚལ་བཞིན་དུ་དེ་དང་ལྷན་ཅིག་སྨྲ་འམ། ཀུན་དུ་སྨྲ་འམ། ཟས་འཚལ་ལམ། དེ་དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གང་ཟག་དེ་ལྟར་སྨྲ་བར་འཚལ་བཞིན་དུ་ཕྲིན་གྱིས་ སྨྲ་འམ་ཀུན་དུ་སྨྲ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་པ་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་སྨྱོན་པ་ཆོས་ཀྱི་རྗེས་སུ་མ་བགྱིས་པ་ཞིག་ལ་ སྨྲའམ། ཀུན་དུ་སྨྲ་འམ། ཟས་འཚལ་ལམ། ཁང་པ་གཅིག་ཏུ་ལྷན་ཅིག་ཉལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་དང་། གླེན་པ་དང་། འགྲོ་བ་གཞན་དུ་གནས་པའི་དགེ་སློང་ ཆོས་ཀྱི་རྗེས་སུ་མ་བྱས་པ་ལ་སྨྲའམ། ཀུན་དུ་སྨྲ་འམ། ཟའམ། ཁང་པ་གཅིག་ཏུ་ལྷན་ཅིག་ཉལ་ན་ཐམས་ཅད་ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་གང་ཟག་དེ་ལྟར་སྨྲ་བ་ཆོས་ཀྱི་རྗེས་སུ་མ་བགྱིས་པར་འཚལ་བཞིན་དུ་སྔགས་སམ་སྨན་གྱིས་བདག་མི་སྣང་བར་ བསྒྱུར་ཏེ། དེ་དང་ལྷན་ཅིག་སྨྲ་འམ། ཀུན་དུ་སྨྲ་འམ། ཟས་འཚལ་ལམ། དེ་དང་ལྷན་ཅིག་ཏུ་ཁྱིམ་གཅིག་གི་ནང་ན་ཉལ་ན་ཅིར་འགྱུར། ཉེས་བྱས་སོ། ། ། ། མདོར་ན། སྔགས་དང་ནམ་མཁའ་སྐད་རྣམས་དང་། ། ལུས་དང་དབེན་དང་ཟ་བ་དང་། ། བདུན་པ་བཞི་པ་དེ་ ལྟར་ཏེ། ། མཚན་དང་མ་ནིང་དེ་བཞིན་ནོ། ། བཙུན་པ་དགེ་སློང་གིས་གང་ཟག་དེ་ལྟར་སྨྲ་ཞིང་ཆོས་ཀྱི་རྗེས་སུ་མ་བགྱིས་པར་འཚལ་བཞིན་དུ་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ། དེ་དང་ལྷན་ཅིག་སྨྲ་འམ། ཀུན་ཏུ་སྨྲའམ། ཟས་འཚལ་ཞིང་དེ་དང་ལྷན་ཅིག་ཁྱིམ་ གཅིག་ཏུ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གང་ཟག་དེ་ལྟར་སྨྲ་བར་འཚལ་བཞིན་དུ་དེ་དག་ལྷན་ཅིག་ནམ་མཁའ་ལ་མཆིས་ཏེ་ཉལ་ན་ཅིར་འགྱུར། ཉེས་བྱས་སོ། ། བཙུན་པ་དེ་ལྟར་སྨྲ་བའི་གང་ཟག་ལ་དགེ་སློང་འཕགས་པས་ འཕགས་པའི་སྐད་དུ་སྨྲས་པ་དང་། གང་ཟག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

འཕགས་པས་མཐའ་འཁོབ་པའི་སྐད་དུ་གང་ཟག་དེ་དེ་ལྟར་སྨྲ་ཞིང་ཆོས་ཀྱི་རྗེས་སུ་མ་བགྱིས་པ་ལ་སྨྲས་པ་དང་། གང་ཟག་དེས་ཀྱང་མཐའ་ འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དེ་ལྟར་སྨྲ་བའི་གང་ཟག་ལ་སྨྲས་པ་དང་། གང་ཟག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་ པའི་སྐད་དུ་དེ་ལྟར་སྨྲ་བའི་གང་ཟག་ལ་སྨྲས་པ་དང་། གང་ཟག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གང་ཟག་དེ་ལྟར་སྨྲ་བར་འཚལ་བཞིན་དུ་ལུས་ཀྱི་དམིགས་པས་གོ་བར་བགྱིས་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་གང་ཟག་དེ་ལྟར་སྨྲ་བ་ལ་སྨྲས་སམ་ཉལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འཚལ་བཞིན་དུ་དེ་ལྟར་སྨྲ་བའི་གང་ཟག་དང་ལྷན་ཅིག་ཟས་མ་གཏོགས་པར་དེ་ལས་གཞན་པའི་བཅའ་བ་དང་། བཏུང་བ་ དང་། བལྡག་པ་དང་། བཞིབ་པ་ལ་སོགས་པ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་བསྙེན་པར་མ་རྫོགས་པ་ན་དེ་ལྟར་སྨྲ་བའི་གང་ཟག་ཏུ་འཚལ་ལ་བསྙེན་པར་མ་རྫོགས་པ་ན་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་འཚལ་ལ་བསྙེན་ པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་འཚལ་ལ་བསྙེན་པར་རྫོགས་པ་ན་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་འཚལ་ལ་བསྙེན་པར་རྫོགས་ཀར་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་ འཚལ་ལ་བསྙེན་པར་རྫོགས་པ་ན་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་འཚལ་ལ་བསྙེན་པར་རྫོགས་པ་ན་སྨྲས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་འཚལ་ལ་བསྙེན་པར་མ་རྫོགས་པ་ན་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དེ་ལྟར་སྨྲ་བའི་གང་ཟག་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་ པར་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། །

བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འཚལ་བཞིན་དུ་དེ་ལྟར་སྨྲ་བའི་གང་ཟག་བཟོད་པར་མ་བགྱིས་པ་ལ་བཟོད་པར་མ་བགྱིས་ པར་འདུ་ཤེས་ཏེ་སྨྲས་ན་ཅིར་འགྱུར། ལྟུང་བའོ། ། བཟོད་པར་མ་བགྱིས་པ་ལ་བཟོད་པར་བགྱིས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་མེད་དོ། ། བཟོད་པར་བགྱིས་པ་ལ་བཟོད་པར་མ་བགྱིས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་བྱས་སོ། ། བཟོད་པར་བགྱིས་པ་ལ་ བཟོད་པར་བགྱིས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་དེ་ལྟར་སྨྲ་བའི་གང་ཟག་ལ་སྨྲ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དེ་ལྟར་སྨྲ་བའི་དགེ་སློང་མ་ལ་འཚལ་བཞིན་དུ་ སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འཚལ་བཞིན་དུ་དེ་ལྟར་སྨྲ་བའི་གང་ཟག་མ་ནིང་ལ་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་ བཅོམ་པ་བསད་པ་དང་།

དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བའི་གང་ཟག་རྣམས་ ལ་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དེ་དེ་ལྟར་སྨྲ་བར་འཚལ་བཞིན་དུ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་གང་ཟག་ལ་སྨྲས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་ གིས་གཉིད་ཀྱིས་ལོག་པ་དང་། ར་རོ་བ་དང་། མྱོས་པའི་གང་ཟག་དེ་ལྟར་སྨྲ་ཞིང་། ཆོས་ཀྱི་རྗེས་སུ་མ་བགྱིས་པ་ལ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དེ་ལྟར་སྨྲ་བའི་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ ཚུལ་ཕ་རྣམས་ལ་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་གང་ཟག་དེ་ལྟར་སྨྲ་བའི་ཆོས་ཀྱི་རྗེས་སུ་མ་བགྱིས་པར་འཚལ་བཞིན་དུ་དེ་དང་ལྷན་ཅིག་སྨྲས་སམ། ཀུན་ཏུ་སྨྲས་སམ། ཟས་འཚལ་ཏམ། དེ་དང་ལྷན་ཅིག་ཉལ་ན་ཅིར་འགྱུར། ལྟུང་ བའོ། །

བཙུན་པ་དགེ་སློང་མས་དེ་ལྟར་སྨྲ་བའི་དགེ་སློང་མར་འཚལ་བཞིན་དུ་སྨྲའམ། ཀུན་ཏུ་སྨྲའམ། དེ་དང་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ལྟུང་བར་འགྱུར་རོ། ། བཙུན་པ་དགེ་སློང་མ་དང་། དགེ་ཚུལ་ཕ་དེ་ལྟར་སྨྲ་ཞིང་ཆོས་ཀྱི་རྗེས་སུ་མ་ བགྱིས་པ་ལ་སྨྲས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ཇི་ལྟར་དེ་ལྟར་སྨྲ་བའི་གང་ཟག་དེ་བཞིན་དུ་དེ་ལྟར་དགེ་སྦྱོང་མ་རུང་བར་བྱས་པ་བསྟན་པ་ཡང་བརྗོད་པར་བྱའོ། ། ཐ་དད་པ་ཅི་ཡོད་ཅེས་གསོལ་ པ་དང་། ལས་དང་ལོངས་སྤྱོད་མ་གཏོགས་པར་བསྙེན་བཀུར་དང་ཡིད་བཞོ་བ་ཡང་བཤད་པར་བྱའོ། ། ། ། མདོར་ན། མི་རུང་བ་དང་མཚན་དག་དང་། ། བཞི་པ་བདུན་པ་དེ་ལྟར་ཏེ། ། མ་ཆོག་ཐམས་ཅད་རང་བཞིན་དང་། ། ཚོན་དང་བསླབ་པ་དགེ་སློང་མའོ། ། སངས་ རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་གོས་སར་པ་རྙེད་ན་ཁ་དོག་ངན་པར་བྱ་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་གྱིས་ཤིག །

དགེ་སློང་གིས་ཁ་དོག་ངན་པར་བྱ་བ་གསུམ་ལས་ གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བར་གོས་བགོས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བའི་གོས་བགོས་ཀྱང་ནོངས་པ་ལྟུང་བར་མི་ འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བའི་གོས་སྤྱོད་པ་སྟེ། མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། རའི་བལ་དང་། {རི་དགས་,རི་དྭགས་}ཀྱི་བལ་དང་། འདྲེས་པ་དང་། ཐགས་སུ་མ་བཏགས་པ་སྟེ། དེ་ལྟ་བུའི་གོས་སྤྱད་ན་ཉེས་བྱས་སུ་འགྱུར་རོ། ། བཙུན་ པ་དགེ་སློང་གིས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བར་གོས་སྤྱོད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། དགེ་སློང་མས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ ཁ་དོག་ངན་པར་མ་བསྒྱུར་བར་གོས་སྤྱོད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་གིས་ཁ་དོག་ངན་པར་བསྒྱུར་བའི་གོས་ལ་ཁ་དོག་ངན་པར་བསྒྱུར་བ་མ་ལགས་པར་འདུ་ཤེས་ཏེ་སྤྱོད་ན་ཅིར་འགྱུར། ལྟུང་བའོ། ། ཁ་དོག་ངན་པར་མ་ བསྒྱུར་བ་ལ་ཁ་དོག་ངན་པར་བསྒྱུར་བར་འདུ་ཤེས་ཏེ་སྤྱད་ན་ཉེས་པ་མེད་དོ། ། ཁ་དོག་ངན་པར་བསྒྱུར་བ་ལ་ཁ་དོག་ངན་པར་མ་བསྒྱུར་བར་འདུ་ཤེས་ཏེ་སྤྱད་ན་ཅིར་འགྱུར། ཉེས་བྱས་སོ། ། ཁ་དོག་ངན་པར་བསྒྱུར་བ་ལ་ཁ་དོག་ངན་པར་བསྒྱུར་བར་འདུ་ཤེས་ཏེ་སྤྱད་ན་ཅིར་འགྱུར། ཉེས་ པ་མེད་དོ། ། བཙུན་པ་བསྙེན་པར་མ་རྫོགས་པ་ན་རྙེད་ལ་བསྙེན་པར་མ་རྫོགས་པ་ན་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་སྟེ། ཁ་དོག་ངན་པར་མ་བསྒྱུར་བར་སྤྱད་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་རྙེད་ལ་བསྙེན་པར་རྫོགས་ཀར་སྤྱད་ན་ ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་རྙེད་ལ་བསྙེན་པར་རྫོགས་ནས་སྤྱད་ན་ཅིར་འགྱུར། ལྟུང་བའོ། ། བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ཀར་སྤྱད་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ནས་ སྤྱད་ན་ཅིར་འགྱུར། ལྟུང་བའོ། །

བསྙེན་པར་རྫོགས་པ་ན་རྙེད་ལ་བསྙེན་པར་རྫོགས་ནས་སྤྱད་ན་ཅིར་འགྱུར། ལྟུང་བའོ། ། བསྙེན་པར་རྫོགས་པར་རྙེད་ལ་བསྙེན་པར་མ་རྫོགས་པར་སྤྱད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གོས་ཁྲུ་གང་ལས་ཆུང་ བའམ། བདེ་བར་གཤེགས་པའི་ཆོས་གོས་ཀྱི་ཚད་ཅིག་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བར་སྤྱད་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ཁ་དོག་ངན་པར་བསྒྱུར་བ་གསུམ་ལས་གང་ཡང་ རུང་བ་གཅིག་གིས་ཁ་དོག་ངན་པར་བསྒྱུར་བའི་གོས་སྤྱད་ཀྱང་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་འདི་ལྟར་དགེ་སློང་གིས་ཐམས་ཅད་སྔོན་པོའམ། སེར་པོའམ། ཐམས་ཅད་དམར་པོའི་གོས་སྤྱད་པའོ། ། བཙུན་པ་དགེ་སློང་གིས་ཁ་དོག་ངན་པར་ བསྒྱུར་བ་རྣམ་པ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བར་སྤྱད་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་དེས་གོས་ཀྱི་རང་བཞིན་བགོས་པའོ། །

བཙུན་པ་དགེ་སློང་གིས་གོས་ཁ་དོག་ངན་པར་བསྒྱུར་བ་གསུམ་ལས་ གང་ཡང་རུང་བ་གཅིག་གིས་ཁ་དོག་ངན་པར་བསྒྱུར་བའི་གོས་སྤྱད་ཀྱང་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། ཚོན་ཆེན་པོར་བཙོས་པའོ། ། དེ་ལ་ཚོན་ཆེན་པོ་ནི་གུར་གུམ་དང་། ལེ་བརྒན་རྩི་དང་། རྒྱ་སྐྱེགས་དང་། བཙོད་དང་། རྨ་ཤིང་དང་། འདི་ལྟ་བུའི་ཚོན་གྱིས་བཙོས་པ་ཞིག་སྤྱད་ན་ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བའི་གོས་སྤྱད་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཁ་དོག་ངན་པར་ བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་བསྒྱུར་བའི་གོས་སྤྱད་ན་ཅིར་འགྱུར། ལྟུང་བའོ། ། བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་ཁ་དོག་ངན་པར་བསྒྱུར་བ་གསུམ་ལས་གང་ཡང་རུང་བ་གཅིག་གིས་ཁ་དོག་ངན་པར་མ་ བསྒྱུར་བར་སྤྱད་ན་ཅིར་འགྱུར། ཉེས་བྱས་སོ། ། ། ། མདོར་ན། བུད་མེད་རིན་ཆེན་མཚན་དེ་བཞིན། ། བཞི་པ་རེག་པ་ཡང་དེ་བཞིན། ། གཞན་གྱིས་དང་ནི་བདུན་པ་མཚོན། ། རོལ་མོ་དག་དང་སྤྲུལ་པ་ཡིད། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རིན་པོ་ཆེའམ་རིན་པོ་ཆེར་གཏོགས་པ་རང་གི་སུག་པས་བཟུང་ངམ། འཛིན་དུ་སྩལ་ན་ར་བའི་ནང་ན་མཆིས་སམ། གནས་ཀྱི་ནང་ན་མཆིས་པ་མ་གཏོགས་ཏེ། ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་ གིས་རིན་པོ་ཆེའམ་རིན་པོ་ཆེར་གཏོགས་པ་རང་གི་སུག་པས་བཟུང་ཡང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། བུད་མེད་རིན་པོ་ཆེ་ལ་སོགས་པ་རིན་པོ་ཆེ་ལྔ་བཟུང་ན་ཇི་ལྟར་དངོས་པོ་བཞིན་དུ་ཉེས་པར་འགྱུར་རོ། ། འོན་ཏེ་ནོར་བུ་རིན་པོ་ཆེ་དང་། འཁོར་ ལོ་རིན་པོ་ཆེ་བཟུང་ན་ལྟུང་བའོ། ། བཙུན་པ་དགེ་སློང་གིས་རིན་པོ་ཆེ་འམ། རིན་པོ་ཆེར་གཏོགས་པ་ཞིག་འཛིན་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་རིན་པོ་ཆེའམ་རིན་པོ་ཆེར་གཏོགས་པ་ཞིག་འཛིན་པ་ན་མཚན་འཕོས་ ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་རིན་པོ་ཆེ་ལ་རིན་པོ་ཆེར་འདུ་ཤེས་ཏེ་བཟུང་ན་ཅིར་འགྱུར། ལྟུང་བའོ། །

རིན་པོ་ཆེ་ལ་རིན་པོ་ཆེ་མ་ལགས་པར་འདུ་ཤེས་ཏེ་བཟུང་ན་ཅིར་འགྱུར། ཉེས་པ་མེད་དོ། ། རིན་པོ་ཆེ་མ་ལགས་པ་ལ་རིན་པོ་ ཆེར་འདུ་ཤེས་ཏེ་བཟུང་ན་ཅིར་འགྱུར། ཉེས་བྱས་སོ། ། རིན་པོ་ཆེ་མ་ལགས་པ་ལ་རིན་པོ་ཆེ་མ་ལགས་པར་འདུ་ཤེས་ཏེ་བཟུང་ན་ཅིར་འགྱུར། ཉེས་པ་མེད་དོ། ། དེ་བཞིན་དུ་རིན་པོ་ཆེར་གཏོགས་པར་འདུ་ཤེས་པ་ཡང་བཞིར་སྦྱར་རོ། ། བཙུན་པ་དགེ་སློང་གིས་རིན་པོ་ཆེ་འམ། རིན་པོ་ཆེར་གཏོགས་པ་ལ་རེད་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་རིན་པོ་ཆེ་འམ་རིན་པོ་ཆེར་གཏོགས་པ་ལ་གཞན་འཛིན་དུ་སྩལ་ན་ཅིར་འགྱུར། ལྟུང་བའོ། ། བཙུན་པ་བསྙེན་པར་མ་རྫོགས་པ་ན་རིན་པོ་ཆེའམ་རིན་པོ་ཆེར་གཏོགས་པ་ཞིག་གཟུང་བར་བཤམས་ལ་ བསྙེན་པར་མ་རྫོགས་པ་ན་བཟུང་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་བཟུང་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ནས་བཟུང་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་བཟུང་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ནས་བཟུང་ན་ཅིར་འགྱུར།

ཉེས་བྱས་སོ། ། བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ པ་ན་བཟུང་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་བཟུང་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རིན་པོ་ཆེའམ་རིན་པོ་ཆེར་གཏོགས་པ་བཟུང་ཡང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ ཡོད་དེ། ལྷ་རྫས་ཀྱི་རིན་པོ་ཆེའམ། རིན་པོ་ཆེར་གཏོགས་པ་བཟུང་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་རིན་པོ་ཆེར་གཏོགས་པ་བཟུང་ཡང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཉམས་པ་བཟུང་བའོ། ། བཙུན་པ་དགེ་སློང་ གིས་སྤྲུལ་པའི་རིན་པོ་ཆེའམ། རིན་པོ་ཆེར་གཏོགས་པ་བཟུང་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རིན་པོ་ཆེའམ། རིན་པོ་ཆེར་གཏོགས་པ་སྤྱད་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ་ལྷའི་གནས་སམ། ཀླུའི་གནས་ སམ། གནོད་སྦྱིན་གྱི་གནས་སམ། རྒྱལ་པོའི་ཕོ་བྲང་ངམ། རྒྱལ་པོའི་བློན་པོ་ཆེན་པོའི་ཁྱིམ་དེ་དག་ཏུ་སྟན་དང་སྣོད་གཞན་མེད་པར་གྱུར་པའོ། ། བཙུན་པ་བསླབ་པ་སྩལ་བས་རིན་པོ་ཆེའམ། རིན་པོ་ཆེར་གཏོགས་པ་བཟུང་ན་ཅིར་འགྱུར།

ལྟུང་བའོ། ། བཙུན་ པ་དགེ་སློང་མས་རིན་པོ་ཆེ་འམ། རིན་པོ་ཆེར་གཏོགས་པ་བཟུང་ན་ཅིར་འགྱུར། ལྟུང་བའོ། ། བཙུན་པ་དགེ་སློབ་མས་རིན་པོ་ཆེ་འམ། རིན་པོ་ཆེར་གཏོགས་པ་བཟུང་ན་ཅིར་འགྱུར། ཉེས་བྱས་སོ། ། བཙུན་པ་དགེ་ཚུལ་མ་དང་དགེ་ཚུལ་ཕས་རིན་པོ་ཆེའམ། རིན་པོ་ཆེར་གཏོགས་པ་ བཟུང་ན་ཅིར་འགྱུར། ཉེས་པ་མེད་དོ། ། ། ། འདུལ་བ་གཞུང་དམ་པ། བམ་པོ་བཅུ་གཉིས་པ། མདོར་ན། དུས་དང་བཞི་པ་དེ་ལྟར་ཏེ། ། སྦྱོར་བ་དང་ནི་དེ་བཞིན་མཚན། ། དེ་བཞིན་ཆུ་དང་ཆར་པ་དང་། ། བསླབ་པ་བྱིན་དང་དགེ་སློང་མ། ། སངས་རྒྱས་ བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཟླ་བ་ཕྱེད་ཅིང་ཁྲུས་བགྱིས་ན་དུས་ལ་བབ་པ་མ་གཏོགས་པར་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྟག་ཏུ་ཁྲུས་བགྱིས་ཀྱང་ནོངས་པར་མི་འགྱུར་བ་མཆིས་ སམ། ཨུ་པཱ་ལི་ཡོད་དེ། དུས་ལ་བབ་པ་བདུན་ལས་གང་ཡང་རུང་སྟེ། དུས་ལ་བབ་པ་ཞིག་ཏུ་ཁྲུས་བྱས་པའོ། ། བཙུན་པ་དགེ་སློང་གིས་ཟླ་བ་ཕྱེད་མ་ལོན་པ་ལ་ཟླ་བ་ཕྱེད་མ་ལོན་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ལྟུང་བའོ། །

ཟླ་བ་ཕྱེད་མ་ལོན་པ་ལ་ཟླ་བ་ ཕྱེད་ལོན་པར་འདུ་ཤེས་ཏེ་ཁྲུས་བྱས་ན་ཉེས་པ་མེད་དོ། ། ཟླ་བ་ཕྱེད་ལོན་པ་ལ་ཟླ་བ་ཕྱེད་མ་ལོན་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། ། ཟླ་བ་ཕྱེད་ལོན་པ་ལ་ཟླ་བ་ཕྱེད་ལོན་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་ཆབ་ ལ་ཆབ་ཏུ་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ལྟུང་བའོ། ། ཆབ་ལ་ཆབ་མ་ལགས་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། ། ཆབ་མ་ལགས་པ་ལ་ཆབ་ཏུ་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། ། ཆབ་མ་ལགས་པ་ལ་ཆབ་མ་ ལགས་པར་འདུ་ཤེས་ཏེ་ཁྲུས་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དུས་སུ་བྱིན་གྱིས་བརླབས་ཏེ་ཁྲུས་བགྱིས་ཀྱང་དེ་ལ་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། ཁྲུས་བྱེད་པ་བཏང་ནས་བྱེའུ་ཟུལ་བྱེད་པའོ། ། བཙུན་ པ་དགེ་སློང་གིས་ཟླ་བ་ཕྱེད་ཚུན་ཅད་དུ་དུས་སུ་བྱིན་གྱིས་མ་བརླབས་པར་ཁྲུས་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་མས་དུས་སུ་བྱིན་གྱིས་མ་བརླབས་པར་ཁྲུས་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ཆབ་མ་གཏོགས་པ་དེ་ལས་གཞན་པའི་དངོས་པོ་ཞིག་གིས་ཁྲུས་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རྟག་ཏུ་ཁྲུས་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཆུ་རྒལ་བར་བསམ་ པའམ། ཆར་པ་བབ་སྟེ་ཁྲུས་བྱས་པའོ། ། བཙུན་པ་བསླབ་པ་སྩལ་བས་ཟླ་བ་ཕྱེད་ཚུན་ཅད་དུས་སུ་བྱིན་གྱིས་མ་བརླབས་པར་ཁྲུས་བགྱིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཟླ་བ་ཕྱེད་ཚུན་ཅད་དུས་སུ་བྱིན་གྱིས་མ་བརླབས་པར་ཁྲུས་བགྱིས་ན་ ཅིར་འགྱུར། ལྟུང་བའོ། ། བཙུན་པ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བྱིན་གྱིས་མ་བརླབས་པར་ཟླ་བ་ཕྱེད་ཚུན་ཅད་ཁྲུས་བགྱིས་ན་ཅིར་འགྱུར། ཉེས་བྱས་སོ། ། ཤེས་བཞིན་དུ་བྱོལ་སོང་དུ་གྱུར་པའི་སྲོག་ཆགས་འཚོ་བ་དང་ཕྲལ་བ་ནི་ཕས་ཕམ་པའི་ སྐབས་སུ་བཤད་པ་བཞིན་རྣམ་པར་དབྱེའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། །

འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་ མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གིས་དགེ་སློང་ལ་འཚལ་བཞིན་དུ་འགྱོད་པ་བསྐྱེད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ཞིག་ཕྲིན་གྱིས་འགྱོད་པ་ བསྐྱེད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་འགྱོད་པ་བསྐྱེད་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་སྨྱོན་པ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་འགྱོད་པ་བསྐྱེད་ན་ཐམས་ཅད་ཉེས་ བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་སྔགས། ། མཚན་དང་བཞི་པ་བདུན་པ་དང་། ། ཁྱིམ་པ་དག་ལ་སོགས་པ་རྣམས། ། ལྷག་མ་གཞན་གྱིས་དགེ་སློང་མའོ། །

བཙུན་པ་དགེ་སློང་འཕགས་པས་འཕགས་པའི་སྐད་དུ་འགྱོད་པ་བསྐྱེད་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་འཕགས་པས་མཐའ་འཁོབ་པའི་སྐད་དུ་འགྱོད་པ་བསྐྱེད་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་ མཐའ་འཁོབ་པའི་སྐད་དུ་འགྱོད་པ་བསྐྱེད་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་འགྱོད་པ་བསྐྱེད་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་ སོ། ། བཙུན་པ་དགེ་སློང་གིས་དགེ་སློང་ལ་ལུས་ཀྱི་དམིགས་པས་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ། སྨན་གྱིས་བདག་ མི་སྣང་བར་བསྒྱུར་ཏེ་དགེ་སློང་ལ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་གི་འགྱོད་པ་བསྐྱེད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་མས་འགྱོད་པ་བསྐྱེད་པ་ན་མཚན་འཕོས་ཏེ་དགེ་སློང་དུ་ གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་འགྱོད་པ་བསྐྱེད་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་འགྱོད་པ་བསྐྱེད་ན་ཅིར་འགྱུར། ཉེས་བྱས་སུ་ འགྱུར་རོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་འགྱོད་པ་བསྐྱེད་པར་བཤམས་ ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། ། བསྙེན་ པར་རྫོགས་ཀར་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་ལ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་ པ་རྣམས་ལ་འགྱོད་པ་བསྐྱེད་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་འགྱོད་པ་བསྐྱེད་ན་ཅིར་འགྱུར། ཐམས་ཅད་ལྟུང་བའོ། ། བཙུན་པ་དགེ་སློང་གིས་དགེ་སློང་ལ་ འགྱོད་པ་བསྐྱེད་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཉེས་པའི་ལྷག་མར་བཅས་པའི་ཉེས་པ་ཞིག་འགྱོད་པ་བསྐྱེད་པར་གྱུར་པའོ། །

བཙུན་པ་དགེ་སློང་གིས་གཞན་དག་གི་སླད་དུ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་འདུན་ཕ་རྣམས་ལ་འགྱོད་པ་བསྐྱེད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་མ་འགྱོད་པ་བསྐྱེད་ན་ཅིར་འགྱུར། ལྟུང་བའོ། ། དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ ཚུལ་ཕ་རྣམས་ལ་འགྱོད་པ་བསྐྱེད་ན་ཐམས་ཅད་ཉེས་བྱས་སུ་འགྱུར་རོ། ། དེ་བཞིན་དུ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་གཅིག་ལ་གཅིག་འགྱོད་པ་བསྐྱེད་ན་ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་དགེ་སློང་རྣམས་ལ་འགྱོད་པ་བསྐྱེད་ན་ཅིར་ འགྱུར། ལྟུང་བའོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ ལྡན་འདས་ཀྱིས་མཛུབ་མོས་ག་ག་ཚིལ་བགྱིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་སྨྱོན་པ་ལ་ག་ག་ཚིལ་བགྱིས་ན་ཅིར་འགྱུར།

ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ལ་ག་ག་ཚིལ་བྱས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། ལུས་དང་སོ་དང་སེན་མོ་དང་། ། སྤུ་དང་གཡོགས་མ་རྨ་དེ་བཞིན། ། ཁྱིམ་པ་ དག་ལ་སོགས་པ་རྣམས། ། མཚན་དང་བཞི་པ་བདུན་པའོ། ། བཙུན་པ་དགེ་སློང་གིས་མཛུབ་མོས་ག་ག་ཚིལ་བགྱིས་པ་མ་གཏོགས་པར་དེ་ལས་གཞན་པ་ལུས་ཀྱི་ཕྱོགས་སུ་མགོ་བོའམ། ཕྲག་པའམ། གྲུ་མོའམ། པུས་མོའམ། རྟིང་པའམ། ཤིང་ངམ། རྡོ་འམ། བོང་བ་རྣམས་ ཀྱིས་ག་ག་ཚིལ་བགྱིས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ལུས་ཀྱི་དབང་པོ་ཉམས་པས་ལུས་ཀྱི་དབང་པོ་མ་ཉམས་པ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ལུས་ཀྱི་དབང་པོ་མ་ཉམས་པས་ལུས་ཀྱི་ དབང་པོ་ཉམས་པ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སོས་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སོ་ལ་ག་ག་ཚིལ་བགྱིས་ན་ཅིར་འགྱུར།

ཉེས་བྱས་སོ། ། བཙུན་པ་དགེ་སློང་གིས་སེན་མོས་ག་ག་ ཚིལ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྤུས་ག་ག་ཚིལ་བགྱིས་སམ། སྤུ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཡོགས་པ་དང་བཅས་པ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རྨས་ག་ག་ཚིལ་བགྱིས་སམ། རྨ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་ལ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་ དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ ཉེས་པ་བྱུང་བ་དང་། སྔར་འཁྲུགས་པ་རྣམས་ལ་ག་ག་ཚིལ་བྱས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་ལ་ག་ག་ཚིལ་བགྱིས་ན་ཅིར་འགྱུར། ཐམས་ཅད་ལྟུང་ བར་འགྱུར་རོ། །

བཙུན་པ་དགེ་སློང་གིས་དགེ་སློང་མ་ལ་ག་ག་ཚིལ་བགྱིས་སམ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ག་ག་ཚིལ་བགྱིས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་མས་དགེ་སློང་དང་། དགེ་ སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ག་ག་ཚིལ་བགྱིས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་ལ་ག་ག་ཚིལ་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་མས་དགེ་སློང་མ་ལ་ག་ག་ཚིལ་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ག་ག་ཚིལ་བགྱིས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་ བསྙེན་པར་མ་རྫོགས་པར་འདུ་ཤེས་ཏེ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ ཤེས་ཏེ་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །

དེ་བཞིན་དུ་མི་ལ་མིར་འདུ་ཤེས་པ་ཡང་བཞིར་སྦྱར་རོ། ། བཙུན་པ་བསྙེན་པར་མ་རྫོགས་པ་ན་བསམས་ལ་བསྙེན་པར་མ་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་ པ་ན་བསམས་ལ་བསྙེན་པར་རྫོགས་ཀར་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསམས་ལ་བསྙེན་པར་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསམས་ལ་བསྙེན་པར་རྫོགས་ ཀར་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསམས་ལ་བསྙེན་པར་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། གང་བསྙེན་པར་རྫོགས་པ་ན་བསམས་ལ་བསྙེན་པར་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བསམས་ལ་བསྙེན་པར་མ་རྫོགས་པ་ན་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་སློང་ལ་ག་ག་ཚིལ་བགྱིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་སློང་མ་ལ་ག་ག་ཚིལ་ བགྱིས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལ་ཉེས་བྱས་སོ། ། ། ། མདོར་ན།

ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་ གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཆབ་ལ་དགའ་བར་བགྱིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་ སློང་གིས་ཕྲིན་གྱིས་ཆབ་ལ་དགའ་བར་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ཆུ་ལ་དགའ་བར་བགྱིད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་ པ་དགེ་སློང་གིས་སྨྱོན་པ་ལ་ཆབ་ཀྱིས་དགའ་བར་བགྱིད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཆུ་ལ་དགའ་བར་བྱས་ན་ཐམས་ཅད་ཉེས་བྱས་སུ་འགྱུར་རོ། ། ཇི་ལྟར་དགའ་བར་བྱེད་པ་དེ་བཞིན་དུ་རྩེ་བ་དང་། མོས་པ་ཡང་རྒྱས་པར་བརྗོད་པར་བྱའོ། ། ། །

མདོར་ན། ཆུ་དང་གཉིས་དང་དེ་བཞིན་སྔགས། ། གཞན་གྱིས་གཞན་གྱི་མཚན་རྣམས་དང་། ། དབེན་དང་བཞི་པ་མ་ནིང་དང་། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་སློང་གིས་ཆབ་མ་གཏོགས་པར་དེ་ལས་གཞན་པའི་དངོས་པོས་དགའ་བར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཆར་ འབབ་པའི་ཆུའི་ཐིགས་པའམ། ཁ་བའམ་ཟིལ་པའི་ཐིགས་པ་རྣམས་ཀྱིས་དགའ་བར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགའ་བར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གཞན་གྱིས་དགའ་བར་བགྱིད་དུ་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་གཞན་དག་གི་སླད་དུ་དགའ་བར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཆབ་ལ་དགའ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཆབ་ལ་དགའ་བར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་དགའ་བར་བགྱིད་ན་ཅིར་འགྱུར། ལྟུང་བའོ། །

ཆུ་ལ་ཆུ་མ་ཡིན་པར་འདུ་ཤེས་ ན་ཉེས་བྱས་སུ་འགྱུར་རོ། ། ཆབ་མ་ལགས་པ་ལ་ཆབ་མ་ལགས་པར་འདུ་ཤེས་ཏེ་དགའ་བར་བགྱིད་ན་ཅིར་འགྱུར། ཉེས་བྱས་སུ་འགྱུར་རོ། ། དེ་བཞིན་དུ་མི་ལ་མིར་འདུ་ཤེས་པ་ཡང་བཞིར་སྦྱར་རོ། ། བཙུན་པ་དགེ་སློང་གིས་མ་ནིང་ཞིག་དགའ་བར་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་མ་ནིང་མ་དང་། མཚན་གཉིས་པ་ཞིག་དགའ་བར་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། ཇི་ལྟར་དགའ་བར་བྱེད་པ་དེ་བཞིན་དུ་རྩེ་བ་དང་། མོས་པ་དང་། དགོད་པ་དང་། རྒྱུག་པ་དང་། ལུས་ཀྱི་རྡེག་པ་རྣམས་སུ་ཡང་རྒྱས་པར་ བཤད་དོ། ། བཙུན་པ་བསླབ་པ་སྩལ་བས་དགའ་བར་བགྱིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཆབ་ཀྱིས་དགའ་བར་བགྱིད་དམ་དགའ་བར་བགྱིད་དུ་སྩལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། ། མ་ནིང་མ་དང་འགྲོ་བ་སྤྲུལ། ། ནམ་མཁའ་དང་ནི་སྔགས་དང་མཚན། ། བཞི་པ་དེ་བཞིན་མ་ནིང་ངོ་། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ དང་ཁྱིམ་གཅིག་ཏུ་ཉལ་བར་བགྱིད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་སྨྱོན་མ་དང་ལྷན་ཅིག་ཏུ་ཁྱིམ་གཅིག་ཏུ་ཉལ་ན་ཅིར་འགྱུར། ཉེས་བྱས་སུ་འགྱུར་རོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། འགྲོ་བ་གཞན་དུ་གནས་ པ་དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ཉེས་བྱས་སོ། ། བཙུན་པ་དགེ་སློང་གིས་བུད་མེད་སྤྲུལ་པ་དང་ལྷན་ཅིག་ཁྱིམ་གཅིག་ཏུ་ཉལ་ན་ཅིར་འགྱུར། ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་ཁྱིམ་གཅིག་གི་ནང་དུ་ནམ་མཁའ་ལ་ཉལ་ བར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་བུད་མེད་དང་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་ ཁྱིམ་གཅིག་ཏུ་ཉལ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་མས་སྐྱེས་པ་དང་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གིས་བུད་མེད་ལ་བུད་མེད་དུ་འདུ་ཤེས་ཏེ་ཉལ་བར་བགྱིད་ན་ཅིར་འགྱུར། ལྟུང་བའོ། ། བུད་མེད་ལ་བུད་མེད་མ་ཡིན་པར་འདུ་ཤེས་ན་ཉེས་པ་མེད་དོ། ། བུད་མེད་མ་ཡིན་པ་ལ་བུད་མེད་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། བུད་མེད་མ་ཡིན་པ་ལ་ བུད་མེད་མ་ཡིན་པར་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་གིས་མིའི་བུད་མེད་ལ་མིར་འདུ་ཤེས་ཏེ་ལྷན་ཅིག་ཏུ་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་ འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་མ་ནིང་དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། ། ། མདོར་ན། རི་དང་སྟུག་པོའི་ཤིང་དང་ནི། ། བསྐོར་དང་གཡོགས་དང་ཆེན་པོ་དང་། ། བཟུང་བ་དེ་བཞིན་ཉིན་པར་དང་། ། བསླབ་པ་བྱིན་དང་དགེ་སློང་མའོ། །

བཙུན་པ་དགེ་སློང་གིས་བུད་མེད་དང་ལྷན་ཅིག་ཏུ་རིའི་གྲོག་པོའམ། ཤིང་སྟུག་པོའམ། ཤིང་ཕུག་ཏུ་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བུད་མེད་དང་ལྷན་ཅིག་ཐམས་ཅད་གཡོགས་པའམ། ཕྱེད་བསྐོར་བའམ། མ་བསྐོར་བར་ཉལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བུད་མེད་དང་ལྷན་ཅིག་རིས་བསྐོར་བའམ། མ་གཡོགས་པའམ། ཕྱེད་གཡོགས་པའམ། ཕྱེད་མ་གཡོགས་པར་ཉལ་བར་བགྱིད་ན་ཅིར་འགྱུར། ཉེས་བྱས་སོ། ། བཙུན་པ་བཅོམ་ལྡན་འདས་ཀྱིས་བྱོལ་སོང་མོའི་སྐྱེ་གནས་དང་ལྷན་ཅིག་ཁྱིམ་གཅིག་ཏུ་ཉལ་ན་ཉེས་བྱས་སུ་འགྱུར་རོ། ། ཞེས་གསུངས་ན། དེ་ཇི་ལྟ་བུ་ལགས། ཨུ་པཱ་ལི་བྱོལ་སོང་གི་སྐྱེ་གནས་སུ་ གྱུར་པ་ཆེན་མོའོ། ། ཆེན་མོ་ཇི་ལྟ་བུ་ལགས། བཀའ་སྩལ་པ། བྱའི་ནང་ན་ཁྱིམ་བྱ་མོའམ། གཞན་ཡང་ཁྱིམ་བྱ་མོ་དང་འདྲ་བའོ། ། རྐང་བཞི་པའི་ནང་ན་སྤྲེའུ་མོའམ། གཞན་ཡང་སྤྲེའུ་མོ་དང་འདྲ་བའོ། ། བཙུན་པ་བཅོམ་ལྡན་འདས་ཀྱིས་མི་མ་ཡིན་པའི་བུད་མེད་ དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ཉེས་བྱས་སུ་འགྱུར་རོ། ། ཞེས་གསུངས་ན། མི་མ་ལགས་པ་ཇི་ལྟ་བུ་ལགས། ཡན་ལག་ཐམས་ཅད་ནས་བཟུང་ཞིང་བལྟར་ཡོད་པའོ། །

བཙུན་པ་དགེ་སློང་གིས་བུད་མེད་དང་ལྷན་ཅིག་ཁྱིམ་གཅིག་གི་ནང་དུ་ཉིན་ པར་ཉལ་བར་བགྱིད་ན་ཅིར་འགྱུར། ཨུ་པཱ་ལི་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་རོ། ། སྐྱ་རེངས་ཤར་ནས་ལྟུང་བྱེད་དུ་འགྱུར་རོ། ། བཙུན་པ་བསླབ་པ་སྩལ་བ་བུད་མེད་དང་ལྷན་ཅིག་ཁྱིམ་གཅིག་གི་ནང་དུ་ཉལ་བར་བགྱིད་ན་ཅིར་འགྱུར། ལྟུང་བའོ། ། བཙུན་ པ་དགེ་སློང་མས་སྐྱེས་པ་དང་ལྷན་ཅིག་ཁྱིམ་གཅིག་ཏུ་ཉལ་བར་བགྱིད་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་ལ་བསྡིགས་ སམ་སྡིགས་སུ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ལ་ཕྲིན་གྱིས་སྡིགས་སུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་།

གཅིག་ནས་གཅིག་ཏུ་བརྒྱུད་དེ་སྡིགས་སུ་ བཅུག་ན་ཐམས་ཅད་ཉེས་བྱས་སུ་འགྱུར་རོ། ། དེ་བཞིན་དུ་དགེ་སློང་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་ དུ་གནས་པ་རྣམས་བསྡིགས་སམ་སྡིགས་སུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་སྔགས། ། གཞན་གྱིས་གཞན་གྱི་བདུན་པ་དང་། ། ཁྱིམ་པ་དག་ལ་སོགས་པ་རྣམས། ། བཞི་པ་མཚན་ཀྱང་དེ་བཞིན་ནོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་བསྡིགས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དགེ་སློང་བསྡིགས་པ་དང་། དགེ་སློང་དེས་ ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། དགེ་སློང་མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་བསྡིགས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་ འཕགས་པའི་སྐད་དུ་དགེ་སློང་བསྡིགས་པ་དང་།

དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་དགེ་སློང་བསྡིགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་ དབེན་པར་འདུ་ཤེས་ཏེ་དགེ་སློང་བསྡིགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགེ་སློང་བསྡིགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་སྡིགས་སུ་སྩལ་ན་ཅིར་འགྱུར། ཉེས་བྱས་ སོ། ། བཙུན་པ་དགེ་སློང་གིས་དགེ་སློང་གཞན་གྱི་སླད་དུ་བསྡིགས་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་དགེ་སློང་བསྡིགས་པར་བཤམས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་ བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་ སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་བསྡིགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། ། དེ་བཞིན་གཤེགས་ པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་བསྡིགས་སམ་སྡིགས་སུ་བཅུག་ན་ཐམས་ཅད་ཉེས་བྱས་སུ་འགྱུར་ རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་མངོན་སུམ་དུ་བསྡིགས་སམ་སྡིགས་སུ་སྩལ་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློང་ལ་མངོན་སུམ་དུ་ ཁྱིམ་པ་སྡིགས་སུ་སྩལ་ན་ཅིར་འགྱུར། ལྟུང་བའོ། ། དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་།

དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་ དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བསྡིགས་ན་ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་བསྡིགས་སམ་སྡིགས་སུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་བསྡིགས་སམ་སྡིགས་སུ་སྩལ་ན་ཅིར་འགྱུར། ཐམས་ཅད་ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་ པར་འདུ་ཤེས་ཏེ་བསྡིགས་སམ་སྡིགས་སུ་སྩལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་ རོ། །

བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་བསྡིགས་སམ་སྡིགས་སུ་སྩལ་ན་ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་བསྡིགས་སམ་སྡིགས་སུ་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་མས་དགེ་སློང་མ་བསྡིགས་སམ་སྡིགས་སུ་སྩལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་སློང་ལ་བསྡིགས་སམ་སྡིགས་སུ་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་སློང་མ་ལ་ བསྡིགས་སམ་སྡིགས་སུ་སྩལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་རྒྱས་པར་བརྗོད་པར་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གང་གིས་ དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་སྟེ།

དགེ་སྦྱོང་གི་ཡོ་བྱད་ཅིག་སྦས་སམ་སྦེད་དུ་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་སྟེ། དགེ་སྦྱོང་ གི་ཡོ་བྱད་ཅིག་ཕྲིན་གྱིས་སྦེད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་སྦེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་སྨྱོན་པའི་ ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་ཅིག་སྦས་སམ་སྦེད་དུ་སྩལ་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། ། དེ་བཞིན་དུ་དགེ་སློང་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་ དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་སྦེད་དུ་བཅུག་ན་ཐམས་ཅད་ཉེས་བྱས་སུ་ འགྱུར་རོ། ། ། ། མདོར་ན། མི་རུང་བ་དང་དེ་བཞིན་སྔགས། ། ཆུང་དང་ཆེ་དང་གོས་རྣམས་དང་། ། ཁྱིམ་པ་དག་ལ་སོགས་པ་རྣམས། །

མཚན་དང་བཞི་པ་བདུན་པ་དང་། ། གཞན་གྱིས་དགེ་འདུན་གཞན་གྱི་ཕྱིར། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་ སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་མི་རུང་བ་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་ཅིག་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ། སྨན་ནམ། རྫུ་འཕྲུལ་གྱིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་ གི་ཡོ་བྱད་སྦས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གོས་ཁྲུ་གང་ལས་ཆུང་བའམ། ལྷུང་བཟེད་ཆུང་བའམ། ཚད་ལས་ཆེ་བའི་ལྷུང་བཟེད་སྦེད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལྷུང་བཟེད་དམ། གོས་སམ། གཞན་གང་ཡང་རུང་བ་དགེ་སློང་གི་ཡོ་བྱད་མ་གཏོགས་པར་དེ་ལས་གཞན་པ་ཁྱིམ་པ་དང་མཐུན་པའི་ཡོ་བྱད་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁྱིམ་པའི་སྣོད་དམ།

གོས་སམ། གཞན་གང་ཡང་རུང་སྟེ་ཡོ་བྱད་ སྦེད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བའི་ལྷུང་བཟེད་དམ། གོས་སམ། གཞན་གང་ཡང་རུང་སྟེ་དགེ་སྦྱོང་གི་ཡོ་བྱད་སྦས་སམ་སྦེད་དུ་ བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་གི་ལྷུང་བཟེད་དམ། གོས་སྦས་སམ་སྦེད་དུ་སྩལ་ན་ཅིར་འགྱུར། ཐམས་ཅད་ལྟུང་བའོ། ། བཙུན་ པ་དགེ་སློང་གིས་དགེ་སློང་མའམ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕའི་ལྷུང་བཟེད་དམ། གོས་སམ། གཞན་གང་ཡང་རུང་སྟེ་དགེ་སྦྱོང་གི་ཡོ་བྱད་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་ ངམ། དགེ་སློབ་མ་དང་། དགེ་ཚུལ་མའམ།

དགེ་ཚུལ་ཕའི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་སྦེད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལྷུང་བཟེད་དམ། གོས་སམ། གཞན་གང་ཡང་ རུང་དགེ་སློང་གི་ཡོ་བྱད་མངོན་སུམ་དུ་ཁྱིམ་པ་སྦེད་དུ་སྩལ་ན་ཅིར་འགྱུར། ལྟུང་བའོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། སོ་སོར་གནས་པ་དང་། མི་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་བྱིན་པ་དང་། དགེ་སློང་ དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་མངོན་སུམ་དུ་སྦེད་དུ་བཅུག་ན་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་ སྦེད་དུ་སྩལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་མའི་ལྷུང་བཟེད་དམ།

གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་སྦེད་དུ་སྩལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྦས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་ པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྦས་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་སྦ་བར་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་ བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ལྟུང་བའོ། ། བསྙེན་ པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་རྣམས་གཞན་སྦེད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་ཡོ་བྱད་སྦས་སམ། སྦེད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་འཚོ་བའི་ཡོ་བྱད་རྣམས་གཞན་གྱི་སླད་དུ་སྦས་ ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་སློང་གི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་སྦས་སམ་སྦེད་དུ་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་སློང་མའི་ལྷུང་བཟེད་དམ། གོས་སམ། གཞན་གང་ཡང་རུང་དགེ་སྦྱོང་གི་ཡོ་བྱད་ཅིག་སྦས་སམ་སྦེད་དུ་སྩལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། །

གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་གོས་སྩལ་ལ་སླར་ མ་གཡར་བར་སྤྱད་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ལ་ཕྲིན་གྱིས་གོས་སྩལ་ལ་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ ནས་གོས་བྱིན་པ་ལས་ཕྱིར་མ་བརྙས་པར་སྤྱད་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་སྨྱོན་པ་ལ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་ དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་ལ་གོས་བྱིན་པ་ལས་ཕྱིས་མ་བརྙས་པར་སྤྱད་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན།

མི་རུང་བ་དང་དེ་བཞིན་སྔགས། ། ཆུང་དང་ཆེ་དང་གོས་རྣམས་དང་། ། ཁྱིམ་པ་དག་ལ་སོགས་པ་རྣམས། ། མཚན་དང་བཞི་པ་བདུན་པ་དང་། ། གཞན་གྱི་རྒྱུ་དང་གཞན་ལ་དང་། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་སློང་གིས་དགེ་སློང་ལ་གོས་ སྩལ་ལ་སླར་མ་གཡར་བར་སྤྱད་ཀྱང་ནོངས་པ་ལྟུང་བར་མི་འགྱུར་བ་དེ་ལྟ་བུ་མཆིས་སམ། ཨུ་པཱ་ལི་ཡོད་དེ། གོས་མི་རུང་བར་གྱུར་པ་སྟེ། དེ་ལ་མི་རུང་བ་ནི་རྔ་མོའི་བལ་དང་། བ་ལང་གི་བལ་དང་། {རི་དགས་,རི་དྭགས་}ཀྱི་བལ་དང་། རའི་བལ་དང་། འདྲེས་པ་དང་། ཐགས་སུ་མ་ བཏགས་པའོ། ། དེ་འདྲ་བའི་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྔགས་སམ། སྨན་ཏམ། རྫུ་འཕྲུལ་གྱིས་སྤྲུལ་ཏེ་སྩལ་ནས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བཙུན་པ་ དགེ་སློང་གིས་གོས་ཁྲུ་གང་བས་ཆུང་བའམ། བདེ་བར་གཤེགས་པའི་གོས་ཀྱི་ཚད་ཅིག་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གོས་མ་གཏོགས་པར་དེ་ལས་གཞན་པ་དགེ་སྦྱོང་གི་ཡོ་བྱད་སྩལ་བ་ལས་སླར་མ་གཡར་བར་ སྤྱད་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ཁྱིམ་པ་ལ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ཟ་མ་དང་། མ་ནིང་ལ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་ བྱས་སོ། ། དེ་བཞིན་དུ་ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་ བྱུང་བ་དང་། སྔར་འཁྲུགས་པ་རྣམས་ལ་གོས་བྱིན་ཏེ་ཕྱིར་མ་བརྙས་པར་སྤྱད་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་ལ་གོས་སྩལ་བ་ལས་སླར་མ་གཡར་བར་ སྤྱད་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་།

དགེ་ཚུལ་ཕ་རྣམས་ལ་གོས་སྩལ་བ་ལས་སླར་མ་གཡར་བར་སྤྱད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་གོས་སྩལ་བ་ལས་སླར་མ་གཡར་བར་སྤྱད་པ་ན་མཚན་འཕོས་ཏེ་ དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་མ་ལ་གོས་སྩལ་བ་ལས་སླར་མ་གཡར་བར་སྤྱད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ ནས་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བསྙེན་ པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་གོས་སྩལ་བ་ལས་སླར་མ་བརྙས་པར་སྤྱད་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་གོས་སྩལ་ལ་བསྙེན་པར་མ་རྫོགས་པ་ན་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །

བསྙེན་ པར་མ་རྫོགས་པ་ན་སྩལ་ལ་བསྙེན་པར་རྫོགས་ཀར་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་སྩལ་ལ་བསྙེན་པར་རྫོགས་ནས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་གོས་སྩལ་ལ་བསྙེན་པར་ རྫོགས་ཀར་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་གོས་སྩལ་ལ་བསྙེན་པར་རྫོགས་ནས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་གོས་སྩལ་ལ་བསྙེན་པར་རྫོགས་པ་ན་སླར་མ་གཡར་བར་སྤྱད་ན་ཅིར་ འགྱུར། ལྟུང་བའོ། ། བསྙེན་པར་རྫོགས་པ་ན་གོས་སྩལ་ལ་བསྙེན་པར་མ་རྫོགས་པ་ན་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་གཞན་ལས་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་དགེ་སློང་ལ་གོས་ཐུན་མོང་བ་ཞིག་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་ལ་གཞན་གྱི་སླད་དུ་གོས་སྩལ་བ་ལས་སླར་མ་གཡར་བར་སྤྱད་ན་ཅིར་འགྱུར། ཉེས་བྱས་སོ། །

བཙུན་པ་བསླབ་པ་སྩལ་བས་ དགེ་སློང་ལ་གོས་སྩལ་ཏེ་མ་གཡར་བར་སྤྱད་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཐམས་ཅད་ཉེས་བྱས་སུ་བརྗོད་པར་བྱའོ། ། དགེ་འདུན་གྱི་ལྷག་མས་སྐུར་པས་ནི་ཕས་ཕམ་པ་ལ་སྐུར་པར་བཤད་པ་བཞིན་རྣམ་པར་ དབྱེའོ། ། ། ། འདུལ་བ་གཞུང་དམ་པ། བམ་པོ་བཅུ་གསུམ་པ། མདོར་ན། སྨྱོན་པ་སེམས་འཁྲུགས་ན་བ་དང་། ། སྔགས་དང་ནམ་མཁའ་དེ་བཞིན་ཏེ། ། མཚན་དང་དེ་བཞིན་བཞི་པ་དང་། གཞོན་ནུ་དག་དང་མ་ནིང་མ། ། སྤྲུལ་པ་མ་ནིང་དེ་བཞིན་ནོ། ། སངས་ རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་ན་ལྟུང་བར་འགྱུར་རོ། ། ཞེས་གསུངས་ན། བཙུན་པ་དགེ་སློང་གིས་སྨྱོན་མ་དང་ལྷན་ཅིག་ ཤུལ་དུ་ཞུགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་མ་དང་། ནད་ཀྱིས་གཟིར་མ་དང་། གླེན་མ་དང་། ལྐུགས་མ་དང་། འོན་མ་དང་། དེ་བཞིན་དུ་འགྲོ་བ་གཞན་དུ་གནས་མ་དང་ལྷན་ཅིག་ལམ་དུ་ཞུགས་ཏེ་འགྲོ་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྐྱེས་པ་སྨྱོན་པ་དང་།

བུད་མེད་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྐྱེས་པ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་ པ་རྣམས་དང་། ། བུད་མེད་དང་ལྷན་ཅིག་ལམ་དུ་ཞུགས་ན་ཐམས་ཅད་ཉེས་བྱས་སུ་འགྱུར་རོ། ། དགེ་སློང་གིས་བུད་མེད་དང་། མ་ནིང་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་ སྣང་བར་བསྒྱུར་ཏེ་སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྐྱེས་པ་མ་མཆིས་པར་བུད་མེད་དང་ལྷན་ཅིག་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་སྐྱེས་པ་དང་ལྷན་ཅིག་ཤུལ་དུ་ཞུགས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་མིའི་བུད་མེད་ལ་མིར་འདུ་ཤེས་ཏེ་ཤུལ་དུ་ཞུགས་ན་ཅིར་འགྱུར། ལྟུང་བའོ། །

མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་ པར་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མིའི་བུད་མེད་ལ་བུད་མེད་དུ་འདུ་ཤེས་ནས་ཤུལ་དུ་ཞུགས་ན་ཅིར་འགྱུར། ལྟུང་བའོ། ། མིའི་བུད་མེད་ལ་སྐྱེས་པར་འདུ་ཤེས་ཏེ་ཤུལ་དུ་ཞུགས་ན་ཅིར་འགྱུར། ཉེས་པ་མེད་དོ། ། སྐྱེས་པ་ལ་བུད་ མེད་དུ་འདུ་ཤེས་ཏེ་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། ། སྐྱེས་པ་ལ་སྐྱེས་པར་འདུ་ཤེས་ཏེ་ཤུལ་དུ་ཞུགས་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་སྐྱེས་པ་མེད་པར་གཞོན་ནུ་མ་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་མ་ནིང་མོ་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་མ་ནིང་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ཉེས་བྱས་སོ། །

བཙུན་པ་བསླབ་པ་སྩལ་བས་སྐྱེས་པ་མ་མཆིས་པར་བུད་མེད་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་བུད་མེད་མ་མཆིས་པར་སྐྱེས་པ་དང་ལྷན་ཅིག་ཤུལ་དུ་ཞུགས་ན་ཅིར་འགྱུར། དངོས་པོ་ཇི་ལྟ་བ་བཞིན་ནོ། ། དགེ་ སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་བརྗོད་པར་བྱའོ། ། ། ། མདོར་ན། སྨྱོན་པར་གྱུར་དང་སེམས་འཁྲུགས་པ། ། ན་བ་འོན་པ་འགྲོ་བ་རྣམས། ། ནམ་མཁའ་མཚན་དང་བཞི་པ་དང་། ། སྤྲུལ་པ་དང་ནི་མ་ནིང་ལམ། ། ལམ་མ་ཡིན་དང་དགེ་སློང་ མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྐུན་པོ་སྨྱོན་པ་ཞིག་དང་ ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་འདྲོན་པ་མང་པོ་རྐུ་བ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་དང་ལྷན་ཅིག་ལམ་དུ་ཞུགས་ ཏེ་སོང་ན་ཐམས་ཅད་ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་འདྲོན་པ་མང་པོ་དང་ལྷན་ཅིག་འགྲོགས་ཏེ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་ནམ་ མཁའ་ལས་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མ་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་ མཆི་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་འདྲོན་པ་མང་པོ་རྐུ་བ་ལ་འདྲོན་པ་མང་པོ་རྐུ་བར་འདུ་ཤེས་ཏེ་ཤུལ་དུ་ཞུགས་ཏེ་མཆིས་ན་ཅིར་འགྱུར། ལྟུང་བའོ། ། འདྲོན་པ་མང་པོ་རྐུ་བ་ལ་རྐུ་བ་མ་ལགས་པར་ འདུ་ཤེས་ཏེ་མཆིས་ན་ཅིར་འགྱུར། ཉེས་པ་མེད་དོ། ། འདྲོན་པ་མང་པོ་རྐུ་བ་མ་ལགས་པ་ལ་འདྲོན་པ་མང་པོ་རྐུ་བར་འདུ་ཤེས་ཏེ་མཆིས་ན་ཅིར་འགྱུར། ཉེས་བྱས་སོ། ། འདྲོན་པ་མང་པོ་རྐུ་བ་མ་ལགས་པ་ལ་རྐུ་བ་མ་ལགས་པར་འདུ་ཤེས་ན་ཅིར་འགྱུར། ཉེས་པ་མེད་དོ། །

བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། ། མི་མ་ལགས་པ་ལ་མིར་འདུ་ཤེས་ན་ ཅིར་འགྱུར། ཉེས་བྱས་སུ་འགྱུར་རོ། ། མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འདྲོན་པ་མང་པོ་རྐུ་བ་སྤྲུལ་པ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གིས་རྐུན་པོ་མ་ནིང་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། རྒྱང་གྲགས་གཅིག་ཚུན་ཆད་ཕྱིར་ ལྡོག་གམ་རྐུན་པོས་དགེ་སློང་བཟུང་སྟེ་ཁྲིད་དམ་འོན་ཏེ་དེ་དག་ཉིད་བསེལ་དུ་གྱུར་ཏམ། ལམ་སྟོར་ནས་ལམ་སྟོན་པའོ། ། བཙུན་པ་དགེ་སློང་གིས་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་མ་ལགས་པར་མཆིས་ན་ཅིར་འགྱུར། ལྟུང་བའོ། །

བཙུན་པ་བསླབ་པ་སྩལ་བས་ འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་འདྲོན་པ་མང་པོ་རྐུ་བ་དང་ལྷན་ཅིག་ཤུལ་དུ་ཞུགས་ཏེ་མཆིས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ ལ་ཉེས་བྱས་སོ། ། ། ། མདོར་ན། སྔར་འཁྲུགས་བསྙེན་པར་རྫོགས་དང་མཚན། ། བཞི་པ་སྨྱོན་པ་སེམས་འཁྲུགས་དང་། ། ན་བ་འོན་པ་འགྲོ་བ་དང་། ། ཁྱིམ་པ་ལ་སོགས་ཁྱིམ་པ་མོ། ། བསླབ་པ་བྱིན་དང་དགེ་སློང་མའོ། ། སངས་རྒྱས་བཅོམ་ལྡན་འདས་ལ་ཚེ་ དང་ལྡན་པ་ཨུ་པཱ་ལིས་ཞུས་པ། ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལོ་ཉི་ཤུར་མ་ལོན་པའི་གང་ཟག་ཅིག་དགེ་སློང་གི་དངོས་པོར་བསྙེན་པར་རྫོགས་པར་བགྱིད་ན་ལྟུང་བར་འགྱུར་རོ། ། ཞེས་གསུངས་ན། བཙུན་པ་དགེ་སློང་གིས་ལོ་ཉི་ཤུ་མ་ལགས་པར་ འདུ་ཤེས་ཏེ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱི་འམ། ཨུ་པཱ་ལི་འདི་བཞི་ནི་སྔར་འཁྲུགས་པ་སྟེ། ལོ་ཉི་ཤུ་ཡང་མ་ལོན་ལ་ལོ་ཉི་ཤུ་མ་ལོན་པར་ཡང་འདུ་ཤེས་ནས་དེ་ལ་དགེ་སློང་གིས་ལོ་ཉི་ཤུ་ལོན་ནམ་ཞེས་དྲིས་པ་དང་།

དེས་འདི་སྐད་དུ་བདག་ནི་ ལོ་ཉི་ཤུ་མ་ལོན་པར་ཤེས་ཤིང་དྲན་ཏེ་ཐེ་ཚོམ་མེད་དོ་ཞེས་སྨྲས་པ་དང་། གང་ཟག་དེ་དགེ་སློང་གིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་དང་པོའོ། ། ལོ་ཉི་ཤུ་མ་ལོན་པར་གྱུར་ལ་ལོ་ཉི་ཤུ་མ་ལོན་པར་འདུ་ཤེས་ནས་དགེ་སློང་གིས་ལོ་ཉི་ ཤུ་ལོན་ནམ་ཞེས་དྲིས་པ་དང་། དེས་འདི་སྐད་དུ་མི་ཤེས་སོ་མི་དྲན་ནོ། ། ཞེས་སྨྲས་པའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་གཉིས་པའོ། ། ལོ་ཉི་ཤུ་མ་ལོན་པར་གྱུར་ལ་ལོ་ཉི་ཤུ་མ་ལོན་པར་འདུ་ཤེས་ ནས་དགེ་སློང་གིས་ལོ་ཉི་ཤུ་ལོན་ནམ་ཞེས་དྲིས་པ་དང་། དེས་འདི་སྐད་དུ་བདག་ནི་ཐེ་ཚོམ་ཟའོ་ཞེས་སྨྲས་པ་དང་། གང་ཟག་དེ་དགེ་སློང་གིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་གསུམ་པའོ། ། ལོ་ཉི་ཤུ་མ་ལོན་པར་གྱུར་ལ་ཉི་ཤུར་མ་ ལོན་པར་འདུ་ཤེས་ནས་དགེ་སློང་གིས་དྲིས་ཀྱང་ལན་མི་གློན་པའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་བྱས་ན་འདི་ནི་སྔར་འཁྲུགས་པ་བཞི་པ་སྟེ།

ཨུ་པཱ་ལི་སྔར་འཁྲུགས་པ་འདི་བཞི་མ་གཏོགས་པར་ལྷག་མ་རྣམས་ནི་བསྙེན་པར་ རྫོགས་པ་ཞེས་བྱའོ། ། བཙུན་པ་དགེ་སློང་གིས་ལོ་ཉི་ཤུ་མ་ལགས་པའི་གང་ཟག་ཅིག་དགེ་སློང་གི་དངོས་པོར་བསྙེན་པར་རྫོགས་པར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ལོ་ཉི་ཤུ་མ་ལགས་པའམ་ལོ་ བཅུ་གཉིས་སུ་མ་ལགས་པ་ཞིག་དགེ་སློང་མའི་དངོས་པོར་བསྙེན་པར་རྫོགས་པར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ལོ་ཉི་ཤུ་མ་ལགས་པ་ལ་ལོ་ཉི་ཤུ་མ་ལགས་པར་འདུ་ཤེས་ཏེ་བསྙེན་པར་རྫོགས་ པར་བགྱིས་ན་ཅིར་འགྱུར། ལྟུང་བའོ། ། ལོ་ཉི་ཤུ་མ་ལོན་པ་ལ་ལོ་ཉི་ཤུ་ལོན་པར་འདུ་ཤེས་ཏེ་བསྙེན་པར་རྫོགས་པར་བྱས་ན་ཉེས་པ་མེད་དོ། ། ཉི་ཤུ་ལོན་པ་ལ་ལོ་ཉི་ཤུ་མ་ལོན་པར་འདུ་ཤེས་ཏེ་བསྙེན་པར་རྫོགས་པར་བྱས་ན་ཉེས་བྱས་སུ་འགྱུར་རོ། ། ལོ་ཉི་ཤུ་ལོན་པ་ལ་ལོ་ཉི་ཤུ་ལོན་ པར་འདུ་ཤེས་ཏེ་བསྙེན་པར་རྫོགས་པར་བྱས་ན་ཉེས་པ་མེད་དོ། ། བཙུན་པ་དགེ་སློང་གིས་སྨྱོན་པ་ཞིག་ལོ་ཉི་ཤུར་མ་ལགས་པར་འདུ་ཤེས་ཏེ་བསྙེན་པར་རྫོགས་པར་བགྱིད་ན་ཅིར་འགྱུར། ཉེས་བྱས་སོ། །

དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལོ་ཉི་ཤུར་མ་ལོན་པར་འདུ་ཤེས་ཏེ་བསྙེན་པར་རྫོགས་པར་བྱས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཁྱིམ་པ་ལ་ལོ་ཉི་ཤུར་མ་ལགས་པར་འདུ་ཤེས་ཏེ་བསྙེན་པར་རྫོགས་པར་འདུ་ཤེས་བགྱིས་ན་ཅིར་ འགྱུར། ལྟུང་བའོ། ། དགེ་ཚུལ་ཕའང་དེ་བཞིན་ནོ། ། བཙུན་པ་དགེ་སློང་གིས་མ་ནིང་ལོ་ཉི་ཤུར་མ་ལགས་པར་འདུ་ཤེས་ཏེ་བསྙེན་པར་རྫོགས་པར་བགྱིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་ གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་རྣམས་ལོ་ཉི་ཤུར་མ་ལོན་པར་འདུ་ཤེས་ཏེ་བསྙེན་པར་རྫོགས་པར་བྱས་ ན་ཐམས་ཅད་ཉེས་བྱས་སུ་འགྱུར་རོ། །

བཙུན་པ་དགེ་སློང་ལོ་ཉི་ཤུ་མ་ལགས་པར་འདུ་ཤེས་ཏེ་བསྙེན་པར་རྫོགས་པར་བགྱིས་ཀྱང་ནོངས་པ་ལྟུང་བར་ཡང་མི་འགྱུར་ལ་ལེགས་པར་བསྙེན་པར་རྫོགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། མི་ལ་སོང་བ་ནི་ལོ་ཉི་ཤུ་མ་ལོན་ཡང་ བསྙེན་པར་རྫོགས་པར་བྱོས་ཤིག ། བཙུན་པ་བསླབ་པ་སྩལ་བས་ལོ་ཉི་ཤུར་མ་ལོན་པའི་གང་ཟག་བསྙེན་པར་རྫོགས་པར་བགྱིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་གཞོན་ནུ་མ་ལོ་ཉི་ཤུར་མ་ལོན་པ་དང་། མི་ལ་སོང་བ་ལོ་བཅུ་གཉིས་སུ་མ་ལོན་པ་བསྙེན་པར་ རྫོགས་པར་བགྱིས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་པ་མེད་དོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་ འོན་པ་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བདག་གི་སུག་པས་ས་བརྐོས་སམ་རྐོར་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ས་རྐོར་ སྩལ་ན་ཅིར་འགྱུར། ཉེས་བྱས་སོ། །

དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ས་རྐོར་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་སྨྱོན་པ་ས་རྐོར་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ནི་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། མཚན་དང་བཞི་པ་བདུན་དེ་བཞིན། ། ཁྱིམ་པ་དག་ལ་སོགས་པ་དང་། ། སྐད་དང་ལུས་དང་མ་འཐས་པ། ། ཕུར་པ་ས་ཞག་ཚིག་པའོ། ། བཙུན་པ་དགེ་སློང་གིས་རང་གི་སུག་པས་ས་རྐོ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ། ལྟུང་བའོ། ། བཙུན་པ་དགེ་སློང་མས་རང་གི་སུག་པས་ས་རྐོ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ས་ལ་སར་འདུ་ཤེས་ཏེ་བརྐོས་སམ་རྐོར་སྩལ་ན་ཅིར་འགྱུར། ། ལྟུང་བའོ། ། ས་ལ་ས་མ་ཡིན་པར་འདུ་ཤེས་ན་ཉེས་པ་མེད་དོ། ། ས་མ་ཡིན་པ་ལ་སར་འདུ་ཤེས་ཏེ་རྐོར་བཅུག་ན་ཉེས་བྱས་སོ། ། ས་མ་ཡིན་པ་ལ་ས་མ་ཡིན་པར་འདུ་ཤེས་ན་ཉེས་པ་མེད་དོ། །

བཙུན་པ་དགེ་ སློང་གིས་གཞན་ས་རྐོར་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་གྱི་སླད་དུ་ས་བརྐོས་ན་ཅིར་འགྱུར། ལྟུང་བའོ། ། བཙུན་པ་བསྙེན་པར་མ་རྫོགས་པ་ན་བརྐོ་བར་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་ བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་ རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། ། བསྙེན་པར་རྫོགས་ པ་ན་བཤམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མངོན་སུམ་དུ་ཁྱིམ་པ་ས་རྐོར་སྩལ་ན་ཅིར་འགྱུར། ལྟུང་བའོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་བསད་པ་ དང་། དགྲ་བཅོམ་པ་བསད་པ་དང་། དགེ་འདུན་གྱི་དབྱེན་བྱས་པ་དང་།

དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། ཉེ་བར་ཕྱོགས་པ་དང་། བསླབ་པ་བྱིན་པ་དང་། དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་མངོན་སུམ་དུ་རྐོར་བཅུག་ན་ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་འཕགས་ པས་འཕགས་པའི་སྐད་དུ་ས་རྐོར་སྩལ་བ་དང་། གང་ཟག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་ས་རྐོར་སྩལ་བ་དང་། གང་ཟག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ བྱས་སོ། ། བཙུན་པ་དགེ་སློང་མཐའ་འཁོབ་པས་མཐའ་འཁོབ་པའི་སྐད་དུ་ས་རྐོར་སྩལ་བ་དང་། གང་ཟག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་ས་རྐོར་སྩལ་བ་དང་། གང་ཟག་དེས་ ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་ས་རྐོར་སྩལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་མ་འཐས་པའི་ས་རྐོར་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ས་ལ་ཕུར་པ་ བཏབ་ན་ཅིར་འགྱུར། ལྟུང་བའོ། ། བཙུན་པ་དེ་སྟེ་ཕྱུང་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ས་ཞག་བཤུས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ས་ལ་བྲུད་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ས་ལ་བ་ལང་ གི་ལྕི་བའམ་གྱོ་རལ་ཆགས་པ་བརྐོས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ས་ཚིག་པ་བརྐོས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་བདག་གི་སུག་པས་ས་བརྐོས་སམ་རྐོར་སྩལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ བདག་གི་སུག་པས་ས་བརྐོས་སམ་རྐོར་སྩལ་ན་ཅིར་འགྱུར། ། ལྟུང་བའོ། ། དགེ་སློབ་མ་ལ་ཉེས་བྱས་སོ། ། དགེ་ཚུལ་མ་དང་། དགེ་ཚུལ་ཕ་ལ་ཉེས་པ་མེད་དོ། ། ། ། མདོར་ན། ཕྲིན་པ་སྤྲིན་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་ འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་ཟླ་བ་བཞིར་ནི་མགྲོན་དུ་བོས་ པ་བདག་གིར་བྱོས་ཤིག ། དེ་ལས་ལྷག་པར་བདག་གིར་བགྱིས་ན་ལྟུང་བར་འགྱུར་ཞེས་གསུངས་ན། བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་ཞིག་གིས་མགྲོན་བགྱིས་པ་དེ་ལས་འདས་པར་ཕྲིན་གྱིས་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་བསླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་ཞིག་སྨྱོན་པས་མགྲོན་བགྱིས་པ་དང་དེ་ལས་འདས་པ་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱིས་དུས་ཇི་ ཙམ་ཞིག་གིས་མགྲོན་བྱས་པ་དེ་ལས་འདས་པར་བསླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། མི་རུང་བ་དང་མ་གཏོགས་དང་། ། མཚན་དང་བཞི་པ་དེ་བཞིན་ཏེ། །

བསྐོས་པ་དང་ཡང་བར་ཆད་དང་། ། གཞན་གྱིས་གཞན་གྱི་བདུན་པའོ། ། བཙུན་ པ་དགེ་སློང་གིས་དུས་ཇི་སྲིད་ཅིག་ཏུ་བཅའ་བ་དང་། བཟའ་བ་ཇི་ཙམ་གྱིས་མགྲོན་བགྱིས་པ་དེ་ལས་འདས་པར་བཅའ་བ་དང་བཟའ་བར་རུང་བ་བསླངས་ཏེ་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་གྱིས་མགྲོན་བགྱིས་པ་དེ་ལས་འདས་ པར་བཅའ་བ་དང་། བཟའ་བ་མ་གཏོགས་པར་དེ་ལས་གཞན་པ་སྨན་རྣམས་སྨན་དུ་བགྱི་བར་འཚལ་ཏེ། ཟས་སུ་མ་ལགས་པ་དེ་དག་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་ཞིག་གིས་མགྲོན་བགྱིས་པ་དེ་ལས་འདས་ པར་བསླངས་ཏེ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དུས་ཇི་སྲིད་དུ་ཇི་ཙམ་གྱིས་མགྲོན་བགྱིས་པ་དེ་ལས་འདས་པར་བསླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ནས་བསླངས་ཏེ་འཚལ་ན་ཅིར་འགྱུར། ལྟུང་བའོ། ། མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །

མི་མ་ལགས་པ་ལ་མི་མ་ལགས་པར་འདུ་ཤེས་ནས་ དེ་ལས་འདས་པར་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་ཞིག་གིས་མགྲོན་དུ་བོས་པ་དེ་ཙམ་ཞིག་འཚལ་ཀྱང་ནོངས་པ་དང་བཅས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གིས་བསླབ་པའི་ སྡོམ་པ་སྩལ་བའི་གྲོང་དུ་སྤྱན་དྲངས་ཏེ་ཐོས་པའོ། ། བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་ཞིག་གིས་མགྲོན་དུ་བོས་པ་དེ་ལས་འདས་པར་བསླངས་ཏེ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེ་ན་སྟེ་བྲོས་ནས་གཞན་དུ་འགྲོ་ བའི་ཕྱིར་བར་ཆད་བརྒྱད་གང་ཡང་རུང་སྟེ་བར་ཆད་གཅིག་བྱུང་བར་གྱུར་པའོ། ། བཙུན་པ་དགེ་སློང་གིས་དུས་ཇི་སྲིད་དུ་ཇི་ཙམ་གྱིས་མགྲོན་དུ་བོས་པ་དེ་ལས་འདས་པར་གཞན་གྱི་སླད་དུ་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དུས་ཇི་ཙམ་ཞིག་གིས་ མགྲོན་དུ་བོས་པ་དེ་ལས་འདས་པར་གཞན་སློང་དུ་སྩལ་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་བསླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། །

བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་ ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་ རྫོགས་ཀར་བསླངས་ལ་བསྙེན་པར་རྫོགས་ནས་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བསླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བསླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དེ་ལས་ལྷག་པར་བསླངས་ཏེ་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དེ་ལས་ལྷག་པར་བསླངས་ཏེ་འཚལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་དེ་ ལས་ལྷག་པར་བསླངས་ཏེ་འཚལ་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། །

སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་གིས་དགེ་སློང་ལ་ཚེ་དང་ལྡན་པ་ཁྱོད་ཀྱིས་བསླབ་པ་འདི་ལ་སློབས་ཤིག་ཅེས་བསྒོ་བ་དང་། དེས་དེ་དག་ལ་འདི་ སྐད་དུ་བདག་ནི་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ལ་བསྒོ་བ་དང་ཕྲིན་གྱིས་འདི་སྐད་དུ་བདག་ནི་ཚེ་དང་ལྡན་པ་དག་གིས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་ཞིག་ལ་དགེ་སློང་རྣམས་ཀྱིས་བསྒོ་བ་དང་། དགེ་སློང་སྨྱོན་པ་ཞིག་འདི་སྐད་ དུ་བདག་ནི་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་ པ་དང་།

སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ཀྱིས་འདི་སྐད་དུ་བདག་ནི་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། གཞན་གྱིས་ གཞན་གྱི་བདུན་པ་དང་། ། ཁྱིམ་པ་དག་ལ་སོགས་པ་སྟེ། ། མཚན་དང་བཞི་པ་བདུན་པའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་པ་དང་། དགེ་སློང་ དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། འཕགས་པས་མཐའ་འཁོབ་པའི་སྐད་དུ་དེ་སྐད་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དེ་སྐད་ སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་དེ་སྐད་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ ལུས་ཀྱི་དམིགས་པས་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་གོ་བར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ནས་འདི་སྐད་དུ་བདག་ཚེ་དང་ལྡན་པའི་ཚིག་གིས་སློབས་ཤིག་པ་མི་སློབ་བོ་ཞེས་ སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་གཞན་སྨྲར་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་གྱི་སླད་དུ་འདི་སྐད་དུ་ཚེ་དང་ལྡན་པས་བསྒོ་བ་བཞིན་ བསླབ་པ་འདི་ལ་མི་སློབ་བོ་ཞེས་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་བསྒོ་ལ་བསྙེན་པར་མ་རྫོགས་པ་ན་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ། ། ཞེས་སྨྲས་ན་ཅིར་འགྱུར། ཉེས་བྱས་ སོ། ། བསྙེན་པར་མ་རྫོགས་པ་ན་བསྒོ་ལ་བསྙེན་པར་རྫོགས་ཀར་དེ་སྐད་སྨྲས་ན་ཅིར་འགྱུར། ཉེས་བྱས་སོ། །

བསྙེན་པར་མ་རྫོགས་པ་ན་བསྒོ་ལ་བསྙེན་པར་རྫོགས་པ་ན་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ཅིར་ འགྱུར། ཉེས་བྱས་སོ། ། བསྙེན་པར་རྫོགས་ཀར་བསྒོ་ལ་བསྙེན་པར་རྫོགས་ཀར་དེ་སྐད་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བསྒོ་ལ་བསྙེན་པར་རྫོགས་པ་ན་དེ་སྐད་སྨྲས་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་ བསྒོ་ལ་བསྙེན་པར་རྫོགས་པ་ན་དེ་སྐད་སྨྲས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བསྒོ་ལ་བསྙེན་པར་མ་རྫོགས་པ་ན་དེ་སྐད་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ཞིག་ལ་ཁྱིམ་པས་བསྒོ་བ་དང་། འདི་སྐད་དུ་བདག་ཚེ་དང་ལྡན་ པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་པ་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་།

སྔར་འཁྲུགས་པ་རྣམས་ཀྱིས་བསྒོ་ལ་དེ་སྐད་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་ལ་དགེ་ འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བའི་དགེ་སློང་རྣམས་ཀྱིས་བསྒོ་བ་དང་། དེ་སྐད་སྨྲས་ན་ཅིར་འགྱུར་ཐམས་ཅད་ཉེས་བྱས་སོ། ། བཙུན་པ་དགེ་སློང་ལ་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ ཀྱིས་བསྒོ་བ་དང་། དེ་སྐད་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་ དེ་སྐད་སྨྲས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ། འདི་སྐད་དུ་བདག་ཚེ་དང་ལྡན་པས་བསྒོ་བ་བཞིན་བསླབ་པ་འདི་ལ་མི་སློབ་བོ་ཞེས་སྨྲ་ན་ཅིར་འགྱུར། ལྟུང་བའོ། ། བསྙེན་ པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །

བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། ཇི་ལྟར་དགེ་སློང་གིས་ དེ་སྐད་སྨྲས་པས་ལྟུང་བར་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་ལྟུང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ། ། མདོར་ན། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་ འགྲོ་བ་དང་། ། མཚན་དང་བཞི་པ་དེ་བཞིན་ཏེ། ། སྔགས་དང་གཞན་གྱིས་འདི་དག་བདུན། ། ཁྱིམ་པ་དག་ལ་སོགས་པ་སྟེ། ། ཉེ་བར་ཞི་དང་དགེ་སློང་མ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་ སློང་རྣམས་འཐབ་པར་གྱུར། མཚང་འདྲུ་བར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་སྨྱོན་པ་དག་འཐབ་པར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་།

ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ལ་ཅང་མི་ཟེར་བར་ཉན་ཅིང་འདུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་རྣམས་ འཐབ་པར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་མཆིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་ཅང་མི་མཆི་བར་ཉན་ཅིང་མཆིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་རྣམས་ལ་འཐབ་པར་གྱུར་ཅིང་མཆིས་པ་ལ་གཞན་ཉན་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་རྣམས་འཐབ་པར་གྱུར་ཅིང་མཆིས་པ་ལ་གཞན་དག་གི་སླད་དུ་མཉན་ན་ཅིར་ འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པར་མཉན་པར་བཤམས་ལ་བསྙེན་པར་མ་རྫོགས་པ་ན་མཉན་ན་ཅིར་འགྱུར།

ཉེས་བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་ཀར་མཉན་ན་ཅིར་འགྱུར། ཉེས་ བྱས་སོ། ། བསྙེན་པར་མ་རྫོགས་པ་ན་བཤམས་ལ་བསྙེན་པར་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་པར་རྫོགས་ཀར་ཉན་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བཤམས་ལ་བསྙེན་ པར་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བཤམས་ལ་བསྙེན་པར་རྫོགས་པ་ན་མཉན་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བཤམས་ལ་བསྙེན་པར་མ་རྫོགས་པ་ན་མཉན་ན་ཅིར་འགྱུར། ཉེས་བྱས་སོ། ། བཙུན་ པ་དགེ་སློང་གིས་ཁྱིམ་པ་རྣམས་འཐབ་པར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་ གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་།

སྔར་འཁྲུགས་པ་རྣམས་ལ་ཅང་མི་ཟེར་བར་ཉན་ཅིང་འདུག་ན་ཐམས་ ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ལྟུང་བའོ། ། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ལྟུང་བར་འགྱུར་ རོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་རྣམས་འཐབ་མོར་གྱུར་ཅིང་མཆིས་པ་ལ་ཅང་མི་མཆི་བར་ཉན་ཅིང་ མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་འདི་ལྟར་དགེ་སློང་དེས་ཞི་བར་བྱ་བར་བསམས་ནས་ཉན་པའོ། ། བཙུན་པ་བསླབ་པ་སྩལ་བས་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཅང་མི་མཆི་ བར་ཉན་ཅིང་མཆིས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཅང་མི་མཆི་བར་ཉན་ཅིང་མཆིས་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། །

གཞན་ཟེར་བ་དང་གཅིག་ ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ ཀྱིས་ཡང་དགེ་སློང་གང་དགེ་འདུན་རྣམས་ཆོས་ངེས་པའི་གཏམ་སྨྲ་བ་ན་དགེ་སློང་མཆིས་བཞིན་འཚལ་བར་མ་བགྱིས་པར་ཅང་མི་སྨྲ་བར་སྟན་ལས་ལངས་ཏེ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་འདུན་ཆོས་ངེས་པའི་ གཏམ་སྨྲ་བ་ན་ཕྲིན་གྱིས་དད་པ་ཕུལ་ཏེ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་དད་པས་བྱིན་ནས་སོང་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་ སློང་གིས་དགེ་འདུན་ཆོས་ངེས་པའི་གཏམ་སྨྲ་བའི་ཚེ་དགེ་སློང་སྨྱོན་པ་ལ་དད་པ་ཕུལ་ཏེ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་དང་། གཉིད་ ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་དང་།

འགྲོ་བ་གཞན་དུ་གནས་པ་ལ་དད་པ་བྱིན་ཏེ་སོང་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། མ་ནིང་དག་ལ་སོགས་པ་དང་། ། མཚན་དང་དེ་བཞིན་བཞི་པ་དང་། ། དགེ་སྦྱོང་ དང་ནི་ནམ་མཁའ་སྔགས། ། ལུས་དང་སྐད་དང་དགེ་སློང་མའོ། ། བཙུན་པ་དགེ་སློང་གིས་མ་ནིང་ལ་དད་པ་སྩལ་ཏེ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་མ་ནིང་མ་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་། དགྲ་བཅོམ་པ་བསད་པ་ དང་། ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་། སྔར་ཉེས་པ་བྱུང་བ་དང་། ཉེ་བར་ཕྱོགས་པ་དང་། བསླབ་པ་བྱིན་ པ་རྣམས་ལ་དད་པ་བྱིན་ཏེ་སོང་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་ཆོས་ངེས་པའི་གཏམ་སྨྲ་བ་ན་དད་པ་མ་སྩལ་ཏེ་ཅང་མི་མཆི་བར་སྟན་ལས་ལངས་ཏེ་མཆི་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་ མས་ཆོས་ངེས་པའི་གཏམ་སྨྲ་བའི་ཚེ་དད་པ་མ་སྩལ་བར་ཅང་མི་མཆི་བར་སྟན་ལས་ལངས་ཏེ་མཆི་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ཆོས་ཀྱི་ལས་ལ་ཆོས་ཀྱི་ལས་སུ་འདུ་ཤེས་ནས་དད་པ་མ་སྩལ་བར་མཆིས་ན་ཅིར་འགྱུར། ལྟུང་བའོ། ། ཆོས་ཀྱི་ལས་ལ་ཆོས་ཀྱི་ལས་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། ཆོས་མ་ཡིན་པའི་ལས་ལ་ཆོས་ཀྱི་ལས་སུ་འདུ་ཤེས་ན་ཉེས་བྱས་སུ་འགྱུར་རོ། ། ཆོས་མ་ལགས་པའི་ལས་ལ་ཆོས་མ་ལགས་པའི་ལས་སུ་འདུ་ཤེས་ཏེ་དད་པ་མ་སྩལ་བར་མཆིས་ན་ ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་ཆོས་ངེས་པའི་གཏམ་སྨྲ་བ་ན་ཅང་མི་མཆི་བར་སྟན་ལས་ལངས་ཏེ་མཆིས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཐོས་པའི་ཉེ་འཁོར་ཙམ་དུ་འདུག་ལ་སྨྲ་བ་ནི་ཐོས་ཀྱི་དོན་གོ་བར་ མ་གྱུར་པའོ། ། བཙུན་པ་དགེ་སློང་གིས་དགེ་འདུན་ཆོས་ངེས་པའི་གཏམ་སྨྲ་བ་ན་དད་པ་མ་སྩལ་བར་སྟེང་གི་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་དགེ་འདུན་ཆོས་ངེས་པར་སྨྲ་བ་ན་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་ མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་ཆོས་ངེས་པའི་གཏམ་སྨྲ་བ་ན་ལུས་ཀྱི་དམིགས་པས་དད་པ་སྩལ་ཏེ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་འདུན་ཆོས་ངེས་པའི་གཏམ་སྨྲ་བའི་ཚེ་དགེ་སློང་འཕགས་པས་འཕགས་པའི་ སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་དད་པ་སྩལ་ཏེ་མཆིས་པ་དང་། དགེ་སློང་དེས་ འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་འདུན་ཆོས་ངེས་པའི་གཏམ་སྨྲ་བ་ན་ཅང་མི་མཆི་བར་སྟན་ལས་ལངས་ཏེ་མཆིས་ན་ཅིར་འགྱུར། ལྟུང་བའོ། །

བཙུན་པ་དགེ་སློང་མས་དགེ་འདུན་ཆོས་ངེས་པའི་གཏམ་སྨྲ་བ་ན་ཅང་ མི་མཆི་བར་སྟན་ལས་ལངས་ཏེ་མཆིས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ནི་ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་བསྒོ་བ་རྣ་ལ་གཟོན་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་ན་ཕྲིན་གྱིས་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་སླར་བཟློག་སྟེ་མ་མཉན་ན་ཐམས་ཅད་ ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་ཞལ་ཏ་སྨྱོན་པས་བསྒོ་བ་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་།

འོན་པ་རྣམས་ཀྱིས་བསྒོ་བ་སླར་བཟློག་སྟེ་མ་མཉན་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་དང་། གཉིད་ལོག་ནས་མ་མཉན་ན་ཅིར་འགྱུར། ཉེས་བྱས་སོ། ། དེ་བཞིན་དུ་ར་རོ་བ་དང་། མྱོས་པ་དང་། སྙོམས་པར་ ཞུགས་པ་རྣམས་ལས་མ་མཉན་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་འགྲོ་བ་གཞན་དུ་གནས་པའི་དགེ་འདུན་གྱི་ཞལ་ཏ་བས་བསྒོ་བ་ལས་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། ། ། ། འདུལ་བ་གཞུང་དམ་པ། བམ་པོ་བཅུ་བཞི་པ། མདོར་ན། སྐད་དང་ལུས་དང་དབེན་པ་སྔགས། ། མཚན་དང་བཞི་པ་བདུན་པ་དང་། ། བགྲངས་དང་བདུན་པ་མི་སྨྲ་དང་། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་འདུན་གྱི་ཞལ་ཏ་བས་བསྒོ་བ་ན་དགེ་སློང་འཕགས་པས་འཕགས་པའི་ སྐད་དུ་སླར་བཟློག་སྟེ་མ་མཉན་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་སླར་བཟློག་སྟེ་མ་མཉན་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་སླར་བཟློག་སྟེ་མ་མཉན་པ་དང་།

དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་སླར་བཟློག་སྟེ་མ་མཉན་པ་དང་། དགེ་སློང་ དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་ན་ལུས་ཀྱི་དམིགས་པས་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་ ན་དབེན་པ་ལ་མི་དབེན་པར་འདུ་ཤེས་ཏེ་སླར་བཟློག་ནས་མ་མཉན་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་འདུན་གྱི་ཞལ་ཏ་བས་བསྒོ་བ་ན་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་སླར་བཟློག་ནས་མ་མཉན་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་གིས་དགེ་འདུན་གྱི་བཀའ་སླར་བཟློག་སྟེ་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་འདུན་གྱི་བཀའ་སླར་བཟློག་སྟེ་མ་མཉན་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དགེ་འདུན་ གྱི་ཞལ་ཏ་བས་བསྒོ་བ་ན་ཆོས་ལ་ཆོས་སུ་འདུ་ཤེས་ཏེ་སླར་བཟློག་པ་ནས་མ་མཉན་ན་ཅིར་འགྱུར།

ལྟུང་བའོ། ། ཆོས་ལ་ཆོས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། ཆོས་མ་ལགས་པ་ལ་ཆོས་སུ་འདུ་ཤེས་ན་ཅིར་འགྱུར། ཉེས་བྱས་སོ། ། ཆོས་མ་ལགས་པ་ལ་ ཆོས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། བཙུན་པ་དགེ་འདུན་གྱི་ཞལ་ཏ་བས་བསྒོ་བ་ན་སླར་བཟློག་སྟེ་མ་མཉན་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་འདུན་གྱིས་མ་གུས་པར་མ་བགྲངས་པ་ཡིན་ཏེ། དེ་ཡང་དགེ་འདུན་གྱི་བྱ་ བར་བཅས་པ་ལས་འདས་པས་ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་དགེ་འདུན་གྱིས་མ་གུས་པར་བགྲངས་པར་གྱུར་ལ། བསྙེན་པར་མ་རྫོགས་པ་ན་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བགྲངས་ལ་བསྙེན་པར་ རྫོགས་ཀར་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བགྲངས་ལ་བསྙེན་པར་རྫོགས་པ་ན་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བགྲངས་ལ་བསྙེན་པར་རྫོགས་ཀར་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བགྲངས་ལ་བསྙེན་པར་རྫོགས་པ་ན་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་པ་ན་བགྲངས་ལ་བསྙེན་པར་རྫོགས་པ་ན་སླར་བཟློག་སྟེ་མ་མཉན་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བགྲངས་ལ་ བསྙེན་པར་མ་རྫོགས་པ་ན་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་དགེ་འདུན་གྱི་ཞལ་ཏ་བས་བསྒོ་བ་ན་ཅང་མི་མཆི་བར་མ་མཉན་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་འདུན་གྱི་ཞལ་ཏ་བས་བསྒོ་ བ་ན་སླར་བཟློག་སྟེ་མ་མཉན་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མ་དགེ་འདུན་གྱི་ཞལ་ཏ་བས་བསྒོ་བ་ན་སླར་བཟློག་སྟེ་མ་མཉན་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ། ། ། ། མདོར་ན། འབྲས་ གཉིས་དང་ནི་དེ་བཞིན་སྔགས། ། ཕབས་དང་ཚྭ་དང་འཁུར་ཆང་དང་། ། རྩ་བ་སྡོང་བུ་འབྲས་ཆན་དང་། ། བདུན་པ་རྩ་མེད་བསྲེས་པ་དང་། ། བསྒོས་དང་ལྷ་དང་བཞི་པ་མཚན། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ ལྡན་འདས་ཀྱིས་ཡང་ཆང་དང་འབྲས་བུའི་ཆང་མྱོས་པར་འགྱུར་བ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྩ་བ་དང་། སྡོང་བུ་དང་། ལོ་མ་དང་།

མེ་ཏོག་དང་། འབྲས་བུ་རྣམས་ཀྱིས་མྱོས་པར་འགྱུར་བ་འཚལ་ན་ཅིར་འགྱུར། ཉེས་བྱས་ སོ། ། བཙུན་པ་དགེ་སློང་གིས་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་དངོས་པོ་གཞན་ཆང་གི་ནང་དུ་གཞག་པ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཆང་ངམ་འབྲས་བུའི་ཆང་མྱོས་པར་འགྱུར་བ་བདག་གི་དྲུང་དུ་ སྔགས་སམ་སྨན་གྱིས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཕབས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་ཆང་ཚྭར་གྱུར་པ་འཚལ་བར་བགྱིའམ། ཨུ་པཱ་ལི་དེ་སྟེ། ཆང་གི་དངོས་པོ་མང་དུ་གྱུར་ལ་ཚྭའི་དངོས་པོ་ཉུང་ན་ མི་བཏུང་ངོ་། ། འོན་ཏེ་ཚྭའི་དངོས་པོ་མང་བར་མངོན་ལ་ཆང་གི་དངོས་པོ་ཉུང་ན་འཐུང་ཤིག ། ཨུ་པཱ་ལི་དེ་ཅིའི་ཕྱིར་ཞེ་ན། དེས་ནི་ཆང་གི་བྱ་བ་བྱེད་མི་ནུས་སོ། ། བཙུན་པ་ཆང་ཚྭར་གྱུར་པ་དུས་མ་ལགས་པར་འཚལ་དུ་གནང་ངམ། ཨུ་པཱ་ལི་དེ་སྟེ་དང་བར་གྱུར་ལ་རྣམ་པར་ དང་ཞིང་མྱོས་པར་མི་འགྱུར་ན་ཆུས་བསླད་དེ་ཆུ་ཚགས་ཀྱིས་ཚོགས་ལ་འཐུང་ཤིག ། བཙུན་པ་དགེ་སློང་གིས་ཆང་འཁུར་བ་ན་འཛིན་པ་ལས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་རྩ་བ་དང་། སྡོང་བུ་དང་།

ལོ་མ་དང་། མེ་ཏོག་དང་། འབྲས་བུ་འདི་རྣམས་ཀྱི་ ཁུ་བ་དུས་མ་ལགས་པར་འཚལ་དུ་གནང་ངམ། ཨུ་པཱ་ལི་དེ་སྟེ་དང་ཞིང་རབ་ཏུ་གསལ་བར་གྱུར་ལ་ཆུ་ཚགས་ཀྱིས་བཙགས་ལ་ཆུས་སློད་དེ་འཐུང་ཤིག ། དེ་སྟེ་རང་གི་དངོས་ལས་གྱུར་ནས་ཆང་གི་དངོས་པོར་གྱུར་ན་འཚལ་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་ པ་དགེ་སློང་གིས་མྱོས་པར་འགྱུར་བའི་ཆང་མ་གཏོགས་པར་དེ་ལས་གཞན་པའི་ཆང་གི་དྲི་དང་། ཆང་གི་རོ་དང་། ཆང་གི་ཁ་དོག་དང་། ཆང་གི་བྲོ་རྣམས་འཚལ་ན་ཅིར་འགྱུར། ཉེས་བྱས་སོ། ། ཁ་དོག་ཆང་འདྲ་བའི་ཚྭ་ནི་ཉེས་པ་མེད་དོ། ། བཙུན་པ་དགེ་སློང་གིས་ ཆང་དང་འབྲས་ཆན་དུ་འདྲེས་པ་ལས་ཆང་བཙགས་ནས་འབྲས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བསྙེན་པར་མ་རྫོགས་པ་ན་བླངས་ལ་བསྙེན་པར་མ་རྫོགས་པར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསླངས་ལ་བསྙེན་ པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བསླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། །

བསྙེན་པར་རྫོགས་ཀར་བླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བླངས་ལ་བསྙེན་པར་མ་རྫོགས་པ་ན་འཚལ་ན་ ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རྒུན་ཆང་གི་དབུ་བ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཆང་གི་ནང་དུ་སྩལ་བའི་དངོས་པོ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཆང་གི་རླངས་པས་བདུགས་ པ་བྲོ་མ་འཚལ་བས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མྱོས་པར་འགྱུར་བའི་བཏུང་བ་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ལྷའི་ཆང་འཐུངས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཆང་ལ་ཆང་དུ་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། ། ཆང་ལ་ཆང་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། ། ཆང་མ་ལགས་པ་ལ་ཆང་དུ་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། ། ཆང་མ་ལགས་པ་ ལ་ཆང་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །

བཙུན་པ་དགེ་སློང་གིས་ཆང་དང་འབྲས་བུའི་ཆང་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མ་ཆང་དང་འབྲས་བུའི་ཆང་འཚལ་བ་ན་མཚན་འཕོས་ ཏེ་དགེ་སློང་ཕར་གྱུར་ན་ཅིར་འགྱུར། ལྟུང་བའོ། ། བཙུན་པ་བསླབ་པ་སྩལ་བས་ཆང་དང་འབྲས་བུའི་ཆང་འཚལ་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཆང་དང་འབྲས་བུའི་ཆང་འཚལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལ་ཉེས་བྱས་སུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མཆིས་བཞིན་དུ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་དགེ་སློང་ལ་ ཕྲིན་གྱིས་འཚལ་བར་བགྱིས་ཏེ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་།

གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ཤེས་པར་བྱས་ཏེ་སོང་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་ སྨྱོན་པ་ཞིག་ལ་འཚལ་བར་བགྱིས་ཏེ་སླད་དྲོ་གྲོང་དུ་ཞུགས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ལ་ཤེས་པར་བྱས་ཏེ་སོང་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྔགས་དང་ནམ་མཁའ་སྐད་དང་ལུས། ། དབེན་པ་དང་ནི་དགེ་སློང་མེད། ། གཙུག་ལག་ཁང་དང་བསྐོར་བ་དང་། ། མཚམས་དང་མཚན་དང་བཞི་པ་ དང་། ། ཁྱིམ་པ་བར་ཆད་དགེ་འདུན་དང་། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་མཆིས་པའི་དགེ་སློང་མཆིས་བཞིན་དུ་འཚལ་བར་མ་བགྱིས་པར་མཆི་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་གིས་མཆིས་པའི་དགེ་སློང་མཆིས་བཞིན་དུ་འཚལ་བར་མ་བགྱིས་པར་ནམ་མཁའ་ལས་སླད་དྲོ་གྲོང་དུ་མཆིས་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་འཚལ་བར་བགྱིས་ཏེ་མཆིས་པ་དང་། དགེ་སློང་དེས་ཀྱང་ འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་འཚལ་བར་བགྱིས་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་ སྐད་དུ་འཚལ་བར་བགྱིས་ཏེ་མཆིས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་འཚལ་བར་བགྱིས་ཏེ་མཆིས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་དགེ་སློང་མཆིས་པ་ལ་འཚལ་བར་བགྱིས་ཏེ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ནས་འཚལ་བར་བགྱིས་ཏེ་གྲོང་དུ་མཆིས་ན་ཅིར་ འགྱུར། ཉེས་པ་མེད་དོ། ། བཙུན་པ་དགེ་སློང་གིས་དགེ་སློང་མཆིས་པ་ལ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ།

འདི་ལྟར་ཡང་དགེ་སློང་དེ་ནི་དགེ་སློང་མེད་པའི་གནས་ན་འདུག་འདུག་ པའོ། ། བཙུན་པ་གྲོང་གི་ནང་ན་གཙུག་ལག་ཁང་ཞིག་མཆིས་སམ་བསྐོར་བར་གྱུར་པ་དེ་ནས་འཚལ་བར་མ་བགྱིས་པར་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ནམ་མཁའ་ ལ་མཆིས་པ་ཞིག་ལ་འཚལ་བར་བགྱིས་ན་འཚལ་བར་བགྱིས་པ་ཞེས་བགྱིའམ། ཨུ་པཱ་ལི་ཤེས་པར་བྱས་པ་ཞེས་བྱའོ། ། དེ་བཞིན་དུ་ས་ལ་གནས་པས་ནམ་མཁའ་ལ་གནས་པ་དང་། མཚམས་ཀྱི་ནང་ན་གནས་པས་མཚམས་ཀྱི་ཕྱི་རོལ་ན་གནས་པ་ལ་འཚལ་བར་བགྱིས་ན་ འཚལ་བར་བགྱིས་པ་ཞེས་བགྱིའམ། ཨུ་པཱ་ལི་ཤེས་པར་བྱས་པ་ཞེས་བྱའོ། ། བཙུན་པ་དགེ་སློང་གིས་མཆིས་པའི་དགེ་སློང་ལ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་པ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་ སློང་མས་མཆིས་པའི་དགེ་སློང་མ་ལ་འཚལ་བར་མ་བགྱིས་པར་སླད་དྲོ་དབྱར་མོ་ཁང་ནས་གྲོང་དུ་མཆིས་པ་དང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་གིས་སླད་དྲོ་ལ་སླད་དྲོར་འདུ་ཤེས་ཏེ་དགེ་སློང་མཆིས་བཞིན་དུ་འཚལ་བར་མ་བགྱིས་ པར་གྲོང་དུ་མཆིས་ན་ཅིར་འགྱུར། ལྟུང་བའོ། ། དུས་མ་ལགས་པ་ལ་དུས་སུ་འདུ་ཤེས་ཏེ་མཆིས་ན་ཅིར་འགྱུར། ཉེས་པ་མེད་དོ། ། དུས་ལ་དུས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། དུས་ལ་དུས་སུ་འདུ་ཤེས་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་ཁྱིམ་པ་ཞིག་ལ་འཚལ་བར་བགྱིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་ བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པ་དང་། བསླབ་པ་བྱིན་པ་རྣམས་ལ་ཤེས་པར་བྱས་ཏེ་སོང་ན་ཐམས་ཅད་ཉེས་ བྱས་སུ་འགྱུར་རོ། ། བཙུན་པ་དགེ་སློང་གིས་སླད་དྲོ་གྲོང་དུ་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ།

འདི་ལྟར་ཡང་དགེ་སློང་དེ་གཙུག་ལག་ཁང་དུ་བར་ཆད་བརྒྱད་ལས་གང་ཡང་རུང་བའི་བར་ཆད་གཅིག་བྱུང་བར་གྱུར་པའོ། ། བཙུན་པ་དགེ་འདུན་ ཐམས་ཅད་དམ། སློབ་དཔོན་ནམ། མཁན་པོའམ། གཞན་ཡང་རུང་སྟེ་ཚངས་པ་མཚུངས་པར་སྤྱོད་པ་མཁས་པ་དག་དུས་མ་ལགས་པར་དགེ་སློང་ལ་འཚལ་བར་མ་བགྱིས་པར་གྲོང་དུ་མཆིས་ན་དེ་དག་གིས་ཀྱང་འཚལ་བར་བགྱིའམ། ཨུ་པཱ་ལི་དེས་ཀྱང་ཤེས་པར་བྱོས་ཤིག ། བཙུན་པ་བསླབ་པ་སྩལ་བས་དགེ་སློང་མཆིས་བཞིན་དུ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་སློང་མ་མཆིས་པར་འཚལ་བཞིན་དུ་དབྱར་མོ་ཁང་ནས་གྲོང་དུ་མཆིས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གྲོང་དུ་ཟས་ལ་མགྲོན་དུ་བོས་པ་དང་། ཟས་སྔ་མའམ་ཕྱི་མ་ཡང་རུང་སྟེ། དེས་ཁྱིམ་བདག་དེ་ལ་འཚལ་བར་མ་བགྱིས་པར་ གྲོང་གཞན་དུ་སོང་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཟས་ལ་མགྲོན་དུ་བོས་པ་དང་ཕྲིན་གྱིས་ཁྱིམ་བདག་འཚལ་བར་བགྱིས་ཏེ་གྲོང་གཞན་དུ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་ བ་དང་། གཅིག་ནས་གཅིག་ཏུ་བརྒྱུད་ནས་ཤེས་པར་བྱས་ཏེ་གྲོང་གཞན་དུ་སོང་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གྲོང་གཞན་དུ་ཟས་ལ་མགྲོན་དུ་བོས་པ་དང་། ཟས་སྔ་མའམ་ཕྱི་མ་ཡང་རུང་སྟེ། དེས་ཁྱིམ་བདག་སྨྱོན་པ་ཞིག་ ལ་འཚལ་བར་མ་བགྱིས་པར་གྲོང་གཞན་དུ་མཆིས་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་ གནས་པ་རྣམས་ལ་ཤེས་པར་མ་བྱས་པར་གྲོང་གཞན་དུ་སོང་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། །

སྔགས་དང་མཚན་དང་བཞི་པ་དང་། ། ཟས་དང་མགྲོན་དུ་བོས་པ་གཉིས། ། མ་ནིང་བསླབ་བྱིན་དགེ་སློང་མའོ། ། བཙུན་པ་དགེ་སློང་འཕགས་ པས་འཕགས་པའི་སྐད་དུ་འཚལ་བར་བགྱིས་ཏེ་གྲོང་དུ་མཆིས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་འཚལ་བར་བགྱིས་ཏེ་གྲོང་དུ་མཆིས་པ་དང་། ཁྱིམ་བདག་དེས་ཀྱང་མཐའ་འཁོབ་ པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་འཚལ་བར་བགྱིས་ཏེ་གྲོང་དུ་མཆིས་པ་དང་། ཁྱིམ་བདག་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་འཕགས་པའི་སྐད་དུ་ཁྱིམ་བདག་ འཚལ་བར་བགྱིས་ཏེ་གྲོང་གཞན་དུ་མཆིས་པ་དང་། ཁྱིམ་བདག་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་ཁྱིམ་བདག་འཚལ་བར་བགྱིས་ཏེ་གྲོང་དུ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གིས་དབེན་པ་ལ་མི་དབེན་པར་འདུ་ཤེས་ནས་འཚལ་བར་བགྱིས་ཏེ་གྲོང་དུ་མཆིས་ན་ཅིར་འགྱུར། ཉེས་པ་མེད་དོ། །

བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་འཚལ་བར་བགྱིས་ནས་གྲོང་དུ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གིས་ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་པ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་པ་དང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་ དགེ་སློང་གིས་མི་ལ་མིར་འདུ་ཤེས་ཏེ་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ལྟུང་བའོ། ། མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་ སུ་འགྱུར་རོ། ། བཙུན་པ་དགེ་སློང་གིས་ཟན་མ་གཏོགས་པར་དེ་ལས་གཞན་པའི་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་ལ་མགྲོན་དུ་བོས་པ་དང་། ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ཉེས་བྱས་སོ། །

བཙུན་པ་ དགེ་སློང་གིས་ཁྱིམ་བདག་འཚལ་བར་མ་བགྱིས་པར་གྲོང་གཅིག་ཏུ་མཆིས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གྲོང་གཅིག་ཏུ་ཞུགས་ནས་གདུགས་ཚོད་ཡོལ་བར་བྱེད་པའོ། ། བཙུན་པ་དགེ་སློང་ཞིག་ཟ་མའམ། མ་ནིང་ངམ། མཚན་ གཉིས་པས་མགྲོན་དུ་བོས་པ་དང་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་ཟས་ལ་གྲོང་དུ་མགྲོན་ལ་བོས་པ་དང་དེས་ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ལྟུང་བའོ། ། བཙུན་པ་དགེ་ སློང་མས་ཟས་ལ་གྲོང་དུ་མགྲོན་ལ་བོས་པ་དང་དེས་ཁྱིམ་བདག་འཚལ་བར་མ་བགྱིས་པར་གྲོང་དུ་མཆིས་ན་ཅིར་འགྱུར། ཉེས་བྱས་སོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ། ། ། ། མདོར་ན། སྔགས་དང་ནམ་ མཁའ་དེ་བཞིན་ཏེ། ། མཚན་དང་དེ་བཞིན་བཞི་པ་དང་། ། གྲོང་དང་སྟོང་པ་བསྐོར་བ་དང་། ། མ་བཞག་པ་དང་བཞག་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།

བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རྒྱལ་པོ་རྒྱལ་རིགས་ རྒྱལ་ཐབས་སྤྱི་བོ་ནས་བླུགས་པའི་ཁྱིམ་དུ་ནམ་མ་ལངས་ཤིང་སྐྱ་རེངས་མ་ཤར་བ་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ནམ། སྒོ་གཏན་གྱི་ཉེ་འཁོར་ལས་འདས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་ སློང་གིས་ནམ་མ་ལངས་ཤིང་སྐྱ་རེངས་མ་ཤར་བ་ལ་རིན་པོ་ཆེ་འམ་རིན་པོ་ཆེར་གཏོགས་པ་རྣམས་མ་བསྡུས་པར་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་སྒོ་གཏན་ཉི་ཚེ་ལས་འདས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ནམ་མ་ལངས་ཤིང་སྐྱ་ རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་ནམ་མཁའ་ལས་སྒོ་གཏན་ཉི་ཚེ་འདས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ནམ་མ་ནངས་ཤིང་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་ བསྡུས་པར་སྒོ་གཏན་ཉི་ཚེ་འདའ་བར་བགྱིད་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་སྒོ་གཏན་ཉི་ཚེ་འདའ་བར་བགྱིད་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་གིས་སྐྱ་ རེངས་མ་ཤར་བ་ལ་མ་ཤར་བར་འདུ་ཤེས་ཏེ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ཉི་ཚེ་འདས་ན་ཅིར་འགྱུར། ལྟུང་བའོ། ། མ་ཤར་བ་ལ་ཤར་བར་འདུ་ཤེས་ཏེ་འདས་ན་ཅིར་འགྱུར། ཉེས་པ་མེད་དོ། ། ཤར་བ་ལ་མ་ཤར་བར་འདུ་ཤེས་ཏེ་ འདས་ན་ཉེས་བྱས་སོ། ། ཤར་བ་ལ་ཤར་བར་འདུ་ཤེས་ཏེ་འདས་ན་ཉེས་པ་མེད་དོ། ། བཙུན་པ་དགེ་སློང་གིས་རིན་པོ་ཆེའམ་རིན་པོ་ཆེར་གཏོགས་པ་རྣམས་མ་བསྡུས་པ་ལ་མ་བསྡུས་པར་འདུ་ཤེས་ཏེ་སྒོ་གཏན་ཉི་ཚེ་འདས་ན་ཅིར་འགྱུར། ལྟུང་བའོ། ། མ་བསྡུས་པ་ལ་ བསྡུས་པར་འདུ་ཤེས་ཏེ་འདས་ན་ཅིར་འགྱུར། ཉེས་པ་མེད་དོ། ། བསྡུས་པ་ལ་མ་བསྡུས་པར་འདུ་ཤེས་ནས་འདས་ན་ཅིར་འགྱུར། ཉེས་བྱས་སོ། ། བསྡུས་པ་ལ་བསྡུས་པར་འདུ་ཤེས་ཏེ་འདས་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་མི་ལ་ མིར་འདུ་ཤེས་ཏེ་སྒོ་གཏན་ཉི་ཚེ་འདས་ན་ཅིར་འགྱུར། ལྟུང་བའོ། ། མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་རྒྱལ་པོའི་ཁབ་མ་གཏོགས་པར་དེ་ལས་གཞན་པའི་གྲོང་དུ་ནམ་མ་ནངས་ཤིང་སྐྱ་རེངས་མ་ཤར་ལ་རིན་པོ་ཆེའམ་རིན་པོ་ཆེར་གཏོགས་པ་མ་བསྡུས་པར་སྒོ་གཏན་ཉི་ཚེ་ལས་འདས་ན་ཅིར་འགྱུར། ཉེས་བྱས་སོ། ། བཙུན་པ་དགེ་ སློང་གིས་ནམ་མ་ནངས་ཤིང་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་མ་བསྡུས་པར་སྒོ་གཏན་ཉི་ཚེ་ལས་འདས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་རྒྱལ་པོའི་ཁབ་སྟོང་པར་སོང་བའོ། ། བཙུན་པ་རྒྱལ་པོའི་ ཕོ་བྲང་ཐམས་ཅད་བསྐོར་བར་གྱུར་ལ་ཕྱེད་གཡོགས་པའམ། མ་གཡོགས་པ་ཡང་རུང་སྟེ། དེར་དགེ་སློང་དེས་ནམ་མ་ནངས་ཤིང་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་མ་བསྡུས་པར་སྒོ་གཏན་ཉི་ཚེ་ལས་འདས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་རྒྱལ་པོའི་ཁབ་ཐམས་ཅད་གཡོགས་པར་གྱུར་ལ་ཕྱེད་བསྐོར་བ་ཞིག་ཏུ་ནམ་མ་ནངས་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ཉི་ཚེ་ལས་འདས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་ ནམ་ནངས་ཏེ་སྐྱ་རེངས་ཤར་ལ་རིན་པོ་ཆེའམ།

རིན་པོ་ཆེར་གཏོགས་པ་རྣམས་བསྡུས་ནས་སྒོ་གཏན་ཉི་ཚེ་ལས་འདས་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་ནམ་མ་ནངས་སྐྱ་རེངས་མ་ཤར་བར་རིན་པོ་ཆེའམ། རིན་པོ་ཆེར་གཏོགས་པ་བསྡུས་ནས་ སྒོ་གཏན་ཉི་ཚེ་ལས་འདས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ནམ་མ་ནངས་སྐྱ་རེངས་མ་ཤར་བར་རིན་པོ་ཆེའམ། རིན་པོ་ཆེར་གཏོགས་པ་མ་བསྡུས་པར་སྒོ་གཏན་ཉི་ཚེ་ལས་འདས་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མིའི་འགྲོ་བ་མ་གཏོགས་པར་དེ་ལས་འགྲོ་བ་གཞན་དུ་གནས་པ་རྣམས་ཀྱི་སྒོ་གཏན་གཅིག་པུ་ལས་འདས་ན་ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་ནམ་མ་ནངས་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་མ་བསྡུས་པར་སྒོ་གཏན་ ཉི་ཚེ་ལས་འདས་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་ནམ་མ་ནངས་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ཉི་ཚེ་ལས་འདས་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ རྣམས་ལ་ཉེས་བྱས་སུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། །

གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་ བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་བཤད་པ་ཀློག་པའི་ཚེ་འདི་སྐད་དུ་ཚེ་དང་ལྡན་པ་བདག་གིས་ཇི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་ འཚལ་ཏོ་ཞེས་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་འདི་སྐད་དུ་ཚེ་དང་ལྡན་པ་བདག་གིས་ཇི་ལྟར་ཆོས་འདི་དག་མདོ་སྡེར་གཏོགས་ཤིང་། མདོ་སྡེར་འདུས་པར་ད་གདོད་འཚལ་ཏོ་ཞེས་མཆི་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་དེ་སྐད་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་སློང་སྨྱོན་པ་ལ་འདི་སྐད་དུ་ཚེ་དང་ལྡན་པ་བདག་གིས་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་ པར་ད་གདོད་འཚལ་ཏོ་ཞེས་མཆི་ན་ཅིར་འགྱུར། ཉེས་བྱས་སོ། །

དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་ ལ་འདི་སྐད་དུ་ཚེ་དང་ལྡན་པ་བདག་གིས་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་མཆི་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། སྔགས་དང་མཚན་དང་བཞི་པ་དང་། ། ཁྱིམ་པ་དག་ལ་སོགས་ པ་རྣམས། ། གཞན་གྱི་ཕྱིར་དང་དགེ་སློང་མའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲས་པ་དང་། དགེ་སློང་དེས་ཀྱང་འཕགས་ པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། འཕགས་པས་མཐའ་འཁོབ་པའི་སྐད་དུ་དེ་སྐད་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་དེ་སྐད་སྨྲས་པ་དང་། དགེ་ སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །

མཐའ་འཁོབ་པས་འཕགས་པའི་སྐད་དུ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲས་པ་དང་། དགེ་སློང་ དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པས་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་གོ་བར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དབེན་པ་ལ་མི་དབེན་པར་འདུ་ཤེས་ཏེ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་ གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ད་གདོད་འཚལ་ཏོ་ཞེས་སྨྲས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དེ་སྐད་སྨྲ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དེ་སྐད་སྨྲ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །

བཙུན་པ་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་མདོ་སྡེར་ གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲས་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བསྙེན་ པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་ཁྱིམ་པ་ལ་འདི་སྐད་དུ་ཚེ་དང་ལྡན་པ་བདག་གིས་འདི་ལྟར་ཆོས་འདི་དག་བདག་གིས་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་སྨྲ་ན་ཅིར་ འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་ སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་དང་།

སྔར་ཉེས་པ་བྱུང་བ་རྣམས་ལ་སྨྲས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་ དང་། བསླབ་པ་སྩལ་བ་རྣམས་ལ་དེ་སྐད་དུ་སྨྲས་ན་ཅིར་འགྱུར། ཐམས་ཅད་ལྟུང་བར་འགྱུར་རོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་འདི་སྐད་དུ་ཚེ་དང་ལྡན་པ་བདག་ནི་འདི་ལྟར་ཆོས་འདི་དག་ མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་འཚལ་ཏོ་ཞེས་མཆི་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རུས་པའམ། བ་སོའམ། རྭ་ལས་ཁབ་རལ་བགྱིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་རུས་པའམ། བ་སོའམ། རྭ་ལས་ ཁབ་རལ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་།

གཅིག་ནས་གཅིག་ཏུ་བརྒྱུད་དེ་བྱེད་དུ་བཅུག་ན་ཉེས་བྱས་སོ། ། དེ་བཞིན་དུ་སྨྱོན་པ་ལ་བྱེད་དུ་བཅུག་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་ པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། གཞན་དང་གཞན་ཕྱིར་མ་ཟིན་མཚན། ། བཞི་པ་མི་རུང་བདུན་པ་དང་། ། དེ་བཞིན་མ་གཏོགས་ཐ་མའོ། ། བཙུན་པ་དགེ་སློང་གིས་རུས་པའམ། བ་སོའམ། རྭ་ལས་ཁབ་རལ་གཞན་གྱིས་བརྩམས་པ་ལགས་པར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་གྱི་སླད་དུ་ཁབ་རལ་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་མ་ལགས་པར་བགྱིས་ཏེ་བོར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་རུས་པའམ། བ་སོའམ། རྭ་ལས་ཁབ་རལ་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་རུས་པའམ། བ་སོའམ། རྭ་ལས་ཁབ་རལ་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ཁབ་རལ་བགྱིད་དུ་སྩལ་ན་ཅིར་འགྱུར། ལྟུང་བའོ། །

མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། ། མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་ སུ་འགྱུར་རོ། ། བཙུན་པ་དགེ་སློང་གིས་རུས་པའམ། བ་སོའམ། རྭ་ལས་ཁབ་རལ་བགྱིད་དུ་སྩལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བ་ལས་བྱས་པའོ། ། བཙུན་པ་བསྙེན་པར་མ་རྫོགས་པ་ན་བརྩམས་ལ་བསྙེན་པར་ མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བརྩམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བརྩམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བརྩམས་ནས་བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བརྩམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ཁབ་རལ་མ་གཏོགས་པར་དེ་ལས་གཞན་པའི་ཡོ་བྱད་རྣམས་རུས་པའམ། བ་སོའམ། རྭ་ལས་བགྱིད་དུ་སྩལ་ན་ཅིར་འགྱུར།

ཉེས་བྱས་སོ། ། བཙུན་པ་བསླབ་པ་སྩལ་བས་རུས་པའམ། བ་སོའམ། རྭ་ལས་ཁབ་ རལ་བགྱིད་དུ་སྩལ་ན་ཅིར་འགྱུར། ལྟུང་བའོ། ། དགེ་སློང་མས་བྱེད་དུ་བཅུག་ན་ལྟུང་བར་འགྱུར་རོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། ། ། མདོར་ན། གཞན་གྱིས་གཞན་ཕྱིར་མ་ཟིན་ དང་། ། མཚན་དང་དེ་བཞིན་བཞི་པ་དང་། ། ཁྱིམ་པ་དག་ལ་སོགས་པ་རྣམས། ། མི་རུང་བ་དང་བདུན་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གིས་དགེ་འདུན་གྱི་ཁྲིའམ་ཁྲིའུ་ བགྱིད་ན་བུ་གར་གཞུག་པ་མ་གཏོགས་པར་རྐང་པ་བདེ་བར་གཤེགས་པའི་སོར་བརྒྱད་ལས་ལྷག་པར་བགྱིས་ནས་བཅང་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་བདེ་བར་གཤེགས་པའི་སོར་བརྒྱད་ལས་ལྷག་པར་གཞན་གྱིས་བརྩམས་པ་ ལགས་པར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཞན་གྱི་སླད་དུ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། བཙུན་པ་མ་ལགས་པར་བགྱིས་ཏེ་བོར་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་ཁྲིའམ་ཁྲིའུ་བདེ་བར་ གཤེགས་པའི་སོར་བརྒྱད་ལས་ལྷག་པར་བགྱིད་དུ་སྩོལ་བ་ལས་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་མས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་འདས་པར་བགྱིད་དུ་སྩལ་བ་ལས་མཚན་འཕོས་ ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། ། བཙུན་པ་དགེ་སློང་གིས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་ལྷག་པ་ལ་ལྷག་པར་འདུ་ཤེས་ཏེ་བགྱིད་དུ་སྩལ་ན་ཅིར་འགྱུར། ལྟུང་བའོ། ། ལྷག་པ་ལ་མ་ལྷག་པར་འདུ་ཤེས་ ཏེ་བྱེད་དུ་བཅུག་ན་ཉེས་པ་མེད་དོ། ། མ་ལྷག་པ་ལ་ལྷག་པར་འདུ་ཤེས་ཏེ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། མ་ལྷག་པ་ལ་མ་ལྷག་པར་འདུ་ཤེས་ན་ཉེས་པ་མེད་དོ། ། བཙུན་པ་དགེ་སློང་གིས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ ཚད་ལས་ལྷག་པར་ཁྱིམ་པ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་ནས། རྒྱས་པར་བསླབ་པ་བྱིན་པའི་བར་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་དགེ་འདུན་ གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ལས་ལྷག་པར་བགྱིད་དུ་སྩལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བ་བྱེད་དུ་བཅུག་པའོ། ། བཙུན་པ་བསྙེན་པར་མ་རྫོགས་པ་ན་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་ པའི་སོར་བརྒྱད་ཀྱི་ཚད་ལས་ལྷག་པར་བརྩམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བརྩམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བརྩམས་ལ་བསྙེན་པར་ རྫོགས་ཏེ་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བརྩམས་ལ་བསྙེན་པར་རྫོགས་ནས་གྲུབ་ན་ཅིར་འགྱུར། ཉེས་བྱས་སོ། ། བསྙེན་པར་ རྫོགས་པ་ན་བརྩམས་ལ་བསྙེན་པར་རྫོགས་པ་ན་གྲུབ་ན་ཅིར་འགྱུར། ལྟུང་བའོ། ། བསྙེན་པར་རྫོགས་པ་ན་བརྩམས་ལ་བསྙེན་པར་མ་རྫོགས་པ་ན་གྲུབ་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་ གཅིག་ནས་གཅིག །

སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བའོ། ། བཙུན་པ་དགེ་སློང་གིས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་ལྷག་པར་ཕྲིན་གྱིས་བགྱིད་དུ་སྩལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་ལྷག་པར་སྨྱོན་པ་བགྱིད་དུ་སྩལ་ན་ ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་དགེ་འདུན་གྱི་ ཁྲིའམ་ཁྲིའུ་བདེ་བར་གཤེགས་པའི་སོར་བརྒྱད་ཀྱི་ཚད་ལས་ལྷག་པར་བགྱིད་དུ་སྩལ་ན་ཅིར་འགྱུར། ལྟུང་བའོ། ། དགེ་སློང་མས་བགྱིད་དུ་སྩལ་ན་ཅིར་འགྱུར། ལྟུང་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་བགྱིད་དུ་སྩལ་ན་ཅིར་འགྱུར། ཉེས་ བྱས་སོ། །

ཇི་ལྟར་བསླབ་པའི་གནས་ཀྱི་ལེའུ་འདི་ཇི་ལྟ་བ་དེ་བཞིན་དུ་ལྷུང་བཟེད་དང་། གདིང་བ་དང་། གཡན་པ་དགབ་པ་དང་། གོས་དབྱར་གྱི་རས་ཆེན་དང་། བདེ་བར་གཤེགས་པའི་ཆོས་གོས་ཀྱང་དེ་བཞིན་དུ་བརྗོད་པར་བྱའོ། ། འདུལ་བ་གཞུང་དམ་པ་ལས་ལྟུང་བ་རྣམས་ རྫོགས་སོ། ། ། ། འདུལ་བ་གཞུང་དམ་པ། བམ་པོ་{བཅྭ་,བཅོ་}ལྔ་པ། མདོར་ན། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བ་དང་། ། མི་རུང་བ་དང་མཚན་དང་ནི། ། བཞི་པ་བདུན་པ་དེ་བཞིན་ནོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་ པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཉེན་མ་ལགས་པའི་དགེ་སློང་མ་སྲང་ན་བསོད་སྙོམས་སྤྱོད་པ་ལས་བཅའ་བ་དང་བཟའ་བ་བླངས་ཏེ་འཚལ་ན་སོ་སོར་བཤགས་པ་ཞེས་གསུངས་ན། བཙུན་པ་དགེ་སློང་གིས་དགེ་སློང་མ་སྨྱོན་མ་སྲང་ན་ མཆིས་པ་ལས་བདག་གི་སུག་པས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལས་ བསོད་སྙོམས་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །

བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་སྲང་ན་མཆིས་པ་ལས་བདག་གི་སུག་པས་བསོད་སྙོམས་བླངས་ཏེ་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བའི་ཟས་ཟོས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་བསོད་སྙོམས་སྤྱོད་ཅིང་སྲང་ན་མཆིས་པ་ལ་བདག་གི་སུག་པས་བཅའ་བ་དང་བཟའ་བ་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་གཉེན་མ་ལགས་པའི་དགེ་སློང་བསོད་སྙོམས་སྤྱོད་ཅིང་སྲང་ན་མཆིས་པ་དེ་ལས་བདག་གི་སུག་པས་བསོད་སྙོམས་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསྙེན་པར་རྫོགས་ པ་ལ་བསྙེན་པར་རྫོགས་པར་འདུ་ཤེས་ཏེ་དེ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ ཤེས་ན་ཉེས་བྱས་སོ། ། བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སོ། །

དེ་བཞིན་དུ་མི་ལ་མིར་འདུ་ཤེས་པ་ལ་ཡང་བཞིར་བྱའོ། ། བཙུན་པ་བསྙེན་པར་མ་རྫོགས་པ་ན་བླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བླངས་ལ་བསྙེན་པར་རྫོགས་ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་མ་རྫོགས་པ་ན་བླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བླངས་ལ་བསྙེན་པར་རྫོགས་ ཀར་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཏེ་འཚལ་ན་ཅིར་འགྱུར། ཉེས་བྱས་སོ། ། བསྙེན་པར་རྫོགས་པ་ན་བླངས་ལ་བསྙེན་པར་རྫོགས་པ་ན་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། བསྙེན་པར་ རྫོགས་པ་ན་བླངས་ལ་བསྙེན་པར་མ་རྫོགས་པ་ན་འཚལ་ན་ཅིར་འགྱུར། ཉེས་བྱས་སོ། ། ། ། མདོར་ན། ཟས་དང་སྔགས་དང་དེ་བཞིན་ཏེ། ། གཞན་གྱིས་གཞན་གྱི་མ་ནིང་དང་། ། མ་ནིང་མ་ལ་སོགས་པ་དང་། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་སློང་གིས་ཟས་ མ་གཏོགས་པ་དེ་ལས་གཞན་པའི་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་སྲང་དུ་ཞུགས་པ་ལས་བསོད་སྙོམས་གཞན་གྱི་སླད་ དུ་བླངས་ཏེ་བདག་ཉིད་ཀྱིས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་གཉེན་མ་ལགས་པའི་དགེ་སློང་མ་ལས་བསོད་སྙོམས་བླངས་ཏེ་འཚལ་ཀྱང་ནོངས་པ་སོ་སོར་བཤགས་པར་མི་བྱ་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེ་སྲང་ན་འདུག་ པར་གྱུར་ལ་དགེ་སློང་མ་དབྱར་མོ་ཁང་ངམ་གྲོང་ན་འདུག་པས་བྱིན་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་མས་དགེ་སློང་མ་ནིང་སྲང་ན་མཆིས་པ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་མ་ནིང་མོ་སྲང་དུ་མཆིས་ པ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སུན་ཕྱུང་བ་ནས་རྒྱས་པར་སྔར་འཁྲུགས་པའི་བར་དུ་བསོད་སྙོམས་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་དང་། ཉེ་བར་ ཕྱོགས་པ་དང་། བསླབ་པ་སྩལ་བའི་དགེ་སློང་མ་སྲང་ན་མཆིས་པ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །

བཙུན་པ་དགེ་སློང་གིས་དགེ་སློབ་མ་དང་། དགེ་ཚུལ་མ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་གཉེན་མ་ལགས་པའི་དགེ་སློང་སྲང་ན་མཆིས་པ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། བཙུན་པ་དགེ་སློང་མས་གཉེན་མ་ལགས་པའི་དགེ་སློང་སྲང་ན་མཆིས་པ་ལས་བསོད་སྙོམས་བླངས་ཏེ་འཚལ་ན་ཅིར་ འགྱུར། སོ་སོར་བཤགས་པར་བྱ་བའོ། ། དགེ་ཚུལ་ཕ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། ཇི་ལྟར་དགེ་སློང་གིས་སོ་སོར་བཤགས་པར་བྱ་བ་དེ་བཞིན་དུ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་ཞུགས་འགྲོ་བ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་ པ་བཅོམ་ལྡན་འདས་ཀྱིས་ཡང་དགེ་སློང་དེ་དག་གིས་དགེ་སློང་མ་དེ་ལ་འདི་སྐད་ཅེས་སྲིང་མོ་དགེ་སློང་དག་ཟན་ཟོས་ཀྱི་བར་དུ་སྡོད་ཅིག་ཅེས་སྨྲོས་ཤིག །

དགེ་སློང་འགའ་ཞིག་གིས་ཀྱང་དགེ་སློང་མ་དེ་ལ་དེ་སྐད་ཅེས་སྨྲ་བར་མ་སྤོབས་ན་སོ་སོར་བཤགས་པར་བྱའོ་ཞེས་གསུངས་ན། བཙུན་ པ་དགེ་སློང་གིས་ཕྲིན་གྱིས་བསྒོ་སྟེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བསྒོ་སྟེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མ་སྨྱོན་མ་ཤོམ་ཞིང་མཆིས་པ་ལས་དགེ་སློང་དེ་དག་ གིས་མ་བསྒོ་བར་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་དགེ་སློང་མ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ལ་མ་བསྒོ་བར་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་ དགེ་སློང་མས་དགེ་སློང་དག་གི་སླད་དུ་ཤོམ་པ་ན་གཉིད་ཀྱིས་ལོག་པ་ལ་དགེ་སློང་དེ་དག་གིས་ལོག་བཞིན་དུ་བསྒོ་སྟེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་ར་རོ་བ་དང་། མྱོས་པ་དང་། སྙོམས་པར་ཞུགས་པ་རྣམས་ལ་བསྒོ་སྟེ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། སྐད་དང་ལུས་དང་དབེན་པ་དང་། ། སྔགས་མཚན་དང་ནི་བཞི་པ་དང་། །

མི་རུང་ཟས་དང་ཁྱིམ་པ་དང་། ། བསླབ་པ་བྱིན་དང་དགེ་སློང་མའོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་མ་ལ་བསྒོ་བ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་ བྱས་སོ། ། འཕགས་པས་མཐའ་འཁོབ་པའི་སྐད་དུ་བསྒོ་བ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། མཐའ་འཁོབ་པས་མཐའ་འཁོབ་པའི་སྐད་དུ་བསྒོ་བ་དང་། དགེ་སློང་མ་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་ བྱས་སོ། ། མཐའ་འཁོབ་པས་འཕགས་པའི་སྐད་དུ་བསྒོ་སྟེ་འཚལ་བ་དང་། དགེ་སློང་མ་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་ལུས་ཀྱི་དམིགས་པ་བསྒོ་སྟེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་དག་གིས་ དགེ་སློང་མ་ཤོམ་པ་ལ་དབེན་པ་ལ་མི་དབེན་པར་འདུ་ཤེས་ཏེ་བསྒོས་ནས་འཚལ་ན་ཅིར་འགྱུར། ཉེས་པ་མེད་དོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་དགེ་སློང་མ་ལ་མ་བསྒོ་བར་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་དགེ་སློང་མ་ ཤོམ་པའི་ཚེ་མ་བསྒོ་བར་མཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་དགེ་སློང་གི་སླད་དུ་ཤོམ་པའི་ཚེ་མ་བསྒོ་བར་འཚལ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དགེ་སློང་མ་བསྙེན་ པར་རྫོགས་མ་ལ་བསྙེན་པར་རྫོགས་མར་འདུ་ཤེས་ཏེ་མ་བསྒོ་བར་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། བསྙེན་པར་རྫོགས་མ་ལ་བསྙེན་པར་མ་རྫོགས་པར་འདུ་ཤེས་ཏེ་མ་བསྒོ་ན་ཉེས་བྱས་སུ་འགྱུར་རོ། ། བསྙེན་པར་མ་རྫོགས་མ་ལ་བསྙེན་པར་རྫོགས་མར་འདུ་ཤེས་ན་ཉེས་བྱས་སུ་ འགྱུར་རོ། ། བསྙེན་པར་མ་རྫོགས་མ་ལ་བསྙེན་པར་མ་རྫོགས་མར་འདུ་ཤེས་ན་ཉེས་བྱས་སུ་འགྱུར་རོ། ། བཙུན་པ་དགེ་སློང་མས་མི་རུང་བའི་ཟས་སྦྱོར་ཅིག་པར་ཤོམ་ཞིང་མཆིས་པ་ན་དེ་ལ་དགེ་སློང་དག་གིས་མ་བསྒོ་བར་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་ཟན་མ་གཏོགས་པར་དེ་ ལས་གཞན་པའི་བཅའ་བ་དང་། བཏུང་བ་དང་། བཟའ་བ་དང་། བལྡག་པ་ལ་སོགས་པ་སྦྱོར་ཅིག་པར་ཤོམ་ཞིང་མཆིས་པ་ན། དེ་ལ་དགེ་སློང་དག་གིས་མ་བསྒོ་བར་འཚལ་ན་ཅིར་འགྱུར།

ཉེས་བྱས་སོ། ། བཙུན་པ་དགེ་སློང་གིས་ཁྱིམ་པ་མོ་ཞིག་ཤོམ་པའི་ཚེ་མ་བསྒོ་བར་འཚལ་ན་ཅིར་འགྱུར། ཉེས་ བྱས་སོ། ། དེ་བཞིན་དུ་དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པ་དང་། སྔར་ ཉེས་པ་བྱུང་བ་དང་། སྔར་འཁྲུགས་པ་རྣམས་ཤོམ་པ་ན་མ་བསྒོ་བར་ཟས་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་མོ་དང་། ཉེ་བར་ཕྱོགས་པ་མོ་དང་། བསླབ་པ་སྩལ་བ་མོ་རྣམས་ཀྱིས་བསྒོ་བ་འཚལ་ན་ཅིར་འགྱུར། སོ་སོར་བཤགས་པར་ བྱ་བའོ། ། བཙུན་པ་དགེ་སློང་གིས་དགེ་སློང་མ་དང་། དགེ་སློབ་མ་དང་། དགེ་ཚུལ་མས་བསྒོ་བ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་བསླབ་པ་སྩལ་བས་དགེ་སློང་མས་བསྒོ་བའི་ཟས་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། བཙུན་པ་དགེ་སློང་མས་བསྒོ་བའི་ཟས་འཚལ་ན་ཅིར་ འགྱུར། སོ་སོར་བཤགས་པར་བྱ་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ། ། ། །

མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་དང་ནི་གླེན་པའོ། ། སངས་རྒྱས་བཅོམ་ ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་འདུན་ལ་སློབ་པའི་གྲོང་དུ་གྱུར་པ་དེ་ལ་སློབ་པའི་སྡོམ་པ་སྩལ་བ་ལས་ཡང་དགེ་སློང་གང་གིས་སློབ་པའི་གྲོང་ལ་བསླབ་པའི་སྡོམ་པ་བཅས་པ་དེ་ལྟ་བུ་ལས་རང་གི་སུག་པས་བཅའ་བ་དང་། བཟའ་བ་བླངས་ཏེ་ འཚལ་ན་སོ་སོར་བཤགས་པར་བགྱི་བའོ་ཞེས་གསུངས་ན། བཙུན་པ་དགེ་སློང་གིས་བསླབ་པའི་སྡོམ་པ་སྩལ་བ་ལས་ཕྲིན་གྱིས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་ གཅིག་ཏུ་བརྒྱུད་ནས་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་སྨྱོན་པའི་གྲོང་ནས་བཟའ་བ་དང་བཅའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། མ་ནིང་དང་། མ་ནིང་མོ་དང་།

འགྲོ་བ་གཞན་དུ་གནས་པ་རྣམས་ལས་བཅའ་བ་དང་བཟའ་བ་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། གཞན་གྱིས་གཞན་ཕྱིར་དེ་བཞིན་ཏེ། ། སྔགས་དང་ཁ་ཟས་དང་མི་རུང་དང་། ། མགྲོན་པོས་མཚན་ཀྱང་དེ་བཞིན་ ཏེ། ། དེ་ལྟར་བཞི་པ་དགེ་སློང་མའོ། ། བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་གཞན་གྱིས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསླབ་པའི་སྡོམ་པ་སྩལ་པའི་གྲོང་ནས་གཞན་གྱི་སླད་དུ་བཅའ་བ་དང་བཟའ་བ་བླངས་ཏེ་བདག་ ཉིད་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་ཟན་མ་གཏོགས་ པར་དེ་ལས་གཞན་པའི་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་མི་རུང་བའི་ཟས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་བསླབ་པའི་ སྡོམ་པ་སྩལ་བའི་གྲོང་ནས་བདག་གི་སུག་པས་བཅའ་བ་དང་བཟའ་བ་བླངས་ཏེ་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་སྔར་གྲོང་དུ་མགྲོན་དུ་བོས་པར་གྱུར་ལ་དེའི་འོག་ཏུ་དགེ་འདུན་གྱིས་བསླབ་པའི་སྡོམ་པ་བྱིན་པར་གྱུར་པའོ། བཙུན་ པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་འཚལ་བ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སོ་སོར་བཤགས་པར་བྱ་བའོ། ། བཙུན་པ་དགེ་སློང་མས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་འཚལ་བ་ན་མཚན་འཕོས་ཏེ་ དགེ་སློང་དུ་གྱུར་ན་ཅིར་འགྱུར། སོ་སོར་བཤགས་པར་བྱ་བའོ། ། བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་སྩལ་བར་འདུ་ཤེས་ཏེ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། སྩལ་བ་ལ་མ་སྩལ་བར་འདུ་ཤེས་ཏེ་འཚལ་ ན་ཅིར་འགྱུར། ཉེས་བྱས་སོ། ། མ་སྩལ་བ་ལ་སྩལ་བར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། ། མ་སྩལ་བ་ལ་མ་སྩལ་བར་འདུ་ཤེས་ན་ཅིར་འགྱུར། ཉེས་པ་མེད་དོ། །

བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་མི་ལ་མིར་འདུ་ཤེས་ནས་བཅའ་བ་དང་། བཟའ་བ་ ཞིག་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། ། མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། ། བཙུན་པ་བསླབ་པ་སྩལ་བས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། བཙུན་པ་དགེ་སློང་མས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་ བཤགས་པར་བྱ་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་འཚལ་ན་ཅིར་འགྱུར། ཉེས་བྱས་སོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་འགྲོ་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་འདུན་དགོན་པ་ལ་གནས་པར་གྱུར་པ་ན་དོགས་པ་དང་བཅས་པར་འཚལ།

འཇིགས་པ་དང་བཅས་པར་འཚལ། འཇིགས་ཤིང་སྐྲག་པ་དང་བཅས་པར་འཚལ་བཞིན་དུ་ ཡང་དགེ་སློང་གིས་དེ་ལྟ་བུ་དགེ་འདུན་དགོན་པ་ལ་གནས་ཤིང་དོགས་པ་དང་བཅས་པར་འཚལ། འཇིགས་པ་དང་བཅས་པར་འཚལ། འཇིགས་ཤིང་སྐྲག་པ་དང་བཅས་པར་འཚལ་བཞིན་དུ་ཀུན་དགའ་ར་བའི་སླད་རོལ་ནས་བཅའ་བ་དང་། བཟའ་བ་བླངས་ཏེ། ཀུན་དགའ་ར་བའི་ནང་ན་བཅའ་བ་དང་བཟའ་བ་འཚལ་ན་སོ་སོར་བཤགས་པར་བགྱིའོ་ཞེས་གསུངས་ན། བཙུན་པ་དགེ་སློང་གིས་དེ་ལྟ་བུར་དགོན་པ་ལ་གནས་པ་ན་ཀུན་དགའ་ར་བའི་སླད་རོལ་ནས་བཅའ་བ་དང་བཟའ་བ་བླངས་ཏེ་ཀུན་དགའ་ར་བའི་ནང་ན་བཅའ་བ་དང་བཟའ་བ་ཕྲིན་གྱིས་བླངས་ཏེ་འཚལ་ ན་ཅིར་འགྱུར། ཉེས་བྱས་སོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དེ་ལྟ་བུར་དགོན་པ་ལ་གནས་པ་ན་ཀུན་དགའ་ར་བའི་སླད་རོལ་ནས་སྨྱོན་པ་ ཞིག་ལས་བཅའ་བ་དང་བཟའ་བ་རྣམས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། མ་ནིང་དང་། མ་ནིང་མོ་དང་། མཚན་གཉིས་པ་དང་།

འགྲོ་བ་གཞན་དུ་གནས་པ་ རྣམས་ལ་ཀུན་དགའ་ར་བའི་སླད་རོལ་ནས་བཅའ་བ་དང་བཟའ་བ་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། ། ། ། མདོར་ན། གཞན་གྱིས་གཞན་ཕྱིར་དེ་བཞིན་ཏེ། ། སྔགས་དང་ཟས་དང་མི་རུང་བ། ། རབ་ཏུ་རྟོགས་དང་དེ་བཞིན་དུ། ། རྐུན་པོ་མཚན་དང་བཞི་པའོ། ། བཙུན་པ་དགེ་སློང་ གིས་དེ་ལྟ་བུར་དགོན་པ་ལ་གནས་པ་ན་ཀུན་དགའི་ནང་དུ་གཞན་གྱིས་བཅའ་བ་དང་བཟའ་བ་བླངས་ཏེ་བདག་ཉིད་ཀྱིས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དེ་ལྟ་བུར་དགོན་པ་ལ་གནས་པ་ན་གཞན་དག་གི་སླད་དུ་བཅའ་བ་དང་བཟའ་བ་བདག་ཉིད་ཀྱིས་བླངས་ཏེ་ཀུན་ དགའི་ནང་དུ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་དེ་ལྟ་བུར་དགོན་པ་ལ་གནས་པ་ན་སྔགས་དང་སྨན་གྱིས་བདག་ཉིད་མི་སྣང་བར་བསྒྱུར་ཏེ་ཀུན་དགའི་ནང་ན་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་དེ་ལྟ་བུར་ དགོན་པ་ལ་གནས་པ་ན་ཟས་མ་གཏོགས་པའི་དེ་ལས་གཞན་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །

བཙུན་པ་དགེ་སློང་གིས་དེ་ལྟ་བུར་དགོན་པ་ན་གནས་པ་ན་ཀུན་དགའི་ནང་དུ་མི་རུང་བའི་ཟས་བླངས་ཏེ་འཚལ་ན་ཅིར་ འགྱུར། ཉེས་བྱས་སོ། ། བཙུན་པ་དགེ་སློང་གིས་དེ་ལྟ་བུར་དགོན་པ་ན་གནས་པ་ན་ཀུན་དགའི་ནང་ན་བཅའ་བ་དང་བཟའ་བ་བླངས་ཏེ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། རབ་ཏུ་ཡང་དག་པར་རྟོགས་པའི་ནགས་སུ་ཟོས་ན་ཉེས་པ་མེད་དོ། ། བཙུན་ པ་དགེ་སློང་གིས་དེ་ལྟ་བུར་དགོན་པ་ལ་གནས་པ་ན་ཡང་དག་པར་རྟོགས་པའི་ནགས་དང་ཀུན་དགའི་ནང་དུ་བཅའ་བ་དང་བཟའ་བ་བླངས་ཏེ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་རྐུན་པོའི་སྡེ་ཉེ་བར་གནས་བཞིན་དུ་ཟོས་ནའོ། ། བཙུན་པ་དགེ་སློང་གིས་ཀུན་དགའི་ནང་དུ་བཅའ་བ་དང་བཟའ་བ་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སོ་སོར་བཤགས་པར་བྱ་བའོ། ། བཙུན་པ་དགེ་སློང་མས་ཀུན་དགའི་ནང་དུ་བཟའ་བ་དང་བཅའ་བ་བླངས་ཏེ་འཚལ་བ་ན་མཚན་འཕོས་ཏེ་དགེ་སློང་དུ་ གྱུར་ན་ཅིར་འགྱུར། སོ་སོར་བཤགས་པར་བྱ་བའོ། །

བཙུན་པ་དགེ་སློང་གིས་རབ་ཏུ་ཡང་དག་པར་རྟོགས་པ་ལ་རབ་ཏུ་ཡང་དག་པར་རྟོགས་པར་འདུ་ཤེས་ཏེ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་པ་མེད་དོ། ། རབ་ཏུ་ཡང་དག་པར་རྟོགས་པ་ལ་རབ་ཏུ་ཡང་ དག་པར་མ་རྟོགས་པར་འདུ་ཤེས་ན་ཉེས་བྱས་སུ་འགྱུར་རོ། ། རབ་ཏུ་ཡང་དག་པར་མ་རྟོགས་པ་ལ་རབ་ཏུ་ཡང་དག་པར་རྟོགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། ། རབ་ཏུ་ཡང་དག་པར་མ་རྟོགས་པ་ལ་རབ་ཏུ་ཡང་དག་པར་མ་རྟོགས་པར་འདུ་ཤེས་ཏེ་འཚལ་ ན་ཅིར་འགྱུར། སོ་སོར་བཤགས་པར་བྱ་བའོ། ། དེ་བཞིན་དུ་མི་ལ་མིར་འདུ་ཤེས་པ་ཡང་བརྗོད་པར་བྱའོ། ། བཙུན་པ་བསླབ་པ་སྩལ་བས་རབ་ཏུ་ཡང་དག་པར་མ་རྟོགས་པའི་ནགས་སུ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། བཙུན་པ་དགེ་སློང་མས་རབ་ཏུ་ཡང་དག་པར་མ་གཏོགས་པའི་གནས་ཀྱི་ཀུན་དགའི་ནང་དུ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། ། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་ རོ། ། འདུལ་བའི་གཞུང་དམ་པ་ལས་སོ་སོར་ཐར་པ་རྣམ་པར་འབྱེད་པའི་བསླབ་པ་རྫོགས་{སྷོ,སོ}། ། ། ། མདོར་ན།

དབྱིབས་དང་ཁ་དོག་བར་ཆད་དང་། ། མཁན་པོ་གཉིས་དང་སུན་ཕྱུང་དང་། ། གནས་དང་གང་ཟག་གླིང་རྣམས་དང་། ། ས་དང་མཚམས་དང་བསྙེན་པར་ རྫོགས། ། ལྔ་པ་དང་ནི་ལས་གསུམ་དང་། ། ཁྱིམ་པ་མཐའ་འཁོབ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་སྐྱེས་པ་བུད་མེད་འདྲ་བ་རབ་ཏུ་དབྱུང་ཞིང་བསྙེན་པར་རྫོགས་པར་མ་བྱེད་ཅིག་ཅེས་གསུངས་ན། བཙུན་པ་སྐྱེས་པ་མདོག་བུད་མེད་འདྲ་བ། མཚན་མ་བུད་མེད་འདྲ་བ། སྐད་བུད་མེད་འདྲ་བ། དབྱིབས་བུད་མེད་འདྲ་བ་ཞིག་དགེ་སློང་གི་དངོས་པོར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་ པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་བུད་མེད་གཅིག་མདོག་སྐྱེས་པ་དང་འདྲ་བ། མཚན་མ་སྐྱེས་པ་དང་འདྲ་བ། སྐད་སྐྱེས་པ་དང་འདྲ་བ། དབྱིབས་སྐྱེས་པ་དང་འདྲ་བ་ཞིག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །

བཙུན་པ་བར་ཆད་ཀྱི་ཆོས་དང་ལྡན་པ་ཞིག་བདག་བར་ཆད་ཀྱི་ཆོས་དང་ལྡན་ནོ་ཞེས་སྨྲ་བའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་ བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བར་ཆད་ཀྱི་ཆོས་རྣམས་དང་ལྡན་པ་ཞིག་བདག་ནི་བར་ཆད་ཀྱི་ཆོས་དང་མི་ལྡན་ནོ་ཞེས་སྨྲ་བའི་གང་ཟག་དེ་དགེ་སློང་རྣམས་ཀྱིས་ དགེ་སློང་གི་དངོས་པོར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། ། བར་ཆད་ཀྱི་ཆོས་རྣམས་དང་མི་ལྡན་པ་ལ་བདག་ནི་ལྡན་ནོ་ཞེས་སྨྲ་བའི་ གང་ཟག་དེ་དགེ་སློང་དག་གིས་དགེ་སློང་གི་དངོས་པོར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། །

བར་ཆད་ཀྱི་ཆོས་རྣམས་དང་མི་ལྡན་པ་བདག་མི་ལྡན་ནོ་ཞེས་ སྨྲ་བའི་གང་ཟག་དེ་དགེ་སློང་རྣམས་ཀྱིས་དགེ་སློང་གི་དངོས་པོར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་ནི་བྱ་སྟེ། བསྙེན་པར་རྫོགས་པར་བྱེད་པ་ཡང་འདས་པ་དང་བཅས་པར་མི་འགྱུར་རོ། ། བཙུན་པ་བསྙེན་ པར་རྫོགས་པར་བགྱིད་པས་བར་ཆད་ཀྱི་ཆོས་རྣམས་མ་དྲིས་པར་བསྙེན་པར་རྫོགས་པར་བགྱིད་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པར་འགྱུར་རོ། ། བཙུན་པ་ལོ་ཉི་ཤུར་ མ་ལགས་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཤེས་པར་ནུས་པ་མ་གཏོགས་པར་ལྷག་མ་རྣམས་ནི་བསྙེན་པར་རྫོགས་པ་ཞེས་བྱའོ། ། བཙུན་པ་ལྷུང་བཟེད་མ་མཆིས། ཆོས་གོས་མ་མཆིས་པར་བསྙེན་པར་རྫོགས་པར་བགྱིས་ན་ བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་ཕ་དང་མས་མ་གནང་བར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ།

ཨུ་པཱ་ལི་བསྙེན་པར་ རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་ཕ་དང་མས་མ་གནང་བར་བསྙེན་པར་རྫོགས་པར་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེའི་ཕ་དང་མ་དུས་ལས་འདས་པར་གྱུར་ཏམ། བྱོལ་ སོང་དུ་གྱུར་ཏམ། ཇོ་བོས་གནང་བར་གྱུར་པའོ། ། བཙུན་པ་བུ་སྐལ་ཞིག་ན་དེ་གང་ལ་གསོལ། གང་གི་བུ་ཡིན་པར་ཁས་བླངས་པའོ། ། བཙུན་པ་བྲན་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་ པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་བརྐུས་པ་དང་། རྙེད་བརྩོན་དང་། རྒྱལ་པོ་ལ་གཅེས་པ་དང་། རྒྱལ་པོ་དང་འཁོན་པ་དང་། རྒྱལ་པོ་ལ་གནོད་པའི་ལས་བྱེད་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་ པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་ཟ་མ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་ པར་རྫོགས་པར་བྱེད་པ་ཡང་འདས་པ་དང་བཅས་པའོ། །

བཙུན་པ་མ་ནིང་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་ དགེ་སློང་མ་སུན་ཕྱུང་བ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། ། ཁ་ཅིག་ནི་བསྙེན་པར་མ་རྫོགས་པ་སྟེ། གང་གིས་དགེ་སློང་མ་ལ་མི་ཚངས་པར་སྤྱད་པས་སུན་ཕྱུང་བར་གྱུར་པ་ འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་ཡང་མི་སྣང་བར་བྱོས་ཤིག ། གང་གིས་དགེ་སློང་མ་ལུས་ལ་རེག་པ་ཙམ་གྱིས་སུན་ཕྱུང་བར་གྱུར་པ་ནི་བསྙེན་པར་རྫོགས་པ་ཞེས་བྱ་སྟེ། མ་བསྐྲད་ཅིག ། བཙུན་པ་མ་བསད་པའི་གང་ ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། ། ཁ་ཅིག་ནི་བསྙེན་པར་མ་རྫོགས་པ་སྟེ། གང་གིས་གཞན་དུ་འདུ་ཤེས་ནས་མ་འཚོ་བ་དང་ཕྲལ་བར་གྱུར་ཏམ། གཞན་དུ་སྦྱོར་བ་ཡང་རུང་སྟེ། འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱེད་ཅིག །

གང་གིས་ཤེས་བཞིན་དུ་མའི་འཚོ་བ་དང་ཕྲལ་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་མིག་ལམ་ན་སྣང་བར་མ་བྱེད་ཅིག ། ཇི་ལྟར་ མ་བསད་པ་དེ་བཞིན་དུ་ཕ་བསད་པ་དང་། དགྲ་བཅོམ་པ་བསད་པ་ལ་ཡང་བརྗོད་པར་བྱའོ། ། བཙུན་པ་དགེ་འདུན་གྱི་དབྱེན་བགྱིས་པའི་གང་ཟག་གིས་བསླབ་པ་ཕུལ་ཏེ་ཉམས་པར་བགྱིས་པ་དང་། དེས་སླར་ཡང་ལེགས་པར་གསུངས་པའི་ཆོས་འདུལ་བ་ལ་དད་དེ་ རབ་ཏུ་བྱུང་ནས་བསྙེན་པར་རྫོགས་ཏེ་དགེ་སློང་གི་དངོས་པོར་འཚལ་བ་དེ་དགེ་སློང་གིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། ། ཁ་ཅིག་ནི་བསྙེན་པར་མ་རྫོགས་པ་སྟེ། གང་གིས་ཆོས་ མ་ཡིན་པར་འདུ་ཤེས་པས་དགེ་འདུན་ཕྱེ་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་བྱོས་ཤིག ། གང་གིས་ཆོས་སུ་འདུ་ཤེས་ཏེ་དགེ་འདུན་ཕྱེ་བར་གྱུར་པ་འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་ གནས་ན་ཡང་མིག་ལམ་ན་མི་སྣང་བར་མ་བྱེད་ཅིག །

བཙུན་པ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། ། ཁ་ཅིག་ནི་བསྙེན་ པར་མ་རྫོགས་པ་ཞེས་བྱའོ། ། གང་གིས་དེ་བཞིན་གཤེགས་པ་ལ་ཤེས་བཞིན་དུ་ངན་སེམས་ཀྱིས་ཁྲག་ཕྱུང་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་ཡང་མི་སྣང་བར་བྱོས་ཤིག ། གང་གིས་དེ་བཞིན་གཤེགས་པ་ལ་ཤེས་ བཞིན་མ་ཡིན་པར་ངན་སེམས་མེད་པས་ཁྲག་ཕྱུང་བར་གྱུར་ན་འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱེད་ཅིག ། བཙུན་པ་མུ་སྟེགས་ཅན་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཁ་ཅིག་ནི་བསྙེན་ པར་རྫོགས་པ་ཞེས་བྱའོ། ། ཁ་ཅིག་ནི་བསྙེན་པར་མ་རྫོགས་པ་སྟེ། གང་དེས་ལྟ་བ་མ་སྤངས་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་པ་ན་མིག་ལམ་ན་མི་སྣང་བར་བྱོས་ཤིག ། དེ་སྟེ་དེས་ལྟ་བ་སྤངས་ན་བསྙེན་པར་རྫོགས་པ་ཞེས་བྱ་ སྟེ། ཉེ་བར་གནས་ན་མིག་ལམ་ན་མི་སྣང་བར་མ་བྱ་ཞིག །

བཙུན་པ་མུ་སྟེགས་ཅན་དུ་སོང་བའི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཁ་ཅིག་ནི་བསྙེན་པར་རྫོགས་པ་ཞེས་བྱའོ། ། ཁ་ཅིག་ནི་བསྙེན་པར་མ་རྫོགས་པ་ཞེས་བྱ་སྟེ། གང་ གིས་བསླབ་པ་མ་ཕུལ་བར་མུ་སྟེགས་ཅན་གྱི་རྒྱལ་མཚན་བཟུང་བར་གྱུར་ལ། དེའི་ལྟ་བ་ལ་ཡང་དགའ་བ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་ཡང་མི་སྣང་བར་བྱོས་ཤིག ། གང་གིས་བསླབ་པ་ཕུལ་ལ་མུ་སྟེགས་ཀྱི་རྒྱལ་མཚན་ བཟུང་བར་གྱུར་ནས་ཀྱང་དེའི་ལྟ་བ་ལ་ཡང་མི་དགའ་བར་གྱུར་པ་དེ་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱ་ཞིག ། བཙུན་པ་རྐུ་ཐབས་སུ་གནས་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཁ་ ཅིག་ནི་བསྙེན་པར་མ་རྫོགས་པའོ། ། ཁ་ཅིག་ནི་བསྙེན་པར་རྫོགས་པ་ཞེས་བྱ་སྟེ། གང་གིས་བརྐུ་སེམས་ཀྱིས་རང་གི་མཚན་མ་བླངས་ཏེ། ལན་གཉིས་ལན་གསུམ་དུ་གསོ་སྦྱོང་གི་ལས་ཉམས་སུ་མྱོང་བར་གྱུར་པ་འདི་ནི་བསྙེན་པར་མ་རྫོགས་པ་ཞེས་བྱ་སྟེ། ཉེ་བར་གནས་ནའང་ མིག་ལམ་ན་མི་སྣང་བར་བྱོས་ཤིག །

གང་གིས་བརྐུ་སེམས་ཀྱིས་རབ་ཏུ་མ་བྱུང་ལ་གསོ་སྦྱོང་གི་ལས་ལན་གཅིག་མྱོང་ངམ་མ་མྱོང་བར་གྱུར་པ་འདི་ནི་བསྙེན་པར་རྫོགས་པ་ཞེས་བྱ་སྟེ། ཉེ་བར་གནས་ན་ཡང་མིག་ལམ་ན་མི་སྣང་བར་མ་བྱ་ཞིག ། བཙུན་པ་སོ་སོར་གནས་པའི་གང་ ཟག་བསླབ་པ་ཕུལ་ནས་ཁྱིམ་པའི་དངོས་པོར་མཆིས་པ་ལས་དེ་སླར་ལེགས་པར་གསུངས་པའི་ཆོས་འདུལ་བ་ལ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་ནི་བྱ་སྟེ། བསྙེན་པར་རྫོགས་པར་བྱེད་པ་ནི་འདས་ པ་དང་བཅས་པའོ། ། བཙུན་པ་སྔར་ནོངས་པ་བྱུང་བ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ཡང་འདས་པ་དང་བཅས་པའོ། ། བཙུན་པ་ཇི་ཙམ་གྱིས་ན་སྔར་ནོངས་ པ་བྱུང་བ་ཞེས་བགྱི། ། ཨུ་པཱ་ལི་གང་གིས་སྔར་རབ་ཏུ་བྱུང་ལ་བསླབ་པ་མ་ཕུལ་བར་ཕས་ཕམ་པ་བཞི་ལས་གང་ཡང་རུང་བའི་ཕས་ཕམ་པ་བྱུང་བར་གྱུར་པ་དང་།

དེས་བསླབ་པ་མ་ཕུལ་ནས་ཁྱིམ་པའི་དངོས་པོར་སོང་བ་ལས་དེས་སླར་ཡང་ལེགས་པར་གསུངས་པའི་ཆོས་འདུལ་ བ་ལ་རབ་ཏུ་བྱུང་བསྙེན་པར་རྫོགས་ནས་དགེ་སློང་གི་དངོས་པོར་འདོད་པ་འདི་ནི་སྔོན་ཉེས་པ་བྱུང་བའི་གང་ཟག་ཅེས་བྱའོ། ། བཙུན་པ་བཅོམ་ལྡན་འདས་ཀྱིས་སྔོན་ནོངས་པ་བྱུང་བའི་གང་ཟག་བསྙེན་པར་རྫོགས་པར་མ་བྱ་ཞིག་ཅེས་གསུངས་ན། བཙུན་པ་སྔོན་ནོངས་པ་བྱུང་ བའི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དེས་དགེ་སློང་མ་ཐུན་མོང་མ་ཡིན་པའི་ཕས་ཕམ་པར་གྱུར་པ་དང་། དེས་བསླབ་པ་ཕུལ་ཏེ་ཁྱིམ་པའི་དངོས་པོར་སོང་ན་དེར་མཚན་འཕོས་ཏེ་སྐྱེས་པར་ གྱུར་ནས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ཏེ་དགེ་སློང་གི་དངོས་པོར་འདོད་པ་དང་། དགེ་སློང་གིས་བསྙེན་པར་རྫོགས་པར་བྱས་ན་འདི་ནི་བསྙེན་པར་རྫོགས་པ་ཞེས་བྱའོ། ། བཙུན་པ་བཅོམ་ལྡན་འདས་ཀྱིས་དགེ་སློང་མ་ལན་གཅིག་ སླར་བབས་པ་རབ་ཏུ་དབྱུང་ཞིང་བསྙེན་པར་རྫོགས་པར་མ་བྱ་ཞིག་ཅེས་གསུངས་ན། དེ་སྟེ་བཙུན་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ།

བསྙེན་པར་མ་རྫོགས་པ་ཞེས་བགྱི། བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་ བྱེད་པ་ཡང་འདས་པ་དང་བཅས་པའོ། ། བཙུན་པ་སྔར་འཁྲུགས་པའི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཁ་ཅིག་ནི་བསྙེན་པར་རྫོགས་པ་ཞེས་བྱ། ཁ་ཅིག་ནི་བསྙེན་པར་མ་རྫོགས་པ་ཞེས་ བྱ་སྟེ། གང་གིས་ལོ་ཉི་ཤུར་མ་ལོན་པར་ཤེས་པ་དང་། དེས་ཆོས་དང་འདུལ་བ་འདི་ཡིན་ཞེས་ཁས་བླངས་པའི་གང་ཟག་དེ་དགེ་སློང་གིས་བསྙེན་པར་རྫོགས་པར་བྱས་ན་འདི་ནི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་དེ་ནི་འདས་ པ་དང་བཅས་པར་མི་འགྱུར་རོ། ། བཙུན་པ་ཉེ་བར་ཕྱོགས་པས་བསླབ་པ་ཕུལ་ཏེ་ཁྱིམ་པའི་དངོས་པོར་མཆིས་ནས་ལེགས་པར་གསུངས་པའི་ཆོས་འདུལ་བ་ལ་བསྙེན་པར་རྫོགས་པར་བགྱིས་ན། བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་ པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་བསླབ་པ་སྩལ་བས་བསླབ་པ་ཕུལ་ཏེ་ཁྱིམ་པའི་དངོས་པོར་མཆིས་པ་ལས།

དེ་སླར་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ཏེ་དགེ་སློང་ གི་དངོས་པོར་འཚལ་བ་དང་དེ་དགེ་སློང་གིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་བུ་ལོན་ཆགས་པ་བསྙེན་པར་རྫོགས་ པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་ནད་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་ རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་མཁན་པོ་མ་མཆིས་པར་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་ བྱེད་པ་ནི་འདས་པ་དང་བཅས་པའོ། ། བཙུན་པ་བསྙེན་པར་རྫོགས་ཀར་མཁན་པོ་སྤོང་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ཁ་ཅིག་ནི་བསྙེན་པར་རྫོགས་པ་ཞེས་བྱའོ། ། ཁ་ཅིག་ནི་བསྙེན་པར་མ་རྫོགས་པ་ཞེས་བྱ་སྟེ།

གང་གིས་དགེ་སློང་ཉིད་ལ་མི་རིགས་ པའོ། ། ངོ་ཚ་མེད་པའོ། ། འཛེམ་པ་མེད་པའོ་ཞེས་སྨོད་ཅིང་མཁན་པོ་སྤོང་བ་འདི་ནི་བསྙེན་པར་མ་རྫོགས་པ་ཞེས་བྱའོ། ། གང་གིས་མཁན་པོ་ལ་མི་རིགས་པའོ། ། ངོ་ཚ་མེད་པའོ་ཞེས་སྨོད་ཀྱིས་དགེ་སྦྱོང་ཉིད་ལ་མ་ཡིན་པ་མཁན་པོ་སྤངས་པ་འདི་ནི་བསྙེན་པར་རྫོགས་ པ་ཞེས་བྱའོ། ། བཙུན་པ་བཅོམ་ལྡན་འདས་ཀྱིས་འཁོར་སུན་འབྱིན་པའི་གང་ཟག་རབ་ཏུ་དབྱུང་ཞིང་བསྙེན་པར་རྫོགས་པར་མ་བྱ་ཞིག་ཅེས་གསུངས་ན། བཙུན་པ་དེས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་འཁོར་སུན་ འབྱིན་པ་བཞི་སྟེ། སྔར་འཁྲུགས་པ་མ་གཏོགས་པའི་ལྷག་མ་རྣམས་ནི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་ལས་བགྱིད་པ་ཕྱོགས་གཅིག་ཏུ་མཆིས་ལ་གནས་བཞིར་གང་ཟག་བཞི་བསྙེན་པར་ རྫོགས་པར་བགྱིད་དུ་གནང་ངམ། གནང་སྟེ། དེ་ཡང་འདི་ལྟར་ལས་བྱེད་པའི་དགེ་སློང་གནས་བཞི་ཆར་གྱི་མཚམས་སུ་ཤིང་ངམ། ཁར་བའམ། རེ་ལྡེ་རྣམས་ཀྱིས་མནན་ཏེ་རེ་རེ་ནས་སམ། གཉིས་གཉིས་ནས་སམ། གསུམ་གསུམ་ནས་བསྙེན་པར་རྫོགས་ པར་བྱ་སྟེ། བཞིར་མ་ཚང་ནའོ། །

བཙུན་པ་ལས་གཅིག་གིས་གཉིས་སམ་གསུམ་བསྙེན་པར་རྫོགས་པར་གནང་ངམ། ཨུ་པཱ་ལི་གནང་ངོ་། ། བཙུན་པ་ལས་བགྱིད་པའི་དགེ་སློང་ཕྱོགས་གཅིག་ཏུ་མཆིས་ན་གསོལ་བ་གཅིག་དང་ལས་གཅིག་གིས་གང་ཟག་བཞི་ བསྙེན་པར་རྫོགས་པར་བགྱིས་ན་ལས་ཀྱང་བགྱིས་ལ་དགེ་སློང་དེ་དག་ཀྱང་འདས་པ་དང་བཅས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་ལས་བྱེད་པའི་དགེ་སློང་གིས་མཚམས་མནན་ཏེ། མཚམས་སུ་གནས་སམ། མཚམས་སུ་འགྲེང་ ངམ། མཚམས་སུ་འདུག་ནས། གཉིས་ནི་མཚམས་ཀྱི་ནང་དུ་བཞག་གཉིས་ནི་མཚམས་ཀྱི་ཕྱི་རོལ་དུ་བཞག་སྟེ་ལས་བྱེད་པའོ། ། བཙུན་པ་ནུབ་ཀྱི་བ་ལང་སྤྱོད་པའམ། ཤར་གྱི་ལུས་འཕགས་ཀྱི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་ པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། བཙུན་པ་བྱང་གི་སྒྲ་མི་སྙན་གྱི་གང་ཟག་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་ བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ཡང་འདས་པ་དང་བཅས་པའོ། །

བཙུན་པ་དོག་ས་ལ་མཆིས་པས་གྲངས་སུ་བསྐངས་ཏེ་ནམ་མཁའ་ལ་མཆིས་པ་བསྙེན་པར་རྫོགས་པར་གནང་ངམ། ཨུ་པཱ་ལི་མི་གནང་ངོ་། ། བཙུན་པ་ནམ་མཁའ་ ལ་མཆིས་པས་གྲངས་སུ་བསྐངས་ཏེ་དོག་ས་ལ་མཆིས་པ་བསྙེན་པར་རྫོགས་པར་གནང་ངམ། ཨུ་པཱ་ལི་མི་གནང་ངོ་། ། བཙུན་པ་དོག་ས་ལ་མཆིས་པའི་ལས་བགྱིད་པས་ནམ་མཁའ་ལ་མཆིས་པའི་ལས་བགྱིད་པར་གནང་ངམ། ཨུ་པཱ་ལི་མི་གནང་ངོ་། ། བཙུན་པ་ནམ་ མཁའ་ལ་མཆིས་པའི་ལས་བགྱིད་པས་དོག་ས་ལ་མཆིས་པའི་ལས་བགྱིད་དུ་གནང་ངམ། ཨུ་པཱ་ལི་མི་གནང་ངོ་། ། དེ་བཞིན་དུ་མཚམས་ཀྱི་ནང་ན་འདུག་པ་དང་། མཚམས་ཀྱི་ཕྱི་རོལ་ན་འདུག་པ་ཡང་བཞིར་བྱའོ། ། ། ། འདུལ་བ་གཞུང་དམ་པ། བམ་ པོ་བཅུ་དྲུག་པ། བཙུན་པ་བཅོམ་ལྡན་འདས་ཀྱིས་ལྗོངས་མཐའ་འཁོབ་ཏུ་འདུལ་བ་འཛིན་པ་དང་ལྔས་བསྙེན་པར་རྫོགས་པར་བྱོས་ཤིག་ཅེས་གསུངས་ན། བཙུན་པ་བཅུར་ཡང་མཆིས་ལ། མཆིས་བཞིན་དུ་འདུལ་བ་འཛིན་པ་དང་བཞིས་བསྙེན་པར་རྫོགས་པར་བགྱིས་ ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། །

བཙུན་པ་བཅོམ་ལྡན་འདས་ཀྱིས་ལྗོངས་ཀྱི་དབུས་སུ་འདུལ་བ་འཛིན་པ་དང་གྲངས་བཅུས་ལྷག་པ་ཡང་རུང་བས་ བསྙེན་པར་རྫོགས་པར་འགྱུར་རོ་ཞེས་གསུངས་ན། བཙུན་པ་གྲངས་ཉི་ཤུའམ་ལྷག་པར་ཀྱང་རུང་སྟེ། མཆིས་བཞིན་པ་ལས་གྲངས་ཉི་ཤུ་ལས་ཉུང་བས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཨུ་ པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། བཙུན་པ་བཅོམ་ལྡན་འདས་ཀྱིས་རྣམ་པ་ལྔས་ནི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་འདོད་པའི་མིང་ནས་བརྗོད་ནས་ལས་མི་ཉམས་པར་བྱེད་ པའི་བར་དུའོ་ཞེས་གསུངས་ན། བཙུན་པ་ལས་བགྱིད་པས་བསྙེན་པར་རྫོགས་པར་བགྱིད་པ་ན་བསྙེན་པར་རྫོགས་པར་འཚལ་བའི་མིང་ནས་མ་བརྗོད་ལ། མཁན་པོའི་མིང་ནས་བརྗོད། དགེ་འདུན་གྱི་མིང་ནས་བརྗོད། གསོལ་བ་ཡང་བགྱིས། ལས་ཀྱང་མ་ཉམས་ ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། ། བསྙེན་པར་རྫོགས་པར་འཚལ་བའི་མིང་ནས་བརྗོད། དགེ་འདུན་གྱི་མིང་ནས་བརྗོད་ལ།

མཁན་པོའི་མིང་ནས་ མ་བརྗོད། གསོལ་བ་ཡང་བགྱིས། ལས་ཀྱང་མ་ཉམས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། ། བསྙེན་པར་རྫོགས་པར་འཚལ་བའི་མིང་ནས་བརྗོད། མཁན་པོའི་མིང་ནས་བརྗོད་དེ། དགེ་འདུན་གྱི་མིང་ནས་མ་བརྗོད་ལ། གསོལ་བ་ནི་བགྱིས། ལས་ཀྱང་མ་ཉམས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་ པའོ། ། བསྙེན་པར་རྫོགས་པར་འཚལ་བའི་མིང་ནས་བརྗོད། མཁན་པོའི་མིང་ནས་བརྗོད། དགེ་འདུན་གྱི་མིང་ནས་ཀྱང་བརྗོད། གསོལ་བ་ནི་མ་བགྱིས་ལ། ལས་ཀྱང་མ་ཉམས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། ། བསྙེན་པར་རྫོགས་པར་འཚལ་བའི་མིང་ནས་བརྗོད། མཁན་པོའི་མིང་ནས་བརྗོད། དགེ་འདུན་གྱི་མིང་ནས་བརྗོད། གསོལ་བ་ཡང་བགྱིས་ལ། ལས་ནི་ཉམས་ན་བསྙེན་པར་རྫོགས་པ་ཞེས་ བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ།

བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། ། བཙུན་པ་དགེ་ཚུལ་ཕ་དགེ་སློང་མའི་ལས་ཀྱིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། བཙུན་པ་དགེ་སློབ་མ་དགེ་སློང་གི་ལས་ཀྱིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་ པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། བཙུན་པ་ལས་བགྱིད་པ་བསྙེན་པར་རྫོགས་པར་བགྱིད་པའི་ཚེ་དུས་ལས་འདས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་དེ་སྟེ་ལས་མང་དུ་བྱས་པར་གྱུར་ན་ནི་བསྙེན་པར་རྫོགས་པ་ཞེས་བྱའོ། ། བཙུན་པ་བསྙེན་ པར་རྫོགས་ཀར་ངག་གཅོག་ཅིང་བདག་བསྙེན་པར་རྫོགས་པར་མ་བགྱི་ཤིག་ཅེས་སླར་སྨྲ་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། བཙུན་པ་བསྙེན་པར་ རྫོགས་ཀར་ཁྱིམ་པ་ལགས་པར་འཚལ་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི།

མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། བཙུན་པ་མཐའ་འཁོབ་པ་འཕགས་པའི་སྐད་དུ་བསྙེན་ པར་རྫོགས་པར་བགྱིས་པ་དང་། མཐའ་འཁོབ་པ་དེས་ཀྱང་འཕགས་པའི་སྐད་མ་འཚལ་ན་བསྙེན་པར་རྫོགས་པ་ཞེས་བགྱིའམ། དེ་སྟེ་གསུང་རབ་འདི་དང་ལྡན་ཞིང་རབ་ཏུ་ལྡན་ལ་ཁས་ལེན་པའི་སེམས་ཡོད་ན་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ རྣམས་ནི་མི་བྱ་བ་མངོན་པར་སྤྱད་དེ་བསྙེན་པར་རྫོགས་པར་བྱས་པས་འདས་པ་དང་བཅས་པར་འགྱུར་རོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། ། སྙོམས་པར་ཞུགས་དང་འགྲོ་བ་མཚན། ། བཙུན་པ་སྨྱོན་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་དེ་སྟེ་བསྙེན་པར་རྫོགས་པའི་འདུ་ཤེས་ཡོད་ལ་ལུས་སམ་ཚིག་གིས་དམིགས་པས་ཁས་བླངས་ན་བསྙེན་པར་རྫོགས་པ་ཞེས་བྱའོ། ། ཇི་ལྟར་སྨྱོན་པ་བཞིན་དུ་སེམས་འཁྲུགས་པ་ དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱང་རྒྱས་པར་བརྗོད་པར་བྱའོ། །

བཙུན་པ་གཉིད་ལོག་པ་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་དེ་སྟེ་ལུས་དང་ཚིག་གིས་དམིགས་ལ་གསོལ་བ་ དང་ལས་བྱེད་པའི་ཚེ་གཉིད་ཀྱིས་ལོག་ཀྱང་བསྙེན་པར་རྫོགས་པ་ཞེས་བྱའོ། ། ཇི་ལྟར་གཉིད་ཀྱིས་ལོག་པ་དེ་བཞིན་དུ་ར་རོ་བ་དང་། སྙོམས་པར་ཞུགས་པ་རྣམས་ལ་ཡང་བརྗོད་པར་བྱའོ། ། བཙུན་པ་འགྲོ་བ་གཞན་དུ་གནས་པ་བསྙེན་པར་རྫོགས་པར་བགྱིས་ན་བསྙེན་པར་ རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། བཙུན་པ་བསྙེན་པར་རྫོགས་ཀར་མཚན་འཕོས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་རྫོགས་པ་ཞེས་བྱ་སྟེ། དགེ་སློང་མའི་ནང་དུ་སྤོས་ཤིག། ། ། མདོར་ན། སྨྱོན་པར་གྱུར་དང་སེམས་འཁྲུགས་དང་། ། ན་བ་འོན་པ་གླེན་པ་དང་། ། ཁྱིམ་པ་དག་ལ་སོགས་པ་རྣམས། ། བསླབ་པ་བྱིན་དང་དེ་ལྟར་མཚན། ། བཙུན་པ་ལས་བགྱིད་པའི་སྨྱོན་པས་བསྙེན་པར་རྫོགས་པར་བགྱིས་ན་ བསྙེན་པར་རྫོགས་པ་ཞེས་བགྱིའམ།

ཨུ་པཱ་ལི་གལ་ཏེ་ལས་བྱེད་པའི་དགེ་སློང་གིས་དགེ་འདུན་གྱི་འདུ་ཤེས་དང་ལྡན་ཞིང་གསོལ་བ་བྱས་ལ་ལས་ཀྱང་མ་ཉམས་ན་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། དེ་བཞིན་ དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། ལྐུགས་པ་དང་། འོན་པ་དང་། དེ་བཞིན་དུ་ར་རོ་བ་རྣམས་ལ་ཡང་བརྗོད་པར་བྱའོ། ། བཙུན་པ་ལས་བགྱིད་པ་ཁྱིམ་པས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་ མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔར་འཁྲུགས་པས་ལས་བགྱིད་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་དང་བཅས་པའོ། །

བཙུན་པ་ལས་བགྱིད་པ་ཟ་མས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ཀྱང་འདས་པ་ དང་བཅས་པའོ། ། བཙུན་པ་ལས་བགྱིད་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་ རྫོགས་པར་བྱེད་པ་རྣམས་ནི་འདས་པ་དང་བཅས་པའོ། བཙུན་པ་ལས་བགྱིད་པ་འགྲོ་བ་གཞན་དུ་གནས་པས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་མ་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་ དང་བཅས་པའོ། ། བཙུན་པ་བསྙེན་པར་རྫོགས་པར་བགྱིད་པ་ན་ལས་བགྱིད་པའི་མཚན་འཕོས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། ། འོན་པ་གླེན་པ་གཉིད་ལོག་དང་། ། ར་རོ་བ་དང་མྱོས་པ་དང་། །

སྙོམས་པར་ཞུགས་དང་འགྲོ་བ་མཚན། ། ཁྱིམ་པ་དག་ལ་སོགས་པ་རྣམས། ། བསླབ་པ་བྱིན་པ་ཐ་མའོ། ། བཙུན་པ་མཁན་པོ་སྨྱོན་པས་བསྙེན་པར་རྫོགས་པར་བགྱིས་ ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། དེ་བཞིན་དུ་མཁན་པོ་སེམས་འཁྲུགས་པ་དང་། ནད་ཀྱིས་གཟིར་བ་ནས། སྙོམས་པར་ཞུགས་པའི་བར་རྣམས་སོ། ། བཙུན་པ་མཁན་པོ་འགྲོ་བ་གཞན་དུ་གནས་པས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། བཙུན་པ་དགེ་ཚུལ་ཕ་བསྙེན་པར་ རྫོགས་པར་བགྱིད་པ་ན་མཁན་པོའི་མཚན་འཕོས་ན་བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། བཙུན་པ་མཁན་པོ་ཁྱིམ་པས་བསྙེན་པར་རྫོགས་པར་བགྱིས་ན་ བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་ནི་འདས་པ་དང་བཅས་པའོ། ། དེ་བཞིན་དུ་མཁན་པོ་ཟ་མ་དང་།

མ་ནིང་ནས་རྒྱས་པར་བསླབ་པ་སྩལ་བའི་བར་དུ་དེ་རྣམས་ཀྱིས་བསྙེན་པར་རྫོགས་པར་བགྱིས་ན་ བསྙེན་པར་རྫོགས་པ་ཞེས་བགྱིའམ། ཨུ་པཱ་ལི་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འདས་པ་དང་བཅས་པའོ། ། འདུལ་བ་གཞུང་དམ་པ་ལས་བསྙེན་པར་རྫོགས་པའི་དངོས་པོ་རྫོགས་{སྷོ,སོ}། ། ། ། མདོར་ན། ཕྱེད་ དང་གསུམ་དང་བསྐོར་བ་དང་། ། བཞི་པ་དང་ནི་མཚམས་དང་མཚན། ། ཞིག་དང་སྔ་མ་མཚམས་དང་ཤིང་། ། དབྱུང་དང་མི་རུང་ཁྱིམ་པ་དང་། ། དབྱུང་བ་ཐ་མ་སྨྲས་པའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ ཀྱིས་མཚམས་ཆེན་པོ་ཆོད་ཅིག་ཅེས་གསུངས་ན། བཙུན་པ་མཚམས་ཆེན་པོ་ཚད་ཇི་ཙམ། ཨུ་པཱ་ལི་དཔག་ཚད་ཕྱེད་དང་གསུམ་མོ། ། དེ་ཚུན་ཆད་ནི་ཐམས་ཅད་ཀྱང་ཆུང་ངུ་སྟེ། དཀྱིལ་འཁོར་གང་དུ་གྲངས་བཞི་བཅུ་བསྐོར་བར་ཤོང་བའོ། ། བཙུན་པ་དཔག་ཚད་ཕྱེད་ དང་གསུམ་ལས་འདས་པར་མཚམས་བཀུམ་ན་དེ་མཚམས་ཞེས་བགྱིའམ། ཨུ་པཱ་ལི་མ་ཡིན་ཏེ། དཔག་ཚད་ཕྱེད་དང་གསུམ་ནི་མཚམས་སོ། ། དེ་ལས་འདས་པ་ནི་མཚམས་མ་ཡིན་ནོ། ། དེ་སྟེ་མཚམས་བཅད་ན་ཡང་མ་བཅད་པ་ཞེས་ བྱའོ། །

དགེ་སློང་རྣམས་ཀྱང་འདས་པ་དང་བཅས་པ་སྟེ། དེ་བཞིན་དུ་ཐམས་ཅད་ཤེས་པར་བྱའོ། ། བཙུན་པ་འོག་གི་མཚམས་གང་ལགས། ཨུ་པཱ་ལི་ཆུ་ཡོད་པའི་བར་དུའོ། ། བཙུན་པ་དཔག་ཚད་ཕྱེད་དང་གསུམ་ལས་འདས་པ་ན་ཆབ་མཆིས་ན་དེ་མཚམས་ ཞེས་བགྱིའམ། ཨུ་པཱ་ལི་མ་ཡིན་ཏེ། དཔག་ཚད་ཕྱེད་དང་གསུམ་ནི་མཚམས་སོ། ། དེ་མན་ཆད་ནི་མཚམས་མ་ཡིན་ནོ། ། བཙུན་པ་སྟེང་གི་ནམ་མཁའ་ལ་མཚམས་གང་ལགས། ཨུ་པཱ་ལི་ཇི་ཙམ་རྩིག་རྒལ་ལམ་ཤིང་གི་རྩེ་མོ་ཡོད་པའོ། ། བཙུན་པ་དཔག་ཚད་ཕྱེད་ དང་གསུམ་ལས་འདས་པ་ན་རྩིག་རྒལ་ལམ་ཤིང་གི་རྩེ་མོ་མཆིས་ན་དེ་མཚམས་ཞེས་བགྱིའམ། ཨུ་པཱ་ལི་མ་ཡིན་ཏེ། དཔག་ཚད་ཕྱེད་དང་གསུམ་ནི་མཚམས་ཞེས་བྱའི། དེ་ཡན་ཆད་ནི་མཚམས་མ་ཡིན་ནོ། ། བཙུན་པ་རིའི་རྩེ་མོའི་མཚམས་གང་ལགས། ཨུ་པཱ་ལི་ཆུ་མིག་ ཡོད་པའོ། ། བཙུན་པ་དཔག་ཚད་ཕྱེད་དང་གསུམ་ལས་འདས་པ་ན་ཆབ་མིག་མཆིས་ན་དེ་མཚམས་ཞེས་བགྱིའམ། ཨུ་པཱ་ལི་མ་ཡིན་ཏེ། དཔག་ཚད་ཕྱེད་དང་གསུམ་ནི་མཚམས་སོ། ། དེ་ཡན་ཆད་ནི་མཚམས་མ་ཡིན་ནོ། ། བཙུན་པ་མཚམས་ལ་ཡང་མཚམས་ཀྱིས་ བསྐོར་བར་གནང་ངམ། ཨུ་པཱ་ལི་མི་གནང་སྟེ། རྒྱང་གྲགས་ཀྱི་མཚམས་དང་། རྩིག་པའི་མཚམས་དང་།

ཆུས་བསྐོར་བའི་དཀྱིལ་འཁོར་ནི་མ་གཏོགས་སོ། ། བཙུན་པ་ལས་བགྱིད་པ་འཕགས་པས་འཕགས་པའི་སྐད་དུ་མཚམས་བཀུམ་པ་དང་། དགེ་སློང་དེ་དག་ གིས་འཕགས་པའི་སྐད་མ་འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། ། བཙུན་པ་འཕགས་པས་མཐའ་འཁོབ་པའི་སྐད་དུ་མཚམས་བཀུམ་པ་དང་། དགེ་སློང་དེ་དག་གིས་ མཐའ་འཁོབ་པའི་སྐད་མ་འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་བཅད་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། ། བཙུན་པ་མཐའ་འཁོབ་པས་མཐའ་འཁོབ་པའི་སྐད་དུ་མཚམས་བཀུམ་པ་དང་། དགེ་སློང་དེ་དག་གིས་མཐའ་འཁོབ་ པའི་སྐད་མ་འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། ། བཙུན་པ་མཐའ་འཁོབ་པས་འཕགས་པའི་སྐད་དུ་མཚམས་བཀུམ་པ་དང་། དགེ་སློང་དེ་དག་གིས་འཕགས་པའི་སྐད་མ་ འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། ། བཙུན་པ་སྟེང་གི་ནམ་མཁའ་ལ་མཚམས་དགུམ་པར་རུང་ངམ། ཨུ་པཱ་ལི་མི་རུང་སྟེ། ཨུ་པཱ་ལི་དེ་ཅིའི་ཕྱིར་ཞེ་ན།

མཚམས་བསྟན་ དུ་མེད་པའི་ཕྱིར་རོ། ། བཙུན་པ་ཉི་མ་དང་ཟླ་བ་དང་སྐར་མས་མཚམས་དགུམ་དུ་རུང་ངམ། ཨུ་པཱ་ལི་མི་རུང་ངོ་། ། ཨུ་པཱ་ལི་དེ་ཅིའི་ཕྱིར་ཞེ་ན། དེ་ནི་འདི་ལྟར་ཉི་མ་དང་། ཟླ་བ་དང་། སྐར་མ་ནི་མི་བརྟན་ཞིང་གཡོ་བའི་ཕྱིར་རོ། ། བཙུན་པ་ཆུ་རླབས་དང་། ཆུ་རླབས་ཀྱི་རྒྱུད་ དམ། ཀླུང་གི་འགྲམ་དུ་མཚམས་དགུམ་དུ་རུང་ངམ། ཨུ་པཱ་ལི་མི་རུང་ངོ་། ། ཨུ་པཱ་ལི་དེ་ཅིའི་ཕྱིར་ཞེ་ན། དེ་ནི་འདི་ལྟར་ཆུ་རླབས་དང་། ཆུ་རླབས་ཀྱི་རྒྱུད་དང་། ཀླུང་གི་འགྲམ་ནི་གཡོ་ཞིང་མི་བརྟན་པའི་ཕྱིར་རོ། ། བཙུན་པ་དེ་སྟེ་ཀླུང་གི་འགྲམ་བརྟན་པར་གྱུར་ན་མཚམས་དགུམ་ དུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་རྫུ་འཕྲུལ་ལམ་སྒྱུ་མས་མཚམས་དགུམ་དུ་རུང་ངམ། ཨུ་པཱ་ལི་མི་རུང་ངོ་། ། ཨུ་པཱ་ལི་དེ་ཅིའི་ཕྱིར་ཞེ་ན། དེ་ནི་འདི་ལྟར་རྫུ་འཕྲུལ་དང་སྒྱུ་མ་ནི་ཐ་སྙད་དུ་མི་འདོགས་པའི་ཕྱིར་རོ། ། བཙུན་པ་ཀླུང་ངམ། ཡུར་བ་ལས་མཚམས་བཟླར་ རུང་ངམ། ཨུ་པཱ་ལི་མི་རུང་སྟེ། དེ་ཀླུང་ངམ་ཡུར་ཆུ་རྟག་ཏུ་མི་འབབ་པར་གྱུར་པའོ། ། བཙུན་པ་རྟག་ཏུ་འབབ་པའི་ཆུ་གཏིང་ཟབ་པ་ལས་མཚམས་བཟླ་བར་རུང་ངམ། ཨུ་པཱ་ལི་རུང་སྟེ།

འདི་ལྟར་ཡང་ཀླུང་དང་ཡུར་ཆུ་དེ་ལས་ཤིང་ངམ་རྩིག་པ་འམ་རེ་ལྡེ་རྣམས་ཀྱིས་བཀབ་པར་གྱུར་ པའོ། ། བཙུན་པ་དེ་སྟེ་ཤིང་ངམ་རེ་ལྡེ་འཇིག་པའི་ཆོས་སུ་གྱུར་ན་ཞིག་པ་ཞེས་བགྱིའམ། དེ་སྟེ་སྦྱོར་བ་བཏང་ན་ཞིག་པ་ཞེས་བྱའོ། ། འོན་ཏེ་སླར་དགབ་པར་སྦྱོར་བ་མ་བཏང་ན་མ་ཞིག་པ་ཞེས་བྱའོ། ། བཙུན་པ་ལས་བགྱིད་པ་མཚམས་གཅོད་པ་ན་མཚན་གྱུར་ན་མཚམས་ བཅད་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱའོ། ། བཙུན་པ་མཚམས་ཀྱིས་མཚམས་དགྲོལ་དུ་རུང་ངམ། ཨུ་པཱ་ལི་རྒྱང་གྲགས་ཀྱི་མཚམས་དང་། རྩིག་པའི་མཚམས་མ་གཏོགས་པ་གཞན་མི་རུང་ངོ་། ། བཙུན་པ་མཚམས་འཇིག་པ་རྣམ་པ་དུ་མཆིས། ཨུ་པཱ་ ལི་ལྔ་སྟེ། མཚམས་མེད་པ་དང་། དགེ་སློང་མེད་པ་དང་། རེ་བ་མེད་པ་དང་། གསོལ་བ་དང་། ལས་དང་ལྔ་ཡིན་ནོ། ། བཙུན་པ་སྔོན་གྱི་མཚམས་མ་བཀྲོལ་བར་མཚམས་གཞན་དགུམ་དུ་རུང་ངམ། ཨུ་པཱ་ལི་རྒྱང་གྲགས་ཀྱི་མཚམས་དང་། རྩིག་པའི་མཚམས་དང་། དཀྱིལ་འཁོར་གྱི་མཚམས་མ་གཏོགས་པར་མི་རུང་ངོ་། ། ཨུ་པཱ་ལི་དེ་ཅིའི་ཕྱིར་ཞེ་ན། གསོལ་བ་དང་ལས་ཀྱིས་མཚམས་བཅད་དོ། ། གསོལ་བ་དང་ལས་ཀྱིས་མཚམས་དགྲོལ་ལོ། ། བཙུན་པ་མཚམས་བཀུམ་པས་མཚམས་དགྲོལ་བའམ།

མཚམས་བཀྲོལ་བས་མཚམས་ བཀུམ་པར་འགྱུར་བ་མཆིས་སམ། ཨུ་པཱ་ལི་ཡོད་དེ། ལས་ཀྱིས་མཚམས་བཅད་ན་རྒྱང་གྲགས་དང་། རྩིག་པའི་མཚམས་དགྲོལ་བ་ཞེས་བྱའོ། ། ལས་ཀྱིས་མཚམས་བཀྲོལ་ན་རྒྱང་གྲགས་ཀྱི་མཚམས་དང་། རྩིག་པའི་མཚམས་བཅད་པ་ཞེས་བྱའོ། ། བཙུན་པ་མཆི་ བའི་རྗེས་སུ་མཆི་བ་གང་ཨུ་པཱ་ལི་མཚམས་སོ། ། བཙུན་པ་མཆིས་པའི་རྗེས་སུ་མཆིས་པ་གང་། ཨུ་པཱ་ལི་མཚམས་སོ། ། བཙུན་པ་གནས་བཞི་འམ། ལྔ་འམ། དེ་ལས་མང་ཡང་རུང་ཤིང་གཅིག་གིས་མཚམས་དགུམ་པར་རུང་ངམ། ཨུ་པཱ་ལི་རུང་སྟེ། ཇི་ཙམ་དུ་མཚམས་ བསྒྲགས་ཤིང་གཞག་པར་ནུས་པའི་བར་དུའོ། ། བཙུན་པ་མཚམས་ནས་མཚམས་སྤོ་བར་རུང་ངམ། ཨུ་པཱ་ལི་མི་རུང་སྟེ། རྒྱང་གྲགས་ཀྱི་མཚམས་དང་། རྩིག་པའི་མཚམས་ནི་མ་གཏོགས་སོ། ། བཙུན་པ་སྤོ་མི་འཚལ་བའི་མཚམས་དུ། ཨུ་པཱ་ལི་གཅིག་སྟེ། ལས་ཀྱི་ མཚམས་སམ་ཆུ་མིག་གམ་ཁྲོན་པའོ། ། བཙུན་པ་རུང་བའི་ས་དང་། མི་རུང་བའི་སའོ་ཞེས་བགྱི་ན། བཙུན་པ་རུང་བའི་ས་གང་ལགས་ཨུ་པཱ་ལི་གནས་གང་ན་མཚམས་ཀྱི་ནང་ན་རུང་བའི་གནས་སུ་བྱིན་གྱིས་བརླབས་པར་གྱུར་པ་འདི་ནི་རུང་བའི་ས་ཞེས་བྱའོ། ། བཙུན་པ་མི་རུང་ བའི་ས་གང་ལགས།

ཨུ་པཱ་ལི་མཚམས་ཀྱི་ནང་དུ་རུང་བའི་གནས་བྱིན་གྱིས་མ་རླབས་པར་གྱུར་པ་འདི་ནི་མི་རུང་བའི་ས་ཞེས་བྱའོ། ། ཨུ་པཱ་ལི་དམ་པའི་ཆོས་ཡོད་པའི་བར་དུ་མི་རུང་བའི་ས་ཡང་ཡོད་དོ། ། ཨུ་པཱ་ལི་དམ་པའི་ཆོས་མེད་པར་གྱུར་ན་ཐམས་ཅད་ཀྱང་རུང་བའི་ སའོ། ། བཙུན་པ་ཇི་ཙམ་གྱིས་ན་དམ་པའི་ཆོས་མཆིས་པ་ཞེས་བགྱི། ཨུ་པཱ་ལི་གང་གི་ཚེ་ནན་ཏན་བྱེད་པ་རྣམས་ནན་ཏན་བྱེད་ཅིང་ལས་ཀྱང་བྱེད་དེ་ནན་ཏན་དུ་བྱ་བས་ནན་ཏན་བྱེད་ལ་ལས་ཀྱང་བྱེད་པའི་བར་དུ་ནི་དམ་པའི་ཆོས་ཡོད་པ་ཞེས་བྱའོ། ། བཙུན་པ་ཇི་ཙམ་གྱིས་ན་ དམ་པའི་ཆོས་མ་མཆིས་པར་གྱུར་པ་ཞེས་བགྱི། ཨུ་པཱ་ལི་གང་གི་ཚེ་ནན་ཏན་བྱེད་པ་རྣམས་ནི་ནན་ཏན་མི་བྱེད་ཅིང་ལས་ཀྱང་མི་བྱེད་དེ་ནན་ཏན་བྱེད་པས་ནན་ཏན་མི་བྱེད་ལ་ལས་ཀྱང་མི་བྱེད་པའི་ཚེ། དམ་པའི་ཆོས་མེད་པར་གྱུར་པ་ཞེས་བྱའོ། ། བཙུན་པ་ལས་བགྱིད་པ་ཁྱིམ་ པས་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་ལས་བྱེད་པ་ཟ་མ་དང་མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་།

མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་འཁྲུགས་པ་རྣམས་ཀྱིས་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ལས་བགྱིད་པ་དགེ་འདུན་གྱི་དབྱེན་ བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་ནི་བྱ་ལ། དགེ་འདུན་རྣམས་ནི་འདས་པ་དང་བཅས་པའོ། ། བཙུན་པ་ལས་བགྱིད་པ་སྨྱོན་པས་མཚམས་ བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་དེ་སྟེ་དགེ་སློང་གི་འདུ་ཤེས་དང་ལྡན་ལ་མཚན་མ་རྣམས་ཀྱང་སྟོན་ནུས་ཤིང་གསོལ་བ་ཡང་བྱས་ཏེ་ལས་མ་ཉམས་ན་མཚམས་བཅད་པ་ཞེས་བྱའོ། ། དེ་བཞིན་དུ་ལས་བྱེད་པ་སེམས་འཁྲུགས་པ་དང་། ནད་ཀྱིས་ གཟིར་བ་དང་། གླེན་པ་དང་། འོན་པ་རྣམས་ཀྱང་བརྗོད་པར་བྱའོ། ། བཙུན་པ་ལས་བྱེད་པ་འགྲོ་བ་གཞན་དུ་གནས་པས་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་མཚམས་བཀུམ་པ་ན་ལས་བགྱིད་པའི་དགེ་སློང་དུས་ལས་འདས་ ན་མཚམས་བཀུམ་པ་ཞེས་བགྱིའམ། ཨུ་པཱ་ལི་དེ་སྟེ་མཚམས་བསྒྲགས་པར་ཡང་རྟོགས་ལ།

ལས་ཀྱང་མང་དུ་བྱས་པར་གྱུར་ན་མཚམས་བཅད་པ་ཞེས་བྱའོ། ། ཨུ་པཱ་ལི་དེ་སྟེ་མཚམས་བསྒྲགས་པར་ཡང་མ་རྟོགས་ལ་ལས་ཀྱང་མང་དུ་མ་བྱས་པར་གྱུར་ན་མཚམས་མ་བཅད་ པ་ཞེས་བྱའོ། ། དེ་བཞིན་དུ་ཁྱིམ་པ་ཡིན་པར་ཤེས་པ་དང་། མ་ནིང་ཡིན་པ་དང་། དགེ་སློང་མ་སུན་ཕྱུང་བ་དང་། ཕ་དང་མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ཡིན་པ་དང་། མུ་སྟེགས་ཅན་དང་། མུ་སྟེགས་ཅན་ དུ་སོང་བ་ཡིན་པ་དང་། རྐུན་གནས་དང་། མི་གནས་པ་ཡིན་པ་དང་། སོ་སོར་གནས་པ་ཡིན་པ་དང་། སྔར་ཉེས་པ་བྱུང་བ་ཡིན་པ་དང་། སྔར་འཁྲུགས་པ་ཡིན་པར་ཤེས་པ་ནས། དེ་བཞིན་དུ་འགྲོ་བ་གཞན་དུ་གནས་པ་བདག་ཉིད་ཡིན་པར་ཤེས་པའང་རྒྱས་པར་བརྗོད་པར་ བྱའོ། ། བཙུན་པ་མཚམས་འགུམས་པ་ན་དགེ་འདུན་གྱི་དབྱེན་བགྱིས་པར་འཚལ་བ་དང་ཉེ་བར་ཕྱོགས་པ་དང་། བསླབ་པ་སྩལ་བ་ལགས་པར་འཚལ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། བཙུན་པ་ཁྱིམ་པས་གྲངས་སུ་བསྐངས་ཏེ་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མ་ཡིན་ནོ། །

དེ་བཞིན་དུ་མ་ནིང་ནས་སྔར་འཁྲུགས་པ་རྣམས་ཀྱི་བར་དུ་དེ་དག་གིས་གྲངས་སུ་བསྐངས་ཏེ་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་ མ་ཡིན་ནོ། ། བཙུན་པ་དགེ་སློང་ཟ་མས་གྲངས་སུ་བསྐངས་ཏེ་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་བཅད་པ་ཞེས་མི་བྱ་སྟེ། དགེ་འདུན་ཡང་འདས་པ་དང་བཅས་པའོ། ། དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་ པ་སྩལ་བ་རྣམས་ཀྱིས་གྲངས་སུ་བསྐངས་ཏེ་མཚམས་བཀུམ་ན་མཚམས་བཀུམ་པ་ཞེས་བགྱིའམ། ཨུ་པཱ་ལི་མཚམས་བཅད་པ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། ། ། མདོར་ན། མཚམས་དང་རུང་བའི་གནས་དག་དང་། ། ལས་གཅིག་ ཀླུང་ཡང་དེ་བཞིན་ཏེ། ། ཞིག་པ་དང་ནི་གླིང་གསུམ་དང་། ། གྲོང་དང་གསུམ་པ་དེ་བཞིན་ནོ། ། བཙུན་པ་མཚམས་ཀྱི་མཚན་མ་མཆིས་པར་གྱུར་ན་མཚམས་ཞིག་པ་ཞེས་བགྱིའམ། ཨུ་པཱ་ལི་ཞིག་པ་ཞེས་བྱའོ། ། བཙུན་པ་མཚམས་ཞིག་ན་རུང་བའི་གནས་ཀྱང་ཞིག་ པ་ཞེས་བགྱིའམ། ཨུ་པཱ་ལི་ཞིག་པ་ཞེས་བྱའོ། ། བཙུན་པ་ལས་གཅིག་དང་གསོལ་བ་གཅིག་གིས་ལས་བགྱིད་པ་ཕྱོགས་གཅིག་ཏུ་མཆིས་ཏེ་གནས་བཞིར་མཚམས་དགུམ་པར་རུང་ངམ། ཨུ་པཱ་ལི་རུང་སྟེ།

ཇི་ལྟར་ཡང་ལས་བྱེད་པའི་དགེ་སློང་དེས་གནས་བཞིའི་ མཚམས་སུ་ཤིང་ངམ། དབྱིག་པ་འམ། རེ་ལྡེ་ལ་མནན་ཏེ་མཚམས་བཅད་པའོ། ། བཙུན་པ་མཚམས་དགུམ་པའི་གནས་སུ་ཀླུང་ངམ་ཡུར་ཆུས་མཚམས་ནོན་ན་མཚམས་ཞིག་པ་ཞེས་བགྱིའམ། ཨུ་པཱ་ལི་དེ་སྟེ་མཚམས་ཀྱི་མཚན་མ་བརྟན་པ་ཡོད་ན་མ་ཞིག་པ་ཞེས་ བྱའོ། ། དེ་སྟེ་མཚམས་ཀྱི་མཚན་མ་མེད་པར་གྱུར་ན་ཞིག་པ་ཞེས་བྱའོ། ། བཙུན་པ་མཚམས་ཞིག་ན་ཆོས་གོས་དང་མི་འབྲལ་བའི་སྡོམ་པ་ཡང་མ་མཆིས་པ་ཞེས་བགྱིའམ། མཆིས་པ་ཞེས་བགྱི། ཨུ་པཱ་ལི་ཡོད་པ་ཞེས་བྱའོ། ། བཙུན་པས་ནི་ལས་ཀྱི་མཚམས་སུ་ཆོས་ གོས་དང་མི་འབྲལ་བའི་སྡོམ་པ་སྐོས་ཤིག་ཅེས་གསུངས་ན། བཙུན་པ་རྒྱང་གྲགས་ཀྱི་མཚམས་དང་། རྩིག་པའི་མཚམས་ལ་ཡང་ཆོས་གོས་དང་མི་འབྲལ་བའི་སྡོམ་པ་བསྐོ་བར་བགྱིའམ། དེ་སྟེ་དགོས་པར་གྱུར་ན་སྐོས་ཤིག ། བཙུན་པ་གྲོང་དང་གཙུག་ལག་ཁང་ ལྷན་ཅིག་ཏུ་མཆིས་ཏེ་མཚམས་འབྲེལ་བར་གྱུར་ན་དེ་ལ་ཆོས་གོས་དང་མི་འབྲལ་བར་གང་ཚུན་ཆད་བསྐོ་བར་བགྱི། གྲོང་གི་ཉེན་ཀོར་མ་གཏོགས་པའོ། ། བཙུན་པ་བཅོམ་ལྡན་འདས་ཀྱིས་ནི་གྲོང་ངམ་གྲོང་གི་ཉེན་ཀོར་མ་གཏོགས་པར་ཆོས་གོས་དང་མི་འབྲལ་བའི་ སྡོམ་པའོ་ཞེས་གསུངས་ན།

ཆོས་གོས་དང་མི་འབྲལ་བའི་སྡོམ་པ་བསྐོས་པ་ལས་གྲོང་ཞིག་དེར་བཙུགས་ན་དེ་ཕྱོགས་སུ་ཆོས་གོས་དང་མི་འབྲལ་བའི་སྡོམ་པ་ཞིག་པར་འགྱུར་རམ། ཨུ་པཱ་ལི་ཞིག་པ་ཞེས་བྱའོ། ། བཙུན་པ་ཆོས་གོས་དང་མི་འབྲལ་བའི་སྡོམ་པ་བསྐོས་ པ་ལས་གྲོང་གུད་དུ་འཕོས་ན་བཙུན་པ་ཅིའི་ཕྱིར་ཕྱོགས་དེར་ཡང་ཆོས་གོས་དང་མི་འབྲལ་བར་སྡོམ་པར་བསྐོ་བར་བགྱིའམ། ཨུ་པཱ་ལི་མི་དགོས་ཏེ། སྔོན་གྱི་སྡོམ་པ་གསོས་པས་ཆོག་གོ། ། ། ། མདོར་ན། དྲན་པ་བཞི་པ་གསུམ་པ་དང་། ། ལྔ་པ་དང་ནི་གཉིས་མཚན་ དང་། ། ཉེས་པ་གཉིས་དང་སྐབས་འབྱེད་དང་། ། སེམས་པ་འདུག་པ་ལངས་པ་དང་། ། ཁྱིམ་པ་དག་ལ་སོགས་པ་དང་། ། སྨྱོན་པ་འཆད་དང་མང་པོའོ། ། བཙུན་པ་དགེ་འདུན་གྱིས་སྐྱ་རེངས་ཤར་བའི་ཚེ་དེང་ནི་བདག་ཅག་གི་གསོ་སྦྱོང་ངོ་ཞེས་དྲན་པར་གྱུར་ན། དགེ་ སློང་དེ་དག་གིས་གསོ་སྦྱོང་ཇི་ལྟར་བགྱི། དེང་བདག་ཅག་གི་གསོ་སྦྱོང་ངོ་ཞེས་སེམས་ལས་ཚིག་ཏུ་བརྗོད་ཅིང་། འོན་ཏེ་དེ་ན་སོ་སོར་ཐར་པ་ཀློག་ན་བཀླགས་པ་ཞེས་བྱ་སྟེ། དགེ་སློང་དེ་དག་གིས་གསོ་སྦྱོང་ཡང་བྱས་མོད་ཀྱི་འདས་པ་དང་བཅས་པར་འགྱུར་རོ། ། བཙུན་ པ་བཅོམ་ལྡན་འདས་ཀྱིས་གསོ་སྦྱོང་གི་ལས་ལ་རྣམ་པ་བཞི་སྟེ།

ཆོས་བཞིན་མ་ཡིན་པར་བྱེད་ཅིང་མ་འདུས་པ་དང་། ཆོས་བཞིན་མ་ཡིན་པ་ལ་འདུས་པ་དང་། ཆོས་བཞིན་ལ་མ་འདུས་པ་དང་། ཆོས་བཞིན་ལ་འདུས་པ་རྣམས་སོ་ཞེས་གསུངས་ན། ཆོས་བཞིན་མ་ཡིན་ པར་བྱེད་ཅིང་མ་འདུས་པ་གང་ཞེ་ན། གང་གི་ཚེ་སོ་སོར་ཐར་པ་བཀླག་པར་བྱ་བ་དེའི་ཚེ་མི་ཀློག ། གང་གིས་བཀླག་པར་བྱ་བ་དེས་མི་ཀློག ། ཇི་ལྟར་བཀླག་པར་བྱ་བ་དེ་ལྟར་མི་ཀློག ། ཇི་སྲིད་དུ་བཀླག་པར་བྱ་བ་དེ་སྲིད་དུ་མི་ཀློག་པ་དང་མ་འདུས་པར་གྱུར་པའོ། ། ཆོས་བཞིན་ མ་ཡིན་པ་ལ་འདུས་པ་གང་ཞེ་ན། གང་གི་ཚེ་ན་སོ་སོར་ཐར་པ་བཀླག་པར་བྱ་བ་དེའི་ཚེ་མི་ཀློག་པ་ནས་རྒྱས་པར་ཇི་སྲིད་དུ་བཀླག་པར་བྱ་བ་དེ་སྲིད་དུ་མི་ཀློག་ཅིང་འདུས་པར་གྱུར་པའོ། ། ཆོས་བཞིན་ལ་མ་འདུས་པ་གང་ཞེ་ན། གང་གི་ཚེ་སོ་སོར་ཐར་པ་བཀླག་པར་བྱ་བ་དེའི་ཚེ་ ཀློག ། གང་གིས་བཀླག་པར་བྱ་བ་དེས་ཀློག ། ཇི་ལྟར་བཀླག་པར་བྱ་བ་དེ་ལྟར་ཀློག ། ཇི་ཙམ་དུ་བཀླག་པར་བྱ་བ་དེ་ཙམ་དུ་བཀླགས་པ་དང་མ་འདུས་པར་གྱུར་པའོ། ། ཆོས་བཞིན་ལ་འདུས་པ་གང་ཞེ་ན། གང་གི་སོ་སོར་ཐར་པ་བཀླག་པར་བྱ་བ་དེའི་ཚེ་ཀློག་པ་ནས་རྒྱས་ པར་ཇི་སྲིད་དུ་བཀླག་པ་དེ་སྲིད་དུ་ཀློག་ཅིང་འདུས་པར་གྱུར་པའི་བར་དུའོ།

། བཙུན་པ་འཕགས་པས་འཕགས་པའི་སྐད་དུ་སོ་སོར་ཐར་པ་བཀླགས་པ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་ བྱ་སྟེ། སོ་སོར་ཐར་པའི་མདོ་ཀློག་པ་ཡང་འདས་པ་དང་བཅས་པའོ། ། མཐའ་འཁོབ་པས་འཕགས་པའི་སྐད་དུ་སོ་སོར་ཐར་པ་བཀླགས་པ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་ བྱ་སྟེ། སོ་སོར་ཐར་པ་ཀློག་པ་ཡང་འདས་པ་དང་བཅས་པའོ། ། འཕགས་པས་མཐའ་འཁོབ་པའི་སྐད་དུ་སོ་སོར་ཐར་པ་བཀླགས་པ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་མི་བྱ་སྟེ། སོ་སོར་ཐར་པའི་མདོ་ཀློག་པ་ཡང་འདས་པ་དང་བཅས་པའོ། ། མཐའ་འཁོབ་པས་མཐའ་འཁོབ་པའི་སྐད་དུ་སོ་སོར་ཐར་པའི་མདོ་བཀླགས་པ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་མི་བྱ་སྟེ། སོ་སོར་ཐར་པའི་མདོ་ཀློག་པ་ཡང་འདས་པ་དང་བཅས་པའོ། །

བཙུན་པ་ས་ལ་གནས་པའི་གྲངས་ནམ་མཁའ་ལ་གནས་པས་བསྐངས་ཏེ་སོ་སོར་ཐར་པའི་མདོ་ཀློག་པ་བཀླགས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་སློང་དེ་དག་ཀྱང་འདས་པ་ དང་བཅས་པའོ། ། བཙུན་པ་ནམ་མཁའ་ལ་གནས་པའི་གྲངས་ས་ལ་གནས་པས་བསྐངས་ཏེ་སོ་སོར་ཐར་པའི་མདོ་ཀློག་པ་བཀླགས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། ། བཙུན་ པ་ས་ལ་གནས་པ་རྣམས་ལ་ནམ་མཁར་གནས་པས་སོ་སོར་ཐར་པའི་མདོ་ཀློག་ཅིང་གསོ་སྦྱོང་བགྱིས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་འདུན་དེ་དག་ཀྱང་འདས་པ་དང་བཅས་པའོ། ། བཙུན་པ་ནམ་མཁའ་ལ་གནས་པ་རྣམས་ལ་ས་ ལ་གནས་པས་སོ་སོར་ཐར་པའི་མདོ་ཀློག་ཅིང་གསོ་སྦྱོང་བགྱིས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། ། དེ་བཞིན་དུ་མཚམས་ཀྱི་ནང་ན་འདུག་པ་དང་། མཚམས་ཀྱི་ཕྱི་རོལ་ན་འདུག་པར་ལྷན་ཅིག་ རྒྱས་པར་བཞིར་བྱའོ། ། བཙུན་པ་སོ་སོར་ཐར་པ་བཀླག་པ་ལ་རྣམ་པ་དུ་མཆིས། ཨུ་པཱ་ལི་རྣམ་པ་ལྔ་སྟེ།

གསོལ་བ་བྱས་ནས་གླེང་གཞི་བཀླགས་ཏེ་ལྷག་མ་རྣམས་ཐོས་པར་ཟད་དོ་ཞེས་བསྒྲགས་པ་འདི་ནི་སོ་སོར་ཐར་པའི་མདོ་བཀླག་པ་དང་པོའོ། ། གསོལ་བ་བྱས་ནས་གླེང་གཞི་ བཀླགས་ཏེ་ཕས་ཕམ་པ་བཞི་བཀླགས་ནས་ལྷག་མ་རྣམས་ཐོས་པའོ་ཞེས་བསྒྲགས་པ་འདི་ནི་སོ་སོར་ཐར་པའི་མདོ་ཀློག་པ་གཉིས་པའོ། ། གསོལ་བ་བྱས་ཏེ་གླེང་གཞི་བཀླགས་ཏེ་ཕས་ཕམ་པ་བཞི་བཀླགས། དགེ་འདུན་གྱི་ལྷག་མ་བཅུ་གསུམ་བཀླགས་ལ་ལྷག་མ་རྣམས་ཐོས་ པའོ་ཞེས་བསྒྲགས་པ་འདི་ནི་སོ་སོར་ཐར་པའི་མདོ་བཀླག་པ་གསུམ་པའོ། ། གསོལ་བ་བྱས་ཏེ་གླེང་གཞི་བཀླགས། ཕས་ཕམ་པ་བཞི་དང་། དགེ་འདུན་གྱི་ལྷག་མ་བཅུ་གསུམ་དང་། མི་མངོན་པ་གཉིས་བཀླགས་ནས་ལྷག་མ་རྣམས་ཐོས་པའོ་ཞེས་བསྒྲགས་པ་འདི་ནི་སོ་སོར་ ཐར་པའི་མདོ་བཀླག་པ་བཞི་པ་སྟེ། རྒྱས་པར་ཀློག་པ་དང་འདི་ལྔའོ། ། བཙུན་པ་གསོ་སྦྱོང་གི་ལས་ལ་རྣམ་པ་དུ། ཨུ་པཱ་ལི་ལྔ་སྟེ། བཀླགས་པ་དང་། མི་བཀླག་པར་སེམས་བསྐྱེད་པ་དང་། བྱིན་གྱིས་བརླབས་པ་དང་། ཡོངས་སུ་དག་པ་དང་། སྐབས་འབྱེད་པ་དང་རྣམ་ པ་ལྔའོ། ། བཙུན་པ་སོ་སོར་ཐར་པའི་མདོ་ཀློག་པས་ཀློག་པའི་ཚེ་མཚན་གྱུར་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། །

བཙུན་པ་དགེ་སློང་ཕྱོགས་གཅིག་ཏུ་མཆིས་པས་གནས་བཞིར་སོ་སོར་ཐར་པའི་མདོ་བཀླགས་ལ་གསོ་སྦྱོང་ཡང་བགྱིས་ན་དགེ་སློང་དེ་ དག་འདས་པ་དང་བཅས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་སོ་སོར་ཐར་པའི་མདོ་ཀློག་པའི་དགེ་སློང་དེ་གནས་པའི་མཚམས་སུ་ཤིང་ངམ། དབྱིག་པའམ། རེ་ལྡེས་མནན་ཏེ་སོ་སོར་ཐར་པའི་མདོ་བཀླགས་པའོ། ། བཙུན་པ་གནས་གཅིག་པའི་ མཚམས་ཀྱི་ནང་དུ་གནས་གཅིག་པའི་དགེ་སློང་རྣམས་ཀྱིས་ཕྱོགས་བཞིར་སོ་སོར་གསོ་སྦྱོང་བགྱིས་ན་གསོ་སྦྱོང་ཀྱང་བགྱིས་ལ། དགེ་སློང་དེ་དག་ཀྱང་འདས་པ་དང་བཅས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གཅིག་གི་གཅིག་དད་པ་བྱིན་པའོ། ། བཙུན་པ་སོ་སོར་ ཐར་པའི་མདོ་ཀློག་པའི་དགེ་སློང་ཕྱོགས་གཅིག་ཏུ་མཆིས་པ་མཚམས་ཀྱི་ནང་དང་མཚམས་ཀྱི་སླད་རོལ་ན་གནས་པ་རྣམས་ལ་སོ་སོར་ཐར་པ་བཀླགས་ན་གསོ་སྦྱོང་ཀྱང་བགྱིས་ལ། དགེ་སློང་དེ་དག་ཀྱང་འདས་པ་དང་བཅས་པར་མི་འགྱུར་བ་མཆིས་སམ། ། ཨུ་པཱ་ལི་ཡོད་དེ།

འདི་ ལྟར་ཡང་སོ་སོར་ཐར་པའི་མདོ་ཀློག་པའི་དགེ་སློང་གིས་མཚམས་ནོན་ཏེ་མནན་ནས་མཚམས་སུ་འགྲེང་ངམ་འདུག་ལ་མཚམས་ཀྱི་ནང་དང་མཚམས་ཀྱི་ཕྱི་རོལ་ན་གནས་པ་རྣམས་ལ་སོ་སོར་ཐར་པ་བཀླགས་པའོ། ། བཙུན་པ་དགེ་སློང་གིས་སོ་སོར་ཐར་པའི་མདོ་ཀློག་པ་ལྔ་ ལས་གང་ཡང་རུང་སྟེ། སོ་སོར་ཐར་པའི་མདོ་ཀློག་པ་མ་བཀླགས་ཀྱང་གསོ་སྦྱོང་བགྱིས་པར་འགྱུར་བ་མཆིས་སམ། ཨུ་པཱ་ལི་ཡོད་དེ་སྐབས་འབྱེད་པའི་ཚེ་སྐབས་འབྱེད་པས་སྐབས་ཕྱེ་བའོ། ། བཙུན་པ་དགེ་སློང་གིས་ཚིག་ཏུ་མ་སྨྲས་ཀྱང་གསོ་སྦྱོང་བགྱིས་པར་འགྱུར་བ་ མཆིས་སམ། ཨུ་པཱ་ལི་ཡོད་དེ། སེམས་བསྐྱེད་པས་སོ། ། བཙུན་པས་འཁོར་རྣམས་མ་ལངས་དགེ་སློང་རྣམས་ནི་མ་དོང་པའོ་ཞེས་གསུངས་ན། བཙུན་པ་ཇི་ཙམ་གྱིས་ན་འཁོར་མ་ལངས་པ་ཞེས་བགྱི། ཨུ་པཱ་ལི་གང་དུ་དགེ་སློང་བཞི་འམ། དེ་ལས་མང་དུ་འདུག་པར་གྱུར་ ན་མ་ལངས་པ་ཞེས་བྱའོ། ། བཞིར་མ་ཚང་ན་ནི་ལངས་པ་ཞེས་བྱའོ། ། བཙུན་པ་དགེ་སློང་གིས་སོ་སོར་ཐར་པའི་མདོ་ཀློག་པ་བཀླགས་པ་དང་སྟན་ལས་ལངས་ཏེ་མཆིས་ནས་དགེ་སློང་མཆིས་བཞིན་དུ་འཚལ་བར་མ་བགྱིས་ཀྱང་ཀུན་དུ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ།

བཤང་བ་དང་གཅི་བའི་སར་སོང་སྟེ་དེ་ན་ཡང་ཐོས་པའི་ཉེ་འཁོར་ལས་མ་འདས་པའོ། ། ཁྱིམ་པས་སོ་སོར་ཐར་པའི་མདོ་ཀློག་པ་བགྱིས་ཏེ་གསོ་སྦྱོང་བགྱིས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་གསོ་སྦྱོང་མ་བྱས་པ་ཞེས་བྱ་སྟེ། དགེ་འདུན་ཡང་ འདས་པ་དང་བཅས་པའོ། ། དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། མི་གནས་པ་དང་། སོ་སོར་གནས་པ་དང་། འགྲོ་བ་གཞན་དུ་གནས་པ་ནས། སྔར་འཁྲུགས་པའི་བར་དུ་དེ་དག་ནི། ཨུ་པཱ་ལི་གསོ་སྦྱོང་མ་བྱས་པ་ཞེས་བྱ་སྟེ། དགེ་འདུན་ ཡང་འདས་པ་དང་བཅས་པའོ། ། བཙུན་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་སོ་སོར་ཐར་པའི་མདོ་ཀློག་པ་བགྱིས་ཏེ་གསོ་སྦྱོང་བགྱིས་ན་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་རྣམས་ནི་འདས་པ་ དང་བཅས་པའོ། ། བཙུན་པ་སྨྱོན་པས་སོ་སོར་ཐར་པའི་མདོ་ཀློག་པ་བགྱིས་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་རྣམས་ནི་འདས་པ་དང་བཅས་པའོ། ། བཙུན་པ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་།

འོན་པས་ སོ་སོར་ཐར་པའི་མདོ་ཀློག་པ་བགྱིས་ཏེ་གསོ་སྦྱོང་བགྱིས་ན་གསོ་སྦྱོང་བགྱིས་པ་ཞེས་བགྱིའམ། གསོ་སྦྱོང་བྱས་པ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། ཇི་ལྟར་སོ་སོར་ཐར་པའི་མདོ་ཀློག་པ་དེ་བཞིན་དུ་མང་པོར་བསྐང་བ་ཡང་རྒྱས་པར་སྦྱར་རོ། ། ། ། མདོར་ན། མ་ཕུལ་བླངས་པ་དགེ་འདུན་དང་། ། བཞི་པ་དང་ནི་གཉིས་པ་མཚན། ། ཁོར་བ་དང་ནི་གཅིག་ནས་གཅིག ། བྱིན་དང་ལམ་དང་དེ་བཞིན་མང་། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་ཏེ་ སྟེང་གི་ནམ་མཁའ་ལས་རེ་བ་མེད་པར་མཆིས་སམ། མཚམས་ཀྱི་སླད་རོལ་དུ་མཆིས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། ། བཙུན་པ་དེ་སྟེ་རེ་བ་དང་བཅས་པས་མཆི་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ས་ལ་གནས་པས་ནམ་མཁའ་ལ་གནས་པ་རྣམས་ལ་དད་པ་དང་ཡོངས་སུ་དག་པ་སྩལ་དུ་རུང་ངམ། ཨུ་པཱ་ལི་མི་རུང་ངོ་། ། བླང་དུ་རུང་ངམ། ཨུ་པཱ་ལི་མི་རུང་ངོ་། །

བཙུན་པ་ནམ་མཁའ་ལ་གནས་པས་ས་ལ་གནས་པ་རྣམས་ལ་དད་པ་དང་ཡོངས་སུ་ དག་པ་སྩལ་བར་རུང་ངམ། ཨུ་པཱ་ལི་མི་རུང་ངོ་། ། བླང་བར་རུང་ངམ། ཨུ་པཱ་ལི་མི་རུང་ངོ་། ། དེ་བཞིན་དུ་མཚམས་ཀྱི་ནང་དུ་འདུག་པ་དང་མཚམས་ཀྱི་ཕྱི་རོལ་ན་འདུག་པ་རྣམས་ལ་ཡང་བཞིར་བྱའོ། ། བཙུན་པ་དགེ་སློང་གིས་དགེ་འདུན་ཐམས་ཅད་འདུས་ཤིང་ཚོགས་པ་ལ་དད་པ་དང་ ཡོངས་སུ་དག་པ་ཕུལ་ན་དེས་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། ། སུས་རྨ་བར་བགྱི། སུས་ཀྱང་མ་ཡིན་ནོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་དད་པ་དང་ཡོངས་སུ་དག་པ་ཕུལ་བ་དང་། དགེ་སློང་དེས་ཀྱང་ འཕགས་པའི་སྐད་མ་འཚལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། འཕགས་པས་མཐའ་འཁོབ་པའི་སྐད་དུ་དད་པ་དང་ཡོངས་སུ་དག་པ་ཕུལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་དད་པ་དང་ཡོངས་སུ་དག་པ་ཕུལ་བ་ ཞེས་བགྱིའམ། ཨུ་པཱ་ལི་མ་ཡིན་ནོ། ། མཐའ་འཁོབ་པས་མཐའ་འཁོབ་པའི་སྐད་དུ་དད་པ་དང་ཡོངས་སུ་དག་པ་ཕུལ་བ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ།

ཨུ་པཱ་ལི་མ་ཡིན་ནོ། ། མཐའ་འཁོབ་པས་ འཕགས་པའི་སྐད་དུ་དད་པ་དང་ཡོངས་སུ་དག་པ་ཕུལ་བ་དང་། དགེ་སློང་དེས་ཀྱང་འཕགས་པའི་སྐད་དུ་མ་འཚལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དགེ་སློང་གིས་ལུས་ཀྱི་དམིགས་པས་སྐད་མ་བརྗོད་ན་དད་པ་དང་ཡོངས་སུ་དག་པ་ ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། ། ཚིག་གིས་སྨྲས་པ་ལུས་ཀྱིས་མ་ལགས་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། ། ལུས་དང་ཚིག་གིས་སྨྲས་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། ། ལུས་ཀྱིས་ཀྱང་མ་ལགས་ཚིག་གིས་ཀྱང་མ་ལགས་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དད་པ་དང་ཡོངས་སུ་དག་པ་སྩལ་བ་ལས་དད་པ་དང་ཡོངས་སུ་དག་པ་ལེན་པའི་དགེ་སློང་མཚན་འཕོས་ན་མ་ཕུལ་བ་ ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་གཅིག་ནས་གཅིག་ཏུ་བརྒྱུད་དེ་དད་པ་དང་ཡོངས་སུ་དག་པ་ཕུལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །

བཙུན་པ་ཆད་པ་ཁོར་བས་དད་པ་དང་ཡོངས་སུ་ དག་པ་ཕུལ་ན་དད་པ་དང་ཡོངས་སུ་དག་པ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། ། བཙུན་པ་དགེ་སློང་གིས་དད་པ་དང་ཡོངས་སུ་དག་པ་ཕུལ་ནས་ཁྱིམ་པར་ཁས་བླངས་ན་དད་པ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ ཞེས་བྱའོ། ། དེ་བཞིན་དུ་མ་ནིང་ལགས་པར་ཁས་བླངས་པ་ནས། སྔར་འཁྲུགས་པ་ལགས་པར་ཁས་བླངས་པའི་བར་དུ་རྒྱས་པར་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། ། བཙུན་པ་དགེ་སློང་གིས་དད་པ་དང་ཡོངས་སུ་དག་པ་ཕུལ་ནས་ཟ་མ་ ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། ། དེ་སྟེ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་ནས་ཁྱིམ་པ་ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། ། དེ་བཞིན་དུ་མ་ནིང་ལགས་པར་ཁས་བླངས་པ་ནས།

སྔར་འཁྲུགས་པ་ ལགས་པར་ཁས་བླངས་པའི་བར་དུ་རྒྱས་པར་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། ། བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་པ་དང་། ཟ་མ་དང་། མི་གནས་པ་དང་། སོ་སོར་གནས་པ་རྣམས་ལགས་པར་ཁས་བླངས་ན་ དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། ། བཙུན་པ་དགེ་སློང་གིས་དགེ་འདུན་གྱི་དབྱེན་བགྱིས་པ་ལགས་པར་ཁས་བླངས་པའམ། ཉེ་བར་ཕྱོགས་པ་དང་། བསླབ་པ་སྩལ་བ་ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་ཏེ་དགེ་འདུན་གྱི་ནང་དུ་མཆིས་ནས་ཁྱིམ་པ་ལགས་པར་ཁས་བླངས་ན་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། དེ་བཞིན་དུ་མ་ནིང་ནས་སྔར་ འཁྲུགས་པ་ལགས་པར་ཁས་བླངས་པའི་བར་དུ་རྒྱས་པར་དད་པ་དང་ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། །

བཙུན་པ་དགེ་སློང་གིས་དད་པ་དང་ཡོངས་སུ་དག་པ་བླངས་ཏེ་དགེ་འདུན་གྱི་ནང་དུ་མཆིས་ནས་ཟ་མ་ལགས་པར་ཁས་བླངས་ན་དད་པ་དང་ ཡོངས་སུ་དག་པ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་དགེ་འདུན་གྱི་དབྱེན་བགྱིས་པ་དང་། མི་གནས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལགས་པར་ཁས་བླངས་ན། བཙུན་པ་དད་པ་དང་ཡོངས་སུ་དག་པ་མ་ ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། གསོ་སྦྱོང་གི་དངོས་པོ་རྫོགས་སོ། ། ། ། འདུལ་བ་གཞུང་དམ་པ། བམ་པོ་བཅུ་བདུན་པ། མདོར་ན། བཞི་པ་རྣམ་པ་བཞི་པ་དང་། ། དངོས་པོ་གནས་གཉིས་དེ་བཞིན་ཏེ། ། དྲན་པ་འགྲོ་བ་སྤངས་པ་དང་། ། འདུག་ པ་དག་དང་ལངས་པ་མཚན། ། ཁྱིམ་པ་དག་ལ་སོགས་པ་དང་། ། སྨྱོན་པ་དང་ནི་ཆད་པའི་གྲངས། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་སྐབས་འབྱེད་པའི་ལས་ལ་རྣམ་པ་དུ་མཆིས། ཨུ་པཱ་ལི་བཞི་སྟེ། ཆོས་བཞིན་མ་ཡིན་པས་སྐབས་འབྱེད་ ཅིང་མ་འདུས་པ་དང་། ཆོས་བཞིན་མ་ཡིན་པར་འདུས་པ་དང་། ཆོས་བཞིན་དུ་མ་འདུས་པ་དང་ཆོས་བཞིན་དུ་འདུས་པའོ། ། ཆོས་བཞིན་མ་ཡིན་པས་སྐབས་འབྱེད་པ་གང་ཞེ་ན།

གང་གི་ཚེ་སྐབས་འབྱེད་པར་བྱ་བ་དེའི་ཚེ་ན་སྐབས་འབྱེད་པར་མི་བྱེད་པ་དང་། ཇི་ལྟར་སྐབས་ དབྱེ་བ་དེ་ལྟར་སྐབས་འབྱེད་པ་དེ་མི་བྱེད་པ་དང་། ཇི་ཙམ་དུ་སྐབས་དབྱེ་བར་བྱ་བ་དེ་ཙམ་དུ་སྐབས་འབྱེད་པར་མི་བྱེད་པ་དང་། གང་གིས་སྐབས་དབྱེ་བར་བྱ་བ་དེས་སྐབས་དབྱེ་བར་མི་བྱེད་པ་དང་། མ་འདུས་པར་ཀྱང་གྱུར་པའོ། ། ཆོས་མ་ཡིན་པས་འདུས་པ་གང་ཞེ་ན། གང་གི་ཚེ་སྐབས་ དབྱེ་བར་བྱ་བ་དེའི་ཚེ་ན་སྐབས་འབྱེད་པར་མི་བྱེད་པ་ནས། གང་གིས་སྐབས་དབྱེ་བར་བྱ་བ་དེས་སྐབས་འབྱེད་པར་མི་བྱེད་པའི་བར་དུ་རྒྱས་པར་བརྗོད་དེ་འདུས་པར་ཡང་གྱུར་པའོ། ། ཆོས་བཞིན་དུ་མ་འདུས་པ་གང་ཞེ་ན། གང་གི་ཚེ་སྐབས་དབྱེ་བར་བྱ་བ་དེའི་ཚེ་ན་སྐབས་འབྱེད་པར་བྱེད་པ་དང་། ཇི་ལྟར་སྐབས་དབྱེ་བ་དེ་ལྟར་སྐབས་འབྱེད་པར་བྱེད་པ་དང་། ཇི་ཙམ་དུ་སྐབས་དབྱེ་བར་བྱ་བ་དེ་ཙམ་དུ་སྐབས་འབྱེད་པར་བྱེད་པ་དང་། གང་གིས་སྐབས་དབྱེ་བར་བྱ་བ་དེས་སྐབས་འབྱེད་པར་བྱེད་ཅིང་མ་འདུས་པར་ཀྱང་གྱུར་པའོ། ། ཆོས་བཞིན་དུ་འདུས་པ་གང་ཞེ་ན།

གང་གི་ཚེ་སྐབས་དབྱེ་ བར་བྱ་བ་དེའི་ཚེ་ན་སྐབས་འབྱེད་པར་བྱེད་པ་ནས་གང་གིས་སྐབས་དབྱེ་བར་བྱ་བ་དེས་སྐབས་འབྱེད་པར་བྱེད་པའི་བར་དུ་རྒྱས་པར་བརྗོད་དེ་འདུས་པར་ཀྱང་གྱུར་པའོ། ། བཙུན་པ་འཕགས་པས་འཕགས་པའི་སྐད་དུ་སྐབས་ཕྱེ་བ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་སྐབས་ཕྱེ་ བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། ། འཕགས་པས་མཐའ་འཁོབ་པའི་སྐད་དུ་སྐབས་ཕྱེ་བ་དང་། དགེ་སློང་དེ་དག་ཀྱང་མཐའ་འཁོབ་པའི་སྐད་མ་འཚལ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། ། མཐའ་འཁོབ་པས་མཐའ་འཁོབ་པའི་སྐད་དུ་སྐབས་ཕྱེ་བ་དང་། དགེ་སློང་དེ་དག་ཀྱང་མཐའ་འཁོབ་པའི་སྐད་མ་འཚལ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་ པ་དང་བཅས་པའོ། ། མཐའ་འཁོབ་པས་འཕགས་པའི་སྐད་དུ་སྐབས་ཕྱེ་བ་དང་། དགེ་སློང་དེ་དག་ཀྱང་འཕགས་པའི་སྐད་མ་འཚལ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། །

བཙུན་པ་ས་ལ་གནས་པའི་གྲངས་ ནམ་མཁའ་ལ་གནས་པས་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། ། བཙུན་པ་ནམ་མཁའ་ལ་གནས་པའི་གྲངས་ས་ལ་གནས་པས་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། ། བཙུན་པ་ས་ལ་གནས་པས་ནམ་མཁའ་ལ་གནས་པ་རྣམས་ལ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། ། བཙུན་ པ་ནམ་མཁའ་ལ་གནས་པས་ས་ལ་གནས་པ་རྣམས་ལ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། ། དེ་བཞིན་དུ་མཚམས་ཀྱི་ནང་ན་འཁོད་པ་དང་། མཚམས་ཀྱི་ཕྱི་རོལ་ན་འཁོད་པ་རྣམས་ལྷན་ཅིག་ཏུ་ རྣམ་པ་བཞིར་བྱའོ། ། བཙུན་པ་བཅོམ་ལྡན་འདས་ཀྱིས་གང་སྐབས་འབྱེད་པ་དེ་ཉིད་ཀྱི་ཚེ་དངོས་པོ་ནི་ཡོད། གང་ཟག་ནི་མེད་དོ་ཞེས་གསུངས་ན། བཙུན་པ་དངོས་པོ་ནི་གང་ལགས། གང་ཟག་ནི་གང་ལགས། ཉེས་པ་ནི་དངོས་པོའོ། །

ཉེས་པ་བྱེད་པ་ནི་གང་ཟག་ཅེས་བྱའོ། ། བཙུན་ པ་ཚིག་ཏུ་མ་བརྗོད་ཅིང་སྐབས་ཕྱེ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་སྤྲིང་ཡིག་གམ་ལག་བརྡས་སྐབས་ཕྱེ་བ་ཞེས་བྱའོ། ། བཙུན་པ་དགེ་སློང་ཞིག་ཕྱོགས་གཅིག་ཏུ་འགྲེང་ནས་གནས་བཞིར་སྐབས་འབྱེད་ན་སྐབས་ཕྱེ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་སྐབས་འབྱེད་པའི་དགེ་སློང་དེས་གནས་བཞིའི་མཚམས་སུ་ཤིང་ངམ་རེ་ལྡེས་མནན་ཏེ་སྐབས་འབྱེད་པའོ། ། བཙུན་པ་གནས་ཀྱང་གཅིག་མཚམས་ཀྱང་གཅིག་པར་ལྷན་ཅིག་གནས་པའི་དགེ་སློང་དེ་དག་གིས་ཕྱོགས་བཞིར་སྐབས་ཕྱེ་ན་སྐབས་ཕྱེ་བར་ཡང་ འགྱུར་ལ་དགེ་འདུན་དེ་དག་ཀྱང་མ་འདུས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། གཅིག་ལ་གཅིག་དད་པ་བྱིན་པའོ། ། བཙུན་པ་དགེ་འདུན་ཐམས་ཅད་ཀྱིས་སྐྱ་རེངས་ཤར་བ་ན་དྲན་པར་གྱུར་ན་དགེ་སློང་དག་གིས་སྐབས་ཇི་ལྟར་དབྱེ་བར་བགྱི། དེང་ནི་བདག་ཅག་ གིས་སྐབས་དབྱེ་བའོ་ཞེས་ཚིག་ཏུ་བརྗོད་པར་བྱའོ། ། ཡང་ན་དེ་ནི་ཚིག་གསུམ་པས་སྐབས་ཕྱེ་ན་ཕྱེ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །

བཅོམ་ལྡན་འདས་ཀྱིས་གང་གཉེན་གྱི་དོན་གྱི་སླད་དུ་དབྱར་གྱི་ནང་དུ་སྐབས་ཕྱེ་ཤིག་ཅེས་གསུངས་ན། བཙུན་པ་ཐབས་ཇི་ལྟར་ སྩལ་བར་བགྱི། ཨུ་པཱ་ལི་གང་རིང་དུ་གནས་ལ་སྐབས་འབྱེད་པའི་ཚེ་འོང་མི་ནུས་པའོ། ། བཙུན་པ་དགེ་སློང་གིས་གཉེན་གྱི་དོན་གྱི་སླད་དུ་དབྱར་གྱི་ནང་དུ་སྐབས་ཕྱེ་སྟེ་ཞག་བདུན་ནམ། བཞི་བཅུར་ཡང་རུང་བྱིན་གྱིས་བརླབས་ནས་མཆིས་པ་ལས་བཙུན་པ་དེ་སྟེ་སྐབས་འབྱེད་པ་{བཅྭ་,བཅོ་}ལྔ་པའི་སྐབས་དབྱེ་བ་དེ་ ཉིད་ཀྱི་ཚེ་སླར་མཆིས་ན་ཅི་དེས་ཀྱང་སྐབས་དབྱེ་བར་བགྱིའམ། ཨུ་པཱ་ལི་མ་ཡིན་ཏེ། དེ་ལ་ནི་སྐབས་ཕྱེ་བ་དེས་ཆོག་གོ། ། བཙུན་པ་དགེ་སློང་ཞིག་སྐབས་འབྱེད་པ་ཚེས་{བཅྭ་,བཅོ་}ལྔ་པ་ཉིད་ཀྱི་ཚེ་སྤངས་ན་དེ་དང་ལྷན་ཅིག་སྐབས་དབྱེ་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་བཅོམ་ལྡན་འདས་ ཀྱིས་གང་དགེ་སློང་གི་འཁོར་རྣམས་མ་ལངས་མ་དོང་པའོ་ཞེས་གསུངས་ན། བཙུན་པ་ཇི་ཙམ་གྱིས་ན་འཁོར་མ་ལངས་པ་ཞེས་བགྱི་ཨུ་པཱ་ལི་གང་དུ་དགེ་སློང་བཞིའམ། ལྔ་འམ་དེ་ལས་མང་ཡང་རུང་སྟེ་འཁོད་པར་གྱུར་ན་མ་ལངས་པ་ཞེས་བྱའོ། ། བཞི་ལས་ཉུང་ནམ་ལངས་པ་ཞེས་བྱའོ། །

བཙུན་ པ་སྐབས་དབྱེ་བ་{བཅྭ་,བཅོ་}ལྔ་པ་དེ་ཉིད་ཀྱི་ཚེ་སྟན་ལས་ལངས་ཏེ་སོང་ནས་དགེ་སློང་མཆིས་བཞིན་དུ་འཚལ་བར་མ་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་བཤང་བ་དང་གཅི་བའི་སར་སོང་ལ་དེ་ཡང་ཐོས་པའི་ཉེ་འཁོར་ལས་མ་འདས་པའོ། ། བཙུན་པ་སྐབས་ འབྱེད་པར་བགྱིད་པ་སྐབས་འབྱེད་པའི་ཚེ་མཚན་འཕོས་ཏེ་དགེ་སློང་མར་གྱུར་ནས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱའོ། ། བཙུན་པ་སྐབས་འབྱེད་པ་ཁྱིམ་པས་ཕྱེ་ན་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་ དང་བཅས་པའོ། ། དེ་བཞིན་དུ་ཟ་མ་དང་། མ་ནིང་དང་། མི་གནས་པ་དང་། འགྲོ་བ་གཞན་དུ་གནས་པ་ནས། རྒྱས་པར་སྔར་འཁྲུགས་པ་རྣམས་ཀྱི་བར་དུ་ཡང་སྐབས་མ་ཕྱེ་བ་ཞེས་བྱ་སྟེ། དགེ་འདུན་དེ་དག་ཀྱང་འདས་པ་དང་བཅས་པའོ། ། བཙུན་པ་དགེ་འདུན་གྱི་དབྱེན་བགྱི་བ་ དང་། ཉེ་བར་ཕྱོགས་པ་དང་། བསླབ་པ་སྩལ་བས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །

བཙུན་པ་སྐབས་འབྱེད་པ་སྨྱོན་པས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། དེ་བཞིན་དུ་སྐབས་འབྱེད་པ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་སྐབས་ཕྱེ་ན་སྐབས་ཕྱེ་བ་ཞེས་བགྱི་འམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་ དང་བཅས་པའོ། ། བཙུན་པ་ཕྲིན་གྱིས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཅིག་ནས་གཅིག་ཏུ་བརྒྱུད་དེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་ པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། ། བཙུན་པ་གཞན་ཟེར་རོ་ཞེས་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ཁྱིམ་པས་གྲངས་སུ་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་ སྟེ། དགེ་འདུན་ཡང་འདས་པ་དང་བཅས་པའོ། ། དེ་བཞིན་དུ་ཟ་མ་དང་། མ་ནིང་དང་། མི་གནས་པ་དང་། སོ་སོར་གནས་པ་དང་།

འགྲོ་བ་གཞན་དུ་གནས་པ་ནས་སྔར་འཁྲུགས་པ་རྣམས་ཀྱི་བར་དུ་སྦྱར་བར་བྱའོ། ། བཙུན་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་ པ་དང་། བསླབ་པ་སྩལ་བ་རྣམས་ཀྱིས་གྲངས་སུ་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་ཕྱེ་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། ། བཙུན་པ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་ དང་། འོན་པ་དང་། གཉིད་ལོག་པ་དང་། མྱོས་པ་དང་། ར་རོ་བ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་རྣམས་ཀྱིས་གྲངས་སུ་བསྐངས་ཏེ་སྐབས་ཕྱེ་ན་སྐབས་ཕྱེ་བ་ཞེས་བགྱིའམ། ཨུ་པཱ་ལི་སྐབས་མ་ཕྱེ་བ་ཞེས་བྱ་སྟེ། དགེ་འདུན་ནི་ འདས་པ་དང་བཅས་པའོ། ། ། ། མདོར་ན། ཕུལ་དང་བླངས་དང་དགེ་འདུན་དང་། ། བཞི་པ་དང་ནི་གཉིས་དང་མཚན། ། ཆད་པ་བྲ་བ་གཅིག་ནས་གཅིག ། ལམ་དང་མང་པོ་དེ་བཞིན་ནོ། ། བཙུན་པ་དགེ་སློང་གིས་དད་པ་དང་སྐབས་ཕྱེ་བ་བླངས་ཏེ་སྟེང་གི་ནམ་མཁའ་ལ་མཚམས་ ཀྱི་སླད་རོལ་དུ་རེ་བ་མ་མཆིས་པར་མཆིས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །

བཙུན་པ་དེ་སྟེ་རེ་བ་དང་བཅས་ནས་མཆིས་ན་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་མོད་ཀྱི་འདས་པ་དང་བཅས་པར་འགྱུར་རོ། བཙུན་པ་ས་ལ་ གནས་པ་རྣམས་ཀྱིས་ནམ་མཁའ་ལ་གནས་པ་རྣམས་ལ་དད་པ་དང་སྐབས་དབྱེ་བ་དབུལ་དུ་རུང་ངམ། ཨུ་པཱ་ལི་མ་ཡིན་ནོ། ། བཙུན་པ་བླང་དུ་རུང་ངམ། ཨུ་པཱ་ལི་མ་ཡིན་ནོ། ། བཙུན་པ་ནམ་མཁའ་ལ་གནས་པ་རྣམས་ཀྱིས་ས་ལ་གནས་པ་རྣམས་ལ་དད་པ་དང་སྐབས་དབྱེ་བ་ དབུལ་དུ་རུང་ངམ། ཨུ་པཱ་ལི་མ་ཡིན་ནོ། ། དེ་བཞིན་དུ་མཚམས་ཀྱི་ནང་ན་འཁོད་པ་རྣམས་དང་། མཚམས་ཀྱི་ཕྱི་རོལ་ན་འཁོད་པ་རྣམས་ཀྱང་རྣམ་པ་བཞིར་བརྗོད་པར་བྱའོ། ། བཙུན་པ་དགེ་སློང་གིས་དགེ་འདུན་ཐམས་ཅད་ཚོགས་ཤིང་འཁོད་པ་ལ་དད་པ་དང་སྐབས་དབྱེ་བ་ ཕུལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། ། སུས་བསྒྲག་པར་བགྱི། སུས་ཀྱང་མ་ཡིན་ནོ། ། བཙུན་པ་དགེ་སློང་འཕགས་པས་འཕགས་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་ཀྱང་འཕགས་པའི་ སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། འཕགས་པས་མཐའ་འཁོབ་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་།

དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་ བགྱིའམ། ཨུ་པཱ་ལི་མ་ཡིན་ནོ། ། བཙུན་པ་མཐའ་འཁོབ་པས་མཐའ་འཁོབ་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་མཐའ་ འཁོབ་པས་འཕགས་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དད་པ་དང་སྐབས་འབྱེད་པ་འབུལ་བའི་དགེ་སློང་གིས་ལུས་ཀྱིས་ དམིགས་ཀྱི་ཚིག་གིས་མ་ལགས་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། ། དེ་བཞིན་དུ་ཚིག་གིས་སྨྲས་ཀྱི་ལུས་ཀྱིས་མ་ལགས་པ་དང་། ཚིག་དང་ལུས་ཀྱིས་དམིགས་པས་ཀྱང་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ ཕུལ་བ་ཞེས་བྱའོ། ། བཙུན་པ་དེ་སྟེ་ལུས་ཀྱིས་ཀྱང་མ་དམིགས་ཚིག་གིས་མ་སྨྲས་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །

བཙུན་པ་དད་པ་དང་སྐབས་དབྱེ་བ་འབུལ་བའི་དགེ་སློང་མཚན་གྱུར་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་ པཱ་ལི་མ་ཡིན་ནོ། ། བཙུན་པ་ཆད་པ་དང་བྲ་བས་དད་པ་དང་སྐབས་དབྱེ་བ་ཕུལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། ། བཙུན་པ་དད་པ་དང་སྐབས་དབྱེ་བ་གཅིག་ནས་གཅིག་ཏུ་བརྒྱུད་དེ་སྨྲས་ན་དད་པ་ དང་སྐབས་ཕྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། ། དད་པ་དང་སྐབས་དབྱེ་བ་ཕུལ་ནས་ཁྱིམ་པ་ལགས་པར་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། ། དེ་ བཞིན་དུ་མ་ནིང་ལགས་པར་ཁས་བླངས་པ་ནས་རྒྱས་པར་སྔར་འཁྲུགས་པ་ལགས་པའི་བར་དུ་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། ། བཙུན་པ་དད་པ་དང་སྐབས་འབྱེད་པ་འབུལ་བའི་དགེ་སློང་དད་པ་དང་སྐབས་དབྱེ་བ་འབུལ་བའི་ཚེ་ཟ་མ་ ལགས་པར་ཁས་བླངས་ན་དད་པ་དང་སྐབས་དབྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །

བཙུན་པ་དེ་སྟེ་དགེ་འདུན་གྱི་དབྱེན་བགྱིས་པ་ལགས་པར་ཁས་བླངས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་ལགས་པར་ཁས་བླངས་ན་དད་པ་དང་ སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དད་པ་དང་སྐབས་དབྱེ་བ་ལེན་པའི་དགེ་སློང་གིས་དད་པ་དང་སྐབས་ཕྱེ་བ་བླངས་ནས་དགེ་འདུན་གྱི་ནང་དུ་མཆིས་ཏེ་ཁྱིམ་པ་ལགས་པར་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ ལི་མ་ཕུལ་བ་ཞེས་མི་བྱའོ། ། དེ་བཞིན་དུ་མ་ནིང་ལགས་པར་ཁས་བླངས་པ་ནས་རྒྱས་པར་སྔར་འཁྲུགས་པ་ལགས་པའི་བར་དུ་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་མི་བྱའོ། ། བཙུན་པ་དེ་སྟེ་ཟ་མ་ལགས་པར་ཁས་བླངས་ན་ དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་དགེ་འདུན་གྱི་དབྱེན་བགྱིས་པ་ནས་བསླབ་པ་སྩལ་བ་ལགས་པའི་བར་དུ་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། སྐབས་འབྱེད་པའི་དངོས་པོ་ རྫོགས་{སྷོ,སོ}། ། ། ། མདོར་ན། གྲུ་དང་ནམ་མཁའ་གསུམ་པ་དང་། ། སྤྱོད་ཡུལ་ཐེ་ཚོམ་སོང་བ་དང་། ། མཚན་དང་གསུམ་པ་གནས་རྣམས་དང་། །

དབྱར་གསུམ་པའམ་དེ་བཞིན་ནོ། ། བཙུན་པ་དགེ་སློང་གིས་ཕུར་པ་ལ་བཏགས་པའི་གྲུར་དབྱར་ཚུལ་དུ་ཞུགས་ན་ཚུལ་ དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། ། བཙུན་པ་དེ་སྟེ་དབྱར་གྱི་ནང་ལོགས་སུ་གྲུ་བཏང་ན་དབྱར་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དབྱར་ཚུལ་དུ་ཞུགས་པའི་དགེ་སློང་ཞིག་ཞག་བདུན་དུ་བྱིན་གྱིས་བརླབས་ཏེ་སྟེང་གི་ནམ་མཁའ་ ལས་མཚམས་ཀྱི་སླད་རོལ་དུ་མཆིས་ན་དབྱར་ཞིག་པ་ཞེས་བགྱིའམ། དབྱར་མ་ཞིག་པ་ཞེས་བགྱི། ཨུ་པཱ་ལི་དབྱར་མ་ཞིག་པ་ཞེས་བྱའོ། ། བཙུན་པ་དགེ་སློང་གིས་སྟེང་གི་ནམ་མཁའ་ལ་དབྱར་ཚུལ་དུ་ཞུགས་ན་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་ པ་དགེ་སློང་གིས་སྟེང་གི་ནམ་མཁའ་ལ་གཞལ་མེད་ཁང་དུ་དབྱར་ཚུལ་དུ་ཞུགས་ན་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། ། བཙུན་པ་དེ་སྟེ་གཞལ་མེད་ཁང་དེ་ནས་གནས་གཞན་དུ་མཆིས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་བཅོམ་ལྡན་འདས་ཀྱིས་གང་སྤྱོད་ཡུལ་ལ་རྟེན་ཏེ་ཚུལ་དུ་ཞུགས་ཤིག་ཅེས་གསུངས་ན།

བཙུན་པ་དགེ་སློང་གི་སྤྱོད་ཡུལ་མ་མཆིས་པར་དབྱར་ཚུལ་དུ་ཞུགས་ན་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། ། བཙུན་པ་དགེ་སློང་གིས་སྤྱོད་ཡུལ་ལ་ བརྟེན་ཏེ་དབྱར་ཚུལ་དུ་ཞུགས་པར་གྱུར་ན་ཅི་དེས་དེར་ཞག་བདུན་དུ་བྱིན་གྱིས་རླབས་ཏེ་མཆི་བར་བགྱིའམ། ཨུ་པཱ་ལི་མ་ཡིན་ཏེ། དེས་དེ་ཉིད་ལ་བརྟེན་ནས་དབྱར་ཚུལ་དུ་ཞུགས་པའི་ཕྱིར་རོ། ། བཙུན་པ་དགེ་སློང་གིས་དབྱར་ཚུལ་དུ་ཞུགས་ཏེ་བདག་ཚུལ་དུ་ཞུགས་སམ་མ་ཞུགས་ཞེས་ ཐེ་ཚོམ་ཟ་ཞིང་དོགས་པར་གྱུར་ན། ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། ། བཙུན་པ་དེ་སྟེ་ཐེ་ཚོམ་དང་དོགས་པ་ལས་ཐེ་ཚོམ་དང་དོགས་པ་བསལ་མ་ནུས་ན་དེས་སླར་ཡང་དབྱར་ཚུལ་དུ་འཇུག་པར་བགྱིའམ། ཨུ་པཱ་ལི་ཚུལ་དུ་འཇུག་པར་ བྱའོ། ། བཙུན་པ་དེའི་དབྱར་གྱི་ཚུལ་གང་ལགས། ཨུ་པཱ་ལི་སྔ་མའོ། ། བཙུན་པ་དགེ་སློང་གིས་གནས་འདིར་དབྱར་གནས་པར་བྱའོ་སྙམ་དུ་སོང་སྟེ་དེས་དེར་ཕྱིན་པ་དང་སྐྱ་རེངས་ཤར་ནས་དབྱར་ཕྱི་མར་གྱུར་ན་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ ཞེས་བྱ་སྟེ། དེས་དེར་ཚུལ་དུ་འཇུག་པར་བསམས་པའི་ཕྱིར་རོ། །

བཙུན་པ་དགེ་སློང་གིས་གཙུག་ལག་ཁང་ཞིག་ཏུ་སོང་སྟེ་གནས་འདིར་བདག་ཚུལ་དུ་འཇུག་གོ་ཞེས་བསམས་ནས་དེས་རྐང་པ་ཡ་གཅིག་ནི་མཚམས་ཀྱི་ནང་དུ་བཞག ། རྐང་པ་གཅིག་ནི་མཚམས་ཀྱི་ཕྱི་རོལ་དུ་བཞག་ པ་དང་སྐྱ་རེངས་ཤར་ནས་དབྱར་ཕྱི་མར་གྱུར་ན་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱ་སྟེ། དེས་དེར་ཚུལ་དུ་འཇུག་པར་བསམས་པའི་ཕྱིར་རོ། ། བཙུན་པ་དགེ་སློང་གིས་དབྱར་ཚུལ་དུ་ཞུགས་པ་ན་མཚན་གྱུར་ན་ཚུལ་དུ་ཞུགས་པ་ཞེས་ བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། ། དེས་གནས་དེར་གནས་པར་བགྱིའམ། ཨུ་པཱ་ལི་མ་ཡིན་ཏེ། དགེ་སློང་མའི་དབྱར་མོ་ཁང་དུ་སོང་ལ་གནས་པར་གྱིས་ཤིག ། བཙུན་པ་དགེ་སློང་གིས་གནས་བཞིར་དབྱར་ཚུལ་དུ་ཞུགས་ཀྱང་དབྱར་ཚུལ་ དུ་ཞུགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་དེས་གནས་བཞིའི་མཚམས་སུ་ཤིང་ངམ། འོད་མའམ། རེ་ལྡེས་མནན་ཏེ་དབྱར་ཚུལ་དུ་ཞུགས་པའོ། ། དེ་གང་དུ་གནས་པར་བགྱི། གང་དགའ་བར་རོ། ། བཙུན་པ་དེ་སྟེ་ཤིང་ངམ། འོད་ མའམ། རེ་ལྡེས་ནི་འཇིག་པའི་ཆོས་ཅན་དུ་འགྱུར་ན་དབྱར་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །

དེས་དབྱར་གང་དུ་གནས་པར་བགྱི། གར་དགའ་བའི་གནས་གཅིག་ཏུའོ། ། དེའི་དབྱར་གང་དུ་གཏོགས་སེམས་ཀྱིས་གང་དུ་བསམས་པའོ། ། ལྷག་མ་རྣམས་ ནི་བཏང་བ་ཞེས་བྱའོ། ། བཙུན་པ་དེ་སྟེ་ཕན་ཆད་ཞག་བདུན་དུ་བྱིན་གྱིས་མ་བརླབས་པར་གནས་དེ་ནས་གཉིས་པོར་མཆིས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་དབྱར་ཞིག་པ་ཞེས་བྱའོ། ། བཙུན་པ་དགེ་སློང་གིས་གནས་བཞིའམ་དེ་ལས་མང་བའི་གནས་རྣམས་མཚམས་གཅིག་ཏུ་ བགྱིས་ཏེ་དབྱར་ཚུལ་དུ་ཞུགས་ན་གནས་དེ་དག་ཐམས་ཅད་དུ་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། ། དེས་གང་དུ་གནས་པར་བགྱི། གང་དགའ་བར་རོ། ། བཙུན་པ་དགེ་སློང་གིས་གནས་གཅིག་ཏུ་དབྱར་ཚུལ་དུ་ཞུགས་ཏེ་དེ་སླན་ཆད་གནས་ གཉིས་པ་དང་། གསུམ་པ་དང་། བཞི་པར་དབྱར་ཚུལ་དུ་ཞུགས་ན་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱའོ། ། གནས་གང་དུ། ཕྱི་མར་རོ། ། བཙུན་པ་གང་ལ་དབྱར་གྱི་ཚུལ་སྔ་མ་ཡང་མ་མཆིས། ཕྱི་མ་ཡང་མ་མཆིས་ན་དེའི་མིང་ཇི་སྐད་ཅེས་བགྱི། ཨུ་པཱ་ལི་དབྱར་ཞིག་པ་ཞེས་བྱའོ། །

བཙུན་པ་གང་ལ་སྔ་མ་དང་ཕྱི་མའི་དབྱར་གྱི་ཚུལ་མཆིས་ལ་དེས་ཀྱང་ཞག་བདུན་དུ་བྱིན་གྱིས་མ་བརླབས་པར་མཚམས་ཀྱི་སླད་རོལ་དུ་དོན་ཅིག་གི་སླད་དུ་མཆིས་ཏེ་སླར་མཆི་བར་བསམས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་དབྱར་ཞིག་པ་ ཞེས་བྱའོ། ། ཅི་དེས་ཀྱང་སླར་དབྱར་ཚུལ་དུ་འཇུག་པར་བགྱིའམ། ཨུ་པཱ་ལི་མ་ཡིན་ཏེ། དེའི་ཡི་དམ་ལས་འགལ་བས་ན་ཉེས་པ་འཆགས་སུ་ཆུག་ཤིག ། བཙུན་པ་ཇི་སྲིད་དུ་དབྱར་ཚུལ་དུ་འཇུག ། ཨུ་པཱ་ལི་ཟླ་བ་གསུམ་མོ། ། བཙུན་པ་གང་དབྱར་སླད་མར་ཚུལ་དུ་ཞུགས་ པར་གྱུར་པ་དེས་ཇི་ལྟར་ཚུལ་ནས་འབྱུང་བར་བགྱི། ནམ་ཞུགས་པ་ན་ཟླ་བ་གསུམ་དུ་གནས་པའི་གྲངས་ཚང་བའམ། ཡང་ན་རྐྱེན་ཅིག་བྱུང་ན་ཡང་རུང་ངོ་། ། ། ། མདོར་ན། སྐྱ་རེངས་བསམ་པ་སྤང་བ་དང་། ། གནས་དང་ཤིང་རྟ་བ་ལང་ཁྱིམ། ། ཤིང་དང་གྲོག་པོ་ ཕུག་དེ་བཞིན། ། ཞིག་པ་འགྲོ་ཡང་དེ་བཞིན་ཏེ། ། སྡེ་ལྔ་དང་ནི་བསམ་པ་དང་། ། བདུན་པོ་དང་ནི་མི་གནས་པའོ། ། བཙུན་པ་དབྱར་གྱི་ནང་ལོགས་སུ་དགེ་འདུན་འཁྲུགས་ནས་དེར་ཡང་དགེ་སློང་གིས་བསམས་བཞིན་དུ་ཆོས་ཀྱི་ཕྱོགས་དང་། ཆོས་མ་ལགས་པའི་ ཕྱོགས་ལ་གནས་ན་དབྱར་ཞིག་པ་ཞེས་བགྱིའམ།

ཨུ་པཱ་ལི་དེ་སྟེ་ལྟ་བ་སྒྲོགས་བཞིན་པ་ལས་སྐྱ་རེངས་ཤར་ན་ནི་དབྱར་ཞིག་པ་ཞེས་བྱའོ། ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གི་མདུན་དུ་དབྱར་ཚུལ་དུ་ཞུགས་ཤིག་ཅེས་གསུངས་ན། བཙུན་པ་དགེ་སློང་གིས་ དགེ་སློང་མ་མཆིས་ནས་སེམས་བསྐྱེད་དེ་དབྱར་ཚུལ་དུ་ཞུགས་ན་དབྱར་ཚུལ་དུ་ཞུགས་པ་ཞེས་བགྱིའམ། ཨུ་པཱ་ལི་ཚུལ་དུ་ཞུགས་པ་ཞེས་བྱ་སྟེ། དགེ་སློང་ཡོད་བཞིན་ན་ནི་འདས་པ་དང་བཅས་པའོ། ། བཙུན་པ་དགེ་སློང་དབྱར་གྱི་ནང་ལོགས་སུ་སྤངས་པ་དེ་དང་ལྷན་ཅིག་དབྱར་གྱི་ གནས་སུ་གནས་པར་བགྱིའམ། ཨུ་པཱ་ལི་གནས་པར་བྱ་སྟེ། སྐབས་ཕྱེ་ནས་མ་གནས་ཤིག ། བཙུན་པ་བཅོམ་ལྡན་འདས་ཀྱིས་ནི་གང་དགེ་སློང་གིས་གནས་འདི་ན་བདག་ལ་དགེ་སློང་མདོ་སྡེ་འཛིན་པ་དང་། མ་ལྟ་བུ་འཛིན་པའི་དགེ་སློང་དེ་ལྟ་བུ་དག་གིས་ཐེ་ཚོམ་མ་སྐྱེས་པ་དག་ ནི་མི་སྐྱེད། སྐྱེས་པ་ནི་སེལ་བར་བྱེད་པ་ཡོད་དམ་མེད་པའི་གནས་རྟོགས་ལ་དབྱར་ཚུལ་དུ་ཞུགས་ཤིག་ཅེས་གསུངས་ན། བཙུན་པ་མདོ་སྡེ་འཛིན་པ་དང་། མ་ལྟ་བུ་འཛིན་པ་མ་མཆིས་པར་དབྱར་ཚུལ་དུ་འཇུག་ཏུ་རུང་ངམ། ཨུ་པཱ་ལི་རུང་ངོ་། ། བཙུན་པ་འདུལ་བ་འཛིན་པ་མ་ མཆིས་པར་དབྱར་ཚུལ་དུ་འཇུག་ཏུ་རུང་ངམ།

ཨུ་པཱ་ལི་མི་རུང་ངོ་། ། དེ་སྟེ་བཙུན་པ་འདུལ་བ་འཛིན་པ་མ་མཆིས་ན་སོ་སོར་ཐར་པའི་མདོ་འདོན་པའི་དགེ་སློང་བཙལ་འཚལ་ལམ། སོ་སོར་ཐར་པ་འདོན་པ་མེད་ན་དབྱར་ཚུལ་དུ་འཇུག་ཏུ་མི་གནང་ངོ་། ། བཙུན་ པ་ཤིང་རྟ་སྤྱོད་པའི་ཁྱིམ་མམ། བ་ལང་རྫིའི་ཁྱིམ་དུ་གནས་ཏེ་དབྱར་ཚུལ་ཏུ་འཇུག་ཏུ་རུང་ངམ། ཨུ་པཱ་ལི་དེ་སྟེ་དེས་འདི་སྙམ་དུ་དབྱར་གནས་འདི་ནས་གུད་དུ་མི་འདོང་བར་དེས་བསམས་ན་རུང་ངོ་། ། བཙུན་པ་དེ་སྟེ་ཚུལ་དུ་ཞུགས་པ་ལས་དོང་ན་དབྱར་ཞིག་པ་ཞེས་བགྱིའམ། ཨུ་པཱ་ ལི་མ་ཡིན་ནོ། ། བཙུན་པ་ཤིང་དྲུང་ངམ། རི་ཕྲག་གམ། ཕུག་གམ། སྤྱིལ་བུར་དབྱར་ཚུལ་དུ་འཇུག་ཏུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་དགེ་སློང་གིས་དོན་ཞིག་གི་སླད་དུ་ཞག་བདུན་ནམ། བཞི་བཅུར་བྱིན་གྱིས་བརླབས་ཏེ་མཆིས་པ་ལས་དེ་ཡང་དུས་འདས་ པར་གྱུར་ན་ཞག་བདུན་ནམ། ཞག་བཞི་བཅུར་བྱིན་གྱིས་བརླབས་པ་དེ་ཞིག་ཅེས་བགྱིའམ། ཨུ་པཱ་ལི་མ་ཡིན་ཏེ། དོན་གཞན་གྱིས་ཟད་པར་གྱིས་ཤིག ། བཙུན་པ་དགེ་སློང་གིས་ཞག་བདུན་ན་སྐབས་འབྱེད་པར་འགྱུར་རོ་སྙམ་ནས་བྱིན་གྱིས་བརླབས་པར་མཆིས་ན་དབྱར་ཞིག་ པ་ཞེས་བགྱིའམ། ཨུ་པཱ་ལི་དབྱར་ཞིག་པ་ཞེས་བྱའོ། །

བཙུན་པ་དེ་སྟེ་ཞག་དྲུག་གམ། ལྔ་འམ། བཞི་འམ། གཅིག་ནས་ཚུལ་ནས་འབྱུང་བར་འགྱུར་རོ་སྙམ་ནས་བྱིན་གྱིས་བརླབས་པར་མཆིས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་དབྱར་ཞིག་པ་ཞེས་བྱའོ། ། བཙུན་པ་ བཅོམ་ལྡན་འདས་ཀྱིས་ཞག་བདུན་དུ་བྱིན་གྱིས་རློབས་ལ་སོང་ཤིག་ཅེས་གསུངས་ན། བཙུན་པ་གང་གིས་བྱིན་གྱིས་བརླབ་པར་བགྱི། ཨུ་པཱ་ལི་སྡེ་ལྔས་སོ། ། གང་དུ་བྱིན་གྱིས་བརླབ་པར་བགྱི། མཚམས་ཀྱི་ནང་དུའོ། ། ཇི་ལྟར་བྱིན་གྱིས་བརླབ་པར་བགྱི། སེམས་བསྐྱེད་ལ་ཚིག་ཏུ་བརྗོད་པར་བྱ་སྟེ་བདག་མིང་འདི་ཞེས་བགྱི་བ་མཚམས་ཀྱི་ནང་གི་གནས་འདིར་དབྱར་སྔ་མ་ཚུལ་དུ་ཞུགས་ཏེ། བདག་མིང་འདི་ཞེས་བགྱི་བ་དོན་འདི་ལྟ་བུའི་ཕྱིར་མཚམས་ཀྱི་སླད་རོལ་དུ་མཆི་བར་བྱིན་གྱིས་བརླབས་ཏེ། བདག་གི་དབྱར་ནི་འདི་ཉིད་དེ་དབྱར་ནི་འདི་ཉིད་ དུ་གནས་སོ། ། བཙུན་པ་གང་གི་དོན་དུ་བྱིན་གྱིས་བརླབ་པར་བགྱི། ཨུ་པཱ་ལི་སྡེ་བདུན་གྱི་ཕྱིར་རོ། ། བཙུན་པ་བཅོམ་ལྡན་འདས་ཀྱིས་ནི་ཞག་བཞི་བཅུའི་སྡོམ་པ་སྩོལ་ཅིག་ཅེས་གསུངས་ན། གང་ལ་སྩལ་བར་བགྱི། ཨུ་པཱ་ལི་སྡེ་ལྔ་ལའོ། །

བཙུན་པ་བཅོམ་ལྡན་ འདས་ཀྱིས་ནི་དགེ་འདུན་གྱི་དོན་གྱི་སླད་དུ་ནི་ཞག་བཞི་བཅུའི་སྡོམ་པ་བྱིན་ཅིག་ཅེས་གསུངས་ན། བཙུན་པ་དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་དང་། དགེ་བསྙེན་མ་དང་། དགེ་བསྙེན་ཕ་དང་། གཉེན་གནས་དང་། འདི་ལས་སླད་རོལ་གྱི་མུ་སྟེགས་ཅན་དགེ་སྦྱོང་གཞན་བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ཀྱི་དོན་གྱི་སླད་དུ་ཞག་བཞི་བཅུའི་སྡོམ་པ་སྩལ་བར་བགྱིའམ། ཨུ་པཱ་ལི་མི་རུང་ངོ་། ། བཙུན་པ་བཅོམ་ལྡན་འདས་ཀྱིས་ནི་ཞག་བཞི་བཅུར་བསྒོ་བར་བྱའོ་ཞེས་གསུངས་ན། བཙུན་པ་ ཞག་སུམ་བཅུ་རྩ་དགུའམ། ཞག་སུམ་བཅུའམ། ཞག་ཉི་ཤུར་བསྒོ་བར་རུང་ངམ། ཨུ་པཱ་ལི་རུང་ངོ་། ། བཙུན་པ་ཞག་བཞི་བཅུའི་སྟེང་དུ་ཡང་ཞག་སུམ་བཅུ་རྩ་དགུའམ། ཞག་སུམ་བཅུའམ། ཞག་ཉི་ཤུའམ། ཞག་བཅུའམ། ཞག་བདུན་དུ་བསྒོ་བར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་ཞག་སུམ་བཅུ་རྩ་དགུའི་སྟེང་དུ་ཞག་སུམ་བཅུའམ། ཞག་ཉི་ཤུའམ། ཞག་བཅུའམ། ཞག་བདུན་དུ་བསྒོ་བར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་ཞག་བཞི་བཅུའི་སྟེང་དུ་ཞག་བདུན་དུ་བྱིན་གྱིས་བརླབ་ཏུ་རུང་ངམ།

ཨུ་པཱ་ལི་ མི་རུང་ངོ་། ། ཨུ་པཱ་ལི་དེ་ཅིའི་ཕྱིར་ཞེ་ན་མཚམས་ཀྱི་ནང་དུ་ནི་ཞག་མང་དུ་གནས་པར་བྱའོ། ། མཚམས་ཀྱི་ཕྱི་རོལ་དུ་ནི་ཞག་ཉུང་དུ་གནས་པར་བྱའོ། ། བཙུན་པ་ཞག་སུམ་བཅུ་རྩ་དགུའི་སྟེང་དུ་ཞག་བདུན་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་ ཞག་སུམ་བཅུའམ། ཞག་ཉི་ཤུའམ། ཞག་བདུན་གྱི་སྟེང་དུ་ཞག་བདུན་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་རུང་ངོ་། ། བཙུན་པ་ཞག་བདུན་གྱི་སྟེང་དུ་ཞག་བཞི་བཅུར་བསྒོ་བར་རུང་ངམ། ཨུ་པཱ་ལི་མི་རུང་ངོ་། ། ཨུ་པཱ་ལི་དེ་ཅིའི་ཕྱིར་ཞེ་ན། མཚམས་ཀྱི་ནང་དུ་ ནི་ཞག་མང་དུ་གནས་པར་བྱའོ། མཚམས་ཀྱི་ཕྱི་རོལ་དུ་ནི་ཞག་ཉུང་དུ་གནས་པར་བྱའོ། ། བཙུན་པ་ཞག་བདུན་གྱི་སྟེང་དུ་ཞག་སུམ་བཅུ་རྩ་དགུར་བསྒོ་བར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་ཞག་བདུན་གྱི་སྟེང་དུ་ཞག་སུམ་བཅུའམ། ཞག་ཉི་ཤུའམ། ཞག་བཅུའམ། ཞག་བདུན་དུ་བསྒོར་རུང་ངམ། ཨུ་པཱ་ལི་རུང་ངོ་། ། བཙུན་པ་ཞག་བདུན་གྱི་སྟེང་དུ་ཡང་ཞག་བདུན་དུ་བསྒོར་རུང་ངམ། ཨུ་པཱ་ལི་རུང་ངོ་། །

བཙུན་པ་དགེ་སློང་དབྱར་ཚུལ་དུ་ཞུགས་པ་ལས་སློབ་དཔོན་དང་མཁན་པོ་དུས་བགྱིས་ནས་དེས་གནས་བཅའ་བ་མ་ རྙེད་དེ་མཆིས་ན་དབྱར་ཞིག་པ་ཞེས་བགྱིའམ། ཨུ་པཱ་ལི་དབྱར་ཞིག་པ་ཞེས་བྱའོ། ། དབྱར་གྱི་དངོས་པོ་རྫོགས་སོ། ། ། ། མདོར་ན། ལྷམ་གཉིས་པགས་པ་རྣམ་གཉིས་དང་། ། དོམ་ལྤགས་ཡང་ན་མཇུག་མ་དང་། ། མལ་སྟན་མཐོ་དང་མལ་སྟན་ཆེ། ། ལྷམ་ ཡུ་ཅན་དང་ཤིང་ལྷམ་མོ། ། བཙུན་པ་བཅོམ་ལྡན་འདས་ཀྱིས་ལྷམ་མི་རུང་བ་རྣམ་པ་ལྔ་མ་འཆང་ཤིག་ཅེས་གསུངས་ན། བཙུན་པ་གཞན་ཡང་གཅན་གཟན་མི་སྲུན་པ་དང་། བལ་གླང་ངན་པ་དང་། རྟ་ངན་པ་གཞན་དག་མཆིས་ན་དེ་དག་གི་པགས་པའི་ལྷམ་ཡང་བཅང་བར་ མི་བགྱིའམ། ཨུ་པཱ་ལི་ལྷམ་དེ་དག་ཀྱང་མ་བཅང་ཤིག ། བཙུན་པ་བཅོམ་ལྡན་འདས་ཀྱིས་ཁྱིམ་པས་བསྒོས་པའི་ལྷམ་སྨན་མ་བོར་བ་ཆོངས་ཤིག་ཅེས་གསུངས་ན། བཙུན་པ་དགེ་སློང་ཁྱིམ་པས་བོར་བའི་ལྷམ་སྨན་མ་བཅངས་ཀྱང་ནོངས་པ་དང་བཅས་པར་འགྱུར་བ་མཆིས་ སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་ཐམས་ཅད་རི་མོ་ཅན་ནམ། གསེར་གྱིས་བརྒྱན་པའམ། དངུལ་གྱིས་བརྒྱན་པ་བཅངས་པའོ། ། བཙུན་པ་དགེ་སློང་གིས་མི་རུང་བ་རྣམ་པ་ལྔ་བཅངས་ཀྱང་ནོངས་པར་མི་འགྱུར་བ་མཆིས་སམ།

ཨུ་པཱ་ལི་ཡོད་དེ། འདི་ ལྟར་ཡང་དེས་{རི་དགས་,རི་དྭགས་}ཕྲ་མོའམ། ཀླུས་འཇིགས་པར་གྱུར་ནའོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་པགས་པ་མ་འཆང་ཤིག་པགས་པའི་སྟེང་དུ་མ་འདུག་ཤིག་ཅེས་གསུངས་ན། བཙུན་པ་ཇི་ཙམ་གྱིས་པགས་པའི་སྟེང་དུ་འདུག་པ་ཞེས་བགྱི། ཨུ་པཱ་ལི་ཇི་ཙམ་རྐུབ་ ཙོས་བཞག་པར་གྱུར་པའོ། ། བཙུན་པ་ཇི་ཙམ་གྱིས་ན་ཉལ་བ་ཞེས་བགྱི། ཨུ་པཱ་ལི་ལུས་ཀྱིས་འཕྲེས་པའོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་པགས་པ་མ་འཆང་ཤིག་ཅེས་གསུངས་ན། བཙུན་པ་དགེ་སློང་གིས་པགས་པ་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ན་བས་ནི་པགས་པ་ཆོངས་ཤིག ། མི་ན་བས་ནི་མ་ཡིན་ནོ། ། བཙུན་པ་བཅོམ་ལྡན་འདས་ཀྱིས་དོམ་གྱི་པགས་པ་ཆོངས་ཤིག་ཅེས་གསུངས་ན། བཙུན་པ་ནད་པས་བཅང་བར་བགྱིའམ། འོན་ཏེ་མི་ན་བས་ཀྱང་བཅང་བར་བགྱི། ཨུ་པཱ་ལི་ན་བ་དང་། མི་ན་ བ་གཉིས་ཀས་ཆོངས་ཤིག ། བཅོམ་ལྡན་འདས་ཀྱིས་མཇུག་མ་ལྔ་ལས་འཇུས་ཏེ་ཀླུང་རྒོལ་ཅིག་ཅེས་གསུངས་ན། བཙུན་པ་རྐང་པ་བཞི་པ་གཞན་དག་ཀྱང་མཆིས་ན་དེ་དག་གིས་ལས་རྒལ་བར་ཡང་རུང་ངམ། ཨུ་པཱ་ལི་རྒོལ་ཅིག །

བཙུན་པ་དེ་སྟེ་ཕོ་མ་མཆིས་ན་མོའི་ལས་རྒལ་བར་ བགྱིའམ། ཨུ་པཱ་ལི་དེ་ནི་བར་ཆད་ཅིག་བྱུང་ན་རྒལ་བར་བྱའོ། ། བཙུན་པ་བཅོམ་ལྡན་འདས་ཀྱིས་དགེ་སློང་མལ་སྟན་མཐོན་པོར་མ་འདུག་ཤིག་ཅེས་གསུངས་ན། བཙུན་པ་མལ་སྟན་མཐོན་པོའི་ཚད་ཇི་ཙམ། བདེ་བར་གཤེགས་པའི་སོར་བརྒྱད་ལས་ལྷག་པ་ནི་མལ་སྟན་མཐོན་ པོའོ། ། བཙུན་པ་བཅོམ་ལྡན་འདས་ཀྱིས་དགེ་སློང་རྣམས་ལ་མལ་སྟན་མཐོ་ཞིང་ཆེ་བ་ལ་མ་འདུག་ཅེས་གསུངས་ན། བཙུན་པ་དགེ་སློང་མལ་སྟན་མཐོ་ཞིང་ཆེ་བར་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ལྷའི་ཁྱིམ་དང་། ཀླུའི་ཁྱིམ་དང་། གནོད་ སྦྱིན་གྱི་ཁྱིམ་དང་། རྒྱལ་པོའི་ཁྱིམ་དང་། བློན་པོའི་ཁྱིམ་དེ་དག་ཏུ་སྟན་གཞན་མེད་ནའོ། ། བཙུན་པ་དགེ་སློང་གིས་བཞོན་པ་ལ་འཚལ་ན་ནོངས་པ་གསུམ་དུ་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་བཞོན་པ་དེ་མོ་ཡིན་པ་དང་། གསེར་གྱིས་བརྒྱན་ པར་གྱུར་པའོ། ། བཙུན་པ་བཅོམ་ལྡན་འདས་ཀྱིས་ལྗོངས་ཁ་བ་ཅན་དུ་ལྷམ་ཡུ་བ་ཅན་ཆོངས་ཤིག་ཅེས་གསུངས་ན། བཙུན་པ་དགེ་སློང་གིས་དེ་ལས་གཞན་པའི་ལྗོངས་སུ་ལྷམ་ཡུ་བ་ཅན་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ།

གང་དུ་ལྷམ་ཡུ་ བ་ཅན་མེད་ན་འཚོ་བར་མི་ནུས་པའོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་ཤིང་ལྷམ་མ་འཆང་ཤིག་ཅེས་གསུངས་ན། བཙུན་པ་དགེ་སློང་གིས་ཤིང་ལྷམ་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཆུ་ཡོད་པའི་ ཡུལ་ཆུས་གང་བས་ཤིང་ལྷམ་མེད་པར་འགྲོ་མི་ནུས་པ་དེར་རོ། ། པགས་པའི་དངོས་པོ་རྫོགས་སོ། ། ། ། མདོར་ན། སྨན་གཉིས་ལན་ཚྭ་རྣམ་པ་གཉིས། ། མར་ལ་རྣམ་གཉིས་དེ་བཞིན་ཏེ། ། ས་དང་བཙོས་དང་བུ་རམ་དང་། ། འབྲུ་མར་ཕན་པ་ཐ་མའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་སྨན་དེ་ཉིད་སྔ་དྲོའི་ལགས་ལ་དེ་ཉིད་སླད་དྲོའི་ཡང་ལགས་དེ་ཉིད་ཞག་བདུན་པའི་ཡང་ལགས། དེ་ཉིད་ནམ་འཚོའི་བར་དུ་བཅང་བ་ལགས་པ་འགྱུར་བ་མཆིས་སམ། ཨུ་པཱ་ལི་ཡོད་དེ། བུ་རམ་ ཤིང་ནི་སྔ་དྲོའིའོ། ། ཁུ་བ་ནི་ཕྱི་དྲོའིའོ། ། བུ་རམ་ནི་ཞག་བདུན་པའིའོ། ། བསྲེགས་པའི་ཐལ་བ་ནི་ནམ་འཚོའི་བར་དུའོ། ། ཨུ་པཱ་ལི་ཞོ་ནི་སྔ་དྲོའིའོ། ། ཆུ་ནི་ཕྱི་དྲོའིའོ། ། མར་ནི་ཞག་བདུན་པའིའོ། ། བསྲེགས་པའི་ཐལ་བ་ནི་ནམ་འཚོའི་བར་དུའོ། ། ཨུ་པཱ་ལི་ ཤ་ནི་སྔ་དྲོའིའོ། ། ཞག་ནི་ཞག་བདུན་པའིའོ། །

བསྲེགས་པའི་ཐལ་བ་ནི་ནམ་འཚོའི་བར་དུའོ། ། ཨུ་པཱ་ལི་འབྲུ་ནི་སྔ་དྲོའིའོ། ། འབྲུ་མར་ནི་ཞག་བདུན་པའིའོ། ། བསྲེགས་པའི་ཐལ་བ་ནི་ནམ་འཚོའི་བར་དུའོ། ། བཙུན་པ་སྔ་དྲོ་བ་དང་ཕྱི་དྲོ་བ་དང་། ཞག་བདུན་པའི་དང་། ནམ་ འཚོའི་བར་གྱི་སྨན་འདི་དག་རྣམས་ཕན་ཚུན་འདྲེས་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་བླངས་པ་དང་། བྱིན་ལེན་མ་བགྱིས་པ་དང་། བླངས་པ་ལ་བྱིན་ལེན་བགྱིས་པ་དང་། ནང་དུ་བཞག་པ་དང་། ནང་དུ་བཙོས་པ་དང་། རང་གིས་བཙོས་པའི་རྣམས་འཚལ་ དུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་དགེ་སློང་གིས་སྔ་དྲོའི་དང་། སླད་དྲོའི་དང་། ཞག་བདུན་པའི་དང་། ནམ་འཚོའི་བར་གྱི་སྨན་གང་ལགས་པ་དེ་དག་བླངས་པ་དང་། བྱིན་ལེན་མ་བགྱིས་པ་དང་། བླངས་པ་ལ་བྱིན་ལེན་བགྱིས་པ་དང་། ནང་དུ་བཞག་པ་དང་། ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་གིས་བཙོས་པའི་རྣམས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་སྔ་དྲོ་བའི་དང་། སླད་དྲོ་བའི་དང་། ཞག་བདུན་པའི་དང་། ནམ་འཚོའི་བར་གྱི་སྨན་གང་ལགས་པ་དེ་དག་བླངས་པ་དང་། བྱིན་ ལེན་མ་བགྱིས་པ་དང་། བླངས་པ་ལ་བྱིན་ལེན་བགྱིས་པ་དང་།

ནང་དུ་བཞག་པ་དང་། ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་མས་བཙོས་པ་རྣམས་འཚལ་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་གིས་བླངས་པ་ལ་བྱིན་ལེན་བགྱིས་པ་དང་། ནང་དུ་ བཞག་པ་དང་། ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་གིས་བཙོས་པ་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། ། བཙུན་པ་དགེ་སློང་མས་བླངས་པ་ལ་བྱིན་ལེན་བགྱི་བ་དང་། ནང་དུ་བཞག་པ་དང་། ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་མས་བཙོས་པ་འཚལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། བཙུན་པ་སྔ་དྲོ་བ་གང་ལགས་པ་དང་། སླད་དྲོ་བ་གང་ལགས་པ་དང་། ཞག་བདུན་པ་གང་ལགས་པ་དང་། ནམ་འཚོའི་བར་གྱི་སྨན་རྣམས་ གང་ལགས་པ་ཕན་ཚུན་འདྲེས་ཏེ་མ་ཕྱེད་ན་ནམ་འཚོའི་བར་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་མི་རུང་སྟེ། སྔ་དྲོ་བ་དང་། ཕྱི་དྲོ་བ་དང་། ཞག་བདུན་པ་དེ་རྣམས་ཀྱིས་ནམ་འཚོའི་བར་དུ་བྱ་བ་བྱར་མི་རུང་སྟེ། བྱིན་གྱིས་བརླབ་ཏུ་མི་རུང་ངོ་། ། དེ་སྟེ་སྔ་དྲོ་བའི་དང་། ཕྱི་དྲོ་བའི་ དང་། ཞག་བདུན་པ་རྣམས་དབྱེ་བར་ནུས་ན་བྱིན་གྱིས་བརླབ་ཏུ་རུང་ངོ་།

། བཙུན་པ་མི་རུང་བའི་ཞག་གིས་ལན་ཚྭ་བཙོས་ནས་འཚལ་བར་བགྱིའམ། ཨུ་པཱ་ལི་མི་ན་བས་བཟའ་བར་མི་བྱའོ། ། ཤ་ལས་བཙོས་པའམ། མར་ལས་བཙོས་པའམ། འབྲུ་མར་ལས་བཙོས་པ་ཡང་དེ་བཞིན་ ནོ། ། བཙུན་པ་མི་རུང་བའི་ལན་ཚྭས་འབྲུ་མར་རམ་མར་བཙོས་པ་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་མར་རམ་འབྲུ་མར་ཆང་དང་ལྷན་ཅིག་བཙོས་པ་འཚལ་དུ་རུང་ངམ། ཨུ་པཱ་ལི་བཟར་རུང་ངོ་། ། བཙུན་པ་མར་རམ་འབྲུ་མར་ཆང་དང་ལྷན་ཅིག་ཏུ་འདྲེས་པར་གྱུར་པ་འཚལ་ དུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་ཆང་གིས་སྤངས་པའི་སྨན་འཚལ་དུ་རུང་ངམ། ཨུ་པཱ་ལི་ན་བ་ལ་ནི་རུང་གི་མི་ན་བ་ལ་ནི་མ་ཡིན་ནོ། ། བཙུན་པ་མི་རུང་བའི་ས་ལ་ཤིང་ཞིག་སྐྱེས་ལ་མི་རུང་བའི་སར་འབྲས་བུ་ཞིག་ལྷུང་ན་འཚལ་དུ་རུང་ངམ། ཨུ་ པཱ་ལི་མི་རུང་ངོ་། ། མི་རུང་བའི་ས་ལས་ཤིང་ཞིག་སྐྱེས་ལ་རུང་བའི་སར་འབྲས་བུ་ལྷུང་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། རུང་བའི་ས་ལ་ཤིང་ཞིག་སྐྱེས་ལ་མི་རུང་བའི་སར་འབྲས་བུ་ལྷུང་ན་འཚལ་དུ་རུང་ངམ། དེ་སྟེ་ཞག་གཅིག་མ་ལོན་པར་གྱུར་ན་ནི་བཟའ་བར་བྱའོ། ། རུང་བའི་ས་ལས་ཤིང་སྐྱེས་ལ་རུང་བའི་སར་འབྲས་བུ་ལྷུང་ན་འཚལ་དུ་རུང་ངམ།

ཨུ་པཱ་ལི་བཟར་རུང་ངོ་། ། རུང་བའི་ས་ན་ཞུགས་མཆིས་ལ་མི་རུང་བའི་ས་ན་མཆིས་པས་ཞུགས་སམ་ཞུགས་ལྕེའམ། ཞུགས་ལྕེ་ཆད་པས་རུང་བར་བགྱིད་ན་རུང་བར་བགྱིས་པ་ཞེས་བགྱིའམ། བགྱིས་པ་ཞེས་བརྗོད་དམ། འཚལ་བར་བགྱིའམ། ཨུ་པཱ་ལི་མི་རུང་ངོ་། ། རུང་བའི་ས་ན་ཞུགས་མཆིས་ལ་མི་རུང་བའི་ས་ན་མཆིས་པས་ཞུགས་སུ་བཅུག་ན་རུང་ཞེས་བགྱིའམ། བགྱིས་པ་ཞེས་བགྱིའམ། འཚལ་དུ་རུང་ངམ། ཨུ་པཱ་ལི་མ་ཡིན་ནོ། ། མི་རུང་ བའི་ས་ན་ཞུགས་མཆིས་ལ་རུང་བའི་ས་ན་མཆིས་པ་ཞུགས་སམ། ཞུགས་ལྕེའམ། ཞུགས་ལྕེ་ཆད་པས་རུང་བར་བགྱིད་ན་རུང་བར་བགྱིས་པ་ཞེས་བགྱིའམ། ཨུ་པཱ་ལི་རུང་བར་བྱས་པ་ཞེས་བྱ་སྟེ། བཟའ་བར་བྱའོ། ། མི་རུང་བའི་ས་ན་ཞུགས་མཆིས་ལ་རུང་བའི་ ས་ན་མཆིས་པས་ཞུགས་སུ་སྩལ་ན་རུང་བར་བགྱིས་པ་ཞེས་བགྱིའམ། རུང་བར་བྱས་པ་ཞེས་བྱའོ། ། འཚལ་དུ་རུང་ངམ། ཨུ་པཱ་ལི་བཟའ་བར་བྱའོ། ། མི་རུང་བའི་ས་ན་སྒྱེད་པོ་གསུམ་མཆིས་ལ་རུང་བའི་ས་ན་ཞུགས་མཆིས་པའི་ཞུགས་ལྕེ་དེས་བསྒྲལ་ན་འཚལ་དུ་ རུང་ངམ། ཨུ་པཱ་ལི་མི་རུང་ངོ་། ། མི་རུང་བའི་ས་ན་ཞུགས་མཆིས་ལ་རུང་བའི་ས་ན་སྒྱེད་པོ་གཉིས་མཆིས་པ་དང་།

མི་རུང་བའི་ས་ན་སྒྱེད་པོ་གཅིག་མཆིས་པའི་ཞུགས་ལྕེ་དེས་བསྒྲལ་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། མི་རུང་བའི་ས་ན་སྒྱེད་པོ་གཅིག་མཆིས་ ལ་རུང་བའི་ས་ན་ཞུགས་མཆིས་པ་དེའི་ཞུགས་ལྕེས་བསྒྲལ་ན་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། རུང་བའི་ས་ན་ཞུགས་མཆིས་ལ་རུང་བའི་ས་ན་སྒྱེད་པོ་གཉིས་མཆིས་པ་དང་། མི་རུང་བའི་ས་ན་སྒྱེད་པོ་གཅིག་མཆིས་ལ་ཞུགས་ལྕེ་དེས་བསྒྲལ་ན་འཚལ་དུ་རུང་ངམ། ཨུ་པཱ་ལི་བཟའ་བར་བྱའོ། ། རུང་བའི་ས་ན་སྒྱེད་པོ་གསུམ་མཆིས་ལ་རུང་བའི་ས་ན་ཞུགས་མཆིས་ན་ཞུགས་ལྕེ་དེས་བསྒྲལ་ན་འཚལ་དུ་རུང་ངམ། ཨུ་པཱ་ལི་རུང་ངོ་། ། བཙུན་པ་དགེ་སློང་གིས་ས་བོན་གྱི་རིགས་ལྔ་ལས་ཞུགས་སམ་མཚོན་ཏམ་སེན་མོས་རུང་བར་བགྱིད་ན་རུང་བར་ བགྱིས་པ་ཞེས་བགྱིའམ། རུང་བར་བྱས་པ་ཞེས་བྱ་སྟེ། རུང་བར་བྱས་པས་ན་བཟའ་བར་བྱའོ། ། མེས་རུང་བར་བྱས་པ་མ་གཏོགས་ཏེ་ལྷག་མ་རྣམས་ནི་བཟའ་བར་བྱའོ། ། བཙུན་པ་བཅོམ་ལྡན་འདས་ཀྱིས་བཏུང་བ་རྣམ་པ་བརྒྱད་འཐུང་ཤིག་ཅེས་གསུངས་ན། རྩ་བ་དང་། སྡོང་བུ་དང་། ལོ་མ་དང་། འབྲས་བུ་དང་། བསྔལ་བར་བསྲེས་པ་འདི་དག་འཚལ་དུ་རུང་ངམ། ཨུ་པཱ་ལི་རུང་ངོ་། །

བཙུན་པ་བུ་རམ་ཆབ་དགུང་བདུན་དུ་བྱིན་གྱིས་བརླབ་ཏུ་རུང་ངམ། ཨུ་པཱ་ལི་རུང་ངོ་། ། ཇི་སྲིད་དུ་བཏུང་བར་བགྱི། དངོས་པོ་མ་གྱུར་པའི་བར་དུའོ། ། བཙུན་པ་ མི་རུང་བའི་སྨན་བུ་རམ་དུ་བསྒྲལ་བ་འཚལ་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ནད་པའི་གཡོག་ཇི་ལྟར་བགྱི། སྟོན་པའི་འདུ་ཤེས་པས་སྨན་ཕན་པ་དང་མཐུན་པས་གཡོག་བྱའོ། ། བཙུན་པ་ནད་པ་ལ་ཅི་སྩལ་བར་བགྱི། ཨུ་པཱ་ལི་རང་བཞིན་གྱིས་ཁ་ན་མ་ཐོ་བ་མ་ གཏོགས་པར་གང་གིས་ནད་པ་སོས་པར་འགྱུར་བ་དེ་དག་བྱིན་ཅིག། ། ། མདོར་ན། འུག་པ་འོལ་བ་བྱ་རྒོད་དང་། ། བྱ་རོག་ཀང་ཀ་ཆུ་སྐྱར་མོ། ། མི་རོ་ཟ་བའི་བྱ་རྣམས་དང་། ། སེན་མོ་མཆུ་སྟོབས་གང་ལྡན་པའོ། ། བཙུན་པ་འུག་པའི་ཤ་འཚལ་དུ་རུང་ངམ། ཨུ་པཱ་ལི་ མི་རུང་ངོ་། ། འོལ་པའི་ཤ་དང་། བྱ་རྒོད་ཀྱི་ཤ་དང་། བྱ་རོག་གི་ཤ་དང་། བྱ་ཀང་ཀའི་ཤ་དང་། ཆུ་སྐྱར་མོའི་ཤ་དང་། གཞན་ཡང་བྱ་མི་རོ་འཚལ་བ་རྣམས་དང་། སེན་མོ་དང་མཆུ་སྟོབས་དང་ལྡན་པའི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། ། ། མདོར་ན། སྲོག་ ཆགས་ཀན་དུ་ཤ་དང་པད་པ་དང་། ། སྲིན་བུ་སྦལ་པའང་དེ་བཞིན་ཏེ། ། སྲེ་མོ་སྦྲུལ་དང་གོ་དྷ་དང་། །

སྦལ་པ་དཀར་པོ་བོང་བུ་རྔ་མོ་སྲམ། ། བཙུན་པ་སྲོག་ཆགས་ཀན་དུ་ཤའི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་པད་པའི་ཤ་དང་། སྦལ་ པའི་ཤ་དང་། སྲེ་མོའི་ཤ་དང་། སྦྲུལ་གྱི་ཤ་དང་། གོ་དྷའི་ཤ་དང་། སྦལ་པ་དཀར་པོའི་ཤ་དང་། སྲམ་གྱི་ཤ་དང་། བྱ་རོག་གི་ཤ་དང་། གཞན་ཡང་ཆུ་ན་གནས་པ་དང་། སེན་མོ་དང་། མཆེ་བ་སྟོབས་དང་ལྡན་པ་དང་། གཞན་ཡང་མི་རོ་ཟ་བ་དེ་དག་གི་ཤ་ འཚལ་དུ་རུང་ངམ། ཨུ་པཱ་ལི་མི་རུང་ངོ་། ། ། ། མདོར་ན། བལ་གླང་དང་ཡང་ཝ་དང་རྟ། ། སྤྲེའུ་དང་མི་ཡང་དེ་བཞིན་ཏེ། ། སེང་གེ་སྟག་དང་དོམ་དག་དང་། ། སེན་མོ་མཆེ་བ་གང་མཐུ་ལྡན། བཙུན་པ་བལ་གླང་གི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། བཙུན་ པ་རྟ་དང་ཝའི་ཤ་དང་། སྤྲེའུའི་ཤ་དང་། མིའི་ཤ་དང་། སེང་གེའི་ཤ་དང་། སྟག་གི་ཤ་དང་། དོམ་གྱི་ཤ་དང་། གཞན་ཡང་རྐང་བཞི་པ་སེན་མོ་དང་མཆེ་བ་སྟོབས་དང་ལྡན་པ་དེ་དག་གི་ཤ་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་གང་གིས་ཤ་འཚལ་དུ་མི་རུང་བ་ དེའི་ཞག་དང་། འོ་མ་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། ཨུ་པཱ་ལི་དེ་ཅིའི་ཕྱིར་ཞེ་ན།

ཨུ་པཱ་ལི་གང་གི་ཤ་མི་རུང་བ་དེའི་ཐམས་ཅད་ཀྱང་མི་རུང་བའོ། ། བཙུན་པ་ཤ་རྗེན་འཚལ་དུ་རུང་ངམ། ཨུ་པཱ་ལི་མི་རུང་ངོ་། ། བདག་གི་ཕྱིར་བསད་པའི་ཤ་འཚལ་དུ་རུང་ངམ། ཨུ་པཱ་ལི་ མི་རུང་ངོ་། ། སྨན་གྱི་དངོས་པོ་རྫོགས་སོ། ། ། ། འདུལ་བ་གཞུང་དམ་པ། བམ་པོ་{བཅྭ་,བཅོ་}བརྒྱད་པ། མདོར་ན། དབྱར་གཉིས་ཕྱེ་བར་གྱུར་པའི་གནས། ། རྙེད་དང་དགེ་འདུན་དག་གི་གཉིས། ། སྨྱོན་པ་ཆད་པ་གསུམ་པ་དང་། ། སྦྱོར་བ་འགྲོན་པ་མང་པོ་དབྱར། ། བཙུན་ པ་ཁྱིམ་བདག་ཅིག་གིས་དབྱར་ཚུལ་དུ་ཞུགས་པ་ལ་ཆོས་གོས་འདི་འབུལ་ལོ་ཞེས་མཆི་སྟེ། དབྱར་གནས་པ་རྣམས་ལ་ཆོས་གོས་ཤིག་ཕུལ་ན་དེ་ལ་དབྱར་གྱི་ཟླ་བ་ཐ་མར་ཡང་མ་གྱུར་ལ། གཏན་པ་ཡང་མ་བཏིང་ན་གང་གིས་འཐོབ། ཨུ་པཱ་ལི་དབྱར་གནས་པ་རྣམས་ཀྱིས་སོ། ། བཙུན་པ་ཁྱིམ་བདག་ཅིག་གིས་ཆོས་གོས་འདི་ནི་དབྱར་ཚུལ་དུ་ཞུགས་པ་རྣམས་ལ་འབུལ་ལོ་ཞེས་མཆི་སྟེ། དབྱར་ཚུལ་དུ་ཞུགས་པའི་དགེ་འདུན་རྣམས་ལ་ཕུལ་ན་དེར་དབྱར་གྱི་ཟླ་བ་ཡང་ཐ་མར་གྱུར་ལ་གནས་དེར་གཏན་པ་བཏིང་ན་གང་གིས་འཐོབ། དབྱར་གནས་པ་རྣམས་ཀྱིས་ སོ། །

བཙུན་པ་ཁྱིམ་བདག་ཅིག་གིས་དགེ་འདུན་ལ་གནས་འདིར་དགེ་སློང་གང་གནས་པ་དེ་དག་ལ་ཆོས་གོས་འདི་འབུལ་ལོ་ཞེས་མཆི་སྟེ། གོས་ཤིག་ཕུལ་ན་གང་གིས་འཐོབ། གང་ལ་བྱིན་པས་སོ། ། དེ་བཞིན་དུ་གཉིས་པ་དང་། གསུམ་པ་ནས། བཅུ་པའི་བར་དུ་རྒྱས་ པར་དེ་དག་ལ་ཕུལ་ན་གང་གིས་འཐོབ། གང་ལ་བྱིན་པས་སོ། ། བཙུན་པ་ཁྱིམ་བདག་ཅིག་གིས་དགེ་འདུན་ལ་གོས་ཤིག་ཕུལ་ཏེ། གོས་འདི་ནི་གནས་འདིར་སང་ཕོད་གནས་པའི་དགེ་སློང་དེ་དག་ལ་འབུལ་ལོ་ཞེས་མཆི་ན་གང་གིས་འཐོབ། གང་ལ་བྱིན་པས་སོ། ། དེ་བཞིན་དུ་ གཉིས་པ་དང་། གསུམ་པ་ནས་ལོ་བཅུའི་བར་དུ་གནས་པ་དེ་དག་ལ་འབུལ་ལོ་ཞེས་མཆི་ན་གང་གིས་འཐོབ། གང་ལ་བྱིན་པས་སོ། ། འོན་ཏེ་གནས་དེ་ན་ད་ལྟར་མི་གནས་པར་གྱུར་ན་དགེ་སློང་དེ་དག་གིས་གོས་དེ་དག་བགོ་བར་བགྱིའམ། ཨུ་པཱ་ལི་བགོ་བར་གྱིས་ཤིག ། བཙུན་ པ་དབྱར་གྱི་ནང་ལོགས་སུ་དགེ་འདུན་དག་བྱེ་ན་དབྱར་གྱི་རྙེད་པ་དེ་དག་སྩལ་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དབྱར་གྱི་གནས་སུ་རིང་དུ་གནས་པར་གྱུར་པ་ལས་དགེ་འདུན་བྱེ་ན་དབྱར་གྱི་རྙེད་པ་དེ་དག་སྩལ་བར་བགྱིའམ། བྱིན་ཅིག ། སུ་ལ་ཕྱོགས་གཉིས་ ག་ལའོ། །

བཙུན་པ་དབྱར་གྱི་ནང་ལོགས་སུ་དགེ་སློང་གིས་ལྷུང་བཟེད་དང་ཆོས་གོས་བཙལ་ཏེ་མཆིས་ན་དེའི་དབྱར་གྱི་རྙེད་པ་སྩལ་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ན། དེ་ལ་དབྱར་གྱི་རྙེད་པ་སྩལ་ཏམ། ཨུ་པཱ་ལི་བྱིན་ཅིག ། སུ་ལ། གང་ལ་སྩོལ་བའམ་བསྔོས་པར་གྱུར་པ་ལའོ། ། བཙུན་པ་དབྱར་གྱི་ནང་ལོགས་སུ་དགེ་སློང་ཞིག་དུས་བགྱིས་ན་དེ་ལ་དབྱར་གྱི་རྙེད་པ་སྩལ་བར་བགྱིའམ། མ་སྦྱིན་ཅིག ། དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ཏེ་དུས་ལས་འདས་ན་ དབྱར་གྱི་རྙེད་པ་སྩལ་ཏམ། ཨུ་པཱ་ལི་བྱིན་ཅིག ། སུ་ལ། གང་ལ་བསྔོས་པར་གྱུར་པ་ལའོ། ། འོན་ཏེ་སུ་ལའང་བསྔོས་པར་གྱུར་པ་མ་མཆིས་ན་སུ་ལ་སྩལ། དགེ་འདུན་ལའོ། ། བཙུན་པ་དབྱར་གྱི་ནང་ལོགས་སུ་དགེ་སློང་ཞིག་དགེ་ཚུལ་ཕ་ལགས་པར་ ཁས་བླངས་ན། དེ་ལ་དབྱར་གྱི་རྙེད་པ་སྩལ་བར་བགྱིའམ། སྦྱིན་པར་བྱའོ། ། དེ་ལ་ཇི་ཙམ་ཞིག་སྩལ། དགེ་ཚུལ་ཕའི་སྐལ་བའོ། ། དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ནས་དགེ་ཚུལ་ཕ་ལགས་པར་ཁས་བླངས་ན་ཇི་ཙམ་སྩལ་བར་བགྱི། དགེ་སློང་གི་ སྐལ་བའོ། །

བཙུན་པ་དབྱར་གྱི་ནང་ལོགས་སུ་དགེ་སློང་ཞིག་ཁྱིམ་པ་ལགས་པར་ཁས་བླངས་ན། དེ་ལ་དབྱར་གྱི་རྙེད་པ་སྩལ་བར་བགྱིའམ། མི་སྦྱིན་ནོ། ། དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ནས་ཁྱིམ་པ་ལགས་པར་ཁས་བླངས་ན། དེ་ལ་དབྱར་གྱི་རྙེད་ པ་སྩལ་བར་བགྱིའམ། བྱིན་ཅིག ། སུ་ལ། གང་ལ་བསྔོས་པར་གྱུར་པ་ལའོ། ། བཙུན་པ་དབྱར་གྱི་ནང་ལོགས་སུ་དགེ་སློང་ཞིག་མ་ནིང་ལགས་པར་ཁས་བླངས་པ་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དགེ་འདུན་གྱི་ དབྱེན་བགྱིས་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སྔར་ཉེས་པ་བྱུང་བ་དང་། སྔར་འཁྲུགས་པ་རྣམས་ལགས་པར་ཁས་བླངས་ན་དེ་དག་ལ་དབྱར་གྱི་རྙེད་པ་སྩལ་ བར་བགྱིའམ། ཨུ་པཱ་ལི་མི་སྦྱིན་ནོ། ། བཙུན་པ་དེ་སྟེ་དབྱར་གྱི་གནས་སུ་ཡུན་རིང་དུ་གནས་པར་གྱུར་ནས་རབ་ཏུ་ཤེས་ན། དེ་ལ་དབྱར་གྱི་རྙེད་པ་སྩལ་བར་བགྱིའམ། ཨུ་པཱ་ལི་སྦྱིན་པར་བྱའོ། ། བཙུན་པ་དབྱར་གྱི་ནང་ལོགས་སུ་དགེ་སློང་མ་ལགས་པར་ཁས་བླངས་པ་དང་། མི་གནས་པ་དང་། སོ་སོར་གནས་པ་དང་།

ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལགས་པར་ཁས་བླངས་ན། དེ་དག་ལ་དབྱར་གྱི་རྙེད་པ་སྩལ་བར་བགྱིའམ། ཨུ་པཱ་ལི་མི་སྦྱིན་ནོ། ། བཙུན་པ་དེ་སྟེ་དབྱར་གྱི་གནས་སུ་རིང་དུ་གནས་སམ་དབྱར་རངས་པར་གནས་པ་དེ་ དག་ལ་ཁས་བླངས་ན་དེ་དག་ལ་དབྱར་གྱི་རྙེད་པ་སྩལ་བར་བགྱིའམ། ཨུ་པཱ་ལི་སྦྱིན་པར་བྱའོ། ། བཙུན་པ་དགེ་སློང་གིས་གནས་བཞི་ནས་ཆོས་གོས་ཀྱི་སྐལ་བ་བདག་གིར་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེས་ གནས་བཞི་ཆར་མཚམས་གཅིག་ཏུ་བྱས་ནས་དབྱར་ཚུལ་དུ་ཞུགས་པའོ། ། བཙུན་པ་ཇི་ཙམ་གྱིས་ན་ཆོས་གོས་རྙེད་པ་ཞེས་བགྱི། ཨུ་པཱ་ལི་འདི་ལྟ་སྟེ། འདི་ནི་བདག་གི་ཆོས་གོས་སོ་སྙམ་ནས་མིག་གིས་མཐོང་བར་གྱུར་པའམ། ལག་པའམ། ཕྲག་པའམ། པང་ པར་བཞག་པར་གྱུར་པའོ། ། བཙུན་པ་དགེ་སློང་གཅིག་པུས་དགེ་འདུན་གྱི་རྙེད་པ་བདག་གིར་བགྱིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་གཅིག་པུ་གནས་པར་གྱུར་ལ། དེར་ཡང་མི་དག་གིས་དགེ་འདུན་གྱི་ཕྱིར་གོས་ ཕུལ་ནའོ། །

བཙུན་པ་དགེ་སློང་གིས་དགེ་འདུན་གྱི་རྙེད་པ་བཏགས་པ་བདག་གིར་བགྱིས་ཀྱང་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་འདུན་ལ་བསྔོས་པར་གྱུར་པའོ། ། བཙུན་པ་དགེ་སློང་སྨྱོན་པ། ཆོས་གོས་བགེད་པར་བསྐོ་བར་བགྱི་འམ། ཨུ་པཱ་ལི་མ་ཡིན་ནོ། ། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་འང་དེ་བཞིན་ནོ། ། བཙུན་པ་དགེ་སློང་དམུས་ལོང་ཆོས་གོས་བགེད་པར་བསྐོ་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་སྨྱོན་པའི་ཆོས་ གོས་གང་ནས་བཟུང་སྟེ་བསྔོ་བར་བགྱི། ནམ་རང་གི་སེམས་སོར་ཆུད་པ་ཚུན་ཆད་དོ། ། བཙུན་པ་སྨྱོན་པ་ལས་ཆོས་གོས་བླང་བར་བགྱིའམ། མི་བླང་བར་བགྱི། ཁ་ཅིག་ལས་ནི་བླང་བར་བྱ། ཁ་ཅིག་ལས་ནི་མི་བླང་བར་བྱའོ། ། གང་ལས་བླང་བར་བྱ། གང་ལ་ ཕའམ། མའམ། སྤུན་ནམ། སྲིང་མོ་གསོན་པ་འམ། རང་གི་ཁྱིམ་ནས་བྱིན་ཡང་རུང་སྟེ། ཡོངས་སུ་གཏོང་བའི་འདུ་ཤེས་ཀྱང་ཡོད་པའོ། ། བཙུན་པ་དབྱར་ཞིག་པ་ལས་དབྱར་གྱི་རྙེད་པ་སྩལ་བར་བགྱིའམ། ཁ་ཅིག་ལ་ནི་སྦྱིན། ཁ་ཅིག་ལ་ནི་མི་སྦྱིན་ནོ། ། གང་ལ་མི་ སྦྱིན་ཞེ་ན། གང་དབྱར་སྔ་མའི་ཚུལ་ཡང་མེད་ལ།

ཕྱི་མའི་ཚུལ་ཡང་མེད་པར་ཤེས་པའོ། ། གང་ལ་སྦྱིན་པར་བྱ་ཞེ་ན། གང་ལ་དབྱར་སྔ་མའི་ཚུལ་ཡང་ཡོད་ལ། ཕྱི་མའི་ཡང་ཡོད་པར་ཤེས་པའོ། ། བཙུན་པ་ནད་གཡོག་གིས་སྦྱོར་བ་བཏང་བར་གྱུར་ ཏེ་གཞན་ལ་ཡང་སྤྲོ་བར་བགྱིས་ལ་ནད་པ་དུས་བགྱིས་ན་ནད་གཡོག་གང་ལ་གོས་སྩལ་བར་བགྱི། ཕྱི་མ་ལའོ། ། བཙུན་པ་ནད་གཡོག་མཚམས་ཀྱི་སླད་རོལ་དུ་མཆིས་པ་ལས་ནད་པ་དུས་བགྱིས་ན་ནད་གཡོག་དེ་ལ་གོས་སྩལ་བར་བགྱིའམ། དེ་སྟེ་ནད་པའི་དོན་ཅིག་ལ་སོང་བར་ གྱུར་ན་དེ་ལ་ནད་གཡོག་ལ་གོས་སྦྱིན་པར་བྱའོ། ། འོན་ཏེ་གཞན་གྱི་དོན་ཅིག་ལ་སོང་ན་ནི་མི་སྦྱིན་ནོ། ། བཙུན་པ་ནད་གཡོག་གནས་གཞན་དུ་དབྱར་ཚུལ་དུ་ཞུགས་པར་གྱུར་ན། དེ་ལ་ནད་གཡོག་ལ་གོས་སྩལ་བར་བགྱིའམ། མི་སྩལ་བར་བགྱི། སྦྱིན་པར་བྱའོ། ། བཙུན་ པ་དགེ་ཚུལ་ཕས་ནད་གཡོག་བགྱིས་ན། དེ་ལ་ནད་གཡོག་ལ་གོས་སྩལ་བར་བགྱིའམ། ཨུ་པཱ་ལི་སྦྱིན་པར་བྱའོ། ། བཙུན་པ་དགེ་སློང་མས་ནད་གཡོག་བགྱིས་པ་ལས་ནད་པ་དུས་བགྱིས་ན་དེ་ལ་ནད་གཡོག་ལ་གོས་སྩལ་བར་བགྱིའམ། མི་སྦྱིན་ནོ། ། དགེ་སློབ་མ་དང་། དགེ་ ཚུལ་མ་རྣམས་ཀྱང་དེ་བཞིན་ནོ། ། བཙུན་པ་འགྲོན་པ་མང་པོ་བཅོམ་པའི་གོས་རྙེད་ན་བླང་བར་བགྱིའམ།

མི་བླང་བར་བགྱི། ཨུ་པཱ་ལི་དེ་སྟེ་ཚོང་པས་བྱིན་ན་བླང་བར་བྱའོ། ། འོན་ཏེ་རྐུན་པོས་བྱིན་ན་དེའི་ཚེ་མི་བླང་ངོ་། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དབྱར་གྱི་ ནང་ལོགས་སུ་དབྱར་གྱི་རྙེད་པ་མ་འགོད་ཅིག་ཅེས་གསུངས་ན། བཙུན་པ་ཁྱིམ་བདག་ཅིག་གིས་གནས་མང་ཞིག་ནས་དགེ་སློང་དག་མགྲོན་དུ་བོས་ཏེ་གནས་གཅིག་ཏུ་འཚལ་མ་འཚལ་ནས་དགེ་འདུན་དེ་དག་ལ་མངོན་སུམ་དུ་གོས་ཕུལ་ན་དགེ་སློང་དེ་དག་གིས་གོས་བགོ་བར་བགྱིའམ། ཨུ་ པཱ་ལི་གོས་དེ་དག་ནི་རྐྱེན་འབྱུང་བའི་གོས་པས་བགོ་བར་བྱའོ། ། བཙུན་པ་དབྱར་གྱི་ནང་ལོགས་སུ་དགེ་སློང་ཞིག་དུས་བགྱིས་ན་དགེ་སློང་དེ་དག་གིས་གོས་དེ་དག་བགོ་བར་བགྱིའམ། ཤི་བའི་གོས་པས་ན་བགོ་བར་བྱའོ། ། ། ། མདོར་ན། གྲོང་གཉིས་སྤུ་ཅན་ཕྱི་རོལ་མཚམས། ། དེ་བཞིན་དུ་ཡང་མཆོད་རྟེན་ནོ། ། མཚམས་ལས་བསྔོས་པར་བྱས་པ་དང་། ། ཆད་པ་ཐ་མར་གྱུར་པའོ། ། བཙུན་པ་གྲོང་གི་ནང་ན་གཙུག་ལག་ཁང་ཞིག་མཆིས་ལ་དེར་དབྱར་ཚུལ་དུ་ཞུགས་པའི་དགེ་འདུན་རྣམས་དོན་ཅིག་གི་སླད་དུ་མཚམས་ཀྱི་སླད་རོལ་དུ་མཆིས་པར་གྱུར་པ་དང་།

དེའི་ མཐའ་ན་འཁོད་པའི་དགེ་སློང་དག་གྲོང་ཁྱེར་གྱི་མཚམས་ཀྱི་ནང་ན་མཆིས་པ་ལས་དེར་མི་དག་གིས་དགེ་འདུན་ལ་དབྱར་གྱི་རྙེད་པ་ཞིག་ཕུལ་ན་གང་གིས་འཐོབ། གྲོང་ཁྱེར་གྱི་དགེ་འདུན་གྱིས་སོ། ། བཙུན་པ་གྲོང་ཁྱེར་དུ་དགེ་འདུན་ཚུལ་དུ་ཞུགས་ནས་དབྱར་གྱི་ནང་ལོགས་སུ་བྱེ་ན་དབྱར་གྱི་རྙེད་པ་གང་ གིས་འཐོབ། ཨུ་པཱ་ལི་ཆོས་ལ་ཕྱོགས་པས་སོ། ། བཙུན་པ་དགེ་སློང་གིས་སྤུ་ཅན་ལས་ཆོས་གོས་གསུམ་དུ་བྱིན་གྱིས་བརླབས་ན་བྱིན་གྱིས་བརླབས་པ་ཞེས་བགྱིའམ། གོས་གཞན་ཡོད་ན་ནི་བྱིན་གྱིས་མ་བརླབ་ཤིག ། བྱིན་གྱིས་བརླབས་ན་ནི་འདས་པ་དང་བཅས་པར་འགྱུར་རོ། ། བཙུན་ པ་དགེ་སློང་གིས་མཚམས་ཀྱི་སླད་རོལ་དུ་མཆིས་ནས་དགེ་འདུན་གྱི་རྙེད་པ་བདག་ཉིད་ཀྱིས་བདག་གིར་བགྱིས་ན་ཅིར་འགྱུར། ཉེས་བྱས་སོ། ། བཙུན་པ་དབྱར་ཚུལ་དུ་ཞུགས་པའི་དགེ་འདུན་དབྱར་གྱི་ནང་ལོགས་སུ་མཆོད་རྟེན་གྱི་རྙེད་པ་བགོས་ཀྱང་ནོངས་པར་མི་འགྱུར་ཞིང་རུང་བར་འགྱུར་བ་ མཆིས་སམ། ཨུ་པཱ་ལི་ཡོད་དེ། ཉན་ཐོས་ཀྱི་མཆོད་རྟེན་ལ་བསྔོས་པར་གྱུར་པ་ནི་ཤི་བའི་ཡོ་བྱད་པས་ན་བགོ་བར་བྱའོ། །

བཙུན་པ་བཅོམ་ལྡན་འདས་ཀྱིས་གུམ་པའི་ཡོ་བྱད་མཚམས་ཀྱི་ནང་ན་འཁོད་པས་བགོ་བར་གྱིས་ཤིག་ཅེས་གསུངས་ན། བཙུན་པ་དགེ་སློང་གིས་གུམ་ པའི་ཡོ་བྱད་བྱིན་གྱིས་བརླབས་ཏེ་མཚམས་ཀྱི་སླད་རོལ་དུ་མཆིས་ན་གུམ་པའི་ཡོ་བྱད་ཀྱི་སྐལ་བ་སྩལ་ཏམ། ཨུ་པཱ་ལི་སྦྱིན་ནོ། ། དེ་སྟེ་བྱིན་གྱིས་མ་བརླབས་པར་མཆིས་ན་སྩལ་ཏམ། ཨུ་པཱ་ལི་མ་ཡིན་ནོ། ། བཙུན་པ་གུམ་པའི་ཡོ་བྱད་དང་གོས་བྱིན་གྱིས་མ་བརླབས་པར་དགེ་ སློང་གཞན་དག་ཅིག་མཆིས་ན་དེ་དག་ལ་གུམ་པའི་ཡོ་བྱད་ཀྱི་སྐལ་བ་སྩལ་བར་བགྱི་འམ། ཨུ་པཱ་ལི་སྦྱིན་པར་བྱའོ། ། བཙུན་པ་དེ་སྟེ་བྱིན་གྱིས་བརླབས་ནས་མཆིས་ན་སྩལ་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་བཅོམ་ལྡན་འདས་ཀྱིས་གུམ་པའི་ཡོ་བྱད་རྣམས་གསོལ་ བ་དང་ལས་ཀྱིས་བྱིན་གྱིས་རློབས་ཤིག་ཅེས་གསུངས་ན། བཙུན་པ་གནས་གང་ན་དགེ་སློང་གཅིག་པུ་མཆིས་ན་དེས་ཇི་ལྟར་བྱིན་གྱིས་བརླབ་པར་བགྱི། ཨུ་པཱ་ལི་དགེ་སློང་དེས་སེམས་བསྐྱེད་ནས་ཚིག་ཏུ་སྨྲ་བར་བྱ་སྟེ། བགོ་བ་ལས་རྫས་འདི་ནི་བདག་གིས་འཐོབ་པས་ན་ བདག་གིས་ཆོས་གོས་འདི་བསྡུ་བར་བགྱིའོ། ། བདག་གིར་བྱའོ། །

འདི་ནི་བྱིན་གྱིས་བརླབ་པར་བྱའོ་ཞེས་བྱིན་གྱིས་བརླབ་པར་བྱའོ། ། གནས་གང་ན་དགེ་སློང་གཉིས་སམ་གསུམ་ཡང་རུང་གནས་ན་དེ་དག་ཀྱང་གཅིག་ལ་གཅིག་སྨྲ་བར་བྱའོ། ། བཙུན་པ་གོས་མ་དྲས་པ་ལ་བྱིན་གྱིས་ བརླབ་ཏུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་དེ་དང་འདྲ་བའི་རྐྱེན་ཅིག་བྱུང་ན་རུང་ངམ། ཨུ་པཱ་ལི་རུང་ངོ་། ། གོས་ཀྱི་དངོས་པོ་རྫོགས་སོ། ། ། ། མདོར་ན། རྙིང་པ་གཉིས་དང་བཞག་པ་དང་། ། སར་པ་གཏན་པ་ཞིགས་པ་དང་། ། ཟིན་པ་དང་ནི་མ་ཟིན་པ། ། དུས་སུ་ རྙེད་དང་མ་བགོས་གཉིས། ། མི་རུང་མཚམས་ཀྱི་ཕྱི་རོལ་དང་། ། མ་བསྐོས་གང་ཟག་དེ་བཞིན་བཅུ། ། བཙུན་པ་གོས་རྙིང་པ་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། གོས་རྙིང་པ་གང་ཞེ་ན། གང་ གིས་སྔར་དགེ་འདུན་གྱིས་གཏན་པ་བཏིང་བར་གྱུར་པའོ། ། གོས་རྙིང་པ་བཅངས་པ་གཏན་པར་བཏིང་ན་བཏིང་བ་ཞེས་བགྱི་འམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། གོས་རྙིང་པ་བཅངས་པ་གང་ཞེ་ན། གང་དགེ་སློང་གིས་སྤྱད་པའོ། ། བཙུན་པ་ཉེ་བར་བཞག་པའི་གོས་གཏན་པར་བཏིང་ན་བཏིང་བ་ཞེས་བགྱིའམ།

ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། ཉེ་བར་བཞག་པའི་གོས་གང་ཞེ་ན། སྤངས་པའོ། ། བཙུན་པ་གོས་སར་པ་གཏན་པར་བཏིང་ན་བཏིང་བ་ཞེས་ བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པར་མི་འགྱུར་རོ། ། གོས་སར་པ་གང་ཞེ་ན། དགེ་འདུན་གྱིས་ཐོག་མར་གཏན་པར་བཏིང་བའོ། ། བཙུན་པ་གཏན་པའི་གོས་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། གཏན་པའི་གོས་གང་ཞེ་ན། གོས་གང་དབྱར་ཐ་མའི་ཟླ་བ་ལ་རྙེད་པའོ། ། བཙུན་པ་གོས་ཞིགས་པ་ཞིག་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། གོས་ ཞིགས་པ་གང་ཞེ་ན། གོས་རུལ་པའོ། ། བཙུན་པ་གོས་མ་ལགས་པ་ཞིག་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། བཙུན་པ་གོས་ལགས་པ་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པར་མི་འགྱུར་རོ། །

བཙུན་པ་བཅོམ་ལྡན་འདས་གང་དུས་སུ་རྙེད་པའི་གོས་གཏན་པར་ཐིང་ཤིག་ཅེས་གསུངས་ན། དུས་སུ་རྙེད་པའི་གོས་གཏན་པར་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་ བྱའོ། ། དུས་ཀྱི་གོས་གང་ཞེ་ན། གོས་གང་ཟླ་བ་གསུམ་འདས་ནས་དེ་ཉིད་ཀྱི་ཉ་བྲི་ཞག་གཅིག་ལ་རྙེད་པའོ། ། བཙུན་པ་བཅོམ་ལྡན་འདས་ཀྱིས་མ་གྱོན་པའི་གོས་གཏན་པར་བཏིང་ན་བཏིང་བ་ཞེས་བྱའོ་ཞེས་གསུངས་ན། མ་གྱོན་པའི་གོས་གང་ལགས། སར་པ་བཏགས་མ་ཐག་ པའོ། ། བཙུན་པ་བཅོམ་ལྡན་འདས་ཀྱིས་མ་གྱོན་པའི་གོས་རུང་བ་གཏན་པར་ཐིང་ཤིག་ཅེས་གསུངས་ན། བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱའོ། ། གོས་མ་གྱོན་པ་རུང་བ་གང་ཞེ་ན། ཁ་དོག་ཅན་ནོ། ། བཙུན་པ་མི་རུང་བའི་གོས་ཤིག་གཏན་པར་བཏིང་ན་ བཏིང་བ་ཞེས་བགྱི་འམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། མི་རུང་བའི་གོས་གང་ཞེ་ན། རང་གི་རྒྱུད་ཀྱིས་མི་རུང་བའོ། ། བཙུན་པ་གོས་སམ་གཏན་པར་བཏིང་བར་མ་བགོས་པས་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །

བཙུན་པ་མཚམས་ཀྱི་སླད་རོལ་དུ་བསྐོས་པའི་ཆོས་གོས་གཏན་པར་འདིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། བཙུན་པ་གཏན་པ་འདིང་བ་ཆད་ པས་བཅད་པས་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། བཙུན་པ་དེ་བཞིན་དུ་གཏན་པ་འདིང་བ་ཆད་པ་ཁོར་བ་དང་། ཡིད་མགུ་བར་སྤྱོད་པ་དང་། ཡིད་མགུ་བར་སྤྱད་པ་ལགས་པ་དང་། བསླབ་པ་སྩལ་བ་དང་། དབྱར་མ་མཆིས་པ་དང་། ཞིག་པ་དང་། དབྱར་ཕྱི་མར་ཚུལ་དུ་ཞུགས་པ་དང་། དབྱར་གཞན་དུ་གནས་པ་དང་། སྨྱོན་པ་རྣམས་ཀྱིས་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། ། ། མདོར་ན། ལྔ་པ་གཉིས་དང་སེམས་གཉིས་དང་། ། ཤོལ་བོར་གཉིས་དང་དེ་བཞིན་ཏེ། ། བུད་མེད་མཚན་དང་གཏན་པ་དང་། ། གནས་ལ་རྣམ་པ་དྲུག་ཏུ་བྱ། ། བཙུན་པ་བཅོམ་ལྡན་འདས་ཀྱིས་གང་ཟག་ལྔ་གཏན་པ་འདིང་བར་མི་བསྐོ་སྟེ། དེ་ནི་ཆད་པ་བགྱིད་པ་དང་། ཆད་པ་ཁོར་ བ་དང་། ཡིད་མགུ་བར་སྤྱོད་པ་དང་། ཡིད་མགུ་བར་སྤྱད་པ་ལགས་པ་དང་། བསླབ་པ་སྩལ་བ་རྣམས་སོ་ཞེས་གསུངས་ན།

བཙུན་པ་ཆད་པ་བགྱིད་པའི་གང་ཟག་ཅིག་གིས་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་ དང་བཅས་པའོ། ། བཙུན་པ་དེ་བཞིན་དུ་ཆད་པ་ཁོར་བ་དང་། ཡིད་མགུ་བར་སྤྱོད་པ་དང་། ཡིད་མགུ་བར་སྤྱད་པ་ལགས་པ་དང་། བསླབ་པ་སྩལ་བ་རྣམས་ཀྱིས་གཏན་པ་བཏིང་ན་གཏན་པ་བཏིང་བ་ཞེས་བགྱི་འམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་ པ་དང་བཅས་པའོ། ། གཞན་ཡང་གང་ཟག་ལྔ་གཏན་པ་གདིང་བར་མི་བསྐོ་སྟེ། དབྱར་མེད་པ་དང་། དབྱར་ཞིག་པ་དང་། དབྱར་ཕྱི་མར་ཚུལ་དུ་ཞུགས་པ་དང་། དབྱར་གཞན་དུ་གནས་པ་དང་། སྤངས་པ་རྣམས་སོ། ། བཙུན་པ་བཅོམ་ལྡན་འདས་ཀྱིས་གཞན་ཡང་ གང་ཟག་ལྔ་སྟེ། དབྱར་མེད་པ་དང་། དབྱར་ཞིག་པ་དང་། དབྱར་ཕྱི་མར་ཚུལ་དུ་ཞུགས་པ་དང་། དབྱར་གཞན་དུ་གནས་པ་དང་། སྤངས་པ་རྣམས་ཀྱིས་གཏན་པ་བཏིང་ན་བཏིང་བར་བྱའོ་ཞེས་གསུངས་ན། བཙུན་པ་དེ་སྟེ་དབྱར་མ་མཆིས་པས་གཏན་པ་བཏིང་ན་གཏན་པ་ བཏིང་བ་ཞེས་བགྱིའམ། ཨུ་པཱ་ལི་ཁ་ཅིག་ནི་བཏིང་བ་ཞེས་བྱའོ། ། ཁ་ཅིག་ནི་མ་བཏིང་བ་ཞེས་བྱའོ། ། བཙུན་པ་གང་གིས་བཏིང་བ་ལགས། གང་གིས་མ་བཏིང་བ་ལགས།

ཨུ་པཱ་ལི་འདི་ལྟར་དགེ་ཚུལ་པ་དབྱར་ཚུལ་དུ་ཞུགས་པ་ལ་དབྱར་ཕྱི་མའི་གནས་སུ་བསྙེན་པར་རྫོགས་ ཏེ་ཟླ་བ་གསུམ་འདས་པས་གཏན་པ་བཏིང་ན་དེ་ལ་གཏན་པ་བཏིང་བ་ཞེས་བྱའོ། ། དེ་ཅིའི་ཕྱིར་ཞེ་ན། ཨུ་པཱ་ལི་ཟླ་བ་གསུམ་འདས་ནས་གཏན་པ་ཞེས་བྱ་སྟེ་དེ་ཡང་ཟླ་བ་གསུམ་དུ་མངོན་ནོ། ། ཨུ་པཱ་ལི་གང་ཕྱི་མར་ཞུགས་པ་ལས་རབ་ཏུ་བྱུང་སྟེ་བསྙེན་པར་རྫོགས་ལ་དེ་ཡང་ཟླ་བ་གསུམ་ དུ་གནས་པའི་དགེ་སློང་དང་ལྷན་ཅིག་གཏན་པ་བཏིང་ན་དེ་ནི་གཏན་པ་མ་བཏིང་བ་ཞེས་བྱའོ། ། ཨུ་པཱ་ལི་ཟླ་བ་གསུམ་ལོན་ནས་གཏན་པ་བཏིང་བ་ཞེས་བྱ་སྟེ། དེ་ཟླ་བ་གསུམ་མ་ལོན་པར་མངོན་ནོ། ། བཙུན་པ་དབྱར་ཞིག་པ་ཞིག་གིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་ཁ་ཅིག་ནི་བཏིང་བ་ཞེས་བྱའོ། ། ཁ་ཅིག་ནི་མ་བཏིང་བ་ཞེས་བྱའོ། ། བཙུན་པ་གང་གིས་བཏིང་བ་ཞེས་བགྱི། གང་གིས་མ་བཏིང་བ་ཞེས་བགྱི། ཨུ་པཱ་ལི་གང་གི་དབྱར་སྔ་མར་ཡང་ཤེས་པ་མེད་ལ་དབྱར་ཕྱི་མའི་ཚུལ་ཀྱང་མེད་པ་སྟེ། དེ་ཟླ་བ་གསུམ་དུ་དགེ་སློང་དང་ལྷན་ ཅིག་གནས་པ་དང་ཅིག་ཆར་གཏན་པ་བཏིང་ན་དེའི་གཏན་པ་མ་བཏིང་བ་ཞེས་བྱའོ། ། ཨུ་པཱ་ལི་ཟླ་བ་གསུམ་གནས་ནས་གཏན་པ་ཞེས་བྱ་སྟེ།

དེ་ལ་ནི་ཟླ་བ་གསུམ་དུ་ཤེས་པའང་མེད་དོ། ། ཨུ་པཱ་ལི་གང་དབྱར་སྔ་མར་གནས་པའམ། ཕྱི་མའང་ཤེས་ལ་དེས་ཞག་བདུན་ནམ། བཞི་བཅུར་བྱིན་གྱིས་བརླབ་པར་མཚམས་ཀྱི་ཕྱི་རོལ་དུ་སོང་ནས་སྐྱ་རེངས་ཤར་བ་དེ་ཡང་ཟླ་བ་གསུམ་དུ་གནས་པས་གཏན་པ་བཏིང་ན་དེའི་གཏན་པ་བཏིང་བ་ཞེས་བྱའོ། ། ཨུ་པཱ་ལི་ཟླ་བ་གསུམ་དུ་གནས་ནས་གཏན་པ་ཞེས་བྱ་སྟེ། དེ་ལ་ཡང་ཟླ་བ་གསུམ་དུ་མངོན་ནོ། ། ཡི་དམ་ ལས་འགལ་བས་ཉེས་བྱས་སུ་འགྱུར་རོ། ། བཙུན་པ་དབྱར་ཕྱི་མར་ཚུལ་དུ་ཞུགས་པ་ཞིག་གཏན་པ་བཏིང་ན་བཏིང་བ་ཞེས་བགྱིའམ། ཨུ་པཱ་ལི་ཁ་ཅིག་ནི་གཏན་པ་བཏིང་བ་ཞེས་བྱའོ། ། ཁ་ཅིག་ནི་མ་བཏིང་བ་ཞེས་བྱའོ། ། བཙུན་པ་གང་གི་གཏན་པ་བཏིང་བ་ཞེས་བགྱི། ཨུ་པཱ་ལི་གང་ དབྱར་སྔ་མར་ཚུལ་དུ་ཞུགས་པའི་དགེ་སློང་གི་དགེ་འདུན་གཏན་པ་འདིང་བའི་དགེ་སློང་དང་། དབྱར་ཕྱི་མར་ཚུལ་དུ་ཞུགས་པ་དེ་དག་ལྷན་ཅིག་ཏུ་གཏན་པ་འདིང་ན་དེའི་གཏན་པ་བཏིང་བ་ཞེས་བྱའོ། ། ཨུ་པཱ་ལི་ཟླ་བ་གསུམ་དུ་གནས་ནས་གཏན་པ་ཞེས་བྱ་སྟེ། དེ་ནི་ཟླ་བ་ གསུམ་དུ་ཤེས་པའང་མེད་དོ། །

ཨུ་པཱ་ལི་དགེ་འདུན་ཐམས་ཅད་དབྱར་ཕྱི་མར་ཚུལ་དུ་ཞུགས་ལ་ཟླ་བ་གསུམ་དུ་གནས་ནས་གཏན་པ་འདིང་ན་དེ་དག་གི་གཏན་པ་བཏིང་བ་ཞེས་བྱའོ། ། ཨུ་པཱ་ལི་ཟླ་བ་གསུམ་དུ་གནས་ནས་གཏན་པ་ཞེས་བྱ་སྟེ། དེ་དག་ནི་ཟླ་བ་གསུམ་དུ་མངོན་ནོ། ། བཙུན་པ་དབྱར་གཞན་དུ་གནས་པ་ཞིག་གིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་ཁ་ཅིག་ནི་གཏན་པ་བཏིང་བ་ཞེས་བྱའོ། ། ཁ་ཅིག་ནི་མ་བཏིང་བ་ཞེས་བྱའོ། ། བཙུན་པ་གང་གི་གཏན་པ་བཏིང་བ་ཞེས་བགྱི། གང་གི་གཏན་པ་མ་བཏིང་བ་ཞེས་བགྱི། ཨུ་པཱ་ལི་དགེ་སློང་དག་མཚམས་སོ་སོར་བཅད་པའི་གནས་ན་དབྱར་གཞན་དུ་གནས་ལ་གཞན་དུ་སོང་སྟེ་གཏན་པ་བཏིང་ན་དེའི་གཏན་པ་མ་བཏིང་བ་ཞེས་བྱའོ། ། ཨུ་པཱ་ལི་གཏན་པ་གང་ཞེ་ན། ཟླ་བ་གསུམ་གནས་ནས་གཏན་པ་བཏིང་བ་དེ་ལ་ནི་ཟླ་བ་གསུམ་དུ་ཤེས་པ་ཡང་མེད་དོ། ། ཨུ་ པཱ་ལི་གང་ཟླ་བ་གསུམ་དུ་གནས་པའི་དགེ་སློང་གི་དགེ་འདུན་རྣམས་དབྱར་ཟླ་བ་གསུམ་འདས་པ་དང་། དེ་ཉིད་ཀྱི་ཉ་བྲི་ཞག་གཅིག་ལ་མཚམས་ཆེན་པོ་བཀྲོལ་ཏེ་གནས་བཞིའམ་ལྔའི་མཚམས་གཅིག་ཏུ་བྱས་ནས་གཏན་པ་བཏིང་ན་གནས་དེ་དག་ཐམས་ཅད་དུ་གཏན་པ་བཏིང་བ་ཞེས་བྱའོ། །

དེ་བཞིན་དུ་གནས་ལ་གནས་གཞན་དུ་གཏན་པ་བཏིང་བ་ཞེས་བྱའོ། ། བཙུན་པ་སྤངས་པས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་ཁ་ཅིག་ནི་བཏིང་བ་ཞེས་བྱའོ། ། ཁ་ཅིག་ནི་མ་བཏིང་བ་ཞེས་བྱའོ། ། བཙུན་པ་གང་གིས་གཏན་པ་མ་བཏིང་བ་ཞེས་བགྱི། ཨུ་པཱ་ ལི་དབྱར་ཚུལ་དུ་ཞུགས་པའི་དགེ་སློང་གང་ལ་དགེ་འདུན་འདུས་པ་རྣམས་ཀྱིས་སྤང་བའི་ལས་བྱས་པ་དེ་དག་ཀྱང་བཟོད་པ་མ་གསོལ་བར་དབྱར་གནས་པ་དག་ཀྱང་ལྷན་ཅིག་གཏན་པ་བཏིང་ན་དེའི་གཏན་པ་ནི་མ་བཏིང་བ་ཞེས་བྱའོ། ། གང་གི་བཏིང་བ་ཞེས་བགྱི། ཨུ་པཱ་ལི་དགེ་སློང་གང་ དབྱར་ཚུལ་དུ་ཞུགས་པ་ལ་དགེ་འདུན་འདུས་པ་རྣམས་ཀྱིས་མཉམ་དུ་མི་སྤྱོད་པའི་སྡོམ་པ་བཅས་པར་གྱུར་ཏམ། བཀར་བའི་ལས་བྱས་པར་གྱུར་ལ། དེས་ཀྱང་བཟོད་པ་གསོལ་ན་དབྱར་གནས་པའི་དགེ་འདུན་རྣམས་དང་ལྷན་ཅིག་ཏུ་གཏན་པ་བཏིང་ན་དེའི་གཏན་པ་བཏིང་བ་ཞེས་བྱའོ། ། བཙུན་པ་བཅོམ་ལྡན་འདས་ཀྱིས་དགེ་སློང་གཏན་པ་འདིང་བས་གཏན་པ་བླངས་ནས་བཀྲུ་བ་དང་། བརྐྱང་བ་དང་། དྲ་བ་དང་། བཙེམ་པ་ཐམས་ཅད་དང་ཁབ་སོ་ཐ་མའི་བར་དུ་ཐོག་མར་འགྲོ་བར་བྱོས་ལ་བདག་གིས་ཆོས་གོས་འདིས་དགེ་འདུན་གྱི་གཏན་པ་གདིང་བར་བྱ་བ་གདིང་ངོ་། །

བདག་གིས་བཏིང་ངོ་ཞེས་སེམས་རྣམ་པ་གསུམ་སྐྱེད་ཅིག ། སེམས་རྣམ་པ་གསུམ་བསྐྱེད་ཀྱང་ཆོས་གོས་འདིས་དགེ་འདུན་གྱི་གཏན་པ་གདིང་བར་བྱ། བདག་གིས་བཏིང་ངོ་ཞེས་སེམས་རྣམ་པ་གཉིས་བསྐྱེད་ན་གཏན་པ་བཏིང་བ་ཞེས་བྱའོ། ། བཙུན་པ་སེམས་བསྐྱེད་པ་གཅིག་གིས་ གཏན་པ་གདིང་དུ་རུང་ངམ། ཨུ་པཱ་ལི་རུང་སྟེ། འདི་ལྟར་ཡང་གཏན་པ་གདིང་བའི་དགེ་སློང་གིས་གཏན་པ་གདིང་བར་བདག་མིང་འདི་ཞེས་བགྱི་བས་གོས་འདིས་དགེ་འདུན་གྱི་གཏན་པ་གདིང་ངོ་ཞེས་སེམས་བསྐྱེད་ན་གཏན་པ་གདིང་བ་ཞེས་བྱའོ། ། བཙུན་པ་ཚུལ་ནས་འབྱུང་ བའི་ཚེ་རྒྱལ་པོས་ཤོལ་བོར་ན་དགེ་སློང་དེ་དག་གིས་གཏན་པ་ཇི་ལྟར་གདིང་བར་བགྱི། ཇི་ལྟར་ཚུལ་ནས་བྱུང་བ་བཞིན་ནོ། ། བཙུན་པ་གཏན་པ་དེ་ཉིད་རུང་ལ་དེ་ཉིད་མི་རུང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེ་དག་ཁ་ཅིག་ནི་ཤོལ་བོར། ཁ་ ཅིག་ནི་ཤོལ་མ་བོར་བར་ཚུལ་དུ་ཞུགས་ཏེ་དེ་ཉིད་དུ་ཁྱིམ་བདག་གིས་ཤོལ་མ་བོར་བའི་གནས་སུ་ཚུལ་ནས་འབྱུང་བ་དེ་ཉིད་ཀྱི་ཉ་བྲི་ཞག་གཅིག་ལ་དགེ་འདུན་གཉི་ག་ཟན་བྱིན་ཏེ་གཏན་པའི་གོས་ཕུལ་ན་གོས་དེ་ཤོལ་མ་བོར་བ་ལ་ནི་རུང་ངོ་། ། ཤོལ་བོར་བ་ལ་ནི་མི་རུང་ངོ་། །

བཙུན་པ་གང་ མ་ལྟ་བུའི་ཚིག་བརྒྱད་པོ་འདི་དག་གིས་ནི་གཏན་པ་ལས་འབྱུང་བར་འགྱུར་རོ། ། དེ་ལ་ཐུན་མོང་བ་ནི་དུ། ཐུན་མོང་མ་ལགས་པ་ནི་དུ། ཨུ་པཱ་ལི་ཐོག་མ་དང་ཐ་མ་མ་གཏོགས་པར་ལྷག་མ་རྣམས་ནི་ཐུན་མོང་བའོ། ། བཙུན་པ་གཏན་པ་འདིང་བའི་དགེ་སློང་གིས་གཏན་པ་འདིང་བའི་ ཚེ་མཚན་གྱུར་ན་གཏན་པ་འདིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། གཏན་པ་སྦེད་པའི་དགེ་སློང་དད་པར་བྱོས་ཤིག ། བཙུན་པ་གཏན་པ་ཞེས་ཀྱང་བགྱི། གཏན་པ་འདིང་བ་ཞེས་ཀྱང་བགྱི། གཏན་པ་འབྱིན་པ་ཞེས་ཀྱང་བགྱི་ན། བཙུན་པ་གཏན་ པ་ནི་གང་། གཏན་པ་འདིང་བ་ནི་གང་། གཏན་པ་འབྱིན་པ་ནི་གང་ལགས། ཨུ་པཱ་ལི་གོས་ནི་གཏན་པའོ། ། སེམས་བསྐྱེད་པ་ནི་གཏན་པ་འདིང་བའོ། ། མ་ལྟ་བུའི་ཚིག་བརྒྱད་པོ་ནི་གཏན་པ་འབྱིན་པའོ། ། བཙུན་པ་དགེ་སློང་རྣམས་ཀྱིས་གནས་བཞིའམ་ལྔ་མཚམས་ ཀྱི་ནང་དུ་བགྱིས་ནས་དབྱར་ཚུལ་དུ་ཞུགས་ཏེ་དེ་དག་ཚུལ་ནས་བྱུང་སྟེ། གཏན་པ་བཏིང་ན་གནས་དེ་དག་ཐམས་ཅད་དུ་གཏན་པ་བཏིང་བ་ཞེས་བགྱིའམ། ཨུ་པཱ་ལི་ཐམས་ཅད་དུ་གཏན་པ་བཏིང་བ་ཞེས་བྱའོ། །

བཙུན་པ་དེ་སྟེ་གཏན་པ་བཏིང་ནས་མཚམས་ཆེན་པོ་བཀྲོལ་ཏེ་སོ་ སོར་མཚམས་བཀུམ་ན་གཏན་པ་ཕྱུང་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། གནས་དེ་དག་ཐམས་ཅད་དུ་གཏན་པ་བཏིང་བ་ཞེས་བགྱིའམ། ཨུ་པཱ་ལི་གཏན་པ་བཏིང་བ་ཞེས་བྱའོ། ། དེ་སྟེ་སོ་སོར་མཚམས་བཅད་ནས་གཏན་པ་ཕྱུང་ན་གནས་དེ་དག་ཐམས་ཅད་དུ་གཏན་ པ་ཕྱུང་བ་ཞེས་བགྱིའམ། ཨུ་པཱ་ལི་མ་ཡིན་ཏེ། གང་དག་འབྱིན་པ་དེ་དག་ནི་གཏན་པ་ཕྱུང་བ་ཞེས་བྱའོ། ། གང་དག་མི་འབྱིན་པ་དེ་དག་ནི་གཏན་པ་མ་ཕྱུང་བ་ཞེས་བྱའོ། ། བཙུན་པ་ཚུལ་ནས་བྱུང་བ་དང་དགེ་སློང་རྣམས་ཀྱིས་གནས་བཞིའམ། ལྔ་མཚམས་གཅིག་ཏུ་བྱས་ ནས་གཏན་པ་བཏིང་ན་གནས་དེ་དག་ཐམས་ཅད་དུ་གཏན་པ་བཏིང་བ་ཞེས་བགྱིའམ། ཨུ་པཱ་ལི་ཐམས་ཅད་དུ་གཏན་པ་བཏིང་བ་ཞེས་བྱའོ། ། བཙུན་པ་དེ་སྟེ་གཏན་པ་བཏིང་ནས་མཚམས་ཆེན་པོ་བཀྲོལ་ཏེ་སོ་སོར་མཚམས་བཀུམ་ན་གཏན་པ་མ་བཏིང་བ་ཞེས་བགྱིའམ། ཨུ་པཱ་ལི་ མ་ཡིན་ཏེ། དེ་དག་ཐམས་ཅད་དུ་གཏན་པ་བཏིང་བ་ཞེས་བྱའོ། ། བཙུན་པ་དེ་སྟེ་སོ་སོར་མཚམས་བཀུམ་ནས་གཏན་པ་ཕྱུང་ན་གནས་དེ་དག་ཐམས་ཅད་དུ་གཏན་པ་ཕྱུང་བ་ཞེས་བགྱིའམ། ཨུ་པཱ་ལི་མ་ཡིན་ཏེ། གང་འབྱིན་པ་དེ་དག་ནི་གཏན་པ་ཕྱུང་བ་ཞེས་བྱའོ། །

གང་མི་འབྱིན་པ་དེ་ དག་ནི་གཏན་པ་མ་ཕྱུང་བ་ཞེས་བྱའོ། ། ། ། མདོར་ན། ཟླ་བ་གསུམ་དང་ལྔ་པ་དང་། ། གསོ་སྦྱོང་གི་ནི་མཐའ་ལྔ་གསུམ། ། སྦྱར་མ་དང་ནི་རས་ཆེན་རྐྱེན། ། འབྱིན་པ་གཉིས་དང་འབྱེད་པ་གཉིས། ། ཚད་གཉིས་པ་ཡང་དེ་བཞིན་ཏེ། ། ཁྱིམ་པ་དག་ལ་སོགས་པ་དག ། བསླབ་པ་བྱིན་ པ་ཐ་མའོ། ། བཙུན་པ་ཇི་སྲིད་ཅིག་ཏུ་གཏན་པ་གདིང་བར་བགྱི། ཨུ་པཱ་ལི་ཟླ་བ་གསུམ་སྟེ། ཇི་ལྟར་ཟླ་བ་གསུམ་དུ་གནས་པར་ཚུལ་དུ་ཞུགས་པའོ། ། བཙུན་པ་ཇི་སྲིད་ཅིག་ཏུ་གཏན་པ་བཅང་བར་བགྱི། ཟླ་བ་ལྔའོ། ། བཙུན་པ་གང་དབྱར་ཕྱི་མའི་མཐར་གཏན་པ་བཏིང་བ་ན་དེ་དག་ཀྱང་ཟླ་བ་ ལྔར་གཏན་པ་བཏིང་བར་འགྱུར་རམ། ཨུ་པཱ་ལི་གང་གིས་གཏན་པ་ཇི་ལྟར་བཏིང་བར་འགྱུར་བ་དེ་དག་གི་གྲངས་བཞིན་ཟླ་བ་ལྔར་བཅང་བར་བྱའོ། ། བཙུན་པ་གསོ་སྦྱོང་གི་མཐར་གཏན་པ་གདིང་བར་བགྱིའམ། ཨུ་པཱ་ལི་གསོ་སྦྱོང་གི་མཐར་བྱའོ། ། བཙུན་པ་གཏན་པ་གསོ་སྦྱོང་གི་ མཐར་དབྱུང་བར་བགྱིའམ། ཨུ་པཱ་ལི་གསོ་སྦྱོང་གི་མཐར་བྱའོ། ། བཙུན་པ་དབྱར་མ་རུང་བར་གཞག་པ་ལ་རྒྱུ་དུ། རྐྱེན་དུ། བཅོམ་ལྡན་འདས་ཀྱིས་བཀའ་སྩལ་པ་རྒྱུ་ལྔ་དང་རྐྱེན་ལྔ་སྟེ། ལྔ་པོ་དེ་གང་ཞེ་ན།

དགེ་སློང་དང་བཅས་སྒོ་གླེགས་དང་བཅས་པའི་གནས་སུ་ གྱུར་པ་དང་། འཇིགས་པ་དང་བཅས་དོགས་པ་དང་བཅས་པའི་ཡུལ་དང་ཆར་འབབ་པའམ། ཆར་འབབ་པར་དོགས་པར་གྱུར་པ་དང་། དུས་མ་ཡིན་པར་གྲོང་གཞན་དུ་འགྲོ་འདོད་པར་གྱུར་པ་དང་། གནས་ན་གཏན་པ་བཏིང་བར་གྱུར་པ་དང་། གསོལ་བ་དང་ལས་ནི་ཐ་ མའོ། ། བཙུན་པ་དབྱར་གྱི་གོས་རས་ཆེན་རུང་བར་གཞག་པ་ལ་རྒྱུ་དུ་རྐྱེན་དུ། ཨུ་པཱ་ལི་གསུམ་སྟེ། ཆར་པ་མི་འབབ་ཅིང་ཆར་པ་འབབ་པར་མི་དོགས་པར་གྱུར་པ་དང་། དུས་མ་ཡིན་པར་གྲོང་གཞན་ནམ་གྲོང་ཁྱེར་གཞན་ནམ། ཀླུང་རྒལ་འདོད་པར་གྱུར་པ་དང་། ཀླུང་ གི་དྲུང་ངམ་ཁྲོན་པའི་དྲུང་ན་མི་གནས་པའོ། ། བཙུན་པ་དབྱར་གྱི་གོས་རས་ཆེན་ཇི་སྲིད་དུ་བཅང་བར་བགྱི། ཟླ་བ་ཕྱེད་དང་ལྔའོ། ། བཙུན་པ་གཏན་པ་འདིང་བའི་གནས་སུ་རྐྱེན་མེད་པར་འགྱུར་བ་དུ། ཨུ་པཱ་ལི་བཅུ་སྟེ། ཞག་གཅིག་གིས་འབྲལ་བ་མེད་པ་དང་། ཞག་ བཅུ་ལས་འདའ་བ་མེད་པ་དང་། ཟླ་བ་གཅིག་ལས་འདའ་བ་མེད་པ་དང་། གོས་མ་བསྡོས་པ་རྣམས་བཅང་བ་དང་། ཆོས་གོས་སྟོད་གཡོགས་དང་མཐང་གོས་གཉིས་པུས་ལྗོངས་སྤྱོད་དུ་འགྲོ་བ་དང་། མང་པོ་ཟ་བ་མེད་པ་དང་། ཡང་ཡང་ཟ་བ་མེད་པ་དང་། སྤྱན་ མ་དྲངས་པར་འགྲོ་བ་དང་།

གོས་རྣམས་ཅི་བདེར་ཚོལ་བ་དང་། སྟོན་ཟླ་ཐ་{ཆུངས་,ཆུང་}ནས། དཔྱིད་ཟླ་ར་བའི་བར་དུ་སྟེ། གང་གིས་རྙེད་པ་ཐོབ་པ་དེ་དག་ནི་དབྱར་གནས་པའི་དགེ་འདུན་གྱིས་བགོ་བར་བྱའོ། ། བཙུན་པ་ཅི་བསླབ་པའི་གནས་སམ། ཆོས་གོས་བྱིན་གྱིས་བརླབས་པ་དེ་དག་མ་ མཆིས་པར་འགྱུར་རམ། ཨུ་པཱ་ལི་མ་ཡིན་ཏེ། འདི་དག་ནི་ཡོན་ཏན་ནོ། ། བཙུན་པ་གསོལ་བ་དང་ལས་མ་བྱས་པས་སྔར་གཏན་པ་དབྱུང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་གཞི་བ་དེ་དག་གིས་དེ་ཉིད་ཀྱི་ཉ་བྲི་ཞག་གཅིག་ལ་གཏན་པ་བཏིང་ བར་གྱུར་པ་དང་། དགེ་སློང་གློ་བུར་བ་མང་ཞིག་ལྷགས་ནས་དེ་དག་ནི་དེའི་ཉིན་མོ་{བཅྭ་,བཅོ་}ལྔར་གྱུར་ཏེ། གསོ་སྦྱོང་བྱེད། སོ་སོར་ཐར་པ་ཀློག་པ་དང་། དེ་སྟེ་དགེ་སློང་གཞི་བ་རྣམས་ཀྱང་དེ་དག་གི་རྗེས་སུ་ཞུགས་ནས་གསོ་སྦྱོང་བྱས་ན་གསོལ་བ་དང་ལས་མ་བྱས་པར་གཏན་པ་ཕྱུང་བ་ ཞེས་བྱའོ། ། བཙུན་པ་དགེ་སློང་གཞི་བ་རྣམས་ཀྱིས་གཏན་པ་བཏིང་སྟེ་མཚམས་ཀྱི་སླད་རོལ་དུ་མཆིས་པ་དང་། གློ་བུར་དུ་དགེ་སློང་རྣམས་ལྷགས་ཏེ་གཏན་པ་ཕྱུང་ན་ཕྱུང་བ་ཞེས་བགྱིའམ། ཨུ་པཱ་ལི་མ་ཡིན་ནོ། དེ་ཅིའི་ཕྱིར་ཞེ་ན།

ཨུ་པཱ་ལི་གང་གིས་གཏན་པ་བཏིང་བ་དེ་ཉིད་ ཀྱིས་གཏན་པ་ཕྱུང་བ་ཞེས་བྱའོ། ། བཙུན་པ་དབྱར་ཚུལ་དུ་ཞུགས་པ་ལས་དགེ་འདུན་བྱེ་ན་གང་གིས་གདིང་། ཆོས་བཞིན་དུ་སྨྲ་བ་རྣམས་ཀྱིས་སོ། ། བཙུན་པ་གཏན་པ་བཏིང་བའི་གནས་སུ་དགེ་འདུན་བྱེ་ན་དབྱར་གྱི་རྙེད་པ་སུས་འཐོབ། ཕྱོགས་གཉིས་ཀས་སོ། ། བཙུན་པ་དེ་སྟེ་ མངོན་སུམ་དུ་གྱུར་པ་ལས་རྙེད་ན་སུས་འཐོབ། ཆོས་ཀྱི་ཕྱོགས་ཀྱིས་སོ། ། བཙུན་པ་ཚད་ལས་ཆུང་བའི་ཆོས་གོས་དུམ་བུར་སྦྱར་ཏེ་གོས་སུ་བཙེམས་ཤིང་། གཏན་པར་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱའོ། ། བཙུན་པ་ཚད་ལས་ཆུང་ བ་ཞིག་གཏན་པར་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱའོ། ། བཙུན་པ་གོས་ཇི་ལྟ་བུས་གཏན་པ་གདིང་བར་བགྱི། ཨུ་པཱ་ལི་མཆུར་ལྔ་ཞེང་དུ་གསུམ་པས་སོ། ། བཙུན་པ་གཏན་པ་འདིང་བ་ཁྱིམ་པ་ཞིག་གིས་གཏན་པ་བཏིང་ན་གཏན་པ་བཏིང་ བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱའོ། ། དགེ་འདུན་ཡང་འདས་པ་དང་བཅས་པའོ། ། དེ་བཞིན་དུ་གཏན་པ་འདིང་བ་མ་ནིང་དང་། མི་གནས་པ་དང་། སོ་སོར་གནས་པ་ནས།

སྔར་འཁྲུགས་པའི་བར་དུ་དེ་དག་གིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་ པཱ་ལི་མ་བཏིང་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། ། བཙུན་པ་གཏན་པ་འདིང་བ་ཟ་མ་ཞིག་གིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། ། བཙུན་པ་གཏན་པ་འདིང་བ་ དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ཀྱིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། བཙུན་པ་གཏན་པ་འདིང་བ་སྨྱོན་པ་ཞིག་གིས་གཏན་པ་ བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་མ་བཏིང་བ་ཞེས་བྱའོ། ། དེ་སྟེ་དགེ་སློང་གི་འདུ་ཤེས་ཡོད་ལ་བདག་མིང་འདི་ཞེས་བགྱི་བས་དགེ་འདུན་གྱི་གཏན་པ་འདིང་ངོ་། ། བདག་གིས་བཏིང་ངོ་ཞེས་སེམས་བསྐྱེད་ན་གཏན་པ་བཏིང་བ་ཞེས་བྱའོ། ། དེ་བཞིན་དུ་སེམས་འཁྲུགས་པ་ དང་། ནད་ཀྱིས་གཟིར་བ་རྣམས་སུ་ཤེས་པར་བྱའོ། ། བཙུན་པ་གཏན་པ་གདིང་བ་གླེན་པ་དང་། ལྐུགས་པ་དང་། འོན་པ་རྣམས་ཀྱིས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ།

ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། བཙུན་པ་གཏན་ པ་འདིང་བ་གཞན་དུ་གནས་པས་གཏན་པ་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། ། གཏན་པའི་དངོས་པོ་རྫོགས་སོ། ། ། ། མདོར་ན། གང་དུ་གང་གིས་མཚམས་བཞི་དང་། ། བསྒོ་བ་གོས་དང་ གསོ་སྦྱོང་བཞི། ། གཏན་བཞི་བྱེ་བ་གང་ཟག་གོ། ། བཙུན་པ་ཡུལ་ཀཽ་ཤཱམྦཱིར་དགེ་འདུན་གང་གི་ཚེ་བྱེ་བར་གྱུར། ནམ་མཚམས་ཀྱི་ནང་ན་གཅིག་པུ་གནས་པ་ལས་གསོ་སྦྱོང་བྱེད་པ་དང་། དགེ་འདུན་གྱི་བྱ་བ་དང་། དགེ་འདུན་གྱི་དོན་རྣམས་ཐ་དད་པར་བྱས་པ་ནའོ། ། བཙུན་པ་ཡུལ་ཀཽ་ཤཱམྦཱིར་དང་པོར་དགེ་འདུན་གང་གིས་ཕྱེ། ཆོས་མ་ཡིན་པར་སྨྲ་བས་དེ་དག་གིས་ཐོག་མར་མཚམས་ཀྱི་ནང་དུ་གསོ་སྦྱོང་དང་། དགེ་འདུན་གྱི་བྱ་བ་དང་། དགེ་འདུན་གྱི་དོན་རྣམས་ཐ་དད་པར་བྱས་པས་སོ། ། བཙུན་པ་ཡུལ་ཀཽ་ཤཱམྦཱི་བས་མཚམས་བཤིག་ན་ མཚམས་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དེ་སྟེ་ཡུལ་ཡངས་པ་ཅན་ན་གནས་པས་མཚམས་བཤིག་ན་མཚམས་ཞིག་པ་ཞེས་བགྱིའམ། ཨུ་པཱ་ལི་མ་ཡིན་ནོ། །

བཙུན་པ་དགེ་སློང་མའི་དགེ་འདུན་བྱེ་ནས་ཕྱོགས་དང་གཞན་གྱི་ཕྱོགས་སུ་གནས་པ་ལ་ ཟླ་བ་ཕྱེད་ཕྱེད་ཅིང་ལུང་དབོག་པ་དང་བསྟན་པར་བགྱིའམ། འདི་སྐད་དུ་སྲིང་མོ་རྣམས་ཇེ་མཐུན་པར་གྱིས་ཞེས་སྒོ་ཤིག ། བཙུན་པ་དགེ་སློང་མའི་དགེ་འདུན་བྱེ་ནས་ཕྱོགས་སུ་གནས་པའི་དགེ་སློང་མ་དག་གིས་ཟླ་བ་ཕྱེད་ཕྱེད་ཅིང་ལུང་དབོག་ཅིང་བསྟན་པ་བཙལ་བར་བགྱིའམ། བཙལ་བར་བྱའོ། ། སུ་ལས་བཙལ། ཆོས་ལ་ཕྱོགས་པ་ལས་སོ། ། བཙུན་པ་དགེ་སློང་གི་དགེ་འདུན་བྱེ་ནས་ཕྱོགས་གཉིས་སུ་གནས་པ་དག་གིས་དགེ་སློང་མ་དག་ལ་ལུང་དབོག་ཅིང་བསྟན་པ་སྩལ་བར་བགྱིའམ། དགེ་སློང་མའི་དགེ་འདུན་མི་བྱེ་བའི་ཕྱིར་བྱིན་ཅིག ། བཙུན་ པ་ཡུལ་ཀཽ་ཤཱམྦཱིར་ཕྱོགས་གཉིས་ཀ་འདུས་ཤིང་འཁོད་པར་བྱེད་ན་གཟུ་བོས་གང་དུ་དགེ་སློང་མ་ལ་ལུང་དབོག་པར་བགྱི། མཚམས་ཀྱི་ཕྱི་རོལ་དུ་སོང་བའོ། ། བཙུན་པ་ཡུལ་ཀཽ་ཤཱམྦཱིར་ཕྱོགས་གཉིས་ཀར་འདུས་ཤིང་འཁོད་པར་གྱུར་ལ། དགེ་སློང་གཟུ་བོ་དག་ཀྱང་མཚམས་ཀྱི་སླད་ རོལ་དུ་མཆིས་པར་གྱུར་པ་དང་། ཁྱིམ་བདག་ཅིག་མཆིས་ནས་དགེ་འདུན་ལ་གོས་ཤིག་ཕུལ་ན་གང་གིས་འཐོབ། ཕྱོགས་གཉིས་ཀས་སོ། །

ཡུལ་ཀཽ་ཤཱམྦཱི་ན་གནས་པས་ཡུལ་ཡངས་པ་ཅན་ན་གནས་པ་དག་དང་ལྷན་ཅིག་གསོ་སྦྱོང་བགྱིད་ན་གསོ་སྦྱོང་བགྱིས་པ་ཞེས་བགྱིའམ། ཨུ་ པཱ་ལི་མ་ཡིན་ནོ། ཡུལ་ཡངས་པ་ཅན་ན་གནས་པས་ཡུལ་ཀཽ་ཤཱམྦཱིར་གནས་པ་དག་དང་ལྷན་ཅིག་ཏུ་གསོ་སྦྱོང་བགྱིད་ན། གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། གཟུ་བོ་རྣམས་ཡུལ་ཀཽ་ཤཱམྦཱི་ན་གནས་པ་དག་དང་ལྷན་ཅིག་ཏུ་གསོ་སྦྱོང་བགྱིད་ན་གསོ་སྦྱོང་བགྱིས་པ་ ཞེས་བགྱིའམ། ཨུ་པཱ་ལི་མ་ཡིན་ནོ། ། གཟུ་བོ་དག་ཡུལ་ཡངས་པ་ཅན་ན་གནས་པ་དང་ལྷན་ཅིག་གསོ་སྦྱོང་བགྱིད་ན་གསོ་སྦྱོང་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་སྟེ་བྱེད་ན་གཟུ་བོའི་དངོས་པོ་མེད་དོ། ། བཙུན་པ་གཏན་པ་བཏིང་བའི་གནས་སུ་དགེ་འདུན་བྱེ་ ན་གཏན་པ་གང་གིས་གདིང་བར་བགྱི། ཆོས་སུ་སྨྲ་བ་དག་གིས་སོ། བཙུན་པ་གཏན་པ་འདིང་བའི་གནས་སུ་དགེ་འདུན་བྱེ་ན་གཏན་པ་གང་གིས་དབྱུང་བར་བགྱི། ཆོས་སུ་སྨྲ་བ་རྣམས་ཀྱིས་སོ། ། བཙུན་པ་གང་ཉེ་བར་ཕྱོགས་པ་དེ་ཐམས་ཅད་སོ་སོར་གནས་པ་ལགས་ སམ། ཉེ་བར་ཕྱོགས་པ་སོ་སོར་གནས་པ་མ་ཡིན་པ་ཡང་ཡོད། སོ་སོར་གནས་ལ་ཉེ་བར་མ་ཕྱོགས་པ་ཡང་ཡོད། ཉེ་བར་ཕྱོགས་ལ་སོ་སོར་གནས་པའང་ཡོད།

ཉེ་བར་ཡང་མ་ཕྱོགས་ལ་སོ་སོར་གནས་པ་མ་ཡིན་པ་ཡང་ཡོད་དོ། ། ཉེ་བར་ཕྱོགས་ལ་སོ་སོར་གནས་པ་མ་ ཡིན་པ་ནི་གང་དངོས་པོ་ལྔ་ལ་ཉེ་བར་ཕྱོགས་པར་གྱུར་པ་སྟེ། མ་མཐོང་བའི་ཕྱིར་དགེ་འདུན་གྱིས་སྤངས་པར་མ་གྱུར་པ་དང་། སླར་ལས་མ་བྱས་པའི་ཕྱིར་སྤངས་པར་མ་གྱུར་པ་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་མ་གྱུར་པའོ། ། སོ་སོར་གནས་ལ་ཉེ་བར་མ་ ཕྱོགས་པ་ནི་འདི་ལྟར་དགེ་སློང་དེ་མ་མཐོང་བའི་ཕྱིར་དགེ་འདུན་གྱིས་སྤངས་པར་གྱུར་པ་དང་། སླར་ལས་མ་བྱས་པའི་ཕྱིར་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་གྱུར་པ་དང་། དངོས་པོ་ལྔ་ལ་ཡང་ཉེ་བར་ཕྱོགས་པར་མ་གྱུར་པའོ། ། ཉེ་བར་ཡང་ཕྱོགས་ལ་སོ་སོར་ ཡང་གནས་པ་ནི་དེ་འདི་ལྟར་དགེ་སློང་དེ་དངོས་པོ་ལྔ་ལ་ཉེ་བར་ཕྱོགས་པར་ཡང་གྱུར་ལ། མ་མཐོང་བའི་ཕྱིར་དགེ་འདུན་གྱིས་ཀྱང་སྤངས་པར་གྱུར་པ་དང་། སླར་ལས་མ་བྱས་པའི་ཕྱིར་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་གྱུར་པའོ། ། ཉེ་བར་ཕྱོགས་པའང་ མ་ཡིན་ལ་སོ་སོར་གནས་པའང་མ་ཡིན་པ་ནི་རྣམ་པ་དེ་ལྟ་བུ་དག་མ་གཏོགས་པའོ། ། གང་ཉེ་བར་ཕྱོགས་པ་དེ་ཐམས་ཅད་མི་གནས་པ་ལགས་སམ།

ཉེ་བར་ཕྱོགས་ལ་མི་གནས་པ་མ་ཡིན་པ་ཡང་ཡོད་མི་གནས་ལ་ཉེ་བར་མ་ཕྱོགས་པ་ཡང་ཡོད། ཉེ་བར་ཡང་ ཕྱོགས་ལ་མི་གནས་པ་ཡང་ཡོད། ཉེ་བར་ཡང་མ་ཕྱོགས་ལ་མི་གནས་པ་མ་ཡིན་པ་ཡང་ཡོད་དོ། ། ཉེ་བར་ཕྱོགས་ལ་མི་གནས་པ་མ་ཡིན་པ་ནི་འདི་ལྟར་དགེ་སློང་དེ་དངོས་པོ་ལྔ་ལ་ཉེ་བར་ཕྱོགས་པར་གྱུར་ལ། ཕས་ཕམ་པ་བཞིའི་ཉེས་པ་གང་ཡང་རུང་བ་བྱུང་བར་མ་ གྱུར་པའོ། ། མི་གནས་ལ་ཉེ་བར་ཡང་མ་ཕྱོགས་པ་ནི་དེ་འདི་ལྟར་དགེ་སློང་དེ་ཕས་ཕམ་པ་བཞི་ལས་གང་ཡང་རུང་བའི་ཉེས་པ་བྱུང་བར་གྱུར་ལ། དངོས་པོ་ལྔ་ལ་ནི་ཉེ་བར་མ་ཕྱོགས་པ་ཡིན་ནོ། ། ཉེ་བར་ཡང་ཕྱོགས་ལ་མི་གནས་པ་ཡང་ཡིན་པ་ནི་འདི་ལྟར་དགེ་སློང་དེ་དངོས་པོ་ ལྔ་ལ་ཉེ་བར་ཕྱོགས་པར་གྱུར་ཅིང་ཕས་ཕམ་པ་བཞི་ལས་གང་ཡང་རུང་བའི་ཉེས་པ་བྱུང་བ་ཡིན་ནོ། ། ཉེ་བར་ཕྱོགས་པ་ཡང་མ་ཡིན་ལ་མི་གནས་པའང་མ་ཡིན་པ་ནི་རྣམ་པ་དེ་ལྟ་བུ་མ་གཏོགས་པའོ། ། གང་སོ་སོར་གནས་པ་དེ་ཐམས་ཅད་མི་གནས་པ་ལགས་སམ། སོ་སོར་ གནས་ལ་མི་གནས་པ་མ་ཡིན་པ་ཡང་ཡོད། མི་གནས་ལ་སོ་སོར་གནས་པ་མ་ཡིན་པ་ཡང་ཡོད། སོ་སོར་ཡང་གནས་ལ་མི་གནས་པ་ཡང་ཡོད། མི་གནས་པའང་མ་ཡིན་སོ་སོར་གནས་པ་ཡང་མ་ཡིན་པ་ཡོད་དོ། །

སོ་སོར་གནས་ལ་མི་གནས་པ་མ་ཡིན་པ་ནི་འདི་ ལྟར་དགེ་སློང་དེ་མ་མཐོང་བའི་ཕྱིར་སྤངས་པར་གྱུར་ཅིང་སླར་ལས་མ་བྱས་པ་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་གྱུར་ལ་ཕས་ཕམ་པ་བཞི་ལས་ཉེས་པ་གང་ཡང་རུང་བ་མ་བྱུང་བ་ཡིན་ནོ། ། མི་གནས་ལ་སོ་སོར་གནས་པ་མ་ཡིན་པ་ནི་གང་འདི་ལྟར་དགེ་སློང་དེ་ ཕས་ཕམ་པ་བཞིའི་ཉེས་པ་གང་ཡང་རུང་བ་བྱུང་བར་གྱུར་གྱི་མ་མཐོང་བའི་ཕྱིར་དགེ་འདུན་གྱིས་སྤང་བ་མ་བྱས་པར་གྱུར་ཅིང་སླར་ལས་མ་བྱས་པ་དང་། སྡིག་པ་ལ་ལྟ་བ་མ་བཏང་བའི་ཕྱིར་སྤངས་པར་མ་གྱུར་པའོ། ། མི་གནས་ལ་སོ་སོར་ཡང་གནས་པ་ནི་དེ་འདི་ལྟར་དགེ་ སློང་དེ་མ་མཐོང་བའི་ཕྱིར་སྤངས་པ་ཡང་ཡིན་ལ། ཕས་ཕམ་པ་བཞིའི་ཉེས་པ་གང་ཡང་རུང་བ་བྱུང་བར་གྱུར་པའོ། ། མི་གནས་པའང་མ་ཡིན་སོ་སོར་གནས་པ་ཡང་མ་ཡིན་པ་ནི་རྣམ་པ་དེ་ལྟ་བུ་མ་གཏོགས་པའོ། ། བཙུན་པ་དགེ་སློང་ཉིད་ཀྱིས་དགེ་སློང་གི་དགེ་འདུན་འབྱེད་ཀྱི། དགེ་སློང་མས་མ་ལགས། དགེ་སློབ་མས་མ་ལགས། དགེ་ཚུལ་མས་མ་ལགས། དགེ་ཚུལ་ཕས་མ་ལགས་སམ། ཨུ་པཱ་ལི་དགེ་སློང་ཉིད་ཀྱིས་དགེ་སློང་གི་དགེ་འདུན་འབྱེད་ཀྱི། དགེ་སློང་མས་མ་ཡིན། དགེ་སློབ་མས་མ་ཡིན། དགེ་ཚུལ་མས་མ་ཡིན།

དགེ་ ཚུལ་ཕས་མ་ཡིན་མོད་ཀྱི། འོན་ཀྱང་དགེ་སློང་མ་རྣམས་ནི་དགེ་འདུན་དབྱེ་བའི་ཕྱིར་རྩོལ་ལོ། ། བཙུན་པ་དགེ་སློང་མ་ཉིད་ཀྱིས་དགེ་སློང་མའི་དགེ་འདུན་འབྱེད་ཀྱི། དགེ་སློང་གིས་མ་ལགས། དགེ་སློབ་མས་མ་ལགས། དགེ་ཚུལ་མས་མ་ལགས། དགེ་ཚུལ་ཕས་ མ་ལགས་སམ། ཨུ་པཱ་ལི་དགེ་སློང་མ་ཉིད་ཀྱིས་དགེ་སློང་མའི་དགེ་འདུན་འབྱེད་ཀྱི། དགེ་སློང་ཕས་མ་ཡིན། དགེ་སློབ་མས་མ་ཡིན། དགེ་ཚུལ་མས་མ་ཡིན། དགེ་ཚུལ་ཕས་མ་ཡིན་མོད་ཀྱི། འོན་ཀྱང་དགེ་སློང་རྣམས་ནི་དགེ་འདུན་དབྱེ་བའི་ཕྱིར་རྩོལ་ལོ། ། བཙུན་པ་དབྱེ་བ་ནི་གང་། ཁ་ན་མ་ཐོ་བ་དང་ལྡན་པ་ནི་གང་ལགས། དབྱེ་བ་ནི་དགེ་འདུན་ནོ། ། ཁ་ན་མ་ཐོ་བ་དང་ལྡན་པ་ནི་འབྱེད་པའོ། ། བཙུན་པ་དགེ་འདུན་ཕྱེ་ན་ཅིར་འགྱུར། སྦོམ་པོ་སྟེ། གསོལ་བ་དང་ལས་མ་མཉན་ན་དགེ་འདུན་གྱི་ལྷག་མའོ། ། བཙུན་པ་ཇི་ཙམ་ གྱིས་ན་དགེ་འདུན་ཕྱེ་བ་ཞེས་བགྱི། ཨུ་པཱ་ལི་གང་གི་ཚེ་ཇི་སྙེད་པའི་དགེ་སློང་རྣམས་མཚམས་སུ་བྱིན། བྱ་བ་ལ་བབ་པར་གྱུར། དེ་དག་ཐམས་ཅད་འདུས་ཤིང་མངོན་སུམ་དུ་གྱུར། དད་པ་བླང་བའི་རིགས་པ་ལས་དད་པ་བླངས་པར་གྱུར།

དགེ་སློང་རྣམས་ཀྱིས་མཚམས་ ཀྱི་ནང་ལ་མཚམས་ཀྱི་ནང་ཡིན་པར་འདུ་ཤེས་ཏེ་གསོ་སྦྱོང་དང་ལས་ཐ་དད་དུ་བྱེད་པ་དེ་ལྟ་ན་དགེ་འདུན་བྱེ་བ་ཞེས་བྱའོ། ། དགེ་འདུན་ཕྱེ་བས་ནོངས་པ་གང་བཤགས་པར་བགྱི། ཉེས་པ་སྦོམ་པོའོ། ། བཙུན་པ་བཅོམ་ལྡན་འདས་ཀྱིས་དེ་ལྟ་བུའི་གང་ཟག་ལ་གླེང་བར་མ་བྱེད་ཅིག ། དྲན་པར་མ་བྱེད་ཅིག་ཅེས་གསུངས་ན། དེ་ལྟ་བུའི་གང་ཟག་གང་ལགས། གང་ཟག་གང་མདོ་སྡེ་འཛིན་པ་མ་ལྟ་བུ་འཛིན་པ། བསོད་ནམས་ཆེན་པོ། འཁོར་གཡོག་མང་པོ། གྲགས་པ་དེའོ། ། དེ་ལྟ་བུའི་གང་ཟག་ཅིག་སྤངས་ན་ཅིར་འགྱུར། ཉེས་ པ་སྦོམ་པོར་འགྱུར་རོ། ། ཡུལ་ཀཽ་ཤཱམྦཱི་ཀའི་དངོས་པོ་རྫོགས་སོ། ། ། ། འདུལ་བ་གཞུང་དམ་པ། བམ་པོ་བཅུ་དགུ་པ། མདོར་ན། སྐད་དང་ནམ་མཁའ་མཚམས་དང་ས། ། ཆོས་གཉིས་དང་ནི་མ་འདུས་པ། ། ཆད་པ་ཁོར་དང་གཅིག་ནས་གཅིག ། མ་ འདུས་གང་ཟག་གནས་དེ་བཞིན། ། བཙུན་པ་འཕགས་པ་ཞིག་གིས་འཕགས་པའི་སྐད་དུ་ལས་བགྱིས་པ་དང་། དགེ་སློང་དེ་དག་གིས་ཀྱང་འཕགས་པའི་སྐད་མ་འཚལ་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལས་བྱས་པ་ཞེས་བྱ་སྟེ། ལས་བྱེད་པའི་དགེ་སློང་ནི་འདས་ པ་དང་བཅས་པའོ། །

བཙུན་པ་འཕགས་པ་ཞིག་གིས་མཐའ་འཁོབ་པའི་སྐད་དུ་ལས་བགྱིས་པ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལས་བྱས་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་ པའོ། ། བཙུན་པ་མཐའ་འཁོབ་པ་ཞིག་གིས་མཐའ་འཁོབ་པའི་སྐད་དུ་ལས་བགྱིས་པ་དང་། དགེ་སློང་དེ་དག་གིས་ཀྱང་མཐའ་འཁོབ་པའི་སྐད་མ་འཚལ་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལས་བྱས་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་ པའོ། ། བཙུན་པ་མཐའ་འཁོབ་པ་ཞིག་གིས་འཕགས་པའི་སྐད་དུ་ལས་བགྱིས་པ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལས་བྱས་པ་ཞེས་བྱ་སྟེ། ལས་བྱེད་པ་ནི་འདས་པ་དང་བཅས་པའོ། ། བཙུན་པ་ས་ལ་ གནས་པས་ནམ་མཁའ་ལ་གནས་པའི་གྲངས་སུ་བསྐངས་ན་ལས་བགྱིར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་ནམ་མཁའ་ལ་གནས་པས་ས་ལ་གནས་པའི་གྲངས་སུ་བསྐངས་ན་ལས་བགྱིར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་ལས་བགྱིས་པས་ལ་གནས་པས་ནམ་ མཁའ་ལ་གནས་པ་རྣམས་ཀྱི་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །

བཙུན་པ་ལས་བགྱིད་པ་ནམ་མཁའ་ལ་གནས་པས་ས་ལ་གནས་པ་རྣམས་ཀྱི་ལས་བགྱིར་རུང་ངམ། ཨུ་པཱ་ལི་མི་རུང་ངོ་། ། དེ་བཞིན་དུ་མཚམས་ཀྱི་ནང་ན་གནས་པ་དང་། མཚམས་ཀྱི་ཕྱི་རོལ་དུ་ གནས་པ་རྣམས་དང་ལྷན་ཅིག་བཞིར་བྱའོ། ། བཙུན་པ་ས་ལ་གནས་པས་ས་ལ་གནས་པ་རྣམས་དང་ལྷན་ཅིག་ལས་བགྱིར་རུང་ངམ། ཨུ་པཱ་ལི་རུང་ངོ་། ། འདི་ལྟར་ཡང་དེས་ས་ལ་གནས་པས་གྲངས་བསྐང་ཞིང་ས་ལ་གནས་པ་རྣམས་ལས་དད་པ་བླངས་པར་གྱུར་པའོ། ། ཇི་ལྟར་ས་ལ་གནས་པས་ས་ལ་གནས་པ་དང་ལྷན་ཅིག་པ་དེ་བཞིན་དུ་ས་ལ་གནས་པ་དང་། རྩིག་པ་ལ་གནས་པར་རོ། ། ས་ལ་གནས་པ་དང་ཤིང་ལ་གནས་པར་རོ། ། རྩིག་པ་ལ་གནས་པ་དང་། རྩིག་པ་ལ་གནས་པར་རོ། ། རྩིག་པ་ལ་གནས་པ་དང་ས་ལ་གནས་པར་ རོ། ། རྩིག་པ་ལ་གནས་པ་དང་ཤིང་ལ་གནས་པར་རོ། ། ཤིང་ལ་གནས་པ་དང་ཤིང་ལ་གནས་པར་རོ། ། ཤིང་ལ་གནས་པ་དང་ས་ལ་གནས་པར་རོ། ། ཤིང་ལ་གནས་པ་དང་རྩིག་པ་ལ་གནས་པ་ལྷན་ཅིག་ཏུ་ལས་བགྱིར་རུང་ངམ། ཨུ་པཱ་ལི་རུང་སྟེ། ཇི་ལྟར་ཡང་ཤིང་ལ་ གནས་པ་རྣམས་ཀྱིས་གྲངས་སུ་བསྐངས་ཏེ་ས་ལ་གནས་པ་རྣམས་ལས་དད་པ་བླངས་པར་གྱུར་པའོ། ། ལས་རྣམ་པ་བཞི་སྟེ། ཆོས་བཞིན་མ་ཡིན་པར་བྱེད་ཅིང་མ་འདུས་པ་དང་།

ཆོས་བཞིན་མ་ཡིན་པར་འདུས་པ་དང་། ཆོས་བཞིན་དུ་མ་འདུས་པ་དང་། ཆོས་བཞིན་ དུ་འདུས་པའོ། ། ཆོས་བཞིན་མ་ཡིན་པར་བྱེད་ཅིང་མ་འདུས་པ་གང་ཞེ་ན། གསོལ་བ་བྱས་ནས་ལས་མ་བསྒྲགས་ཏེ་མ་འདུས་པར་ཡང་གྱུར་པའོ། ། ཆོས་བཞིན་མ་ཡིན་པར་འདུས་པ་གང་ཞེ་ན། གསོལ་བ་བྱས་ནས་ལས་མ་བསྒྲགས་པར་འདུས་པར་ཡང་གྱུར་ པའོ། ། ཆོས་བཞིན་དུ་མ་འདུས་པ་གང་ཞེ་ན། གསོལ་བ་བྱས་ལ་ལས་བསྒྲགས་པ་དང་མ་འདུས་པར་ཡང་གྱུར་པའོ། ། ཆོས་བཞིན་དུ་འདུས་པ་གང་ཞེ་ན། གསོལ་བ་བྱས་ཤིང་ལས་བསྒྲགས་ལ་འདུས་པར་ཡང་གྱུར་པའོ། ། གཞན་ཡང་ལས་རྣམ་པ་བཞི་སྟེ། ཆོས་ བཞིན་མ་ཡིན་པར་མཐུན་ལ་མ་འདུས་པ་དང་། ཆོས་བཞིན་མ་ཡིན་པར་མཐུན་ལ་འདུས་པ་དང་། ཆོས་བཞིན་དུ་མཐུན་ལ་མ་འདུས་པ་དང་། ཆོས་བཞིན་དུ་མཐུན་ལ་འདུས་པའོ། ། ཆོས་བཞིན་མ་ཡིན་པར་མཐུན་ལ་མ་འདུས་པ་གང་ཞེ་ན། སྔར་ལས་ བསྒྲགས་ལ་ཕྱིས་གསོལ་བ་བྱེད་ཅིང་མ་འདུས་པར་གྱུར་པའོ། ། ཆོས་བཞིན་མ་ཡིན་པར་མཐུན་ཞིང་འདུས་པ་གང་ཞེ་ན། སྔར་ལས་བསྒྲགས་ལ་ཕྱིས་གསོལ་བ་བྱེད་ཅིང་འདུས་པར་ཡང་གྱུར་པའོ། ། ཆོས་བཞིན་དུ་མཐུན་ལ་མ་འདུས་པ་གང་ཞེ་ན།

ལས་དེ་ཉིད་ཀྱིས་ གསོལ་བ་བྱས་ཏེ་ལས་གཞན་བསྒྲགས་ལ་མ་འདུས་པར་གྱུར་པའོ། ། ཆོས་བཞིན་དུ་མཐུན་ལ་འདུས་པ་གང་ཞེ་ན། ལས་དེ་ཉིད་ཀྱིས་གསོལ་བ་བྱས་ཤིང་ལས་གཞན་བསྒྲགས་ལ་འདུས་པར་ཡང་གྱུར་པའོ། ། བཙུན་པ་མ་འདུས་པའི་ལས་ཞེས་ཀྱང་བགྱི། འདུས་ པའི་ལས་ཞེས་ཀྱང་བགྱི་ན། བཙུན་པ་མ་འདུས་པའི་ལས་གང་ལགས། ཨུ་པཱ་ལི་དགེ་སློང་ཇི་སྙེད་པ་རྣམས་ཀྱིས་མཚམས་སུ་ཡང་ཕྱིན། ལས་ལ་ཡང་བབ་པར་གྱུར། ཐམས་ཅད་མངོན་སུམ་དུ་འདུས་པར་གྱུར། དད་པ་བླང་བའི་རིགས་པ་ཡང་དད་པ་བླངས་པར་གྱུར་ན་དགེ་ སློང་རྣམས་ནི་ཟློག་ཅིང་འཁྱལ་ཏེ། དེ་དག་སླར་ཟློག་ཅིང་འཁྱལ་བཞིན་དུ་ལས་བྱས་ན་དེ་ནི་མ་འདུས་པའི་ལས་ཞེས་བྱའོ། ། འདུས་པའི་ལས་གང་ཞེ་ན། དགེ་སློང་ཇི་སྙེད་པ་རྣམས་ཀྱིས་མཚམས་སུ་ཕྱིན་ཅིང་ལས་ལ་བབ་པར་གྱུར། ཐམས་ཅད་ཀྱང་མངོན་སུམ་དུ་འདུས་པར་ གྱུར། དད་པ་བླང་བའི་རིགས་པ་ཡང་དད་པ་བླངས་པར་གྱུར་ན་དགེ་སློང་དག་སླར་མི་ལྡོག་ཅིང་འཁྱལ་བར་མི་བྱེད་དེ། དེ་དག་སླར་མི་ལྡོག་ཅིང་མི་འཁྱལ་བཞིན་དུ་ལས་བྱེད་པས་ན་དེ་ནི་འདུས་པའི་ལས་ཞེས་བྱའོ། །

བཙུན་པ་དགེ་འདུན་ཐམས་ཅད་འདུས་ཏེ་འཁོད་ནས་ལས་བགྱིས་ ཀྱང་ལས་དེ་མ་འདུས་པའི་ལས་སུ་འགྱུར་བ་མཆིས་སམ། ཨུ་པཱ་ལི་ཡོད་དེ་འདི་ལྟར་གསོལ་བ་དང་ལས་བྱེད་པ་ན་དགེ་སློང་དག་སླར་ཟློག་ཅིང་འཁྱལ་ཏེ། དེ་དག་སླར་ཟློག་ཅིང་འཁྱལ་བཞིན་ལས་བྱེད་པའོ། ། བཙུན་པ་ལས་བགྱིད་པ་ཆད་པ་ཁོར་བ་ཞིག་གིས་ལས་བགྱིས་ན་ ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་རྣམས་ནི་འདས་པ་དང་བཅས་པའོ། ། བཙུན་པ་ཆད་པ་ཁོར་བ་ཞིག་གིས་དད་པ་བླངས་ནས་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་སློང་དེ་དག་ནི་ འདས་པ་དང་བཅས་པའོ། ། བཙུན་པ་དད་པ་གཅིག་ནས་གཅིག་ཏུ་བླངས་ཏེ་ལས་བགྱིས་ན་ལས་བགྱིས་པ་ཞེས་བྱའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་རྣམས་ནི་འདས་པ་དང་བཅས་པའོ། ། བཙུན་པ་མ་འདུས་པར་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་འདུན་ཀྱང་འདས་པ་དང་བཅས་པའོ། ། བཙུན་པ་གཅིག་གིས་གཅིག་ལ། གཅིག་གིས་གཉིས་ལ། གཅིག་གིས་གསུམ་ལ། གཅིག་གིས་མང་པོ་ལ་ལས་བགྱིར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་གཉིས་ཀྱིས་གཅིག་ ལ། གཉིས་ཀྱིས་གཉིས་ལ།

གཉིས་ཀྱིས་གསུམ་ལ། གཉིས་ཀྱིས་མང་པོ་ལ་ལས་རྣམས་བགྱིར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་གསུམ་གྱིས་གཅིག་ལ། གསུམ་གྱིས་གཉིས་ལ། གསུམ་གྱིས་གསུམ་ལ། གསུམ་གྱིས་མང་པོ་ལ་ལས་བགྱིར་ རུང་ངམ། ཨུ་པཱ་ལི་མི་རུང་ངོ་། ། བཙུན་པ་མང་པོས་མང་པོ་ལ་ལས་བགྱིར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་ལས་བགྱིད་པ་གནས་གཅིག་ཏུ་མཆིས་ལ་གནས་བཞིར་ལས་ཐམས་ཅད་བགྱིར་རུང་ངམ། ཨུ་པཱ་ལི་རུང་སྟེ། དེ་འདི་ལྟར་ལས་བྱེད་པའི་དགེ་ སློང་དེས་གནས་བཞི་ཆར་གྱི་མཚམས་ཤིང་ངམ། འདམ་བུའམ། རེ་ལྡེས་མནན་ཏེ་ལས་བྱེད་པའོ། ། བཙུན་པ་ལས་བགྱིད་པས་མཚམས་གཅིག་པར་གསོལ་བ་གཅིག་དང་ལས་གཅིག་གིས་གང་ཟག་བཞི་ལ་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་ མ་ཡིན་ནོ། ། དེ་ཅིའི་ཕྱིར་ཞེ་ན། མཚམས་གཅིག་པར་མང་པོས་མང་པོ་ལ་ལས་བྱར་མི་རུང་ངོ་། ། བཙུན་པ་དགེ་སློང་གིས་མཚམས་གཅིག་ལ་མཚུངས་པར་གནས་པའི་དགེ་སློང་རྣམས་ལ་ལས་བགྱིས་ཀྱང་ནོངས་པར་ཡང་མི་འགྱུར་ལ་དགེ་འདུན་མ་འདུས་པར་ཡང་མི་ འགྱུར་བ་མཆིས་སམ། ཨུ་པཱ་ལི་ཡོད་དེ། དད་པ་བྱིན་པས་སོ། །

བཙུན་པ་ལས་བགྱིད་པའི་དགེ་སློང་གནས་གཅིག་ན་མཆིས་པས་གང་ཟག་བཞི་ལ་ལས་བགྱིས་ན་ལས་དེ་ཡང་བགྱིས་པར་འགྱུར་ལ་དགེ་སློང་དེ་དག་ཀྱང་འདས་པ་དང་བཅས་པར་ ཡང་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ལས་བྱེད་པའི་དགེ་སློང་དེ་མཚམས་མནན་མཚམས་བཟུང་ནས་མཚམས་སུ་འགྲེང་ངམ་འདུག་ནས་མཚམས་ཀྱི་ནང་དུ་གཉིས་འདུག ། མཚམས་ཀྱི་ཕྱི་རོལ་དུ་གཉིས་འདུག་པ་ལ་ལས་བྱེད་པའོ། ། ། ། མདོར་ ན། མངོན་སུམ་གྱུར་དང་སྔ་མ་དག ། ལས་རྣམས་གསུམ་དང་ཤི་བ་དང་། མི་སྤྱད་དང་ནི་བདེ་བ་མཚམས། ། ཉེས་པ་ལས་ཀྱང་དེ་བཞིན་ནོ། ། བཙུན་པ་བཅོམ་ལྡན་འདས་ཀྱིས་ནི་མངོན་སུམ་དུ་གྱུར་པ་ལ་ལས་རྣམས་གྱིས་ཤིག་ཅེས་གསུངས་ན། བཙུན་པ་དགེ་འདུན་ གྱིས་མངོན་སུམ་དུ་མ་གྱུར་པར་ལས་རྣམས་བགྱིས་ཀྱང་ལས་རྣམས་བགྱིས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་མའི་དགེ་འདུན་གྱིས་ཕྱག་མི་བྱ་བའི་སྡོམ་པའམ་ལོངས་སྤྱོད་དང་བྲལ་བའི་སྡོམ་པ་བྱིན་པ་དང་། དགེ་སློང་གི་ དགེ་འདུན་གྱིས་དགེ་སློང་ལ་སྨྱོན་པའི་སྡོམ་པ་བྱིན་པར་གྱུར་པའོ། ། བཙུན་པ་སྔར་ལས་བསྒྲགས་ཏེ་ཕྱིས་གསོལ་བ་བགྱིས་ན་བགྱིས་པ་ཞེས་བགྱིའམ།

ཨུ་པཱ་ལི་བྱས་པ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། ། བཙུན་པ་བདག་ཉིད་ཀྱིས་ བདག་ཉིད་སྤངས་ན་སྤངས་པ་ཞེས་བགྱིའམ། ཨུ་པཱ་ལི་སྤངས་པ་ཞེས་བྱའོ། ། བཙུན་པ་བདག་ཉིད་སྤངས་ཏེ་བདག་ཉིད་ཀྱིས་བདག་ཉིད་ལ་བཟོད་པར་བགྱིས་ན་བཟོད་པ་བགྱིད་པ་ཞེས་བགྱིའམ། ཨུ་པཱ་ལི་བཟོད་པ་བྱས་པ་ཞེས་བྱའོ། ། བཙུན་པ་བསྡིགས་པའི་ལས་བགྱིས་པ་ ལ་བསྡིགས་པའི་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་སྨད་པའི་ལས་བགྱིས་པ་ལ་སྨད་པའི་ལས་བགྱིད་པ་དང་། བསྐྲད་པའི་ལས་བགྱིས་པ་དང་། སླར་བསྡུམ་པའི་ལས་བགྱིས་པ་དང་། མ་མཐོང་བའི་ཕྱིར་སྤངས་པའི་ལས་བགྱིས་ པ་དང་། སླར་གྱི་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་བའི་ཕྱིར་སྤང་བའི་ལས་བགྱིས་པ་དང་། ཆད་པས་བཅད་པ་ལ་ཆད་པའི་དང་། ཡིད་མགུ་བའི་སྤྱོད་པ་ལ་ཡིད་མགུ་བའི་དང་། དབྱུང་བའི་ཕྱིར་ལས་བགྱིས་པ་ལ་དབྱུང་བའི་ཕྱིར་ལས་བགྱིད་ན་ ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་བསྡིགས་པའི་ལས་བགྱིས་པ་ལ་སྨད་པའི་ལས་བགྱིད། བསྐྲད་པའི་དང་། སླར་བསྡུམ་པའི་དང་། མ་མཐོང་བའི་ཕྱིར་སྤངས་པ་དང་།

སླར་གྱི་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་ བའི་ཕྱིར་སྤང་བའི་ལས་དང་། ཆད་པས་བཅད་པའི་དང་། ཡིད་མགུ་བའི་དང་། དབྱུང་བའི་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། ། དེ་བཞིན་དུ་ལས་ཐམས་ཅད་ཀྱང་འཁོར་ལོའི་རྒྱུད་བཞིན་དུ་བྱའོ། ། བཙུན་པ་བསྡིགས་པའི་ ལས་སུ་འོས་པ་ཞིག་ལ་སྨད་པ་དང་། བསྐྲད་པ་དང་། སླར་བསྡུམ་པའི་ལས་རྣམས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། སྨ་དབབ་པའི་ལས་སོ། ། བཙུན་པ་བསྡིགས་པའི་ལས་སུ་འོས་པ་ཞིག་ལ་མ་མཐོང་བའི་སླད་དུ་སྤངས་ པ་དང་། སླར་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་བའི་སླད་དུ་སྤང་བའི་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། ། དེ་ཅིའི་ཕྱིར་ཞེ་ན། ཨུ་པཱ་ལི་སྨ་དབབ་པའི་ལས་ནི་གཞན་ནོ། ། སྤང་བའི་ལས་ནི་གཞན་ནོ། ། བཙུན་པ་བསྡིགས་པའི་ལས་སུ་འོས་པ་ཞིག་ལ་ཆད་པས་བཅད་པ་དང་། ཡིད་མགུ་བ་དང་། དབྱུང་བའི་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། ། དེ་ཅིའི་ཕྱིར་ཞེ་ན། སྨ་དབབ་པའི་ལས་ནི་གཞན་ནོ། ། རྣམ་པར་དག་ པའི་ལས་ནི་གཞན་ནོ། །

བཙུན་པ་མ་མཐོང་བའི་སླད་དུ་སྤང་བའི་ལས་སུ་འོས་པ་ཞིག་ལ་སླར་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་བའི་སླད་དུ་སྤང་བའི་ལས་ཤིག་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། ། དེ་ ཅིའི་ཕྱིར་ཞེ་ན། དེ་དག་ཐམས་ཅད་ནི་སྤང་བའི་ལས་སོ། ། བཙུན་པ་མ་མཐོང་བའི་ཕྱིར་སྤང་བའི་ལས་སུ་འོས་པ་ཞིག་ལ་བསྡིགས་པ་དང་། སྨད་པ་དང་། བསྐྲད་པ་དང་། སླར་བསྡུམ་པའི་ལས་ཤིག་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། ། དེ་ཅིའི་ཕྱིར་ཞེ་ན། ཨུ་པཱ་ལི་སྤང་བའི་ལས་ནི་གཞན། སྨ་དབབ་པའི་ལས་ནི་གཞན་ནོ། ། བཙུན་པ་མ་མཐོང་བའི་སླད་དུ་སྤང་བའི་ལས་སུ་འོས་པ་ཞིག་ལ་ཆད་པས་བཅད་པ་དང་། ཡིད་མགུ་བ་དང་། དབྱུང་བའི་ལས་བགྱིས་ ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དེ་ཅིའི་ཕྱིར་ཞེ་ན། ཨུ་པཱ་ལི་སྤང་བའི་ལས་ནི་གཞན། རྣམ་པར་དག་པའི་ལས་ནི་གཞན་ནོ། ། བཙུན་པ་ཆད་པས་གཅད་པར་འོས་པ་ཞིག་ལ་ཡིད་མགུ་བ་དང་། དབྱུང་བའི་ལས་བགྱིས་ ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། ། དེ་ཅིའི་ཕྱིར་ཞེ་ན། ཨུ་པཱ་ལི་འདི་དག་ཐམས་ཅད་ནི་རྣམ་པར་དག་པའི་ལས་སོ། །

བཙུན་པ་ཆད་པས་གཅད་པར་འོས་པ་ཞིག་ལ་བསྡིགས་པ་དང་། སྨད་པ་དང་། བསྐྲད་པ་དང་། སླར་བསྡུམ་པའི་ ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། ། དེ་ཅིའི་ཕྱིར་ཞེ་ན། ཨུ་པཱ་ལི་རྣམ་པར་དག་པའི་ལས་ནི་གཞན། སྨ་དབབ་པའི་ལས་ནི་གཞན་ནོ། ། བཙུན་པ་ཆད་པས་གཅད་པར་འོས་པ་ཞིག་ལ་མ་མཐོང་བའི་ཕྱིར་སྤང་བའི་ལས་ བགྱིས་སམ། སླར་གྱི་ལས་མ་བགྱིས་པ་དང་། སྡིག་པ་ལ་ལྟ་བ་སླར་མ་བཏང་བའི་སླད་དུ་སྤང་བའི་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། ། དེ་ཅིའི་ཕྱིར་ཞེ་ན། ཨུ་པཱ་ལི་རྣམ་པར་དག་པའི་ལས་ནི་གཞན། སྤང་བའི་ ལས་ནི་གཞན་ནོ། ། བཙུན་པ་ལས་གཞན་གྱིས་གསོལ་བ་བགྱིས་ལ་ལས་གཞན་གྱིས་བསྒྲགས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་སློང་དེ་དག་ཀྱང་འདས་པ་དང་བཅས་པའོ། ། བཙུན་པ་བཅོམ་ལྡན་འདས་ཀྱིས་ནི་གང་ཟག་ བྱིས་པ་དང་། གླེན་པ་དང་། མི་གསལ་བ་དང་། མི་མཁས་པ་དང་། ངོ་ཚ་མེད་པ་དང་། ཚིག་མི་བརྟན་པ་དང་། ཡི་དམ་ལས་ཉམས་པ་དང་། སྔོན་ཉེས་པ་བྱུང་བ་དང་། སྔར་འཁྲུགས་པ་དང་།

སྨྱོས་པ་དང་རྣམ་པ་བཅུས་འཁྲུགས་ཀྱང་འཁྲུགས་པར་མི་ འགྱུར་རོ་ཞེས་གསུངས་ན། བཙུན་པ་དེ་སྟེ་ཆོས་བཞིན་མ་ལགས་པར་བགྱིད་ཅིང་དེ་དག་ཀྱང་སླར་བཟློག ། སླར་དཀྲུགས་ཏེ། དེ་དག་གིས་སླར་བཟློག་སླར་དཀྲུགས་ན་སླར་དཀྲུགས་པ་མི་བརྩན་ནམ། ཨུ་པཱ་ལི་བརྩན་ཏེ། ངས་ཆོས་བཞིན་གྱི་ལས་ལ་ དགོངས་ཏེ་གསུངས་པས་ན། གང་ལ་ཆོས་བཞིན་གྱི་ལས་བྱེད་པ་དེ་ལ་སླར་བཟློག་པ་དང་དཀྲུགས་པ་ནི་མི་བརྩན་ནོ། ། བཙུན་པ་གང་ཟག་བཅུ་གཉིས་ཀྱི་ལས་བསྐོ་བའི་ཚེ་དང་བསྙེན་པར་རྫོགས་པར་རིགས་པ་ལ་བསྙེན་པར་རྫོགས་པར་བགྱིད་པའི་ཚེ་དང་། དབྱུང་བར་ རིགས་པ་ལ་བྱིན་པའི་ཚེ་སླར་བཟློག་ཅིང་སླར་དཀྲུགས་ཏེ་བདག་ལ་ལས་མ་བྱེད་ཅིག་ཅེས་མཆི་ན་དེ་དག་གིས་སླར་བཟློག་པ་དང་། སླར་དཀྲུགས་པ་མི་བརྩན་ནམ། ཨུ་པཱ་ལི་བརྩན་ནོ། ། ཆད་པའི་ལས་ནི་ངས་དགོངས་ཏེ་གསུངས་སོ། ། བཙུན་པ་ལས་བགྱིད་པ་ཞིག་ལས་ བགྱིད་པའི་ཚེ་དུས་ལས་འདས་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་ལས་མང་དུ་བྱས་ལ་དེ་ཡང་དུས་ལས་འདས་ན་ལས་བྱས་པ་ཞེས་བྱའོ། ། བཙུན་པ་ཉེ་བར་ཕྱོགས་པ་དང་ལྷན་ཅིག་ཀུན་དུ་སྤྱད་པར་བགྱིའམ་ཀུན་དུ་མི་སྤྱད་པར་བགྱི།

ཨུ་པཱ་ལི་ཉེ་བར་ཕྱོགས་ པ་དང་ལྷན་ཅིག་ཀུན་ཏུ་མི་སྤྱད་པར་བྱའོ། ། བཙུན་པ་སྤངས་པ་དེ་གྲོགས་ཞེས་བགྱིའམ། གྲོགས་མ་ལགས་པ་ཞེས་བགྱི། ཨུ་པཱ་ལི་སྤངས་པ་ཐམས་ཅད་ནི་གྲོགས་མ་ཡིན་པ་ཞེས་བྱའོ། ། བཙུན་པ་བཅོམ་ལྡན་འདས་ཀྱིས་བསྡིགས་པའི་ལས་བགྱིས་པ་ལ་བཟོད་པ་སྩོལ་ ཅིག་ཅེས་གསུངས་ན། བཙུན་པ་གང་དུ་བཟོད་པ་སྩལ་བར་བགྱི། མཚམས་ཀྱི་ནང་དུའོ། ། ཇི་ལྟར་བཟོད་པ་གསོལ་བར་བགྱི། སྤུ་འགྲེང་བ་ཉལ་བཞིན་དུ་དགེ་འདུན་ལ་སྤུ་བསྙལ་ཏེ་འབྱུང་བར་རྩོལ་ཞིང་ཕྱག་འཚལ་བར་སྟོན་མཚམས་ཀྱི་ནང་དུ་འདུག་ནས་བཟོད་པ་གསོལ་ཏེ་ ཉེས་པ་མཐོང་བའོ། ། བཙུན་པ་སུ་གང་ལ་དགེ་འདུན་གྱི་ནང་དུ་ལན་གསུམ་དུ་བསྒོ་ཡང་སླར་མ་བཏང་བ་དེ་དག་ཐམས་ཅད་ནོངས་པར་འགྱུར་རམ། སུ་གང་ལ་ནོངས་པར་བྱུང་བ་དེ་དག་ཐམས་ཅད་ཀྱང་ལན་གསུམ་དུ་བསྒོ་བར་བགྱིའམ། སུ་གང་ཞིག་དགེ་ འདུན་གྱི་ནང་དུ་ལན་གསུམ་དུ་བསྒོ་ཡང་སླར་མ་བཏང་བ་དེ་དག་ཐམས་ཅད་ལ་ཉེས་པར་འགྱུར་རོ། ། བཙུན་པ་ནོངས་པ་བྱུང་ཡང་དེ་དགེ་འདུན་གྱི་ནང་དུ་ལན་གསུམ་དུ་བསྒོ་མི་འཚལ་བར་འགྱུར་བ་མཆིས་སམ། ཨུ་པཱ་ལི་ཡོད་དེ།

བསྒོ་བའི་རིགས་པ་ཞིག་བསྒོ་བར་འོས་ པ་མ་གཏོགས་པར་དེ་ལས་ཉེས་པ་གཞན་བྱུང་བའོ། བཙུན་པ་བཅོམ་ལྡན་འདས་ཀྱིས་ནི་ཆོས་གང་དང་ལྡན་པའི་དགེ་སློང་དེ་ལ་སྨ་དབབ་པའི་ལས་དང་སྤང་བའི་ལས་དང་། རྣམ་པར་དག་པའི་ལས་རྣམས་བྱའོ་ཞེས་གསུངས་ན། བཙུན་པ་དེ་སྟེ་དགེ་སློང་མ་ལ་ཡང་ དེ་ལྟ་བུའི་ཆོས་དང་ལྡན་པར་གྱུར་ན་དེ་དག་ལ་ཡང་ལས་དེ་རྣམས་བགྱིའམ། ཨུ་པཱ་ལི་བྱའོ། ། བཙུན་པ་དེ་སྟེ་དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཆོས་དེ་དག་དང་ལྡན་པར་གྱུར་ན། དེ་དག་ལ་ཡང་ལས་དེ་རྣམས་བགྱིའམ། ཨུ་པཱ་ལི་རྣམ་ པར་དག་པའི་ལས་མ་གཏོགས་པར་ལས་གཞན་རྣམས་ནི་བྱའོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། ། འོན་གླེན་གཉིད་ལོག་ར་རོ་བ། ། མྱོས་པ་སྙོམས་ཞུགས་འགྲོ་བ་མཚན། ། མ་ནིང་དག་ལ་སོགས་པ་དང་། ། བསླབ་པ་བྱིན་པ་ཐ་མའོ། ། བཙུན་ པ་སྨྱོན་པ་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་སྨྱོན་པ་ལ་སྡོམ་པ་བྱིན་པ་མ་གཏོགས་པའི་ལས་ལྷག་མ་རྣམས་ནི་དེ་སྟེ་སླར་དགེ་སློང་དུ་འདུ་ཤེས་ཡོད་ཅིང་ལས་འདི་ནི་བདག་ལ་བྱེད་དོ་བར་ཤེས་ན་ལས་བྱས་པ་ཞེས་བྱའོ། ། སེམས་འཁྲུགས་པ་དང་། ནད་ ཀྱིས་གཟིར་བ་དང་།

གླེན་པ་དང་། ལྐུགས་པ་དང་། འོན་པ་རྣམས་ཀྱང་དེ་བཞིན་ནོ། ། བཙུན་པ་གཉིད་ལོག་པ་ཞིག་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་ལུས་སམ་ངག་གིས་དམིགས་ནས་གསོལ་བ་དང་ལས་བྱ་བའི་ཚེ་གཉིད་ཀྱིས་ལོག་ན་ ལས་བྱས་པ་ཞེས་བྱའོ། ། དེ་བཞིན་དུ་མྱོས་པ་དང་། ར་རོ་བ་དང་། སྙོམས་པར་ཞུགས་པ་རྣམས་ལ་ཡང་བརྗོད་པར་བྱའོ། ། བཙུན་པ་འགྲོ་བ་གཞན་དུ་གནས་པ་ཞིག་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་ལྷུང་བཟེད་ཁས་དབུབ་པ་མ་གཏོགས་ཏེ་ལས་ ལྷག་མ་རྣམས་ནི་བྱས་པ་ཞེས་བྱའོ། ། བཙུན་པ་གང་ལ་ལས་བགྱི་བ་དེའི་མཚན་གྱུར་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། ། བཙུན་པ་མ་ནིང་ཞིག་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། ། དེ་བཞིན་ དུ་དགེ་སློང་མ་སུན་ཕྱུང་བ་ནས། སྔར་འཁྲུགས་པའི་བར་དུ་བརྗོད་པར་བྱའོ། ། བཙུན་པ་ཟ་མ་ཞིག་ལ་ལས་བགྱིད་ན་ལས་བགྱིད་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱའོ། ། བཙུན་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་ སྩལ་བ་རྣམས་ལ་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ།

དགེ་འདུན་ནི་འདས་པ་དང་བཅས་པའོ། ། ། ། མདོར་ན། སྨྱོན་པ་དང་ནི་སེམས་འཁྲུགས་དང་། ། ན་བ་འོན་པ་གླེན་པ་དང་། ། ཁྱིམ་པ་དག་ལ་སོགས་པ་དང་། ། བསླབ་པ་ བྱིན་དང་མཚན་དེ་བཞིན། ། བཙུན་པ་ལས་བགྱིད་པ་སྨྱོན་པ་ཞིག་གིས་ལས་བགྱིས་ན་ལས་བགྱིས་པ་ཞེས་བགྱིའམ་མ་བགྱིས་པ་ཞེས་བགྱི། ཨུ་པཱ་ལི་དེ་སྟེ་དགེ་སློང་དུ་འདུ་ཤེས་སླར་རྙེད་ཅིང་གསོལ་བ་བྱས་ཏེ་ལས་མ་ཉམས་ན་བྱས་པ་ཞེས་བྱའོ། ། སེམས་འཁྲུགས་པ་ དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱང་དེ་བཞིན་ནོ། ། བཙུན་པ་ལས་བགྱིད་པ་འགྲོ་བ་གཞན་དུ་གནས་པ་ཞིག་གིས་ལས་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་བཞིན་ནོ། ། དེ་བཞིན་དུ་ལས་བགྱིད་པ་ཁྱིམ་པ་དང་། ཟ་མ་དང་། མ་ནིང་དང་། ལྷན་ཅིག་མི་གནས་པ་དང་། སོ་སོར་གནས་པ་ནས་སྔར་འཁྲུགས་པའི་བར་དུ་དེ་དག་གིས་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དགེ་འདུན་གྱི་དབྱེན་བགྱིས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་ རྣམས་ཀྱིས་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། །

བཙུན་པ་ལས་བགྱིད་པས་ལས་བགྱིས་པ་ན་མཚན་འཕོས་ན་ལས་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱའོ། ། ཇི་ལྟར་ལས་བྱེད་པ་དེ་བཞིན་དུ་གྲངས་སུ་བསྐང་བས་ཀྱང་བརྗོད་པར་བྱའོ། ། ལས་ཀྱི་དངོས་པོ་སྟེ་དམར་སྐྱའི་དངོས་པོ་རྫོགས་{སྷོ,སོ}། ། ། ། མདོར་ན། ཆད་པ་རྣམ་པ་བདུན་དུ་བྱས། ། གནས་གསུམ་དང་ནི་མུ་སྟེགས་ཅན། ། བསྒྲགས་པ་དང་ནི་ཉེས་པ་དང་། ། མཚན་ དང་སྦྱིན་པ་མ་ཡིན་པའོ། ། བཙུན་པ་གང་ཟག་དེ་ཉིད་ཆད་པ་བགྱིད་པ་ལགས་ལ་དེ་ཉིད་ཆད་པ་ཁོར་བ་ཡང་ལགས། དེ་ཡིད་མགུ་བར་སྤྱོད་པ་ལགས་ལ་གང་ཟག་དེ་ཉིད་ཀྱིས་ཡིད་མགུ་བར་སྤྱོད་པ་ཡང་ལགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་གང་ ཟག་ཡིད་མགུ་བར་སྤྱད་པ་ལས་དགེ་འདུན་གྱི་ལྷག་མའི་ཉེས་པ་བྱུང་སྟེ། དེ་དགེ་འདུན་ལ་ཡིད་མགུ་བར་བྱ་བ་གསོལ་ཏེ་དགེ་འདུན་གྱིས་དེ་ལ་ཡིད་མགུ་བར་བྱ་བ་བྱིན་ཏེ་དེ་ཡིད་མགུ་བར་བྱ་བ་སྤྱོད་པ་ན་དེ་ཡང་དགེ་འདུན་གྱི་ལྷག་མའི་ཉེས་པ་གཉིས་བྱུང་སྟེ། གཅིག་ནི་ཞག་གཅིག་ ཏུ་བཅབས་པ། གཅིག་ནི་ཞག་གཉིས་སུ་བཅབས་ནས་དེས་ཉེས་པ་དེ་དག་གི་ཕྱིར་དགེ་འདུན་ལས་ཆད་པར་བྱ་བར་གསོལ་བ་དང་།

དེ་ལ་དགེ་འདུན་གྱིས་ཀྱང་ཆད་པར་བྱེད་པ་བྱིན་ནོ། ། དེས་ཞག་གཅིག་ཏུ་ཆད་པ་བྱས་ཏེ། དེའི་ཉེས་པ་གཅིག་གི་ཆད་པ་ནི་བྱས་སོ། ། གཉིས་པའི་ཆད་པ་ནི་བྱེད། གསུམ་དུ་ནི་ཡིད་མགུ་བར་བྱ་བ་སྤྱོད། བཞི་པ་ནི་ཡིད་མགུ་བར་སྤྱད་པའོ། ། བཙུན་པ་ཆད་པ་བགྱིད་པའི་རིགས་པ་ཞིག་ལ་ཡིད་མགུ་བ་བགྱིད་པ་སྩལ་ན་སྩལ་བ་ཞེས་བགྱིའམ། ཨུ་པཱ་ལི་བྱིན་པ་ཞེས་བྱ་སྟེ། དགེ་འདུན་ནི་ འདས་པ་དང་བཅས་པའོ། ། བཙུན་པ་ཆད་པ་བགྱིད་པའི་རིགས་པའི་གང་ཟག་གཅིག་ཕྱུང་ན་ཕྱུང་བ་ཞེས་བགྱིའམ། ཨུ་པཱ་ལི་ཕྱུང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། བཙུན་པ་ཡིད་མགུ་བ་བགྱིད་པར་རིགས་པའི་གང་ཟག་ལ་ཆད་པ་ བགྱིད་པ་སྩལ་ན་སྩལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་འདུན་ལ་ཡང་འདས་པ་དང་བཅས་པའོ། ། བཙུན་པ་ཡིད་མགུ་བ་བགྱིད་པར་རིགས་པའི་གང་ཟག་གཅིག་ཕྱུང་ན་ཕྱུང་བ་ཞེས་བགྱིའམ། ཨུ་པཱ་ལི་ཕྱུང་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་ པའོ། ། བཙུན་པ་དབྱུང་བར་རིགས་པའི་གང་ཟག་ལ་ཆད་པ་བགྱིད་དུ་སྩལ་ན་སྩལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་འདུན་ལ་ཡང་འདས་པ་དང་བཅས་པའོ། །

བཙུན་པ་དབྱུང་བར་རིགས་པའི་གང་ཟག་གཅིག་ཡིད་མགུ་བར་བགྱིད་པ་སྩལ་ན་སྩལ་བ་ཞེས་ བགྱིའམ། ཨུ་པཱ་ལི་མ་ཡིན་ཏེ། དགེ་འདུན་ཡང་འདས་པ་དང་བཅས་པའོ། ། བཙུན་པ་ལས་བགྱིད་པ་ཕྱོགས་གཅིག་ཏུ་མཆིས་ལ་གནས་བཞིར་ཆད་པ་བགྱིད་པ་དང་། ཡིད་མགུ་བར་བགྱིད་པ་སྩོལ་ཅིང་དབྱུང་བའི་ལས་ཀྱང་བགྱིད་པར་རུང་ངམ། ཨུ་པཱ་ལི་དེ་འདི་ལྟར་ལས་བྱེད་ པའི་དགེ་སློང་དེ་གནས་བཞིའི་མཚམས་སུ་ཤིང་ངམ། དབྱིག་པའམ། རེ་ལྡེས་མནན་ཏེ་ལས་བྱེད་ན་རུང་ངོ་། ། བཙུན་པ་ལས་བགྱིད་པའི་གནས་བཞིའི་མཚམས་སུ་ཤིང་ངམ། དབྱིག་པའམ། རེ་ལྡེས་མནན་ཏེ་གསོལ་བ་གཅིག་དང་། ལས་གཅིག་གིས་གང་ཟག་བཞི་ལ་ ཆད་པ་བགྱིད་པ་དང་། ཡིད་མགུ་བར་བགྱིད་པ་དང་། དབྱུང་བའི་ལས་རྣམས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་ཅིའི་ཕྱིར་ཞེ་ན། ཨུ་པཱ་ལི་མཚམས་གཅིག་པ་ལ་མང་པོས་མང་པོ་ལ་ལས་བྱར་མི་རུང་ངོ་། ། བཙུན་པ་དགེ་སློང་ཞིག་ གིས་མཚམས་གཅིག་ན་གནས་ཤིང་ལྷན་ཅིག་ཏུ་འཁོད་པའི་དགེ་སློང་དེ་དག་མ་མཆིས་བཞིན་དུ་ཆད་པ་བགྱིད་པ་དང་། ཡིད་མགུ་བར་བགྱིད་པ་དང་།

དབྱུང་བའི་ལས་བགྱིད་ཀྱང་ནོངས་པར་མི་འགྱུར་ལ་དེས་དགེ་འདུན་ལ་ཡང་མི་མཐུན་པར་མི་འགྱུར་བ་མཆིས་སམ། ཨུ་ པཱ་ལི་ཡོད་དེ། དད་པ་རྗེས་སུ་ཕུལ་བའོ། ། བཙུན་པ་ལས་བགྱིད་པའི་དགེ་སློང་ཕྱོགས་གཅིག་ཏུ་མཆིས་ནས་གང་ཟག་བཞི་ལ་ཆད་པ་བགྱིད་པ་དང་ཡིད་མགུ་བར་བགྱིད་པའི་ལས་བགྱིད་ན་ལས་ཀྱང་བགྱིས་པར་འགྱུར་ལ། དགེ་སློང་དེ་དག་ཀྱང་འདས་པ་དང་བཅས་པར་མི་ འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ལས་བྱེད་པའི་དགེ་སློང་དེས་མཚམས་མནན་མཚམས་བཟུང་སྟེ་མཚམས་སུ་འགྲེང་ངམ་འདུག་ཀྱང་རུང་གཉིས་ནི་མཚམས་ཀྱི་ནང་དུ་བཞག་གཉིས་ནི་མཚམས་ཀྱི་ཕྱི་རོལ་དུ་བཞག་སྟེ་བྱེད་པའོ། ། བཙུན་པ་ བཅོམ་ལྡན་འདས་ཀྱིས་ནི་ཆད་པ་བགྱིད་པ་གཉིས་ཐོག་གཅིག་པའི་གནས་སུ་མ་གནས་ཤིག་ཅེས་གསུངས་ན། བཙུན་པ་ཆད་པ་བགྱིད་པ་གཉིས་ཐོག་གཅིག་པའི་གནས་སུ་གནས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། སྔོན་མུ་སྟེགས་ཅན་དང་ ལྷན་ཅིག་གནས་ནའོ། ། བཙུན་པ་ནོངས་པ་གང་ཡང་མ་བྱུང་བ་དེ་ཡང་ཆད་པ་བགྱིད་དུ་མཆིས་སམ། ཨུ་པཱ་ལི་ཡོད་དེ། སྔོན་མུ་སྟེགས་ཅན་ནོ། །

བཙུན་པ་དགེ་འདུན་གྱི་ལྷག་མ་མ་བྱུང་བ་ཞིག་ལ་ཆད་པ་བགྱིད་དུ་སྩལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མུ་སྟེགས་ཅན་ལའོ། ། བཙུན་པ་དགེ་སློང་ཞིག་གིས་ནོངས་པའི་མིང་དང་རིགས་མ་བསྒྲགས་ན་བཅབས་པ་ཞེས་བགྱིའམ། ཨུ་པཱ་ལི་བཅབས་པ་ཞེས་བྱའོ། ། བཙུན་པ་དེ་སྟེ་རིགས་བསྒྲགས་ལ་མིང་མ་བསྒྲགས་ན་བཅབས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དགེ་འདུན་གྱི་ལྷག་མ་དུ་ལས་འབྱུང་། ཨུ་པཱ་ལི་བཅུ་གསུམ་ལས་སོ། ། བཙུན་པ་དགེ་སློང་ཞིག་གིས་དགེ་འདུན་གྱི་ལྷག་མའི་ནོངས་པ་ཞིག་བྱུང་ལ་མ་བཤགས་ཤིང་སླར་མ་བགྱིས་བཞིན་བྱང་བར་འགྱུར་བ་མཆིས་སམ། ཨུ་ པཱ་ལི་ཡོད་དེ། འདི་ལྟར་དགེ་སློང་དེ་ཐུན་མོང་མ་ཡིན་པའི་དགེ་འདུན་གྱི་ལྷག་མ་ཞིག་བྱུང་བར་གྱུར་ལ། དེའི་མཚན་འཕོས་ཏེ་དགེ་སློང་མར་གྱུར་ན། དེ་ལ་དགེ་འདུན་གྱི་ལྷག་མ་ལས་ནི་བྱུང་གི་ཉེས་བྱས་ཀྱི་ལྟུང་བ་ནི་བཤགས་པར་བྱའོ། ། བཙུན་པ་དགེ་སློང་ མ་ཞིག་གིས་དགེ་འདུན་གྱི་ལྷག་མའི་ནོངས་པ་ཞིག་བྱུང་ལ་མ་བཤགས་ཤིང་སླར་མ་བགྱིས་བཞིན་བྱང་བར་འགྱུར་བ་མཆིས་སམ། ཨུ་པཱ་ལི་ཡོད་དེ།

འདི་ལྟར་དགེ་སློང་མ་དེ་ཐུན་མོང་མ་ཡིན་པའི་དགེ་འདུན་གྱི་ལྷག་མའི་ཉེས་པ་ཞིག་བྱུང་བར་གྱུར་ལ། དེའི་མཚན་ འཕོས་ཏེ་དགེ་སློང་ཕར་གྱུར་ན་དགེ་འདུན་གྱི་ལྷག་མ་ལས་ནི་བྱུང་གི་ཉེས་བྱས་ཀྱི་ལྟུང་བ་ནི་བཤགས་པར་བྱའོ། ། བཙུན་པ་དགེ་འདུན་གྱི་ལྷག་མའི་ནོངས་པ་ལས་བྱུང་བཞིན་སླར་ཡང་ནོངས་པ་དེ་བཤགས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་ དེས་ཐུན་མོང་མ་ཡིན་པའི་དགེ་འདུན་གྱི་ལྷག་མའི་ཉེས་པ་བྱུང་བར་གྱུར་པ་དང་དེའི་མཚན་འཕོས་ཏེ་དགེ་སློང་མར་གྱུར་ནས་དགེ་འདུན་གྱི་ལྷག་མ་བྱུང་བ་དང་། དེ་སླར་ཡང་མཚན་འཕོས་ཏེ་དགེ་སློང་དུ་གྱུར་ན་ཉེས་པ་དེ་བཤགས་དགོས་སོ། ། བཙུན་པ་དགེ་སློང་ཞིག་ཆད་ པ་སྤྱོད་པ་ལས་དེ་མཚན་འཕོས་ཏེ་དགེ་སློང་མར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་སློང་མ་ལ་ཆད་པ་བྱའོ། ། བཙུན་པ་དགེ་སློང་དེ་ཡིད་མགུ་བར་བགྱི་བ་སྤྱོད་པ་ན་མཚན་འཕོས་ཏེ་དགེ་སློང་མར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ ལི་མ་ཡིན་ཏེ། ཇི་ཙམ་དུ་སྤྱད་པ་དེ་གྲངས་ལ་དགེ་འདུན་སྡེ་གཉིས་ལ་ཟླ་ཕྱེད་དུ་སྐོངས་ཤིག །

བཙུན་པ་དགེ་སློང་མ་ཞིག་ཆད་པ་སྤྱོད་པ་ན་མཚན་འཕོས་ཏེ་དགེ་སློང་ཕར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་སློང་ཕ་ལ་ཆད་པ་བྱོས་ཤིག ། བཙུན་པ་དགེ་སློང་མ་ཞིག་ཡིད་མགུ་བར་བགྱི་བ་སྤྱོད་པ་ན་མཚན་འཕོས་ཏེ་དགེ་སློང་ཕར་གྱུར་ན་ཆད་པ་བྲལ་བ་ཞེས་བགྱིའམ། ཨུ་པཱ་ལི་མ་ཡིན་ཏེ། ཞག་དྲུག་ཏུ་གྲོངས་ལ་ཕྱུང་ཤིག ། བཙུན་པ་བསླབ་པ་སྩལ་བས་དགེ་སློང་ལ་ཆད་པར་བགྱི་བ་དང་། ཡིད་མགུ་བར་ བགྱི་བ་སྩལ་བར་རུང་ངམ། ཨུ་པཱ་ལི་མི་རུང་ངོ་། ། བཙུན་པ་བསླབ་པ་སྩལ་བ་ལ་ཆད་པར་བགྱི་བ་དང་། ཡིད་མགུ་བར་བགྱི་བ་སྩལ་བར་རུང་ངམ། ཨུ་པཱ་ལི་མི་རུང་ངོ་། ། ། ། མདོར་ན། ཉེས་དང་དེ་བཞིན་མཚན་མོ་དང་། ། སྐད་རྣམས་དང་ཡང་བཞི་པ་དང་། ། ལུས་དང་དབེན་དང་དེ་བཞིན་སྔགས། ། བཞི་པ་གཉིས་དང་སྦྱངས་པའོ། ། བཙུན་པ་ནོངས་པ་དང་བཅས་པས་དགེ་སློང་ལ་ཆད་པ་བགྱི་བ་དང་ཡིད་མགུ་བར་བགྱི་བ་སྩལ་བར་རུང་ངམ། ཨུ་པཱ་ལི་མི་རུང་ངོ་། བཙུན་པ་ནོངས་པ་དང་བཅས་པ་ལས་ཆད་པར་ བགྱི་བའམ། ཡིད་མགུ་བར་བགྱི་བ་སྤྱད་དུ་རུང་ངམ། ཨུ་པཱ་ལི་མི་རུང་ངོ་། ། དེ་བཞིན་དུ་གྲངས་སུ་སྐོང་བ་ཡང་བརྗོད་པར་བྱའོ། །

བཙུན་པ་ཆད་པ་བགྱིད་པ་གཞི་གནས་གཅིག་ན་ཆད་པ་བགྱིད་དམ་ཡིད་མགུ་བར་བགྱི་བ་སྤྱོད་དུ་རུང་ངམ། ཨུ་པཱ་ལི་ མི་རུང་སྟེ། མང་པོས་མང་པོ་ལ་ཆད་པར་བྱ་བའམ། ཡིད་མགུ་བར་བྱ་བ་མི་སྤྱོད་དོ། ། བཙུན་པ་བཅོམ་ལྡན་འདས་ཀྱིས་ནི་ཆད་པ་བྱེད་པ་གནས་གཞན་དུ་མ་གནས་ཤིག་ཅེས་གསུངས་ན། བཙུན་པ་དེ་སྟེ་གནས་གཞན་དུ་གནས་ན་ཞག་བགྲང་བར་བགྱིའམ། ཨུ་པཱ་ལི་མ་ ཡིན་ནོ། ། བཙུན་པ་འཕགས་པ་ཞིག་གིས་འཕགས་པའི་སྐད་དུ་དགེ་སློང་ལ་ནོངས་པ་སྨྲས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། ། བཙུན་པ་འཕགས་ པ་ཞིག་གིས་མཐའ་འཁོབ་པའི་སྐད་དུ་དགེ་སློང་ལ་ནོངས་པ་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་མཐའ་འཁོབ་པ་ཞིག་གིས་མཐའ་འཁོབ་པའི་སྐད་དུ་དགེ་སློང་ལ་ནོངས་པ་སྨྲས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། །

བཙུན་པ་མཐའ་འཁོབ་པ་ཞིག་གིས་འཕགས་པའི་སྐད་དུ་དགེ་སློང་ལ་ནོངས་པ་སྨྲས་པ་དང་། དགེ་སློང་ དེས་ཀྱང་འཕགས་པའི་སྐད་མ་འཚལ་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། ། བཙུན་པ་ནོངས་པ་ལུས་ཀྱིས་དམིགས་ཤིང་སྟོན་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དབེན་པ་ལ་མི་ དབེན་པར་འདུ་ཤེས་ནས་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། ། བཙུན་པ་དགེ་སློང་ཞིག་གིས་སྨན་ནམ་སྔགས་ཀྱིས་བདག་མི་སྣང་བར་བགྱིས་ཏེ་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། ། བཙུན་པ་ས་ལ་གནས་པ་དག་གིས་ནམ་མཁའ་ལ་གནས་པ་རྣམས་ལ་ཆད་པ་བགྱིའམ་ཡིད་མགུ་བར་བགྱིད་པའམ། དབྱུང་བའི་ལས་ཀྱང་རུང་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ནམ་ མཁའ་ལ་གནས་པ་དག་གིས་ས་ལ་གནས་པ་རྣམས་ལ་ཆད་པ་བགྱི་བའམ། ཡིད་མགུ་བར་བགྱིའམ། དབྱུང་བའི་ལས་ཀྱང་རུང་བགྱིད་ན་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །

བཙུན་པ་ས་ལ་གནས་པ་དག་གིས་ནམ་མཁའ་ལ་གནས་པ་རྣམས་ཀྱི་ གྲངས་སུ་བསྐངས་ཏེ་ཆད་པར་བགྱི་བའམ་ཡིད་མགུ་བར་བགྱི་བའམ། དབྱུང་བའི་ལས་ཀྱང་རུང་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ནམ་མཁའ་ལ་གནས་པ་དག་གིས་ས་ལ་གནས་པ་རྣམས་ཀྱི་གྲངས་སུ་བསྐངས་ཏེ་ཆད་པ་ བགྱི་བའམ། ཡིད་མགུ་བར་བགྱིད་པའམ། དབྱུང་བའི་ལས་ཀྱང་རུང་བགྱིས་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་མཚམས་ཀྱི་ནང་ན་གནས་པ་དང་མཚམས་ཀྱི་ཕྱི་རོལ་ན་གནས་པ་རྣམས་སུ་ལྷན་ཅིག་རྣམ་པ་བཞིར་བྱོས་ཤིག། ། ། འདུལ་བ་གཞུང་དམ་པ། བམ་པོ་ཉི་ཤུ་པ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་འདུན་གྱི་ལྷག་མའི་ཆོས་བཅུ་གསུམ་པོ་འདི་རྣམས་ལས་ཁུ་བ་ལས་བྱུང་བ་ཞག་གཅིག་བཅབས་པ་ནས། ཚིག་བཀའ་བློ་མི་བདེ་བ་ལས་བྱུང་བ་ཞག་ བཅུ་གསུམ་བཅབས་པའི་བར་དུ་སྟེ། བཙུན་པ་ནོངས་པ་བཅུ་གསུམ་པོ་དེ་དག་དུས་ཐ་དད་པ་མི་འདྲ་བར་བཅབས་པའི་རྣམས་ལ་གསོལ་བ་གཅིག་དང་། ལས་གཅིག་གིས་ཆད་པ་བགྱིད་དུ་སྩལ་བར་རུང་ངམ། ཨུ་པཱ་ལི་རུང་ངོ་། ། བཙུན་པ་ཆད་པ་ཁོར་ནས་ཡིད་མགུ་བར་བགྱིད་ དུ་སྩལ་བར་རུང་ངམ།

ཨུ་པཱ་ལི་རུང་ངོ་། ། ཡིད་མགུ་བར་བགྱི་བ་སྤྱད་ལགས་པ་ལས་དབྱུང་བ་སྩལ་དུ་རུང་ངམ། ཨུ་པཱ་ལི་རུང་ངོ་། ། བཙུན་པ་དགེ་འདུན་ལྷག་མ་ནོངས་པ་མང་པོ་མི་འདྲ་བ་ལས་བྱུང་བའི་རྣམས་གསོལ་བ་གཅིག་དང་ལས་གཅིག་གིས་དུས་གཅིག་ཏུ་གཞན་ ལ་ཆད་པ་བགྱིད་པ་དང་། གཞན་ལ་ཡིད་མགུ་བར་བགྱི་བ་དང་། གཞན་ལ་དབྱུང་བ་སྩལ་དུ་རུང་ངམ། ཨུ་པཱ་ལི་མི་རུང་ངོ་། ། བཙུན་པ་དགེ་འདུན་གྱི་ལྷག་མ་ནོངས་པ་མང་པོ་མི་འདྲ་བ་ལས་བྱུང་བའི་རྣམས་གསོལ་བ་གཅིག་དང་། ལས་གཅིག་གིས་དུས་ གཅིག་ཏུ་གང་ཟག་གཅིག་ལ་ཆད་པ་དང་ཡིད་མགུ་བར་བགྱི་བ་དང་དབྱུང་བ་རྣམས་སྩལ་ཏུ་རུང་ངམ། ཨུ་པཱ་ལི་མི་རུང་ངོ་། ། ། ། མདོར་ན། སྨྱོན་པ་སེམས་འཁྲུགས་ནད་ཀྱིས་གཟིར། ། འོན་གླེན་གཉིད་ལོག་ར་རོ་བ། ། མྱོས་དང་སྙོམས་ཞུགས་འགྲོ་བ་མཚན། ། ཁྱིམ་ པ་དག་ལ་སོགས་པ་དང་། ། བསླབ་པ་བྱིན་པ་ཐ་མའོ། ། བཙུན་པ་སྨྱོན་པ་ཞིག་གིས་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་ རྣམས་སོ། ། བཙུན་པ་སྨྱོན་པ་ཞིག་ལ་ནོངས་པ་སྨྲས་ན་སྨྲས་པ་ཞེས་བགྱིའམ།

ཨུ་པཱ་ལི་མ་ཡིན་ནོ། ། བཅབས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། འོན་པ་དང་། ལྐུགས་པ་ དང་། གཉིད་ལོག་པ་དང་། མྱོས་པ་དང་། ར་རོ་བ་དང་། སྙོམས་པར་ཞུགས་པ་རྣམས་ལ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། ། བཙུན་པ་འགྲོ་བ་གཞན་དུ་གནས་པ་ཞིག་ལ་ནོངས་པ་སྨྲས་ན་སྨྲས་ པ་ཞེས་བགྱིའམ། ཨུ་པཱ་ལི་མ་སྨྲས་པ་ཞེས་བྱའོ། ། བཅབས་པར་འགྱུར་རམ། ཨུ་པཱ་ལི་འགྱུར་རོ། ། དེ་བཞིན་དུ་མ་ནིང་དང་། དགེ་སློང་མ་སུན་ཕྱུང་བ་ནས། སྔར་འཁྲུགས་པའི་བར་དུ་དེ་དག་ལ་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་སྨྲས་པ་ཞེས་ བྱའོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། ། བཙུན་པ་དགེ་སློང་གིས་ཟ་མ་ཞིག་ལ་ནོངས་པ་སྨྲས་ན་སྨྲས་པ་ཞེས་བགྱིའམ། ཨུ་པཱ་ལི་སྨྲས་པ་ཞེས་བྱའོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། ། དེ་བཞིན་དུ་དགེ་འདུན་གྱི་དབྱེན་བགྱིས་པ་ དང་། མི་གནས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་རྣམས་ལ་ནོངས་པ་སྨྲས་ན་སྨྲས་པ་ཞེས་བགྱིའམ།

ཨུ་པཱ་ལི་སྨྲས་པ་ཞེས་བྱའོ། ། བཅབས་པར་འགྱུར་རམ། ཨུ་པཱ་ལི་མི་འགྱུར་རོ། ། བཙུན་པ་དགེ་སློང་གིས་ནོངས་པ་སྨྲ་བ་ ན་མཚན་འཕོས་ན་སྨྲས་པ་ཞེས་བགྱིའམ། ཨུ་པཱ་ལི་སྨྲས་པ་ཞེས་བྱའོ། ། བཅབས་པར་འགྱུར་རམ། ཨུ་པཱ་ལི་མ་ཡིན་ནོ། ། བཙུན་པ་དགེ་སློང་གིས་དགེ་འདུན་གྱི་ལྷག་མའི་ནོངས་པ་ཞིག་བྱུང་ན་ནམ་འཚོའི་བར་དུ་དབྱུང་དུ་མི་རུང་བ་མཆིས་སམ། ཨུ་པཱ་ལི་ཡོད་དེ། འདི་ ལྟར་དགེ་སློང་གིས་ཕས་ཕམ་པ་བཞིའི་ཉེས་པ་ལས་གང་ཡང་རུང་སྟེ། འདས་པ་དེའི་འོག་ཏུ་དགེ་འདུན་གྱི་ལྷག་མའི་ཉེས་པ་ཞིག་བྱུང་བའོ། ། ། ། མདོར་ན། སྨྱོན་པ་སེམས་འཁྲུགས་ན་བ་དང་། ། འོན་གླེན་གཉིད་ལོག་ར་རོ་བ། ། མྱོས་དང་སྙོམས་ཞུགས་འགྲོ་བ་མཚན། ། མ་ནིང་དག་ལ་ སོགས་པ་དང་། ། བསླབ་པ་བྱིན་པ་ཐ་མའོ། ། བཙུན་པ་སྨྱོན་པ་ཞིག་ལ་ཆད་པ་དང་། ཡིད་མགུ་བར་བགྱི་བ་དང་། དབྱུང་བའི་ལས་རྣམས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་སླར་དགེ་སློང་དུ་འདུ་ཤེས་པ་དེ་ཉིད་དམ་ལུས་དང་ངག་གིས་ཀྱང་དམིགས་ཤིང་ ལས་འདི་ནི་བདག་ལ་བྱེད་པར་ཤེས་ན་ལས་བྱས་པ་ཞེས་བྱའོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་།

ལྐུགས་པ་དང་། འོན་པ་རྣམས་ལ་ཡང་བརྗོད་པར་བྱའོ། ། བཙུན་པ་གཉིད་ལོག་པ་དང་། ར་རོ་བ་ཞིག་ལ་ཆད་པ་དང་། ཡིད་ མགུ་བར་བགྱི་བ་དང་། དབྱུང་བའི་ལས་རྣམས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་དེ་སྟེ་ལུས་སམ་ངག་གིས་དམིགས་པ་ལས་གསོལ་བ་བྱེད་པའི་ཚེ་གཉིད་ཀྱིས་ལོག་ནའང་བྱས་པ་ཞེས་བྱའོ། ། དེ་བཞིན་དུ་ར་རོ་བ་དང་། མྱོས་པ་དང་། སྙོམས་པར་ཞུགས་ པ་རྣམས་ལ་ཡང་བརྗོད་པར་བྱའོ། ། བཙུན་པ་འགྲོ་བ་གཞན་དུ་གནས་པའི་དགེ་སློང་ཞིག་ལ་ཆད་པ་དང་། ཡིད་མགུ་བར་བགྱི་བ་དང་། དབྱུང་བ་ཡང་རུང་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་མ་ནིང་དང་། དགེ་སློང་མ་སུན་ ཕྱུང་བ་དང་། མི་གནས་པ་དང་། སོ་སོར་གནས་པ་ནས། སྔར་འཁྲུགས་པའི་བར་དུ་བརྗོད་པར་བྱའོ། ། བཙུན་པ་དགེ་སློང་གིས་ཟ་མ་ཞིག་ལ་ཆད་པ་དང་། ཡིད་མགུ་བར་བགྱི་བའམ། དབྱུང་བ་ཡང་རུང་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ ལི་མ་བྱས་པ་ཞེས་བྱའོ། ། བཙུན་པ་དགེ་འདུན་གྱི་དབྱེན་བགྱིས་པའི་དགེ་སློང་དང་། ཉེ་བར་ཕྱོགས་པ་དང་། བསླབ་པ་སྩལ་བ་ཞིག་ལ་ཆད་པ་དང་། ཡིད་མགུ་བར་བགྱི་བའམ།

དབྱུང་བ་ཡང་རུང་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་བྱས་པ་ཞེས་བྱ་སྟེ། དགེ་འདུན་དག་ཀྱང་འདས་པ་དང་བཅས་པའོ། ། གང་ཟག་གི་དངོས་པོ་དང་། ཆད་པའི་དངོས་པོ་རྫོགས་{སྷོ,སོ}། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་པ་དག་དང་གླེན་པ་ དང་། ། མ་ནིང་དག་ལ་སོགས་པ་དང་། ། བསླབ་པ་བྱིན་པ་ཐ་མའོ། ། བཙུན་པ་དགེ་སློང་ཞིག་གིས་ཕྲིན་གྱིས་གསོ་སྦྱོང་བཀག་ན་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་ བརྒྱུད་དེ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་ བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། ཉེ་བར་ཕྱོགས་པ་དང་།

སྔོན་ཉེས་པ་བྱུང་བ་དང་། སྔར་འཁྲུགས་པ་ རྣམས་ཀྱང་དེ་བཞིན་ནོ། ། བཙུན་པ་བསླབ་པ་སྩལ་བ་ཞིག་གིས་གསོ་སྦྱོང་བཀག་ན་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ཟ་མ་ཞིག་གིས་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། ། ། མདོར་ན། སྨྱོན་པར་གྱུར་དང་ སེམས་འཁྲུགས་དང་། ། ནད་ཀྱིས་གཟིར་དང་འོན་གླེན་པ། ། གཉིད་ལོག་ར་རོ་མྱོས་པ་དང་། ། སྙོམས་པར་ཞུགས་དང་འགྲོ་བ་མཚན། ། མ་ནིང་དག་ལ་སོགས་པ་དང་། ། བསླབ་པ་བྱིན་པ་ཐ་མའོ། ། བཙུན་པ་སྨྱོན་པ་ཞིག་ལ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། སྙོམས་པར་ཞུགས་པ་ལའང་བརྗོད་པར་བྱའོ། ། བཙུན་པ་འགྲོ་བ་གཞན་དུ་གནས་ པ་ཞིག་ལ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་བཀག་པ་ཞེས་བྱའོ། ། བཙུན་པ་དེ་བཞིན་དུ་མ་ནིང་ནས། བསླབ་པ་སྩལ་བ་རྣམས་ཀྱི་བར་དུ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་བཀག་པ་ཞེས་བྱའོ། །

བཙུན་པ་ཟ་ མ་ཞིག་ལ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་བཀག་པ་ཞེས་བྱའོ། ། ། ། མདོར་ན། སྐད་དང་ལུས་དང་དབེན་དང་སྔགས། ། མིག་དང་རྣ་བ་དེ་བཞིན་ཏེ། ། མཚམས་དང་ས་དང་དེ་བཞིན་གནས། ། གསོ་སྦྱོང་ཡིན་ཏེ་ཐ་མའོ། ། བཙུན་པ་འཕགས་ པ་ཞིག་གིས་འཕགས་པའི་སྐད་དུ་གསོ་སྦྱོང་བཀག་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་བཞིན་དུ་རྣམ་པ་བཞིར་རྒྱས་པར་བྱའོ། ། བཙུན་པ་དགེ་སློང་ཞིག་གིས་ལུས་ཀྱི་དམིགས་པས་གསོ་སྦྱོང་ བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དབེན་པ་ལ་མི་དབེན་པར་འདུ་ཤེས་ཏེ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དགེ་སློང་ཞིག་གིས་སྔགས་སམ་སྨན་གྱིས་བདག་མི་སྣང་བར་བགྱིས་ཏེ་ གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ལྷའི་མིག་གིས་མཐོང་སྟེ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་བཀག་པ་ཞེས་བྱ་སྟེ། དགེ་འདུན་ཡང་འདས་པ་དང་བཅས་པའོ། །

བཙུན་པ་ལྷའི་རྣ་ བས་ཐོས་ཏེ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ཏེ། དགེ་འདུན་ཡང་འདས་པ་དང་བཅས་པའོ། ། བཙུན་པ་མཚམས་ཀྱི་ནང་ན་མཆིས་པས་མཚམས་ཀྱི་སླད་རོལ་ན་མཆིས་པ་རྣམས་ལ་གསོ་སྦྱོང་བཀག་ན་གསོ་སྦྱོང་བཀག་ པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་མཚམས་ཀྱི་སླད་རོལ་ན་མཆིས་པ་ཞིག་གིས་མཚམས་ཀྱི་ནང་ན་མཆིས་པ་རྣམས་ལ་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ས་ལ་གནས་པ་ཞིག་གིས་ནམ་མཁའ་ ལ་གནས་པ་རྣམས་ཀྱི་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་ནམ་མཁའ་ལ་གནས་པ་ཞིག་གིས་ས་ལ་གནས་པ་རྣམས་ཀྱི་གསོ་སྦྱོང་བཀག་ན་གསོ་སྦྱོང་བཀག་པ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དགེ་ སློང་ཞིག་ཕྱོགས་གཅིག་ཏུ་མཆིས་ནས་གནས་བཞིར་གང་ཟག་བཞི་ལ་གསོ་སྦྱོང་བཀག་ན་གསོ་སྦྱོང་བཀག་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་དེས་གནས་བཞིའི་མཚམས་སུ་ཤིང་ངམ། འདམ་བུའམ། རེ་ལྡེས་མཚམས་སུ་མནན་ཏེ་གསོ་སྦྱོང་བཀག་ན་བཀག་ པ་ཞེས་བྱའོ། །

བཙུན་པ་དགེ་སློང་ཞིག་གིས་དགེ་སློང་ལ་གསོ་སྦྱོང་བཀག་པ་ཀྱང་བཀག་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། བཀྲ་ཤིས་ཀྱི་གསོ་སྦྱོང་འདོན་པའོ། ། ། ། མདོར་ན། གླེང་པ་དྲན་པར་བྱ་དེ་བཞིན། ། སྐབས་འབྱེད་པ་དང་སྨྲ་བར་བྱ། ། ལུང་ དབོག་པ་དང་འགོག་པ་དང་། ། གསོ་སྦྱོང་དག་དང་སྐབས་དབྱེ་བའོ། ། བཙུན་པ་བཅོམ་ལྡན་འདས་ཀྱིས་སྐབས་ཕྱེ་ནས་གླེང་བར་བྱའོ། ། དྲན་པར་བྱའོ་ཞེས་གསུངས་ན། བཙུན་པ་སྐབས་ཕྱེ་བ་ལ་གླེངས་ཤིང་དྲན་པར་བགྱིས་ན་ནོངས་པ་དང་བཅས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། སྐབས་ཕྱེ་བ་བཏང་ནས་གླེངས་པ་དང་དྲན་པར་བྱས་པའོ། ། བཙུན་པ་ཆོས་བཞིན་དུ་གང་དུ་གླེང་བར་བགྱི། དགེ་འདུན་གྱི་ནང་དུའོ། ། བཙུན་པ་ཆོས་བཞིན་དུ་གང་དུ་དྲན་པར་བགྱི། དགེ་འདུན་གྱི་ནང་དུའོ། ། བཙུན་པ་ཆོས་བཞིན་དུ་གང་དུ་སྐབས་དབྱེ་བར་ བགྱི། དགེ་འདུན་གྱི་ནང་དུའོ། ། བཙུན་པ་ཆོས་བཞིན་དུ་གང་དུ་སྨྲ་བར་བགྱི། དགེ་འདུན་གྱི་ནང་དུའོ། ། བཙུན་པ་ཆོས་བཞིན་དུ་ལུང་དབོག་པ་གང་དུ་དགག་པར་བགྱི། དགེ་འདུན་གྱི་ནང་དུའོ། ། བཙུན་པ་ཆོས་བཞིན་དུ་སྐབས་འབྱེད་པ་གང་དུ་དགག་པར་བགྱི། དགེ་འདུན་གྱི་ནང་དུའོ། །

བཙུན་པ་སྐབས་དབྱེ་བར་གསོལ་བ་གང་དུ་བགྱི། དགེ་འདུན་གྱི་ནང་དུའོ། ། བཙུན་པ་གང་དུ་སྐབས་དབྱེ་བར་བགྱི། དགེ་འདུན་གྱི་ནང་དུའོ། ། བཙུན་པ་ཆོས་བཞིན་དུ་བགྱི་བའི་རྣམ་པ་གང་དུ་བགྱི། དགེ་འདུན་གྱི་ནང་དུའོ། ། བཙུན་པ་ཆོས་བཞིན་དུ་བརྩད་པ་གང་དུ་བགྱི། དགེ་ འདུན་གྱི་ནང་དུའོ། ། བཙུན་པ་ཆོས་བཞིན་གྱི་ཡི་དམ་གང་དུ་བགྱི། དགེ་འདུན་གྱི་ནང་དུའོ། ། བཙུན་པ་ཆོས་བཞིན་དུ་གསོ་སྦྱོང་དགག་པ་ནི་དུ། ཆོས་བཞིན་མ་ལགས་པ་ནི་དུ། ཆོས་བཞིན་མ་ཡིན་པས་གསོ་སྦྱོང་དགག་པ་ནི་གཅིག་གོ། ། ཆོས་བཞིན་པའང་གཅིག་གོ། ། ཆོས་བཞིན་མ་ཡིན་པ་ནི་གཉིས་ཏེ། ཆོས་བཞིན་པའང་གཉིས་སོ། ། ཆོས་བཞིན་མ་ཡིན་པ་ནི་གསུམ་སྟེ། ཆོས་བཞིན་པའང་གསུམ་མོ། ། ཆོས་བཞིན་མ་ཡིན་པ་ནི་བཞི་སྟེ། ཆོས་བཞིན་པའང་བཞིའོ། ། ཆོས་བཞིན་མ་ཡིན་པ་ནི་ལྔ་སྟེ། ཆོས་བཞིན་པའང་ལྔའོ། ། ཆོས་བཞིན་མ་ཡིན་པ་ནི་དྲུག་སྟེ། ཆོས་བཞིན་པའང་དྲུག་གོ། ། ཆོས་བཞིན་མ་ཡིན་པ་ནི་བདུན་ཏེ། ཆོས་བཞིན་པའང་བདུན་ནོ། ། ཆོས་བཞིན་མ་ཡིན་པ་ནི་བརྒྱད་དེ། ཆོས་བཞིན་ཡིན་པ་ཡང་བརྒྱད་དོ། ། ཆོས་བཞིན་མ་ཡིན་པ་ནི་དགུ་སྟེ། ཆོས་བཞིན་པའང་དགུའོ། །

ཆོས་ བཞིན་མ་ཡིན་པ་ནི་བཅུ་སྟེ། ཆོས་བཞིན་པའང་བཅུའོ། ། ཆོས་བཞིན་མ་ཡིན་པས་གསོ་སྦྱོང་དགག་པ་གཅིག་གང་ཞེ་ན། བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། ། བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་ བཞིན་དུ་གསོ་སྦྱོང་འགོག་པའོ། ། འདི་ནི་ཆོས་བཞིན་མ་ཡིན་པས་གསོ་སྦྱོང་འགོག་པ་གཅིག་དང་། ཆོས་བཞིན་ཡང་གཅིག་གོ། ། ཆོས་བཞིན་མ་ཡིན་པ་གཉིས་དང་། ཆོས་བཞིན་དུ་གསོ་སྦྱོང་འགོག་པ་གཉིས་པོ་གང་ཞེ་ན། ཇི་ལྟར་ཡང་དེ་ནི་དགེ་སློང་གིས་དགེ་སློང་བྱས་པ་ལ་ གཞི་མེད་པ་དང་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། ། བྱས་པ་ལ་གཞི་ཡོད་པ་དང་། མ་བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། ། ཆོས་བཞིན་མ་ཡིན་པ་ གསུམ་དང་། ཆོས་བཞིན་དུ་གསོ་སྦྱོང་འགོག་པ་གསུམ་གང་ཞེ་ན། ཇི་ལྟར་ཡང་དེ་ནི་དགེ་སློང་གིས་དགེ་སློང་ལ་བྱས་པ་ལ་གཞི་མེད་པ་དང་། མ་བྱས་པ་ལ་གཞི་མེད་པ་དང་། བྱས་པ་དང་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་ པའོ། །

བྱས་པ་ལ་གཞི་ཡོད་པ་དང་། མ་བྱས་པ་ལ་གཞི་ཡོད་པ་དང་། བྱས་པ་དང་མ་བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། ། ཆོས་བཞིན་མ་ཡིན་པ་བཞི་དང་། ཆོས་བཞིན་དུ་གསོ་སྦྱོང་འགོག་པ་བཞི་པོ་གང་ཞེ་ན། ཚུལ་ཁྲིམས་ ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པ་ལ་གཞི་མེད་པ་བཞིས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། ། ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་ པ་ལ་གཞི་ཡོད་པ་བཞིས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། ། ཆོས་བཞིན་མ་ཡིན་པ་ལྔ་དང་། ཆོས་བཞིན་དུ་གསོ་སྦྱོང་འགོག་པ་ལྔ་པོ་གང་ཞེ་ན། ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སོ་སོར་བཤགས་པ་དང་། ཉེས་ བྱས་རྣམས་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། ། ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སོ་སོར་འཆགས་པ་དང་། ཉེས་བྱས་རྣམས་ལ་གཞི་ཡོད་པས། གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་ འགོག་པའོ། ། ཆོས་བཞིན་མ་ཡིན་པ་དྲུག་དང་།

ཆོས་བཞིན་དུ་གསོ་སྦྱོང་འགོག་པ་དྲུག་པོ་གང་ཞེ་ན། ལྷག་མ་ཡོད་པ་བྱས་པ་ལ་གཞི་མེད་པ་དང་། ལྷག་མ་ཡོད་པ་མ་བྱས་པ་ལ་གཞི་མེད་པ་དང་། ལྷག་མ་ཡོད་པ་བྱས་པ་དང་མ་བྱས་པ་ལ་གཞི་མེད་པ་དང་། ལྷག་མ་མེད་པ་བྱས་ པ་ལ་གཞི་མེད་པ་དང་། ལྷག་མ་མེད་པ་མ་བྱས་པ་ལ་གཞི་མེད་པ་དང་། ལྷག་མ་མེད་པ་བྱས་པ་དང་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། ། ཆོས་བཞིན་དུ་གསོ་སྦྱོང་འགོག་པ་དྲུག་པོ་གང་ཞེ་ན། ལྷག་མ་ཡོད་པ་བྱས་པ་ལ་ གཞི་ཡོད་པ་དང་། ལྷག་མ་ཡོད་པ་མ་བྱས་པ་ལ་གཞི་ཡོད་པ་དང་། ལྷག་མ་ཡོད་པ་བྱས་པ་དང་མ་བྱས་པ་ལ་གཞི་ཡོད་པ་དང་། ལྷག་མ་མེད་པ་བྱས་པ་ལ་གཞི་ཡོད་པ་དང་། ལྷག་མ་མེད་པ་མ་བྱས་པ་ལ་གཞི་ཡོད་པ་དང་། ལྷག་མ་མེད་པ་བྱས་པ་དང་མ་བྱས་པ་ལ་གཞི་ཡོད་ པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། ། ཆོས་བཞིན་མ་ཡིན་པ་བདུན་དང་། ཆོས་བཞིན་དུ་གསོ་སྦྱོང་འགོག་པ་བདུན་པོ་གང་ཞེ་ན། ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སོ་སོར་འཆགས་པ་དང་། ཉེས་བྱས་དང་། ལྟ་བ་ ཉམས་པ་དང་།

འཚོ་བ་ཉམས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། ། ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་། སོ་སོར་འཆགས་པ་དང་། ཉེས་བྱས་དང་། ལྟ་བ་ཉམས་པ་དང་། འཚོ་བ་ཉམས་པ་ ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། ། ཆོས་བཞིན་མ་ཡིན་པ་བརྒྱད་དང་། ཆོས་བཞིན་དུ་གསོ་སྦྱོང་འགོག་པ་བརྒྱད་གང་ཞེ་ན། ཚུལ་ཁྲིམས་ཉམས་པ་དང་། སྤྱོད་པ་ཉམས་པ་དང་། ལྟ་བ་ཉམས་པ་དང་། འཚོ་བ་ཉམས་པར་བྱས་པ་ལ་ གཞི་མེད་པ་དང་། ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པར་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། ། ཚུལ་ཁྲིམས་ཉམས་པ་དང་། སྤྱོད་པ་ཉམས་པ་དང་། ལྟ་བ་ ཉམས་པ་དང་། འཚོ་བ་ཉམས་པར་བྱས་པ་ལ་གཞི་ཡོད་པ་དང་། ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པར་མ་བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། ། ཆོས་བཞིན་མ་ཡིན་ པ་དགུ་དང་། ཆོས་བཞིན་དུ་གསོ་སྦྱོང་འགོག་པ་དགུ་པོ་གང་ཞེ་ན།

ལྷག་མ་དང་བཅས་པ་བྱས་པ་ལ་གཞི་མེད་པ་དང་། ལྷག་མ་དང་བཅས་པ་མ་བྱས་པ་ལ་གཞི་མེད་པ་དང་། ལྷག་མ་དང་བཅས་པ་བྱས་པ་དང་མ་བྱས་པ་ལ་གཞི་མེད་པ་དང་། ལྷག་མ་མེད་པ་ བྱས་པ་ལ་གཞི་མེད་པ་དང་། ལྷག་མ་མེད་པ་མ་བྱས་པ་ལ་གཞི་མེད་པ་དང་། ལྷག་མ་མེད་པ་བྱས་པ་དང་མ་བྱས་པ་ལ་གཞི་མེད་པ་དང་། ལྷག་མ་ཡོད་པ་དང་ལྷག་མ་མེད་པ་བྱས་པ་ལ་གཞི་མེད་པ་དང་། ལྷག་མ་དང་བཅས་པ་དང་ལྷག་མ་མེད་པ་མ་བྱས་པ་ལ་གཞི་མེད་པ་ དང་། ལྷག་མ་དང་བཅས་པ་དང་ལྷག་མ་མེད་པ་བྱས་པ་དང་མ་བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། ། ལྷག་མ་དང་བཅས་པ་བྱས་པ་ལ་གཞི་ཡོད་པ་དང་། ལྷག་མ་དང་བཅས་པ་མ་བྱས་པ་ལ་གཞི་ཡོད་པ་དང་། ལྷག་མ་དང་བཅས་པ་ བྱས་པ་དང་མ་བྱས་པ་ལ་གཞི་ཡོད་པ་དང་། ལྷག་མ་མེད་པ་བྱས་པ་ལ་གཞི་ཡོད་པ་དང་། ལྷག་མ་མེད་པ་མ་བྱས་པ་ལ་གཞི་ཡོད་པ་དང་། ལྷག་མ་མེད་པ་བྱས་པ་དང་མ་བྱས་པ་ལ་གཞི་ཡོད་པ་དང་། ལྷག་མ་དང་བཅས་པ་དང་ལྷག་མ་མེད་པ་བྱས་པ་ལ་གཞི་ཡོད་པ་དང་། ལྷག་མ་ དང་བཅས་པ་དང་ལྷག་མ་མེད་པ་མ་བྱས་པ་ལ་གཞི་ཡོད་པ་དང་།

ལྷག་མ་དང་བཅས་པ་དང་ལྷག་མ་མེད་པ་བྱས་པ་དང་མ་བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། ། ཆོས་བཞིན་མ་ཡིན་པ་བཅུ་དང་། ཆོས་བཞིན་དུ་གསོ་སྦྱོང་འགོག་པ་ བཅུ་གང་ཞེ་ན། ཕས་ཕམ་པ་ཡིན། ཕས་ཕམ་པའི་གཏམ་ལ་ཞུགས་པ་ཡིན། ཚུལ་ཁྲིམས་ཉམས་པ་ཡིན། ལྟ་བ་ཉམས་པ་ཡིན། སྤྱོད་པ་ཉམས་པ་ཡིན། འཚོ་བ་ཉམས་པ་ཡིན། བསླབ་པ་ཕུལ་བ་ཡིན། བསླབ་པ་ཕུལ་བའི་གཏམ་ལ་ཞུགས་པ་ཡིན། དགེ་འདུན་ལ་དཔྱས་ འདོགས་པ་ཡིན། དགེ་འདུན་ལ་དཔྱས་འདོགས་པའི་གཏམ་ལ་ཞུགས་པ་ཡིན་ནོ། ། དེ་ལ་ཇི་ལྟར་ན་ཕས་ཕམ་པ་ཡིན་ཞེ་ན། གང་གི་རྣམ་པ་དང་། གང་གི་ཚུལ་དང་། གང་གི་མཚན་མས་དགེ་སློང་ཕས་ཕམ་པའི་ཉེས་པ་བྱུང་བ་དེའི་རྣམ་པ་དང་། དེའི་ཚུལ་དང་། དེའི་མཚན་མས་དགེ་སློང་ ཕས་ཕམ་པའི་ཉེས་པ་བྱུང་བར་མཐོང་བ་ཡིན་ནོ། ། དེ་དེས་མཐོང་བས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པ་ཡིན་ཏེ་དེ་ལྟར་ཕས་ཕམ་པ་ཡིན་ནོ། ། ཇི་ལྟར་ན་ཕས་ཕམ་པའི་གཏམ་ལ་ཞུགས་པ་ཡིན་ཞེ་ན། ཇི་ལྟར་ཡང་དེ་ནི་གཙུག་ལག་ཁང་ངམ། གཙུག་ལག་ཁང་གི་ཕྱི་རོལ་ཡང་ རུང་།

དགེ་སློང་མང་པོ་འདུས་ཤིང་འཁོད་པར་གྱུར་པའི་རྣམས་ཀྱང་དེ་ལས་བྱུང་བ་དེ་དང་མཐུན་པ་དེའི་རང་བཞིན་གྱི་གཏམ་ལ་ཞུགས་པ་ཡིན་ཏེ། དད་པ་ལས་ཐོས་ཀྱང་རུང་བདག་རང་རྣམ་པ་ལ་དོགས་པ་སྐྱེས་ཀྱང་རུང་སྟེ། དེ་དེས་ཐོས་པ་དང་དོགས་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་ འགོག་པའོ། ། ཇི་ལྟར་ན་ཚུལ་ཁྲིམས་ཉམས་པ་ཡིན་ཞེ་ན། ཕས་ཕམ་པ་བཞི་ལས་གང་ཡང་རུང་ཕས་ཕམ་པ་ཤིན་ཏུ་འདས་པར་གྱུར་པའོ། ། ཇི་ལྟར་ན་ལྟ་བ་ཉམས་པ་ཡིན་ཞེ་ན། ལྟ་བ་དྲུག་བཅུ་རྩ་གཉིས་ལས་གང་ཡང་རུང་སྟེ་ལྟ་བར་གྱུར་པ་རབ་ཏུ་ཐོབ་པ་ཡིན་ནོ། ། ཇི་ལྟར་ན་སྤྱོད་པ་ ཉམས་པར་གྱུར་པ་ཡིན་ཞེ་ན། མི་སྤྱད་པའི་རྣམས་སྤྱོད་པ་སྟེ། དགེ་སློང་གི་བསླབ་པ་རྣམས་ལ་མི་སློབ་པའོ། ། ཇི་ལྟར་ན་འཚོ་བ་ཉམས་པ་ཡིན་ཞེ་ན། འཚོ་བ་ཡོངས་སུ་མ་དག་པ་ཡིན་ནོ། ། ཇི་ལྟར་ན་བསླབ་པ་ཕུལ་བ་ཡིན་ཞེ་ན། གང་གི་རྣམ་པ་དང་། གང་གི་ཚུལ་དང་། གང་གི་ མཚན་མས་དགེ་སློང་བསླབ་པ་འབུལ་བ་དེའི་རྣམ་པ་དང་། དེའི་ཚུལ་དང་། དེའི་མཚན་མས་དགེ་སློང་དུ་མཐོང་བ་ཡིན་ཏེ། དེ་དེས་མཐོང་ནས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། །

ཇི་ལྟར་ན་བསླབ་པ་ཕུལ་བའི་གཏམ་ལ་ཞུགས་པ་ཡིན་ཞེ་ན། ཇི་ལྟར་ཡང་དེ་ནི་ གཙུག་ལག་ཁང་ངམ། གཙུག་ལག་ཁང་གི་ཕྱི་རོལ་ནའང་རུང་དགེ་སློང་རྣམས་འདུས་ཏེ་འཁོད་པ་དེ་དག་ཀྱང་དེ་ལས་བྱུང་བ་དེ་དང་མཐུན་པ་དེའི་རང་བཞིན་གྱི་གཏམ་ལ་ཞུགས་པ་ཡིན་ཏེ། དད་པ་ལས་ཐོས་ཀྱང་རུང་བདག་ཉིད་རྣམ་པ་ལ་དོགས་པ་སྐྱེས་ཀྱང་རུང་སྟེ། དེ་དེས་ཐོས་པ་དང་དེའི་དོགས་ པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། ། ཇི་ལྟར་ན་དགེ་འདུན་ལ་དཔྱས་འདོགས་པ་ཡིན་ཞེ་ན། གང་གི་རྣམ་པ་དང་། གང་གི་ཚུལ་དང་། གང་གི་མཚན་མས་དགེ་སློང་དགེ་འདུན་ལ་སྨོད་པ་དེ་ལྟ་བུའི་རྣམ་པ་དང་། དེ་ལྟ་བུའི་ཚུལ་དང་། དེ་ལྟ་བུའི་མཚན་མས་དགེ་འདུན་ལ་ སྨོད་པའི་དགེ་སློང་དུ་མཐོང་བ་ཡིན་ཏེ། དེ་དེས་མཐོང་ནས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་པའོ། ། ཇི་ལྟར་ན་དགེ་འདུན་ལ་དཔྱས་འདོགས་པའི་གཏམ་ལ་ཞུགས་པ་ཡིན་ཞེ་ན། ཇི་ལྟར་ཡང་དེ་ནི་གཙུག་ལག་ཁང་ངམ། གཙུག་ལག་ཁང་གི་ཕྱི་རོལ་ནའང་རུང་། དགེ་སློང་རྣམས་འདུས་ཏེ་འཁོད་པ་དེ་དག་ཀྱང་དེ་ལས་བྱུང་བ་དེ་དང་མཐུན་པ་དེའི་རང་བཞིན་གྱི་གཏམ་ལ་ཞུགས་པ་ཡིན་ཏེ།

དད་པ་ལས་ཐོས་ཀྱང་རུང་བདག་རང་རྣམ་པ་ལ་དོགས་པ་སྐྱེས་ཀྱང་རུང་སྟེ། དེ་དེས་ཐོས་པ་དང་དེ་ལྟ་བུའི་དོགས་པས་གསོ་སྦྱོང་འགོག་པ་ནི་ཆོས་བཞིན་དུ་གསོ་སྦྱོང་འགོག་ པའོ། ། ཆོས་བཞིན་བཅུ་པོ་འདི་དག་བཟློག་པ་ནི་ཆོས་བཞིན་མ་ཡིན་པར་སྦྱར་བར་བྱའོ། ། གསོ་སྦྱོང་དགག་པའི་དངོས་པོ་རྫོགས་{སྷོ,སོ}། ། ། ། མདོར་ན། དགེ་ཚུལ་ལོར་མ་ལོན་པ་གཅིག ། ཁ་དོག་ངན་དང་གནས་དེ་བཞིན། ། མ་བསྐོས་པ་དང་ཕྱག་བྱ་བ། ། མངོན་སུམ་རྔུལ་ཟན་མེད་ པའོ། ། བཙུན་པ་དགེ་ཚུལ་ཕ་ཉི་ཚེ་དབྱར་ཚུལ་དུ་ཞུགས་ན་དེ་དག་གིས་མལ་སྟན་བགོ་བར་བགྱིའམ། ཨུ་པཱ་ལི་མ་ཡིན་ནོ། ། དེ་དག་གིས་མལ་སྟན་བླང་བར་བགྱིའམ། ཨུ་པཱ་ལི་བླང་བར་ནི་བྱའོ། ། བཙུན་པ་ལོ་མ་ལོན་པ་དག་ཅིག་ཉི་ཚེ་དབྱར་ཚུལ་དུ་ཞུགས་ན་དེ་དག་གིས་མལ་སྟན་བགོ་བར་ བགྱིའམ། ཨུ་པཱ་ལི་མ་ཡིན་ནོ། ། དེ་དག་གིས་མལ་སྟན་བླང་བར་བགྱིའམ། ཨུ་པཱ་ལི་བླང་བར་ནི་བྱའོ། ། བཙུན་པ་དགེ་སློང་གཅིག་གམ། གཉིས་སམ། གསུམ་མམ། བཞི་དབྱར་ཚུལ་དུ་ཞུགས་ན་དེ་དག་གིས་མལ་སྟན་བགོ་བར་བགྱིའམ། ཨུ་པཱ་ལི་མ་ཡིན་ནོ། ། དེ་དག་གིས་ མལ་སྟན་བླང་བར་བགྱིའམ། ཨུ་པཱ་ལི་བླང་བར་ནི་བྱའོ། །

ཨུ་པཱ་ལི་གང་དུ་དགེ་སློང་ལྔའམ། དེ་ལས་ལྷག་པར་གནས་ན་དེ་དག་གིས་གསོལ་བ་བྱས་ལ་མལ་སྟན་བགེད་པ་སྐོས་ཤིག ། བསྐོས་པ་དེས་མལ་སྟན་བགོའོ། ། བཙུན་པ་མལ་སྟན་དེ་ཉིད་སྤྱད་པས་ནོངས་པར་འགྱུར་བ་དང་། དེ་ ཉིད་སྤྱད་པས་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གང་ཟག་གི་མལ་སྟན་ཁ་དོག་ངན་པར་མ་བསྒྱུར་བའམ། ཁ་ཚར་རིང་བ་སྤྱད་ན་ཉེས་པ་དང་བཅས་པའོ། ། དགེ་འདུན་གྱི་སྤྱད་ན་ཉེས་པ་མེད་དོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་འདུན་གྱི་མལ་སྟན་ གནས་གཞན་དུ་ཁྱེར་ཞིང་མ་སྤྱོད་ཅིག་ཅེས་གསུངས་ན། བཙུན་པ་དགེ་སློང་ཞིག་གིས་དགེ་འདུན་གྱི་མལ་སྟན་གནས་གཞན་དུ་འཚལ་ཏེ་སྤྱད་ན་ཅིར་འགྱུར། ཉེས་བྱས་སོ། ། བར་ཆད་བརྒྱད་ལས་གང་ཡང་རུང་སྟེ། བར་ཆད་གཅིག་བྱུང་བར་གྱུར་པ་དང་། གནས་དེ་ཉིད་དུ་མལ་སྟན་བསྲུང་བར་མི་ ནུས་པ་དང་། གནས་དེར་མི་གནས་པར་སྡོམ་པ་བཅས་པ་ལ་ནི་ཉེས་པ་མེད་དོ། ། བཙུན་པ་མ་བསྐོས་པས་མལ་སྟན་བགོ་བར་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དགེ་སློང་ཞིག་གིས་དགེ་འདུན་གྱི་མལ་སྟན་དེ་ཉིད་སྤྱད་ན་ནོངས་པར་འགྱུར་བ་དང་། དེ་ཉིད་སྤྱད་པས་ནོངས་པར་མི་འགྱུར་བ་ མཆིས་སམ།

ཨུ་པཱ་ལི་ཡོད་དེ། སྤུ་ཕྱིར་བཟློག་སྟེ་གྱོན་ན་ཉེས་པ་དང་བཅས་པའོ། ། བཏིང་ན་ཉེས་པ་མེད་དོ། ། རྔུལ་ཟན་མེད་པར་གྱོན་ན་ཉེས་པ་དང་བཅས་པའོ། ། རྔུལ་ཟན་དང་བཅས་པར་གྱོན་ན་ཉེས་པ་མེད་དོ། ། བཙུན་པ་བཅོམ་ལྡན་འདས་ཀྱིས་ཐམས་ཅད་དུ་ཉེ་བར་ཕྱོགས་པ་དང་གནས་ པར་མི་བྱའོ་ཞེས་གསུངས་ན། བཙུན་པ་ཅི་ཉེ་བར་མ་ཕྱོགས་པས་ཉེ་བར་ཕྱོགས་པ་རྒན་པ་ལའང་ཕྱག་བགྱིའམ། ཨུ་པཱ་ལི་མ་ཡིན་ཏེ། ཉེ་བར་ཕྱོགས་པ་ཐམས་ཅད་ཀྱིས་ཉེ་བར་མ་ཕྱོགས་པ་རྣམས་ལ་ཕྱག་བྱོས་ཤིག ། དགེ་སློང་རྣམས་ཀྱི་ཐ་མར་གཞག་གོ། ། བཙུན་པ་ཅི་དེ་དག་ལ་མལ་ སྟན་ཀྱང་དགེ་སློང་དེ་དག་གི་ཐ་མར་སྩལ་ཏམ། ཨུ་པཱ་ལི་ཉེ་བར་ཕྱོགས་པ་ལ་རྙེད་པ་དང་མལ་སྟན་བྱིན་པ་མེད་དོ། ། བཙུན་པ་མངོན་སུམ་དུ་མ་གྱུར་པ་ལ་མལ་སྟན་སྩལ་བར་བགྱིའམ། ཁ་ཅིག་ལ་བྱིན་ཅིག ། ཁ་ཅིག་ལ་མ་སྦྱིན་ཅིག ། གང་ལ་སྩལ་བར་བགྱི། སོང་ནས་ཕྱིར་འོང་བ་ ལ་ནི་བྱིན་ཅིག ། སུ་ལ་མི་སྩལ། སོང་ནས་ཕྱིར་མི་འོང་བ་ལ་ནི་མ་བྱིན་ཅིག ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་འདུན་གྱི་རྫས་རྔུལ་ཟན་མ་མཆིས་པར་མ་སྤྱད་ཅིག་ཅེས་གསུངས་ན།

བཙུན་པ་དགེ་སློང་གིས་དགེ་འདུན་གྱི་རྫས་རྔུལ་ཟན་མ་མཆིས་པར་སྤྱད་ཀྱང་ནོངས་པར་ མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་ཁྱིམ་བདག་ཅིག་གིས་གཡོག་པའམ་བགོ་བ་ཞིག་རྔུལ་ཟན་མེད་པར་སྤྱད་པར་དགེ་འདུན་ལ་ཕུལ་བ་ཡིན་ནོ། ། ། ། མདོར་ན། ཀུན་དགའ་བོ་དང་གང་ཟག་དང་། ། དེ་ལྟར་ཕྱག་དང་རུང་བ་དང་། ། ཐ་མ་དབྱར་དུ་གནས་པ་དང་། ། སུམ་ཆ་འབྲི་བ་དེ་བཞིན་ཏེ། ། ཁྱིམ་པ་དག་ལ་སོགས་པ་དང་། ། བསླབ་པ་བྱིན་པ་ཐ་མའོ། ། བཙུན་པ་བཅོམ་ལྡན་འདས་ཀྱིས་ཀུན་དགའ་བོ་ཁྱོད་ཀྱིས་མལ་སྟན་ལྷག་མའི་རྣམས་གོས་ཤིག་ཅེས་གསུངས་ན། ལྷག་པ་གང་ལགས། གང་གཅིག་དང་གཉིས་པོའི་ཕྱོགས་ ལས་ལྷག་པར་གྱུར་པའོ། ། བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་འདུན་གྱི་མལ་སྟན་རྔུལ་ཟན་མ་མཆིས་པར་མ་སྤྱད་ཅིག་ཅེས་གསུངས་ན། བཙུན་པ་དགེ་སློང་གིས་གང་ཟག་གི་མལ་སྟན་སྤྱད་ན་ཅིར་འགྱུར། ཉེས་བྱས་སོ། ། བཙུན་པ་བཅོམ་ལྡན་འདས་ཀྱིས་གང་ དགེ་སློང་གློ་བུར་དུ་ལྷགས་པ་དང་། གཞི་བ་རྣམས་ཇི་ལྟར་རྒན་རིམས་བཞིན་ཕྱག་བྱོས་ཤིག་ཅེས་གསུངས་ན། བཙུན་པ་དེ་སྟེ་ཆད་པ་བགྱིད་པའི་དགེ་སློང་རྒན་པ་ལའང་ཕྱག་བགྱིའམ། ཨུ་པཱ་མ་ཡིན་ནོ། །

དེ་ཅིའི་ཕྱིར་ཞེ་ན། ཨུ་པཱ་ལི་ཕྱག་བྱ་བའི་མི་རིགས་པ་ཐམས་ཅད་ལ་ ཕྱག་མི་བྱ་སྟེ། ཁོན་ཡོད་པ་ནི་མ་གཏོགས་སོ། ། ཨུ་པཱ་ལི་དགེ་འདུན་གྱི་ནང་ན་ཕྱག་བྱ་བའི་མི་རིགས་པའི་གང་ཟག་རྣམས་གང་ཞེ་ན། བསྡིགས་པའི་ལས་བྱས་པ་དང་། སྨད་པའི་ལས་བྱས་པ་དང་། བསྐྲད་པའི་ལས་བྱས་པ་དང་། སླར་སྡུམ་པའི་ལས་བྱས་པ་དང་། མ་མཐོང་ བའི་ཕྱིར་སྤང་བའི་ལས་བྱས་པ་དང་། ལས་སླར་མི་བྱེད་པའི་ཕྱིར་སྤང་བའི་ལས་བྱས་པ་དང་། སྡིག་པ་ལ་ལྟ་བ་སླར་མ་སྤངས་པའི་ཕྱིར་སྤང་བའི་ལས་བྱས་པ་དང་། ཆད་པ་བྱེད་པ་དང་། གཞི་ནས་བསླང་སྟེ། ཆད་པ་བྱེད་པ་དང་། ཆད་པ་ཁོར་བ་དང་། ཡིད་མགུ་བར་བྱ་བ་སྤྱོད་ པ་དང་། གཞི་ནས་བསླང་སྟེ་ཡིད་མགུ་བར་བྱ་བ་སྤྱོད་པ་དང་། ཁྱིམ་པ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ ཅན་དུ་སོང་བ་དང་། རྐུན་གནས་དང་། མི་གནས་པ་དང་། སོ་སོར་གནས་པ་དང་། སྔར་ཉེས་པ་བྱུང་བ་དང་། སྔོན་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་སྩལ་བ་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་།

དགེ་ཚུལ་ཕ་དང་། ཤིན་ཏུ་ གཞོན་པ་རྣམས་ལ་ཕྱག་མ་བྱེད་ཅིག ། བཤང་བ་བྱེད་པ་ལ་ཕྱག་མི་བྱའོ། ། བཤང་བ་བྱེད་པས་ཕྱག་མི་བྱའོ། ། གཅི་བ་བྱེད་པ་ལ་ཕྱག་མི་བྱའོ། ། གཅི་བ་བྱེད་པས་ཕྱག་མི་བྱའོ། ། སོ་ཤིང་ཟ་བ་ལ་ཕྱག་མི་བྱའོ། ། སོ་ཤིང་ཟ་བས་ཕྱག་མི་བྱའོ། ། ཟས་ཟ་བ་ལ་ཕྱག་མི་བྱའོ། ། ཟས་ཟ་བས་ཕྱག་མི་བྱའོ། ། འཐུང་བ་ལ་ཕྱག་མི་བྱའོ། ། འཐུང་བས་ཕྱག་མི་བྱའོ། ། སྒྲེན་མོ་ལ་ཕྱག་མི་བྱའོ། ། སྒྲེན་མོས་ཕྱག་མི་བྱའོ། ། གོས་གཅིག་པ་ལ་ཕྱག་མི་བྱའོ། ། གོས་གཅིག་པས་ཕྱག་མི་བྱའོ། ། མི་སྣང་བར་འདུག་པ་ལ་ཕྱག་མི་བྱའོ། ། མི་སྣང་བར་འདུག་ པས་ཕྱག་མི་བྱའོ། ། མི་བདེ་བར་འདུག་པ་ལ་ཕྱག་མི་བྱའོ། ། མི་བདེ་བར་འདུག་པས་ཕྱག་མི་བྱའོ། ། ལུང་ནོད་པ་ལ་ཞུགས་པའམ། ཡིད་ལ་བྱེད་པ་ལ་ཞུགས་པའམ། ཆོས་ཉན་པར་ཞུགས་པ་ལ་ཕྱག་མི་བྱའོ། ། ལུང་ནོད་པ་དང་། ཡིད་ལ་བྱེད་པ་དང་། ཆོས་ཉན་པར་ ཞུགས་པས་ཕྱག་མི་བྱའོ། ། ཡེངས་པ་ལ་ཕྱག་མི་བྱའོ། ། ཁྱིམ་གྱི་ནང་དུ་ཞུགས་པ་ལ་མི་བྱ་སྟེ། གང་ཟག་འདི་དག་ནི་ཕྱག་བྱ་བར་མི་རིགས་པའོ། །

བཙུན་པ་དགེ་སློང་ཞིག་གིས་དགེ་འདུན་གྱི་ཁྲིའམ་ཁྲིའུ་ལ་མཆིས་སམ་ཉལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་ པཱ་ལི་ཡོད་དེ། མི་རུང་བ་ལ་འདུག་གམ་ཉལ་བ་སྟེ། གང་དགེ་སློང་རྣམས་སྤྱད་པར་མི་རུང་བའོ། ། བཙུན་པ་བཅོམ་ལྡན་འདས་ཀྱིས་གང་ཆད་པ་བགྱིད་པའི་དགེ་སློང་ནི་དགེ་སློང་རྣམས་ཀྱི་ཐ་མར་སྩལ་ཏམ། ཨུ་པཱ་ལི་མ་ཡིན་ཏེ། རིམ་གྱིས་སྦྱིན་ནོ། ། བཙུན་པ་བཅོམ་ལྡན་འདས་ཀྱིས་ གང་དབྱར་མེད་པ་དང་། རང་བཞིན་དུ་གནས་པ་རྣམས་ལ་མལ་སྟན་སྔར་བྱིན་ཅིག ། དེའི་འོག་ཏུ་སྤངས་པའི་རྣམས་ལའོ་ཞེས་གསུངས་ན། དེ་སྟེ་མལ་སྟན་ལྷག་པར་གྱུར་ན་རང་བཞིན་དུ་གནས་པ་དང་ལྷན་ཅིག་ཏུ་སྩལ་ཏམ། ཨུ་པཱ་ལི་མི་སྦྱིན་ནོ། ། བཙུན་པ་དགེ་སློང་ཞིག་གིས་གནས་ བཞི་ནས་མལ་སྟན་བླངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་དགེ་སློང་ཞིག་གིས་གནས་བཞིའི་མཚམས་ཤིང་ངམ། འདམ་བུའམ། རེ་ལྡེས་མནན་ཏེ་དབྱར་ཚུལ་དུ་ཞུགས་པ་ཡིན་ནོ། བཙུན་པ་བཅོམ་ལྡན་འདས་ཀྱིས་དགེ་ཚུལ་པ་རྣམས་ལ་ ནི་རྙེད་པའི་སུམ་ཆ་བྱིན་ཅིག་གསུངས་ན། བཙུན་པ་ཅི་མལ་སྟན་ཀྱང་སུམ་ཆ་སྩལ་ཏམ། ཨུ་པཱ་ལི་མ་ཡིན་ཏེ། སྐལ་བ་མཉམ་པར་བྱིན་ཅིག །

བཙུན་པ་བཅོམ་ལྡན་འདས་ཀྱིས་གང་དགེ་སློང་གསར་བུ་རྣམས་ཀྱིས་རྒན་པོ་རྣམས་ལས་སྔོན་དུ་མལ་སྟན་མ་བླང་ཤིག་ ཅེས་གསུངས་ན། བཙུན་པ་དགེ་སློང་གཞོན་ནུས་རྒན་པ་ལས་སྔར་མལ་སྟན་བླངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གང་གིས་དགེ་འདུན་ལས་གནས་ཀྱི་གནང་བ་ཐོབ་པ་དང་། ཉེ་གཡོག་གི་གནང་བ་ཐོབ་པ་ཡིན། འཇིགས་པའི་ས་ནས་བྲོས་ཏེ་ འོངས་པ་ཡིན་ནོ། ། བཙུན་པ་ཁྱིམ་པ་མལ་སྟན་འགོད་པར་བསྐོའམ། ཨུ་པཱ་ལི་མ་ཡིན་ནོ། ། དེ་བཞིན་དུ་ཟ་མ་ནས། བསླབ་པ་སྩལ་བའི་བར་དུ་རྒྱས་པར་མལ་སྟན་འགོད་པར་བསྐོའམ། ཨུ་པཱ་ལི་མ་ཡིན་ནོ། ། བཙུན་པ་སྨྱོན་པ་མལ་སྟན་འགོད་པར་བསྐོའམ། ཨུ་པཱ་ལི་ མ་ཡིན་ནོ། ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་སོ། ། བཙུན་པ་འགྲོ་བ་གཞན་དུ་གནས་པ་དག་མལ་སྟན་འགོད་པར་བསྐོའམ། ཨུ་པཱ་ལི་མ་ཡིན་ནོ། ། བཙུན་པ་མ་ནིང་ལ་མལ་སྟན་སྩལ་ ཏམ། ཨུ་པཱ་ལི་མ་ཡིན་ནོ། ། དེ་བཞིན་དུ་དགེ་སློང་མ་སུན་ཕྱུང་བ་ནས་སྔར་འཁྲུགས་པའི་བར་དུ་དེ་དག་ལ་མལ་སྟན་སྩལ་ཏམ། ཨུ་པཱ་ལི་མ་ཡིན་ནོ། ། བཙུན་པ་དགེ་འདུན་གྱི་དབྱེན་བགྱིས་པ་དང་།

བསླབ་པ་སྩལ་བ་ལ་མལ་སྟན་སྩལ་ཏམ། ཨུ་པཱ་ལི་བྱིན་ཅིག ། བཙུན་པ་ སྨྱོན་པ་ལ་མལ་སྟན་སྩལ་ཏམ། ཨུ་པཱ་ལི་དེ་སྟེ་སྤྱད་པ་བཞིན་དུ་མི་སྤྱད་ན་མ་སྦྱིན་ཅིག ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ལའང་བརྗོད་པར་བྱའོ། ། བཙུན་པ་མལ་སྟན་འགོད་པར་དགེ་སློང་བསྐོ་བའི་ ཚེ་མཚན་འཕོས་ན་བསྐོས་པ་ཞེས་བགྱིའམ། ཨུ་པཱ་ལི་བསྐོས་པ་ཞེས་བྱའོ། ། དེས་མལ་སྟན་བགོ་བར་བགྱིའམ། ཨུ་པཱ་ལི་མ་ཡིན་ནོ། ། མལ་སྟན་གྱི་དངོས་པོ་རྫོགས་{སྷོ,སོ}། ། ། ། འདུལ་བ་གཞུང་དམ་པ། བམ་པོ་ཉི་ཤུ་གཅིག་པ། མདོར་ན། གསུམ་དུ་བྱས་པའི་གཟུ་ བོ་དང་། ། རྣམ་པར་ཞི་བའི་མཚན་དེ་བཞིན། ། གསོ་སྦྱོང་དག་གི་མངོན་སུམ་དག ། འབྱུང་བ་དག་ཀྱང་དེ་བཞིན་ནོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་གཟུ་བོ་ཆོས་དུ་དང་ལྡན་ན་འདུལ་བ་འཛིན་ཅིང་རྩོད་པ་རྣམས་ཞི་བར་བགྱིད་ནུས་པ་ལགས། ཨུ་པཱ་ལི་བཅུ་གཅིག་སྟེ། བཅུ་གཅིག་གང་ཞེ་ན། རྩོད་པ་ཤེས། རྩོད་པ་ཅི་ལས་བྱུང་བ་ཤེས། རྩོད་པ་བསྡུ་བ་ཤེས། རྩོད་པ་རྣམ་པར་ཞི་བ་ཤེས། རྩོད་པ་ཤིན་ཏུ་ཞི་བས་ཕྱིས་མི་འབྱུང་བར་ཤེས།

འབྱུང་བ་ཤེས། བཅས་པ་ཤེས། རྗེས་སུ་བཅས་པ་ཤེས། དགག་པ་ ཤེས། མངོན་པར་རྗེས་སུ་གནང་བ་ཤེས། ལས་བྱས་པ་དང་མ་བྱས་པ་ཤེས་པ་སྟེ། ཨུ་པཱ་ལི་ཆོས་བཅུ་གཅིག་པོ་འདི་དག་དང་ལྡན་པའི་གཟུ་བོ་ནི་འདུལ་བ་འཛིན་པ་རྩོད་པ་རྣམ་པར་ཞི་བར་བྱེད་ནུས་པ་ཡིན་ནོ། ། གཞན་ཡང་ཆོས་བཅུ་གཅིག་སྟེ། བཅུ་གཅིག་པོ་གང་ཞེ་ན། ཉེས་ པ་ཤེས། ཉེས་པ་མེད་པ་ཤེས། ཉེས་པ་ལྕི་བ་ཤེས། ཉེས་པ་ཡང་བ་ཤེས། ཉེས་པ་བྱུང་བ་ཤེས། ཉེས་པ་ལས་འབྱུང་བ་ཤེས། འདོད་པའི་ཕྱིར་མི་འགྲོ་བ། ཞེ་སྡང་དང་། འཇིགས་པ་དང་། གཏི་མུག་གི་ཕྱིར་མི་འགྲོ་བ། ཆད་པའི་ལས་བྱ་བ་དང་མི་བྱ་བ་ཤེས་པ་ སྟེ། ཨུ་པཱ་ལི་བཅུ་གཅིག་པོ་འདི་དག་གིས་རྣམ་པར་ཞི་བར་བྱ་བའི་བར་དུ་རྒྱས་པར་རོ། ། གཞན་ཡང་ཆོས་བཅུ་གཅིག་གི་བར་དུ་སྟེ། བཅུ་གཅིག་པོ་གང་ཞེ་ན། མདོ་སྡེ་ལ་མཁས་པ་ཡིན། འདུལ་བ་ལ་མཁས་པ་ཡིན། རྣམ་པར་འབྱེད་པ་ལ་མཁས་པ་ཡིན། ལུང་ལ་ ཞུགས་པ་ཡིན། མདོ་སྡེ་འབྱེད་པ་ཡིན། འཁྲུལ་པ་མི་འཛིན་པ་ཡིན། གསང་བའི་ཚིག་མི་འཛིན་པ་ཡིན། གདོན་མི་ཟ་བར་འཛིན་པ་ཡིན། ཚིག་མང་པོ་མི་འཛིན་པ་ཡིན། དམ་བཅས་པ་འཛིན་པ་ཡིན། ལན་གསུམ་གྱི་བར་དུ་གཞོག་པ་ཡིན་ཏེ།

ཨུ་པཱ་ལི་ཆོས་བཅུ་གཅིག་ པོ་འདི་དག་དང་ལྡན་པའི་གཟུ་བོ་ནི་འདུལ་བ་འཛིན་པ་རྩོད་པ་རྣམ་པར་ཞི་བར་བྱེད་ནུས་པ་ཡིན་ནོ། ། ཆོས་དུ་དང་ལྡན་པས་རྩོད་པ་ཤིན་ཏུ་ཞི་བ་ལགས། ཨུ་པཱ་ལི་ཉི་ཤུ་རྩ་གཅིག་སྟེ། ཉི་ཤུ་རྩ་གཅིག་པོ་གང་ཞེ་ན། དགེ་འདུན་ལ་བསྒོ་བ་ཡིན། ཆོས་དང་བཅས་པས་རྒྱལ་བའི་བཀའ་དང་ མཐུན་པ་ཡིན། ཕྱོགས་དང་ཕ་རོལ་གྱི་ཕྱོགས་ཀྱི་དགེ་སློང་དག་གོ་བར་བྱེད་པ་ཡིན། རྒོལ་བའི་དང་ཕྱིར་རྒོལ་བའི་དགེ་སློང་ལ་ཆོས་དང་མཐུན་པས་རྒོལ་བ་དང་ཕྱིར་རྒོལ་བའི་དགེ་སློང་ལ་འདུལ་བ་མ་ཉམས་པར་བྱེད་པ་ཡིན། མི་གཙང་བའི་གང་ཟག་གི་ཉེས་པ་མ་ བཅབས་པ་ཡིན། བྱུང་བ་ཆུད་མ་གསན་པ་ཡིན། བཅས་པ་ཆུད་མ་གསན་པ་ཡིན། རྗེས་སུ་བཅས་པ་ཆུད་མ་གསན་པ་ཡིན། དགག་པ་ཆུད་མ་གསན་པ་ཡིན། མངོན་པར་རྗེས་སུ་གནང་བ་ཆུད་མ་གསན་པ་ཡིན། ཉེས་པ་ཆུད་མ་གསན་པ་ཡིན། རྒོལ་བའི་དགེ་སློང་གི་ ཡི་དམ་ཤིན་ཏུ་བཟུང་བ་ཡིན། ལན་འདེབས་པའི་ཡི་དམ་ཤིན་ཏུ་བཟུང་བ་ཡིན། མདོ་སྡེའི་ཚིག་ཀྱང་བསྟན་པ་ཡིན། འདུལ་བའང་མཐུན་པ་ཡིན། ཆོས་ཀྱི་མིག་རྗེས་སུ་བཟུང་བ་ཡིན། བསྐོས་ནས་རྣམ་པར་ཞི་བར་བྱེད་པ་ཡིན། ཉེས་པ་སྟོན་པ་ཡིན། ཆད་པའི་ ལས་དམིགས་སུ་བབ་པ་ཡིན།

རྣམ་པར་དག་པ་སྟོན་པ་ཡིན། ཆོས་དང་འདུལ་བ་དང་སྟོན་པའི་བསྟན་པས་རྩོད་པ་རྣམ་པར་ཞི་བ་ཡིན་ཏེ། ཨུ་པཱ་ལི་ཆོས་ཉི་ཤུ་རྩ་གཅིག་པོ་འདི་རྣམས་དང་ལྡན་ན་རྩོད་པ་རྣམ་པར་ཞི་བ་ཞེས་བྱའོ། བཙུན་པ་རྒོལ་བའམ་སླར་རྒོལ་བའི་དགེ་སློང་ མཚན་འཕོས་ན་རྩོད་པ་ཞི་བ་ཞེས་བགྱིའམ། ཨུ་པཱ་ལི་ཞི་བ་ཞེས་བྱའོ། ། བཙུན་པ་བཅོམ་ལྡན་འདས་ཀྱིས་རྩོད་པ་བྱུང་བ་བྱུང་མ་ཐག་ཏུ་རྩོད་པ་ཞི་བར་བྱེད་པའི་ཆོས་བདུན་གྱིས་རྣམ་པར་ཞི་བར་བྱའོ་ཞེས་གསུངས་ན། བཙུན་པ་རྩོད་པ་རྣམ་པ་བཞི་ལས་གང་ཡང་རུང་སྟེ། རྩོད་ པ་ཞིག་བྱུང་ན་ཞི་བར་བགྱིད་པའི་ཆོས་བདུན་པོ་ལས་གང་ཡང་རུང་བའི་རྩོད་པ་ཞི་བར་བགྱིད་པའི་ཆོས་ཀྱིས་རྣམ་པར་ཞི་བར་མ་བགྱིས་པར་རྣམ་པར་ཞི་བར་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་མཐུན་པའི་གསོ་སྦྱོང་ངོ་། ། བཙུན་པ་རྩོད་པ་བཞི་ལས་གང་ཡང་རུང་སྟེ། རྩོད་པ་ ཞིག་བྱུང་ན་རྒོལ་བ་དང་སླར་རྒོལ་བའི་དགེ་སློང་རྣམས་ལས་གང་གི་ཚིག་གཟུང་བར་བགྱི། རྒན་རིམས་ཀྱི་གཟུང་ངོ་། ། བཙུན་པ་དེ་སྟེ་གཉི་གའི་ལོ་གྲངས་མཉམ་ན་གང་གི་ཚིག་གཟུང་བར་བགྱི། གང་མང་དུ་ཐོས་པའི་ཡིན་ནོ། །

བཙུན་པ་དེ་སྟེ་གཉི་གའང་གཞུང་ལ་མཚུངས་པར་གྱུར་ ན་གང་གི་ཚིག་གཟུང་བར་བགྱི། གང་བྱང་བ་ཡིན་ནོ། ། དེ་སྟེ་གཉི་ག་བྱང་བར་གྱུར་ན་གང་གི་ཚིག་གཟུང་བར་བགྱི། གང་བྱང་བའི་ཤས་ཆེ་བ་ཡིན་ཏེ། དེའི་ཚིག་གིས་རྩོད་པ་རྣམས་རྣམ་པར་ཞི་བར་བྱའོ། ། བཙུན་པ་བཅོམ་ལྡན་འདས་ཀྱིས་གང་ཚུལ་ཤིང་མང་པོས་རྩོད་པ་ཞི་བར་བྱ་ བ་ལས་གང་གི་ཕྱོགས་སུ་ཚུལ་ཤིང་གཅིག་གིས་ཀྱང་ལྷག་པར་གྱུར་ན། དེའི་ཕྱོགས་དེས་རྣམ་པར་ཞི་བར་བྱའོ། ། ཞེས་གསུངས་ན། བཙུན་པ་དེ་སྟེ་ཕྱོགས་གཉི་གའི་ཚུལ་ཤིང་མཉམ་པར་གྱུར་ན་གང་གི་དབང་གིས་རྩོད་པ་རྣམ་པར་ཞི་བར་བགྱིད། ཨུ་པཱ་ལི་ཕྱོགས་གང་གིས་དགེ་སློང་དག་ཕལ་ ཆེར་བྱང་བའི་ཤས་ཆེ་བ་ཡིན་ནོ། ། བཙུན་པ་གང་དགེ་སློང་རྣམས་རྩོད་པ་དགེ་སློང་རྣམས་ཀྱིས་རྣམ་པར་ཞི་བར་བགྱིད་མ་ནུས་ན། བཙུན་པ་དགེ་སློང་མས་རྣམ་པར་ཞི་བར་བགྱིར་རུང་ངམ། ཨུ་པཱ་ལི་རུང་ངོ་། དེ་བཞིན་དུ་སྡེ་ལྔའི་རྣམས་ཀྱང་ཕན་ཚུན་གཅིག་ལ་གཅིག་སྦྱར་བར་བྱའོ། ། ། ། མདོར་ན། ཕྲིན་པ་སྤྲིང་ཡིག་ལག་བརྡ་དང་། ། གཞན་ཟེར་བ་དང་གཅིག་ནས་གཅིག ། སྨྱོན་པ་སེམས་འཁྲུགས་ན་བ་དང་། ། འོན་གླེན་ཁྱིམ་པ་དག་ལ་སོགས། ། བསླབ་པ་བྱིན་པ་ཐ་མའོ། །

བཙུན་པ་ཕྲིན་གྱིས་རྩོད་པ་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་ འདུན་ནི་འདས་པ་དང་བཅས་པའོ། ། བཙུན་པ་སྨྱོན་པ་ཞིག་གིས་རྩོད་པ་རྣམ་པར་ཞི་བར་བགྱིས་ན་རྩོད་པ་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་ བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། བཙུན་པ་ཁྱིམ་པ་ཞིག་གིས་རྩོད་པ་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་ བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། བཙུན་པ་དེ་བཞིན་དུ་མ་ནིང་ནས།

བསླབ་པ་སྩལ་བ་རྣམས་ཀྱི་བར་དུ་རྒྱས་པར་དེ་དག་གིས་རྩོད་པ་རྣམ་པར་ཞི་བར་བགྱིས་ན་རྣམ་པར་ཞི་བ་ཞེས་བགྱིའམ། ཨུ་པཱ་ལི་ རྣམ་པར་ཞི་བ་ཞེས་བྱ་སྟེ། དགེ་འདུན་ནི་འདས་པ་དང་བཅས་པའོ། ། བཙུན་པ་རྒོལ་བའམ་སླར་རྒོལ་བ་དུས་བགྱིས་ན་རྩོད་པ་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱའོ། ། དེ་བཞིན་དུ་ཁྱིམ་པ་ལགས་པར་ཁས་བླངས་པ་ནས། བསླབ་པ་སྩལ་བ་ ལགས་པའི་བར་རྒྱས་པར་ཁས་བླངས་ན་རྩོད་པ་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱའོ། བཙུན་པ་རྒོལ་བའམ་སླར་རྒོལ་བའི་དགེ་སློང་མཚན་འཕོས་ན་རྩོད་པ་རྣམ་པར་ཞི་བ་ཞེས་བགྱིའམ། ཨུ་པཱ་ལི་རྣམ་པར་ཞི་བ་ཞེས་བྱའོ། ། རྩོད་པའི་དངོས་པོ་ རྫོགས་{སྷོ,སོ}། ། ། ། མདོར་ན། བྱེ་འབྱེད་དགེ་འདུན་ཅ་ཅོ་དང་། ། ཐ་དད་པ་དང་ཚུལ་བཞིན་དང་། ། བསྐལ་པ་ཁ་ན་མ་ཐོ་ལོག ། དགེ་འདུན་དབྱེ་དང་མི་མཁས་པའོ། ། བཙུན་པ་དགེ་འདུན་བྱེ་བ་ཞེས་ཀྱང་བགྱི། བཙུན་པ་དགེ་འདུན་འདུས་པ་ཞེས་ཀྱང་བགྱི་ན། བཙུན་ པ་དགེ་འདུན་བྱེ་བ་གང་ལགས། ཨུ་པཱ་ལི་གང་དབྱེན་བྱེད་པས་ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས།

འདུལ་བ་མ་ཡིན་པ་ལ་འདུལ་བ་མ་ཡིན་པར་འདུ་ཤེས་པར་གྱུར་བཞིན་དུ་དེས་འདུ་ཤེས་བཅབས། བཟོད་པ་བཅབས། དད་པ་བཅབས། བློ་གྲོས་དང་། ལྟ་བ་དང་། རྟོག་པ་རྣམས་བཅབས་ཏེ། འདི་སྐད་དུ་འདི་ནི་ཆོས་སོ། ། འདི་ནི་འདུལ་བའོ། ། འདི་ནི་སྟོན་པས་བསྟན་པའོ་ཞེས་སྨྲས་ནས། དེས་དགེ་སློང་དག་ལ་བསྒོ། ། ཡང་དག་པར་བསྒོ། སློབ། ལེན་དུ་འཇུག ། བརྟུལ་ཞུགས་ཀྱི་གཞི་ལྔ་ཡང་རྗེས་སུ་བསྒྲུབས་ ཏེ། འདི་ལྟར་ཚེ་དང་ལྡན་པ་ཁྱེད་ཅག་ལས་གང་དད་ཅིང་བཟོད་དེ་མོས་པ་དེ་དག་གིས་ནི་ཚུལ་ཤིང་ལོང་ཤིག ། དེ་དག་གིས་བརྟུལ་ཞུགས་ཀྱི་གནས་ལྔ་བསྒྲགས་ཏེ་གསོལ་བ་བྱས། ཚུལ་ཤིང་བྲིམས་ནས་མང་པོ་ཁྲིད་དེ་འགྲོ་བ་འདི་ནི་དགེ་འདུན་བྱེ་བ་ཞེས་བྱའོ། ། དགེ་འདུན་ འདུས་པ་གང་ཞེ་ན། དགེ་སློང་མཚམས་ཀྱི་ནང་ན་ཇི་སྙེད་ཅིག་འཁོད་པར་གྱུར་པ་དེ་དག་ལས་བྱེད་པ་ན་དེ་དག་ཐམས་ཅད་འདུས་པར་གྱུར། མངོན་སུམ་དུ་གྱུར། དད་པ་བླང་བར་རིགས་པའི་རྣམས་ལས་དད་པ་བླངས་པར་གྱུར། དགེ་སློང་རྣམས་ཀྱང་འཐབ་པ་མེད། རྩོད་ པ་མེད་ལ། དེ་དག་ཆོས་སུ་འདུ་ཤེས། འདུལ་བར་འདུ་ཤེས་ཤིང་གསོ་སྦྱོང་གི་ལས་བྱེད་པ་འདི་ནི་དགེ་འདུན་འདུས་པ་ཞེས་བྱའོ། །

བཙུན་པ་དགེ་འདུན་འབྱེད་པས་བསྟིར་མེད་པའི་ཁ་ན་མ་ཐོ་བ་སྐྱེས་ལ་མཚམས་མེད་པའི་ལས་སུ་འགྱུར་བ་གང་ལགས། ཨུ་པཱ་ལི་ནམ་དབྱེན་ བྱེད་པས་ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པ་ཡིན། བྱེ་བ་ལའང་ཆོས་མ་ཡིན་པར་འདུ་ཤེས་བཞིན་དུ་དེས་འདུ་ཤེས་བཅབས། བཟོད་པ་བཅབས། དད་པ་དང་། བློ་གྲོས་དང་། ལྟ་བ་དང་། རྟོག་པ་རྣམས་བཅབས་ཏེ། འདི་སྐད་དུ་ཆོས་ནི་འདིའོ། ། འདུལ་བ་ནི་འདིའོ། ། སྟོན་པས་བསྟན་པ་ནི་འདིའོ་ཞེས་སྨྲས་ནས་དེས་དགེ་སློང་དག་ལ་བསྒོ། ཡང་དག་པར་བསྒོ། སློབ། ལེན་དུ་འཇུག ། བརྟུལ་ཞུགས་ཀྱི་གཞི་ལྔ་རྗེས་སུ་བསྒྲགས་ཏེ། གང་དབྱེན་བྱེད་པ་དེས་བརྟུལ་ཞུགས་ཀྱི་གཞི་ལྔ་རྗེས་སུ་བསྒྲགས་ཏེ། གསོལ་ བ་བྱས་ཚུལ་ཤིང་བྲིམས་ནས་མང་པོ་ཁྲིད་དེ་སོང་བ་འདི་ནི་དགེ་འདུན་འབྱེད་པ་ཡིན་ཏེ་བསྟིར་མེད་པའི་ཁ་ན་མ་ཐོ་བའང་བསྐྱེད། ཡང་དག་པ་བསྒོ་བ་བླངས་ཤིང་ལེན་དུ་འཇུག་པས་མཚམས་མེད་པའི་ལས་སུའང་འགྱུར་རོ། ། དགེ་འདུན་འབྱེད་པས་བསྟིར་མེད་པའི་ཁ་ན་མ་ཐོ་བ་ནི་སྐྱེ་ ལ་དེ་མཚམས་མེད་པའི་ལས་སུ་མི་འགྱུར་བ་གང་ཞེ་ན།

ཨུ་པཱ་ལི་གང་དབྱེན་བྱེད་པས་ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པར་གྱུར་ལ་བྱེ་བ་ལ་ནི་ཆོས་སུ་འདུ་ཤེས་པ་དང་། ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པར་གྱུར་ལ་བྱེ་བ་ལ་ཡང་ཆོས་མ་ཡིན་པར་ འདུ་ཤེས་པ་དང་། ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པར་གྱུར་ལ་བྱེ་བ་ལ་ཐེ་ཚོམ་ཟ་བ་དང་། ཆོས་མ་ཡིན་པ་ལ་ཆོས་སུ་འདུ་ཤེས་ལ་བྱེ་བ་ལ་ཆོས་མ་ཡིན་པར་འདུ་ཤེས་པ་དང་། ཆོས་མ་ཡིན་པ་ལ་ཆོས་སུ་འདུ་ཤེས་ལ་བྱེ་བ་ལ་ཡང་ཆོས་སུ་འདུ་ཤེས་པ་དང་། ཆོས་མ་ཡིན་པ་ལ་ཆོས་སུ་འདུ་ཤེས་ལ་བྱེ་བ་ལ་ཐེ་ཚོམ་དུ་གྱུར་པ་དང་། ཆོས་ལ་ཆོས་སུ་འདུ་ཤེས་ལ་བྱེ་བ་ལ་ཆོས་མ་ཡིན་པར་འདུ་ཤེས་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་བྱེ་བ་ལ་ཆོས་སུ་འདུ་ཤེས་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་ བྱེ་བ་ལ་ཐེ་ཚོམ་དུ་གྱུར་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་བྱེ་བ་ལའང་ཆོས་མ་ཡིན་པར་འདུ་ཤེས་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་བྱེ་བ་ལ་ཆོས་སུ་འདུ་ཤེས་པ་དང་། ཆོས་ལ་ཆོས་མ་ཡིན་པར་འདུ་ཤེས་ལ་བྱེ་བ་ལ་ཐེ་ཚོམ་དུ་གྱུར་པ་དང་། ཆོས་ དང་ཆོས་མ་ཡིན་པ་ལ་ཐེ་ཚོམ་དུ་གྱུར་ལ་བྱེ་བ་ལ་ཆོས་མ་ཡིན་པར་འདུ་ཤེས་པ་དང་།

ཆོས་མ་ཡིན་པ་ལ་ཐེ་ཚོམ་དུ་གྱུར་ལ་བྱེ་བ་ལ་ཆོས་སུ་འདུ་ཤེས་པ་དང་། ཆོས་མ་ཡིན་པ་ལ་ཐེ་ཚོམ་དུ་གྱུར་ལ་བྱེ་བ་ལ་ཡང་ཐེ་ཚོམ་དུ་གྱུར་པ་དང་། ཆོས་ལ་ཐེ་ཚོམ་དུ་གྱུར་ལ་བྱེ་བ་ལ་ ཆོས་མ་ཡིན་པར་འདུ་ཤེས་པ་དང་། ཆོས་ལ་ཐེ་ཚོམ་དུ་གྱུར་ལ་བྱེ་བ་ལ་ཆོས་སུ་འདུ་ཤེས་པ་དང་། ཆོས་ལ་ཐེ་ཚོམ་དུ་གྱུར་ལ་བྱེ་བ་ལའང་ཐེ་ཚོམ་དུ་གྱུར་པ་སྟེ། དེས་འདུ་ཤེས་བཅབས། བཟོད་པ་བཅབས། དད་པ་བཅབས། བློ་གྲོས་དང་། ལྟ་བ་དང་། རྟོག་ པ་རྣམས་བཅབས་ཏེ། འདི་སྐད་དུ་འདི་ནི་ཆོས་སོ། ། འདི་ནི་འདུལ་བའོ། ། འདི་ནི་སྟོན་པས་བསྟན་པའོ་ཞེས་སྨྲས་ནས། དེས་ཡང་དགེ་སློང་རྣམས་ལ་བསྒོ། ཡང་དག་པར་བསྒོ། སློབ། ལེན་དུ་འཇུག ། དགེ་འདུན་དབྱེ་བའི་ཕྱིར་བརྩོན་པ་ནི་དགེ་འདུན་འབྱེད་པར་བྱེད་པ་ སྟེ། བསྟིར་མེད་པའི་ཁ་ན་མ་ཐོ་བ་ནི་སྐྱེ་ལ། དེ་མཚམས་མེད་པའི་ལས་སུ་མི་འགྱུར་བ་ཞེས་བྱའོ། ། བཙུན་པ་གང་ལ་ལས་དགེ་འདུན་བྱེ་བ་དེ་དག་ཐམས་ཅད་དགེ་འདུན་ཅ་ཅོར་འགྱུར་ལགས་སམ། དགེ་འདུན་བྱེ་ལ་དགེ་འདུན་ཅ་ཅོ་མེད་པ་ཡང་ཡོད་ལ། དགེ་འདུན་ཅ་ཅོར་གྱུར་ ལ་དགེ་འདུན་མི་འབྱེ་བ་ཡང་ཡོད། དགེ་འདུན་ཀྱང་བྱེ་ལ་དགེ་འདུན་ཅ་ཅོར་ཡང་འགྱུར་བ་ཡོད།

དགེ་འདུན་ཡང་མི་འབྱེ་ལ་དགེ་འདུན་ཅ་ཅོར་ཡང་མི་འགྱུར་བ་ཡོད་དེ། དེ་ལ་དགེ་འདུན་བྱེ་ལ་དགེ་འདུན་ཅ་ཅོ་མེད་པ་གང་ཞེ་ན། གང་ཆོས་སུ་འདུ་ཤེས་ལ་དགེ་འདུན་འབྱེད་ པའོ། ། དགེ་འདུན་ཅ་ཅོར་གྱུར་ལ་དགེ་འདུན་མི་འབྱེ་བ་གང་ཞེ་ན། དབྱེན་དུ་འགྱུར་བའི་དངོས་པོ་བཅུ་བཞི་ལས་གང་ཡང་རུང་སྟེ་དབྱེན་དུ་འགྱུར་བའི་དངོས་པོ་ཞིག་ཤིན་ཏུ་གདོན་མི་ཟ་བར་བཟུང་བར་གྱུར་ལ་དགེ་འདུན་ནི་བྱེ་བར་མ་གྱུར་པའོ། ། དགེ་འདུན་ཡང་བྱེ་ལ་དགེ་འདུན་གྱི་ཅ་ཅོར་ཡང་ འགྱུར་ལ་གང་ཞེ་ན། འདི་ལྟར་དགེ་འདུན་དེ་དག་བྱེ་བར་གྱུར་ལ་དབྱེན་དུ་འགྱུར་བའི་དངོས་པོ་བཅུ་བཞི་ལས་གང་ཡང་རུང་སྟེ་དབྱེན་དུ་འགྱུར་བའི་དངོས་པོ་ཞིག་ཤིན་ཏུ་གདོན་མི་ཟ་བར་བཟུང་བར་གྱུར་པའོ། ། དགེ་འདུན་ཡང་མི་བྱེ་ལ་དགེ་འདུན་གྱི་ཅ་ཅོར་མི་འགྱུར་བ་གང་ཞེ་ན། རྣམ་ པ་འདི་ལ་བུ་དག་མ་གཏོགས་པའོ། ། བཙུན་པ་གང་དགེ་འདུན་བྱེ་བ་དེ་ཐམས་ཅད་དགེ་འདུན་ཐ་དད་པར་གྱུར་པ་ལགས་སམ། དགེ་འདུན་ཐ་དད་པར་གྱུར་ལ་དགེ་འདུན་མི་འབྱེ་བ་ཡང་ཡོད། དགེ་འདུན་བྱེ་ལ་དགེ་འདུན་ཐ་དད་པར་མི་འགྱུར་བ་ཡོད། དགེ་འདུན་བྱེ་ལ་དགེ་འདུན་ ཐ་དད་པར་འགྱུར་བ་ཡང་ཡོད།

དགེ་འདུན་མི་འབྱེ་ལ་དགེ་འདུན་ཐ་དད་པར་མི་འགྱུར་བའང་ཡོད་དེ། དགེ་འདུན་ཐ་དད་པར་གྱུར་ལ་དགེ་འདུན་མི་འབྱེ་བ་ནི་དེ་འདི་ལྟར་དགེ་འདུན་རྣམ་གཉིས་སོ་སོ་ན་གཞི་ལ་གནས་པར་གྱུར། རྙེད་པ་ཡང་ཐ་དད་གནས་ཀྱང་ཐ་དད། མཚམས་ ཀྱང་ཐ་དད་པར་གྱུར་ལ་དགེ་འདུན་ནི་མ་བྱེ་བའོ། ། དགེ་འདུན་བྱེ་ལ་དགེ་འདུན་ཐ་དད་པར་མི་འགྱུར་བ་ནི་གང་ཆོས་སུ་འདུ་ཤེས་པས་དགེ་འདུན་ཕྱེ་བའོ། ། དགེ་འདུན་བྱེ་ལ་དགེ་འདུན་ཐ་དད་པ་ནི་འདི་ལྟར་དགེ་འདུན་བྱེ་བར་གྱུར་ལ་དགེ་འདུན་རྣམ་གཉིས་སོ་སོ་ན་གནས་པར་གྱུར། རྙེད་པ་ཐ་དད་པ་དང་། གནས་ཐ་དད་པ་དང་། མཚམས་ཐ་དད་པར་གྱུར་པའོ། ། དགེ་འདུན་མ་བྱེ་ལ་དགེ་འདུན་ཐ་དད་པར་ཀྱང་མ་གྱུར་པ་ནི་རྣམ་པ་དེ་ལྟ་བུ་དག་མ་གཏོགས་པའོ། ། ཇི་ལྟར་དགེ་འདུན་ཐ་དད་པ་ལ་རྣམ་པ་བཞིར་འགྱུར་བ་བཞིན་དུ་དགེ་འདུན་གྱི་ཚུལ་ལ་ཡང་རྣམ་པ་ བཞིར་བརྗོད་པར་བྱའོ། ། བཙུན་པ་གང་ལ་ལས་དགེ་འདུན་གྱི་དབྱེན་བགྱིད་པ་དེ་དག་ཐམས་ཅད་བསྐལ་པར་གནས་སམ། དགེ་འདུན་གྱི་དབྱེན་བྱས་ལ་བསྐལ་པར་མི་གནས་པའང་ཡོད། བསྐལ་པར་གནས་ལ་དགེ་འདུན་གྱི་དབྱེན་མ་བྱས་པ་ཡང་ཡོད། དགེ་འདུན་གྱི་ དབྱེན་བྱས་ལ་བསྐལ་པར་གནས་པའང་ཡོད།

དགེ་འདུན་གྱི་དབྱེན་མ་བྱས་པ་ལ་བསྐལ་པར་མི་གནས་པའང་ཡོད་དོ། ། དགེ་འདུན་གྱི་དབྱེན་བྱས་ལ་བསྐལ་པར་མི་གནས་པ་ནི་གང་གིས་ཆོས་སུ་འདུ་ཤེས་པས་དགེ་འདུན་ཕྱེ་བའོ། ། བསྐལ་པར་གནས་ལ་དགེ་ འདུན་གྱི་དབྱེན་མ་བྱས་པ་ནི་གླང་པོའི་རྒྱལ་པོ་ཨེ་ར་བ་ན་དང་། གླང་པོའི་རྒྱལ་པོ་ཤིན་ཏུ་བརྟན་པ་དང་། གླང་པོའི་རྒྱལ་པོ་ཡིད་དུ་འོང་བ་དང་། གླང་པོའི་རྒྱལ་པོ་གཤིན་རྗེ་དང་། ཚངས་ལྷ་ཉེ་ཕན་གྱི་ལྷ་རྣམས་སོ། ། དགེ་འདུན་ཕྱེ་ལ་བསྐལ་པར་གནས་པ་ནི་ལྷ་སྦྱིན་ནོ། ། དགེ་ འདུན་ཀྱང་མ་ཕྱེ་ལ་བསྐལ་པར་ཡང་མི་གནས་པ་ནི་རྣམ་པ་དེ་ལྟ་བུ་དག་མ་གཏོགས་པའོ། ། གང་ལ་ལས་དགེ་འདུན་ཕྱེ་ན་དེ་དག་ཐམས་ཅད་བསྐལ་པར་གནས་པའི་ཁ་ན་མ་ཐོ་བ་སྐྱེ་བ་ཡང་རྣམ་པ་བཞིར་བརྗོད་པར་བྱ་སྟེ། དེ་ཡང་དེ་བཞིན་དུ་དབྱེ་བར་བྱའོ། ། གང་ལ་ལས་དགེ་ འདུན་འབྱེད་པ་དེ་དག་ཐམས་ཅད་ལོག་པར་ངེས་པ་ལགས་སམ། དགེ་འདུན་འབྱེད་ལ་ལོག་པར་ངེས་པ་མ་ཡིན་པའང་ཡོད། ལོག་པར་ངེས་ལ་དགེ་འདུན་མི་འབྱེད་པའང་ཡོད། དགེ་འདུན་འབྱེད་ལ་ལོག་པར་ངེས་པའང་ཡོད། དགེ་འདུན་འབྱེད་པ་ཡང་མ་ཡིན་ལ་ལོག་ པར་ངེས་པ་མ་ཡིན་པའང་ཡོད་དེ།

དགེ་འདུན་འབྱེད་ལ་ལོག་པར་ངེས་པ་མ་ཡིན་པ་ནི་གང་ཆོས་སུ་འདུ་ཤེས་ཤིང་དགེ་འདུན་འབྱེད་པའོ། ། ལོག་པར་ངེས་ལ་དགེ་འདུན་འབྱེད་པ་མ་ཡིན་པ་ནི་དེ་མཚམས་མེད་པ་བཞིའོ། ། དགེ་འདུན་འབྱེད་ལ་ལོག་པར་ཀྱང་ངེས་པ་ནི་ལྷ་སྦྱིན་ནོ། ། དགེ་འདུན་འབྱེད་པའང་མ་ཡིན་ལ་ལོག་པར་ངེས་པའང་མ་ཡིན་པ་ནི་རྣམ་པ་འདི་ལྟ་བུ་དག་མ་གཏོགས་པའོ། ། གང་ལ་ལས་དགེ་འདུན་འབྱེད་པ་དེ་དག་ཐམས་ཅད་མི་མཁས་པ་དང་མ་རིག་པར་གྱུར་པ་ལགས་སམ། དགེ་འདུན་འབྱེད་ལ་མི་མཁས་པ་མ་ཡིན་ཞིང་མ་རིག་པར་གྱུར་ པ་མ་ཡིན་པའང་ཡོད། མི་མཁས་པ་དང་མ་རིག་པ་ཡིན་ལ་དགེ་འདུན་མི་འབྱེད་པའང་ཡོད། དགེ་འདུན་འབྱེད་ལ་མི་མཁས་པ་མ་རིག་པར་གྱུར་པའང་ཡོད། དགེ་འདུན་ཡང་མི་འབྱེད་ལ་མཁས་པའང་ཡིན་མ་རིག་པར་གྱུར་པའང་མ་ཡིན་པའང་ཡོད་དེ། དགེ་འདུན་འབྱེད་ལ་ མི་མཁས་པའང་མ་ཡིན་མ་རིག་པར་གྱུར་པ་མ་ཡིན་པ་ནི་གང་ཆོས་སུ་འདུ་ཤེས་པས་དགེ་འདུན་འབྱེད་པའོ། ། མི་མཁས་པ་དང་མ་རིག་པར་གྱུར་ལ་དགེ་འདུན་མི་འབྱེད་པ་ནི་སྟོན་པ་དྲུག་གོ། ། དགེ་འདུན་འབྱེད་ལ་མི་མཁས་པ་དང་མ་རིག་པ་ནི་ལྷ་སྦྱིན་ནོ། །

དགེ་འདུན་ཡང་མི་འབྱེད་ ལ་མི་མཁས་པའང་མ་ཡིན་མ་རིག་པར་གྱུར་པའང་མ་ཡིན་པ་ནི་རྣམ་པ་འདི་དག་མ་གཏོགས་པའོ། ། ། ། མདོར་ན། ཕྱེ་བ་རྣམ་པ་དྲུག་ཏུ་བྱས། ། རྒོལ་བ་རྣམ་བཞི་གསོ་སྦྱོང་དང་། ། མཚམས་ལ་རྣམ་བཞི་གསུམ་པ་དང་། ། བསྐལ་པ་བརྟན་མིན་དེ་བཞིན་ཏེ། ། ཁྱིམ་པ་དག་ལ་ སོགས་པ་དང་། ། བསླབ་པ་བྱིན་པ་ཐ་མའོ། ། བཙུན་པ་ཕྱེ་བ་དང་ལྡན་པ་གང་ལགས། ཁ་ན་མ་ཐོ་བ་གང་ལགས། ཨུ་པཱ་ལི་དགེ་འདུན་ནི་ཕྱེ་བ་དང་ལྡན་པའོ། ། འབྱེད་པ་ནི་ཁ་ན་མ་ཐོ་བའོ། ། བཙུན་པ་དགེ་འདུན་ཕྱེ་ན་ཅིར་འགྱུར། ཉེས་པ་སྦོམ་པོར་འགྱུར་རོ། ། བཙུན་པ་དགེ་ འདུན་ཕྱེ་ན་ནོངས་པ་གང་བཤགས་པར་བགྱི། ཉེས་པ་སྦོམ་པོའོ། ། བཙུན་པ་འདི་ལྟར་དགེ་སློང་དག་གིས་དགེ་སློང་གི་དགེ་འདུན་འབྱེད་ཀྱི། དགེ་སློང་མས་མ་ལགས། དགེ་སློབ་མས་མ་ལགས། དགེ་ཚུལ་མས་མ་ལགས། དགེ་ཚུལ་ཕས་མ་ལགས་སམ། ཨུ་པཱ་ལི་དེ་བཞིན་ ཏེ། དགེ་སློང་དག་གིས་དགེ་འདུན་འབྱེད་ཀྱི། དགེ་སློང་མས་མ་ཡིན། དགེ་སློབ་མས་མ་ཡིན། དགེ་ཚུལ་མས་མ་ཡིན། དགེ་ཚུལ་ཕས་མ་ཡིན་ནོ། ། ཨུ་པཱ་ལི་དེ་བཞིན་དུ་དགེ་སློང་མ་དག་གིས་དགེ་སློང་མའི་དགེ་འདུན་འབྱེད་ཀྱི་དགེ་སློང་གིས་མ་ཡིན།

དགེ་སློབ་མས་མ་ཡིན། དགེ་ཚུལ་མས་མ་ཡིན། དགེ་ཚུལ་ཕས་མ་ཡིན་ཏེ། འོན་ཀྱང་དགེ་འདུན་འབྱེད་པའི་ཕྱིར་ནི་རྩོལ་ལོ། ། བཙུན་པ་བཅོམ་ལྡན་འདས་ཀྱིས་རྣམ་པ་གཉིས་ཀྱི་སླད་དུ་དགེ་འདུན་འབྱེ་སྟེ། རྗེས་སུ་བསྒྲགས་པ་དང་། ཚུལ་ཤིང་ལེན་པའོ་ཞེས་གསུངས་ན། བཙུན་པ་གང་རྩེད་མོར་འཚལ་ བའམ། མ་འཚལ་བ་ཞིག་གིས་རྗེས་སུ་བསྒྲགས་ཤིང་ཚུལ་ཤིང་བྲིམས་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། འོ་ན་ཅིར་འགྱུར། ཉེས་བྱས་སོ། དགེ་འདུན་འབྱེད་པའི་དགེ་སློང་གིས་དགེ་འདུན་འབྱེད་པ་ན་མཚན་འཕོས་ན་དགེ་འདུན་ཕྱེ་བ་ཞེས་བགྱིའམ། ཨུ་ པཱ་ལི་མ་ཡིན་ནོ། ། བཙུན་པ་དགེ་སློང་མའི་དགེ་འདུན་བྱེ་ནས་ཕྱོགས་དང་ཕ་རོལ་གྱི་ཕྱོགས་སུ་གནས་ན་དགེ་སློང་མ་ལ་ཟླ་བ་ཕྱེད་ཕྱེད་ཅིང་བསྟན་པའི་ལུང་སྩལ་ཏམ། ཨུ་པཱ་ལི་མ་སྦྱིན་པར་འདི་སྐད་དུ་སྲིང་མོའི་རྣམས་རྗེས་སུ་མཐུན་པར་གྱིས་ཤིག་ཅེས་སྒོ་ཤིག ། བཙུན་ པ་དགེ་སློང་གི་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་ན་དགེ་སློང་མས་ཟླ་བ་ཕྱེད་ཅིང་བསྟན་པའི་ལུང་གསོལ་བར་བགྱིའམ། ཨུ་པཱ་ལི་གསོལ་བར་བྱའོ། གང་ལས་གསོལ། རྗེས་སུ་མ་ཕྱོགས་པ་རྣམས་སོ།

བཙུན་པ་དགེ་སློང་གི་དགེ་འདུན་ཕྱེ་སྟེ་ཕྱོགས་དང་ཕ་རོལ་གྱི་ ཕྱོགས་སུ་གནས་ན་དགེ་སློང་མ་ལ་བསྟན་པའི་ལུང་སྩོལ་བར་བགྱིའམ། ཨུ་པཱ་ལི་དགེ་སློང་མ་ཡང་བྱེ་བར་མི་འགྱུར་བའི་ཕྱིར་བས་ན་བྱིན་ཅིག ། བཙུན་པ་དགེ་སློང་མའི་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་པ་ལ་གང་གིས་དགེ་སློང་མ་ལ་ལུང་སྩལ་བར་བགྱི། རྗེས་སུ་མ་ཕྱོགས་པ་རྣམས་ཀྱིས་སྦྱིན་ནོ། བཙུན་པ་དགེ་སློང་གི་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་ན་དགེ་སློང་མས་གསོ་སྦྱོང་བགྱིའམ། ཨུ་པཱ་ལི་བྱའོ། ། བཙུན་པ་དགེ་སློང་གི་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་ན་ཉེ་བར་ཕྱོགས་ པའི་དགེ་སློང་རྣམས་ཀྱིས་གསོ་སྦྱོང་བགྱིའམ། ཨུ་པཱ་ལི་མ་ཡིན་ནོ། ། དེ་ཅིའི་ཕྱིར་ཞེ་ན། དགེ་འདུན་འདུས་པ་ལས་ནི་གསོ་སྦྱོང་བྱའོ། ། བཙུན་པ་ཉེ་བར་ཕྱོགས་པས་ཉེ་བར་མ་ཕྱོགས་པ་རྣམས་ཀྱི་མཚམས་བཀྲོལ་ན་མཚམས་བཀྲོལ་བ་ཞེས་བགྱིའམ། ཨུ་པཱ་ལི་མ་ཡིན་ ནོ། ། བཙུན་པ་ཉེ་བར་མ་ཕྱོགས་པ་རྣམས་ཀྱིས་ཉེ་བར་ཕྱོགས་པ་རྣམས་ཀྱི་མཚམས་བཀྲོལ་ན་མཚམས་བཀྲོལ་བ་ཞེས་བགྱིའམ། ཨུ་པཱ་ལི་བཀྲོལ་བ་ཞེས་བྱའོ། །

བཙུན་པ་གང་ལ་ལ་ཞིག་ཉེ་བར་ཕྱོགས་པ་དེ་དག་ཐམས་ཅད་སོ་སོར་གནས་པ་ཞེས་བགྱིའམ། རྣམ་པ་ བཞིར་རྒྱས་པར་བརྗོད་དོ། ། བཙུན་པ་གང་ལ་ལ་ཞིག་ཉེ་བར་ཕྱོགས་ནས་དེ་དག་ཐམས་ཅད་མི་གནས་པ་ཞེས་བགྱིའམ། རྣམ་པ་བཞིར་རྒྱས་པར་བརྗོད་དོ། ། བཙུན་པ་གང་ལ་ལ་སོ་སོར་གནས་ན་དེ་དག་ཐམས་ཅད་མི་གནས་པ་ཞེས་བགྱིའམ། རྣམ་པ་བཞིར་རྒྱས་པར་ བརྗོད་དོ། ། བཙུན་པ་བཅོམ་ལྡན་འདས་ཀྱིས་ལྕགས་རྣམ་པ་བརྒྱར་གྱེས་པའི་དུམ་བུ་ཡང་བཙལ་བར་བྱའོ་ཞེས་གསུངས་ན། ལྕགས་ཀྱི་དུམ་བུ་ཞེས་བགྱི་བ་གང་ལགས། དད་པ་བཙལ་བར་བྱ་བ་དང་། མོས་པ་བཙལ་བར་བྱ་བ་དང་། འདུམ་པ་བཙལ་བར་བྱ་བ་དང་། དགེ་འདུན་ འདུས་པ་བཙལ་བར་བྱ་སྟེ། དགེ་འདུན་དབྱེ་བའི་ཕྱིར་ནི་བཙལ་བར་མི་བྱའོ། ། བཙུན་པ་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་ན་གཏན་པ་གང་གིས་དབྱུང་བར་བགྱི། ཉེ་བར་མ་ཕྱོགས་པ་རྣམས་ཀྱིས་སོ། ། བཙུན་པ་མ་ནིང་ཞིག་གིས་དགེ་འདུན་ཕྱེ་ན་ཕྱེ་བ་ཞེས་ བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དེ་བཞིན་དུ་དགེ་སློང་མ་སུན་ཕྱུང་བ་ནས། བསླབ་པ་སྩལ་བའི་བར་དུ་རྒྱས་པར་དེ་དག་གིས་དགེ་འདུན་ཕྱེ་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །

བཙུན་པ་སྨྱོན་པ་ཞིག་གིས་དགེ་འདུན་ཕྱེ་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། བཙུན་པ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་དགེ་འདུན་ཕྱེ་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། ། དེ་ཅིའི་ཕྱིར་ཞེ་ན། ཨུ་པཱ་ལི་རང་བཞིན་དུ་གནས་པ་མ་ཡིན་པས་ནི་ དགེ་འདུན་དབྱེ་བར་མི་ནུས་སོ། ། ཇི་ལྟར་དགེ་འདུན་འབྱེད་པ་དེ་བཞིན་དུ་གྲངས་སུ་མི་འགྱུར་བར་ཡང་བརྗོད་པར་བྱའོ། ། དགེ་འདུན་གྱི་དབྱེན་གྱི་དངོས་པོ་རྫོགས་ཏེ། ཨུ་པཱ་ལིས་དྲིས་པ་རྫོགས་{སྷོ,སོ}། ། ། ། མདོར་ན། བཟང་བྱིན་རྡོ་རྗེ་འདུ་ཤེས་དང་། ། བལ་གླང་མོ་དང་རྒོད་མ་ དང་། ། བ་དང་རྔ་མོ་{རི་དགས་,རི་དྭགས་}མོ། ། བོང་ལུག་ཁྱི་ཕག་མོ་རྣམས་སོ། ། སངས་རྒྱས་བཅོམ་ལྡན་འདས་གྲོང་ཁྱེར་ཡངས་པ་ཅན་ན་སྤྲེའུ་རྫིང་འགྲམ་གྱི་ཁང་བུ་བརྩེགས་པ་ན་ཞུགས་སོ། །

ཀ་ལན་ད་ཀའི་བུ་བཟང་བྱིན་ལ་བསླབ་པའི་གནས་མ་བཅས་པས་ལས་དང་པོ་པ་ལ་ཉེས་པ་མེད་པ་ ན་བདག་གིས་བསླབ་པ་མ་བཅས་པའི་ཚེ་ལན་མང་ཞིག་ཏུ་མི་ཚངས་པར་སྤྱོད་པ་འཁྲིག་པའི་ཆོས་བྱས་ན་བདག་གི་ལས་དང་པོ་གང་ཡིན་ཞེས་ཐེ་ཚོམ་དུ་གྱུར་ནས་སེམས་ལ་དོགས་པ་དང་འགྱོད་པ་རྣམས་སྐྱེས་ཏེ། དེས་དེ་ལྟ་བུར་གྱུར་པ་དགེ་སློང་རྣམས་ལ་སྨྲས་ནས། དགེ་སློང་རྣམས་ཀྱིས་ བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བསླབ་པའི་གནས་མ་བཅས་པ་ན་ཀ་ལན་ད་ཀའི་བུ་བཟང་བྱིན་གྱིས་ཤིན་ཏུ་འདས་པར་གྱུར་པ་ནི་ཐམས་ཅད་ཀྱང་ལས་དང་པོ་པ་ཡིན་ཏེ། ལས་དང་པོ་པ་ལ་ནི་ཉེས་ པ་མེད་དོ། ། དགེ་སློང་རྡོ་རྗེའི་བུ་ཞེས་བྱ་བས་བསླབ་པ་མ་ཕུལ། བསླབ་པ་ཉམས་པ་མ་བཤགས་པར་ཁྱིམ་པར་གྱུར་ཏེ། དེས་དེ་ན་མི་ཚངས་པར་སྤྱོད་པ་འཁྲིག་པའི་ཆོས་བྱས་ནས་དེ་འདི་སྙམ་དུ་གྱུར་ཏོ། ། རེ་ཞིག་དགེ་སློང་རྣམས་ལ་དྲིས་ལ་དེ་སྟེ་བདག་རབ་ཏུ་འབྱུང་ཞིང་བསྙེན་ པར་རྫོགས་པར་རུང་ན་ནི་རབ་ཏུ་འབྱུང་ངོ་། ། དེ་སྟེ་མི་རུང་ན་འདི་ཉིད་ན་འདུག་གོ་སྙམ་བསམས་ནས་དེས་དེ་ལྟར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པའི་བར་དུ་རྒྱས་པར་བྱས་ཏེ།

དགེ་སློང་དག་བསླབ་པ་མ་ཕུལ་བསླབ་པ་ཉམས་པ་མ་བཤགས་པར་ཁྱིམ་པའི་ དངོས་པོར་གྱུར་ཏེ་མི་ཚངས་པར་སྤྱོད་པ་འཁྲིག་པའི་ཆོས་ལ་བསྟེན་ན་གང་ཟག་དེ་སླར་ཡང་རབ་ཏུ་འབྱུང་ཞིང་བསྙེན་པར་རྫོགས་པར་མི་རུང་གིས་དེ་བཞིན་དུ་བསླབ་པའི་གནས་བཤད་པར་བྱའོ། ། ཡང་དགེ་སློང་གང་བསླབ་པ་མ་ཕུལ་བསླབ་པ་ཉམས་པ་མ་བཤགས་བཞིན་དུ་མི་ཚངས་ པར་སྤྱོད་པ་འཁྲིག་པའི་ཆོས་བྱས་ན་དགེ་སློང་དེ་ཡང་ཕས་ཕམ་པ་ཡིན་གྱིས་ལྷན་ཅིག་མ་གནས་ཤིག ། དགེ་སློང་གཅིག་པུ་ཞིག་དགོན་པ་ན་འདུག་སྟེ་དེ་ལས་མི་རིང་བ་ཞིག་ན་བལ་གླང་མོ་ཞིག་ལ་བུ་བྱུང་སྟེ། བལ་གླང་མོ་དེ་ལས་བེའུ་མོ་ཞིག་བྱུང་ངོ་། ། དེའི་མ་དེ་ནི་ཟས་ལ་སོང་ནས་དགེ་ སློང་དེས་རྩྭ་བླངས་ཏེ་དེ་ལ་རྩྭ་བྱིན་ཆུ་བླུད་པ་དང་། དེས་དེ་འདུག་པ་ལ་མོ་མཚན་བྱེ་བར་མཐོང་སྟེ། དེས་དེ་མཐོང་ནས་ཆགས་པར་གྱུར་ཏེ་དེར་ལོག་པར་ཞུགས་པ་དང་། དེ་ངོ་ཚ་བའི་ཆོས་སུ་གྱུར་ནས། དེས་བདག་ཕས་ཕམ་པའི་ཉེས་པ་མ་བྱུང་གྲང་སྙམ་བསམས་ནས་ཐེ་ཚོམ་སྐྱེས་ཏེ། དེས་དེ་ལྟ་བུར་གྱུར་པ་དགེ་སློང་རྣམས་ལ་སྨྲས་པ་ནས་རྒྱས་པར་བརྗོད་དེ། བཅོམ་ལྡན་འདས་ཀྱིས་བཀའ་སྩལ་པ།

དགེ་སློང་དག་དེར་རེག་པར་མ་གྱུར་པས་ཕས་ཕམ་པའི་ཉེས་པ་ནི་མེད་ཀྱི་ཉེས་པ་སྦོམ་པོར་འགྱུར་རོ། ། ནམ་བལ་གླང་གི་ཕྲུ་གུ་དེ་ཆེན་པོར་གྱུར་པ་དང་། དེས་དེའི་ མོ་མཚན་མཐོང་སྟེ། དེས་དེ་མཐོང་ནས་ཆགས་པ་དང་། དེས་དེར་གཞུག་སྙམ་ནས་མོ་མཚན་གྱི་ཁར་བཙུགས་པ་དང་། དེས་དེ་ལ་ཕྲ་བ་ཅིག་བརྒྱབ་ནས་སྐྲག་པར་གྱུར་ཏེ། བདག་ལ་ཕས་ཕམ་པའི་ལྟུང་བ་མ་བྱུང་གྲང་སྙམ་བསམས་ནས། དེས་དེ་ལྟ་བུར་གྱུར་པ་རྒྱས་ པར་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྐྲག་པ་ལ་ནི་ཆགས་པ་མེད་པས་ཕས་ཕམ་པའི་ཉེས་པ་ནི་མེད་ཀྱི་ཉེས་པ་སྦོམ་པོར་འགྱུར་རོ། ། ཇི་ལྟར་བལ་གླང་མོ་བཞིན་དུ་རྒོད་མ་དང་། རྔ་མོ་དང་། {རི་དགས་,རི་དྭགས་}མོ་དང་། བོང་མོ་དང་། ལུག་མོ་ དང་། ཁྱི་མོ་དང་། ཕག་མོ་རྣམས་ཀྱང་དེ་བཞིན་ནོ། ། ། ། མདོར་ན། སྨྱོན་པར་གྱུར་དང་སེམས་འཁྲུགས་དང་། ། ནད་ཀྱིས་གཟིར་དང་མི་རྣམས་དང་། ། ལམ་མིན་ལམ་དུ་འདུ་ཤེས་དང་། ། ལམ་གསུམ་རབ་ཏུ་བསྒྲགས་པའོ། ། བཙུན་པ་བཅོམ་ལྡན་འདས་ ཀྱིས་སྨྱོན་པ་ལ་ནོངས་པ་མ་མཆིས་སོ་ཞེས་གསུངས་ན། ཇི་ཙམ་གྱིས་ན་སྨྱོན་པ་ཞེས་བགྱི། རྣམ་པ་ལྔས་སྨྱོན་པར་གྱུར་ཏེ།

གཉེན་བཤེས་ཟད་པ་དང་། ལོངས་སྤྱོད་ཟད་པ་དང་། ནོར་ཟད་པ་དང་། ཁམས་མ་མཉམ་པ་དང་། མི་མ་ཡིན་པས་བརླམས་པ་དང་། སྔོན་གྱི་ལས་ ཀྱི་རྣམ་པར་སྨིན་པ་སྟེ། རྣམ་པ་འདི་ལྔས་སྨྱོན་པར་འགྱུར་རོ། ། དེ་སྟེ་དགེ་སློང་གི་དངོས་པོར་ཤེས་ན་ནི་དངོས་པོ་ཇི་ལྟ་བ་བཞིན་ནོ། ། དེ་སྟེ་དགེ་སློང་གི་དངོས་པོར་མི་ཤེས་ན་སྨྱོན་པ་ལ་ཉེས་པ་མེད་དོ། ། བཙུན་པ་བཅོམ་ལྡན་འདས་ཀྱིས་སེམས་འཁྲུགས་པ་ལ་ནོངས་པ་མ་ མཆིས་སོ་ཞེས་གསུངས་ན། ཇི་ཙམ་གྱིས་ན་སེམས་འཁྲུགས་པ་ཞེས་བགྱི། རྣམ་པ་ལྔས་ནི་སེམས་འཁྲུགས་པ་ཞེས་བྱ་སྟེ། མི་མ་ཡིན་པས་དེའི་སེམས་འཁྲུགས་པ་དང་། མི་མ་ཡིན་པས་དེ་ལ་བརླམས་པ་དང་། མི་མ་ཡིན་པས་དེའི་མདངས་ཕྲོགས་པ་དང་། ཁམས་ མ་མཉམ་པ་དང་། སྔོན་གྱི་ལས་ཀྱི་རྣམ་པར་སྨིན་པ་སྟེ། རྣམ་པ་འདི་ལྔས་ནི་སེམས་འཁྲུགས་པ་ཞེས་བྱ་སྟེ་རྒྱས་པར་རོ། ། བཙུན་པ་བཅོམ་ལྡན་འདས་ཀྱིས་ནད་ཀྱིས་གཟིར་བ་ལ་ནོངས་པ་མ་མཆིས་སོ། ། ཞེས་གསུངས་ན། ཇི་ཙམ་གྱིས་ན་ནད་ཀྱིས་གཟིར་བ་ཞེས་བགྱི། རྣམ་ པ་ལྔས་ན་ནད་ཀྱིས་གཟིར་བ་ཞེས་བྱ་སྟེ། དེ་ལ་རླུང་གིས་བསྐྱོད་པ་དང་། མཁྲིས་པ་དང་། བད་ཀན་དང་། འདུས་པ་དང་། དུས་གྱུར་པ་རྣམས་ཏེ།

རྣམ་པ་འདི་ལྔ་ནི་ནད་ཀྱིས་གཟིར་བ་ཞེས་བྱའོ། ། དགེ་སློང་གིས་ལམ་ལ་ལམ་མ་ཡིན་པར་འདུ་ ཤེས་ནས་མི་ཚངས་པར་སྤྱོད་པ་འཁྲིག་པའི་ཆོས་བྱས་ཏེ། དགེ་སློང་དེ་ལ་བདག་ལ་ཕས་ཕམ་པའི་ཉེས་པ་མ་བྱུང་གྲང་སྙམ་བསམས་ཏེ་ཐེ་ཚོམ་སྐྱེས་ནས་དེས་དེ་ལྟར་གྱུར་པ་རྒྱས་པར་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལམ་ལ་ལམ་མ་ཡིན་པར་འདུ་ཤེས་ ན་ཕས་ཕམ་པར་འགྱུར་རོ། ། ལམ་ལ་ཐེ་ཚོམ་ཟ་བར་འདུ་ཤེས་ནའང་ཕས་ཕམ་པར་འགྱུར་རོ། ། ལམ་མ་ཡིན་པ་ལ་ལམ་དུ་འདུ་ཤེས་ན་ཉེས་པ་སྦོམ་པོར་འགྱུར་རོ། ། ལམ་མ་ཡིན་པ་ལ་ཐེ་ཚོམ་ཟ་ན་ཉེས་པ་སྦོམ་པོར་འགྱུར་རོ། ། ལམ་གསུམ་ལ་བཤང་བའི་ལམ་ དང་། གཅི་བའི་ལམ་དང་། ཁའི་ལམ་མོ། ། དགེ་སློང་གིས་གཅི་བའི་ལམ་དུ་དཀྲིས་ཁ་ཤུན་འདས་ན་ཕས་ཕམ་པར་འགྱུར་རོ། ། དགེ་སློང་གིས་བཤང་བའི་ལམ་དུ་དཀྲིས་རྐུབ་ཁ་འདས་ན་ཕས་ཕམ་པར་འགྱུར་རོ། ། དགེ་སློང་གིས་ཁའི་ལམ་དུ་དཀྲིས་སོ་འདས་ན་ཕས་ ཕམ་པར་འགྱུར་རོ། ། ། ། མདོར་ན། སྤྲེའུ་མོ་སེང་གེ་ཁྲུང་ཁྲུང་མོ། ། རྨ་བྱ་ཁྱིམ་བྱའང་དེ་བཞིན་ཏེ། ། མཚན་རིང་དང་ནི་རྒྱབ་གཉེན་དང་། ། ནན་དི་ཀ་དང་ཁ་གཉིས་སོ། ། ཉེས་པ་སྦོམ་པོ་བཞི་སྟེ། སྤྲེའུ་མོ་དང་།

མཚན་རིང་ནི་ཇི་ལྟར་རྣམ་པར་འབྱེད་པ་ལས་འབྱུང་བ་ བཞིན་ཏེ། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པར་འགྱུར་རོ། ། རྒྱབ་གཉེན་ཀྱང་ཕས་ཕམ་པར་འགྱུར་རོ། ། ནན་ད་ཀི་ལ་བསླབ་པ་བྱིན་པ་ཇི་ལྟར་འདུལ་བ་བཞིན་ནོ། ། དགེ་སློང་ཞིག་བླ་གབ་མེད་པར་འདུག་ནས་སྒྲེན་མོར་ཁྲུས་བྱེད་དེ། དེའི་ཉེ་གཡོག་ནི་མི་ བཞི་ཞིག་བྱེད་དེ་དེའི་ལུས་ལ་རེག་པས་ཕོ་མཚན་ལས་སུ་རུང་བར་གྱུར་ཏེ་འདོད་ཆགས་ཀུན་དུ་གནས་པ་དང་། དགེ་སློང་གཞན་ཞིག་མདུན་ན་འདུག་པར་གྱུར་པ་དེས་དེའི་ཕོ་མཚན་བདག་གི་ཁར་བཅུག་པ་དང་། དེས་ཀྱང་ལུས་བཏུད་དེ་ཁུ་བ་ཕྱུང་ནས་དགེ་སློང་དེ་ཐེ་ཚོམ་སྐྱེས་ནས་བདག་ ལ་ཕས་ཕམ་པའི་ཉེས་པ་མ་བྱུང་གྲང་སྙམ་དུ་བསམས་ཏེ། དེས་དེ་ལྟ་བུར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པའི་བར་དུ་རྒྱས་པར་བྱས་ཏེ། དེ་ལ་ཕས་ཕམ་པའི་ཉེས་པ་ནི་མེད་མོད་ཀྱི། བླ་གབ་མེད་པ་ལ་འགྲེང་ངམ་འདུག་ཀྱང་རུང་གཞན་ལས་བྱེད་པ་བདག་གིར་ མ་བྱེད་ཅིག ། དགེ་སློང་ཞིག་འདོད་ཆགས་ཀུན་དུ་གནས་པས་གཟིར་བ་དང་། དེ་ལ་དགེ་སློང་མཛའ་བོ་ཞིག་ཡོད་དེ་དེ་དེའི་དྲུང་དུ་སོང་ནས་དེས་ཚེ་དང་ལྡན་པ་འདོད་ཆགས་ཀྱིས་ཀུན་དུ་ཁེབས་ཤིང་གཟིར་ཏོ་ཞེས་སྨྲས་ན།

དེ་ན་རེ་སོང་ལ་མི་ཚངས་པར་སྤྱོད་ཅིག་ཅེས་བསྒོ་བ་དང་། དེ་ཡང་སོང་ནས་མི་ཚངས་པར་སྤྱོད་པ་བྱས་སོ། ། དེ་ལ་བསྒོ་བས་བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་ནི་མེད་ཀྱི་ཉེས་པ་སྦོམ་པོར་འགྱུར་རོ། ། སངས་རྒྱས་བཅོམ་ལྡན་ འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་ཉེས་པ་སྦོམ་པོར་ཇི་ལྟ་བ་མཐོལ་བར་བགྱི། ཨུ་པཱ་ལི་ཉེས་པ་སྦོམ་པོ་ནི་འདི་བཞི་སྟེ། ཕས་ཕམ་པ་ལས་བྱུང་བའི་ལྕི་བ་དང་། ཕས་ཕམ་པ་ལས་བྱུང་བ་ཡང་བ་དང་། དགེ་འདུན་གྱི་ལྷག་མ་ལས་བྱུང་བ་ ལྕི་བ་དང་། དགེ་འདུན་གྱི་ལྷག་མ་ལས་བྱུང་བ་ཡང་བ་རྣམས་ཏེ། དེ་ལ་ཨུ་པཱ་ལི་གང་ཕས་ཕམ་པ་ལས་བྱུང་བའི་ཉེས་པ་སྦོམ་པོ་ལྕི་བ་དེ་ནི་མཚམས་ཀྱི་ནང་དུ་དགེ་འདུན་ཐམས་ཅད་ཀྱི་མདུན་དུ་བཤགས་པར་བྱའོ། ། གང་ཕས་ཕམ་པ་ལས་བྱུང་བའི་ཡང་བ་དེ་ནི་ མཚམས་ཀྱི་ཕྱི་རོལ་དུ་དགེ་སློང་བཞིའི་མདུན་དུ་བཤགས་པར་བྱའོ། ། གང་དགེ་འདུན་གྱི་ལྷག་མ་ལས་བྱུང་བའི་ཉེས་པ་སྦོམ་པོ་ལྕི་བ་ནི་མཚམས་ཀྱི་ཕྱི་རོལ་དུ་དགེ་སློང་བཞིའི་མདུན་དུ་བཤགས་པར་བྱའོ། །

དགེ་འདུན་གྱི་ལྷག་མ་ལས་བྱུང་བའི་ཡང་བ་ནི་མཚམས་ཀྱི་ནང་དུ་ དགེ་སློང་གཅིག་གི་མདུན་དུ་བཤགས་པར་བྱའོ། ། ། ། མདོར་ན། གླལ་དང་ལས་སུ་རུང་བར་གྱུར། ། མ་དང་དུར་ཁྲོད་པ་དག་དང་། ། འོད་བཟང་དང་ནི་བཟང་སྐྱེས་དང་། ། ཤིན་ཏུ་བཟང་བ་སྨྱུགས་པ་དང་། ། རབ་ཏུ་བཟང་ཞེས་བྱ་བའོ། ། དགེ་སློང་གིས་མ་ བཀག་པར་གླལ་བ་དང་། འདོད་ཆགས་ཀྱིས་ཀུན་དུ་གཟིར་བའི་དགེ་སློང་ཞིག་དེའི་མདུན་ན་འདུག་པས་ཕོ་མཚན་དེའི་ཁར་བཅུག་ནས་དེས་ལུས་བཏུད་དེ་ཁུ་བ་ཕྱུང་ནས་དགེ་སློང་དེ་བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་པ་ དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་ནི་མ་བྱུང་མོད་ཀྱི། ད་ཕན་ཆད་དགེ་སློང་གིས་མ་བཀག་པར་གླལ་བར་མ་བྱེད་ཅིག ། གླལ་ན་ཉེས་བྱས་སུ་འགྱུར་རོ། ། དགེ་སློང་ཞིག་ཕོ་མཚན་སྒྲེང་བཞིན་ལས་སུ་རུང་བར་གྱུར་ནས་ དེས་བདག་གིས་མོ་མཚན་གྱི་ནང་དུ་བཅུག་ཀྱང་ཉེས་པར་མི་འགྱུར་རོ་སྙམ་དུ་བསམས་ཏེ། དེས་བུད་མེད་ཀྱི་མོ་མཚན་དུ་བཅུག་ནས་བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བཅུག་མ་ཐག་ཏུ་ ཕས་ཕམ་པར་འགྱུར་རོ། །

དགེ་སློང་ཞིག་འདོད་ཆགས་ཀྱིས་ཀུན་དུ་ཁེབས་ཤིང་གཟིར་བ་དང་། དེ་མའི་དྲུང་དུ་སོང་ནས་འདི་སྐད་དུ་མ་འདོད་ཆགས་ཀུན་དུ་གནས་པས་གཟིར་ཏོ་ཞེས་སྨྲས་པ་དང་། མ་ན་རེ་བུ་ཁྱོད་ནི་འདི་ཉིད་ནས་བྱུང་བ་ཡིན་གྱིས་དའང་འདི་ཉིད་དུ་ཆུག་ ཤིག་ཅེས་སྨྲས་པ་དང་། དེས་དེ་ཉིད་དུ་གཞུག་སྙམ་སྟེ་རྨ་ཁར་བཙུགས་ན་དེ་ངོ་ཚ་བའི་ཆོས་སུ་གྱུར་ཏེ། དགེ་སློང་དེ་བདག་ལ་ཕས་ཕམ་པའི་ཆོས་སུ་མ་གྱུར་གྲང་ཞེས་ཐེ་ཚོམ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ངོ་ཚ་བ་ནི་ཆགས་པ་མེད་པས་ཕས་ཕམ་ པའི་ཉེས་པ་མེད་མོད་ཀྱི། ཉེས་པ་སྦོམ་པོར་འགྱུར་རོ། ། དགེ་སློང་ཞིག་མི་རོ་ལ་བརྟག་པའི་ཕྱིར་དུར་ཁྲོད་དུ་སོང་བ་དང་། དེས་དེ་ན་བུད་མེད་རྒྱན་གྱིས་བརྒྱན་བཞིན་དུ་བོར་བའི་རོ་ཞིག་མཐོང་ངོ་། ། དེས་དེ་མཐོང་ནས་ཆགས་པའི་ཆོས་སྐྱེས་ཏེ། དེས་དེའི་ནང་དུ་གཞུག་ཅེས་ རྨ་ཁར་བཙུགས་པ་དང་དེའི་ནང་སྲིན་བུས་གང་ཞིང་འདུག་སྟེ། དགེ་སློང་དེ་བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཉམས་པ་དེ་ལ་རྣམ་པ་གཉིས་ཏེ། ནང་ཉམས་པ་དང་། ཕྱི་ཉམས་པ་སྟེ།

ཕས་ཕམ་པའི་ཉེས་པ་ནི་མེད་མོད་ཀྱི་ཉེས་པ་སྦོམ་པོར་འགྱུར་རོ། ། འོད་བཟང་མོ་ཞེས་བྱ་བའི་དགེ་བསྙེན་མ་ཞིག་ནུབ་མོ་དུས་བྱས་ནས་དེ་བརྒྱན་བཞིན་དུ་དུར་ཁྲོད་དུ་བོར་བ་དང་། དགེ་སློང་ཞིག་མི་རོ་ལ་བརྟག་པའི་ཕྱིར་དུར་ཁྲོད་དུ་སོང་བ་དེས་དེ་མཐོང་ནས་དེ་ལ་ཆགས་ པའི་ཆོས་སྐྱེས་ཏེ། དེས་དེའི་ནང་དུ་གཞུག་ཅེས་རྨ་ཁར་བཙུགས་པ་དང་དེ་ཡང་ལངས་ཏེ་འདུག་ནས་དགེ་སློང་དེ་འཇིགས་པར་གྱུར་ཏེ། བདག་ལ་ཕས་ཕམ་པའི་ཉེས་པ་མ་བྱུང་གྲང་ཞེས་ཐེ་ཚོམ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ འཇིགས་པ་ནི་ཆགས་པ་མེད་པས་ཕས་ཕམ་པའི་ཉེས་པ་ནི་མེད་མོད་ཀྱི་ཉེས་པ་སྦོམ་པོར་འགྱུར་རོ། ། ཁྱིམ་བདག་བཟང་སྐྱེས་ཞེས་བྱ་བའི་ཆུང་མ་དེའི་གྲོང་དུ་ཉེ་བར་འགྲོ་བ་དང་། དགེ་སློང་ཞིག་ཡོད་པ་དེ་དེར་སོང་ནས་དེ་ལ་འདི་སྐད་དུ་ཁྱིམ་བདག་གི་ཆུང་མ་འདོད་ཆགས་ཀྱིས་ ཁེབས་ཤིང་གཟིར་ཏོ་ཞེས་སྨྲས་པ་དང་། མོས་སྨྲས་པ། འོག་མར་སྨྱུགས་ལ་སྟེང་མར་ཁུ་བ་ཐོང་ཤིག ། སྟེང་མར་སྨྱུགས་ལ་འོག་མར་ཁུ་བ་ཐོང་ཤིག་དང་། དེ་ལ་ཁོ་མོས་མི་ཚངས་པར་སྤྱད་པར་མི་ཤེས་སོ་ཞེས་སྨྲས་པ་དང་། དེས་ཀྱང་འདི་སྙམ་དུ་བསམས་ཏེ། འདི་ནི་བཟང་ངོ་། །

འདི་ནི་ལེགས་སོ། ། དེ་ལྟ་བུར་ནི་རུང་ངོ་སྙམ་དུ་བསམས་ནས། འོག་མར་སྨྱུགས་ཏེ་སྟེང་མར་ཁུ་བ་བཏང་བ་དང་། དགེ་སློང་དེ་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། བཅུག་མ་ཐག་ཏུ་ཕས་ཕམ་པར་འགྱུར་རོ། ། ཤིན་ ཏུ་བཟང་མོའི་གླེང་གཞི་ནི་ཇི་ལྟར་རྣམ་པར་འབྱེད་པ་ལས་འབྱུང་བ་བཞིན་ནོ། ། རབ་ཏུ་བཟང་ཞེས་བྱ་བའི་དགེ་སློང་ཞིག་གཅིག་པུ་དགོན་པ་ལ་གནས་ཏེ། དེ་ནས་རྒྱང་མི་རིང་བ་ཞིག་ན་བྲམ་ཟེའི་ཞིང་ཞིག་ཡོད་དེ། བྲམ་ཟེ་དེ་ཞིང་ལ་རྟག་ཏུ་འོང་བ་མཐོང་སྟེ། དེ་མཐོང་ ནས་དད་པ་སྐྱེས་སོ། ། དེས་དེ་ཟན་ལ་མགྲོན་དུ་བོས་ནས་དེས་ཀྱང་དེ་ལ་ཁས་བླངས་སོ། ། དེས་ནང་པར་སྔར་ཟས་རྣམས་སྦྱར་ཏེ་བུ་མོ་ཆུང་ངུ་སྒྲེན་མོར་སྤྱད་པ་ཞིག་འབོད་དུ་བཏང་བ་དང་། དེས་དེའི་མོ་མཚན་མཐོང་ངོ་། ། དེས་མཐོང་ནས་ཆགས་པ་སྐྱེས་ཏེ་བྱས་པ་དང་། དེའི་མོ་མཚན་རལ་ནས་དེ་ཐེ་ཚོམ་སྐྱེས་ཏེ། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་མི་ཚངས་པར་སྤྱད་པས་དགའ་བ་ཚོར་ན་ནི་ཕས་ཕམ་པར་འགྱུར་རོ། ། དེ་སྟེ་མ་ཚོར་ན་ནི་ཉེས་པ་སྦོམ་པོར་འགྱུར་རོ། ། ། ། མདོར་ན། ལས་སུ་མི་ རུང་གཉིད་ལོག་ལ། ། གནོན་པ་དང་ནི་ར་རོ་དང་། །

ནད་ཀྱིས་གཟིར་དང་མི་འདོད་བཞིན། ། སྐྱེས་པ་དང་ནི་མ་ནིང་ངོ་། ། དགེ་སློང་ཞིག་རང་བཞིན་གྱིས་ཕོ་མཚན་ལས་སུ་མི་རུང་སྟེ། གང་ལས་སུ་རུང་བཞིན་དུ་བཅུག་ན་ཕས་ཕམ་པའི་ཉེས་པར་འགྱུར་གྱི་ལས་སུ་ མི་རུང་བཞིན་དུ་བཅུག་ན་ཉེས་པར་མི་འགྱུར་རོ་སྙམ་ནས། དེས་མ་བསྒྲེང་བཞིན་དུ་བཅུག་པ་དང་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་ནི་མེད་མོད་ཀྱི་ཉེས་པ་སྦོམ་པོར་འགྱུར་རོ། ། དགེ་སློང་གིས་བུད་མེད་གཉིད་ལོག་པ་ལ་ བྱས་པ་དང་། དགེ་སློང་དེ་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་ལག་པས་ནི་ལག་པར་རྐང་པས་ནི་རྐང་པར། བརླས་ནི་བརླར། འགྲོང་གིས་ནི་འགྲོང་ལ་འབྱར་ན་ཕས་ཕམ་པར་འགྱུར་རོ། ། མ་འབྱོར་ན་ནི་ཉེས་པ་སྦོམ་པོར་འགྱུར་རོ། ། ཇི་ལྟར་གཉིད་ལོག་པ་དེ་བཞིན་དུ་ར་རོ་བ་དང་། ནད་ཀྱིས་གཟིར་བ་དང་། མི་འདོད་བཞིན་པའོ། ། ཇི་ལྟར་བུད་མེད་ལ་རྣམ་པ་བཞིར་བརྗོད་པ་སྐྱེས་པ་དང་། མ་ནིང་ལ་ཡང་དེ་བཞིན་ནོ། ། ། ། འདུལ་བ་གཞུང་དམ་པ། བམ་པོ་ཉི་ཤུ་གཉིས་པ། མདོར་ན། རྣམ་པ་བཞི་དང་ལྔ་པ་དང་། ། ལས་རྣམས་ཀུན་དང་གཉིད་ལོག་མ། ། ལན་གཅིག་གསུམ་པ་བྱས་པ་དང་། །

བུད་མེད་སྐྱེས་པ་མ་ནིང་ངོ་། ། དགེ་སློང་ཉལ་བ་ལ་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་ སློང་ཁྱོད་ཀྱིས་ཅི་དགའ་བ་ཚོར་རམ། གསོལ་པ། དགའ་བ་ཚོར་རོ། ། བཅོམ་ལྡན་འདས་ཀྱིས་བཀའ་སྩལ་པ། ཤེས་སམ། སྨྲས་པ། འཚལ་བ་ནི་མ་མཆིས་ཏེ། བདག་གཡོས་པ་ཙམ་དུ་གྱུར་ཏོ། ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གཉིད་ཀྱིས་ ལོག་པ་གཡོས་པ་ཙམ་དུ་གྱུར་པ་ལ་ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། ། དགེ་སློང་ཞིག་ཉལ་བ་ན་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཁྱོད་ཀྱིས་ཅི་དགའ་བར་ཚོར་རམ། གསོལ་བ། དགའ་བར་མ་ཚོར་རོ། ། བཅོམ་ལྡན་འདས་ཀྱིས་བཀའ་སྩལ་པ། དགའ་བར་མ་ཚོར་ན་ཉེས་པ་མེད་དོ། ། དགེ་སློང་ཉལ་ཞིང་འདུག་པ་ན་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ ཅི་ཁྱོད་ཀྱིས་ཤེས་སམ། གསོལ་པ། མ་འཚལ་ཏོ། ། བཅོམ་ལྡན་འདས་ཀྱིས་བཀའ་སྩལ་པ། ཤེས་པ་མེད་ན་ཉེས་པ་མེད་དོ། ། དགེ་སློང་ཉལ་བ་ཞིག་འདུག་པ་ལ་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་།

བཅོམ་ལྡན་འདས་ཀྱིས་བཀའ་སྩལ་པ། ཅི་དགེ་སློང་ཁྱོད་ཀྱིས་ཤེས་པའམ། དགའ་བ་ཚོར་བ་ཡོད་དམ། གསོལ་པ། འཚལ་བའང་མ་མཆིས་དགའ་བར་ཚོར་བའང་མ་མཆིས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤེས་པ་མེད་པ་དང་། དགའ་བར་ཚོར་བ་མེད་པ་ལ་ཉེས་པ་མེད་དོ། ། དགེ་སློང་ལ་ཇི་ལྟ་བར་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལའང་དེ་བཞིན་ནོ། ། སྡིག་ཅན་གྱི་དགེ་སྦྱོང་གསུམ་པོས་བུད་མེད་བཟུང་སྟེ་ལམ་ཀུན་དུ་བྱས་ཀྱང་ཉེས་པར་མི་འགྱུར་རོ་ཞེས་སྨྲས་ནས་དེ་དག་གིས་དེའི་ལམ་ཀུན་དུ་བྱས་པ་དང་། དེ་ དག་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། བཅུག་མ་ཐག་ཏུ་ཕས་ཕམ་པར་འགྱུར་རོ། ། བུད་མེད་ལ་ཇི་ལྟ་བར་སྐྱེས་པ་དང་། མ་ནིང་ཐམས་ཅད་ལའང་དེ་བཞིན་ནོ། ། ། ། མདོར་ན། བུད་མེད་སྐྱེས་པ་མ་ནིང་དང་། ། སུན་ཕྱུང་དགའ་བ་མ་ ཚོར་དང་། ། དགོན་པ་གསུམ་དང་རབ་བྱུང་ལྔའོ། ། དགེ་སློང་ཞིག་ཉལ་བ་ལ་བུད་མེད་ཀྱིས་བྱས་ཏེ། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ། དགེ་སློང་ཅི་ཁྱོད་ཀྱིས་ཤེས་སམ། གསོལ་པ། མ་འཚལ་ཏོ། ། མི་ཤེས་པ་ལ་ཉེས་པ་ མེད་དོ། ། བུད་མེད་ལ་ཇི་ལྟ་བར་སྐྱེས་པ་དང་།

མ་ནིང་ལའང་དེ་བཞིན་ནོ། ། དགོན་པའི་དགེ་སློང་སྡིག་ཅན་གྱིས་དགེ་སློབ་མ་བྲིད་ནས་ཁྱོད་ནི་བསྙེན་པར་མ་རྫོགས་པས་མི་ཚངས་པར་སྤྱད་ན་བདག་ཅག་གཉི་ག་ལ་ཉེས་པར་མི་འགྱུར་རོ་ཞེས་སྨྲས་པ་ དང་། དེས་ཀྱང་ཁས་བླངས་སོ། ། དེས་ཁས་བླངས་ནས་འགྱོད་པ་སྐྱེས་པ་དང་། དེས་དེ་མ་དད་བཞིན་དུ་བྱས་ནས་དགེ་སློབ་མ་དེ་བདག་ནི་དགེ་སློབ་མ་མ་ཡིན་པར་མ་གྱུར་གྲང་སྙམ་དུ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བསླབ་པ་ཉམས་ ཀྱིས་སླར་ཡང་བྱིན་ཅིག་ཉེས་བྱས་སུ་འགྱུར་རོ། ། དགོན་པའི་སྡིག་ཅན་མས་དགེ་ཚུལ་ཕ་བྲིད་ནས་ཁྱོད་ནི་བསྙེན་པར་མ་རྫོགས་པས་མི་ཚངས་པར་སྤྱད་ཀྱང་བདག་ཅག་གཉིས་ཀ་ལ་ཉེས་པར་མི་འགྱུར་རོ་ཞེས་སྨྲས་ནས་རྒྱས་པར་ཏེ། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་ཕ་ལ་ཉེས་བྱས་སུ་འགྱུར་ཏེ། དགེ་ཚུལ་མ་ལའང་དེ་བཞིན་ནོ། ། དགོན་པའི་སྡིག་ཅན་མས་ལོར་མ་ལོན་པ་ལ་ཁྱོད་བསྙེན་པར་རྫོགས་ནས་རིང་པོར་མ་ལོན་གྱིས་མི་ཚངས་པར་སྤྱད་ཀྱང་བདག་ཅག་ལ་ཉེས་པར་མི་འགྱུར་རོ་ཞེས་སྨྲས་ནས། དེས་ཀྱང་དེ་ལ་ཁས་བླངས་ ཏེ། དེས་ཁས་བླངས་ནས་སླར་འགྱོད་པ་སྐྱེས་པ་དང་།

དེས་དེ་ལ་མ་དད་བཞིན་དུ་བྱས་ནས་དགེ་སློང་དེ་འདི་སྙམ་དུ་བདག་ལ་ཕས་ཕམ་པའི་ཉེས་པ་མ་བྱུང་གྲང་སྙམ་སྟེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགའ་བར་མ་ཚོར་བ་ལ་ཕས་ཕམ་ པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། ། དགེ་སློང་ཞིག་གིས་དགེ་སློང་ཞིག་ཉལ་བ་ལ་བྱས་པ་དང་། དགེ་སློང་དེས་ཐོག་མ་དང་། བར་མ་དང་། ཐ་མ་རྣམས་མ་ཤེས་ན་དགེ་སློང་གང་གིས་བྱས་པ་དེ་མ་རུང་བར་བྱོས་ཤིག ། རྒྱས་པར་ནི་རྣམ་པར་འབྱེད་ པ་ལས་ཇི་སྐད་འབྱུང་བ་བཞིན་ནོ། ། ། ། མདོར་ན། བཞི་པ་གཟུགས་བརྙན་ཀླུ་མོ་དང་། ། གནོད་སྦྱིན་ལྷ་མོ་དྲི་ཟ་མོའོ། ། ལྷ་མིན་{ཡི་དགས་,ཡི་དྭགས་}མི་ཟ་མོ། ། ཤ་ཟ་མོ་ཡང་དེ་བཞིན་ནོ། ། དགེ་སློང་ཞིག་གིས་ཤིང་གི་གཟུགས་བརྙན་བྱས་པ། གཟུགས་ལེགས་ པ། བལྟ་ན་སྡུག་པ། མཛེས་པ་ཞིག་མཐོང་སྟེ། དེ་མཐོང་བ་དང་འདོད་པའི་ཆོས་སྐྱེས་ནས་དེས་དེ་ཉིད་དུ་གཞུག་སྙམ་སྟེ་རྨ་ཁར་བཙུགས་པ་དང་། དེས་ཀྱང་ཕྱེ་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ སྟེ་ཡན་ལག་ཐམས་ཅད་དུ་རེག་པར་བྱས་ནས་ཕས་ཕམ་པར་འགྱུར་རོ། །

འོན་ཏེ་མོ་མཚན་སྤྲད་པ་ཙམ་གྱིས་ནི་ཉེས་པ་སྦོམ་པོར་འགྱུར་རོ། ། ཇི་ལྟར་ཤིང་ལས་བྱས་པ་དེ་བཞིན་དུ་ས་ལས་བྱས་པ་དང་། རྡོ་ལས་བྱས་པ་དང་། གོས་ལས་བྱས་པ་རྣམས་ཀྱང་དེ་ བཞིན་ནོ། ། ཀླུའི་བུ་མོ་ཞིག་དགེ་སློང་གི་དྲུང་དུ་འོངས་ནས་བཙུན་པ་མི་ཚངས་པར་སྤྱད་ཀྱིས་ཚུར་སྤྱོན་ཞེས་སྨྲས་པ་དང་། དེས་ཁས་བླངས་ནས་དེས་དེར་གཞུག་ཅེས་རྨ་ཁར་བཙུགས་པ་དང་། དེ་ཡང་ལུས་རིང་མོར་གྱུར་ནས་དགེ་སློང་དེ་འཇིགས་པར་གྱུར་ནས་འགྱོད་པ་ སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་འཇིགས་པ་ལ་ཆགས་པ་མེད་པས་ན་ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། ། དེ་བཞིན་དུ་གནོད་སྦྱིན་གྱི་བུ་མོའི་བར་དུ་རྒྱས་པར་བྱས་ཏེ་དེ་ཡང་མི་སྣང་བར་གྱུར་ནས་དགེ་སློང་དེ་འགྱོད་ པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། ། ལྷའི་བུ་མོ་དང་། དྲི་ཟའི་བུ་མོ་དང་། ལྷ་མ་ཡིན་གྱི་བུ་མོ་རྣམས་ཀྱང་དེ་བཞིན་དུ་རྒྱས་པར་ཏེ། ཇི་ལྟར་ཀླུའི་བུ་མོ་བཞིན་དུ་ལུས་ ཆེར་གྱུར་ནས། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ།

དགེ་སློང་འཇིགས་པ་ལ་ནི་འདོད་ཆགས་མེད་པས་ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། ། དེ་བཞིན་དུ་{ཡི་དགས་,ཡི་དྭགས་}ཀྱི་བུ་མོ་དེའི་མོ་མཚན་ཆེར་ གྱུར་པ་དང་། དེས་དེར་རྐང་པ་བཙུགས་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མད་དེ། ཉེས་པ་སྦོམ་པོར་འགྱུར་རོ། ། དགེ་སློང་གཅིག་པུ་དགོན་པ་ལ་གནས་པ་དང་། དེར་མི་ཟ་མོ་ཞིག་ འོངས་ཏེ། བཙུན་པ་མི་ཚངས་པར་སྤྱད་ཀྱིས་ཚུར་སྤྱོན་ཞེས་སྨྲས་ན་དགེ་སློང་དེ་ཚུལ་ཁྲིམས་དང་ལྡན་པས་སྤྲོ་བ་མ་སྐྱེས་པ་དང་། དེས་སྨྲས་པ། བཙུན་པ་སྤྲོ་བ་སྐྱེད་ཅིག་ཁྱོད་མ་རུང་བར་བྱས་ས་རེ། དེས་དེ་ལ་ཅི་དགའ་བ་བྱོས་ཤིག ། སྤྲོ་བ་མི་ བསྐྱེད་དོ་ཞེས་སྨྲས་པ་དང་། མོས་དགེ་སློང་དེ་ཉལ་བ་ལ་ཕྱར་བས་དཀྲིས་ཏེ། རྒྱལ་པོ་བཙུན་མོ་དང་ལྷན་ཅིག་ཏུ་གཟིམས་པའི་མཆན་དུ་བཅུག་པ་དང་། རྒྱལ་པོ་དེས་དགེ་སློང་དེ་མཐོང་ནས་ཁྱོད་འདིར་ཅི་ལ་འོངས། དེས་སྨྲས་པ། བདག་གཅིག་པུ་དགོན་པ་ན་གནས་ པ་དང་དེར་མི་ཟ་མོ་ཞིག་མཆིས་ནས་བདག་ལ་བཙུན་པ་མི་ཚངས་པར་སྤྱད་ཀྱིས་ཚུར་སྤྱོན་ཅེས་མཆི་ནས་བདག་གིས་སྤྲོ་བ་མ་སྐྱེད་པ་དང་།

དེས་བཙུན་པ་སྤྲོ་བ་སྐྱེད་ཅིག་ཁྱོད་མ་རུང་བར་བྱས་ས་རེ་ཞེས་མཆི་ནས། དེ་ལ་བདག་གིས་ཅི་དགའ་བར་བྱོས་ཤིག ། སྤྲོ་བ་ནི་མི་ སྐྱེད་དོ་ཞེས་དེ་སྐད་སྨྲས་པ་དང་། བདག་ཉལ་བ་ལ་དེས་ཕྱར་བས་དཀྲིས་ཏེ་འདིར་བཞག་གོ། ། རྒྱལ་པོས་བཙུན་པ་གང་དུ་འདི་ལྟ་བུར་འཇིགས་པར་འགྱུར་བ་དེ་ལྟ་བུའི་དགོན་པར་ཅིའི་ཕྱིར་གནས་ཞེས་སྨྲས་ནས་དགེ་སློང་བསྐྲད་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཕྱིན་ཆད་གང་དུ་འདི་ལྟར་འཇིགས་པར་འགྱུར་བ་དེ་ལྟ་བུའི་དགོན་པར་མ་གནས་ཤིག ། དེ་བཞིན་དུ་ཤ་ཟ་མོས་ཀྱང་བྱས་ཏེ། དེས་ཀྱང་ཉལ་བ་ལ་ཕྱར་བས་དཀྲིས་ནས་ཆང་འཚོང་བའི་སྤྱིལ་བུར་ བཅུག་གོ། ། ཆང་འཚོང་བ་དེས་སྤྱིལ་བུར་བལྟས་པ་དང་། དགེ་སློང་དེ་མཐོང་ནས་རྒྱས་པར་ནི་ཇི་ལྟར་མི་ཟ་མོས་བྱས་པ་བཞིན་ནོ། ། ། ། མདོར་ན། ཨུཏྤལ་ཁ་དོག་དགའ་བོ་དང་། ། ཕྲུག་གུ་གཉིས་དང་ཤ་སྣག་དང་། ། ཁྱི་མོ་ཝ་མོ་བྱ་རོག་མོ། ། མི་མ་ཡིན་དང་ཆུ་ རྒལ་དང་། ། ཉ་དང་སྲམ་དང་ཤིང་ཐུན་མོའོ། ། བཅོམ་ལྡན་འདས་མཉན་དུ་ཡོད་པ་ན་བཞུགས་སོ། །

དགེ་སློང་མ་ཨུ་པཱ་ལིའི་ཁ་དོག་མ་སྔ་དྲོ་ཤམ་ཐབས་བགོས་ཏེ་མཉན་དུ་ཡོད་པར་བསོད་སྙོམས་ལ་ཞུགས་པ་ནས། རྒྱས་པར་རྐང་པ་བཀྲུས་ཏེ་ནང་དུ་ཡང་དག་པར་འཇོག་ལ་ འཇུག་པའི་ཕྱིར་གནས་ཁང་དུ་ཞུགས་པ་དང་། སྒོ་ཕྱེ་སྟེ་འཕྲེས་ནས་ཚ་བའི་དུས་ལ་བབ་པས་གཉིད་ལོག་ཅིང་ཉལ་བ་དང་། གཡོན་ཅན་སྲང་ཕྲན་ནས་རྒྱུ་ཞིང་འདོང་བ་རྣམས་ཀྱིས་མཐོང་སྟེ་དེ་དག་གིས་ཉལ་བ་ལ་བྱས་སོ། ། དེ་དག་གིས་བྱས་ནས་དོང་བ་དང་དེ་ཡང་སད་ནས་ དགེ་སློང་མ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཕྱིན་ཆད་དགེ་སློང་མས་སྒོ་མ་བཅད་པར་མ་འཕྲེས་ཤིག་འཕྲེས་ན་ཉེས་བྱས་སུ་འགྱུར་རོ། ། དེ་བཞིན་དུ་སྙོམས་པར་ཞུགས་པ་ལ་བྱས་ན་ཡང་ཉེས་པ་མེད་དེ་ཕྱིན་ཆད་དགེ་སློང་མ་ སྒོ་མ་བཅད་པར་སྙོམས་པར་མ་འཇུག་ཤིག ། སྙོམས་པར་ཞུགས་ན་ཉེས་བྱས་སུ་འགྱུར་རོ། ། དགེ་སློང་ཞིག་མཉན་དུ་ཡོད་པར་བསོད་སྙོམས་ལ་ཞུགས་པ་དང་། དེ་ཁྱིམ་བདག་གི་ཁྱིམ་དུ་ཞུགས་པ་ཁྱིམ་བདག་དེའི་ཕག་གི་ཕྲུག་གུ་ཞིག་ཕུར་པ་ལ་བཏགས་པས་དེ་ ཕུར་པ་དེ་ལ་འཁོར་ཞིང་འདུག་པ་དང་། དགེ་སློང་དེས་སྙིང་རྗེ་སྐྱེས་ནས་དེ་ཕུར་པ་ལས་བཀྲོལ་ཏེ་བཏང་བ་དང་།

ཁྱིམ་བདག་དེས་དགེ་སློང་དེ་མཐོང་ནས་དེས་བརྒྱུགས་ཏེ། དགེ་སློང་དེའི་གོང་བ་ནས་བཟུང་སྟེ། ཁྱོད་ཀྱིས་ཁོ་བོའི་ཕག་གི་ཕྲུག་གུ་བཏང་བས་ན་ཁྱོད་ནི་རྐུ་ བའོ། ། ཁྱོད་ནི་གླེན་པའོ། ། ཁྱོད་ནི་དགེ་སྦྱོང་སྡིག་ཅན་ནོ་ཞེས་སྨྲས་པ་དང་། དེ་འདི་སྙམ་དུ་བདག་གིས་ཕག་གི་ཕྲུག་གུ་བཏང་བས་ན་བདག་ནི་རྐུ་བ། བདག་ནི་གླེན་པ། བདག་ནི་དགེ་སྦྱོང་སྡིག་ཅན་དུ་གྱུར་གྱིས་བདག་སོང་ལ་མི་ཚངས་པར་སྤྱད་དོ་སྙམ་དུ་བསམས་ནས་དེ་ སོང་སྟེ་མི་ཚངས་པར་སྤྱད་པ་བྱས་པ་དང་། དེས་འདི་སྙམ་དུ་དགེ་སློང་དག་ལ་དྲིས་ལ་དེ་སྟེ་བདག་རབ་ཏུ་ཕྱུང་ནས་བསྙེན་པར་རྫོགས་པ་འཆགས་ན་ནི་བདག་རབ་ཏུ་འབྱུང་ངོ་། ། མི་འཆགས་ན་ནི་འདི་ཉིད་དུ་གནས་སོ་སྙམ་དུ་བསམས་ནས། དེས་དེ་ལྟར་གྱུར་པ་དགེ་སློང་རྣམས་ ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔ་མ་ལ་ཉེས་པ་མེད་དེ། ཕྱི་མ་ནི་ཉེས་པར་གྱུར་ཏོ། ། དེ་ལྟར་བྱ་གག་གི་ཕྲུག་གུ་ཡང་དེ་བཞིན་ནོ། ། ཁྱིམ་བདག་ཅིག་གིས་ཤ་སྣག་གུ་ཞིག་ཁྱེར་ཏེ་ སོང་བ་བྱ་འོལ་བས་ཕྲོགས་ཏེ་ཁྱེར་ནས་ཤ་སྣག་གུ་དེ་འོལ་བའི་ཁ་ནས་ཤོར་ཏེ།

དགེ་སློང་བསོད་སྙོམས་ལ་སྤྱོད་པ་དེའི་ལྷུང་བཟེད་དུ་ལྷུང་ངོ་། ། ཁྱིམ་བདག་དེས་ཤ་སྣག་གུ་དེ་དགེ་སློང་དེའི་ལྷུང་བཟེད་ན་འདུག་པ་མཐོང་བ་དང་། དེས་དགེ་སློང་དེའི་གོང་བ་ ནས་བཟུང་སྟེ། ཁོ་བོའི་ཤ་སྣག་གུ་དེ་འོལ་བས་ཁྱེར་བ་ལ་ཁྱོད་ཀྱི་ལྷུང་བཟེད་ནས་ཟིན་པས་ན་ཁྱོད་ནི་རྐུ་བའོ། ། ཁྱོད་ནི་གླེན་པའོ། ། ཁྱོད་ནི་དགེ་སྦྱོང་སྡིག་ཅན་ནོ་ཞེས་སྨྲས་པ་དང་། དེ་འདི་སྙམ་དུ་འདིའི་ཤ་སྣག་གུ་དེ་བདག་གི་ལྷུང་བཟེད་ནས་ཟིན་པས་ན་བདག་ནི་རྐུ་བའོ། ། བདག་ནི་གླེན་ པའོ། ། བདག་ནི་དགེ་སྦྱོང་སྡིག་ཅན་དུ་གྱུར་གྱིས་བདག་སོང་ལ་མི་ཚངས་པར་སྤྱད་པར་བྱའོ་སྙམ་དུ་བསམས་སོ། ། རྒྱས་པར་ནི་ཇི་ལྟར་ཕག་གི་ཕྲུག་གུ་བཞིན་ནོ། ། དགེ་སློང་ཞིག་གིས་ཁྱི་མོའི་མདུན་དུ་གཅི་བ་བྱས་པ་དང་། དེས་དེའི་ཕོ་མཚན་ཁར་བཅུག་ནས་དེས་ཁུ་བ་ཕྱུང་སྟེ་ལུས་ ཀྱང་བཏུད་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཕྱིན་ཆད་དགེ་སློང་གིས་ཁྱི་མོའི་མདུན་དུ་གཅི་བ་མ་བྱེད་ཅིག ། ཡང་ན་དེ་སྐྲོད་ཅིག ། ཡང་ན་གུད་དུ་སོང་ཤིག །

དགེ་སློང་ཞིག་འཆག་པ་ན་ཝ་མོ་ཞིག་སྒྲ་འབྱིན་ ཅིང་ཕྱག་དར་ཁྲོད་ཀྱི་གོས་འདྲལ་ལོ། ། དེ་ནས་དེ་འདི་སྙམ་དུ་བདག་གི་ཕྱག་དར་ཁྲོད་ཀྱི་གོས་འདྲལ་བ་དེ་སུ་ཡིན་པ་སོང་སྟེ་བལྟའོ་སྙམ་བསམས་ནས་དེ་ཕྱག་དར་ཁྲོད་ཀྱིས་དཀྲིས་ཏེ་འདུག་པ་དང་། ཝ་མོ་དེ་ཡང་འོངས་ནས་དགེ་སློང་དེ་སྟེང་དུ་ཞོན་པ་དང་། དེས་ཕྱག་དར་ཁྲོད་ཀྱི་གོས་ ཀྱིས་ཝ་དེ་དཀྲིས་ཏེ་བཟུང་ནས་དེ་འདི་སྙམ་དུ་ཝ་འདི་ཕོའམ་མོ་ཡིན་པ་བལྟའོ་ཞེས་བསམས་ནས་དེས་དེའི་མོ་མཚན་མཐོང་ངོ་། ། དེས་མཐོང་ནས་འདོད་པའི་ཆོས་སྐྱེས་ཏེ། དེས་དེ་ཉིད་ཀྱི་ནང་དུ་གཞུག་གོ་སྙམ་དུ་བསམས་ནས་རྨ་ཁར་བཙུགས་པ་དང་། མོས་སླར་ལོག་སྟེ་སོས་བཏབ་ ནས་དགེ་སློང་དེ་སྐྲག་པར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་སྐྲག་པ་ལ་ཕས་ཕམ་པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། ། དགེ་སློང་གཅིག་པུ་ནགས་སྟུག་པོ་ན་གནས་པ་དང་། དེ་དེ་ནས་མི་འམ་ཅི་མོས་ཁྲིད་ནས་དེ་བྲག་ཕུག་ཏུ་བཅུག་སྟེ། དེས་ཅི་ནས་ཀྱང་འདུ་ཤེས་གྱུར་པ་དེ་ལྟར་བྱས་སོ། ། དེས་དེ་འདུ་ཤེས་བསྒྱུར་ཏེ་སྤྱོད་ཡུལ་གྱི་ཕྱིར་སོང་བ་དང་། དགེ་སློང་དེ་འདུ་ཤེས་ཐོབ་ནས་དེ་གནས་དེ་ནས་ལངས་ཏེ་བྲོས་སོ།

། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་ པ་མེད་དེ། ཕྱིན་ཆད་དགེ་སློང་གིས་གང་དུ་འདི་ལྟ་བུར་འཇིགས་པར་འགྱུར་བའི་དགོན་པར་མ་གནས་ཤིག ། དགེ་སློང་ཞིག་སྒྲེན་མོར་ཀླུང་རྒལ་བ་ལས་དེའི་ཕོ་མཚན་ཉས་བཟུང་བ་དང་། དེས་ཀྱང་ལུས་བཏུད་དེ་ཁུ་བ་ཕྱུང་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཕྱིན་ཆད་འདི་ལྟར་བུར་འཇིགས་པར་འགྱུར་བའི་ཀླུང་གང་ཡིན་པ་ལ་སྒྲེན་མོར་མ་རྒལ་ཅིག ། བུད་མེད་ཅིག་སྒྲེན་མོར་ཤིང་ཐགས་ཀྱི་ནང་ན་ཁུ་ལེ་ལྟ་བུས་ཆུ་ཆུ་ཞིང་འདུག་པ་ལ་དགེ་སློང་ཞིག་གིས་ཤིང་ཐགས་ཀྱི་ བསེབ་ནས་དེའི་མོ་མཚན་མཐོང་ངོ་། ། དེས་མཐོང་ནས་ཆགས་པ་དང་། དེའི་མོ་མཚན་ལ་དེའི་ཕོ་མཚན་གྱིས་རེག་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། ། བཅོམ་ལྡན་འདས་མཉན་དུ་ཡོད་པའི་ཛེ་ཏའི་ ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དགེ་སློང་དག་གིས་བྱ་བ་བྱས་ནས་འཆག་ཅིང་ཉིན་པར་སྤྱོད་པའི་གནས་སུ་སོང་སྟེ། དེས་དེར་སྟན་བཏིང་ནས་སྐྱིལ་མོ་ཀྲུང་བཅས་ཏེ་འདུག་པ་དང་།

ཚ་བའི་དུས་ལ་བབ་པས་དེས་དེར་འཕྲེས་ཏེ་ཉལ་བ་དང་གཉིད་ ཀྱིས་ལོག་གོ། ། དེ་ཉལ་བ་ན་ཤམ་ཐབས་སྙིལ་ནས་ཕོ་མཚན་ལས་སུ་རུང་བར་གྱུར་ཏེ། བུད་མེད་ཤིང་ཐུན་མ་ཞིག་ཤིང་ཚོལ་ཞིང་གནས་དེར་འོངས་པ་དང་། དགེ་སློང་དེ་མི་སྡུག་པར་ཉལ་བ་མཐོང་ངོ་། ། དེས་མཐོང་ནས་ཤིན་ཏུ་ཆགས་ཏེ་དེས་དགེ་སློང་དེ་ལ་ཉལ་པོ་བྱས་སོ། ། ཉལ་པོ་བྱས་ ནས་དེ་སོང་བ་དང་། དགེ་སློང་དེ་ཡང་སད་ནས་དེས་འཕགས་པ་བདག་གི་ཁྱིམ་འདི་ཞེས་བགྱི་བ་ན་མཆིས་ཀྱིས་དེ་སྟེ་ཡང་བཞེད་ན་དེར་སྤྱོན་ཅིག་ཅེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཅི་ཁྱོད་ཀྱིས་ཤེས་སམ། གསོལ་པ་མ་ འཚལ་ཏོ། ། མི་ཤེས་ན་ཉེས་པ་མེད་དེ། བླ་གབ་མེད་པར་གཅིག་པུ་འཕྲེས་ཏེ་མ་འདུག་ཤིག ། འདུག་ན་ཉེས་བྱས་སུ་འགྱུར་རོ། ། ། ། མདོར་ན། ས་ཀེ་མ་ཡི་རྩྭ་རྔ་དང་། ། ཙམ་པ་ཡ་ཡི་རྒྱུ་ལྔ་དང་། ། རྒྱལ་པོའི་ཁབ་ན་སྨན་དཔྱད་དང་། ། བྷ་རུ་ཀད་ཙའི་སྨད་འཚོང་མའོ། ། བཅོམ་ལྡན་འདས་ཀེ་ཏའི་ཤིང་པ་ལ་ཤའི་ནགས་ན་བཞུགས་སོ། ། དེ་ནས་དགེ་སློང་གཞན་ཞིག་ལ་རྩྭ་རྔ་མ་ཞིག་གིས་རྒྱས་པར་ནི་ཇི་ལྟར་ཤིང་ཐུན་མ་བཞིན་ནོ། །

གྲོང་ཁྱེར་ཙམ་པར་ནད་གཡན་པས་བཏབ་པ་དང་རྒྱུ་ལྔ་དང་རྐྱེན་ལྔས་ཕོ་ མཚན་ལས་སུ་རུང་བར་འགྱུར་ཏེ། རྣམ་པར་འབྱེད་པ་ལས་ཇི་སྐད་འབྱུང་བ་བཞིན་ནོ། ། བཅོམ་ལྡན་འདས་རྒྱལ་པོའི་ཁབ་ན་བཞུགས་སོ། ། དགེ་སློང་ཞིག་ཕོ་མཚན་ནད་ཀྱིས་གཟིར་བ་དང་། འཚོ་བྱེད་ཀྱི་ཕོ་མཚན་ཡང་ནད་ཀྱིས་གཟིར་བར་གྱུར་པ་ན་དེས་བུད་མེད་ཀྱི་ཁར་ བཅུག་པ་དང་དེ་ནས་དེ་ལས་ཐར་ཏོ་ཞེས་དེས་ཐོས་ནས། དེས་འདི་སྙམ་དུ་བཅོམ་ལྡན་འདས་ཀྱིས་ནད་པའི་སྨན་དཔྱད་དུ་གནང་གིས་བུད་མེད་ཀྱི་ཁར་གཞུག་གོ་སྙམ་དུ་བསམས་ཏེ། དེས་བུད་མེད་ཀྱི་ཁར་བཅུག་ནས་ནད་དེ་ལས་ཐར་བ་དང་དགེ་སློང་དེ་འགྱོད་པ་སྐྱེས་ནས། བཅོམ་ལྡན་ འདས་ཀྱིས་བཀའ་སྩལ་པ། བཅུག་མ་ཐག་ཏུ་ཕས་ཕམ་པར་འགྱུར་རོ། ། ཡུལ་བྷ་རུ་ཀད་ཙའི་སྨད་འཚོང་ཞིག་གི་ཁྱིམ་དུ་རྐུན་པོ་གཅིག་ཅིག་གནས་ཏེ། དེ་དེ་ནས་བྱུང་ཞིང་མི་དེ་དག་ལ་གནོད་པ་བྱེད་པ་དང་། དེ་དག་གིས་རྒྱལ་པོ་ལ་གསོལ་ནས་རྒྱལ་པོས་སྨད་འཚོང་མ་བོས་ནས་ ཅི་ཁྱོད་ཀྱི་ཁྱིམ་ན་རྐུན་པོ་གནས་སམ་ཞེས་དྲིས་པ་དང་། ལྷ་སུ་ཡང་མ་མཆིས་སོ། ། དེ་སྟེ་བཙལ་ཏེ་རྙེད་ན་ནི་ཁྱོད་ཀྱིས་བཅབས་ཏེ་སྦས་པས་ཆད་པས་གཅད་དོ། །

མི་དེ་དག་གིས་རྐུན་པོ་དེ་བཟུང་སྟེ་ཁྲིད་ནས་རྒྱལ་པོ་ལ་གསོལ་བ་དང་། རྒྱལ་པོས་བཀའ་སྩལ་པ། ཁྱོད་སོང་ལ་སྨད་ འཚོང་མ་འདི་རྐང་པའི་མཁྲིག་མ་ནས་འབྲིང་པས་ཐོགས་ལ་ལྟག་པར་སྦྲེལ་ཏེ་དུར་ཁྲོད་དུ་འོར་ཅིག ། སུ་གང་ཞིག་གིས་འདི་བཏང་ན་དེ་སྟེ་ཆད་པ་འདི་ཉིད་ཀྱིས་བཅད་དོ། ། དེ་སྟེ་གསོན་ན་ནི་ཁྱི་རྣམས་ལ་སྦྱིན་ནོ། ། དེ་དག་གིས་དེའི་རྐང་པའི་མཁྲིག་མ་ནས་འབྲིང་པས་བཏགས་ནས་ལྟག་ པར་སྦྲེལ་ཏེ་དུར་ཁྲོར་དུ་བོར་བ་དང་། དགེ་སློང་ཞིག་དུར་ཁྲོད་ན་མི་རོ་ལ་རྟོག་ཅིང་འདུག་པ་དེས་མཐོང་སྟེ་འདོད་པའི་ཆོས་སྐྱེས་ནས་དེ་ནས་འདི་ལྟར་དེ་ཉིད་དུ་གཞུག་སྙམ་སྟེ་རྨ་ཁར་བཙུགས་པ་དང་། དེ་ལངས་ཏེ་འདུག་ནས། བཙུན་པ་སྔོན་དུ་ཆུ་ཅིག་སྩོལ་ཅིག་ཅེས་སྨྲས་པ་དང་། དེས་དེ་ལ་ཆུ་བླུད་ནས། དེས་སྨྲས་པ། བཙུན་པ་ཁོ་མོའི་ལུས་དང་མངལ་མི་གཙང་བ་འདི་ཅིར་དགོས། དེས་དེ་ནས་གནངས་ཀྱི་བར་དུ་བཟུང་བ་དང་དེའི་གཉེན་བཤེས་རྣམས་འོང་བ་དགེ་སློང་དེས་རྒྱང་ནས་མཐོང་སྟེ་ངོ་ཚ་བས་ཕྱོགས་གཅིག་ཏུ་སོང་བ་དང་། དེས་གཉེན་བཤེས་ དེ་དག་ལ་སྨྲས་པ།

ཁོ་མོ་འདི་ལྟར་ཅུང་ཟད་འཚོ་བ་དེ་ཐམས་ཅད་དགེ་སློང་འདིའི་མཐུ་ཡིན་གྱིས་དེ་བོས་ཤིག་ཅེས་དེས་སྨྲས་པ་དང་། དེ་དག་གིས་བོས་ནས་དེས་སྨྲས་པ། བཙུན་པ་ཁོ་མོ་ཅུང་ཟད་འཚོ་བ་དེ་ཐམས་ཅད་ནི་ཁྱོད་ཀྱི་དྲིན་ཏེ་འདི་དག་ནི་ཁོ་མོའི་གཉེན་བཤེས་ལགས་ ན་འདི་དག་གིས་གསོས་ཏེ་སོས་དང་དེ་སྟེ་ཁོ་མོ་ལ་བགྱི་བ་མཆིས་ན་ཁྱིམ་འདི་ན་མཆིས་ཀྱིས་དེར་སྤྱོན་ཅིག་ཅེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། ། ། ། མདོར་ ན། བལ་གླང་ནང་དང་ཁྲོན་པ་དང་། ། རེག་དང་གྲུ་ཡང་ནུབ་པ་དང་། ། སྐྱེས་པ་དག་དང་སེར་སྐྱ་དང་། ། བུད་མེད་བུ་དང་སེར་སྐྱ་དང་། ། བཟང་སྐྱེས་ནོར་ཅན་ཕོ་བྲང་སྐྱོང་། ། དགེ་སློང་ཕོ་བྲང་འཁོར་སྐྱོང་བལ་གླང་གི་ནང་དུ་སོང་བ་དང་། དེ་གླང་མི་སྲུན་པས་བརྡུངས་ནས་ བུད་མེད་ཀྱི་སྟེང་དུ་འགྱེལ་བ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤེས་པར་བྱོས་ལ་བལ་གླང་གི་ནང་དུ་སོང་ཤིག ། དགེ་སློང་ཞིག་ཁྲོན་པ་ཞིགས་པ་ཞིག་ཏུ་བལྟས་པ་དང་།

དེར་ལྷུང་ནས་དེར་སྔར་ཡང་བུད་མེད་ཅིག་ ལྷུང་བ་དེའི་མགུལ་ནས་འཇུས་སོ། ། ཁྱིམ་བདག་དག་གིས་ཐག་པ་བླངས་ཏེ་དགེ་སློང་དེ་ཕྱུང་བ་དང་། དེའི་མགུལ་ནས་བུད་མེད་ཅིག་གིས་འཇུས་པར་མཐོང་ནས་དེ་དག་གིས་བུད་མེད་ཁྱོད་ག་ལས་འོངས་ཞེས་སྨྲས་པ་དང་། དགེ་སློང་གིས་འདི་ནི་སྔར་ལྷུང་བ་ཁོ་བོའི་མགུལ་ནས་ འཇུས་སོ་ཞེས་སྨྲས་ནས། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། བག་ཡོད་པར་བྱོས་ལ་ཁྲོན་པར་ལྟོས་ཤིག ། དགེ་སློང་ཞིག་བསོད་སྙོམས་སྤྱོད་པ་ལས་སྒོ་ཁང་དོག་པ་ཞིག་ནས་ བྱུང་བ་དང་བུད་མེད་ཅིག་ཀྱང་ནང་དུ་འཇུག་པ་དེའི་མོ་མཚན་གྱིས་དེའི་ཕོ་མཚན་ལ་རེག་པ་དང་། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། བག་ཡོད་པར་བྱོས་ལ་གྲོང་དུ་བསོད་སྙོམས་སྤྱོད་ཅིག ། དགེ་སློང་ཞིག་ གྲུ་ལས་ཀླུང་རྒལ་བ་ན་གྲུ་དེ་ནུབ་པ་དང་། བུད་མེད་ཅིག་ཀྱང་དེ་ན་ཡོད་དེ། དེས་དེའི་མགུལ་ནས་འཇུས་སོ། ། དགེ་སློང་རྒལ་བ་དང་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། བག་ཡོད་པར་བྱོས་ལ་ཀླུང་རྒོལ་ཅིག །

སྐྱེས་ པ་སེར་སྐྱ་ཞེས་བྱ་བ་ཞིག་དགེ་སློང་མའི་དྲུང་དུ་སོང་སྟེ་འདི་སྐད་དུ་འཕགས་མ་བདག་རབ་ཏུ་ཕྱུང་ཤིག་ཅེས་སྨྲས་པ་དང་། དེ་དེ་དག་གིས་མ་བརྟགས་པར་རབ་ཏུ་ཕྱུང་སྟེ། དེས་དགེ་སློང་མ་ལ་རེག་པ་དང་། དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་རབ་ཏུ་དབྱུང་བར་བྱོས་ཤིག ། སྦོམ་མོ་དགའ་ལྡན་མོ་ཡང་རྒྱས་པར་གཞན་གྱི་བུ་བོར་བ་བཞིན་ནོ། ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མས་བུ་དོར་བར་མ་བྱེད་ཅིག ། བོར་ན་ཉེས་པ་སྦོམ་པོར་འགྱུར་རོ། སེར་སྐྱ་བཟང་ མོའི་གླེང་གཞི་རྒྱས་པར་བྱས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བཟང་མོ་ཇི་ཁྱོད་ཀྱིས་དགའ་བ་ཚོར་རམ། བཙུན་པ་བདག་གིས་དགའ་བ་ལྟ་ག་ལ་ཚོར་གྱི་ཇི་ལྟར་ཐོང་ལྕགས་བསྲེགས་པ་བཞིན་ནོ། ། བཅོམ་ལྡན་འདས་ཀྱིས་བཀའ་སྩལ་པ། བུད་མེད་ ཀྱི་མོ་མཚན་གྱི་ཕྱོགས་ནི་ལས་རྣམ་པར་སྨིན་པ་ལས་སྐྱེས་ཏེ། ནན་གྱིས་བྱས་པ་ལ་ཉེས་པ་མེད་དོ། །

དགེ་སློང་མ་བཟང་མོ་སྐྱེས་ཞེས་བྱ་བ་དེ་གཡོན་ཅན་རྣམས་ཀྱིས་བཟུང་ནས་ཁ་བཀབ་སྟེ་ནགས་སྟུག་པོར་ཁྲིད་ནས་སུན་ཕྱུང་སྟེ་སླར་བཏང་བ་ལས་དགེ་སློང་མ་དག་གིས་གནས་ ནས་བསྐྲད་པ་དང་། དེས་སྨྲས་པ། འཕགས་མ་བདག་གིས་ནི་དགའ་བར་མ་ཚོར་རོ། ། ཁྱོད་གཡོན་ཅན་གྱིས་བཟུང་སྟེ་ནགས་སྟུག་པོར་ཁྲིད་ནས་སུན་ཕྱུང་སྟེ་སླར་བཏང་བ་ཡིན་ན་ཅིའི་ཕྱིར་དགའ་བར་མ་ཚོར། དེ་ལྟར་གྱུར་པ་དགེ་སློང་མ་རྣམས་ཀྱིས་དགེ་སློང་ ཕ་རྣམས་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། ཅི་ཁྱོད་ཀྱིས་དགའ་བར་ཚོར་རམ། བཙུན་པ་བདག་འགྲེས་ལྡོགས་སུག་པ་གཡབས་ན་དགའ་བར་ལྟ་ག་ལ་ཚོར་ཞེས་གསོལ་བ་དང་། བཅོམ་ ལྡན་འདས་ཀྱིས་བཀའ་སྩལ་པ། དགེ་སློང་དག་བུད་མེད་ཀྱི་མོ་མཚན་གྱི་ཕྱོགས་ནི་ལས་རྣམ་པར་སྨིན་པ་ལས་སྐྱེས་ཏེ། འགྲོ་བ་དང་། ལྡོག་པ་དང་། ལག་པ་གཡོབ་པ་ལ་ནི་ནན་གྱིས་བཟུང་བ་ཞེས་བྱ་སྟེ། ནན་གྱིས་བཟུང་བ་ལ་ནི་ཉེས་པ་མེད་དོ། ། དགེ་སློང་མ་ ནོར་ཅན་མོ་ཞེས་བྱ་བ་ཞིག་མཉན་དུ་ཡོད་པར་བསོད་སྙོམས་སྤྱོད་པ་ན་གཡོན་ཅན་རྣམས་ཀྱིས་བཟུང་སྟེ་ནགས་སྟུག་པོར་ཁྲིད་ནས་སུན་ཕྱུང་སྟེ་བཏང་བ་དང་།

དེ་དགེ་སློང་མ་དག་གིས་གནས་ནས་བསྐྲད་ནས་འཕགས་མ་བདག་གིས་དགའ་བར་མ་ཚོར་རོ་ཞེས་སྨྲས་པ་དང་། ཁྱོད་གཡོན་ཅན་རྣམས་ཀྱིས་བཅིངས་ཏེ་ནགས་སྟུག་པོར་ཁྲིད་ནས་སུན་ཕྱུང་སྟེ་བཏང་བ་ཡིན་ན་ཅིའི་ཕྱིར་དགའ་བར་མ་ཚོར། དེ་ལྟར་གྱུར་པ་དགེ་སློང་མ་དག་གིས་དགེ་སློང་དག་ལ་སྨྲས་པ་དང་། དགེ་སློང་དག་གིས་ཀྱང་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་ བཀའ་སྩལ་པ། ཅི་ཁྱོད་ཀྱིས་དགའ་བར་ཚོར་རམ། བཙུན་པ་བདག་གིས་ངུས་ནས་བོས་བགྲོགས་ཏེ་བདག་ལ་མ་འཛིན་ཅིག་ཅེས་སྨྲས་ན་དགའ་བར་ལྟ་ག་ལ་ཚོར། བཅོམ་ལྡན་འདས་ཀྱིས་བཀའ་སྩལ་པ། བུད་མེད་ཀྱི་མོ་མཚན་གྱི་ཕྱོགས་ནི་ལས་རྣམ་པར་སྨིན་པ་ལས་ སྐྱེས་ཏེ། ངུ་བཞིན་པ་ནི་ནན་གྱིས་བཟུང་བ་ཞེས་བྱ། བོས་བགྲོགས་ནས་བདག་ལ་མ་འཛིན་ཅིག་ཅེས་སྨྲ་བ་ནི་ནན་གྱིས་བཟུང་བ་ཞེས་བྱ་སྟེ། ནན་གྱིས་བཟུང་བ་ལ་ཉེས་པ་མེད་དོ། ། དགེ་སློང་མ་ཕོ་བྲང་སྐྱོང་ཞེས་བྱ་བ་ཞིག་མཉན་དུ་ཡོད་པར་བསོད་སྙོམས་སྤྱོད་པ་ན་གཡོན་ ཅན་རྣམས་ཀྱིས་བཟུང་སྟེ་ནགས་སྟུག་པོར་ཁྲིད་ནས་སུན་ཕྱུང་སྟེ་བཏང་བ་ལ་དེ་དགེ་སློང་མ་དག་གིས་གནས་ནས་བསྐྲད་པ་དང་། དེས་སྨྲས་པ། བདག་གིས་དགའ་བར་ནི་མ་ཚོར་རོ། །

འོ་ན་ཀུན་དགའ་བོའི་དྲུང་དུ་སོང་ཤིག་ཅེས་སྨྲས་ནས། དེ་དེའི་དྲུང་དུ་སོང་བ་དང་། གནས་བརྟན་གྱིས་ཀྱང་མཐོང་ནས་དེས་གུས་པའི་ཚིག་ཏུ་མ་སྨྲས་པ་དང་། གནས་བརྟན་གྱིས་ཀྱང་བསྐྲད་ནས་དེ་འདི་སྙམ་དུ་བདག་འདི་འདྲ་བར་འཚོ་ཞིང་འདུག་པ་བས་སོང་ལ་བུམ་པ་བྱེ་མས་བཀང་བ་མགུལ་དུ་བཏགས་ཏེ་ཀླུང་ཨ་ཛི་ར་བ་ཏི་ར་ མཆོང་ངོ་སྙམ་དུ་བསམས་ནས། དེས་བུམ་པ་བྱེ་མས་བཀང་བ་མགུལ་དུ་བཏགས་ཏེ་ཀླུང་ཨ་ཛི་ར་བ་ཏི་ར་མཆོངས་པ་དང་། ཐ་གུ་ངན་པ་ཞིག་པས་ཆད་དེ་བྱིང་ཞིང་ནུབ་པ་གཡོན་ཅན་རྣམས་ཀྱིས་མཐོང་ནས། དེ་དག་གིས་ཕྱུང་སྟེ་བཞག་ནས་ནམ་འདུ་ཤེས་སླར་རྙེད་པ་ དང་། དེ་ལ་སུན་འབྱིན་ཏོ། ། དགེ་སློང་མ་དག་ཀྱང་ཚོལ་ཞིང་གནས་དེར་ལྷགས་པ་དང་། དེ་དག་གིས་དེ་ལ་སུན་འབྱིན་པར་མཐོང་ནས། དེས་སྨྲས་པ། འདི་སྔོན་ནི་དགེ་སློང་མ་ཡིན་ན་ད་དུང་ཡང་དགེ་སློང་མ་ཡིན་ནམ་ཞེས་སྨྲས་ནས། དེ་ལྟར་གྱུར་པ་ དགེ་སློང་རྣམས་ལ་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཅི་ཁྱོད་ཀྱིས་དགའ་བར་ཚོར་རམ། བཙུན་པ་འགྲེས་ལྡོགས་སུག་པ་གཡབས་བདག་ལ་མ་འཛིན་ཅིག་ཅེས་སྨྲས་ན་དགའ་བ་ལྟ་ག་ལ་ཚོར། བཅོམ་ལྡན་འདས་ཀྱིས་བཀའ་སྩལ་པ།

དགེ་སློང་དག་བུད་མེད་ཀྱི་མོ་མཚན་གྱི་ཕྱོགས་ནི་ལས་རྣམ་པར་སྨིན་པ་ལས་སྐྱེས་ཏེ་འགྲེ་བ་ནི་ནན་གྱིས་བཟུང་བ་ཞེས་བྱ་བ་ནས། བདག་ལ་མ་འཛིན་ཅིག་ཅེས་སྨྲ་བ་ནི་ནན་གྱིས་བཟུང་བ་ཞེས་བྱ་བའི་བར་དུ་རྒྱས་པར་ཏེ། ནན་གྱིས་བཟུང་བ་ལ་ནི་ཉེས་པ་མེད་དོ། ། ། ། མདོར་ན། ནོར་ཅན་དགོན་པ་འདུ་ཤེས་དང་། ། བསོད་སྙོམས་བཅུ་དང་རྐུན་པོ་བཅུ། ། གཞན་ཡང་ཤོ་གམ་གནས་ཀྱི་བཅུ། ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་བཞུགས་སོ། ། སྔོན་གྱི་རྫ་པ་དགེ་སློང་ནོར་ཅན་བསླབ་པའི་གནས་མ་བཅས་པས་ ལས་དང་པོ་པ་ལ་ནི་ཉེས་པ་མེད་དེ། བདག་གིས་ནི་ཤིང་མང་ཞིག་མ་བྱིན་པར་བླངས་ཏེ་འོངས་ན་གང་ལ་བདག་ལས་དང་པོ་པར་འགྱུར་ཞེས་སེམས་ལ་གདུང་ཞིང་འགྱོད་དེ་འགྱོད་པར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བསླབ་ པའི་གནས་མ་བཅས་པས་སྔོན་གྱི་རྫ་པ་དགེ་སློང་ནོར་ཅན་ནི་ཀུན་ལས་ཀྱང་འདས་ཏེ་ཐམས་ཅད་དུ་ལས་དང་པོ་པ་ཡིན་པས་ལས་དང་པོ་པ་ལ་ནི་ཉེས་པ་མེད་དོ། ། དགེ་སློང་ཞིག་དགོན་པ་བདག་པོ་མེད་པའི་ཡོ་བྱད་ལ་བདག་པོ་ཡོད་པར་འདུ་ཤེས་ནས་མ་བྱིན་པར་བླངས་ པ་དང་། དགེ་སློང་དེ་འགྱོད་པ་སྐྱེས་ནས།

བཅོམ་ལྡན་འདས་ཀྱིས་བཀའ་སྩལ་པ། བདག་པོ་ཡོད་པ་ལ་བདག་པོ་ཡོད་པར་འདུ་ཤེས་ན་ཕས་ཕམ་པར་འགྱུར་རོ། ། བདག་པོ་ཡོད་པ་ལ་ཐེ་ཚོམ་དུ་གྱུར་ན་ཕས་ཕམ་པར་འགྱུར་རོ། ། བདག་པོ་མེད་པ་ལ་བདག་ པོ་ཡོད་པར་འདུ་ཤེས་ན་ཉེས་པ་སྦོམ་པོར་འགྱུར་རོ། ། བདག་པོ་མེད་པ་ལ་བདག་པོ་མེད་པར་འདུ་ཤེས་ན་ཉེས་པ་མེད་དོ། ། དགེ་སློང་གིས་བསོད་སྙོམས་འབྲས་ཅན་ཞིག་མི་དབང་བར་བླངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ ཉེས་པ་མེད་དེ། ཉེས་པ་སྦོམ་པོར་འགྱུར་རོ། ། བསོད་སྙོམས་འབྲས་ཅན་ལ་ཇི་ལྟ་བ་བཞིན་དུ་བསོད་སྙོམས་ཕྱེ་དང་། ཕྱ་ཚལ་བཙོས་པའི་བསོད་སྙོམས་དང་། བསོད་སྙོམས་ཤ་དང་། བསོད་སྙོམས་བག་ཆོས་རྣམས་ཐམས་ཅད་ཀྱང་དེ་བཞིན་དུ་ཉེས་པ་སྦོམ་པོར་ འགྱུར་རོ། ། དགེ་སློང་ཞིག་མགྲོན་དུ་མ་བོས་པར་ཟན་ཟོས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་བྱས་སུ་འགྱུར་རོ། ། ལྗོངས་ཀོ་ས་ལར་དགེ་འདུན་གྱི་བཤོས་འགོད་པ་ན་ དགེ་སློང་གཞི་བ་ཞིག་གྲོང་གཞན་དུ་སོང་བ་དང་། དེ་དང་ལྷན་ཅིག་སྤྱོད་པ་གཉིས་ཤིག་ཡོད་དེ། དེ་གཉིས་ཀས་མཁན་པོའི་ཟན་སོ་སོར་མནོས་པ་དང་།

དེ་གཉིས་འདི་སྙམ་དུ་ཁྱོད་ཀྱིས་ཀྱང་མནོས། ཁོ་བོས་ཀྱང་མནོས་ན། གང་གང་གིས་མི་དབང་བར་བླངས་ མི་ཤེས་ཏེ་ཕས་ཕམ་པའི་ཉེས་པར་མ་གྱུར་གྲང་སྙམ་དུ་བསམས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བླངས་པ་ལ་ཉེས་པ་མེད་དེ། གཞན་ཞེས་བྱ་བར་བྱོས་ཤིག་ལྗོངས་ཀོ་ས་ལར་དགེ་འདུན་གྱི་བཤོས་འགོད་པ་ན་དགེ་སློང་གཞི་ བ་ཞིག་གྲོང་གཞན་དུ་སོང་ནས་དགེ་སློང་དེའི་མཛའ་བོ་དེས་དེའི་ཟན་མནོས་པ་དང་། དེ་འོངས་ནས་སྨྲས་པ། ཚེ་དང་ལྡན་པ་ཁྱོད་ཀྱིས་ཁོ་བོའི་ཟན་མནོས་སམ་སྨྲས་པ། མནོས་སོ། ། དགེ་སློང་དེས་ངས་མ་བཅོལ་བར་ཁྱོད་ཀྱིས་ཅིའི་ཕྱིར་མནོས་ཞེས་སྨྲས་པ་དང་། དགེ་སློང་དེ་ འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། མ་བཅོལ་པར་ནི་མ་ནོད་ཅིག ། ལྗོངས་ཀོ་ས་ལར་དགེ་འདུན་གྱི་བཤོས་འགོད་པ་ན་དགེ་སློང་ནད་པ་ཞིག་ཡོད་དེ་དེའི་ནད་གཡོག་གིས་ཟན་མནོས་ཏེ། དེས་མནོས་ནས་སོང་བ་དང་། དགེ་སློང་ དེ་ཡང་དུས་ལས་འདས་ནས་དེས་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་སྔར་དུས་ལས་འདས་ལ་ཕྱིས་མནོས་ན་ནི་དེ་ཉིད་དུ་སླར་ཕུལ་ཅིག །

འོན་ཏེ་སྔར་མནོས་ལ་ཕྱིས་དུས་ལས་འདས་ན་ཡོ་བྱད་གཞན་ཇི་ལྟ་བ་དེ་ལྟར་བྱོས་ཤིག ། དགེ་སློང་ཞིག་གིས་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་ཚུར་ཤོག ། རྐུན་པོ་ལ་འདོང་ངོ་ཞེས་སྨྲས་ནས་དེ་གཉིས་དོང་སྟེ་ལམ་གྱི་ཕྱེད་དུ་ཕྱིན་པ་དང་། བདག་ཅག་ནི་དགེ་བར་གསུངས་པའི་ཆོས་འདུལ་བ་ལ་རབ་ཏུ་བྱུང་བས་རྐུན་པོ་བྱས་ན་ནི་བདག་ཅག་གཉིས་མི་མཛེས་ ཤིང་མི་རིགས་སོ་སྙམ་སྟེ་ངོ་ཚ་བའི་ཆོས་དང་ལྡན་པར་གྱུར་ནས་དེ་གཉིས་དེར་མ་དོང་བ་དང་། དེ་གཉིས་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་བྱས་སུ་འགྱུར་རོ། ། དགེ་སློང་ཞིག་གིས་དགེ་སློང་དག་གཅིག་ལ་ཚེ་དང་ལྡན་ པ་དག་ཚུར་ཤོག ། རྐུན་པོ་ལ་འདོང་ངོ་ཞེས་དེ་སྐད་སྨྲས་པ་དང་། དེ་དག་དོང་ནས་ལམ་གྱི་ཕྱེད་དུ་ཕྱིན་པ་དང་། བདག་ཅག་ནི་མི་མཛེས་སོ་སྙམ་ནས་ངོ་ཚ་བའི་ཆོས་དང་ལྡན་པར་གྱུར་ཏེ་དེ་དེར་མ་དོང་བ་དང་། དགེ་སློང་དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ ཕམ་པའི་ཉེས་པ་མེད་དེ། ཉེས་བྱས་སུ་འགྱུར་རོ། །

དེ་དག་བཞིན་དུ་བྱས་པ་ལས་གཅིག་ནི་ངོ་ཚ་བའི་ཆོས་དང་ལྡན་ནས་དེ་འདི་སྙམ་དུ་དེ་སྟེ་མ་སོང་ན་ནི་དེ་དག་གིས་བདག་འཚོ་བ་དང་ཕྲལ་བར་འགྱུར་གྱིས་བདག་སོང་ལ་བདག་གིས་མ་བྱིན་པར་མི་བླང་ཞིང་བདག་གི་སྐལ་བ་མི་ བཀུར་རོ་སྙམ་དུ་བསམས་ནས་དེས་དེར་མ་བྱིན་པར་ཡང་མ་བླངས་སྐལ་བ་ཡང་མ་ཁྱེར་བ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་བྱས་སུ་འགྱུར་རོ། ། དགེ་སློང་དག་གིས་དགེ་སློང་དག་ལ་ཚེ་དང་ལྡན་ པ་དག་ཚུར་ཤོག་རྐུན་པོ་ལ་འདོང་ངོ་ཞེས་སྨྲས་ནས་དེ་དག་དེར་དོང་བ་དང་། དེ་དག་ལས་ཕྱེད་ནི་ལས་བྱེད་ཕྱེད་ནི་ལམ་སྲུང་ངོ་། ། དེ་དག་ལས་ལམ་སྲུང་བ་གང་ཡིན་པ་དེ་དག་འདི་སྙམ་དུ་བདག་ཅག་གིས་ནི་མ་བླངས་ཤིང་མ་བརྐུས་པས་ཉེས་པར་མི་འགྱུར་རོ་སྙམ་དུ་བསམས་པ་དང་། དེ་ ལྟར་གྱུར་པ་དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་དངོས་པོ་ཚང་ན་ཕས་ཕམ་པར་འགྱུར་རོ། ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །

དགེ་སློང་ཞིག་གིས་དགེ་སློང་ཞིག་ལ་ཚེ་དང་ལྡན་པ་ཚུར་ཤོག་རྐུན་པོ་ ལ་འདོང་ངོ་ཞེས་སྨྲས་ནས་དེ་དག་གིས་མ་བྱིན་པར་བླངས་པ་དང་གཞན་དུ་ནི་དངོས་པོ་མ་ཚང་གི་དེ་གཉིས་ཀྱིས་གང་ནས་བླངས་པ་དེ་ཉིད་དུ་དངོས་པོ་ཚང་ནས་དགེ་སློང་དེ་གཉིས་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། གནས་གང་ནས་བསྐྱོད་པ་དེའི་རིན་ཐང་ བརྩི་བར་བྱའོ། ། དགེ་སློང་ཞིག་གིས་དགེ་སློང་དག་ཅིག་ལ་ཚེ་དང་ལྡན་པ་དག་ཚུར་ཤོག་རྐུན་པོ་ལ་འདོང་ངོ་། ། གང་གིས་ཅི་ཐོབ་པ་དེ་དེ་ཉིད་དབང་ངོ་ཞེས་སྨྲས་ནས་དེ་དག་དེར་དོང་བ་དང་། དེ་དག་ལས་ཁ་ཅིག་གིས་ནི་ཐོབ། ཁ་ཅིག་གིས་མ་ཐོབ། དེ་དག་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། ། དགེ་སློང་དེ་དག་ལ་རྐུན་པོས་ཀྱང་བྱིན་ཐུན་མོང་བ་དང་སྲུང་བ་དག་གིས་ཀྱང་བྱིན་ན་དེ་དག་འགྱོད་པ་སྐྱེས་ནས་མ་བླངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྗེས་སུ་ གནང་བ་ནི་སྦྱིན་པར་བྱེད་པ་ལ་སྦྱིན་བདག་ཏུ་སེམས་ཉེ་བར་ཞོག་སྟེ་ལོང་ཤིག ། དགེ་སློང་ཞིག་གི་ལྷན་ཅིག་སྤྱོད་པ་དེ་རྐུན་པོས་ཁྲིད་པ་དང་།

དེ་དེ་ནས་བྲོས་ཏེ་འོངས་ནས་དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་ སློང་བདག་ཉིད་ཀྱིས་བདག་བརྐུ་བར་རུང་གིས་ཉེས་པ་མེད་དོ། ། དགེ་སློང་ཞིག་ལ་ཤོ་གམ་གཅད་པའི་རྫས་ཤིག་ལག་ན་ཡོད་ན་དེ་སྟེ་ཤོ་གམ་གྱི་གནས་ལས་འདས་ན་ནི་ཕས་ཕམ་པར་འགྱུར་རོ། ། དེས་འདི་སྙམ་དུ་འདི་ནི་བདག་གི་མའིའོ། ། འདི་ནི་བདག་གི་ཕའིའོ། ། འདི་ནི་བདག་གི་ བུའིའོ། ། འདི་ནི་བདག་གི་སྲིང་མོ་དང་། མཁན་པོ་དང་། སློབ་དཔོན་དང་། མཆོད་རྟེན་དང་། དགེ་འདུན་རྣམས་ཀྱིའོ་སྙམ་དུ་བསམས་ནས་མང་པོ་ལ་བསྔོས་ཏེ་འདས་ན་ཉེས་པ་སྦོམ་པོར་འགྱུར་རོ། ། ནམ་མཁའ་ལས་འདས་ན་ནི་ཉེས་པ་མེད་དོ། ། ། ། མདོར་ན། ཁྲིའུ་དང་གླེགས་ བམ་སེང་རས་དང་། ། ཆང་དང་ཤ་དང་གོས་དང་ནང་། ། ཕྱག་དར་ཁྲོད་དང་དུར་ཁྲོད་དང་། ། དུར་ཁྲོད་ཀྱི་ནི་གནས་གཉིས་སོ། ། དགེ་སློང་ཞིག་གིས་ཁྲིའུ་ཞིག་བརྙས་ནས་ཁྱེར་ཏེ་འོངས་ནས་དེས་སླར་མི་སྦྱིན་ནོ་སྙམ་བསམས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། །

དགེ་སློང་ཞིག་གིས་གླེགས་བམ་ཞིག་བརྙས་ནས་ཁྱེར་ཏེ་འོངས་པ་དང་དེ་ཡང་རྒྱས་པར་དེ་བཞིན་ནོ། ། དགེ་སློང་ཞིག་གིས་སེང་རས་ཤིག་མ་བྱིན་པར་བླངས་ཏེ་དེས་དེ་བརྐུས་ནས་བཤིག་པ་དང་། དེའི་ནང་ ནས་དར་རིན་ཐང་ཆེན་པོ་ཞིག་བྱུང་སྟེ་དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། སེང་རས་ཀྱི་རིན་ཐང་བརྩི་བར་བྱའོ། ། རྐུན་པོ་དག་ཅིག་གིས་ཆང་ཞིག་ཁྱེར་ཏེ་དགོན་པ་ལ་དོང་ནས་ཆང་ཁ་ཅིག་ནི་འཐུངས། ཁ་ཅིག་ནི་སྦས་ཏེ་དོང་བ་དང་། དགེ་སློང་དག་ཀྱང་ གནས་དེར་ཉིན་པར་སྤྱོད་པའི་ཕྱིར་དོང་བ་དང་། དེ་དག་གིས་དེ་མཐོང་ནས་དེ་དག་གིས་ཚྭར་འགྱུར་གྱིས་སོང་ལ་གཙུག་ལག་ཁང་དུ་སྐྱོལ་ཅིག་ཅེས་སྨྲས་ནས་དེ་གཙུག་ལག་ཁང་དུ་བསྐྱལ་ཏོ། ། རྐུན་པོ་དག་ཀྱང་སྐོམ་ནས་དེར་སོང་སྟེ་བཙལ་བ་དང་མ་རྙེད་ནས་དེ་དག་གིས་དགེ་སློང་དེ་དག་མཐོང་སྟེ་ དེ་དག་ལ་བཙུན་པ་ཀྱེ་ཁྱེད་ཀྱིས་ཆང་ཞིག་མ་བསྣམས་སམ་ཞེས་དྲིས་པ་དང་། དགེ་སློང་དག་གིས་ཁྱེར་རོ་ཞེས་སྨྲས་པ་དང་། རྐུན་པོས་བཙུན་པ་ཁོ་བོ་ཅག་གི་ཆང་བརྐུས་པས་ན་ཁྱོད་ནི་རྐུན་མའོ་ཞེས་སྨྲས་པ་དང་། དགེ་སློང་དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ།

ཉེས་པ་མེད་དེ། བདག་པོ་ཡོད་དམ་མེད་ཤིན་ཏུ་བརྟགས་ལ་བླང་བར་བྱའོ། ། དེ་ལྟར་ཤའང་དེ་བཞིན་ནོ། ། རྐུན་པོས་གྲོང་བཅོམ་ནས་ར་མདའ་བས་བསྙགས་པ་དང་། གཙུག་ལག་ཁང་དུ་ཕྱིན་ཏེ་དེ་དག་སྐྲག་པས་གཙུག་ལག་ཁང་དུ་སོང་ནས་གོས་ཀྱང་དགེ་སློང་དག་ལ་ཕུལ་ནས་དགོན་ པ་ལ་བྲོས་པ་དང་། ཁྱིམ་བདག་དེ་དག་གིས་གཙུག་ལག་ཁང་དེ་བསྐོར་ནས་དེ་གཙུག་ལག་ཁང་དུ་དོང་བ་དང་། དེ་དག་གིས་དགེ་སློང་དག་གི་ལག་པ་ན་གོས་དེ་དག་འདུག་པར་མཐོང་ནས་དེ་དག་གིས་གོས་འདི་ནི་བདག་གིའོ་ཞེས་སྨྲས་པ་དང་། དགེ་སློང་དག་གིས་ཁོ་བོ་ཅག་ལ་ནི་རྐུན་ པོས་བྱིན་ནོ་ཞེས་སྨྲས་པ་དང་། དགེ་སློང་དེ་དག་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། རྐུན་པོས་བརྐུས་ནས་བརྟན་པའི་ནོར་མ་ལེན་ཅིག ། འོན་ཏེ་རྐུན་པོ་རྒྱལ་མཚན་ཅན་ཞིག་གིས་བྱིན་ན་ནི་དེ་ལས་བླང་བར་བྱོས་ལ་གོས་གྲིས་དྲོས་ལ་ཁ་དོག་ སྒྱུར་ཏེ་ཆོངས་ཤིག ། དེ་ཁ་དོག་བསྒྱུར་ཀྱང་སླར་སློང་ན་དེ་ཡང་བྱིན་ཅིག ། བཙོ་བླག་མཁན་ཞིག་གིས་གོས་ཐལ་ཆུའི་ནང་དུ་བཅུག་པ་དང་། དེས་བརྗེད་དེ་གྲོང་དུ་སོང་ངོ་། །

དེས་ཡང་གོས་དྲན་པར་གྱུར་ནས་དེ་སླར་ལོག་སྟེ་སོང་བ་དང་དགེ་སློང་ཞིག་ཀྱང་ཕྱག་དར་ཁྲོད་ཀྱི་གོས་ཚོལ་ཞིང་ གནས་དེར་ཕྱིན་ནས་དེས་གོས་དེ་མཐོང་སྟེ། དགེ་སློང་དེས་གོས་དེ་བླངས་ནས་སོང་བ་དང་། བཙོ་བླག་མཁན་དེས་མཐོང་ནས་བཙུན་པ་གོས་མ་རྐུ་ཞེས་སྨྲས་པ་དང་། དགེ་སློང་གིས་ཁོ་བོ་ཕྱག་དར་ཁྲོད་ཀྱི་གོས་ཚོལ་བ་ལས་འདི་མཐོང་ན་ཁྱོད་ལ་འདི་ཅིར་དགོས་ཞེས་སྨྲས་པ་དང་། བཙོ་བླག་མཁན་གྱིས་བཙུན་པ་ཁོ་བོས་གོས་འདི་ཐལ་སྐྱོར་བཅུག་པ་ལས་བརྗེད་དེ་འདི་ནི་བདག་གི་གོས་ལགས་ཀྱིས་མ་རྐུ་ཤིག ། ཁྱོད་ཀྱིས་ནི་མ་བྱིན་པར་བླངས་སོ་ཞེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་ མེད་དེ། བདག་པོ་གཞན་ཡོད་དམ་མེད་ཤིན་ཏུ་བརྟགས་ལ་བླང་བར་བྱའོ། ། བཙོ་བླག་མཁན་གྱིས་གོས་བཀྲུས་ཏེ་ཤིང་དྲུང་དུ་འདུག་པ་དང་། ཕྱག་དར་ཁྲོད་པ་ཞིག་ཕྱག་དར་ཁྲོད་པའི་གོས་ཚོལ་ཞིང་གནས་དེར་ཕྱིན་ཏེ་དེས་གོས་དེ་མཐོང་ནས་ གོས་བླངས་ཏེ་སོང་བ་དང་། བཙོ་བླག་མཁན་དེ་མཐོང་ནས་བཙུན་པ་འདི་ནི་བདག་གི་གོས་ལགས་ཀྱིས་མ་རྐུ་ཤིག་ཅེས་སྨྲས་པ་དང་། དེ་སྟེ་ཁྱོད་ཀྱི་ཡིན་ན་སླར་ཁྱེར་ཅིག །

དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་བརྟགས་པར་ བྱ་བ་རྒྱས་པར་རོ། ། ཁྱིམ་བདག་ཅིག་གིས་གོས་བཞག་སྟེ་བཤང་བ་བྱེད་པ་དང་། ཕྱག་དར་ཁྲོད་པ་ཞིག་ཕྱག་དར་ཁྲོད་པའི་གོས་ཚོལ་ཞིང་གནས་དེར་ཕྱིན་པ་དེས་གོས་དེ་མཐོང་ནས་དེས་ཁྱེར་ཏེ་སོང་བ་དང་། ཁྱིམ་བདག་དེ་ལངས་ཏེ་བཙུན་པ་འདི་ནི་བདག་གི་བགོ་བ་ལགས་ཀྱིས་ མ་རྐུ་ཤིག་ཅེས་སྨྲས་པ་དང་། དེ་སྟེ་ཁྱོད་ཀྱི་ཡིན་ན་སླར་ཁྱེར་ཅིག ། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་རྟོགས་ལ་ཁྱེར་ཅིག ། ཛེ་ཏའི་ཚལ་ནས་ཤིན་ཏུ་མི་རིང་བ་ཞིག་ན་ཞིང་རྨོད་པའི་ལས་བྱེད་པ་ཞིག་གོས་རྣམས་བཞག་སྟེ་ ཞིང་རྨོད་པ་དང་། དགེ་སློང་ཕྱག་དར་ཁྲོད་པ་ཞིག་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་ཕྱིན་ཏེ་དེས་གོས་དེ་མཐོང་ནས་དེས་གོས་དེ་ཁྱེར་ཏེ་སོང་བ་དང་། ཞིང་རྨོད་པའི་ལས་བྱེད་པ་དེས་མཐོང་ནས། བཙུན་པ་གོས་མ་རྐུ་ཤིག་ཅེས་སྨྲས་པ་དང་། དེས་དེ་ལ་མ་མཉན་པ་དང་། དེས་ཀྱང་བརྒྱུགས་ ཏེ་བཟུང་ནས་བཙུན་པ་རིགས་སམ་གོས་དེ་མ་བྱིན་པར་མ་བླང་ཤིག ། འདི་ནི་ཁོ་བོ་ཕྱག་དར་ཁྲོད་ཀྱི་གོས་ཚོལ་བ་ན་མཐོང་སྟེ།

ཁྱོད་ལ་འདི་ཅིར་དགོས། བཙུན་པ་གོས་འདི་བཞག་ནས་བདག་ཞིང་རྨོད་རྨོད་དེ་གོས་འདི་ནི་བདག་གིའོ་ཞེས་སྨྲས་ནས། དེ་སྟེ་ཁྱོད་ཀྱི་ན་སླར་ཁྱེར་ཅིག ། དགེ་སློང་དེ་ འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་རྟོགས་པ་གྱིས་ཏེ་ལོང་ཤིག ། ཁྱིམ་བདག་ཞིག་གིས་དགེ་སྦྱོང་ཤཱཀྱའི་བུ་རྣམས་ནི་ལྷུང་བའི་གོས་དེ་རྣམས་ཕྱག་དར་ཁྲོད་ཀྱི་གོས་སོ་ཞེས་ནས་ཁྱེར་རོ་ཞེས་ཐོས་པ་དང་། དེས་རས་རིན་ཆེ་བ་ཞིག་ལ་ཀཱཪྵཱ་ པ་ཎ་བརྒྱད་ཕུར་པ་ཕུར་ཏེ་ཕྱག་དར་སྤུངས་པའི་ཁྲོད་དུ་བརྐོས་ནས་སྦས་ཏེ་ཁ་ཚར་ཙམ་ཞིག་སྣང་བར་བྱས་ཏེ་སོང་བ་དང་། དགེ་སློང་ཞིག་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་ཕྱིན་ཏེ་དེས་ཁ་ཚར་མཐོང་ནས་དེས་དེ་ནས་དྲངས་ཏེ་ཁྱེར་བ་དང་། ཁྱིམ་བདག་དེས་མཐོང་ནས། བཙུན་པ་རས་མ་རྐུ་ཤིག་ཅེས་སྨྲས་པ་དང་། དགེ་སློང་གིས་ངས་འདི་ནི་ཕྱག་དར་ཁྲོད་ཀྱི་གོས་ཚོལ་བ་ལས་རྙེད་ན་དེ་ཁྱེད་ལ་ཅིར་དགོས་ཞེས་སྨྲས་པ་དང་། བཙུན་པ་བདག་གིས་ནི་དགེ་སྦྱོང་ཤཱཀྱའི་བུ་རྣམས་ཀྱིས་ལྷུང་བའི་གོས་གང་རྙེད་པ་དེ་ཕྱག་དར་ཁྲོད་པའོ་ཞེས་ཏེ་ཁྱེར་རོ། །

ཞེས་ཐོས་ནས་བདག་གིས་རས་ལ་ཀཱཪྵཱ་པ་ཎ་བརྒྱད་ཕུར་པས་ཕུར་ཏེ་ཕྱག་དར་སྤུངས་པར་སྦས་པས་སོ། ། དགེ་སློང་དེས་ཀཱརྵཱ་པ་ཎ་བརྒྱད་པོ་དེ་མཐོང་ནས། དེ་སྟེ་ཁྱོད་ཀྱི་ཡིན་ན་ཁྱེར་ཅིག་ཅེས་སྨྲས་ནས། དགེ་སློང་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་ བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་བཀུར་བར་བྱའོ། ། ཁྱིམ་བདག་གི་ཁྱེའུ་ཞིག་གིས་སྲང་དུ་གོས་བཞག་སྟེ་རྩེད་མོ་རྩེའོ། ། དེ་རྩེས་ནས་ཁྱིམ་དུ་སོང་བ་དང་། དགེ་སློང་ཞིག་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་འོངས་པ་དང་ དེས་གོས་དེ་མཐོང་ནས་དེས་དེ་བླངས་ཏེ་སོང་བ་དང་། བུད་མེད་ཅིག་ཀྱང་ཁྱིམ་དེ་ནས་བྱུང་སྟེ། དེས་ཀྱང་དགེ་སློང་དེ་མཐོང་ནས་བཙུན་པ་གོས་མ་རྐུ་ཤིག་ཅེས་སྨྲས་པ་དང་། འདི་ནི་ཁོ་བོས་ཕྱག་དར་ཁྲོད་ཀྱི་གོས་ཚོལ་ན་རྙེད་དོ། ། བཙུན་པ་ཁོ་མོའི་ཁྱེའུ་རྩེ་བ་ན་གོས་ བརྗེད་དེ་ཁྱིམ་དུ་མཆིས་སོ། ། ཞེས་སྨྲས་པ་དང་། དེ་སྟེ་ཁྱོད་ཀྱི་ཡིན་ན་ཁྱེར་ཅིག ། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་བླང་བར་བྱོས་ཤིག །

དགེ་སློང་ཞིག་གིས་ཕྱག་དར་ཁྲོད་པའི་གོས་ སྦས་ཏེ་མཉན་དུ་ཡོད་པར་བསོད་སྙོམས་ལ་ཞུགས་པ་དང་། དགེ་སློང་གཞན་ཞིག་ཀྱང་ཕྱག་དར་ཁྲོད་ཀྱི་གོས་ཚོལ་ཞིང་གནས་དེར་ཕྱིན་ནས། དེས་དེ་མཐོང་སྟེ་བཀྲུས་པ་དང་། དགེ་སློང་དེས་ཀྱང་ཕྱག་དར་ཁྲོད་ཀྱི་གོས་བཙལ་ན་མ་རྙེད་ནས་དེས་དགེ་སློང་དེ་འཁྲུ་བ་མཐོང་ ནས། དེས་ཚེ་དང་ལྡན་པ་ཁྱོད་ལ་ནི་ཕས་ཕམ་པའི་ཉེས་པ་བྱུང་ངོ་། ། ཞེས་སྨྲས་པ་དང་། ཅིའི་ཕྱིར། ཁོ་བོའི་ཕྱག་དར་ཁྲོད་ཀྱི་གོས་འདི་མ་བྱིན་པར་བླངས་པའི་ཕྱིར་རོ། ། འདི་ལ་ནི་བདག་པོ་ཡོད་པར་ཁོ་བོས་མ་ཤེས་སོ། ། ཞེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤིན་ཏུ་བརྟགས་ལ་བླང་བར་གྱིས་ཤིག ། དགེ་སློང་དེ་དག་གིས་མི་གཙང་བས་རེག་པའི་ཕྱག་དར་ཁྲོད་ཀྱི་གོས་བཅངས་པ་དང་། ལྷ་ཕྲན་རྣམས་འཕྱ་ ནས། བཅོམ་ལྡན་འདས་ཀྱིས་བཀའ་སྩལ་པ། ཕྱག་དར་ཁྲོད་ཀྱི་གོས་ནི་བཀྲུས་ཏེ་ལེགས་པར་བཙེམས་ལ་བཅང་བར་བྱ་བས་ན་དགེ་སློང་དགེ་སློང་དག་གིས་མི་གཙང་བས་རེག་པའི་ཕྱག་དར་ཁྲོད་ཀྱི་གོས་མ་འཆང་ཤིག ། འཆང་བ་གང་ཡིན་པ་དེ་ནི་ཉེས་བྱས་སུ་འགྱུར་རོ། །

དགེ་སློང་དེ་དག་གིས་བདག་པོ་ཡོད་པའི་དུར་ཁྲོད་ནས་གོས་བླངས་པ་དང་། རིགས་ངན་རྣམས་ཀྱིས་གང་ཅུང་ཟད་བདག་ཅག་གིས་ལས་སུ་བྱས་པ་ཐམས་ཅད་འདི་དག་གི་ཕྱིར་བྱེད་ན་འདི་ནས་གོས་མ་རྐུ་ཤིག་ཅེས་དེ་སྐད་མི་སྙན་པར་སྨྲ་བ་དང་། བཅོམ་ལྡན་འདས་ཀྱིས་བཀའ་ སྩལ་པ། བདག་པོ་དང་བཅས་པའི་དུར་ཁྲོད་ནས་གོས་མ་ལེན་ཅིག ། བླངས་ན་ཉེས་པ་སྦོམ་པོར་འགྱུར་རོ། ། དུར་ཁྲོད་ནས་ཤིན་ཏུ་མི་རིང་བ་ཞིག་ན་ལོག་པའི་ལྷ་ཁང་ཞིག་ཡོད་དེ། དེ་ནས་རས་ཞིག་རླུང་གིས་ཁྱེར་ནས་དུར་ཁྲོད་དུ་ལྷུང་བ་དང་དགེ་སློང་ཞིག་ཕྱག་དར་ཁྲོད་ཀྱི་ གོས་ཚོལ་ཞིང་དུར་ཁྲོད་དུ་འོངས་པ་དེས་རས་དེ་རྙེད་ནས་དེ་བླངས་ཏེ་ཁྱེར་བ་དང་། ལོག་པའི་ལྷ་ཁང་ན་གནས་པ་དེ་དག་གིས་མཐོང་ནས། བཙུན་པ་བདག་ཅག་གིས་རས་འདི་ལོག་པའི་ལྷ་ཁང་ནས་དུར་ཁྲོད་དུ་ལྷུང་བ་ཡིན་གྱིས་རས་འདི་མ་རྐུ་ཤིག་ཅེས་སྨྲས་པ་དང་། དེ་སྟེ་ ཁྱོད་ཀྱི་ཡིན་ན་སླར་ཁྱེར་ཅིག ། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། བདག་པོ་གཞན་ཡོད་དམ་མེད་པ་ཤིན་ཏུ་རྟོགས་ལ་ལོང་ཤིག། ། །